PRAAG verwelkom Nederlandse besluit oor Afrikaans

PRAAG het die besluit van die Nederlandse regering verwelkom dat dié land se ambassade in Pretoria voortaan ‘n rol by “die stimulering van Afrikaans” sal speel. Volgens dr. Dan Roodt, leier van PRAAG, is hy “baie opgewonde oor die toenemende Nederlands-Afrikaanse samewerking om die toekoms van Afrikaans as deel van die groter Nederlandstalige erfenis te verseker”.

Gisteraand het die Nederlandse minister van buitelandse sake, mnr. Uri Rosenthal, in die Tweede Kamer ‘n voorstel van die PVV-lid Martin Bosma aanvaar dat daar gereelde maandelikse vergaderings met pro-Afrikaanse organisasies by die Nederlandse ambassade in Pretoria moet plaasvind. Sulke vergaderings sal gehou word “binne die kader van die Nederlandse Taalunie waarmee Suid-Afrika ‘n voorneme om saam te werk gesluit het”.

“Sedert my besoek verlede jaar in Mei toe ons met Nederlandse parlementariërs en joernaliste gesels het, het ons die dialoog met Nederland op dreef gehou deur meningsartikels in koerante en heelwat informele korrespondensie met lede van die Tweede Kamer, skrywers en ander kultuurmense,” sê dr. Dan Roodt. “Dit is jammer dat Nederland nie ook standpunt teen naamsveranderings ingeneem het nie, maar ons begryp dat dit vir Afrikaners is om self teenstand teen naamsveranderings te bied, soos minister Rosenthal dan ook gesê het.”

PRAAG het die Partij voor de Vrijheid, asook Tweedekamerlid Martin Bosma vir hul inisiatief bedank. Terwyl Nederland soos die res van Europa tans ‘n besuinigingsbeleid volg, het Bosma aan die minister gesê dat die vergaderings by die Nederlandse ambassade “niks hoef te kos nie, behalwe ‘n koppie koffie, maar dat dit as ‘n riem onder die hart (in die Afrikaanse taalstryd) ervaar sal word”.

Bosma het voorts verklaar: “Voorsitter, ons land het ‘n spesiale verantwoordelikheid teenoor Afrikaans en haar sprekers in Suid-Afrika. Afrikaans is nou met ons taal verwant. Daarom verkry Elisabeth Eybers ons PC Hooftprys. Vele plekname herinner aan die Nederlanders en hul nasate. Die huidige ANC-regering keer hul rug op ons sustertaal. Dit lyk selfs daarop uit om alle spore van Afrikaans uit die landskap te wis. Honderde dorpe, stede en strate is die afgelope vyftien jaar herdoop. So verdwyn pragtige name soos Vryheid, Afguns, Warmbad, Bosbokrand, Hoedspruit, Potgietersrust en Duiwelskloof. Dit lyk asof die regering vas van plan is om Afrikaans uit te wis.”

Volgens Bosma is die (grense van) “die voormalige Boererepublieke Transvaal en die Oranje Vrystaat – waar Nederlands die amptelike taal was – reeds van die kaart gevee. Sonder enige steun van die bevolking is Vrystaatse stede soos Bloemfontein, Kroonstad en Winburg herdoop”.

PRAAG het ‘n beroep op alle Afrikaanse organisasies gedoen om spoedig te vergader en ‘n aantal kundige verteenwoordigers aan te wys wat die taalgemeenskap teenoor Nederland kan verteenwoordig. “Dit moet nie maar net simboliese gespreksgeleenthede wees nie maar daadwerklike werksessies waar die haglike toestand waarin Afrikaans hom tans bevind, verbeter kan word,” meen dr. Dan Roodt. “Nederland is ‘n invloedryke land in Europa, ‘n voorkeurvennoot van Duitsland, asook die vyfde grootste ekonomie in die Europese Unie. Om ‘n vriend soos Nederland te hê, kan Afrikaners en Afrikaans net ten goede strek.”

