Nuus Archives - Page 1177 of 1583

Vyf vas vir terreurkomplot

Vyf mans is daarvan skuldig bevind dat hulle instruksies oor hoe om bomme te maak bymekaar gemaak het en plofbare chemikalieë gekoop het as deel van ‘n komplot om ‘n terroriste-aanval op Australië uit te voer.

‘n Jurie het vir ‘n maand oor die saak nagedink voordat hulle die mans Vrydag skuldig bevind het vir sameswering om ‘n terroriste-aanval op Australiese grondgebied uit te voer.

Hulle staar tot vyf jaar se gevangenisstraf in die gesig.

Die mans is in hegtenis geneem nadat hul huise verskeie kere in 2005 deursoek is.

Volgens die aanklaer, Richard Maidment, is daar instruksies oor hoe om bomme te maak in die mans se huise gevind is, sowel as millitante Islamitiese materiaal – insluitende beeldmateriaal van die vliegtuie wat op 11 September 2001 in die Twin Towers ingevlieg het.

Die aanklaer het ook gesê dat die mans plofbare chemikalieë en gewere tussen Julie 2004 en November 2005 gekoop het.

search casino games

Minister blaas kwartmiljoen op partytjie

Angie Motshekga, die minister van basiese onderwys, het meer as R250 000 bestee aan ’n partytjie om haar begrotingstoespraak in die parlement te vier.

George Boinamo, DA-woordvoerder vir onderwys, het aan Motshekga in die parlement gevra wat die geleentheid gekos het.

Die departement van onderwys het aangedui dat die viering R267 044 gekos het.

R50 000 van die bedrag is aan verversings bestee en R20 500 aan vermaak.

Die partytjie, wat deur 250 gaste bygewoon is, was vir die departemente van basiese onderwys en dié van hoër onderwys en opleiding gehou.

Motshekga en haar ampsgenote, Blade Nzimande, minister van hoër onderwys en opleiding, en die minister van polisie, Nathi Mthethwa, se weelderige ampsvoertuie het reeds die oë laat rek.

Motshekga se twee voertuie, ’n Range Rover Sport TDV8 en ’n BMW 730D, het die belastingbetaler R1,7 miljoen armer gelaat.

баня с хамамом топкарго

Mulder moeg vir dubbele standaarde

Dr. Pieter Mulder, VF Plus-leier, het in ‘n verklaring gesê dat hy moeg is vir dubbele standaarde en onlogiese argumente as dit oor die Grondwet en Suid-Afrika se amptelike tale gaan.

Komiteelede van die Parlement se portefeuljekomitee oor Hoër Onderwys het tydens ‘n besoek aan die Universiteit van Stellenbosch, die rektor en die universiteit gekritiseer omdat, volgens hulle, Afrikaans steeds gebruik word om studente by die universiteit uit te sluit. Dit terwyl voorgraadse studente reeds onderrig in Afrikaans of Engels kan ontvang. “Waarom word hierdie eis aan Stellenbosch gestel, maar nie aan ander universiteite nie?” was dr. Mulder se reaksie daarop.

Dr. Mulder het gevra of Marius Fransman, sy komitee en minister Blade Nzimande beswaar sal hê as Stellenbosch op hulle webblad onder taalvereistes skryf: “Alle nuwe studente aansoekers, vir voorgraadse- of nagraadse studie aan hierdie universiteit, moet ‘n sekere vlak van vaardigheid in Afrikaans bereik het en moet bewyse hiervan kan indien voor toelating”.

“Ek glo hulle word flou en die debat draai in die Parlement. Tog is dit presies die woorde wat op die webblad van die Universiteit van Kaapstad staan, met die verskil dat dit na Engels en nie na Afrikaans nie verwys. Dit in ‘n provinsie waar bykans twee derdes van die bevolking Afrikaans as eerste taal het met reeds twee uitsluitlik Engelse universiteite.”

“Hoekom is dit aanvaarbaar met geen openbare histerie of verwysings na ‘n Grondwet wat sogenaamd alle tale probeer gelykstel nie? Wanneer besoek die Parlementêre portefeuljekomitee die Universiteit van Kaapstad en stel dieselfde eise aan hulle tot die voordeel van die meerderheid van die Wes-Kaapse inwoners wat Afrikaans-moedertaalsprekers is?” het dr. Mulder ook gevra.

липецк сварочное

Diensleweringsgeweld kring uit

Dele van Mpumalanga en Gauteng is dié week tot stilstand gedwing deur gewelddadige diensleweringsopstande.

Inwoners van Sakhile buite Standerton, van Belfast en Nelspruit in Mpumalanga, van Palm Ridge in Alberton, en van Diepsloot, noord van Johannesburg is opstandig oor die regering se gebrek aan diens.

‘n Woordvoerder van president Zuma het die geweld intusssen veroordeel.

