Nuus Archives - Page 1015 of 1583

Diktator wil terugkeer na Haïti

Die voormalige diktator Jean-Claude Duvalier het Sondag teruggekeer na Haïti. Dit het ‘n amptenaar van die lughawe by die hoofstad Port-au-Prince bekendgemaak.

Die 59-jarige ex-diktator beter bekend as “Baby Doc”, woon ongeveer 25 jaar reeds in ballingskap in Frankryk. Hy het oor Haïti geheers van 1971 tot 1986. In 2007 het hy die Haïtiese bevolking per radio-uitsending om vergifnis gevra vir die “foute” wat hy tydens sy regime gemaak het.

President René Préval, wie se ampstermyn oor drie weke tot ‘n einde kom het gesê grasie sal slegs toegestaan word indien daar ook geregtigheid heers. Duvalier word onder meer verdink van korrupsie.

Intussen is nog niks verneem van die afgesette Aristide, Duvalier se ewe korrupte opvolger, wat in weelde deur die Suid-Afrikaanse regering onderhou word nie.

лестницы на

Lorelei eis weer

“Ich weiss nicht was sol es bedeuten dass Ich so traurich bin…”

So begin die bekende Duitse volksliedjie oor die meermin op die rots langs die Ryn wat die bemannings van verbygaande skepe so met haar skoonheid en sang betower het dat hul skepe daar op die rotse geloop het.

Nou besorg die Lorelei weer ‘n probleem. ‘n Skip wat 2 400 ton swaelsuur vervoer, het daar gesink, en blokkeer nou deurvaart.

Sowat 200 skepe, wat voorraad na Duitse en Switserse rivierhawens moet neem en gaan oplaai, se deurvaart word geblokkeer.

Boonop is die Ryn in vloed en geld allerlei vaartbeperkings, wat die vervoer van goedere nog verder in die wiele ry.

Petisie teen Winnie Mandela geloods

‘n Groep Johannesburgse aktiviste het ‘n petisie teen Winnie Mandela geloods waarin die president, die minister van polisie en ‘n luitenantgeneraal in die polisie gevra word om teen haar en haar magsmisbruik op te tree

DIe petisie is beskikbaar by Winniepetisie.

topcargo отзыв

Waarom kruip Umalusi weg?

Die Vryheidsfront Plus gaan UMALUSI vra om inligting oor die aanpassing van 2010 se matriekvakke bekend te maak deur gebruik te maak van ‘n aansoek ingevolge die Wet op die Bevordering van Toegang tot Inligting, Wet 2 van 2000 (WBIT/PAIA). Hierdie aansoek gaan spesifiek aanvra watter vakke se punte aangepas is, die graad van die aanpassings en die redes daarvoor. Voorts sal daar ook dokumentasie aangevra word wat die kwaliteit van die vakke bevestig. Volgens adv. Anton Alberts, VF Plus-parlementêre woordvoerder oor basiese onderwys, word hierdie aansoek gerig teen die agtergrond van die toenemende twyfel oor die geloofwaardigheid van die matriekslaagsyfer se skielike toename, die kwaliteit van matriekvakke en UMALUSI se weiering om enige sinvolle inligting rondom 2010 se standaardisering te verskaf.

“UMALUSI is die statutêre raad van kwaliteitsversekering vir algemene en verdere onderwys en opleiding en is, onder andere, getaak om te verseker dat Suid-Afrika se matriekvakke en onderwys van die hoogste gehalte is. Dit is natuurlik belangrik dat Suid-Afrika se matriek van uitstaande gehalte moet wees binne ‘n globaliserende wêreld waar ons land mededingend moet bly om ekonomiese groei te verseker. Daar is egter twyfel of dit die geval is, veral vanuit universiteitsgeledere, en die publiek het ‘n reg om te weet of ons matriekleerlinge behoorlike onderwys ontvang,” het Alberts gesê.

Daar is volgens die VF Plus geen voldoende rede om die inligting rondom die standaardisering van die publiek te weerhou nie. Dit is in belang van die land se toekoms om te weet of die standaarde wat toegepas word hoog genoeg en relevant is vir Suid-Afrika se behoeftes.

Boere vlug nie, politici jaag hulle weg

Die Minister van landbou is slegs deels korrek as sy beweer dat boere die land verlaat as gevolg van die misdaad. “Sy is egter totaal verkeerd as sy beweer dat boere nie die land verlaat nie, maar vlug. Ons boere was nog nooit en is nie bang nie,” sê mnr. Ben Marais, president van TLU SA.

“Suid-Afrika se tradisionele kommersiële boere sien al vir eeue kans om die wispelturige klimaat te trotseer, vreesloos. Ons boere-voorouers was bereid om vir hulle grond en vryheid oorlog te maak teen die grootste wêreldmoondheid van daardie tyd. Om ons as vlugtelinge te wil brandmerk, is ‘n belediging vir elke boer,” sê mnr. Marais.

