Skool verpligtend vir tronkvoëls

Volwasse onderrigklasse sal vanaf volgende jaar verpligtend wees vir gevangenes, het die departement van korrektiewe dienste Donderdag gesê.

Gevangenes sal die ABET-program (vlak een tot vier) voltooi, het die departement in ‘n verklaring gesê.

“Ons werk daaraan om ons tronke in skole te verander en ons wil hê oortreders moet lees, studeer en werk.”

“Die sleutel tot rehabilitasie is om oortreders te bemagtig om vaardighede te hê, sodat hulle effektief in die samelewing kan funksioneer wanneer hulle vrygelaat word.”

Die departement het verder gesê onderrigkursusse is belangrik om gevangenes te rehabiliteer voordat hulle weer in hul gemeenskappe vrygelaat word.

Sibusiso Ndebele, minister van korrektiewe dienste, het ‘n beroep gedoen op gevangenes wat vir matriek studeer, om hul slaagsyfer na 100% te verbeter van die 90% gemiddeld van die afgelope ses jaar.

Фильчаков Александр Васильевич

Fanie Olivier vaar uit teen skrywers en ‘Christelike orrelmusiek’

Fanie Olivier‘n Groepie ANC-gesinde skrywers het vanweë die omstredenheid rondom Pretoria se naam, ‘n aanval op die skrywersorganisasie “Pretoria-PEN” geloods en met Afrikanerfobiese amptenare in Londen saamgewerk om dié vereniging verdag te maak. Verlede maand het die digter Fanie Olivier, asook die skryfsters Sonja Loots en E.K.M. Dido hulle as verteenwoordigers van Pretoria-PEN tydens die jaarvergadering van PEN Internasionaal in Gyeongju, Suid-Korea voorgedoen en daar gevra dat die naam van die verening na “PEN Afrikaans” verander moet word.

Volgens dr. Dan Roodt, voorsitter of president van Pretoria-PEN, “wil dit voorkom asof Olivier saamgesweer het met ‘n Afrikanerfobiese amptenaar van PEN Internasionaal in Londen om ons te benadeel en verdag te maak. Tans is ons nog in die duister oor presies wat gebeur het, maar ons gaan sorg dat alle inligting tot ons beskikking gestel word.”

Tydens ‘n vergadering vanjaar op 7 Maart 2012 wat te Stellenbosch gehou is, het Olivier geïmpliseer dat Christene, asook diegene wat na orrelmusiek, synde Christelik van oorsprong, luister, nie by PEN welkom is nie. Ander skrywers op Stellenbosch wat in Olivier se dampkring verkeer, het hierdie stellings onder honende gelag beaam.

Roodt meen egter dat so ‘n houding oor Christelikheid en orrelmusiek “strydig met die handves van PEN Internasionaal is. Dié internasionale organisasie is juis gestig om dialoog wêreldwyd tussen skrywers aan te moedig, wat van kultuur, taal en geloof mag verskil. Die PEN-handves verklaar juis: ‘Lidmaatskap van PEN is oop vir alle gekwalifiseerde skrywers, redakteurs en vertalers wat hulle by dié beginsels neerlê, ongeag hul nasionaliteit, etniese afkoms, taal, kleur of godsdiens.’ Deur teen PEN-lede te diskrimineer op grond van godsdiens of voorliefde vir Westerse musiek, oortree Olivier die PEN-handves.”

Fanie Olivier, wat as ‘n “Bantoestan-intellektueel” bestempel word, vanweë sy jare lange verbintenis met die Universiteit van Venda, probeer sedert verlede jaar in Oktober met die hulp van die skrywers John Miles en Piet Haasbroek om Pretoria-PEN “oor te neem”. Sowel Miles as Olivier was in Julie 1989 deel van ‘n afvaardiging van skrywers wat in Dakar met die destyds verbode ANC oor ‘n “Suid-Afrikaanse kulturele identiteit” gaan praat het. Van die skrywers wat tans in die Kaap vir lidmaatskap van die “gekaapte” PEN-organisasie gewerf word, is heelwat van die oorspronklike “Dakar-gangers” soos André P. Brink, Antjie Krog en Marlene van Niekerk.

