Wit ondersteuning vir Obama

Praag het onlangs berig oor die onderhoud wat Dinesh D’Souza met Obama se broer, George Obama, gevoer het. Dit blyk dat George eintlik heel anders deur D’Souza voorgestel word as wat hy in werklikheid is.

Die twee swart mans wat dieselfde pa deel, verskil in dié sin dat wittes uitsluitlik vir die een verantwoordelik was en net deels vir die ander een. George is die produk van Obama Senior se vierde huwelik. Terwyl Barack in die Withuis sit, die magtigste man op aarde, lê George, 30, in sy sinkkrot, dronk, bedwelmd en sonder ‘n ideologie van enige aard behalwe dat hy skynbaar gedoem is soos baie van sy rasgenote om vir die oomblik te lewe.

In die video-onderhoud met D’Souza word George baie meer vleiend voorgehou.

Besonderhede van sy swart leefstyl, is glo soortgelyk aan dié van hulle vader, die president se swart rolmodel. Dit het te voorskyn gekom toe hy ingestem het om te verskyn in ‘n dokumentêre film wat gemaak word deur een van Barack Obama se kritici, D’Souza, en ander verslaggewers besluit het om George te ontmoet.

George Hussein Obama spandeer in werklikheid sy tyd om wat plaaslike inwoners Chang’aa noem, te drink. Dit word uit mielies gedistilleer en gedokter met chemikalieë. As hy geld in die hande kry, gebruik hy glo ook heroïen en kokaïen.

George het ‘n memoir “geskryf” wat in 2012 die lig gesien het. Dit is egter nie seker of hy ‘n aandeel daarin gehad het nie. In die boek word vertel: “George kies om te lewe in die ghetto van Nairobi, waar hy die ghetto-bewoners help, en veral die krotbuurtkinders, om die uitdagings rondom hul lewens te oorkom.”

Dis maar een van die talle versinsels in die boek. George help niemand nie, stel ook belang nie en het verkies om die opbrengs van die boek uit te gee op prostitute, dwelms en drank.

Die boek haal George so aan: “My broer het opgestaan ​​om die leier van die magtigste land in die wêreld te wees. Hier in Kenia, is my doel om ‘n leier te wees onder die armste mense op die aarde. Diegene wat leef in die krotbuurte.” Dié stelling kan nie verder van die waarheid wees nie.

Die president se halfbroer, lê dronk in ‘n stinkende, vuil krot met riool wat in poele versamel in die stof. Hy staan op in die oggende om goedkoop Chang’aa te gaan koop en spandeer die res van die dag in ‘n bedwelmde toestand op sy smerige bed waarna hy dan prostitute met beloftes probeer lok.

In wat klink soos die draaiboek vir ‘n Hollywood-film, beweer hy, of die optmistiese spookskrywer altans, dat hy die “dryfkrag agter die transformasie van ‘n krotbuurtsokkerspan in Kenia is”, bekend as ‘Obama se kampioene’.

George kan egter skaars regop staan, laat staan ​​nog sin praat of in ‘n reguit lyn loop as gevolg van sy chroniese afhanklikheid van drank, en jare van dwelmmisbruik.

Ook is daar absoluut niks heldhaftigs of altruïsties oor sy motiewe vir sy leefstyl in die krotbuurt nie. Sy vernaamste rede is dat die sterk plaaslike doepa goedkoop en geredelik beskikbaar is, net soos kokaïen, heroïen en dagga.

Die krotbuurt genaamd Huruma is bekend vir sy Chang’aa-verslaafdes. Die drank wat met etanol en soms batterysuur behandel word om dit meer skop te gee, word gereeld die skuld vir die blindheid en die dood gegee. Die toestand waarin misbruikers verval word “klam brein” genoem.

Gereelde gebruikers ly dikwels aan lewer-en nierversaking, sowel as verstandelike gestremdheid. Lede van George se gemeenskap sê dat hy skaamteloos vir alkohol en kos bedel en onsamehangend is.

Die muzungu [witman] is slegs ‘n bron van geld vir die Amerikaanse president se broer. Hy en sy mededrinkers, wat hy aan algar voorstel as sy “veiligheidspersoneel”, eis herhaaldelik “kitu Kidogo” [‘n bedrag geld] by enige wit besoeker wat dit in die buurt waag.

