Kategorie: Nuus

Genl. Constand Viljoen oorlede

Die voormalige hoof van die Suid-Afrikaanse Weermag en stigter van die Vryheidsfront, genl. Constand Viljoen is vandag oorlede. Hy was 86 jaar oud. Dr. Pieter Mulder, die vorige leier van die Vryheidsfront Plus, het dit in ‘n twiet bevestig.

Zimbabwe nou ook op hok

Zimbabwe het Maandag met ʼn landswye inperking van 21 dae begin in ʼn poging om verspreiding van die Koronavirus te bekamp. Die president van die land, Emmerson Mnangagwa, het die land op televisie toegespreek en die bevolking aangespoor om gehoor te gee aan die noodmaatreëls. Hy het gesê dat almal in Zimbabwe moet optree asof hulle reeds die virus onder lede het en nie hulle vriende en familie wil aansteek nie.

Die eerste dag het grootliks vreedsaam verloop met min gevalle van mense wat die inperkingmaatreëls probeer verontagsaam het.

Na verwagting sal die inperking nog meer oorlewingsdruk op die algemene Zimbabwiese bevolking plaas. Die land gaan gebuk onder hiperinflasie en ingrypende tekorte aan basiese lewensmiddele. Dit is as gevolg van die rampspoedige grondroofprogram van die voormalige president van Zimbabwe, Robert Mugabe, wat twintig jaar gelede afgeskop het.

Daar is tot op hede sewe gevalle van Koronavirusbesmetting in Zimbabwe geïdentifiseer en een persoon is dood daaraan.

Kleinhandelreus skort huurbetalings op

Nog ʼn kleinhandelwinkelgroep het aangekondig dat hulle huurbetalings opskort weens die koronavirus. Die TFG-groep moes weens die inperkingsbevel noodgedwonge hulle winkels vir ten minste drie weke sluit.

Volgens die eiendomshoof van TFG, Brad Rothenburg, het die buitengewone omstandighede daartoe gelei dat die groep oplossings moes vind om die uitwerking van die inperking te verlig. Hy het aangedui dat die groep die volle finansiële nawerking van die inperking sal ondersoek sodra die situasie gestabiliseer het en dat hulle dan met verhuurders in gesprek sal tree.

TFG se kleinhandelkettings sluit Foschini, Due South en American Swiss in.

Edcon, die houermaatskappy van onder andere Edgars, het verlede week verklaar dat hulle nie in staat sal wees om verskaffers te betaal nie en dalk selfs kredietbeskerming sal probeer verkry.

Rand sink na Moody’s-besluit

Moody’s se afwaartse peiling van die Suid-Afrikaanse ekonomie na gemorsstatus het die rand onder die waterlyn getref. Die nasionale geldeenheid het Maandag deur die R18-per-dollargrens gebreek. Dit het ʼn rekordlaagtepunt van R18-08 teenoor die dollar bereik en hoewel dit daarna ietwat versterk het, het ʼn dollar vir die grootste deel van die dag in die omgewing van R18 gekos.

Dit was die onvermydelike gevolg van beleggers wat die hasepad weg van die rand gekies het omdat die afgradering beteken dat Suid-Afrika van die toonaangewende Wêreldstaatseffekte-indeks (W.G.B.I.) afgeskop gaan word. Die W.G.B.I. is die primêre mark waar regerings staatseffekte verkoop om nasionale skuld te bestuur.

Die noodwendige gevolg is dat dit vir die regering al hoe duurder word om geld te leen om staatskuld mee te diens.

Redes wat Moody’s vir die afgradering aangevoer het, sluit in dat Suid-Afrika se skuld teen 2023 na verwagting 91% van Bruto Nasionale Produk sal bereik. Die agentskap het aangetoon dat dit skepties staan teenoor die ANC se vermoë om fiskale hervormings in werking te stel om die ekonomie weer op dreef te kry. Dus kan daar verwag word dat die rand vir die afsienbare toekoms onder druk sal bly.