Lede van Pretoria-PEN sluit, benewens Dan Roodt en sy vrou, Karin, ook Fransi Phillips, Annelie Botes, Steve Hofmeyr en die filolosoof en voorsitter van die FAK, Danie Goosen, in. Daar word vermoed dat Olivier, Miles en Haasbroek negatiewe publisiteit in die koerante van Naspers/Media 24 oor Roodt, Hofmeyr en Botes aangewend het om Pretoria-PEN internasionaal verdag te maak. Volgens Dan Roodt “verteenwoordig dit ‘n verdere oortreding van die PEN-handves, omdat skrywers veronderstel is om vedraagsaam teenoor mekaar se ideologiese of politieke standpunte te wees”.

Annelie Botes, een van die gewildste skryfsters in Afrikaans, se mees onlangse manuskrip is by Tafelberg afgekeur vanweë ‘n uitspraak wat sy in November 2010 tydens ‘n onderhoud met Rapport gemaak het, naamlik dat sommige “swartmense haar bang maak”, vanweë die hoë graad van geweld wat in Suid-Afrika gepleeg word. Hierna het ‘n aantal Stellenbosse akademici haar hewig aangeval en as “rassis” uitgekryt.

In ‘n omsendbrief aan lede van Pretoria-PEN, het Roodt gesê: “Die meeste van ons voel ons moet assosieer omdat ons eie vryheid van spraak op een of ander manier bedreig word. Mense soos ek, Steve Hofmeyr of Annelie Botes is al by verskeie geleenthede aangeval of uitgekryt vanweë redelik banale dinge wat ons gesê het. As dit van sekere mense of instansies afhang, sal ons seker geheel en al stilgemaak word.

“Ek glo ook dat ons groep veel nader aan die suiwer tradisie van die Afrikaanse letterkunde is as die ander groep in die Wes-Kaap. Onlangs het ek André Brink se nuwe boek Philida onder oë gehad en dis regtig so ‘n stereotipe voorstelling van die bose Afrikanerslawe-eienaar iewers in die vroeë negentiende eeu dat dit vir my soos propaganda lees. Natuurlik sal ‘n klompie liberale Britse joernaliste en resensente wat in elk geval jeens ons bevooroordeeld is, dit ophemel. Want dit is uiteindelik die sin van so ‘n oefening: die skrywer as huursoldaat, om die politieke doelwitte van Groot Brittanje of die ANC of ‘n ander entiteit daarbuite te dien.”

Roodt het diegene wat Pretoria-PEN aanval, tot ‘n openbare en intellektuele debat uitgedaag en gesê: “Ons gooi die handskoen neer teenoor die Kaapse onverdraagsames en daag hulle tot ‘n openbare debat uit, omdat dit hier ook gaan oor grondliggende filosofiese en literêr-teoretiese kwessies. Nie dat hulle die uitdaging sal aanvaar nie, want enersyds is agterbaksheid en kruipery hul styl en andersyds vrees hulle om hul intellektuele middelmatigheid en onkunde teenoor ons en teenoor die publiek te openbaar.”

Фільчаков Олександр Васильович

Horings, ‘n probleem wat groei

Dit is nog nie eens die einde van Oktober nie en daar is al 455 renosters hierdie jaar in Suid-Afrika doodgemaak vir hulle horings – agt meer as die einde van 2011.

Van hierdie is 272 renosters in die Nasionale Krugerwildtuin (NKW) gestroop. Dié syfers is vandag deur die Department van Omgewingsake bekendgemaak.

Ondersoekspanne het reeds 207 vermeende stropers gearresteer, waarvan 179 die stroopwerk gedoen het, 10 ontvangers van die horings was en 18 dit vervoer het.