Die geld van George se boek – ‘n beweerde agt miljoen Keniaanse sjieling (£61,000) wat hy as voorskot ontvang het, het hy binne twee maande op prostitute, drank, dwelms en in Mombasa by ‘n pragtige strand oord, verkwis.

Sy naam is sy enigste bron van inkomste, en hy is duidelik nie van plan om sy twee ontmoetings met sy broer te vergeet nie, alhoewel hy kort-kort kla dat dit ‘n “vloek” is om simpatie te probeer wen.

George, blykbaar sonder ‘n greintjie selfbewustheid, sê dat hy onder druk verkeer om sy ouer broer se voetspore te volg in die politiek. “As Barack president is, en ek is president van Kenia sal dit makliker wees om te ontmoet.” Hy sê dit is net sy armoede wat verhoed dat die twee van hulle met ‘n hegter verhouding het.

George volg iets van ‘n familietradisie: Die president se vader was ook glo ‘n berugte dronkaard en gereelde besoeker van die dorp se Chang’aa-kroeë.

Hy het ook ‘n goeie begin in die lewe gehad met wittes wat hulle oor hom ontferm het. Gebore in ‘n arm gesin naby Lake Victoria, was Barack senoir die eerste swarte wat ‘n beurs by ‘n toonaangewende universiteit in Hawaii ontvang het.

Dit was waar hy met Ann Dunham, ‘n Amerikaanse akademikus en antropoloog, Obama se moeder, te doene gekry het. Hy was reeds getroud met ‘n vrou in Kenia, maar het daaroor gelieg en met Ann in 1961 in die huwelik getree, toe sy reeds drie maande swanger met Barack was. Hy is in 1964 van haar geskei.

Hy is ses maande na die geboorte van George in ‘n motorongeluk in 1982 dood, toe hy dronk bestuur het.

George het grootgeword in ‘n middelklas-Nairobi-voorstad met sy ma, wat weer getroud is, met ‘n wit man, ‘n Franse hulpwerker. “Ek was die enigste man met ‘n wit pa in my straat. Ek wou dieselfde as die ander swart kinders wees,” sê hy.

Drink en daggarook vanaf die ouderdom van tien, tot hy vyf jaar later uit die kosskool gegooi is en daarna ‘n loopbaan as gewapende rower omdat hy verslaaf geraak het aan kokaïen en heroïen op 17.

Hy het as gewapende rower met sy “swart broeders” op straat gewoon, tot hy in 2003 tronk toe gestuur is daarvoor.

Natuurlik, is George nie die enigste Obama-broer wat dwelms gebruik het nie. President Obama was ‘n gewoonte dwelm-gebruiker in sy tiener- en twintigerjare. Hy het kokaïen gebruik en beskryf dit in sy outobiografie. Hy was ook ‘n lid van die “Choom Gang” – slang vir ‘n groep van daggarokers in Hawaii wat graag onder die invloed bestuur het.

Praag het terloops ‘n webwerf opgerig vier jaar gelede met hierdie en ander onvleiende inligting oor die president, maar dit is van Google verwyder nadat dit heelwat besoeke ontvang het.

 

топкарго развод

Joernalis dood aangetref

Die polisie sê die skrywer Heidi Holland, wat ondermeer die outobiografie van Zimbabwe se president Robert Mugabe geskryf het, is dood in haar huis aangetref.

Lt.kol. Katlego Mogale sê ‘n tuinier het Holland se liggaam by haar huis in Mellville, Johannesburg gekry. Sy was 64.

Sy het aan ‘n boom in die tuin gehang.

Holland het in 2008 die boek Dinner with Mugabe geskryf, wat onderhoude met familie-lede en vriende van Mugabe ingesluit het. Die boek sluit ook Holland se onderhoude met Mugabe self in.

In die onderhoude, het Holland gesê, was dit duidelik dat Mugabe in ontkenning leef oor die gevolge van sy grondgryp.

Holland het ‘n rubriek vir The Star geskryf. Sy het ook vryskutwerk vir die The Telegraph, International Herald Tribune, The Guardian geskryf en navorsing vir Britse dokumentêre stukke gedoen.

