Nuus Archives - Page 978 of 1583

50 Jaar: SA ‘n ekonomiese reus

Die Republiek van Suid-Afrika het vandag presies vyftig jaar gelede op 31 Mei 1961 tot stand gekom.

Suid-Afrika is vandag die ekonomiese reus in Afrika en dit is belangrik om erkenning te gee aan almal wat die afgelope vyftig jaar deur harde werk dit moontlik gemaak het.

In die eerste dekade na Republiekwording het Suid-Afrika deurlopend ‘n gemiddelde groeikoers van 6% per jaar gehad met ‘n inflasiekoers van 2% per jaar terwyl die prima rentekoers tussen 3% en 3,5% gewissel het. Hierop is die ekonomiese sterk Suid-Afrika van vandag gebou.

Suid-Afrika is vandag ekonomies meer as twee keer so sterk soos Nigerië en amper drie-keer so sterk soos Egipte. Suid-Afrika is ekonomies 80 keer sterker as die gemiddelde Afrikastaat. Daarbenewens het Suid-Afrika die beste paaie-, krag- en telefoonnetwerke in Afrika en is ons aandelebeurs een van die tien grootste aandelebeurse in die wêreld. Amper die helfte van alle teerpaaie in Afrika, is in Suid-Afrika.

Pogings om die geskiedenis te verander deur sekere van hierdie geskiedenisfeite te ignoreer, maak geen bydrae tot versoening in Suid-Afrika nie. Samewerking met die oog op ‘n voorspoedige toekoms lê eerder daarin om op ‘n gebalanseerde wyse foute en prestasies van die verlede te beoordeel en billike erkenning te gee aan alle rolspelers wat Suid-Afrika die land gemaak het wat dit vandag is.

нужно оборудование Фильчаков прокурор

Weste help Libiese rebelle

Gewapende westerlinge veg op die voorste linies saam met rebelle naby Misrata. Die beeldmateriaal wat deur al-Jazeera vrygestel is, is die eerste oënskynlike bevestiging dat buitelandse spesiale magte ‘n aktiewe rol in die Libiese konflik speel.

‘n Groep van ses het hulself dadelik uit die voete gemaak toe hulle deur die televisie-span opgemerk is.

Die beeldmateriaal is vrygestel voor die aankoms van Suid-Afrika se president, Jacob Zuma, in Tripoli in ‘n poging om ‘n wapenstilstand te bewerkstellig.

Die westerlinge is laat verlede week deur al-Jazeera by rebellegroepe opgemerk, slegs dae voordat Britse en Franse aanvalshelikopters by die NAVO-veldtog aan sal sluit.

Daar is talle berigte in die Britse pers dat SAS-soldate optree as “spotters” in Libië om Navo se vegvliegtuie te help om regeringsteikens uit te wis. In Maart, is ses spesmag soldate en twee MI6-offisiere aangehou op ‘n mislukte missie om rebelleleiers te ontmoet in Benghazi, wat ‘n verleentheid vir die SAS was.

Gevra vir kommentaar Maandag, het ‘n woordvoerder van die Britse ministerie van verdediging gesê: “Ons het nie enige magte daar buite nie.”

Die onderwerp is sensitief want die Veiligheidsraadbesluit van Maart sluit die totstandkoming van ‘n buitelandse besettingsmag op enige deel van Libiese grondgebied spesifiek uit.

Ten spyte van meer as twee maande se bombardement deur NAVO, het rebelle nie werklik gevorder nie. Die hoofstad, Tripoli, bly steeds in die greep van Gaddafi.

Daar is onbevestigde verslae dat Brittanje van plan was om voormalige SAS-lede en ander ervare soldate onder die dekking van private sekuriteitsmaatskappye in te stuur in Libië, betaal deur Arabiese lande, om die anti-regeringstroepe op te lei.

Britte druk SA in Veiligheidsraad

Suid-Afrika se verteenwoordiger wil glo ‘n resolusie van die Veiligheidsraad om die bloedvergieting in Sirië te stop, kelder sê Britse bronne. Maar die Suid-Afrikaners het dit ontken.

Kota Nomfanelo, woordvoerder van Suid-Afrika se permanente missie by die VN, het gesê hulle ondersoek nog die aangeleentheid.

‘n Ontwerp-resolusie, wat die Siriese regering maan tot “uiterste selfbeheersing” en lande wil verhoed om wapentuig aan die Siriese owerhede te verskaf, is op die tafel.

Die onrus het reeds negehonderd lewens geëis. Dit wil voorkom asof die beweging teen president Bashar al-Assad se regime, nou in sy derde maand, ‘n dooiepunt bereik het.

