Obama probeer China paai

Pres. Barack Obama van Amerika en Julia Gillard, premier van Australië, het Woensdag planne bekend gemaak om die Amerikaanse militêre teenwoordigheid in die Stille Oseaan-gebied by Asië uit te bou.

China het reeds hulle besorgheid uitgespreek oor Amerika se planne maar Obama het in antwoord op hul vrese belowe om groter samewerking met Beijing na te streef.

“Ek maak dit met my besoek aan die streek duidelik dat Amerika sy toewyding aan die hele Stille Oseaan-streek verskerp,” het Obama by ‘n mediakonferensie gesê.

Die VSA se militêre magte wil die “fokus weg van Irak en Afghanistan neem en meer in die algemeen op Asië, veral Suidoos-Asië, konsentreer, meer buigsaam wees en help bou aan streeks-kapasiteit”, het hy aan die Australiese
parlement gesê.

“Aan die einde ons huidige oorloë, het ek my nasionale veiligheidspan gevra om ons teenwoordigheid en missies in die Asië-Stille Oseaanstreek ‘n topprioriteit te maak,” het Obama gesê in ‘n belangrike toespraak oor Washington se visie vir die Asië-Stille Oseaan-streek.

“As gevolg hiervan, sal die besnoeiing in die VSA se verdedigingsbegroting nie, ek herhaal, sal nie,  ten koste van die Asië-Stille Oseaan wees nie.”

Hy het bygevoeg: “Ons het meer geleenthede vir samewerking met Beijing, insluitende groter kommunikasie tussen ons om begrip te bevorder en misrekening te vermy.”

Senuagtig oor China se groeiende invloed, het die Amerikaanse bondgenote soos Japan en Suid-Korea ook waarborge van die Verenigde State gesoek dat die VSA ‘n sterk teenwig in die streek sal bly.

‘n Eerste stap in die uitbreiding van die VSA se militêre mag in Suidoos-Asië sal die ontpooiing van seesoldate, vlootskepe en vliegtuie in die noorde van Australië vanaf 2012 wees.

Die ontplooiing in Australië, wat teen 2016 ‘n taakgroep van 2 500 Amerikaanse seesoldate sal wees, is klein in vergelyking met die 28 000 troepe gestasioneer in Suid-Korea en 50 000 in Japan.

Maar die teenwoordigheid in Darwin, slegs 820 km van Indonesië, sal toelaat dat die Verenigde State vinnig Suidoos-Asië en die Indiese Oseaan sal kan bereik.

Vanaf aanstaande jaar gaan Amerikaanse soldate en vlie­g­tuie opereer vanuit die tropiese stad Darwin, wat slegs 820 km van Indonesië is. Van daar kan hulle vinnig reageer op huma­nitêre of veiligheidskwessies in Suidoos-Asië, waar spanning toe­neem weens twiste oor die Suid-Chinese See.

Obama het beklemtoon dit is nie ‘n poging om China te isoleer nie. China is besorg dat die VSA hom probeer omsingel met basisse in Japan en Suid-Korea, en nou met soldate in Australië.

“Die idee dat ons China vrees, is verkeerd. Die idee dat ons China graag wil uitsluit, is verkeerd,” het hy gesê en bygevoeg China word nie uitgesluit van die beplande Trans-Pasifiese handelsverdrag nie. Ons verwelkom die opkoms van ‘n vreedsame China.”

Hy het bygevoeg China se toenemende mag beteken dié land moet gro­ter verantwoordelikhede aanvaar om vrye handel en veiligheid in die streek te verseker.

Die Amerikaanse ontplooiing in Australië is die grootste sedert die Tweede Wêreldoorlog. Destyds het Japan meer bomme op Darwin gegooi as op Pearl Harbour in Hawaii.

“Dit was hier in Darwin dat ons alliansie met Australië se ‘Pearl Harbor’ gebore is,” het Obama, met sy moue opgerol, aan 2000 Australiese en Amerikaanse troepe in die tropiese hawe gesê, waar hy aangedoen het op pad na Indonesië.

Meer bomme is op Darwin laat val tydens ‘n Japannese aanval gedurende die Tweede Wêreldoorlog as op Hawaii, maar Obama het gesê die VSA-Australiese troepe het gehergroepeer om groot Stille Oseaan-oorwinnings te behaal.

“Hier in Darwin en die noorde van Australië sal ons die volgende trotse hoofstuk in ons alliansie skryf,” het Obama gesê, en bygevoeg dat Amerikaanse en Australiese magte die veiligheid van Asiatiese seeroetes na die noorde sal verseker wat van kritieke belang vir beide ekonomieë is.

