Nuus Archives - Page 955 of 1583

Staking: Vullis gaan ophoop

Sowat 145 000 munisipale werkers wat aan die munisipale werkersunie Samwu behoort, gaan vandag begin staak.

Munisipaliteite het gesê dienslewering in woon- en sakegebiede asook plakkerskampe sal geraak word.

Samwu soek ‘n loonverhoging van 18%. Die Suid-Afrikaanse vereniging vir plaaslike regerings (Salga) bied 6,08% aan. Salga sê die versoek van die unies is “onrealisties”.

Benewens vullisverwydering wat ontwrig sal word, gaan die staking ook die vee van strate, leegmaak van vullisdromme op straat en verwydering van gestrooide rommel raak.

Inwoners en eienaars van ondernemings word nogtans gevra om hul vullisdromme op die geskeduleerde dae vir vullisverwydering buite te sit.

Zille ontken tenderbedrogaantygings

Wes-Kaapse Premier, Helen Zille, het aantygings deur ‘n Sondagkoerant ontken dat haar kantoor ‘n kommunikasie-tender ter waarde van R1 miljard aan ‘n reklame-agentskap toegeken het sonder om behoorlike prosedures te volg.

“Daar is absoluut geen waarheid in die gerug dat iets in die toekenning van hierdie tender onbehoorlik of sonder voorskrif geskied het nie,” het sy in ‘n verklaring gesê.

“Vrae moet gevra word waarom die Sunday Times verkies het om doelbewus nie ons weergawe van die feite te publiseer nie. Ons sal ‘n formele klagte by die Persombudsman lê.”

Die Sunday Times het berig dat ‘n kontrak toegeken is aan TBWA Hunt Lascaris om tien staatsdepartemente in die provinsie se kommunikasie oor te neem.

Volgens die verslag is die tender nooit behoorlik geadverteer of op die regering Tenderbulletin geplaas nie, soos deur die Tesourie-regulasies vereis word.

“Nie net het ons aan die joernalis gesê dat die tender geadverteer is in Die Burger en die Cape Argus nie, maar dit bevestig deur aan die joernalis ‘n skandering van die werklike advertensie wat in druk verskyn het te stuur,” het Zille gesê.

Die Sunday Times het berig dat ‘n hersiening deur die Provinsiale Tesourie bevind het dat die aanstelling van TBWA ‘n “tekort aan beheermaatreëls openbaar en die beginsels van goeie bestuur oorskry”.

Dit het die tenderproses nietemin onderskryf , en bevind dat die foute ‘n “leer-ervaring” was.

Zille het gesê die R1 miljard tender is ‘n “absolute versinsel”.

“Dit was duidelik gemaak aan die joernalis dat die geskatte totale kommunikasie van die provinsiale regering tussen R50 miljoen en R70 miljoen per jaar beloop.”

‘n Bodtoekenningskomitee, wat amptenare van regsdienste insluit, het geen klagtes van deelnemende bieërs ontvang nie en daar was geen onreëlmatighede nie, het Zille gesê.

“Ek is vol vertroue dat die tenderproses deursigtig, regverdig, billik, mededingend en koste-effektief was.

“Die Wes-Kaapse regering het niks om weg te steek nie en sal die ouditeur volle toegang tot enige dokumentasie of amptenare wat nodig is vir sy ondersoek, gee,” het sy gesê.

Zille het gesê sy het die direkteur-generaal versoek om die Ouditeur-generaal te vra om ‘n tenderproses oudit te doen.

Vyf vas oor oproer naby Makapanstad

Vyf mense is in hegtenis geneem tydens ‘n oproer teen swak dienslewering naby Makapanstad, het die polisie in Noordwes Sondag gesê.

Ongeveer 200 inwoners van die dorp Motla het die Souspanhoofweg Saterdagmiddag met klippe, boomtakke en brandende bande versper, het sers. Kealeboga Molale in ‘n verklaring gesê.

Sy het gesê die inwoners is kwaad oor ‘n gebrek aan lopende kraanwater in die dorp.

“Toe die polisie by die toneel aankom, het hulle die oproermakers gewaarsku oor hul optrede, maar hulle het die polisie geïgnoreer,” het sy gesê.

Die vyf word aangekla van opsetlike saakbeskadiging en die oortreding van die Wet op die Regulering van Saamtrekke.

ігра машинки

Malema laat boete kontant betaal

Julius Malema, leier van die ANC-jeugliga, se boete van R50 000 vir haatspraak, is deur ‘n voormalige polisieman, wat nou vir SGL Engineering werk, in R100-note betaal.