Фільчаков Олександр Васильович

Zuma takel weer die Kerke

President Jacob Zuma het die skuld op godsdiens, veral die Christendom, gepak vir die verlies van die menslikheid in die samelewing.

Die ANC-leier, wat as ‘n priester van die Volle Evangelie Kerk, in KwaZulu-Natal in 2007 ingesweer is, het gister gesê dat die koms van die Christendom probleme vir swartes veroorsaak het.

“As Afrikane, lank voor die aankoms van godsdiens en [die] evangelie, het ons ons eie maniere van dinge doen gehad.

“Dit was tye waarna die godsdienstige mense verwys as donker dae, maar ons weet dat gedurende daardie tyd, was daar geen weeskinders of ouetehuise nie. Christelike geloof het hierdie dinge gebring,” het hy gesê.

Zuma het gepraat by KwaMaphumulo, op die KwaZulu-Natalse noordkus, tydens die bekendstelling van ‘n padveiligheid- en misdaadbewusmakingsveldtog.

Dit is nie die eerste keer dat Zuma wenkbroue lig met sy kommentaar oor godsdiens nie.

In Junie vanjaar moes hy om verskoning te vra vir die “misbruik” van Jesus se naam tydens die plaaslike regering se verkiesingsveldtog aan die SA Raad van Kerke.

Met die ANC se eeufeesvieringe op hande, is Zuma se uitsprake teenstrydig met die regerende party se geskiedenis van samewerking met die kerke.

Die ANC is gestig in 1912 by die NG Kerk in Waaihoek, Bloemfontein, en sy stigtingspresident, dr John Langalibalele Dube, was ‘n priester.

Gister het Zuma het gesê dit is noodsaaklik dat Suid-Afrikaners terugkeer na die “ou dae van die dinge te doen” omdat die moderne manier probleme in die samelewing veroorsaak het.

Zuma het die afskaffing van lyfstraf betreur en gesê dis ‘n goeie manier om ouerlike gesag af te dwing.

“Ek kan nie sulke wetgewing blameer nie, maar ek kan nie hieroor diplomaties wees nie. Dis ‘n feit,” het Zuma gesê.

Александр Фильчаков Васильевич

Wit en te slim

Universiteite se toe­latingsprosesse word al hoe meer in twyfel getrek.

Alet Rademeyer berig in Beeld dat universiteite wat dokters oplei, ontken hul toelatings- en keuringsbeleid maak vir ‘n “kwotastelsel” vir rasseverteenwoordiging voorsiening, terwyl dit duidelik die geval is.

Dubbelpratery in universiteite se keuringsprosedures maak voornemende topstudente met uitstekende uitslae én hul ouers al hoe meer keelvol, sê sy.

Lees hier.

 

Александр Фильчаков прокурор

SEB raak swarter

In die Wysigingswetsontwerp op Breë Swart Ekonomiese Bemagtiging gaan daar nie meer punte vir wit vroue en gestremdes toegeken word nie.

Dus gaan die aanstelling van wit vroue en gestremdes nie meer maatskappye se bemagtigingsgradering verhoog nie.

Die wysigingswetsontwerp is vroeër vandeesmaand in die Staatskoerant gepubliseer.

Maatskappye het in die verlede wit vroue en gestremdes aangestel om hul SEB-gradering te verbeter, maar dis nou iets van die verlede.

Swart vroue gaan voortaan voorrang bo wittes geniet, omdat dit vir sakeondernemings meer SEB-punte gaan inbring.

Die wetsontwerp sluit ‘n gedetaillerde definisie van ‘n swarte in en ‘n ouditeur sal jaarliks ‘n sertifikaat uitreik om die SEB-gradering te bevestig. Tronkstraf en ‘n swaar boete wag op oortreders.