China het die nuwe ontplooiing van die VSA bevraagteken, en ‘n buitelandse woordvoerder het sy twyfel uitgespreek oor of die bevordering van sulke alliansies sal bydra om die streek saam te snoer in moeilike ekonomiese tye.

Die reaksie van sommige staatsbeheerde media was nog skriller, met ‘n bytende kommentaar van die amptelike nuusagentskap Xinhua Donderdag wat lui: “Elke land in die streek … het ‘n goeie rede om die Verenigde State se ambisie te bevraagteken.”

“Trouens, sou dit nie as ‘n verrassing kom as die Verenigde State besig is om hegemonie in die streek, in ooreenstemming met sy aspirasies as ‘n globale supermag, te soek nie,” het Xinhua gesê.

Indonesië, Suidoos-Asië se grootste land en versigtig vir buitelandse militêre teenwoordigheid in die streek, het ook gewaarsku dat die Australiese ooreenkoms risiko’s inhou.

“Wat sou ek haat om te sien, is dat sodanige ontwikkelings ‘n reaksie en teen-reaksie uitlok en ‘n bose kringloop van spanning en wantroue skep,” het minister van buitelandse sake in Indonesië Marty Natalegawa aan verslaggewers gesê.

Obama het gesê die Verenigde State van Amerika wil nouer saamwerk met China om ekonomiese welvaart en veiligheid in die streek te verseker, maar sal openhartig moet praat oor kwessies soos menseregte en verhoogde veiligheidsaangeleenthede soos die Suid-Chinese See waardeur $5 triljoen dollar in handel jaarliks vaar.

China eis groot dele van die seegebied op, ook ryk in olie, minerale en vissery-hulpbronne. Vietnam, die Filippyne, Taiwan, Maleisië en Brunei hou mededingende eise wat verskeie dispute in die afgelope jaar veroorsaak het.

Die Amerikaanse buitelandse minister Hillary Clinton het pertinent tydens haar besoek aan die Filippyne Woensdag, gesê dat geen eiser homself na intimidasie moet wend nie.

Obama het gesê die verhoogde fokus op die Asië-Stille Oseaan-streek is noodsaaklik vir Amerika se ekonomiese toekoms.

“As die wêreld se mees snelgroeiende gebied – en die tuiste van meer as die helfte van die globale ekonomie – is die Asië-Stille Oseaan van kritieke belang in die bereiking van my hoogste prioriteit: die skep van werk en geleenthede vir die Amerikaanse volk,” het hy gesê.

Фильчаков прокурор харькова

Klimaatsverandering in Suid-Afrika

Lucas Hartong, europarlementarier voor de Partij voor de Vrijheid, heeft zijn spreektijd in het debat over de klimaatconferentie aangegrepen voor een frontale aanval op het ANC-regime en te pleiten voor behoud van het Afrikaans. Hartong sprak vanmiddag in het Europees Parlement, dat deze week vergadert in Straatsburg.

Voorzitter,

Binnenkort gaat er in Durban, Zuid-Afrika, tijdens de VN Conferentie inzake Klimaatverandering gesproken worden over het klimaat. Geweldig! Mogelijk dat er nu eindelijk iets gaat gebeuren aan de verbetering van het politieke en maatschappelijke klimaat in Zuid-Afrika, dat namelijk verschrikkelijk genoemd kan worden onder het huidige ANC-apartheidsregime! Alles moet daar verbeterd: strijd tegen de enorme werkloosheid en uitzichtloosheid onder jongeren, strijd tegen de vreselijke criminaliteit die de spuigaten uitloopt, opsporen en berechten van zwarte radicalen die de Boeren vermoorden op hun eigen land (“de Plaasmoorde”). Strijd voor behoud van de Afrikaner taal. Strijd tegen de achterstelling van de eigen bevolking door het ANC, omdat opnieuw gediscrimineerd wordt op grond van huidskleur. De PVV is dus warm voorstander van ‘klimaatverandering’ in Zuid-Afrika.