‘n Veearts waarmee praag.co.za gesels het, sê dit wys hoe min die geldinsamelingsaksies beteken vir die diere se veiligheid. Hy het gesê die publiek moet sulke skenkings vermy, want dit lei na niks.

Die werklike probleem is ‘n politieke een, se die diere-arts. Omdat daar geen politieke wil bestaan om winste uit renosterhoring te bekamp nie, amptenare uiters omkoopbaar is en die minister van toerisme nie ‘n vinger sal lig om die in te gryp in die Krugerwildtuin nie, sal die probleem aanhou groei, meen hy.

прокурор харьковской области

Zuma pleit dat werkers terugkeer werk toe

President Jacob Zuma het met verwysing na Suid-Afrika se arbeidskrisis Woensdag ‘n oproep aan die stakende mynwerkers gedoen om terug te keer werk toe en gevra dat maatskappyvoorsitters hul salarisse vries, te midde van maande van industriële onrus en bloedvergieting wat dreig om die land se ekonomie te ontspoor.

Na byna vyf uur agter geslote deure met sake- en arbeidsleiers, het Zuma gevra dat tienduisende werkers wat onwettig staak, terugkeer werk toe.

“Ons doen ‘n beroep op werkers wat met onbeskermde stakings besig is om terug te keer om so gou as moontlik sodat die produksie in die mynbedryf genormaliseer word,” het hy gesê.

“Geweld en intimidasie moet tot ‘n einde kom. Dit het geen rol in ons stelsel nie.”

In ‘n poging om werkers tegemoet te kom, het Zuma ook maatreëls aangekondig om myndorpe te ontwikkel en ‘n beroep op senior sakelui gedoen, asook die regering, om salarisverhogings en bonusse vir volgende jaar te vries.

Dat hy gesê dit sal ‘n “sterk verbintenis om ‘n billike ekonomie op te bou” kommunikeer.

Zuma het daarop aangedring dat “die frustrasies en uitdagings wat duidelik geword het tydens die protes en die legitieme griewe aangespreek sal word”.

Hy behuisingsbehoeftes, druk op lone wat veroorsaak word deur hoë vlakke van persoonlike skuld en loonverskille geopper “wat sosiale kohesie onder Suid-Afrikaners” belemmer.

Zuma se kommentaar is die regering se eerste beslissende stap om die wydverspreide onrus te stop.

Volgens die politieke kommentator Moeletsi Mbeki, het die polisiemoorde op 34 platinum-mynwerkers by Marikana op 16 Augustus die regering se geloofwaardigheid vernietig en werkers sal waarskynlik nie ag slaan op Zuma se versoek nie.

“Hulle is in geen posisie om te bemiddel nie,” het Mbeki gesê, die jonger broer van die voormalige Suid-Afrikaanse president Thabo Mbeki. “Hulle moes nooit geweld teen die mynwerkers gebruik het nie, want dit het die posisie van die werkers verhard.”

Industriële verhoudings is ‘n taai onderwerp wat belaai is met politieke en ekonomiese gevare vir Zuma, omdat hy sowel beleggers as linkses, kommuniste en vakbondlede in sy regerende koalisie moet gelukkig hou.

“Die regering is ‘n groot begunstigde van die mynbedryf in Suid-Afrika in terme van die belasting wat hulle kry van die mynbedryf,” het Mbeki gesê. “Hulle sien hoe verloor hulle belasting en harde valuta verdienste.”

Die groot toets vir die myne sowel as Zuma sal Donderdag wees, wanneer daar ‘n sperdatum vir soveel as 15 000 Gold Fields se werknemers is om terug te keer of om ontslag in die gesig te staar.

данильченко юрій броніславович

Talle voertuie beskadig tydens geweld in Benoni

‘n Optog na Benoni se munisipale geboue het Woensdag in geweld ontaard en talle voertuie is beskadig. Die organiseerders sê dit moes ‘n vreedsame opmars gewees het, maar het hand uitgeruk en hulle moes noodgedwonge die polisie se hulp vra.