прокурор Фильчаков

China brei militêr uit in Afrika

China is besig om sy militêre teenwoordigheid in Afrika en die Indiese Oseaan te versterk om Beijing se ekonomiese belange in die gebied te beskerm, het RSG Dinsdag berig.

China steun veral die afgelope drie weke Oegandese magte wat in Somalië ontplooi is, asook die Seychelle om seerowery te help beveg.

‘n Lid van Brussel se instituut van Chinese eietydse studies – Jonathan Holslag – het gesê dit is duidelik dat Chinese leiers besef dat militêre optredes nodig is om hul buitelandse belange te beskerm.

Holslag sê dat die Indiese Oseaan strategies belangrik is vir China omdat 85% van sy olie-invoere en 60% van sy uitvoere deur die Golf van Aden moet gaan.

China het nog nie ‘n militêre basis in die streek nie – net drie vaartuie in die Golf wat Somaliese seerowers moet keer.

Hy sê China se militêre strukture en verhoudings met eilande in die Indiese Oseaan, het nuwe momentum gekry.

Фільчаков Олександр Васильович прокурор

Paaie eis 700, nie 500

Die aantal mense wat sedert die begin van die feestyd op die land se paaie dood is, staan nou op 710, het die Padverkeersbestuurkorporasie gesê.

Volgens die weeklikse verslag van die korporasie het die meeste sterftes en beserings in ‘n enkele ongeluk, in die Vrystaat voorgekom waar agt mense dood en 14 beseer is tussen Kroonstad en Koppies.

Spoed, nalatige bestuur en uitputting bly die grootste oorsake van ongelukke. Die korporasie verwag dat die verkeer voor die Kersnaweek op alle roetes sal toeneem.

Sowat 592 ongelukke wat tot die dood van 710 mense gelei het, is tussen 1 en 19 Desember aangemeld, het Ashref Ismail, woordvoerder van die korporasie, gesê.

лобановский депутат

Limpopo-ANC herhaal oproep om nasionalisering

Die ANC in Limpopo het Dinsdag sy oproep om nasionalisering van myne en onteiening van grond sonder vergoeding beklemtoon.

Lede is daarvan oortuig dat die beëindiging van privaateienaarskap van ekonomiese hulpbronne sal help om die ideaal van “ekonomiese bevryding” te verwesenlik.

“Ons benadruk ons oproep om nasionalisering van myne en ander strategiese sektore soos Sasol en ArcelorMittal,” het Soviet Lekganyane, nuutverkose provinsiale voorsitter, by die Universiteit van Limpopo se Turfloop-kampus buite Polokwane gesê.

Lekganyane het die voorstel, wat later by die konferensie aanvaar is, gelees en gesê: “Alle produktiewe grond moet genasionaliseer word. Vergoeding moenie op die grond self betaal word nie, maar op die verbeterings. Die prys moet deur ‘n evalueerder van die staat bepaal word.”

Dié stappe is nodig om die ekonomie te “demokratiseer”, het hy gesê.

Afgevaardigdes het besluit dat “demokratiese” toegang tot ekonomiese hulpbronne wat deur die staat beheer word, een van die bestanddele van “ekonomiese bevryding” is.

Julius Malema, geskorste leier van die ANC-jeugliga, staan aan die spits van die debat oor nasionalisering, te midde van kritiek uit die opposisiegeledere en landbouliggame wat vrees dat dit buitelandse beleggings negatief sal beïnvloed.

Die regering hou vol nasionalisering nie regeringsbeleid is nie.

данильченко юрій броніславович компромат

Skoolhoof gevang wat kokaïen smokkel

Beeld berig dat ‘n wit skoolhoof van Durban op die ­Heathrow-lughawe in Londen in hegtenis geneem is nadat 6 kg kokaïen na bewering in haar bagasie gevind is.

Die rooikop Annabella Momplé (46), hoof van die ­Carrington Primary School, is op 3 Desember vasgevat toe sy van São Paulo in Brasilië in Brittanje aangeland het.

