Malema mag maar aanhou sing

Julius Malema is ten minste vrygespreek vir die sing van die ‘Skiet die boere’. 

Sy openbare ondersteuning van Zanu-PF, pres. Robert Mugabe se party, dat hy ‘n joernalis ‘n “baster” en ‘n “agent” genoem het en omdat hy steeds “Skiet die Boere” gesing het nadat die hof dit verbied het, word nie deur die ANC teen hom gehou nie.

Die enkele klagte teen hom hou daarmee verband dat hy die ANC en die regering in oneer gebring het.

Die ANC het die president van sy jeugliga, Julius Malema, ‘n boete van R10 000 opgelê, beveel om terapie te ondergaan om sy woede te beheer en pres. Jacob Zuma om verskoning te vra, berig Eyewitness News.

Dié boete moet Malema binne drie maande aan ‘n jeugontwikkelingsprojek betaal.

Hy is ook beveel om vir 20 dae die ANC se politieke skool by te woon.

Malema se tugverhoor is kort ná 20:00 Dinsdagaand afgehandel.

Daar is slegs bevind dat ’n onlangse opmerking wat hy oor pres. Jacob Zuma gemaak het, opruiend was en as ondermyning van eenheid in die party vertolk kan word.

Malema het ‘n apologie aan Zuma aangebied in ’n ANC-verklaring wat gisteraand laat deur die party uitgereik is. Daarin vra hy Zuma en die party om verskoning vir uitlatings wat hy by die jeugliga se oproerige provinsiale kongres in Limpopo gemaak het.

Malema se partylidmaatskap kan ook summier opgeskort word as hy binne twee jaar ’n soortgelyke oortreding begaan.

Mathews Phosa, ANC-tesourier, het Malema verteenwoordig.

best jackpotФільчаков Олександр Васильович

Kondig noodtoestand af

“Die graad van geweldsmisdaad in Suid-Afrika en meer spesifiek Gauteng, het reeds alle perke oorskry,” sê mnr. Jaco Mulder, VF Plus-LPW en leier van die party in Gauteng, na die moord gister op mnr. Robert Botha in die moordgeteisterde Kameeldrift-omgewing buite Pretoria.

Mulder wat ook ‘n lid van die portefeuljekomitee vir Veiligheid in Gauteng is, eis dat die regering nou onmiddellik ‘n noodtoestand in die Kameeldrift-omgewing afkondig en selfs in die hele land tydens die 2010 Sokkertoernooi.  “Dit behoort soos in Duitsland ‘n standaard prosedure te wees,” het Mulder gesê.

“Die situasie in Suid-Afrika is tans reeds uiters plofbaar en kan selfs lei tot burgerlike opstand.  Hierdie buitengewone situasie verg buitengewone optrede,” het Mulder bygevoeg.

“Die grondwet van Suid-Afrika is nie die papier werd waarop dit geskryf is indien fundamentele regte soos die veiligheid van die land se burgers nie deur die staat gewaarborg kan word nie.  Die staat het reeds misluk en sy burgers gefaal,” het Mulder gesê.  Hy het ‘n beroep op die publiek gedoen om paraat te wees en hulself te beveilig.

“Die situasie in Kameeldrift het selfs na besoeke van minister Nathi Mthethwa en verskerpte polisie-optrede in die gebied nie verbeter nie.  Hierdie is reeds die vierde moord binne etlike weke.  Die SAPD se misdaadintelligensievermoë laat veel te wense oor,” het Mulder gesê.   Die wrange vrugte van die afskaffing van die kommandostelsel deur die destydse minister van Verdediging, mnr. Mosiau Lekota word nou gepluk.

“Ek rig hierdie versoek op ‘n dringende basis in die media aan minister Nathi Mthethwa, genl. Beke Cele, die LUR vir Veiligheid in Gauteng, mnr. Elias Mosunkuthu asook die Kommissaris van Polisie in Gauteng, luitenant-generaal Naidoo.  Die VF Plus gaan die saak op ‘n dringende basis met die regering opneem.”