Dié onthullings is Sondag in die koerant Sunday Tribune gemaak.

Die gelykheidshof het Malema beboet oor aanmerkings wat hy gemaak het teenoor die vrou wat pres .Jacob Zuma van verkragting beskuldig het.

Hy het onder andere gesê dat sy dit blykbaar “geniet” het want sy het eers die volgende oggend ‘n taxi gebel om haar huis toe te neem.

Die geld is vroeër vandeesweek – 15 maande ná die hof se beslissing – aan People Opposing Women Abuse (Powa) betaal.

Die depositostrokie het aangedui dat die geld in R100-note aan Powa betaal is en die strokie deur ‘n “Steven” geteken is. Sy selfoonnommer is ook op die strokie.

The Star sê die nommer behoort aan Stephens Msiza, wat in ‘n stadium as ‘n polisiebeampte in Pretoria gewerk het.

Iemand by die polisiekantoor in Pretoria het aan die koerant gesê dat Msiza nou saam met Malema “as ‘n lyfwag” werk.

Msiza het in ‘n telefoniese onderhoud met Sunday Tribune ontken dat hy die geld inbetaal het.

“Kry julle feite reg. Waar sal ek daardie tipe geld kry?” het hy gevra.

Hy het ook ontken dat hy ‘n lyfwag vir Malema is.

Volgens Msiza se Facebook-blad het hy by SGL Engineering gewerk.

Malema was in 2009 en 2010 die direkteur van SGL.

Hy het by dié maatskappy bedank ten tyde van ‘n ondersoek deur die openbare beskermer, Thuli Madonsela, na die maatskappy om vas te stel of hy tenders beïnvloed het.

Ontevredenheid oor tolheffings

Die Vryheidsfront Plus is ontevrede met die regering se aankondiging dat die kabinet die aangepaste toltariewe van SANRAL/SANPAB aanvaar het. “Die VF Plus sal hierdie tariewe steeds teenstaan op verskeie wyses. Die party skenk tans oorwegings aan moontlike regsaksies saam met ander rolspelers en selfs wettige publieke protes. Dit is duidelik dat die regering op ‘n roekelose wyse alle redelike vertoë van die publiek verwerp het en hierdie ondeurdagte heffing van belasting by wyse van tolheffings net gestoomroller het. Die VF Plus sal verseker ook in die parlement teen hierdie goedkeuring stem en dit weer duidelik maak dat meer as 130 000 padverbruikers die VF Plus se petisie teen die tolheffings by www.toltariewe,org.za geteken het. Daarbenewens moet die regering kennis neem dat die stryd nie verby is nie, want die VF Plus sal voortgaan met aksies teen hierdie stelsel,” het adv. Anton Alberts, VF Plus parlementêre woordvoerder oor vervoer gesê.

Aspekte van SANRAL/SANPAB se verslag wat deur die regering aanvaar is en wat vir die VF Plus ‘n bron van kommer is, is onder andere die volgende:

· Die samestelling van die loods/stuurkomitee het geen verteenwoordiger van die burgerlike deelnemers gehad nie;

· Die verslag verwys net na die direkte en indirekte werksgeleenthede wat geskep is en gaan word, maar het nie ‘n ‘blinde kol’-analise gedoen deur te kyk hoeveel werksgeleenthede vernietig sal word deur die verhoging in die pryse van dienste en goedere ten einde die toltariewe te absorbeer nie.

· Die verslag het bloot die gebruikte ekonomiese modelle verdedig sonder om te verwys na alternatiewe. Die ‘gebruiker-betaal-beginsel’ word as ‘n gegewe aanvaar sonder om ‘n ondersoek te doen na ander wyses van befondsing, soos deur die deelnemers voorgestel is nie;

· Die verslag maar maak geen voorsiening vir padverbruikers wat sosio-ekonomies nie welaf is nie en wat van motorvervoer gebruik moet maak nie. Die VF Plus sou graag wou sien dat persone binne die middelklas-inkomsteband en diegene wat onder dit val minder moet betaal.

· Die Suid-Afrikaanse Inkomstediens laat nie die tipe nuwe uitgawe toe as ‘n aftrekking vir gewone salaristrekkers nie en daar moet ook daaraan aandag gegee word.

Dit is vir die VF Plus skandalig dat die padverbruiker en belastingbetaler net al hoe meer belas word met staatsuitgawes wat ondeurdag en onvolhoubaar is. Die voorgestelde belasting vir die skepping van ‘n nasionale mediese versekering is net een voorbeeld benewens die tolheffings.