Een van haar seuns, Jonah Hulle, is ‘n verslaggewer by die Engelse Al Jazeera.

Sy het ook onlangs ‘n boek oor die ANC geskryf, getiteld 100 Years of Struggle – Mandela’s ANC, waarin sy rol van die kommuniste belig.

лобановский александр харьков

Libanese gays in opstand oor toetse

Dosyne mense het Saterdag buite howe in die Libanese hoofstad betoog teen die gebruik van anale toetse op mans wat verdink word van homoseksualiteit. Dit is ‘n kriminele oortreding in dié Arabiese land.

Die betoging is gehou ná ‘n polisie-klopjag op ‘n gay klub in ‘n ​​werkersklas-distrik van Beiroet verlede maand toe 36 mans in hegtenis geneem en gedwing is om ‘n ondersoek te ondergaan om hul seksuele oriëntasie te bepaal.

Die Arabiese wêreld se voorste lesbiese, gay, biseksuele en transgender-groep, het die betoging gereël onder die slagspreuk: “Staan op teen die toetse van skaamte”.

Die groep het ook solidariteit met vroue getoon wat blootgestel word aan maagdelikheidstoetse.

“Ons is hier omdat ons ‘n duidelike boodskap aan die ministerie van Justisie wil stuur, dat hierdie soort toetse heeltemal afgeskaf moet word en gestraf word deur die wet,” sê deelnemer George Azzi.

“Die sindikaat van dokters het hierdie toetse as wetenskaplik irrelevant verklaar en dit is onwettig vir dokters om hierdie toetse te doen, maar dit beteken nie dat die polisie dit nie steeds kan versoek nie,” het hy gesê.

Tuisgemaakte plakkate met ‘n sarkastiese toon is ook opgehou: “Edele Minister, voor jy my anus toets, neem my ten minste uit vir ete.”

‘n Ander plakkaat het gelees: “Die koste van forensiese verkragting: 125,000 Libanese lira” (ongeveer $ 85). Gays wat onderwerp word aan die ondersoek, moet self betaal vir die prosedure.

Kragtens artikel 534 op die Libanese Wetboek, weerspreek sulke seksuele verhoudings “die wette van die natuur” en oortreders kan tot een jaar in die tronk deurbring daarvoor.

Фільчаков Олександр Васильович прокурор

Zumaville-projek in chaos

Die Zumaville-projek van R2 miljard, wat naby pres. Zuma se landelike woning in Nkandla opgerig sou word, is in ‘n chaos, het die Mail & Guardian Vrydag berig.

Die koerant het berig dat verskeie probleme opgeduik het.

Die hooffasiliteerder van die projek, die Masibambisane- landelike ontwikkelingsinisiatief, is glo bankrot, en daar heers totale verwarring by die regeringsdepartemente wat by die bou van die dorpie betrokke is.

‘n Hele paar groot “sakevennote” weet niks van hulle beweerde betrokkenheid by die projek nie.

“Ons het nie geld nie. Dis die einde van die maand en ons moet lone betaal aan die mense wat ons help,” het Masibambisane se ondervoorsitter, Deebo Mzobe, volgens die koerant gesê.

“Ek moet geld uit my eie rekening neem en partykeer gee ek dit vir vrywilligers om hulle aan die gang te hou.”

Die projek sal ook moontlik deur ‘n parlementêre komitee en die Openbare Beskermer ondersoek word oor klagtes dat Nkandla voorkeurbehandeling ontvang.

Фильчаков Харьков

Kaapse lughawepad deur oproer toe

Sowat 500 mense het Vrydag die N2 naby die Kaapstadse internasionale lughawe in ‘n betoging oor dienslewering met brandende buitebande versper.

Die stad se ramprisiko-sentrum sê oproeriges het van 04:00 af op die N2-hoofweg byeengekom en sommige het klippe na verbygaande motoriste gegooi.

Die polisie het met rubberkoeëls op die oproeriges geskiet om hulle uiteen te dryf.

Die hoofweg is in albei rigtings tussen die Mew Way- and Duynefontein-afritte vir verkeer gesluit.

Verkeer word na die R300 herlei terwyl die hoofweg begaanbaar gemaak word.

