Nuus Archives - Page 1024 of 1583

Derby-Lewis ondergaan nog ‘n operasie

Clive Derby-Lewis sal Dinsdag nóg ‘n operasie ondergaan om ‘n kankergewas by sy regterslaap te laat verwyder, het sy regsverteenwoordiger gesê.

“Die operasie is om die kanker uit sy regterslaap te verwyder en te sien hoe diep die groeisel is. Dit is kommerwekkend, aangesien die groeisel blykbaar tot by sy skedel strek,” het Marius Coertze Maandag gesê.

Derby-Lewis dien tronkstraf van 25 jaar uit vir sy rol in die moord op die eertydse sekretaris-generaal van die SAKP, Chris Hani.

Coertze het gesê ‘n mediese verslag oor Derby-Lewis se toestand is Vrydag ontvang. Die 74-jarige Derby-Lewis het verlede week ‘n suksesvolle veloorplanting op sy regterbeen ondergaan. Hy moes twee operasies ondergaan nadat hy sy been teen die ysterbasis van ‘n bed gestamp het.

Die stamp het ernstige infeksie in sy been veroorsaak.

Die gevaar dat hy sy been kan verloor het afgeneem, het sy prokureur gesê.

Tydens sy ondersoek, het dokters bevind Derby-Lewis, wat al 17 jaar van sy vonnis uitgedoen het, benodig behandeling vir velkanker en prostaatkwale. Geen verdere toetse is nog op die prostaat uitgevoer nie, het Coertze gesê.

“Dit sal waarskynlik oor ‘n week of so gebeur… die dokter wil nie hê daar moet te veel stres op die patiënt se liggaam wees nie.”

Derby-Lewis was steeds aan sy bed vasgeketting, maar is toegelaat om in sy kamer en ‘n aansluitende gang rond te stap.

Volgens die departement van korrektiewe dienste sal ‘n finale besluit oor die toestaan van parool aan Derby-Lewis teen die einde van Oktober geneem word.

Hani is in 1993 in die kop geskiet toe hy by sy huis in Dawn Bark, Boksburg, uit sy motor geklim het. Die skieter, Janusz Walus, het ‘n pistool gebruik wat Derby-Lewis, toe ‘n parlementslid van die Konserwatiewe Party, vir hom geleen het.

Walus dien ook nog sy vonnis van 25 jaar uit.

Wit mans bly die bobaasbreine

Dit blyk uit ‘n studie deur die Academy of Science of South Africa (Assaf) dat daar sowat 26 mense met doktorsgrade vir elke miljoen inwoners in Suid-Afrika is en die meeste is wit mans.

Turkye het 48, Australië 264, Korea 187 en Portugal 569.

Assaf het ‘n studie oor die eise van hoëvlakvaardighede in ‘n opkomende ekonomie Maandag bekend gestel.

Die meeste doktorale gegradueerdes in Suid-Afrika wit mans in hul dertigs.

Die proefskrifte was in die sosiale wetenskappe (34%), natuur- en landbouwetenskappe (28%), geesteswetenskappe (20%) en gesondheidswetenskappe (10%).

Universiteite lewer die meeste doktore.

Die universiteite van Pretoria (13%), Kaapstad (12,4%), Johannesburg (10,9%), Stellenbosch (10,2%) en die Witwatersrand (10%) kweek die slimmes.

прокурор Фильчаков

Buitelanders in tronke kos staat miljoene

Volgens die minister van Korrektiewe Dienste, me. Nosiviwe Mapisa-Nqakula, is daar tans 8 580 buitelanders wat in Suid-Afrikaanse tronke aangehou word. Hiervan is 4 868 reeds gevonnis en 3 712 is verhoorafwagtend. Sy het geantwoord op ‘n vraag van Pieter Groenewald van die Vryheidsfront Plus in die parlement. Die meeste is Zimbabwiërs (3 712) en Mosambiekers (2 337). Buitelanders uit Afrika is verreweg die meeste met 8 011 uit 36 Afrika-lande.

“Die syfers is ‘n bewys dat grensbeheer, veral met Zimbabwe en Mosambiek, gefaal het en die belastingbetalers moet opdok om buitelandse misdadigers te onderhou. Daar moet dadelik aandag gegee word aan die verhoorafwagtendes. Teen ten minste R150 per dag kos die buitelanders Suid-Afrika R470 miljoen (R469 755 000) per jaar. Met beter grensbeheer kan miljoene bespaar word,” sê Pieter Groenewald (LP), hoofwoordvoerder van Polisie vir die Vryheidsfront Plus.

