Nuus Archives - Page 1099 of 1583

Taxi’s staak vir tweede dag

Pendelaars is Dinsdag weer in Soweto gestrand nadat taxi-bestuurders besluit het om hulle dienste vir ‘n tweede dag te onttrek uit protes teen die snelbusdiens, die BRT, het die stad Johannesburg gesê.

Nthatisi Modingoane, woordvoerder, het egter gesê die snelbusdiens verloop glad, alhoewel pendelaars met lang toue tevrede moet wees.

“Geen gewelddadige voorvalle is tot dusver aangemeld nie, maar die mense moet geduldig wees weens die lang toue, omdat daar geen taxi’s beskikbaar is nie.”

“Ons sal wel almal by hulle bestemming uit kry soos Maandag,” het hy gesê.

Sommige taxi-ondernemings is bekommerd oor hul voortbestaan en weier daarom om ‘n diens te lewer indien die BRT-busse op die roetes geplaas word, wat glo aan hulle behoort.

Hulle is gekant teen die volgende fase van die snelbusdiens wat se busse sedert Maandag op die nuwe roetes geplaas is.

Die nuwe roete strek vanaf Dobsonville na die Johannesburgse middestad, asook Ellis Park.

Vier onbekende mans het Vrydag op ‘n bus van die Snelbusdiens (BRT) tydens ‘n aanval in Johannesburg, geskiet.

“Niemand is beseer nie,” het kapt. Katlego Mogale Saterdag gesê.Die voorval het in Soweto plaasgevind. Dit is nog nie bekend of die skietery verwant hou met dreigemente wat deur lede van die taxi-industrie gemaak is nie.

Woedende lede van die taxi-gemeenskap het verlede maand gedreig om geweld te gebruik in protes teen die BRT omdat hulle voel dit bedreig hul inkomste.

monkey king

Sestig blokkies vir ras en etnisiteit

Die stad Olympia in die deelstaat Washinghton het nuwe skoolreëls opgestel wat ras en etnisiteit betref.

Nie minder nie sestig blokkies vir verskillende kategorieë van ras en etnisiteit is op die nuwe vorm gedruk.

Dit maak veelvoudige antwoorde vir gemengde raspare en hul kinders moontlik.

Skole sal voortaan van gesinne vereis om soveel as moontlik inligting oor hul kinders se herkoms op skoolvorms in te vul.

Indien die gesinspaar of ouer weier om die inligting te gee, sal die skool self die ras en etnisiteit van die kind bepaal en aanteken.

Die skole verwag dat daar kinders sal wees wat nie die korrekte inligting sal verskaf nie.

In sulke gevalle word opvoeders aangeraai om staat te maak op selfidentifikasie.

Ook in gevalle waar die ouers weier om kinders onder 18 se ras en etnisiteit bekend te maak, is selfidentifikasie die norm.

In gevalle waar die biologiese ouers se ras en etnisiteit verskil van dié wat hul telge aangee, word van skole vereis om die ouers se ras en etnisiteit te gee.

Skoolamptenare sê hulle sien nie uit daarna om te moet raai wat die ras en etnisiteit van kinders is nie, en hoop dat die ouers sal saamwerk om die nodige inligting te verskaf.

earrings for

Twee padongelukke eis 22

In twee afsonderlike padongelukke die afgelope paar dae is 22 mensen dood en 25 ander beseer.

Na een kop-aan-kop botsing naby Bothaville in die Vrystaat Sondag, het 15 mense omgekom en 20 is erg beseer na ‘n hospitaal gebring.

‘n Minibustaxi het, in ‘n ander voorval, van ‘n brug af gejaag naby Rosslyn en op sy dak te lande gekom.

Sewe insittendes van die taxi is dood en nog vyf beseer.

Die oorsaak van die ongeluk is nog onbekend.

вылечить пародонтоз топкарго развод

Vrou 15 uur aangehou vir nalatige bestuur

Die Vryheidsfront Plus-raadslede in die Tshwane-metroraad gaan aandring op antwoorde van die Tshwane-metropolisie nadat me. Magdel Steyn na bewering deur lede van die Metropolisie, in Sunnyside Pretoria, aangerand en vir 15 ure in polisieselle aangehou is.

Dit volg na ‘n voorval einde November 2009, toe me. Steyn haar bejaarde moeder by ‘n kantoorblok afgelaai het. Volgens me. Steyn, sukkel haar bejaarde moeder om te loop en het sy dubbelparkeer omrede haar moeder slegs ‘n klein rukkie in kantoorblok sou wees. Me. Steyn het in die motor gewag. ‘n Metropolisieman in siviele klere het op ‘n aggressiewe wyse aan me. Steyn se motorvenster geklop. Na ‘n woordewisseling wou me. Steyn haar motor skuif, maar ‘n Metropolisie-insleepwa het haar voertuig blokkeer. Op hierdie stadium het ongeveer 11 polisiemanne haar motor omring en sy is aangesê om uit haar motor te klim.