лобановский класс

Afrika-gasvryheid kan verskaffers kos

‘n Amptelike gasvryheidsentrum vir Afrika-lande wat gedurende die Londense 2012 Olimpiese Spele geopen is, moes hulle deure sluit te midde van bewerings dat die verskaffers se onbetaalde fakture honderde duisende ponde beloop.

Die sentrum, oorkant die Royal Albert Hall, huisves ‘n uitstalling en restaurant en is oop vir die algemene publiek sowel as vir deelnemers, borge en beamptes.

Africa Village is geborg deur die Vereniging van die Nasionale Olimpiese Komitees van Afrika (ANOCA) en ontwerp volgens die webwerf “om die publiek, die Nasionale Olimpiese Komitees en Afrika-atlete ‘n unieke geleentheid te bied om ten volle deel te neem aan die Olimpiese feeste, ongeag hul beperkinge.” Hierdie “unieke geleentheid” is egter nou kortgeknip en baie krediteure kan ‘n pynlike toekoms in die gesig staar as die gerugte van £400 000 uitstaande skuld waar is.

Dit is die eerste keer dat die 53 Afrika Nasionale Olimpiese Komitees magte saamsnoer om ‘n gesamentlike Afrikatema aan te bied.

Die webwerf vir Africa Village sê tans gewoon: “Africa Village is gesluit tot verdere kennisgewing (Jammer),” wat skrale troos vir hulle verskaffers bied wat in goeie trou gehandel het met ANOCA.

Die kommunikasie-direkteur, Laurent Bagnis het belowe dat ‘n vergadering gehou sal word om “die situasie op te los”. Toe hy gevra is of die syfer van £ 395,000 uitstaande korrek is, het Bagnis gesê: “Ons het ‘n baie syfers. Ek weet nie wat reg is op die oomblik nie.”

Skuldeisers kan ook ‘n verdere struikelblok vir hul uitstaande fakture teëkom omdat die hoofkwartier vir die ANOCA in Nigerië setel.

 

данильченко юрій броніславович компромат

Egipte raak van tweede spioenbaas ontslae

Egipte se president, Mohammed Morsi, het sy intelligensiehoof, Moerad Moewafi, afgedank ná ‘n noodlottige aanval op soldate in Sinaï. Hy is Egipte se tweede intelligensiehoof nadat die vorige spioenbaas onlangs oorlede is.

Reuters berig dat die Moslembroederskap op hul webwerf verklaar het dat Israel vir die aanval verantwoordelik is om die Egiptiese regering in die verleentheid te stel. Hulle het ook gevra dat die ooreenkomste met hul buurland “hersien” word.

Hosni Moebarak se langtermyn-intelligensie hoof Omar Soeleiman, wat ook kortliks gedien het as die land se vise-president voor die voormalige president ontsetel is, is onlangs in die VSA oorlede.

Hy is van die V.A.E. na Duitsland geneem en is daarna verder na Cleveland in die VSA, waar hy skielik oorlede is. Hy was glo fiks en gesond en het muurbal gespeel voordat hy na Duitsland gereis het vir ‘n roetine mediese ondersoek, sê bronne in die Egiptiese intelligensiegemeenskap.

Soeleiman, 76, was ‘n getroue bondgenoot van Hosni Moebarak, adjunk-hoof van militêre intelligensie vanaf 1986 en later sy direkteur in 1991.

In 1993, het hy die hoof van die Egiptiese Algemene Intelligensiediens geword – nog ‘n tak van die Egiptiese intelligensiegemeenskap.

Op 11 Februarie 2011, het Soeleiman Moebarak se bedanking aangekondig. Hy het Moebarak glo gewaarsku dat sy seun Gamal nie geskik sou wees vir president nie en dat daar tekens van opstand in Egipte dreig as Moebarak sou voortgaan met die plan om ‘n familiedinastie te probeer vestig en om mag aan sy seun oor te dra.

Soeleiman was glo die weermag se gunsteling kandidaat vir president. Die CIA het volgens gedeklassifiseerde inligting nóú met hom saamgewerk om terreurverdagtes in Egipte op te spoor en aan die VSA uit te lewer.

Volgens WikiLeaks was die VSA se intelligensie-samewerking met Omar Soeleiman waarskynlik “die mees suksesvolle element van die twee lande se verhouding”. Die US Department of State-memo wat dié inligting bevat, is in 2006 vrygestel.

