Nuus Archives - Page 1197 of 1583

Die w?reld se oudstes

Meer as 40 000 Japannese is 'n 100 jaar of ouer, en dis 10% meer as verlede jaar, het 'n verslag van die regering uitgewys. Die verslag is die jongste in 'n reeks wat die ekonomiese probleme waarmee die land te kampe het, weergee.

Japan is die wêreld se bevolking wat die vinnigste besig is om oud te reek.

Van die 40 399 burgers in hulle honderds, is 87 vroue, het die ministerie van gesondheid verklaar.

Die gemiddelde ouderdom van Japan se inwoners is die nuwe eerste minister Yukio Hatoyama en sy Demokratiese party wat verlede maand met 'n wegholoorwinning die leisels oorgeneem het, se grootste uitdaging.

Tans onderhou drie werkende Japannese een oumens, maar oor vyftig jaar gaan die verhouding een tot een wees.

Hatoyama het belowe dat sy administrasie die pensioenskema sal standariseer tot 'n minimumbedrag van 70 000 yen ($765) per maand vir laeinkomstegroepe.

Japanners het die langste lewensverwagting ter wêreld en kenners sê dit is 'n gesonde dieet, goeie gesondheidsorg en 'n tradisie van aktiewe pensioenarisse.

Die verslag is uitgereik kort voor die nasionale vakansiedag, Respek vir die bejaardes, op 21 September.

Swart meisie vertrap by rietdans

Die tradisionele rietdans

’n Swart meisie, 14, is dood en talle beseer gedurende ’n stormloop die naweek by die jaarlikse rietdansfees by koning Zwelithini se paleis in Enyokeni in die noorde van KwaZulu-Natal.

Volgens die polisie is agt ander beseer en na ’n hospitaal in Nongoma geneem. Dit was teen druktyd nie bekend wat hul toestand is nie.

Dir. Phindile Radebe, polisiewoordvoerder, kon ook nie gister sê wie die oorledene is of van waar sy is nie.

Die nuuskanaal e.tv News het berig die stormloop het begin toe gratis pette aan die swart meisies uitgedeel is.

EU-hulp aan Zim vloei steeds

Hulpkommissaris van die Europese Unie, Karel De Gucht, het gesê die EU sal vanjaar hulp van €90 miljoen aan Zimbabwe gee.

"Die Europese Unie het nog nooit opgehou om Zimbabwe te help nie," het die hulpkommissaris gesê aan die einde van sy tweedaagse besoek aan die land. Dit is die eerste besoek in sewe jaar waar die EU-blok samesprekinge met Mugabe se regering gehou het.

Die Sweedse minister van ontwikkeling, Gunilla Carlsson, wie se land die roterende EU-presidentskap hou, het gesê daar is nog steeds menseregteskendings in Zimbabwe.

"Die EU het 'n duidelike riglyn dat die sleutel tot die land se terugkeer die volle implementering van die globale politieke ooreenkoms is," het sy gesê.

Sy het bygevoeg dat die magsdelingsooreenkoms en die regering van nasionale eenheid 'n "belangrike stap in die rigting van normalisering van die situasie in Zimbabwe is".

Die besoek van die EU-afvaardiging kom op 'n tydstip waar streeksleiers vra dat die sanksies teen president Robert Mugabe en sy bondgenote opgehef word.

Die sanksiese behels ondermeer bevriesde bates en 'n reisverbod op Mugabe en sy helpers.

Die EU het egter aangedring op verdere hervormings soos waarborge vir politieke en mediavryheid.

Suid-Afrika, swaargewig in die streek, het Vrydag die EU-afvaardiging ontmoet om aan te dring daarop dat sanksies laat vaar word sodat die ooreenkoms tussen Mugabe en Tsvangirai wat in Februarie onderteken is, kan voortgaan.

Die EU het sedert 2002 sowat €600 miljoen se humanitêre hulp aan Zimbabwe verleen.

Акваэлит

Chuene wil terug na IAAF

Leonard Chuene, die president van Atletiek Suid-Afrika, ASA, gaan terugkeer na die internasionale atletiekliggaam se raad om te veg vir ‘n atleet wie se geslag in twyfel getrek word.

ASA het Sondag aangekondig dat sy president gaan terugkeer na die IAAF se raad.

Chuene het gesê dat sy besluit om die raad te verlaat 'n “emosionele” een was.

Die IAAF het daarop aangedring dat geslagstoetse op die 800m wêreldkampioen Caster Semenya gedoen moet word.

Hulle weier om mediaberigte dat Semenya beide manlike en vroulike geslagsdele het te bevestig of te ontken.

Volgens die IAAF is hulle nog besig om die uitslae na te gaan en hulle sal in November ‘n finale besluit neem oor of Semenya nog aan vrouebyeenkomste sal mag deelneem.

my little pony игрушка Фильчаков

Departement gaan ‘dom’ matriek-beleidsvoorstelle terugtrek

Die Burger berig dat Angie Motshekga, minister van basiese onderwys, haar kantoor opdrag gegee het om dadelik met die regsproses te begin om 'n beleidsvoorstel wat matriek volgens kenners "verdom", terug te trek.