Sy is op ‘n hardhandige wyse rondgestamp en is onder andere teen ‘n polisie insleep voertuig gegooi. Sy is inhegtenis geneem en in die selle van die Sunnyside-polisiestasie gegooi. Haar moeder is met aankoms by die polisiestasie ingelig dat me. Steyn op aanklagte van poging to moord inhegtenis geneem is.

Me. Steyn het 15 ure in die selle spandeer waarna sy in die hof verskyn het op aanklagte van nalatige en roekelose bestuur. Sy is gevonnis en het ‘n boete van R1500 betaal. Steyn het ‘n siviele klagte teen die Metropolisie aanhangig gemaak.

Volgens Piet Uys, Vryheidsfront Plus-raadslid in die Tshwane Metroraad, is die optrede van die Metropolisie onaanvaarbaar. Uys sal tydens die volgende vergadering van die Gemeenskapsveiligheidskomitee van die Tshwane-metroraad daarop aandring dat daar ‘n verslag en ‘n voorligting rakende die volgende aan die komitee gedoen word:

1. ‘n Volledige verslag oor die opleidingskurrikulum van Metropolisie-rekrute;

2. ‘n Verslag oor opknappingsopleiding wat Metropolisie-lede moet ondergaan en hoe gereeld dit plaasvind;

3. Spesifieke terugvoer oor opleiding wat die Metropolisie ontvang rakende die hantering van die publiek;

4. Watter optrede die Tshwane-metropolisie reeds geneem het, of van plan is om te neem aangaande hierdie spesifieke voorval om herhaling daarvan te verhoed.

кукла для детей

Zuma na Zim

Pres. Jacob Zuma gaan Zimbabwe hierdie week besoek om die magsdelingsooreenkoms, ná ‘n dekadelange politieke en ekonomiese krisis, te ondersoek.

Pres. Robert Mugbae en sy mededinger Morgan Tsvangirai, het verlede jaar ‘n eenheidsregering gevorm, om ‘n einde te probeer bring aan ontwrigtende verkiesings.

Zuma gaan vanaf 16 tot 18 Maart in Zimbabwe wees om met politieke partye te vergader, het sy kantoor Maandag in ‘n verklaring gesê.

Vroeër hierdie maand het Brittanje ‘n voorstel deur Zuma van die hand gewys. Zuma wou gehad het dat die Europese Unie alle sanksies teen Mugabe en sy vennote moes beeïndig.

Zuma is ook nie die mening toegedaan dat meer druk in die vorm van sanksies die weg na die toekoms baan nie.

Ongeveer drie miljoen Zimbabwiërs het reeds na Suid-Afrika gevlug, weens die ekomoniese ineenstorting in Zimbabwe.

топкарго

Rowers getakel, een dood

Inwoners van Mthatha het twee gewapende mans doodgeslaan wat na bewering besig was om ‘n rooftog in Mandelapark uit te voer, het die Oos-Kaapse polisie gesê.

“Lede van die gemeenskap het gedurende die rooftog die rowers met stokke, strykysters en pangas genader en hulle daarmee begin slaan,” het Sup. Mzukisi Fatyela gesê.

Vier mans het die spazawinkel omstreeks 06:30 Maandagoggend in Mandelapark binnegegaan.

Hulle het die eienaar en sy vrou met wapens aangehou en sowat R4500, ’n DVD-speler en ‘n selfoon gevat.

“Die vrou het begin skree. Net voordat hulle haar probeer verkrag het, het lede van die gemeenskap die winkel binnegestorm en die rowers gekonfronteer en hulle begin slaan.”

“Een rower het op die toneel gesterf en die ander een in die hospitaal. Die oorblywende twee rowers is in ‘n kritieke toestand en onder polisietoesig.”

Die polisie het kort na die voorval drie inwoners betrokke by die aanval in hegtenis geneem.

free mobile online

Boervrou van Colenso sterf in plaasaanval

Die polisie in KwaZulu-Natal het ’n soektog vir vier mans van stapel gestuur nadat die vrou van ’n boer Sondagaand in Colenso doodgeskiet is, het die polisie gesê.

Die boer, 70, is twee keer geskiet, maar hy het die voorval oorleef en sterk tans in die hospitaal aan, het supt. Jay Naicker gesê.

“Die boer was besig om die koeie saam met sy werkers te melk toe hulle deur vier gewapende mans genader is. Die mans het geld geëis en sy vrou, 64, is doodgeskiet,” het hy gesê.