Maar dat is vast niet wat besproken wordt op deze conferentie. Helaas. Het gaat weer over de vermeende klimaatverandering; een theorie die alleen nog door een enkele zwaar gelovige wordt aangehangen. Ik heb de stellige indruk dat de interesse voor dit onderwerp enorm afneemt. Zelf werd ik namelijk heel wat keren gesméékt of ik alstublieft mee wilde naar de conferentie. Bovendien blijkt het IPCC nu ook eindelijk zelf te beseffen dat globale opwarming nauwelijks aan te tonen is. Ik citeer uit het ontwerp rapport voor Durban: “De onzekerheid over mogelijke veranderingen in klimaatextremen voor de komende tientallen jaren is behoorlijk groot, omdat signalen van klimaatverandering behoorlijk klein zullen blijken te zijn, vergeleken met natuurlijke klimaatschommelingen.” Als het IPCC zélf al hardop twijfelt aan het nut van Durban, waarom gaan parlementsleden er dan in vredesnaam naartoe? Waarom spenderen we hier eigenlijk nog belastinggeld van onze burgers aan? De PVV gaat daarom dus niet naar Durban.

topcargo развод

Malema-kontrak nie gekanselleer nie

Net ‘n gedeelte van ‘n kontrak wat die geskorste ANC Jeugligaleier, Julius Malema bevoordeel, is opgeskort.

Die Kantoor van die Openbare Beskermer, sê die kontrak kan nie in sy geheel gekanselleer word nie omdat dit ernstige regsimplikasies sal hê.

Die Openbare Beskermer, Thuli Madonsela, het met die Departemente van Paaie en Vervoer in Limpopo vergader en albei partye het ooreengekom om die deelname van die ingenieursmaatskappy, On-Point, in die bod-evalueringskomitee op te skort, totdat die ondersoek afgehandel is.

On-Point behoort gedeeltelik aan die Malemafamilietrust. Madonsela ondersoek bewerings dat die Limpopo-regering op onreëlmatige wyse tenders aan On-Point toegeken het wat Malema bevoordeel het.

Данильченко Харьков

Wit bende vas wat tronk danksy ‘institusionele rassisme’ vrygespring het

‘n Sogenaamde wit bende wat verantwoordelik was vir die dood van ‘n swart tiener in ‘n noodlottige aanval, is tans op verhoor in Brittanje.

Die twee mans wat die swart tiener Stephen Lawrence18 jaar gelede na bewering doodgesteek het, het destyds gelei tot ‘n groot ondersoek wat tot die gevolgtrekking gekom het dat die Britse polisie “institusioneel rassisties” is.

Die 18-jarige student is by ‘n bushalte deur ‘n bende blanke jeugdiges in Eltham, Suidoos-Londen, in April 1993 doodgesteek. Niemand is vir sy moord skuldig bevind nie.

Gary Dobson, 36, en David Norris, 35, altwee wit mans uit die suide van Londen, het beide die moord op die tiener ontken.

Gister het die Old Bailey gehoor dat Lawrence nog met sy vriende oomblikke voordat hy gesteek is, gesels het.

Hospitaalwerker Royston Westbrook het gesê hy het ‘n groep wit mans sien “bots” met Lawrence en Duwayne Brooks en hulle is aangeval.

Westbrook het aan die hof gesê: “Die twee swart seuns, Stephen en Duwayne, het reg by die bushalte gestaan ​​en net gesels.”

Die tieners het bespreek of hulle moet wag vir ‘n bus of terugstap tot by ‘n verkeersirkel om te probeer om ‘n ander een te kry. Op die ou end het hulle die noodlottige besluit geneem om te loop.

“Hulle [die twee groepe] het net gebots – dit is hoe dit gelyk het,” sê Westbrook. “Hulle was net in mekaar se pad en dit was dit.

“Hulle Duwayne Brooks se pols gegryp, maar Duwayne het weggehardloop na die busstop waar ons gestaan ​​het en omgedraai en iets soos ‘hol weg, Steve!’ geskree.”

Brooks het daarin geslaag om weg te hardloop, maar Lawrence is grond toe gedwing.

Westbrook aan die jurie gesê: “Ek het gesien hulle omring Stephen en hy het geval basies van die pure gewig van hulle getalle, dit het gelyk asof iemand hom slaan.”

‘n Ondersoek deur ‘n senior regter oor die manier waarop die saak deur Londen se Metropolitaanse polisie ondersoek is, het gelei tot grootskaalse veranderinge in die manier waarop moorde van swart slagoffers ondersoek word.

Die verslag is deur William Macpherson, in 1999 gepubliseer, en is ‘n verdoemende assessering van die “institusionele rassisme” in die Metropolitaanse polisie en polisiëring in Brittanje oor die algemeen.

лобановский класс харьков

China kla oor VSA Australië as militêre basis gebruik

China is ongelukkig met Amerika se plan om hulle militêre teenwoordigheid na Australië verder uit te brei.