Volgens VN-bronne is daar min hoop dat die Britse ontwerpresolusie die nodige nege stemme sal kry. Suid-Afrika se weerstand teen Britse druk is deur verskeie ander VN-missies opgemerk. Een bron het gesê dat die Suid-Afrikaanse span instruksies het om enige besluit oor Sirië te opponeer. Die Suid-Afrikaners meen hul goedgelowigheid met die vorige resolusie wat NAVO-magte in Libië gemagtig het, is deur die VSA, Brittanje en Frankryk misbruik.

Clayson Monyela, die departement van internasionale betrekkinge en samewerking se woordvoerder, het gesê die gerugte oor Suid-Afrika se posisie “het al die kenmerke van ‘n poging om ons standpunt te manipuleer deur middel van die media”. Hy sê die span het slegs gister die ontwerpresolusie ontvang en kon nog nie reageer nie.

Besprekings oor die ontwerp-resolusie oor Sirië begin Vrydag.

poker online casino

Sarko vir misdade teen die mensdom aangekla

Twee Franse prokureurs het gesê hulle beplan om Nicolas Sarkozy, die Franse president, aan te kla vir misdade teen die mensdom as gevolg van die Navo-militêre veldtog in Libië.

Ibrahim Boukhzam, ‘n beampte van die Libiese departement van justisie, het gesê Jacques Verges en Roland Dumas het aangebied om gesinne te verteenwoordig wat slagoffers van die Navo-lugaanvalle in Libië was.

“Die twee prokureurs gaan ‘n klagte indien by Franse howe namens die Libiese families,” het Boukhzam gesê.

Van Verges se vorige kliënte was Klaus Barbie, ‘n Nazi-oorlogmisdadiger, en Carlos die Jakkals.

Zuma sê Libië is gereed vir wapenstilstand

Moeammar Gaddafi is gereed vir ‘n wapenstilstand om ‘n einde aan die opstand in sy land te bring, het President Jacob Zuma Maandag ná sy besoek aan die Libiese leier gesê. Hy het voorwaardes opgenoem wat dieselfde as Gadaffi se vroeëre eise is. Dié pogings het tot dusver nie vrede in die land bewerkstellig nie.

Groot gewag is van Zuma se besoek gemaak deur Gaddafi se regime. Navo het ook die vliegspergebied oor Libië tydelik opgeskort sodat Zuma die land kan besoek.

Zuma het gesê Gaddafi is gereed om ‘n inisiatief van die Afrika-Unie te aanvaar vir ‘n wapenstilstand wat alle vyandigheid in die land tot ‘n einde sal bring, insluitende Navo se lugaanvalle ter ondersteuning van die rebellemagte in die land.

“Hy is gereed om die padkaart te implementeer,” het Zuma gesê.

Zuma het gesê Gaddafi dring daarop aan dat “alle Libiërs ‘n kans gegun word om onder mekaar te praat” oor die land se toekoms.

Hy het nie gesê Gaddafi is gereed om uit te tree nie, hoewel dit die sentrale eis van die rebelle is.

Zuma het met verslaggewers van Suid-Afrikaanse en Libiese televisie gepraat. Sy opmerkings is laat Maandag uitgesaai.

Zuma het in April ‘n afvaardiging van die Afrika-Unie na Tripoli gelei met ‘n voorstel vir ‘n wapenstilstand. Gaddafi het gesê hy sal die wapenstilstand aanvaar, maar het dit vinnig geïgnoreer en sy aanvalle op die rebelle hervat. Die rebelle het op hul beurt ook die wapenstilstand verwerp, aangesien dié ooreenkoms nie Gaddafi se uittrede ingesluit het nie. Verskeie pogings om ‘n wapenstilstand te bewerkstellig, het sedertdien om soortgelyke redes gefaal.

Gaddafi beskou Libië reeds dekades lank al as ‘n Afrika- sowel as Arabiese land. Hy het hulp in die vorm van miljoene dollars aan verskeie Afrikalande geskenk en homself as ‘n leier op die kontinent opgebou.

вино барбареско

Angola raak van onwettige immigrante ontslae

Angola het 47 burgers van die Demokratiese Republiek van Kongo (DRK), wat onwettig in die noordlike Zaire-provinsie gewoon het, en ses Brasiliane met vervalste werkspermitte gedeporteer, het die land se immigrasiediens Sondag gesê.

Die Kongolese is deur “plaaslike inwoners aan die kaak gestel”, het ‘n beampte aan AFP gesê.

“Hierdie buitelanders woon nou al meer as twee maande lank onwettig in die provinsie, sonder steurnis,” het die beampte gesê.