Helikoptergeld vir ‘armes’: nuwe linkse plan

Suid-Afrika mag dalk binnekort R25 miljard “weggee” aan sogenaamde “kwesbare mense” wat glo meer as ander onder die huidige inperking ly. Soortgelyke voorstelle word gewoonlik deur ekonome as “helikoptergeld” bestempel omdat dit neerkom op note wat uit helikopters oor die bevolking gestrooi word.

Volgens ‘n berig in Rapport vandag, is so ‘n plan gister deur ‘n “taakspan” gefinaliseer en “word vandag voorgelê aan pres. Cyril Ramaphosa se nasionale bevelsraad vir die Covid-19-rampkrisis”.

Die persoon aan die hoof van die taakspan is ‘n linkse Engelse vrou, dr. Kate Philip, wat aan die nie-regeringsorganisasie, TIPS (Trade & Industrial Policy Strategies) verbonde is. Haar NGO het in die verlede gepoog en misluk om “sosalistiese strategieë” op die Suid-Afrikaanse platteland te vestig.

TIPS word deur die Britse regering, die EU, asook USAID befonds, instellings wat oor die algemeen links-progressiewe organisasies in Suid-Afrika bevorder.

In ‘n artikel wat ‘n week gelede op die ekstreemlinkse webblad, Daily Maverick, verskyn het, maak Philip ‘n saak daarvoor uit dat die ANC-bewind R25,5 miljard uit die Werkloosheidsversekeringsfonds (op Engels bekends as U.I.F.) moet toeëien en dit aan informele handelaars en bediendes moet uitdeel, mense wat nog nooit tot dié fonds vir salaristrekkers bygedra het nie.

Sy skryf:

What would it cost? Targeted at six million people, with a payment of R1,000 a month for three months tapering to R750 and R500 in the outer months, this would cost R25.5-billion. The R1,000 level aligns with programmes such as the Community Work Programme and Youth Service and avoids the risk of arbitrage between programmes. These payments would start per person on successful application, with the rollout therefore staggered over a period of time as people enrol, within a window period for applications that could stay open for six months. The sooner enrolments take place the better, but the poverty impacts of this crisis are likely to extend well beyond the peak infection period, so staggered rollout has its own advantages.

Where would the money come from? This would be a legitimate use of the UIF Reserve of over R150-billion raised from workers and the private sector to provide social protection in a context of unemployment. Using these unclaimed funds for the purpose of a special Covid-19 grant is directly aligned with the mandate of the fund; some of the other claims currently being made on it are not.

Met die huidige skaarste aan bepaalde verbruikersgoedere wat deur die inperking veroorsaak word, tesame met die swak rand, kan die beoogde “helikoptergeld” vir die informele sektor dalk net die vonk verskaf om Suid-Afrika op die Zimbabwe-pad te plaas, met ‘n verder tuimelende geldeenheid, hoë werkloosheid en inflasie te midde van ‘n stagnante ekonomie, oftewel “stagflasie”.

Dr. Kate Philip is die dogter van die voormalige uitgewer David Philip van Kaapstad. Sy was ook die voorsitster van Nusas in die tagtigerjare toe sy onder meer tydens ‘n terreurondersoek deur die ou regering aangehou is.

Toe Cyril Ramaphosa as sekretarisgeneraal van die NUM in 1987 veroorsaak het dat 40 mynwerkers hul werk deur ‘n grootskaalse staking verloor het, het hy agterna ‘n “werkskeppingsprojek” met buitelandse geld geloods waarvoor Kate Philip insgelyks gewerk het.

In ‘n onderhoud het sy verduidelik hoe sy die pos by die Nasionale Unie van Mywerkers verkry het:

My detention in solitary confinement under security laws during this period was given high profile. Thereafter, I was part of the editorial collective of an alternative newspaper (SASPU National) that provided extensive coverage of local anti-apartheid struggles and that was widely distributed inter alia by the Congress of South African Trade Unions (COSATU). Writing for the paper, I engaged with activists from many trade unions and sectors. All of the above meant that – as I explain in the book – when I arrived for the job interview for the post in NUM, the process began with handshakes and greetings of ‘comrade’ all around: which is just how it was in those days.