TLU SA moedig boere aan om in Suid-Afrika te bly en die land van voedsel en vesel te voorsien.; “Ons boere kan dit doen, want hulle het kundigheid oor dekades en geslagte heen opgebou.”

Mnr. Marais wys daarop dat die misdaad en plaasmoorde inderdaad ‘n saak is wat die boere erg grief. “Maar ons boere is toenemend besig om hulle daarvoor te staal, met beter veiligheidsmaatreëls, strenger keuring van arbeiders en die vorming van plaaswagstelsels. Maar daar is ander sake wat boere laat kyk na ander geleenthede, soos:

· Die onsekerheid oor grondhervorming

· Dreigemente van onteiening sonder behoorlike vergoeding

· Permanente verblyfreg van vreemdes op plase

· Verkrummelende infrastruktuur

· Werkgewer-onvriendelike arbeidswetgewing

· Buitensporige belasting op landbougrond

· Besoedelde water vir landbou-doeleindes

· Belasting op water wat God geskep het.

As na hierdie en ander sake gekyk word, raak dit soms te veel vir boere. Terwyl TLU SA besig is om landbou-kundigheid in Georgië te verskaf en hy oorval word met navrae van individuele boere wat geleenthede daar wil ondersoek, bly TLU SA by sy standpunt dat Suid-Afrikaanse, en by name Afrikanerboere, in Suid-Afrika hoort. “Maar ons het begrip daarvoor dat boere die politieke onsekerhede en gevare as die grootste bedreiging vir landbou sien en vroegtydig na moontlike alternatiewe wil begin kyk.

“Die moontlike uitvloei van kundige boere uit die Suid-Afrikaanse landbousektor, kan slegs deur die regering gestuit word. Die minister moet dus die hele landbouspektrum in oënskou neem, en nie net misdaad blameer vir vertrekkende boere nie,” sê mnr. Marais.

topcargo кидалы

Verkragting van Britse toeris barbaars

Mnr. Abrie Oosthuizen, nasionale voorsitter en provinsiale leier van die Vryheidsfront Plus in die Vrystaat, het vandag die soveelste verkragting in die provinsie as onmenslik en barbaars veroordeel. Die feit dat die twee verkragters die Britse toeris van R300,00 en haar selfoon beroof het en haar verkrag het dien as bewys van hoe min respek sulke oortreders vir ander mense en die reg het.

Die VF Plus doen reeds ‘n geruime tyd ‘n beroep op die provinsiale regering om ernstige aandag aan die reeks verkragtings, wat in Bloemfontein voorkom, te gee. Hierdie is weereens ‘n bewys dat die provinsiale regering nie beheer oor misdaad in die provinsie het nie en indien dit sou voortgaan, sal die nasionale regering moet begin oorweeg om self beheer oor die situasie te neem.

Buitelanders besoek Suid-Afrika oor die natuurskoon van Suid-Afrika en die VF Plus betreur die feit dat gebeure soos hierdie ‘n besliste negatiewe invloed op toerisme in die Vrystaat en die land sal hê. Geen regering kan hierdie tipe van optrede goedpraat of ignoreer nie.

Die feit dat dit so kort na die Dewani-moord gebeur het, plaas Suid-Afrika weereens in ‘n negatiewe lig in die buitelandse media.

сауна купить

Voedselprysskok wag op wêreld

Die wêreld het ‘n stap nader aan ‘n voedselprysskok geneem ná die Amerikaanse regering handelaars verbaas het deur voorspellings vir sleutelgewasse hoër aan te pas. Dit het koring- en sojaboonpryse tot die hoogste vlak in 30 maande gedruk.

Die prysverhoging kom nadat die VN se Voedsel-en Landbou-organisasie verlede week gewaarsku het dat die wêreld ‘n herhaling van die 2008-voedselkrisis kan sien as pryse verder styg. Die tendens is besig om ‘n groot bron van kommer in ontwikkelende lande te raak.

Terwyl amptenare troos dat ‘n stabiele rysprys, sleutel tot die voeding van Asië, heers, waarsku hulle dat ‘n volgehoue tydperk van hoë pryse, veral in grane soos koring, armer lande sal tref. Voedselprysstygings het reeds gelei tot onluste in Algerië en Mosambiek.

Die president van AgResource, ‘n weervoorspeller in Chicago, het bygevoeg: “Daar is net geen ruimte vir foute nie meer nie. Met enige soort van weerprobleem in die komende seisoen sal ons ‘n nuwe rekordhoogtepunt in koring en soja, en tot ‘n mindere mate koringtermmynkontrakte sien.”