Naicker het gesê die aanvallers het niks gesteel nie.

Die georganiseerde misdaadeenheid is tans besig om die voorval te ondersoek.

Die Demokratiese Alliansie (DA) beskryf die voorval as ‘n voorbeeld van intimidasie.

“Die sinnelose moord op ‘n bejaarde vrou en die aanval op haar man is net nog ‘n tragedie vir ons land,” het Tom Stokes, ’n lid van die DA in KwaZulu-Natal gesê.

Hy het gesê die plaasmoorde is deur die sing van die struggle-liedjies aangehits wat die doodmaak van boere aanmoedig.

Helen Zille, DA-leier, het gesê pres. Jacob Zuma se weiering om homself van die liedjie “Kill the Boers, they are rapists” te distansieer, suggereer dat hy sy “goedkeuring gee om mede-Suid-Afrikaners dood te maak”, het Sapa vroeër berig.

casino no

Malema gaan appelleer teen haatspraakbevinding

Die gelykheidshof in Johannesburg het Maandag vir Julius Malema, die ANC-jeugleier skuldig bevind op aanklagte van haatspraak en teistering.

“Die hof is tevrede met die uitspraak dat die uitlating van die gedaagde gelykstaan met haatspraak,” het die landdros Colleen Collins gesê.

“Die woorde wat uitgelaat is, dra by tot teistering soos gestaan in die wet van gelykheid.”

Collins het Malema beveel om ’n publieke verskoning binne die volgende twee weke te maak.

Hy moet ook R50 000 binne een maand aan ‘n sentrum vir mishandelde vrouens skenk.

Collins het wyse woorde aan Malema in haar uitspraak ingesluit.“”Mr. Malema, wees versigtig om nie in ‘n man te verander wat gereeld iets sê, maar nooit die rede voer nie.”

Malema was nie by die hofuitspraak teenwoordig nie, maar het intussen aangedui dat hy gaan appelleer, volgens sy regsverteenwoordiger.

“Ons het die uitspraak bespreek en hy (Malema) het my gevra wat ek oor die beslissing dink. Ons het kort daarna besluit om appèl aan te teken,” het Tumi Mokwena aan Sapa gesê.

“Ek gaan vanaand al met die papierwerk begin sodat daar so vinnig as moontlik teen die uitspraak geappelleer kan word.”

Israeli soldate wond Palestynese studente

Israelse troepe het Maandag Palestynse burgers gewond toe hulle met lewendige ammunisie op betogers in die Wesoewer losgebrand het.

Die skietery het by ‘n kontrolepunt uitgebreek toe studente die soldate met klippe begin bestook het.

“Ons het ses mense opgeneem,” het Mohammed Eida, direkteur van hospitale in Ramallah, Maandag aan AFP gesê.

“Twee is met lewendige rondtes gewond; een in die nek, en die ander in die maag.”

Volgens Eida is ‘n verdere vier betogers op die toneel behandel vir ligte wonde.

Israelse troepe gebruik selde lewendige rondtes op betogers, en verkies gewoonlik eerder traangas, skokgranate en rubberkoeëls.

липецк бытовая

Nasionalisering van landbougrond

“Daar kan geen twyfel wees dat as alle produktiewe grond in Suid-Afrika in ’n nasionale bate omskep word, dit die nasionalisering van grond beteken nie.” Aldus dr. Pieter Mulder, adjunkminister van landbou en leier van die Vryheidsfront Plus.

Volgens media-verslae is een van die opsies wat die ANC vir die groenskrif op grondhervorming oorweeg, ’n voorstel dat alle landbougrond voortaan aan die staat behoort en bestaande eienaars se eiendomsreg in ’n erfpagstelsel omskep word.

Mulder sê: “As so ’n voorstel regeringsbeleid sou word, sal dit teen die grondwet wees, sal dit alle beleggers in Suid-Afrika permanent afskrik en sal dit groot onsekerheid op die platteland veroorsaak wat weer voedselsekerheid sal vernietig.”

Die ontwikkeling van die platteland is tans een van die prioriteite van die ANC.

Volgens Mulder is “onsekerheid die belangrikste rede waarom kommersiële boere in die platteland nie tans hulle boerderye uitbrei of meer werksgeleenthede skep nie. As ’n sogenaamde gronderfpagstelsel regeringsbeleid word, sal dit totale onsekerheid oor grond op die platteland skep. Enige regeringsamptenaar wat dink dat die ontwikkeling van die platteland moontlik is sonder die samewerking van die kommersiële boere, ontken die werklikhede van Suid-Afrika.

In belang van Suid-Afrika en van landbou sal hierdie voorstel met alle moontlike middele en deur alle belanghebbendes beveg moet word.”

сауна дома