Nuus Archives - Page 958 of 1583

Polisie ontvang berading na skietery by stasie

Lt.kol. Thandi Mkhize, ‘n bevelvoerder van die Rosebank-polisiestasie wat deur ‘n polisieklerk geskiet is, is steeds in ‘n ernstige toestand in ‘n hospitaal, het die Gautengse polisie gesê.

Volgens lt.kol. Tshisikhawe Ndou kan geen verdere inligting oor haar toestand verskaf word nie.

Mkhize is Maandagmiddag ná die skietery per helikopter na die Milpark-hospitaal geneem.

Die klerk, David Kekana, het Maandag om 15:45 by die Rosebank-polisiestasie in Johannesburg ingestap, na Mkhize se kantoor gegaan en haar geskiet. Hy het ook kapt. Neelavathi Naidu geskiet.

Naidu en Kekana, wat die wapen op homself gerig het, is beide op die toneel dood.

The Star het Woensdag berig dat Naidu twee kinders gehad het. Hulle is elf en nege jaar oud.

Nalline Naidoo, ‘n vriendin van Naidu, het aan die koerant gesê die kaptein se man het drie maande gelede selfmoord gepleeg.

Volgens Ndou kry al die werknemers by die stasie behandeling ná die voorval.

Фільчаков прокурор

SA koop Swaziland oor

Suid-Afrika het ooreengekom om ‘n lening van R2,5 miljard aan sy buurland Swaziland, wat ‘n finansiële krisis probeer afweer, te maak, het die Reserwebank Woensdag gesê.

Woordvoerder Hlengani Mathebula het die ooreenkoms bevestig, maar wou geen besonderhede ivm die lening gee nie.

“Die Suid-Afrikaanse Reserwebank is slegs ‘n fasiliteringsmeganisme,” het hy aan AFP gesê.

Pravin Gordhan, die minister van finansies, sal na verwagting later in die dag oor die lening praat, wat glo slegs ‘n kwart is van die versoek wat deur die Swazi-koning Mswati III gemaak is.

Suid-Afrika se vakbonde het saam met Swazi-aktiviste versoek dat Pretoria op demokratiese hervorming in ruil vir die lening sal aandring.

Mswati is Afrika se laaste absolute despoot en die finansiële krisis het ‘n reeks betogings sedert April tot gevolg gehad.

play free slots

Avusa klap sweep, dank redakteur af

Beeld berig dat Justice Malala, Avusa se uitgewer, van die Sowetan se redakteur ontslae geraak het. Len Maseko was glo met verlof toe ‘n omstrede rubriek gepubliseer is, maar selfs dit kon hom nie red van die toorn van sy Brits-gesinde base nie.

“Al was Maseko met verlof in dié tydperk, aanvaar hy die gevolge van dié gebrekkige oordeel aan die kant van die koerant,” lui die verklaring.

Avusa het Woensdag besluit om huis te skoon maak ná Eric Miyeni se rubriek oor Ferial Haffajee.

Haffajee, City Press se redakteur, is Maandag deur Miyeni beskryf as ‘n lakei van wit kapitaliste.

Mondli Makhanya, hoofredakteur van die Avusa-groep se koerante, het in ‘n verklaring gesê Maseko het “volle verantwoordelikheid” vir die rubriek aanvaar en bedank. Hy wou nie enige verdere kommentaar lewer oor die drastiese besluit om van Maseko ook ontslae te raak nie.

Miyeni is Dinsdag, ‘n dag ná die verskyning van sy gewraakte stuk, as rubriekskrywer afgedank.

Die aankondiging is tydens ‘n vergadering met redaksielede by die Sowetan gemaak. Willie Bokala, die koerant se nuusredakteur, was ook te bang om op die bedanking kommentaar te lewer nadat die uitgewer die sweep geklap het.

Mpumelelo Mkhabela is as redakteur van die Sowetan aangestel in die plek van Maseko. Hy het by die universiteit van Stellenbosch studeer, en het sy loopbaan by City Press, ‘n koerant in die Naspers-stal, begin.

топкарго отзыв

Duitsers waarsku Facebook oor koverte data-insameling

Die Hamburgse gesag wat kyk na die beskerming van data, het Dinsdag beslis dat Facebook se gesigsherkenningsfunksie, wat poog om mense in die foto’s wat opgelaai is na die werf te identifiseer, in stryd is met die Duitse wet op privaatheid.

Johannes Caspar, die hoof van die owerheid, het gesê dat Facebook nie gebruikers se “biometriese data – soos hulle vorm van die gesig en die afstand tussen hulle oë – sonder hulle uitdruklike toestemming” kan gebruik nie.

Hy het daarop aangedring dat die sosiale netwerk-webwerf die funksie moet verander of uitskakel. Alle data wat ingesamel is so ver, moet ook verwyder word, het hy gesê.