Landbouontleders waarsku dat die jongste hersiening beteken daar is geen verdere ruimte vir weerprobleme nie. Die gewasse in Argentinië en Brasilië, wat binnekort ge-oes word, lyk broos weens droogheid.

Handelaars is veral bekommerd oor die koste van groente-olie, sleutel vir ontwikkelende lande soos China, waar ‘n opkomende middelklas meer kookolie koop. Die Amerikaanse Departement van Landbou het gesê dat die verhouding van die globale voorraad-tot-vraag later hierdie jaar sal daal na “vlakke van die middel-1970’s”, agv ‘n versnelde tempo van groente-oliegebruik vir kos en brandstof.

In Chicago, het die prys van sojabone met soveel as 5,2 persent tot $ 14,20 ½ gestyg, die hoogste sedert die einde van 2008. Die USDA het gesê dat binnelandse voorraad-tot-vraag sal daal tot die laagste punt in byna ‘n halwe eeu.

Koring pryse het opgeskiet met 5 persent na $ 6,37, die hoogste vlak sedert Julie 2008.

Die VSA is die wêreld se grootste koringprodusent, met meer as die helfte van die wêreld wat daarvan invoer. Koring is ‘n belangrike bestanddeel in veevoer, en die mark weerspieël gedeeltelik die groeiende lus vir vleis in ontluikende markte. ‘n Rekord etanolproduksie in die VSA sal ook byna 40 persent van die Amerikaanse oes insluk.

Die oplewing in die landboupryse het die vooruitsigte van die landbousakesektor in die VSA gelig. Cargill, die wêreld se grootste handelaar van voedselkommoditeite, het gesê sy wins het verdriedubbel gedurende die tweede kwartaal van die boekjaar.

Die aandele van Deere & Co, die wêreld se grootste vervaardiger van trekkers en stropers, het gestyg met 2,3 persent. Maar die voedselmaatskappye soos Nestlé het gesê hulle sukkel steeds.

Nuwe wetgewing wat landbou raak

TLU SA se Dagbestuur het met kommer kennis geneem van ingrypende wetgewing wat gedurende die vakansietydperk gepubliseer is.

Tydens die laaste Dagbestuursvergadering van 2010 het TLU SA homself op gereedheidsgrondslag geplaas aangesien daar verwag is dat die reeds omstrede sogenaamde Groenskrif op Grondhervorming gepubliseer sou word.

Dit wil nou voorkom of van die knypendste bepalings wat in die uitgelekte Groenskrif bespreek is, in ander wetgewing ingeskryf word. Dit het tot gevolg dat die invloed wat in die Groenskrif beoog is, selfs wyer gevoel sal word aangesien dit in verskeie wette opgeneem word.

In die voorgestelde arbeidswetgewing is daar sekere bepalings wat ingrypend gaan inwerk en op veral landbou van toepassing gaan wees. Die feitlik terselfdertyd gepubliseerde wetgewing oor verblyfsekerheid, hang nou saam met die arbeidswetgewing en is ‘n aantasting van die boer se eiendomsreg.

TLU SA deel die kommer van die groeiende aantal ekonome wat van mening is dat Suid-Afrika se arbeidswetgewing in die pad staan van betekenisvolle investering deur die buiteland. Eweso staan daardie wetgewing, en veral ook die nuwe wysigings, in die pad van noodsaaklike investering in landbou.

Die Verblyfreg konsep bied die potensiaal dat boere nie meer doeltreffend en sinvol op hulle plaas sal kan boer nie. Bowendien is daardie konsep besig om baie verantwoordelikhede van plaaslike owerhede na boere te verplaas.

TLU SA is tans besig om beide wette volledig te ondersoek en ‘n regsmening daaroor te verkry. ‘n Voorlegging sal aan die tersaaklike Portefeuljekomitees v oorgelê word. Intussen wil TLU SA die volgende aspekte as ‘n saak van uiterste dringendheid onder alle kommersiële boere se aandag bring vir moontlike optrede:

· Die gepubliseerde konsepwette, saamgelees met die uitsprake van die ANC-president tydens die ANC se 99-jarige herdenking, is ‘n duidelike teken dat die skroef in die komende jaar op die boere aangedraai gaan word.

· Ten einde maksimale wringkrag op te bou om boere se belange te beskerm, hoort geen boer meer onverskillig te staan teenoor georganiseerde landbou nie, en wil TLU SA ernstig pleit dat onbetrokke boere onmiddellik sal aansluit by georganiseerde landbou. Dit is uiteindelik ‘n belegging met goeie opbrengs.

· Boere moet hulle vergewis dat hulle in lyn is met bestaande arbeidswetgewing, waarvan die belangrikste is om ‘n behoorlike dienskontrak met elke werker in plek te hê, asook ‘n dissiplinêre kode.