Volgens Groenewald is ‘n soortgelyke vraag aan die minister van Polisie vroeër vanjaar gevra om te bepaal hoeveel buitelanders by misdaad betrokke is. Die minister het geantwoord dat die statistiek nie deur die Polisie gehou word nie. Gevangenes van 99 lande word in SA-tronke aangehou. Van die VSA en Brittanje word elk sewe burgers aangehou.

ukladka-parketa

SA kan landbouleiersposisie verloor

“Afrikalande noord van Suid-Afrika beskik oor baie meer landboupotensiaal as Suid-Afrika. Hierdie lande het ‘n bo-gemiddelde reënval, beter grondkwaliteit en ‘n warmer klimaat. As die Suid-Afrikaanse regering foute ten opsigte van landbou in Suid-Afrika maak, kan Suid-Afrika maklik sy leiersposisie op hierdie terrein verloor. Dit is reeds hierdie jaar bewys op graangebied deurdat lande soos Zambië en Malawi, wat tradisionele invoerders van Suid-Afrikaanse mielies was, vanjaar selfvoorsienend is,” het dr. Pieter Mulder, adjunkminister van Landbou, Bosbou en Visserye gesê. Dr. Mulder was die naweek die spreker by Graan Suid-Afrika se jaarliks aanwysing van die graanprodusent van die jaar. Dit het tydens ‘n galafunksie in Midrand plaasgevind.

“Onsekerheid oor grondhervorming en die huidige Suid-Afrikaanse debatte oor nasionalisering, help nie om Suid-Afrika meer mededingend teenoor hierdie Afrikastate te maak nie. Kom ons leer uit die foute wat ander Afrikalande na Uhuru gemaak het en herhaal dit nie,” het Mulder bygevoeg.

Dr. Mulder het daarop gewys dat een van die groot landbouprobleme waarom Afrika nie op gelyke vlak met ander kontinente kan kompeteer nie, fragmentasie is. Ongeveer 85% van alle landbou in Afrika vind plaas op plase kleiner as twee hektaar. Sonder samewerkingsplanne kan hierdie landbouers nooit die voordele wat ekonomie van skaal inhou, kry nie.

“In die Verenigde State van Amerika is daar slegs 4% plase kleiner as twee hektaar en in Brasilië, wat ook ‘n ontwikkelende land soos Suid-Afrika is, 11%. As die Groenskrif oor grondhervorming die hoeveelheid grond wat ‘n boer mag besit wil beperk, kan die voordele wat die ekonomie van skaal inhou, verloor word en het ons geen lesse uit Afrika se mislukkings geleer nie,” volgens Mulder.

Die graanprodusent van die jaar toekennings is daarop gemik om erkenning te gee aan kommersiële en opkomende produsente wat onder verskillende omstandighede daarin geslaag het om uiters doeltreffend en op ‘n volhoubare basis graan te produseer.

betting real

Moslem-swarte spuug na Ratte en medegevangenes

Swarte met wit fez, sekondes ná hy gespoeg het Nadat oudkommandant Willem Ratte en sy medegevangenes in die landdroshof op Witbank verskyn het, het ‘n swarte met ‘n Moslem-fez op na hulle in die vangwa gespuug terwyl die voertuig die hofterrein verlaat het.

Ratte, wat tans op ‘n eetstaking is, gaan nie vir borgtog aansoek doen nie, maar die ander nege gevangenis kan moontylik teen Vrydag op waarskuwing vrygelaat word, hangende ‘n ondersoek deur die departement van korrektiewe dienste.

By die hof was ‘n aansienlike mediakontingent teenwoordig en onderhoude is met my, sowel as mnr. Avigdor Eskin, die Israelse aktivis, gevoer.

Ratte het moeg en bleek in die hof gelyk. Nadat ons drie en ‘n half uur in die hof gewag het, het die tien gevangenes in die hof verskyn en sowet ‘n kwartier later weer na die selle vertrek. Die borgaansoek van die nege gevangenes, uitgesonderd Ratte, sal Vrydag teen 12.00 aangehoor word.

детские самокаты

Twee plaasaanvalle

Twee plaasaanvalle het Afrikaners die afgelope week weer geruk. In die Hertzogville-distrik is Manie van Zyl (74) van die plaas Nooitgedacht, sowat 5km van Hertzogville, Sondag met ‘n stuk yster aangerand.

Van Zyl se dogter het met haar vinnige optrede verhoed dat die swart boosdoener toegang tot die woning verkry.

Die man het in die rigting van die nabygeleë Malebogo-lokasie gevlug.