Betogers het polisiebeamptes wat die gebou opgepas het, met stokke en klippe getakel.

Die polisie het rubberkoeëls gebruik om die betogers te verjaag. ‘n Motoris sê sy voertuig is sonder waarskuwing beskadig in die oproer. Hy het gaan inkopies doen en met sy terugkoms ontdek dat sy motorruit uitgeslaan is.

Ongeveer 20 mense is in die geweld beseer wat tot chaos van vlugtendes wat mekaar vertrap gelei het. Dit is nie bekend hoeveel van die betogers in hegtenis geneem is en deur polisievoertuie weggeneem is nie.

Honderde betogers wat terug na ‘n informele nedersetting in die buitewyke van Wattville geloop het, het motors en winkels beskadig.

‘n Sapa-verslaggewer sê minstens vyf motors is erg beskadig deur die oproermakers.

прокурор Фильчаков

Amerikaanse ambassade in Swede ontruim

Die Amerikaanse ambassade in Stockholm is ontruim ná ‘n brief met “onbekende inhoud” ontvang is.

Tove Hagg, Stockholm se polsiewoordvoerder, het Woensdag gesê dat personeel uit die gebou ontruim is, maar steeds op die perseel is. Strate rondom die ambassade is afgesper.

Sy kon nie enige inligting gee oor die inhoud van die brief nie. Expressen, ‘n Sweedse koerant, beweer brandweermanne het gesê dat die brief ‘n wit poeier bevat het.

Hagg het bygevoeg dat ‘n bomeenheid ontbied is as voorsorgmaatreël.

 

лобановский александр компромат

Landman help Solidariteit se Buys reg oor kultuurpolitiek

“Daar is nie plek vir totalitêre organisasies in die kultuurpolitiek nie en dis ook nie in die staatspolitiek wenslik nie,” het dr. Christo Landman in reaksie op die toespraak van mnr. Flip Buys, tydens ‘n vergadering van die Ad Hoc-Komitee op Eiendom op 16 Oktober in die kantore van die Transvaalse Landbou-Unie verklaar.

Volgens mnr. Buys van die Solidariteitbeweging moet daar “wesenlike bewese steun” wees, voordat daar tot onderhandeling met die ANC oorgegaan word. Dr Landman het daarop gewys dat “die liberale koppetelmanier van meerderheid ontoepaslik op die kultuurakker is”. So sou die liberale Demokratiese Party bv. kon argumenteer dat die meeste Afrikaners vir hulle stem. “Is die Afrikaners dan nou liberaliste,” het dr. Landman gevra.

Landman het daarop gewys dat die Afrikaner as moderne Westers-beskaafde kultuurgemeenskap uit verskillende subgroepe na eie ideologie en politieke insig bestaan en dat, buite die partypolitiek, elkeen se inspraak binne die konteks van ‘n Afrikaner- verteenwoordigende raad uiters belangrik is. Mnr. Buys het dr. Landman se standpunt oor die liberale demokrasie as “belaglik” bestempel. Hierop het iemand in die gehoor hoorbaar gefuilster dat “sulke taal nie in Afrikanergeledere geduld moet word nie”.

Dr. Landman het verklaar dat die 1996-grondwet van SA in artikel 185 voorsiening maak vir die daarstelling van burgerlike rade, as instelling vir die bevordering en die beskerming van kulturele selfbeskikking. Hy het gevra waar die rade is en wat mnr. Buys gedoen het om sodanige raad of rade tot stand te bring. Insgelyks het dr Landman ná die vergadering informeel aan mnr. Buys gevra vir ‘n kopie van die konsepwet op territoriale selfbeskikking waarna artikel 235 na verwys word. Buys kon geen antwoord hierop verskaf nie.