Minstens ‘n dosyn buitelanders word weekliks uit dié provinsie gedeporteer. Hulle is meestal van die DRK afkomstig.

Angola het tussen 1 April en 19 April vanjaar 5 400 burgers van die DRK gedeporteer. Meer as 100 vroue is ook tydens dié uitsetting verkrag, het ‘n priester in die distrik gesê.

ANC kritiseer Navo-aanvalle op Libië

Suid-Afrika se regerende party het Sondag die bomaanvalle op Libië veroordeel, in ‘n verklaring op die vooraand van ‘n besoek deur President Jacob Zuma aan Tripoli.

Zuma is na Libië onderweg om met Moeammar Gaddafi in gesprek te tree.

Zuma se party, die ANC, het gesê hulle ondersteun die Afrika-Unie (AU) se pogings om die onluste op vreedsame wyse te besleg “deur onderhandlings met al die partye wat by die konflik betrokke is”.

Zuma sal Maandag met Gaddafi vergader, te midde verskerpte Navo-aanvalle op die Libiese leier se troepe, as deel van ‘n poging om die konflik vanuit Afrika op te los. Bronne meen die samesprekinge kan fokus op ‘n reddingsboei vir Gaddafi.

Luidens die ANC-verklaring sluit dié party “aan by die kontinent en alle vredeliewende mense in die veroordeling van die lugaanvalle op Libië deur westerse magte”. Die verklaring is uitgereik nadat die ANC se uitvoerende raad twee dae lank vergader het.

Twee beamptes in Zuma se presidensie, wat op voorwaarde van anonimiteit gepraat het, het gesê Maandag se vergadering sal fokus op ‘n “uitgangstrategie” vir Gaddafi.

Sy woordvoerder het egter daarop aangedring dat dié inligting misleidend is en dat die samesprekinge deel van die AU se pogings is om Libië die “politieke hervorming te laat aanneem wat nodig is vir die oplossing van die huidige krisis”.

Die Suid-Afrikaanse leier, wat Sondag in Nigerië was, het ook belowe om “te doen watookal nodig is terwyl ek in Tripoli is” om seker te maak die oorskot van die fotograaf Anton Hammerl na Suid-Afrika terug gebring word.

Dié Suid-Afrikaanse fotograaf is in April deur Gaddafi se magte doodgeskiet. Daar was egter herhaaldelike aanduidings deur die Libiese regering dat hy steeds lewendig was.

Suid-Afrika het in Maart ‘n VN-besluit om ‘n vliegspergbebied oor Libië in te stel, ondersteun. Suid-Afrika kritiseer egter sedertdien Navo se lugaanvalle en is gekant teen ‘n bewindsverandering, maar het ook aanvalle op burgers deur Gaddafi se magte skerp veroordeel.

ANC wil bruines terugwen

Die ANC se prioriteit vir die nasionale verkiesing oor drie jaar sal wees om minderhede te sjarmeer, na aanleiding van sy verkiesingsterugslag in daardie gemeenskappe, het die ANC se verkiesingshoof Jessie Duarte hierdie week aan die Mail & Guardian gesê.

Duarte het gesê die ANC se verliese in wit, Indiër en bruin gemeenskappe is verantwoordelik vir die party se algehele daling van 65,9% tot 61,95%. Sy het gesê dat die ANC werk aan ‘n tweeledige strategie vir die 2014-verkiesing: om die ondersteuning van minderheidsgemeenskappe terug te wen en meer positiewe dekking in die pers.

Volgens Duarte is hulle bekommerd oor die groeiende verdeeldheid in die land.

In ‘n ontleding vrygestel deur die Instituut vir Demokrasie in Afrika (Idasa) het minderheidskiesers ten gunste van die DA gestem. Die Idasa-dokument is saamgestel deur ontleders Justin Sylvester en Sithembile Mbete.

ANC-sekretaris-generaal Gwede Mantashe het tydens die verkiesing verklaar dat die media die ANC se grootste opposisie in Suid-Afrika is, maar Duarte is versigtiger. “Die ANC moet positiewe nuus maak. Die Suid-Afrikaanse media sal voortgaan om die feit dat 97% van alle huise water het te ignoreer, en fokus op die 3%,” het sy gesê.

“Mense word beïnvloed deur die media,” het Duarte gesê. Mantashe het vroeër gesê kommentaar van die ANC-jeugliga president Julius Malema oor wittes was dalk gesien as rassisties, maar ook wittes daavan beskuldig dat hulle oorgevoelig is.