купить игрушечный автоматДанильченко Юрий Брониславович компромат

Nuwe landbouplan skok

Die ANC ondersoek glo ’n aandeelskema vir swart boere om die huidige beginsel van gewillige verkoper, gewillige koper te vervang en grondhervormingteikens te bereik, berig die Volksblad.

Daarvolgens sal kommersiële boere tot sowat 40% se waarde van plase aan swart aandeelhouers moet afstaan.

Me. Tina Joemat-Pettersson, minister van landbou, bosbou en visserye, het gister in ’n onderhoud gesê dié plan kan vervat word in ’n hersiene swartbemagtigingshandves vir die landbousektor.

Dit volg op haar aankondiging verlede maand in die departement se begrotingsrede dat sy ontevrede is oor die stadige pas van transformasie en beplan om teikens vir swart ekonomiese bemagtiging (SEB) in wetgewing vas te maak.

Dié plan is gister met ongeloof in landboukringe begroet met Agri SA wat gesê het dié organisasie weet niks daarvan af nie. Ook dr. Pieter Mulder, VF+-leier en Joemat-Pettersson se departementele adjunk, is nie bewus daarvan nie.

Lees meer. 

детский транспорт ценаФильчаков прокурор харькова

ANC maak onhoudbare aanstelling in Gauteng

Die Vryheidsfront Plus het met kommer kennis geneem van die verkiesing van mnr. Humphrey Memezi as adjunk-sekretaris van die ANC in Gauteng ten spyte daarvan dat die ANC se nasionale hiërargie onlangs uitsprake gemaak het dat  amptenare nie senior poste in die party behoort te beklee nie.

Mnr. Memezi is tans die menslike hulpbronbestuurder by Mogale City Munisipaliteit en was voorheen `n raadslid by die Distriksmunisipaliteit.

Dit skep `n onhoudbare situasie waar mnr. Memezi binne ANC-strukture nou die meerdere van sy seniors in die munisipaliteit is. Dit maak ook `n bespotting van die oorsig rol van raadslede omrede hy op die provinsiale ontplooiingskomitee van die ANC seggenskap oor die wel en weë van beide ANC-raadslede en senior amptenare sal hê.

As amptenaar sal hy onaantasbaar wees en nie tot orde geroep word in geval van wangedrag of pligsversuim nie. Sy prestasie beoordeling  kan ook in `n klug ontaard met gepaardgaande onnatuurlike verhogings en bonusse weens sy senioriteit en die moontlikheid van vergelding binne partyverband.

Hierdie toedrag van sake geld ook in talle ander munisipaliteite en dra by tot nie-prestering en die skep van geleenthede vir korrupsie en wanadministrasie. Die Vryheidsfront Plus doen `n beroep op die Minister van Koöperatiewe Regering en Tradisionele Sake om dringende aandag hieraan te gee en daadwerklik op te tree ten einde `n ommekeer in die swak administrasie van munisipaliteite te bewerkstellig.

насосные станции купитьлобановский александр игоревич класс

Mynmagnaat se kind ontvoer

‘n Angolese mynmagnaat se 5-jaar-oue seun is deur vier mans by ‘n kerk in Troyeville, Johannesburg, ontvoer, het die polisie Dinsdag gesê.
  
Die seuntjie is in die sorg van sy oppasser gelaat terwyl beide sy ouers Sondag na Angola gereis het, het kaptein Cynthia Magoai gesê.
  
Die oppasser het die seuntjie na haar kerk in Troyeville geneem en hy is omstreeks 08:00 Sondag ontvoer terwyl hy met ander kinders by die kerk se speelskool gespeel het.
  
Magoai het gesê die familie het ‘n losprysoproep ontvang. Verdere besonderhede oor die oproep was nie onmiddellik beskikbaar nie.
  
Die polisie gaan ‘n saak van ontvoering ondersoek, het sy gesê.

детские палатки купитьФильчаков Харьков

Bennett meen Zim se regstelsel is onafhanklik

Zimbabwe se MDC-opposisiepolitikus Roy Bennett sê die feit dat hy vrygespreek is, bewys dat daar onafhanklikheid binne dié land se regstelsel is.

“Ek is baie gelukkig,” het ‘n verligte Bennett aan verslaggewers ná die uitspraak gesê.