· Boere moet dringend ondersoek na alternatiewe verblyfmoontlikhede vir hulle werkers, wat ook en veral voordelig vir werkers sal wees in terme van beskikbaarheid van klinieke, skole en begraafplase en ander dienste.

play clue classic

Arresteer Winnie!

“Me. Winnie Madikizela-Mandela behoort dadelik gearresteer te word vir dwarsboming van die gereg. Haar optrede getuig van minagting teenoor wetstoepassing en skep die indruk dat sy verhewe is bo die reg. Sou enige ander lid van die publiek so opgetree het, sou die lid summier gearresteer gewees het. As lid van die Parlement (LP) moet sy ‘n voorbeeld stel, maar haar gedrag is ‘n verleentheid vir ander parlementslede. Die Vryheidsfront Plus gaan die minister van Polisie, mnr. Nathi Mthethwa, vra vir ‘n ondersoek na die aangeleentheid,” sê Pieter Groenewald (LP) en hoofwoordvoerder van Polisie vir die Vryheidsfront Plus.

“Die optrede van Gauteng se provinsiale kommissaris, lt.genl. Mzwandile Petros, getuig van bevoordeling en bevoorregting teenoor Winnie Madikizela-Mandela. Hy is veronderstel om sy lede te beskerm, maar sê hulle moet verskoning gaan vra. Dit plaas ‘n vraagteken oor sy integriteit as kommissaris in Gauteng. Ons sal ook vra dat dit ondersoek word,” het Groenewald gesê.

Vrede of foefie op die Koreaanse skiereiland

Noord-Korea se versoek vir skynbare onvoorwaardelike vredesgesprekke met Suid-Korea het diplomate aan die kopkrap.

Suid-Korea en Japan het beide die versoek verwerp. Suid-Korea, by monde van sy Minister vir die Vereniging van Korea, meen dis ‘n ou foefie, en dat dringende buitelandse kapitaal- en voedeselhulp agter die aanbod skuil. Dit is ook bekend dat die Noord-Koreaanse leier, Kim Jong-il, se gesondheid veel te wense oorlaat.

Japan se regerende Demokratiese Party het onlangs sy ”sagte benadering” teenoor Noord-Korea ook verhard,juis weens kommer oor stabiliteit op die skiereiland.

Spanning tussen Noord- en Suid-Korea het die afgelope paar jaar skerp toegeneem na ‘n Suid-Koreaanse eiland in November onder die bomme gesteek en twee mariniers en twee burgerlikes dood is, agt maande na ‘n Suid-Koreaanse oorlogskip met die lewensverlies van 46 matrose gekelder is. Noord-Korea is
vir die voorval geblameer, maar ontken betrokkenheid.

Suid-Korea en Japan is nie teen vredesonderhandelinge gekant nie, maar stel voorwaardes. Een van die kernaspekte is dat Noord-Korea van sy kernbewapingsplanne moet afsien, en verder verantwoordelikheid vir die twee aanvalle moet aanvaar. Noord-Korea probeer skynbaar die druk afhaal van dié eise deur onvoorwaardelike gesprekvoering voor te stel, en juis hieroor is leiers en waarnemers ewe versigtig. So lyk Japan en Suid-Korea soos die onwillige partye.

Speel Noord-Korea net vir tyd om ‘n stabiele oorgang na nuwe leierskap te verseker, probeer dit die morele druk op Suid-Korea en Japan terugplaas deur die onvoorwaardelike aanbod te maak, wel wetende dat Suid-Korea dit nie sal aanvaar nie, en Japan beslis nie oor die kernwapen-kwessie sal kopgee nie?

Al die lande by die ses-party-onderhandelings, wat in 2008 gestaak is toe Noord-Korea geweier het om daarna terug te keer, is skepties oor Noord-Korea se motiewe. Noord-Korea het ‘n baie ou reputasie om moeilikheid te maak, baie arrogant te wees, en dan weer van vrede te praat. China het nogtans entoesiasties op die Noord-Koreaanse versoek gereageer, terwyl dieVSA skynbaar ook sal verkies dat dit voortgaan.

Terwyl selfs waarnemers van die Koreaanse situasie wonder oor wat die Noord-Koreaanse motiewe is, Suid-Korea en Japan openlik skepties is, is dit heel moontlik dat die redes binne Noord-Korea self te vinde is. Soms werk dit om die bevolking opgesweep te kry deur met ander lande kapokhaantjie te wees, wel wetend dat China sy bas sal red.

Maar China begin tekens toon dat hy nou sy stiefkind op eie bene wil laat staan. En honger mense begin ook agterkom om vir Amerika, Japan en Suid-Korea warm plek toe te stuur, maak nog nie die maag vol nie. En met al Noord-Korea se geraas en geblaas is dié voorheen industriële deel van Korea arm en verhonger, en Suid-Korea, voorheen die agrariese deel, een van die wêreld se ekonomiese wonders.

free 5 pound