“Daar is geen verskoning vir die gewelddadige optrede en verwoesting van eiendom nie,” het Magwenya Donderdag aan Beeld gesê.

Twee adjunkministers van die ANC se nasionale uitvoerende komitee (NUK) het Donderdag by die munispale kantore in Standerton met plaaslike raadslede en gemeenskapsleiers van Sakhile vergader.

Fikile Mbalula van die polisie en Malusi Gigaba van binnelandse sake het egter nie self die massas toegespreek nie. Inwoners betoog nou al drie weke lank dat Queen Khumalo-Radebe, burgemeester, en ander raadslede weens swak dienslewering en die verdwyning van R30 miljoen moet bedank.

Mbalula op ’n mediakonferensie gesê hulle sal na afloop van ‘n ondersoek verslag doen.

Hy het gesê die betogings is nie spontaan nie en is beplan en georganiseer.

“Dit is nie asof dit in ’n sjebien bespreek is nie. Ons moet begin verstaan hoekom die mobilisering om van mense ontslae te raak nou plaasvind,” het Mbalula gesê.

Mbalula het die plaaslike raad gekritiseer omdat hulle nie met die inwoners gekommunikeer het nie.

Joel Netshitenzhe, ‘n senior ANC-kader, sê die geweld kan die legitimiteit van die staat ondermyn. Hy het Donderdag partyleiers op die vergadering van die ANC se Gautengse uitvoerende komitee in Benoni toegespreek.

President Zuma sal eersdaags met burgemeesters en munisipale bestuurders van die 283 plaaslike owerhede vergader.

Geweld verhoog jeug se bloeddruk

Geweld in Suid-Afrika het ‘n groot uitwerking in jongmense se bloeddruk-vlak, het Wits universiteit bevind.

Volgens die navorsing, Birth to Twenty, kan hoë bloeddruk by jongmense tot ‘n hartaanval of selfs kardiovaskulêre siektes lei.

Dit was die grootste en langste studie van kind- en adolesente se gesondheid en ontwikkeling in Afrika.

Prof. John Pettifor, verbonde aan Wits universiteit, het in ‘n verklaring gesê dit was veral geweld, sanitasie en bates in die huis wat ‘n impak op bloeddruk gemaak het.

Bloeddruk bestaan gewoonlik uit twee komponente naamlik sistolies en diastolies. Sistoliese druk word gemeet wanneer bloed teen die mure van are en slagare gedwing word en die hart saamtrek. Diastoliese druk is wanneer die hart ontspan.

“Ons het ‘n wye reeks van faktore ondersoek, insluitend ekonomiese- en sosiale aspekte asook die skoolomgewing. Maar die enigste gemeenskaplike faktor wat assosiasie met sistoliese druk getoon het, was dinge wat verband hou met geweld,” het dr. Paula Griffiths, ‘n navorser gesê.

In 1990 is 3 273 kinders van Johannesburg by die Birth to Twenty-program ingeskryf. Hulle was dus vir die afgelope 20 jaar gevolg en onderhoude mee gevoer.

сауны фото топкарго отзывы

Nersa wil publiek se inset hoor

Die Nasionale Energiereguleerder (Nersa) het die publiek Donderdag aangemoedig om deel te neem aan die openbare vergaderings oor Eskom se aansoek vir verhogings van kragtariewe.

Eskom se aansoek vra vir ’n verhoging van 45% per jaar vir die volgende drie jaar.

Nersa sal op 29 Oktober ’n dokument publiseer wat in effek vir kommentaar op die aansoek sal vra.

Openbare vergaderings sal in Gauteng van 20 Januarie tot 22 Januarie 2010 gehou word.

“As gevolg van die groot openbare belangstelling in Eskom se aansoek oorweeg Nersa om streeks- en provinsiale vergaderings vir die publiek oor die aansoek te hou,” lui ’n verklaring van die reguleerder.

As dit wel besluit word, sal besonderhede later bekend gemaak word.

Nersa moedig alle belangstellendes aan om geskrewe voorleggings te doen en die vergaderings by te woon of om mondelingse bydraes by die byeenkomste te lewer.

Nersa sê hy sal sy besluit oor die aansoek op 24 Februarie 2010 bekend maak.

турецкую баню прокурор Фильчаков

Drie uit vyf aanvanklik teen Obama gekant

Drie uit die vyf lede van die Nobelkomitee was aanvanklik daarteen gekant dat president Barack Obama die Nobelprys vir vrede ontvang, het die Noorse dagblad Verdens Gang, berig.

“VG het met ‘n aantal bronne gepraat wat bevestig het dat die meerderheid lede aanvanklik nie Obama wou benoem nie,” het die koerant gesê.

Die komitee, byeen geroep deur die parlement van Noorweë het Obama vereer vir sy “uitnemende pogings om internasionale diplomasie en samewerking tussen mense te bevorder”. Dít na slegs nege maande in sy amp.