Caspar het Facebook twee weke gegee om te reageer. Indien die maatskappy nie in staat is om veranderinge aan te bring nie, het Caspar gesê die Hamburg-owerheid sal oorweeg om regstappe teen Facebook te neem. Die Duitse howe kan boetes van tot € 300,000 vir privaatheidsoortredings oplê.

Die Hamburg-uitspraak kan die beskerming van data oor die hele Europa beteken en owerhede oral aanmoedig om op te tree. Die werkgroep van artikel 29, ‘n groep van amptenare wat die EU oor hulle privaatheidsbeleid adviseer, kyk ook tans na dié probleem.

“Die probleem is nie met die gesigsherkenning self nie, maar die data wat gestoor word in die agtergrond om die stelsel in staat stel om ‘n gesig te herken,” het Caspar aan die Financial Times gesê. “Facebook het nodig om ‘n nuwe soort stelsel te ontwerp om toestemming te kry van mense voor hulle data gestoor word.”

Facebook het in antwoord gesê: “Ons sal die punte oorweeg wat die Hamburggesag gemaak het oor die fotofunksie, maar verwerp enige eis dat ons nie ons verpligtinge onder Europese Unie se beskerming van data nakom nie, ten sterkste. Ons het ook gevind dat mense die gerief van ons fotofunksie geniet wat dit makliker en veiliger vir hulle maak om hulle aanlynidentiteite te bestuur.”

Facebook het verlede Desember die gesigsherkenningsfunksie in die VSA bekend gestel en dit in Junie na Europa uitgebrei. Dit het onmiddellik onder skoot gekom van reguleerders omdat dit sonder die voldoende waarskuwing aan gebruikers gegee is.

Hoewel mense kan kies om dit nie te gebruik nie, is privaatheidsreguleerders bekommerd dat die verstekstelling gebruik word om data in te samel.

In die VSA is daar reeds ‘n klag teen Facebook gelê.

Duitsland het van die strengste data wette in Europa, om ‘n herhaling van die misbruik van die inligting onder die Nazi’s en Oos-Duitsland se Stasi te voorkom. Een van die belangrikste konsepte is dat geen inligting versamel kan word sonder die gebruiker se toestemming nie.

Wit held sterf vir tydsgewrig

Strokiesprentliefhebbers neem hul fiktiewe helde ernstig op, dus kan dit as ‘n skok kom vir sommige dat Peter Parker, wie se lot vir ewig verander is deur ‘n radioaktiewe/genetiesgemanipuleerde spinnekop, doodgaan in die “Ultimates” se verhaal van Marvel Comics .

Die nuwe reeks verskil van Marvel se standaardstorielyn, waar Peter Parker moedig, arm en wiskundig geniaal voortstu as almal se gunsteling wit held.

In die Ultimates-reeks, kry Peter Parker behoorlik op sy baadjie deur sy nemesis die Green Goblin wat hom uiteindelik vermoor. Maar in ‘n strokiesprent-reeks kan geen held dood bly vir te lank nie. Die wit Peter Parker se afsterwe het plek gemaak vir die swart Miles Morales.

Miles Morales is eintlik bruin. Hy is ‘n half-swart, half-Spaanse super-tiener.

“Hy’s jonger as Peter Parker, hy kom uit ‘n totaal ander agtergrond, met ‘n heeltemal ander siening van die wêreld,” het die skrywer Brian Michael Bendis aan Associated Press vertel.

Bendis, skrywer sedert 2000 van Ultimate Spider Man (en baie ander) strokiesprente vir Marvel, is entoesiasties oor die verandering. Die dood van die wit held, pas klaarblyklik beter in by die huidige tydsgees, waar wittes eerder as boosdoeners voorgestel moet word.

Geen woord nog oor die vraag of die verandering in etnisiteit ‘n rol gaan speel in die komende Spider-Man-flieks nie.

casino slots topcargo

Krugersdorpinwoner se kop deur rowers verbrysel

‘n Vrou van Monument in Krugersdorp se lyk is Dinsdag in haar huis aangetref waar haar kop oënskynlik met ‘n tuinskêr verbrysel is.

Fan Liebenberg (80), is so verniel dat sy skaars herkenbaar was.

Die moord is enkele dae nadat sy van haar vakansiehuis in Margate aan die KwaZulu-Natalse suidkus teruggekeer het, gepleeg.

Haar lyk is Dinsdagmiddag in ‘n plas bloed op die eetkamervloer aangetref van haar huis in Nicolas Smitstraat aangetref.

Sy is vermoedelik na die hoofslaapkamer gesleep en herhaaldelik aangerand terwyl die huis geplunder is.

Niemand is nog in verband met die moord aangekeer nie, volens die polisie.

Noorweë onttrek uit NAVO-sending

Noorweë het Maandag sy laaste vier F-16 vegvliegtuie onttrek wat deel van Navo se sending oor Libië was, het die Noorweegse weermag gesê.