Sake teen oproeriges teruggetrek

Die saak teen verskeie inwoners van Ficksburg wat van openbare geweld aangekla is ná betogings teen swak dienslewering in April, is Donderdag in die plaaslike landdroshof teruggetrek.

Volgens kapt. Phumelelo Dlamini is die sake teen 29 van die 44 beskuldigdes teruggetrek.

Die oorblywende 15 word steeds van openbare geweld aangekla en hul saak is tot 19 September uitgestel.

Die groep is in Meqheleng in hegtenis geneem tydens die betoging waarin inwoner Andries Tatane na bewering deur onlustepolisie gedood is.

Videomateriaal toon duidelik hoe die onlustepolisie Tatane aanrand en met ‘n rubberkoeël skiet tydens die betoging by die Setsoto-munisipale kantore.

Die paaie was dae lank met klippe en bakstene versper en bande is aan die brand gesteek.

Die Onafhanklike Klagtedirektoraat hanteer die ondersoek na die moord op Tatane.

Agt polisiebeamptes is sedertdien van moord en aanranding aangekla. Hul verhoor sal na verwagting in November in die Ficksburg-streekhof begin.

games and casino

Geweld teen NVP bou op

‘n Derde ampsdraer van die Nasionale Vryheidsparty is vandeesweek in KwaZulu-Natal doodgeskiet, het die provinsiale departement van vervoer en gemeenskapsveiligheid Donderdag gesê.

Mfaniseni Mtshali (45), wat die leier van die KwaMashu Hostel-tak van die NVP was, se lyk is Woensdagaand gevind, het Willies Mchunu, LUR, gesê.

Hy is verskeie kere geskiet. Tien 9mm-patrone is op die toneel gekry.

Thintabantu Mthembu, ‘n senior NVP-lid en tradisionele hoofman, en Gundu Makhanya, NVP-leier in die eThekwini-munisipaliteit, is Sondag doodgeskiet.

Mthembu is in KwaNgenetsheni naby Vryheid doodgeskiet en Makhanya buite sy huis in Chatsworth, Durban.

Die aanvalle het gevolg op praatjies van geweld deur leiers van ‘n ander politieke party, het Zanele Cele, NVP-woordvoerder, gesê.

“Volgens die inligting wat ons van verskeie bronne ontvang het, was Mthembu se naam bo-aan ‘n lys wat die ronde gedoen het van NVP-leiers in die Zululand-distrik wat vermoor moes word,” het Cele gesê.

Mchunu het die moorde as “sinneloos” bestempel en gesê daar moet ‘n einde daaraan kom.

“Dit is baie steurend om van sulke brutaliteit te hoor ná al die gepreek wat die regering gedoen het,” het hy gesê.

Volgens kol. Jay Nacker ondersoek die polisie se taakspan teen politieke geweld Mtshali se dood.

Veedief is polisieman

‘n Polisiebeampte van Mpumalanga het Donderdag in die hof op Badplaas verskyn op aanklagte dat hy vee van sowat R45 000 gesteel het, het die polisie gesê.

Die verhoor van konst. Elmon Motha (30) is tot 18 Augustus uitgestel, wanneer hy na verwagting ‘n formele borgtogaansoek sal bring, het lt. kol. Leonard Hlathi verklaar.

Motha is in Junie vanjaar in hegtenis geneem nadat hy na bewering die vee van ‘n plaas in Badplaas gesteel het.

Hlathi het gesê die eienaars het aan die polisie gesê hulle het die vee in Tjakastad naby Ermelo opgemerk.

“Met hul aankoms het die polisie die man ontmoet wat dokumente te voorskyn gebring het en gesê het hy is die eienaar. Hy het later gesê hy het die vee by ‘n polisiebeampte gekoop toe hy besef het die polisie het bewyse dat die vee gesteel is,” het hy gesê.

депутат лобановский

Linkses in Parys ondersteun Britse onlusmakers

Die linkse Nouveau Parti anticapitaliste, NPA, in Frankryk glo die oproeriges se woede wat tot die onluste in Londen gelei het, is geregverdig.

Dié party wat in 2009 gestig is, het nie ‘n enkele leier nie, want dit word “kollektief” bestuur. Die NPA maak deel uit van die ultra-linkse groepering wat byna 8% van die steun by die Franse stembus geniet.

Volgens die NPA deel miljoene in Europa dieselfde sentiment wat daartoe gelei het dat honderde mense die strate van Londen met geweld oorgeneem het.

Die onluste in Brittanje was “‘n verstaanbare reaksie van jeugdiges op die regering se besparingsmaatreëls in vergete gebiede,” het die NPA in ‘n verklaring gesê.