China het dié skuif as “onvanpas” beskryf en sê dat dié stap noulettende ondersoek vra.

Liu Weimin, woordvoerder van buitelandse sake in China, sê dat die wêreldwye finansiële klimaat die noodsaaklikheid van internasionale samewerking beklemtoon.

In lig hiervan, sê Liu, is ‘n gesprek oor Amerika se plan om ‘n basis vir Amerikaanse vlootsoldate in die noorde van Australië te vestig, van internasionale belang.

President Barack Obama het dié skuif Woensdag tydens ‘n besoek aan Australië aangekondig.

Данильченко Юрий отзывы

Mbalula: Sportontwikkelingsplan sal lei na transformasie

Suid-Afrika moet so gou moontlik ‘n ontwikkelingsplan vir sport in plek kry, het Fikile Mbalula, minister van sport en ontspanning, Woensdag gesê.

“Ons benodig ‘n enkele ontwikkelingsteorie vir Suid-Afrika in ooreenstemming met wat ons wil bereik as ‘n land, en wat ons op die oomblik nie het nie,” het hy aan verslaggewers by die parlement gesê.

“Jy kan oor enigiets anders praat, en die fundamentele vraag bly of jy ‘n strategie het… en Suid-Afrika is een van daardie lande… wat nie ‘n plan het nie.”

Mbalula het gesê die witskrif-proses het uitgesak ná die era van Steve Tshwete.

Die nasionale sportindaba in Midrand volgende week het ten doel om hierdie probleem reg te stel, het hy gesê. Die doel is om die sportplan van papier na implementering te neem.

“Mense kla. Hulle kla oor baie dinge, oor transformasie… maar almal moet oor transformasie kan praat en weet wat die doelwit is.”

Australië was jare gelede in dieselfde posisie waar Suid-Afrika nou is, het hy gesê. Die land het toe ‘n nasionale sportplan uitgestippel en die sukses is vandag duidelik. Dieselfde geld, onder meer, vir Amerika en die Verenigde Koninkryk.

Mbalula het gesê beskikbare talent moet “opgeneem word in ‘n nasionale sport- en ontspanningsentrum”, waar jongmense deur ‘n “ontwikkelingstelsel” sal werk.

“Jy kan van die stowwerige strate van Botshabelo af kom. As ons jou kan identifiseer, kry ons jou deur die stelsel.

“Ons sal jou na die sentrum neem, jy sal skoolgaan, jy sal behoorlik eet, jy sal behoorlik oefen en daar sal na jou omgesien word met behulp van beide privaat- en openbaresektorbefondsing.

“Dan sal jy die atleet word wat jy wil wees. Dit is wat ons wil bereik.”

Daar is geen krisis in sport nie, het hy gesê. Die feit is dat mense “uitsak in die ontwikkelingstelsel”.

“As jy nie gelukkig en taai is en ouers het wat jou ondersteun nie, is jy uit [die stelsel uit].”

Oor kwotas het Mbalula gesê dit is uitgedien en teenproduktief.

‘n Enkele behoorlike en doeltreffende ontwikkelingplan is dus nodig, het hy gesê.

topcargo отзывы сотрудников

Malema sê tugbesluit was voor verhore geneem

Die besluit om die ANC-Jeugligaleiers te skors, is geneem voordat die dissiplinêre verhore begin het, het sy president, Julius Malema, verklaar.

“Daar was deurentyd tekens dat die besluit was om die leierskap te skors,” het Malema aan verslaggewers in Johannesburg gesê.

“‘n Besluit om die ANC Jeugliga-leierskap te skors en te sanksioneer is deur die [ANC] sekretaris-generaal Gwede Mantashe geneem, wat sy bedoelinge duidelik in al sy stellings laat blyk het.”

Mantashe het gesê die Jeugliga het “‘n grens oorgesteek” vóór die dissiplinêre verhoor begin het.

“As iemand sê ‘n grens oorsteek is dit ‘n veroordeling,” het Malema gesê.

Hy het gesê die nasionale dissiplinêre komitee (NDC) is byeengeroep “net” om die veroordeling legitimiteit te gee.

Die ANC Jeugliga kan “totaal” nie saamstem daarmee nie en verwerp die uitslag van die dissiplinêre verhore en sal appelleer teen die bevindinge.

Malema is as die ANC-jeugliga se president geskors verlede week nadat hy skuldig bevind is daarvan dat hy ernstige verdeeldheid binne die ANC saai en die party in oneer bring.