Die Noorweegse vliegtuie het 583 sendings oor Libië gevlieg uit ‘n totaal van 6 493 wat sedert 31 Maart deur NAVO uitgevoer is. Die vliegtuie het altesaam 569 bomme in Libië laat val, het Petter Lindqvist, die militêre woordvoerder, gesê.

Op 10 Junie het die Noorse regering aangekondig dat hy stelselmatig sy deelname aan die bomaanvalle gaan afskaal en uiteindelik sy F-16 vegvliegtuie gaan onttrek.

Die regering het verduidelik dat sy klein lugmag nie ‘n groot bydrae vir lank kan volhou nie.

Slegs agt van NAVO se 28 lidlande het aan die lugaanvalle deelgeneem sedert die alliansie beheer van die operasie op 31 Maart geneem het. Die lande is Noorweë, Brittanje, Frankryk, Kanada, België, Denemarke, Italië en Amerika.

casino no deposit bonus no download

Vark vreet baba

Die polisie het die oorskot van ‘n weggooibaba wat deur ‘n vark geëet is langs die oewer van ‘n rivier in Taung, Noordwes, gevind.

“Volgens die eienaar van die vark het hy gesien die dier eet iets en dat daar bloedvlekke om sy bek is,” het Lesego Metsi, ‘n polisiebeampte, gesê.

“By nadere ondersoek het hy gesien dit is ‘n baba. ‘n Klein linkerarm, die dy en ‘n halwe skedel het oorgebly.”

Die polisie soek tans die ma van die kind.

Sy sal heel moontlik daarvan aangekla word dat sy die dood van haar kind vir die owerhede weggesteek het.

Metsi het gesê dit is nie duidelik of die baba nog gelewe het voordat die ma haar kind langs die rivier weggegooi het nie.

игра для девочэк

Omgewingspesialis vrees cholera in Jukskei

Mnr Paul Fairall, ‘n omgewingsaktivis wat ook ‘n deskundige oor vleilande en die rivieroewers is en die voorsitter van die Jukskei-opvanggebied se bestuursforum, het gesê die Jukskeirivier in Johannesburg is besmet met cholera.

Die stroom wat die begin vanaf Bruma, deur Morninghill, deur Oriel en verby Alexandra is hoogs besmet, volgens Fairall. Hy het gesê die onlangse plaattelling wat gedoen is in die rivier, het dit bevestig.

“Die stroom het ‘n hoë konsentrasie van cholera, maar dit is nog nie aktief nie, as gevolg van die koue weer. As die stroom is nie nou skoongemaak word nie, sal daar in Oktober ‘n uitbreking van cholera wees,” het hy gesê.

Hy het bygevoeg dat in die winter se koue weer cholera nie so vinnig manifesteer soos dit doen wanneer dit warm is nie.

“Daar is rou riool en ander vuil wat in die stroom loop. Dit is afkomstig van die middestad van Johannesburg. Daar is groot getalle gekaapte geboue daar. Hierdie geboue is nie gebou om voorsiening te maak vir die aantal mense wat daar nou in woon nie. Die rioolstelsel se kapasiteit is dus oorskry. Hierdie die riool het ‘n oorloop in die stormwaterpype tot gevolg en vloei in die stroom in,” het hy gesê.

Hy het gesê dat die oorbevolking in die stadsentrum aangespreek moet word en die verbetering van algemene higiëne moet dringend aandag kry. Die metro wou geen kommentaar lewer oor die haglike toestand nie.

Tea Party is terroriste sê vise-president

Vise-president Joe Biden het Republikeine wat die Tea Party ondersteun Maandag daarvan beskuldig dat hulle “opgetree het soos terroriste” in die stryd oor die verhoging van die land se skuldlimiet, volgens verskeie bronne.

Biden het Mike Doyle (D-Pa.) by ‘n twee-uur-lange, Demokratiese koukusvergadering agter geslote deure ondersteun nadat Doyle gesê het: “Ons het met terroriste onderhandel.”

Volgens bronne in die koukuskamer, het Doyle gesê: “Hierdie klein groep van terroriste het dit onmoontlik gemaak het om enige geld te bestee.”

Biden, wat gedryf word deur sy demokratiese bondgenote se bedenkinge oor die skuldlimietooreenkoms, het geantwoord: “Hulle hét opgetree soos terroriste.”

Biden se kantoor het aanvanklik geweier om kommentaar te lewer oor wat die vise-president het gesê het, maar nadat Politico die kommentaar gepubliseer het, het sy woordvoerder Kendra Barkoff die skade probeer beperk deur te sê: “Die woord is gebruik deur verskeie lede van die Kongres. Die vise-president glo nie dit is ‘n gepaste term in die politieke diskoers nie.”

Biden het later ontken hy dat die term gebruik het in ‘n onderhoud met CBS.

“Ek het nie die terrorisme-woord gebruik nie,” het Biden gesê aan die CBS Evening News se nuusleser en besturende redakteur Scott Pelley.

free gambling game