Die boere in die plaaslike polisie in kennis gestel en die verdagte se spoor gevolg.

Volgens kapt. Harry Nagel, polisiewoordvoerder, is die 31-jarige verdagte binne enkele ure in die township in hegtenis geneem.

Hy word tans in die Boshof-polisieselle aangehou en sal môre in die hof verskyn op aanklagte van aanranding met die doel om ernstig te beseer en poging tot huisbraak.

In ‘n soortgelyke voorval is ‘n agt-en-vytigjarige man is ernstig beseer nadat hy op sy kleinhoewe in Pretoria-noord aangeval is, het ER24 Maandag gesê.

Hy is deur die venster van sy woning geskiet en in die skouer getref. Hy het daarna dieper in die huis skuiling gesoek toe die aanvallers aanhou skiet het.

Sy vrou en kind is nie in die skietery gewond nie

Die man het opgestaan om ondersoek in te stel by sy huis nadat hy wakker geword het van ‘n lawaai.

Hy word tans in die hospitaal behandel.

zishao детская одежда Александр Фильчаков

Leeu-breier in mesaanval

Die voormalige afrigter van die All Blacks, John Mitchell, is aangeval en gesteek deur inbrekers wat by sy hotelkamer in Suid-Afrika ingebreek het, is Maandag berig.

Twee inbrekers het Saterdagaand by Mitchell se kamer in Johannesburg ingebreek en een van hulle het die 46-jarige tydens ‘n stoeiery wat ontstaan het, gesteek, het Australië se Channel Nine News berig.

Hulle het Mitchell daarna vasgebind en toe gevlug. Hy is later in ‘n hospitaal in Sandton behandel, het die kanaal berig.

Hy het Saterdagaand by die hospitaal deurgebring en is Sondag ontslaan. Die afrigter sal Maandag terugkeer werk toe.

Mitchell is uitgekontrakteer om die Johannesburgse span, die Golden Lions, vir volgende jaar se Super 15 af te rig.

Kevin de klerk, die president van die Goue Leeus rugbyunie, het aan Nieu-Seeland se TVNZ gesê dat Mitchell in die been en die arm gesteek is.

большого размера Александр Фильчаков

Willem Ratte op hongerstaking in tronk

Oud-kmdt. Willem Ratte is reeds ‘n week lank op ‘n hongerstaking in die Witbankse gevangenis omdat hy voel dat hy onregmatig aangehou word. Vriende en mense na aan hom vrees vir sy lewe aangesien sy gestel reeds verswak is en die gevangenisowerheid weier dat hy elektroliete ontvang wat die verhongeringsproses sou vertraag.

Dr. Dan Roodt van Praag en ‘n vriend van Ratte was Donderdag by die gevangenis waar hulle op tegniese gronde toegang tot Ratte geweier is. Hulle het elektroliete by hulle gehad wat hulle aan Ratte sou kon oorhandig.

Die handelsnaam van die elektroliete is Rehidrat en kan oor die toonbank en selfs in supermarkte gekoop word. Terwyl die gevangenisowerheid geweier het dat die elektroliete aan Ratte oorhandig word, word gevangenes wel toegelaat om kitskos soos Nando en Kentucky Fried Chicken te ontvang, asook tandepasta en ander toiletware.

Ratte se vrou Zanzi het bevestig dat sy van ‘n medegevangene verneem het dat Ratte ‘n hongerstaking uitvoer. Hy het reeds twee keer vantevore toe hy in die gevangenis aangehou is dieselfde gedoen. Toentertyd het hy egter vrylik toegang tot elektroliete gehad.

Volgens Ratte het hy “hoegenaamd niks” met enige wapens of dagga wat op die plaas gevind is te make gehad nie. Hy ontken ook dat ‘n koperkabel wat op die plaas gevind is, gesteel is. Hy voel dat hy onmiddellik vrygelaat behoort te word.

Intussen het dit geblyk dat die polisie aanvanklik deur ‘n werknemer van die sweisskool op die plaas, mnr. Mike Hough, ontbied is nadat ‘n sakkie dagga en 9mm-patrone op die perseel van die sweisskool gevind is. Daar is ‘n slegte verhouding tussen Ratte en Hough en blykbaar het hulle vantevore reeds rusie gemaak.

Hough het oor die afgelope weke toegelaat dat vragmotorbestuurders van buite by die sweisskool oorslaap vir herstelwerk aan swaar vragmotors, wat tegelyktertyd die “volkseie” reël van die stigting waaraan die plaas behoort oortree het en ‘n veiligheidsrisiko geskep het. Hough is daarna aangesê om dié praktyk te staak.