“Die ware boewe is diegene wat openbare dienste afsny, die diewe is diegene wat ongekende wins maak ten tye van finansiële krisis, die skuldiges is diegene wat aanhou om werkers af te dank” het die NPA gesê.

Die dood van die 29-jarige bruin dwelmhandelaar, Mark Duggan, volgens ‘n opiniestuk in die Britse Independent, is as gevolg van die “polisie wat swart mans soos kriminele behandel”. Die skrywer, Christina Patterson, gaan selfs so ver as om te sê dat “te veel swart mans al deur die polisie doodgemaak is”.

Die feite weerspreek egter Patterson se opruiende stelling. Volgens IPCC-verslae was daar die afgelope drie jaar sewe mense deur die polisie gedood en al sewe was wit.

светильник в спальню

VSA moet ophou inmeng sê swart groep

‘n Suid-Afrikaanse nie-regeringsorganisasie het die Verenigde State van Amerika Woensdag skerp gekritiseer omdat hulle die “polisieman van die wêreld” probeer wees en inmeng in die interne sake van ander lande.

“Amerika moet ophou Big Brother en die polisieman van die wêreld speel,” het die Suid-Afrikaners vir Vrede in Afrika-inisiatief se woordvoerder David Maimela gesê.

“Wat is verkeerd met die Afrika-Unie se agenda?”

Hy het gepraat buite die Amerikaanse ambassade in Pretoria, waar sowat 50 betogers vergader het om die onttrekking van die Noord-Atlantiese Verdragsorganisasie (NAVO) se magte uit Libië te eis.

Die VSA ondermyn ander lande met sy “kapitalistiese agenda”.

“Geen land het die reg om namens ‘n ander te besluit nie. Ons sal nie toelaat dat imperialisme die wêreld regeer nie,” het hy gesê.

Die groep het ‘n memorandum oorhandig waarin hulle eis dat NAVO moet “stop met die moord van onskuldige vroue en kinders” in Libië.

Elizabeth Trudeau, woordvoerder van die Amerikaanse ambassade het die dokument in ontvangs geneem en gesê sy sal dit na Washington aanstuur. Sy sê sy neem die groep se eise “baie ernstig” op.

Libië het in ‘n burgeroorlog verval nadat opstande die leiers van Tunisië en Egipte in Januarie en Februarie verdryf het. Die Libiese leier weier om sy 41-jaar-lange greep op mag te laat gaan, en het beloof om sy “vyande” te verslaan.

NAVO-aanvalle teiken steeds plekke wat gebruik word deur magte lojaal aan kol. Gaddafi.

Gaddafi het die bombardemente beskryf as ‘n daad van koloniale aggressie wat daarop gemik is daarop om Libië se olie steel.

“NAVO het geen wettige reg om in Libië te wees nie. Hulle moet onttrek en dit onvoorwaardelik doen,” sê Maimela.

Hy het die Weste se “herkolonisering” van Afrika verwerp.

In die memorandum, het die organisasie, wat hulle vir ‘n vreedsame oplossing van konflikte op die vasteland beywer, sy kommer uitgespreek oor die vernietiging van klinieke, hospitale, skole, huise en ander fasiliteite in Libië.

Betogers het gedreunsing op pad na die ambassade. Lede van die Pan Africanist Congress was in wit T-hemde met die slagspreuk: “NAVO stop bombardement in Libië nou” geklee.

“Obama hoeveel Libiërs het jy vandag doodgemaak?” het ‘n plakkaat gelui, verwysende na die Amerikaanse president.

Ander plakkate was gerig aan Brittanje se eerste minister David Cameron en Frankryk se president Nicholas Sarkozy, wat beide wil sien dat Gaddafi afstap.

Die organisasie eis ‘n onmiddellike onttrekking van ‘n VN-resolusie wat die Suid-Afrikaanse regering ondersteun het toe dit aangekondig is, maar sedertdien kritiseer omdat die die VSA, Brittanje en Frankryk nie hou by die resolusiebepalings om burgelikes in Libië te beskerm nie.

Die groep het verdere kritiek op die “pretensieuse retoriek” van Brittanje, die VSA en Frankryk gelewer, wat gesê het hulle tree op in die belang van demokrasie, vryheid van spraak en die reg om te protesteer.

Die optog het ook ondersteuning van die Kommunistiese Jeugliga, die Suid-Afrikaanse Raad van Kerke en die Moslem Regsraad van Suid-Afrika geniet.

Optoggangers het ook by die Verenigde Koninkryk se Hoë Kommissariaat en die Franse ambassade aangedoen om dieselfde memorandum af te lewer.

путевки в хорватию