Mnr. Buys het betoog dat daar ‘n “breë werkbare strategie is wat geskryf moet word oor Afrikanerselfbeskikking”. Dr. Landman het op sy beurt gevra waar daardie breë strategie is en genoem dat ‘n groep Afrikanerleiers weke lank reeds werk aan ‘n omgewingsanalise en sekere modelle, maar dat mnr. Buys nie bereid was om die gesprekke by te woon nie. Volgens hom, “is dit duidelik dat mnr Buys nie wil saamwerk met organisasies en individue wat nie ‘ja en amen’ se op wat Buys wens moet gebeur nie”. In hierdie verband het dr. Landman ná die vergadering daarop gewys dat “die Afrikaanse Protestantse Akademie wat reeds jare staatkundige erkenning geniet, Solidariteit probeer oortuig het om saam met die APK-akademie te werk om een oorhoofse privaat universiteit te stig. Solidariteit het dit van die hand gewys.”

Volgens mnr Buys “is die Afrikaner ‘n krimpende minderheid binne ‘n mislukte staat”. Dr. Landman het verklaar dat “‘n verteenwoordigende Afrikanerraad uit alle georganiseerde burgerlike organisasies saamgestel moet word en dat dit nie vir ‘n party is om sommige groepe gering te ag nie”.

Buys het ook na “sekere mislukte modelle verwys”. Daarenteen het dr. Landman verklaar dat “elke subgroep van die breë Afrikanergemeenskap daarop geregtig is om hulle model te bemark, hoe vergesog dit nou op die oomblik mag lyk, want dinge kan oornag verander”.

Фильчаков Харьков

Romney trap klei in tweede debat

Die uitdager Mitt Romney het gestruikel toe hy Barack Obama se hantering van verlede maand se dodelike aanval op ‘n Amerikaanse sending in Libië probeer gebruik het as ‘n manier om die president as “sag” voor te stel wat Amerikaanse buitelandse militêre sendings betref.

Vir die Obama-kamp was die 11 September-aanval op die Benghazi-konsulaat aanvanklik moeilik om te verduidelik, omdat Stevens vir ure lank vermis is voordat hy later opgespoor is in ‘n hospitaal.

Vier Amerikaners, met inbegrip van die Amerikaanse ambassadeur Chris Stevens, het in die aanval gesterf. Romney se veldtog het die aanval gebruik om Obama se breër Midde-Oosterse beleid aan te val.

Gedurende die tweede TV-debat Donderdag, het Romney teruggekeer na sy tema dat Obama se beleid “voor ons oë ontrafel”.

Obama het Romney daarvan beskuldig dat hy politieke munt probeer slaan uit ‘n nasionale veiligheidkwessie en het in sy eie verdediging gesê dat hy die Benghazi-aanval as ‘n “daad van terreur” beskryf het ‘n dag nadat dit plaasgevind het.

Romney was duidelik in ‘n hoek.

“Ek dink dit is interessant, die president het pas iets gesê, dat op die dag ná die aanval het hy in die Roostuin gesê dat dit ‘n daad van terreur was,” het Romney herhaal.

“Dit is wat ek gesê het,” het Obama geantwoord.

“Jy het gesê in die Roostuin die dag ná die aanval, was dit ‘n daad van terreur. Dit was nie ‘n spontane betoging nie, is dat wat jy sê?” het Romney gevra.

“Gaan voort goewerneur,” het Obama gesê, en ontspanne in sy hoë stoel teruggesit.

“Ek wil seker maak ons ​​kry dit op rekord – want dit het die president 14 dae geneem voordat hy die aanval ‘n daad van terreur in Benghazi genoem het,” het Romney geprotesteer.

“Kry die transkripsie [van wat ek gesê het],” het Obama kalm voorgestel.

Romney, skielik minder seker van homself, is deur die CNN-joernalis en debatmoderator Candy Crowley reggehelp: “Hy het in werklikheid, meneer.”