“Hierdie uitspraak gee hoop dat ons sal terugkeer na geregtigheid en die oppergesag van die reg.”

Zimbabwe se hooggeregshof het Bennett, ‘n vertroueling van premier Morgan Tsvangirai, Maandag vrygespreek van alle terrorisme-aanklagte teen hom.

Die aanklagte kon tot die doodstraf gelei het.

Na bewering sal dié uitspraak die spanning in die koalisie-regering verlig.

штукатурные смеси для наружных работtopcargo

ET se moord was beplan

Eugene Terre’ Blanche se dood was na bewering weens ’n dispuut oor salarisse én vermiste vee in die skuur op die sy plaas beplan, het die Ventersdorp-landdroshof Maandag gehoor.

“Hulle het beplan om Terre’ Blanche te vermoor,” het die ondersoekbeampte Ttietsi Mano gedurende die borgverhoor van een van die beskuldigdes, Chris Mahlangu, getuig.

“Die man gee ons moeilikheid. Ons gaan hom doodmaak,” het die verdagtes volgens Mano gesê.

Die hof het Maandag gehoor dat Mahlangu en sy 15-jarige medebeskuldigde na ‘n winkel gegaan het om ’n ysterpaal te koop waarmee hulle in die huis ingebreek het.

Hulle het Terre’Blanche in sy slaap met die paal en die panga aangeval.

Mano het gesê Mahlangu het die moordtoneel vir die polisie gaan wys, wat as ‘n erkenning van die moord beskou word.

Mano is tans uit op borgtog nadat hy Vrydag in hegtenis geneem is.

Volgens ‘n voorlopige opsomming van feite, meen staatsaanklaer George Baloyi, is Terre’ Blanche talle kere teen sy kop met die wapens gekap.

Hy het 28 beserings aan sy gesig, brein, tong, skedel, ribbekas en lewer gedurende die aanval opgedoen.

Die moordenaars het kort ná die moord Terre’ Blanche se selfoon gesoek om oor die moord te “spog”.

“Hulle het drie plaaswerkers gekonfronteer, waartydens beskuldigde nommer een aan hulle gesê het hy is nou hulle nuwe baas,” het Baloyi uit die opsomming van feite gelees wat Mano bevestig het.

Crimen injuria, wat aanvanklik ingesluit is omdat Terre’ Blanche se broek na die moord afgetrek was, was nie op Maandag se lys van klagtes nie.

Die 15-jarige het skool verlaat om vir Terre’ Blanche teen R500 en ‘n bed in die skuur te gaan werk.

Terre’ Blanche, ‘n knap ruiter, het die seun aangestel om na sy vee om te sien.

Hy het hom ook kos (pap en melk) gegee, wat per geleentheid vleis ingesluit het, het sy regsverteenwoordiger, Zola Majavu, gesê.

Die minderjarige gaan op 10 Junie onskuldig pleit wanneer hy na Ventersdorp terugkeer om vir borgtog aansoek te doen.

Sy verhoor begin in September.

Terre’ Blanche se broer, Andries Visagie, asook die sekretaris-generaal van die Afrikaner Weerstandsbeweging (AWB) was teenwoordig by die hofverrigtinge.

topДанильченко

‘Ongelukkige’ verslae van geweld tydens Transnetstaking

Dertien mense is in hegtenis geneem vir openbare geweld en intimidasie Maandag tydens die Transnetwerkers se staking in Durban het die maatskappy gesê.

“Die 13, wat op aanklagte van openbare geweld, aanranding en intimidasie in hegtenis geneem is, is tydens ‘n protesaksie wat gewelddadig geraak het, gearresteer, ” het John Dludlu, woordvoerder in ‘n verklaring gesê. 

Vroeër  Maandag, het ‘n groep betogers in Umbilo, by een van Transnet se bedrywighede in Durban, afgewyk van die ooreengekome betogingsroete en hul pad in maatskappyperseel ingedwing, in stryd met ‘n ooreenkoms tussen Transnet en die vakbonde. 

Transnet het gesê dat die dieselfde groep, wat nie teruggehou is deur die vakbond se leiers nie, subkontrakteurs fisies aangeval en kaal uitgetrek het.