 

Suid-Afrika het 709 koronavirusgevalle met Gauteng die brandpunt

Die getal Covid-19-sake in SA het tot 709 gestyg, ‘n toename van 155 op die vorige dag, het Zweli Mkhize, minister van gesondheid, Woensdagoggend gesê.

Die grootste toenames in die aangemelde gevalle sedert Dinsdag is in Gauteng (64), Wes-Kaap (61), KwaZulu-Natal (11) en die Vrystaat (15), het hy in ‘n onderhoud met die SAUK gesê.

Die ANC-minister het gesê dat die konsentrasie van gevalle rondom Mangaung in die Vrystaat kommerwekkend is, en dat die Rooi Kruis die departement van gesondheid help om mense op te spoor wat by ‘n kerkbyeenkoms was wat bygewoon is deur vyf reisigers van oorsee wat positief vir die siekte getoets he .

‘Dit is ‘n groot bekommernis,’ het hy gesê en Mangaung beskryf as ‘n opkomende episentrum.

Daar is ook groepe van Covid-19 in Sandton, Ekurhuleni, Tshwane en Kaapstad, het hy gesê.

Die belangrikste bron van die siekte was reisigers uit Europese lande, maar daar was ‘n toenemende aantal gevalle van binnelandse oordrag, het hy gesê.

Volgens die minister was daar geen sterftes nie, en slegs twee pasiënte verkeer tans in hoësorg. Vyf van die eerste gevalle het heeltemal herstel en negatief getoets vir Covid-19.

Drie gesondheidsorgwerkers het tot dusver positief getoets vir Covid-19, het hy bygevoeg.

Mkhize het gesê dat die nasionale inperking van drie weke wat president Cyril Ramaphosa Maandagaand aangekondig het, bedoel is om die plaaslike oordrag van die virus te vertraag deur die kontak tussen mense soveel moontlik te beperk, met die fokus op die voorkoming van groot groepe mense wat saam verkeer.

Mense kan egter steeds gaan draf of met hul hond gaan stap, het hy gesê.

“Daar behoort nie ‘n probleem daarmee te wees nie,” het hy gesê.

Die inperking sal vanaf middernag op Donderdag in werking tree, en stel streng beperkings op die beweging van mense, wat na verwagting tuis sal bly, behalwe vir inkopies vir noodsaaklikhede soos kos en medisyne, om gesondheidsorg te bekom of maatskaplike toelaes te ontvang.

Noodsaaklike werkers, waaronder mense wat in gesondheidsorg, nooddienste, die polisie en weermag werk, asook in die vervaardiging en verspreiding van noodsaaklike voorrade soos voedsel en farmaseutiese produkte, word van hierdie maatreëls onthef.

Mkhize het Suid-Afrikaners aangemoedig om die regering se oproep om sosiale interaksie te beperk, te eerbied en gesê dat die sluiting nie bedoel is om ‘n vakansie van drie weke te wees nie. As mense versuim om die reëls vir die inperking in ag te neem, sou dit nie werk nie, het hy gesê.

Eskom vra privaatkragleweransiers om te help

Eskom is nou van plan om oorskotkrag van bestaande kragopwekkingsaanlegte aan te koop. Dit is ʼn aanduiding dat die kragvoorsiener sy beleid jeens privaatkragverskaffers aangepas het. Hoewel Eskom voorheen tydens noodomstandighede sodanige krag aangekoop het, was die staatsmaatskappy tot dusver traag om dit te doen aangesien dit nie strook met hulle kommunistiese model nie.

Eskom het nou op die regering se tenderwebwerf voorstelle vir kraglewering aangevra van privaatinstellings met die vermoë om ten minste 5 megawatt se surpluskrag te lewer.

Dié maatreël is ʼn tydelike een en volgens die voorstelaanvraag is die langste wat so ʼn kontrak sal duur 36 maande.

Energiekenners meen dit is egter te betwyfel of Eskom homself sal kan speen van sodanige private kragbydrae.

Japannese griepmiddel laat Italië hoop skep

Italië vestig nou hoop op, Avigan, ʼn Japannese middel om die Sjinese virus te beveg.