Die komitee se besluit was eenparig, maar Inger-Marie Ytterhorn van die regsgesinde Proggressiewe Party, het egter Obama se vermoëns om sy beloftes te hou, in twyfel getrek.

Volgens die dagblad het Kaci Kullmann Five, die verteenwoordiger van die Konserwatiewe Party, sowel as Aagot Valle van die Sosialistiese Party, beswaar gemaak teen Obama se benoeming.

Five en Valle het egter agterna gesê dat hulle die komitee se besluit ondersteun.

детский хоккей игра топкарго

Diepsloot-geweld vlam op

Sowat 20 mense, insluitend ’n polisieman, is beseer toe betogers in Diepsloot skielik geweldadig geraak het.

“’n Groep van sowat 100 mense het die strate versper en klippe gegooi,” het inspekteur Wanda Olivier, polisiewoordvoerder, gesê.

Inwoners het reeds sedert 08:00 Donderdag buite die munisipale kantore in Diepsloot saamgekom en betoog.

Sowat ‘n uur later het dinge glo begin geweldadig raak.

“Die polisie het van rubberkoeëls gebruik gemaak om die skare te probeer beheer,” het Olivier gesê.

Twintig mense en ‘n polisielid is beseer. Sowat 13 betogers is in hegtenis geneem vir openbare geweld en sal Vrydag in Pretoria in die landdroshof verskyn.

кухни киев купить

Swartes boos oor Vogue-foto’s

Die Franse tydskrif Vogue het onlangs weer ‘n herrie veroorsaak nadat hulle foto’s van die Nederlandse model Lara Stone gepubliseer het waarin die natuurlik blonde meisie se vel swart gemaak is.

Nie lank gelede nie, het Vogue gespog met foto’s van rokende swanger vroue en modelle wat soen met bloed wat uit hulle monde loop, maar hierdie keer is die vet in die vuur.

Die nuutste fotosessie wat deur die tydskrif se ou redakteurshand, Carine Roitfeld gestileer is en die foto’s deur Steven Klein, het die modewêreld aan die gons.

Die twee word op toonaangewende webwerwe van kulturele ongevoeligheid beskuldig.

“Wat Klein en Roitfeld moet weet is dat dit afstootlik is om wit mense swart te verf vir die vermaak van ander wit mense op ‘n manier wat verwyder staan van kulturele konteks,” het een werf gesê.

“Iets omtrent die gebaar om ‘n wit vrou swart te verf moet die alarm laat afgaan, iewers.”

Dominique Sopo, president van die Franse organisasie SOS Racisme, sê selfs al was die fotosessie nie met rassistiese bedoelings geskiet nie, was dit definitief “taktloos”.

Hy het gesê die wêreld van beelde – advertensies, modes, ens – “betaal nou vir die lang tradisie om nie swartes toe te laat om hulle lywe in die openbaar te vertoon nie”.

Die Franse Vogue is nie bewus van die kontroversie nie en werknemer Roitfeld asook Stone se agente by die IMG modelagentskap in New York en Paris wou nie kommentaar lewer nie.

Nuwe supergeleier ontdek

Daar is groot vooruitgang gemaak in die materiaalwetenskappe die afgelope 20 jaar en onlangs is aangekondig dat ‘n nuwe supergeleier ontdek is wat teen 254 kelvin (-19C) supergelei. Dit is vir die eerste keer om in ‘n gewone vrieskas die materiaal koud genoeg te hou. Hierdie deurbraak is nie gepatenteer nie met die hoop dat dit sal lei tot deurbrake deur ander navorsingsgroepe. Hoewel die supergeleier teen ‘n baie hoë temperatuur werk, is dit nog nie prakties vervaardigbaar nie en baie breekbaar.
Supergeleiers is geleiers met geen weerstand nie. Dit word gebruik in baie sterk elektromagnete en vir die vervoer van elektrisitiet met geen verlies nie. ‘n Onlangse aankonding van so projek is in Texas waar hoë temperatuur supergeleiers gebruik gaan word om drie van Amerika se groot elektrisiteitsvoorsieningsnetwerke aan mekaar te koppel. ‘n Vyf-en-vyftig vierkante kilometer driehoek gaan gebou word en 50 Giga Watt sal tussen die verskillende netwerke versprei kan word.
Soos supergeleiers en ander materiale verbeter gaan ons al hoe meer wonderlike goed sien. As hulle ‘n kamertemperatuursupergeleier kan maak sal oulike speelgoed soos ‘n magneet wat sweef bo die super geleier (sonder enige eksterne elektrisiteitsinset) moontlik wees. Supersterk magnete en baie effektiewe kleinskaalse kragopwekking en vele meer gaan nog een van die dae met ons wees.

‘n Paar interessante skakels:
http://finance.yahoo.com/news/Superconductor-Electricity-bw-1358093940.html?x=0&.v=1
http://www.superconductors.org/254K.htm