Die voorstelle om die nasionale seniorsertifikaat se slaagvereistes makliker te maak, is op 26 Augustus in die Staatskoerant afgekondig sonder dat die minsiter daarvan geweet het.

’n Kennisgewing om die afkondiging terug te trek, sal binne twee weke in die Staatskoerant gepubliseer word.

'n Woordvoerder het gesê die minister het nie van die voorstel geweet nie en sy was onder die indruk dit nog deel van ’n interne proses was.

Hy het gesê dis ’n reusagtige misverstand en skole en beamptes bel onophoudelik want almal is verward en histeries.

'n Berig op die Sunday Times se voorblad dié naweek oor die voorgestelde wysigings het die kwessie op die spits gedryf.

Daar is reeds vrae oor die huidige standaard van die nasionale seniorsertifikaat-eksamen.

Die National Benchmark Tests het onlangs getoon dat die standaard van die twee wiskundevraestelle wat matrieks tydens verlede jaar afgelê het, reeds onder verdenking is.

ведущий детектор лжи

SA dreig met ‘derde w?reldoorlog’ oor Semenya

Suid-Afrika se voorlopige vroue 800m wêreldkampioen Caster Semenya het onttrek uit 'n wedren waaraan die atleet Saterdag moes deelneem.

Volgens haar afrigter, Michael Seme, "voel sy nie lekker nie".

Suid-Afrika het die internasionale mediaberigte oor die 18-jarige se tweeslagtigheid as 'n miskenning van die tiener se privaatheid veroordeel en het met 'n "derde wêreldoorlog" gedreig as die atleet gediskwalifiseer sou word.

Makhenkesi Stofile, minister van sport en ontspanning, het Vrydag op ’n mediakonferensie in Pretoria met oorlog gedreig en gesê Semenya se menseregte word geskend.

Stofile het gesê hy het met “skok en afsku” kennis geneem van berigte in Australiese koerante waarin beweer is Semenya is hermafrodities.

Die ANC het ’n internasionale regsfirma opdrag gegee om Semenya se saak te veg.

Nadat Semenya verlede maand in Berlyn lag-lag 'n goue medalje losgehardloop het, het haar manlike liggaamsbou vrae oor haar geslag laat ontstaan. Geslagstoetse het getoon dat haar testosteroonvlakke veel hoër is as wat vroue normaalweg toon.

Atletiek Suid-Afrika (ASA) het vóór Caster Semenya se vertrek na die Wêreld-atletiekbyeenkoms in Duitsland reeds geweet dat sy ’n mediese toestand het wat haar prestasie in die gedrang sou kon bring, het Beeld berig.

Die tweeslagtige atleet het in opdrag van ’n ASA-beampte op 7 Augustus in die Medforum-hospitaal in Pretoria glo reeds ’n geslagstoets ondergaan.

Volgens Beeld het dr. Harold Adams, ASA se spandokter wat glo teenwoordig was toe die toets in Pretoria gedoen is, kort voor die Wêreldbyeenkoms in Berlyn aanbeveel dat Leonard Chuene, president van ASA, Semenya liewer aan die byeenkoms onttrek.

ASA ontken dat so ’n toets gedoen is.

Semenya het intussen al haar verpligtinge en onderhoude gekanselleer en ontvang glo traumaberading.

Departement kondig verdomming van matriek aan

In seker die mees frappante erkenning dat swart leerders nie intellektueel die mas opkom nie en nie oor die vermoë beskik om op gelyke voet met hulle wit eweknieë mee te ding nie, het die departement vir basiese onderwys 'n plan bekend gestel om matriek makliker te maak.

Die aankondiging het groot woede in akademiese kringe ontlok.

Die Sunday Times berig dié departement stel voor dat die vereiste om 'n onderskeiding te verkry, van 80% na 70% verlaag moet word.

'n Klousule wat onlangs in die regering se Gazette gepubliseer is, stel ook voor dat 'n algehele onderskeiding vervolgens toegeken sal word vir 80% in slegs drie vakke behaal en minstens 60% in drie ander vakke.

'n Skoolhoof het dit as die "verdomming" van matriek beskryf.

Die voorstel kom 'n maand nadat die liggaam wat tersiêre instellings verteenwoordig, Hoër Onderwys Suid-Afrika, gesê het eerstejaars kan skaars lees, skryf of somme doen.

Hoe die departement se nuwe reëls bestaande probleme in geletterdheid en gesyferdheid sal oplos, is nie seker nie. Dit kan die reeds benarde situasie slegs vererger.

Die minister gemoeid met basiese onderwys, Angie Motshekga, sê sy is "onseker" oor die beweegredes vir haar departement se plan.

Sy het selfs aan die Sunday Times erken dat die gedagte "heel vreemd" is. Kennelik het die minister geen behul van wat in haar departement aangaan nie en sy is in geen besluit geken nie.