Die regering het die groen lig gegee “om ʼn eksperimenterings- en navorsingsprogram te ontwikkel om die uitwerking van die middel (Avigan) tydens die vroeë fases van die siekte te evalueer.” Aldus die Italiaanse Minister van Gesondheid, Roberto Speranza, na afloop van ʼn vergadering van die Tegnies-wetenskaplike komitee.

Volgens die Raadslid vir die Begroting, Davide Caparini, is Avigan as ʼn voorskriflose middel in Japan beskikbaar sedert 2014 waar dit suksesvol as griepwerend gebruik is. Hy het beklemtoon dat die Italiaanse navorsers nog moet vasstel tot watter mate die middel suksesvol sal wees.

Die navorsingseksperimente sal onmiddellik afskop in Lombardye.

ʼn Generiese middel, Favipiravir, is deur die Toyama Chemiese Maatskappy, ʼn filiaal van Fujifilm, ontwikkel en vir Covid-19-pasiënte toegedien in Sjina.

Koronavirus kan ure lank in lug en dae op oppervlaktes oorleef

Volgens ‘n nuwe studie wat leidrade verskaf om mense te help om die respiratoriese siekte genaamd COVID te voorkom, kan die hoogs aansteeklike nuwe koronavirus wat in ‘n wêreldwye pandemie ontplof het, ure lank aansteeklik bly in druppels in die lug. Op oppervlaktes kan dit tot dae lank oorleef en steeds mense besmet.

Wetenskaplikes van die Amerikaanse National Institute of Allergy and Infectious Diseases (NIAID), wat deel uitmaak van die Amerikaanse National Institute of Health, het probeer om die virus wat van ‘n besmette persoon op alledaagse oppervlaktes in ‘n huishouding of hospitaal beland, na te boots soos wat gebeur as daar gehoes of aan voorwerpe geraak word.

Hulle het ‘n aërosol gebruik om die mikroskopiese druppels wat in ‘n hoes of ‘n nies geskep word, na te maak.

Die wetenskaplikes het toe ondersoek ingestel na hoe lank die virus op hierdie oppervlaktes aansteeklik bly, volgens die studie wat Dinsdag aanlyn verskyn het in die New England Journal of Medicine — dieselfde dag waarop die aantal Amerikaanse COVID-19-gevalle tot 5 200 gestyg het en sterftes nader aan 100 gekom het.

Die toetse toon dat wanneer die virus gedra word deur die druppels wat vrygestel word as iemand hoes of nies, dit steeds lewensvatbaar is of mense nog minstens drie uur lank in aërosols kan besmet.

Op plastiek en vlekvrye staal kan lewensvatbare virusse ná drie dae opgespoor word. Op karton was die virus ná 24 uur nie lewensvatbaar nie. Op koper het dit vier uur geduur voordat die virus skadeloos geraak het.

#Koronavirus: Franse regering kondig noodmaatreëls af

Van middernag vanaand word alle openbare plekke, d.w.s. restaurante, kroeë, bioskope, skole, ens. in Frankryk gesluit. Slegs die kinders van mediese personeel wat moet aanhou werk, sal skool toe gaan. Verder sal skole per rekenaar en internet funksioneer.
Die enigste winkels wat toegelaat word om oop te bly, is voedselwinkels en apteke.
 
Die aankondiging is sowat ‘n uur gelede deur die Franse eerste minister, Edouard Philippe, gedoen. Hy het ‘n beroep op die totale bevolking gedoen om die maatreëls “gedissiplineerd” na te kom.
 
Marokko het alle vlugte na Frankryk gestaak.
Oor die afgelope 72 uur het die aantal besmettings in Frankryk verdubbel en die nooddienste word oorlaai. Mense met geringe simptome word gevra om nie die noodnommer 15 te bel nie, maar slegs as hulle asemenhalingsprobleme ondervind.
 
Afgetrede dokters, verpleegsters, asook mediese studente word ten volle gemobiliseer om die epidemie die hoof te bied.
 
Die virus val nie bloot bejaardes en siek mense aan nie. Meer as vyftig persent van die ernstige gevalle is mense onder sestig.