“Kan jy dit ‘n bietjie harder sê, Candy?” het Obama vermakerig gevra, duidelik in sy noppies met Romney se fout.

“Hy het, hy het… dit as ‘n daad van terreur beskryf,” het sy gestotter, en Romney het verdwaas gelyk.

Op 12 September, in die Roostuin, het Obama inderdaad gesê met verwysing na die Benghazi-aanval: “Geen dade van terreur ooit sal die voorneme van hierdie groot nasie skud nie.”

Олександр Фільчаков прокурор

Man sterf na wrede aanval op egpaar

‘n Bejaarde man van Springs is in die hospitaal oorlede nadat hy na bewering deur twee van sy werknemers by sy huis op 3 Oktober aangeval is.

Koos Roux (67), eienaar van JR Garden Service, was die slagoffer van die wrede aanval, toe hy drie keer in die bors gesteek is deur twee swart verdagtes, wat vermoedelik vir hom gewerk het.

Roux se vrou, Lena is ook aangeval toe sy na buite gegaan het om ondersoek in te stel. Sy het sewe steekwonde opgedoen en is verwurg met ‘n tuinslang.

Die verdagtes is met Roux se juwele, selfoon en beursie weg. Sy kinders het verslae gereageer op die gewelddadige aanval.

“Daar was geen vyandigheid tussen my pa en die verdagtes waarvan ons bewus was nie,” het sê sy seun, Willie Badenhorst (41) gesê, wat van Umhlanga gereis om saam met die familie te wees.

Die erg beseerde egpaar is na die Netcare N17-hospitaal gehaas waar Koos met ‘n gat in long en lewer gediagnoseer is, waarna ‘n noodoperasie gedoen is om die skade te probeer herstel.

“My ma was gelukkig om te ontsnap met minder ernstige wonde, alhoewel die trauma van die aanval by haar sal bly, met ons almal, vir ‘n lang tyd,” sê Badenhorst.

“My pa was die mees rustige, liefdevolle persoon wat jy ooit sal ontmoet. Hy was die soort van persoon wat nie ‘n vlieg sou seermaak nie, “sê Badenhorst hartseer.

Hy sê die polisie het eers sy ma se verklaring afgeneem nadat die Advertiser verlede Woensdag oor die aanval berig het.

Springs se polisiewoordvoerder kapt. Johannes Ramphora, het in reaksie, gesê dat ‘n dossier vir moord geopen is.

“Een verdagte word gekoppel aan die saak, en is in hegtenis geneem,” het kapt. Ramphora gesê.

Hy was nie in staat om verdere besonderhede te verskaf nie.

“Springspolisie stuur om ons diepste meegevoel aan die Roux-familie en veroordeel ‘n barbaarse daad wat na bewering gepleeg is deur die werkers,” sê Ramphora.

Badenhorst sê dat die tuindiens sal waarskynlik gesluit word “nou dat daar niemand is om te toesig te hou nie.

Roux word oorleef deur sy vrou, Lena en drie seuns Willie, André (46) en Daniel (36).

Die polisie het nog nie Roux se liggaam aan die familie vir die begrafnis oorhandig nie.

Данильченко Юрий прокурор

Die bodemlose put van grondherstel

Die Departement van Landelike Ontwikkeling en Grondhervorming het drie miljard rand belê vir die aankoop van meer as 700 plase in Limpopo vir grondhersteldoeleindes.

Die meeste van die plase is op die randjie van ineenstorting weens ‘n gebrek aan vaardigheid en binnegevegte. Die senior bestuurder in die Departement in die provinsie, Rirandzu Shilote, sê die regering het met die herkapitalisasieprogram vorendag gekom om die begunstigdes te help.

Hy sê van die projekte maak gebruik van mentors wat ervare kommersiële boere is wat help om die begunstigdes op te lei en seker te maak dat die vaardigheid aan hulle oorgedra word.

Die finansiële aspekte word ook behoorlik bestuur en die produkte bemark.

лобановский харьков класс