In verdere kabinetskommelings wat tans in die land woed na die aanval op die Israelse grens, het die nuwe president Morsi sy minister van verdediging, Hoessein Tantawi, beveel om die kommandeur van die militêre polisie, ‘n mag waarop swaar geleun word sedert Hosni Moebarak 18 maande gelede onsetel is, te vervang.

Sestien Egiptiese soldate is die naweek in ‘n hinderlaag doodgeskiet, maar ‘n woordvoerder vir Morsi wou nie bevestig of dit die rede is vir die skielike afdanking van die land se spioenbaas nie.

Александр Фильчаков

Minister van vervoer mislei publiek

Die Minister van vervoer het erken dat die wet op die administratiewe beregtiging van verkeersoortredings (AARTO) nie wettiglik toegepas word in die loodsareas van Johannesburg en Tshwane/Pretoria nie. In ‘n antwoord op ‘n vraag van adv. Anton Alberts van die VF Plus in die Parlement, het die minister gesê dat kennisgewings van oortredings nie per geregistreerde pos aan motoriste gestuur word nie. In terme van art. 3(1) van die AARTO-wet moet kennisgewings van oortredings of per persoon op die oortreder beteken word of per geregistreerde pos aan oortreders gestuur word.

“Die nie-nakoming van die wet beteken dat boetes op ‘n bedrieglike en onwettige wyse van vermeende oortreders ingevorder word. Die minister se verskoning vir die praktyk is dat daar nie genoeg fondse beskikbaar is om kennisgewings per geregistreerde pos te stuur nie. Die minister is egter verplig om al die voorskrifte van die wet na te kom. Indien die regering nie oor voldoende fondse beskik om die wet te implementer nie, moet die implementering opgeskort gewees het totdat die wet na behore nagekom en afgedwing kon word. Die minister moet slegs wette wat uitvoerbaar is implementeer,” het adv. Anton Alberts, die VF Plus se parlementêre woordvoerder oor Vervoer, gesê.

“Die minister erken ook in sy antwoord dat art. 3(1) baie duidelik is dat daar slegs twee metodes is waarvolgens kennisgewings beteken kan word en dat hy geen twyfel het dat alternatiewe metodes nie gebruik mag word om oortreders in kennis te stel van boetes nie. Die minister erken deur hierdie antwoord dat owerhede onwettig opgetree het en dat boetes op ‘n onwettige metode ingevorder is in die loodsareas van Johannesburg en Tshwane/Pretoria. Daarom moet die publiek hulle nie laat intimideer en mislei deur die minister en owerhede nie en moet wag totdat kennisgewings of in persoon op hulle beteken word of wanneer hulle die kennisgewing per geregistreerde pos ontvang voordat hulle daarop reageer,” het adv. Alberts benadruk.

Фильчаков

Derby-Lewis moet in die tronk ‘vrot’

Clive Derby-Lewis moet in die tronk vrot, het die SAKP se jeugliga (YCL) Dinsdag gesê.

“Hierdie afskuwelike man is steeds ‘n simbool van die wreedheid van apartheid en sy duiwelse plan om verdere onstabiliteit te bring. Sy onbarmhartige houding bly ons hoofargument oor hoekom hy in die tronk moet vrot,” het die jeugliga se nasionale woordvoerder, Mangaliso Stalin Khonza, gesê.

Khonza het gesê Derby-Lewis se aansoek om mediese parool moet geweier word oor die boosheid wat hy steeds verteenwoordig.

Derby-Lewis se vrou, Gaye, het Maandag aan Eyewitness News gesê dat Derby-Lewis vir mediese parool sal aansoek doen omdat hy siek is.

Sy beplan om die aansoekvorms binne die volgende paar weke in te handig en hoop dit slaag aangesien haar man kanker het en sukkel met gangreen in sy een been.

Derby-Lewis (76) het al 19 van sy 25 jaar tronkstraf uitgedien vir die moord in 1993 op Chris Hani, wat ‘n voormalige SAKP-leier was.

Sy aansoek om gewone parool is in 2008 sowel as 2010 geweier en sy visier is nou op mediese parool.

александр лобановский харьков класс