Die Gazette, van 26 August 2009, gee die buitelyne vir die beleid en regulasies vir nuwe seniorsertifikaateksamens en ook besonderhede oor die merieteslaagsyfers.

Die slaagvereistes is deur die bank verlaag en daar word voorgestel dat enige kandidaat 2% mag bykry indien nodig om te kan slaag. Die minimumslaagvereiste vir matriek is 40% in drie vakke en 30% in drie ander en die 2% sal by enige vak bygevoeg kan word om die leerder te laat deurkom.

Die departement hou vol dat hulle nie standaarde wil verlaag nie en sê sekere belangegroepe voel die stap sal "leerders motiveer".

Eugene Rabie, hoofbestuurder van Umalusi, die liggaam wat Graad 12-eksamens monitor, sê onder die nuwe stelsel tel elke vak afsonderlik waar 'n onderskeiding voorheen op 'n gemiddeld van 80% gegrond was.

Die besluit sal die toekenning van beurse vergemaklik.

free games.co.uk Александр Фильчаков

ANC gaan wittes vir gesondheidsburokrasie melk

’n Dokument van die ANC se taakspan wat 'n gesondheidsversekeringstelsel, NGV, deur hoër belastings wil finansier, is verlede week gelek. Een doelwit is om meer geld uit belastingbetalers te tap met ’n “gesondheidsorgbelasting” om 'n enorme gesondheidsburokrasie sonder die nodige dienste te finansier.

Dit kan tot 15% meer aan belasting kos om openbare gesondheidsorg te "verbeter" indien die plan aanvaar word.

Die NGV is ’n beplande stelsel waartoe alle Suid-Afrikaners sal móét bydra – en hoe ryker hoe meer – in ruil vir basiese mediese dienste. Die staat sal ook daartoe bydra deur geld wat hy van belastingbetalers invorder.

Dit sal 'n bykomende R80 miljard tot R100 miljard per jaar uit die belastingbetaler se sak beteken.

Daar is geen aanduiding van hoe presies die geld bestee of beheer sal word nie, maar belastingbetalers sal gemiddeld tussen 12,3% en 15,4% meer moet betaal.

Die uitwerking wat die bykomende belastinglas op die ekonomie gaan hê, word op die koop toe nie in berekening gebring nie.

Volgens aanduidings in die gelekte verslag gaan geld op ’n buite-balansstaatgrondslag aan die NGV toegestaan word wat beteken dit sal nie onder toesig van die nasionale tesourie en parlement wees nie.

Mediese fondse gaan bly en mense sal steeds mediese dekking kan uitneem nadat hulle tot die nasionale stelsel bygedra het.

Hulle sal egter nie meer belastingkortings op hul bydraes tot sulke fondse kan eis nie.

Die ANC hoop om die nuwe nasionale plan teen 2014 in werking te hê.

clue classic online game Лобановский Харьков

Australi? is die toevlug van ‘wit rassiste’ teen Semenya

In ‘n persverklaring wat Vrydag deur die ie ANC Jeugliga, ANCYL, vrygestel is, sê hulle dat “al die gerugte [oor Caster Semenya se geslag] uit Australië kom; ‘n plek waar rassistiese Suid-Afrikaners heen vlug omdat hulle nie onder ‘n swart, demokratiese regering wil leef nie.

“Dit is dus duidelik dat die aanvalle op Semenya van dié rassiste afkom wat nie kan glo dat ‘n swart vrou Suid-Afrika se naam hoog dra nie,” het die ANCYL in die verklaring gesê.

Die Jeugliga dê voorts hulle sal nooit aanvaar dat Semenya ‘n hermafrodiet is nie. “Daar bestaan in Suid-Afrika en die regdenkende wêreld nie so iets [soos ‘n hermafrodiet] nie.”

Die ANCYL sê daar is “nooit wettige mediese toetse op Semenya uitgevoer nie” Hulle het druk op die IAAF geplaas om hulself sonder verwyl van media-gerugte oor Semenya se tweeslagtigheid te distansieer.
тамбов тележки топкарго отзывы

Seun skiet onderwyser

'n 13-jarige seun is in hegtenis geneem en word aangekla van poging tot moord nadat hy sy onderwyser met sy pa se vuurwapen geskiet het.

Kaptein Dumisani Ndlazi, polisiewoordvoerder, het Vrydag gesê die onderwyser aan die Omar Ebrahim-laerskool in Pretoria is in 'n ernstige toestand in die hospitaal.

"'n Leerder het by die betrokke onderwyser gekla dat die verdagte iets uit sy sak gesteel het. Die onderwyser het glo die kind hieroor geslaan die seun het kwaad geraak."

Die ontstoke gr.7-leerder het toe huis toe gegaan, die kluis se sleutel gevind en sy pa se vuurwapen uitgehaal.

Hy is daarna terug skool toe en die onderwyser, wat in een van die skool se gange gesit het, in sy regterarm geskiet.

"Die verdagte het nie van die toneel gevlug nie," het Ndlazi gesê.

Die seun is in hegtenis geneem vir poging tot moord en sy pa sal van nalatigheid aangekla word.