‘n Vriend van Ratte wat anoniem wil bly, meen: “Ek vind dit vreemd dat die sakkie dagga en patrone direk ná dié voorval daar gevind is. Die plaas funksioneer reeds nege jaar lank met die rehabilitasieprogram vir hawelose seuns waarvan sommige al daggarokers was. Waarom word die sakkie dagga en patrone skielik ontdek net nadat die onderonsie met Hough oor die vragmotorbestuurders ontstaan het? Aan wie behoort die dagga en wie het dit daar geplant?”

Mnr. Mike Hough het volgens bronne op die plaas die polisie twee keer oor die sakkie dagga gebel. Aanvanklik is twee swart polisiemanne na die plaas gestuur, maar hul ondersoek het nie veel opgelewer nie en geen klopjag is op Ratte en die jongmans uitgevoer nie. Daarna het Hough weereens die polisie gekontak en aangepor om ‘n klopjag op die hele plaas uit te voer. Hough wou blykbaar “wit polisiemanne” op die plaas hê om die klopjag uit te voer. Blykbaar het ambulanse die taakmag vergesel, wat die indruk gewek het dat die polisie nie sou skroom om op Ratte en die hawelose seuns te skiet nie.

Ratte en sy mede-aangehoudenes verkeer reeds langer as ‘n week in die gevangenis op Witbank. Hulle sal Maandagoggend in die landdroshof in Witbank verskyn waar moontlike borgaansoeke aangehoor sal word. ‘n Groot groep ondersteuners en simpatiseerders word by die hof verwag.

Volgens ‘n medegevangene is Ratte egter so swak omdat hy reeds ‘n week lank nie eet nie dat hy beswaarlik kan staan. Of hy dus in ‘n toestand sal wees om Maandag in die hof te verskyn, is ‘n ope vraag. Intussen weier die gevangenisowerheid dat Ratte elekroliete ontvang.

Volgens gevangenisreëls sou dit wel moontlik wees om vir Ratte ‘n privaat dokter te bekom wat die tronk kon besoek. ‘n Sakeman en vriend van Ratte sê: “Ek het my bes probeer om vir Ratte ‘n dokter te kry wat hom kon ondersoek en die elektroliete vir hom sou kon invat, maar die gevangenisowerheid op Witbank bly onbehulpsaam.”

лобановский депутат

Lasbrief vir ET se moordenaar uitgereik

‘n Lasbrief is uitgereik om Eugene Terre’Blanche se vermeende moordenaar, Chris Mahlangu dadelik in hegtenis te neem ná sy borgtog teruggetrek is.

Regter Elias Matojane het in die Noord-Gautengse hooggeregshof in Pretoria gesê daar is geen bewyse om Mahlangu se bewering dat die aanval uit selfverdediging was, te staaf nie.

Matojane het ook gesê landdros Magaolo Foso het verskeie onverstaanbare bewerings in die Ventersdorp-landdroshof gemaak.

Mahlangu, wat in Julie borgtog van R5000 ontvang het, asook ‘n minderjarige medepligtige, is in April ure ná die moord op Terre’Blanche in hegtenis geneem nadat hulle glo self die polisie gebel het.

Staat betaal nie Selebi se appèl

Die voormalige polisiehoof, Jackie Selebi sal uit sy eie sak vir die appèl teen sy skuldigbevinding aan korrupsie moet betaal, het The Star vandag berig.

“Na oorweging van ‘n spektrum van alle tersaaklike faktore, het die staat ‘n besluit geneem om nie te betaal vir die regskoste t.o.v. die heer Selebi se appèlproses nie,” het ‘n justisiewoordvoerder Tlali Tlali gesê.

Selebi het bevestig dat die Staat sy aansoek om die befondsing van sy appèlproses van die hand gewys het.

“Ek sal moet sien wat ek kan doen. Ek het nie oorweeg [hoe ek vir die appèl sal betaal] nie,” sê Selebi.

Voortgaan

Maar hy het daarop aangedring dat hy voortgaan met die appèl. “Ek gaan aanhou,” sê Selebi.

Hy is skuldig bevind aan korrupsie in die Suid-Gautengse hooggeregshof in Julie en tot 15 jaar in die tronk gevonnis. Hy het in Augustus verlof om teen sy skuldigbevinding te appelleer, ontvang.

Die Staat het wel die rekening vir sy verdediging tydens die verhoor betaal, wat ‘n totaal van R17,4m gekos het.

Tlali was nie Vrydagoggend onmiddellik beskikbaar om die koerant se berig te bevestig nie.

пескоструй дисков