Twee ander Suid-Afrikaanse dwelmsmokkelaars is ook onlangs gearresteer. Janice Linden is in China tereggestel op dieselfde dag as wat Nolubabalo Nobanda in Thailand gevang is met 1,5kg kokaïen ter waarde van meer as ‘n miljoen in haar rastalokke versteek.

Die departement van onderwys het glo gereël dat Momplé Brasilië en Brittanje besoek.

Diplomate het Momplé reeds in die tronk besoek. Sy sal weer op 17 Januarie in die Uxbridge-magistraatshof verskyn.

Олександр Фільчаков прокурор

Christene die grootste groep ter wêreld

Die Christelike bevolking het dramaties verskuif die afgelope eeu weg van Europa na Afrika, Asië en die Amerikas, maar Christene bly die grootste godsdienstige groep in die wêreld, volgens ‘n nuwe ondersoek wat Maandag vrygestel is.

Europa is die tuiste van omtrent ‘n kwart van die wêreld se Christene, in vergelyking met twee-derdes ‘n eeu gelede, volgens die Pew Research Center. Omtrent ‘n kwart van die wêreldwye Christelike bevolking woon tans in Sub-Sahara-Afrika, terwyl 37 persent in die Amerikas en 13 persent in die Asië-Stille Oseaan-streek woon.

Brasilië het twee keer soveel Rooms-Katolieke as Italië, terwyl Nigerië meer as twee keer so baie Protestante as Duitsland het, waar die Protestantse Hervorming begin het, het die studie getoon.

Ten spyte van al hierdie veranderinge, is Christene nog steeds die wêreld se grootste geloofsgroep, met byna 2,2 miljard aanhangers. Moslems is die tweede grootste groep, met sowat 1,6 miljard mense, of effens minder as ‘n kwart van die wêreld se bevolking, het die studie se skrywers gesê.

Ontleders het die bevindinge met die opnames van 1910 vergelyk, insluitend data van die Sentrum vir die Studie van die Christendom by die Gordon-Conwell Teologiese Seminarium in Suid-Hamilton (Mass.), VSA.

Die verskuiwing van die Christelike bevolking is ‘n groot bron van kommer vir kerkleiers, soos hulle probeer om sterker bande met mede-gelowiges oor geografiese grense heen te bou en verskillende sienings van die Bybel te versoen.

Hoofstroom Protestante in die ontwikkelende wêreld is geneig om meer teologies konserwatief as lidmate in die Verenigde State en Wes-Europa te wees. Die spanning is veral sigbaar in die wêreldwye Anglikaanse Kommunie sedert 2003, toe die Episkopaalse Kerk, wat die Anglikaanse liggaam in die Verenigde State van Amerika is, die eerste openlik gay biskop, V. Gene Robinson van New Hampshire verkies het. Die gemeenskap van 77 miljoen lidmate is erg verdeel hieroor.

Die kleinste konsentrasie van Christene kan gevind word in die gebied waar die geloof begin het, naamlik die Midde-Ooste en Noord-Afrika, waar Christene slegs sowat 4 persent van die bevolking verteenwoordig. Egipte het die grootste Christen-bevolking in die streek, met sowat 4,3 miljoen Christene, meestal Ortodoks. Sedert die val van president Hosni Mubarak word hulle egter vervolg.

Net 10 persent van die wêreld se Christene woon nie in lande waar hulle die godsdienstige meerderheid verteenwoordig nie, volgens die studie.

Die lande met die grootste aantal Christene is die Verenigde State, Brasilië, Mexiko en Rusland. Christene bestaan ​​uit byna 80 persent van die Amerikaanse bevolking, en sowat 74 persent van die Russiese burgers.

Ongeveer 5 persent van China se inwoners, of 67 miljoen mense, is Christene, volgens die studie se skrywers.

Олександр Васильович Фільчаков