KwaZulu-Natal polisie woordvoerder luitenant-kolonel Vincent Mdunge het gesê dat daar ongeveer 1500 betogers was, gewapen met grawe en knobkerries. Een persoon is beseer met ‘n graaf.

Dludlu het gesê: “As gevolg van die voorval en die opskudding moes die polisie rubberkoeëls gebruik om orde te herstel.” 

Twaalf mense is beseer en ses in die hospitaal.

Transnet het die geweld en intimidasie “ten sterkste” veroordeel en het sy prokureurs gevra om aansoek te doen vir ‘n dringende interdik teen Satawu wat sal verseker dat die bates en werknemers beskerm word tydens die staking. 

Dissiplinêre optrede sal ingestel word teen diegene wat reëls oortree.

“Ons vind hierdie gedrag van Satawu-lede sowel betreurenswaardig as onaanvaarbaar. Die maatskappy het videomateriaal wat versamel word en gebruik sal word in die beoogde straf en dissiplinêre optrede,” het Dludlu gesê.

Volgens Satawu navorser Jane Barrett, gaan die staking “baie goed”, ten spyte van die “ongelukkige” verslae van geweld in Durban.

пневматический инструмент дляОлександр Васильович Фільчаков

15 Transnetbetogers beseer na polisie-optrede

Sowat 15 mense is beseer nadat die polisie met rubberkoeëls op die Transnet-betogers in Durban losgebrand het, het die KwaZulu-Natalse polisie gesê.

Jeff Wicks, woordvoerder van Netcare 911 het gesê talle mans en vrouens wat by Transnet werk, het Maandag by die Bayheadweg bymekaargedrom om te betoog.

“Die groep het oproerig begin raak en het geweier om die polisie te gehoorsaam,” het hy gesê.

Die beseerdes is op die toneel behandel en ’n hospitaal geneem, het Wicks gesê.

промышленный светильникОлександр Васильович Фільчаков

Obama vergeet sy speletjieveldtog

Pres. Barack Obama van die VSA het aan gegra­dueerdes gesê die era van die iPod en die Xbox is nie altyd tot voordeel van die be­vordering van goeie onderrig nie.

Dit kom as ‘n verrassing aangesien die president in 2008 dmv videospeletjies sy verkiesingsveldtog gevoer het.

Obama het dié stelling gemaak in ’n toespraak voor meer as ’n duisend gegradueerdes en hul familie en vriende op die voetbalveld van die Universiteit van Hampton, ’n histories swart universiteit in die suidooste van die Amerikaanse deelstaat Virginië.

Obama het gesê gegradueerdes bereik deesdae rypheid in uiters moeilike tye vir Amerika.

Volgens hom trotseer hulle werkskaarste, twee oorloë en ’n vlytige media  wat nie altyd die waarheid verkondig nie.

Daarbenewens vermaak gewilde elek­troniese toestelle miljoene Amerikaners met ongesonde afleiding. Die president het geen melding van sy speletjiegedrewe verkiesingsveldtog gemaak nie.

“iPods en iPads, Xboxes en PlaySta­tions – ek weet nie hoe enige van dié goed werk nie – veroorsaak dat inligting ont­aard in verstrooidheid, afleiding en ’n vorm van vermaak is eerder as instrumente van bemagtiging en as bevrydingsmiddels,” het Obama gesê.

“Dit alles plaas nie net druk op julle nie, maar ook groter druk op ons land en demokrasie.”

Obama, geklee in ’n deftige toga vir die geleentheid, het benadruk hoe belangrik dit is vir goeie onderrig om aan te pas by “’n tydperk van asemrowende veran­dering”.

Die eerste swart Amerikaanse president het die studente daaraan herinner dat hulle voor groter teenstand as ander groepe te staan kom en gewoonlik deur hul wit medestudente geklop word.

Obama het die gegradueerdes by Hampton aangespoor om die rolmodelle en mentors van jong mense te wees sodat hulle opvoeding en persoonlike verantwoordelikheid as belangrik kan ag.

Hy het gesê opvoeding kan mense help om verby die talle stemme wat “op geselsforums… en geselsradio om aandag meeding” te luister en die waarheid te vind.как купить справкуданильченко юрій броніславович компромат