Volgens politieke ontleder Susan Booysen is “Kleurlinggemeenskappe (sic) berug vir hul migrasie.” Plaaslike dinamika het ook ‘n rol gespeel in die ANC se dalende ondersteuning in die bruin gemeenskappe, het Duarte gesê en bygevoeg dat “stamme” soos in Hessequa die ANC se ondersteuning sal geniet.

Die Wes-Kaapse ANC het glo ‘n drie-jaar plan om die gety te draai. Reeds 93% van die swart stem in die townships gaan na die ANC. Volgens die WNNR het die DA slegs 2,6% van die ANC-stem ingepalm en hoofsaaklik uit minderheidsgemeenskappe danksy ‘n hoër stempersentasie.

люстра итальянская

Oostenrykers stem oorweldigend ‘verregs’

Oostenryk se sogenaamde “verregse” Vryheidsparty, die FPO, sal die meeste stemme trek as daar ‘n algemene verkiesing hierdie naweek gehou moes word, volgens die resultate van ‘n nuwe meningspeiling wat Vrydag vrygestel is.

Die FPO sal 29 persent van die stemme kry, die Sosiale Demokrate 28 persent en die konserwatiewe Volksparty of OeVP 23 persent, volgens’ n meningspeiling deur die OGM-instituut namens van die daaglikse Kurier.

Die Groenparty en nog ‘n regse party, die BZO, sal elk 13 persent inhark.

Ontleders skryf tans die geweldige swaai na regs toe aan ‘n groter ontnugtering met die politiek, maar ook met die huidige koalisieregering in die besonder.

Die regses was reeds in die regering in Oostenryk: die FPO onder sy charismatiese leier, die oorlede Joerg Haider, was die junior koalisie-vennoot van die konserwatiewe OeVP tussen 2000 en 2006 onder kanselier Wolfgang Schuessel. Oostenryk, een van die lande met die slimste bevolking, was dus die eerste land in Europa wat regs geswenk het.

“Die vertonings is ongetwyfeld beïnvloed deur die huidige debat oor die verklarings van Andreas Treichl [reserwebankhoof], die eurokrisis en die Griekse skuldkrisis,” het ‘n ontleder aan die koerant gesê.

Treichl se uitspraak het hierdie week tot ‘n storm van omstredenheid gelei toe hy gesê het politici is “te dom” om die ekonomie te verstaan.

En FPO-leier Heinz-Christian Strache veg al vir maande Griekeland uit te skop uit die eurosone.

Die FPO het tweede gekom het in die plaaslike munisipale verkiesings in Wene verlede Oktober, met van 26 persent van die stemme. Die Sosiale Demokrate het egter uiteindelik gekies vir ‘n koalisie met Groen.

In ‘n meningspeiling aan die begin van Mei het 43 persent van die bevolking gesê die FPOe moet deel uitmaak van die volgende nasionale regering ná die volgende algemene verkiesing in 2013.

Lindley-moord was beplan

‘n Man wat van die moord op die Potgieter-gesin in Lindley beskuldig word, het Donderdag in die Bloemfonteinse Hooggeregshof erken dié moord was beplan, het SABC berig.

Paulus Khumalo (23), ‘n plaasarbeider, het in ‘n verklaring gesê die plan van ‘n groep mans was om geld uit die kluis in die Potgieters se huis te kry.

Die hof het gehoor dat die groep vóór die misdaad op ‘n plaas naby Lindley in die Oos-Vrystaat ontmoet het en ‘n vuurwapen, ‘n panga en klere om oor die slagoffers se gesigte te gooi, gereed gekry het.

Khumalo het gesê daar is ooreengekom dat die kind nié doodgemaak sou word nie.

Hy is een van ses mans, tussen die ouderdomme van 18 en 33, wat beskuldig word van die moord op die boer Attie Potgieter, sy vrou Wilna en hul tweejarige dogter, Wilmien, in Desember verlede jaar.

Die ander beskuldigdes is Stemmer Mofokeng (23), Tapa Mofokeng (34), Tshokolo Lelala (19), Telleko Seekoei (20) en Diphapang Motaung (18). Hulle is almal van Lindley afkomstig.

Hulle het almal onskuldig gepleit op drie aanklagte van moord, een van roof met verswarende omstandighede en ander aanklagte wat met die onwettige besit van vuurwapens en ammunisie verband hou.

In die hof Woensdag is verklaar dat Attie Potgieter 151 keer gesteek en gesny is.

“Die oorledene is doodgemartel,” het die patoloog Robert Book gesê.

‘n Nadoodse ondersoek het aangetoon dat Wilna (36) verskeie diep snye aan haar kop en ‘n skietwond aan die nek gehad het.

Wilmien is in die agterkant van haar koppie geskiet.

справка кэк купить