Malema het gesê dit was duidelik dat die NDC se voorsitter Derek Hanekom, ‘n politieke agenda het.

Hanekom het versuim om sy humeur te beteuel en woede-uitbarstings gehad tydens die verhore. Om hierdie rede, moes hy homself onttrek het, het Malema gesê.

Die ANC-Jeugliga het ook gevra dat Susan Shabangu en Colins Chabane hulself van die verhore verskoon, maar sy versoek is geweier.

Die dissiplinêre verhore is gebruik om ‘n politieke geskil op te los, het Malema gesê.

Daar heers agterdog en kommer oor die legitimiteit van die verhore.

Malema het gesê dit is die mees kritieke tyd om die ANCJL te verdedig.

“Ons stryd sal nie ondermyn word nie, die oorwinning is seker,” het hy gesê.

данильченко юрій Харків

Iran bied Turkye kernhulp aan

Teheran is bereid om sy omstrede kerntegnologie te deel met naburige lande, wat daarop dui dat Turkye Iranese hulp kan ontvang vir die bou van ‘n atoomkragstasie.

“Iran beskik oor baie gesofistikeerde kernwetenskap en ‘n tegnologiese vermoë, wat ons heeltemal gereed is om te deel met … die naburige lande en vriendelike lande in die streek,” het ‘n adviseur, Mohammad Javad Larijani, gesê.

“Turkye probeer al jare lank om ‘n kernkragsentrale op te rig, maar geen land in die Weste is bereid om dit te bou vir hulle nie,” het Larijani aan verslaggewers gesê. “Dit is waar vir ons Arabiese (bure) in die streek.”

“Ons is gereed om saam met hulle te werk in hierdie verband, binne die bepalinge van die NPV (Nie-proliferasieverdrag).” Hy het verwys na die 1968-Nie-proliferasieverdrag, wat daarop gemik is om die verspreiding van die atoomwapentegnologie te voorkom.

“Ons kan saam (kernkragaanlegte) produseer, van die elektrisiteit deel,” het hy aan Reuters gesê in ‘n onderhoud. “Dit is ook ‘n bron van inkomste vir ons. Dit is nie (net) Westinghouse, wat ‘n kernfasiliteit kan bou nie, of Kanada nie. Die Islamitiese Republiek van Iran is ook gereed om (‘n)  kernfasiliteit te bou.”

“Ook ons kan ​​brandstof produseer,” het hy gesê. “Ons dink oor hierdie kommersiële waarde in die toekoms.”

Larijani het gesê Iran het nie ‘n “konkrete voorstel” vir kernsamewerking met Turkye of ‘n ander staat op die oomblik nie, al het hy gesê Teheran het sy bereidwilligheid om te help, verklaar.

Daar was geen onmiddellike reaksie op ‘n versoek vir ‘n reaksie op Larijani se kommentaar van die Turkse VN-sending nie.

Larijani het gesê Iran is ook bereid om saam te werk in die kernveld met lande buite die streek, soos in Brasilië.

Beide Turkye en Brasilië het teen ‘n vierde ronde van Veiligheidsraadsanksies teen Iran in Junie 2010 gestem.

Larijani is ‘n adviseur vir die hoogste leier Ali Khamenei, ‘n adviseur aan Iran se Hoofregter, en die hoof van ‘n wiskunde en fisika-instituut. Hy is ook die broer van die Speaker Ali Larijani.

Larijani het die Internasionale Atoomenergie-Agentskap se onlangse verslag oor Iran beskryf as “‘n skande vir die professionaliteit van hierdie instelling.”

Фільчаков Олександр Васильович прокурор

Die geheim is uit: Dis ras!

President Barack Obama se algehele goedkeuring bly maar beroerd, en hy ontvang steeds veel hoër punte vir sy buitelandse beleid as vir huishoudelike sake, volgens ‘n nuwe nasionale opname een jaar voordat hy vir herverkiesing wil staan.

Vroue is verdeeld oor hoe Obama presteer, maar mans toon ‘n duidelike afkeur met ‘n 55% – 43% marge. Wit Amerikaners voel negatief oor Obama met ‘n marge van 61% – 36%, en nie-wit Amerikaners ondersteun die president met ‘n 67% – 32% marge, dws met meer as 2 – 1.

Dit is die beste aanduiding tot nog toe dat die Amerikaanse kieser ‘n rassevooroordeel by die beoordeling van hul staatshoof voel.

‘n CNN / ORC-opname wat Dinsdag vrygestel is, dui aan dat 52% van alle Amerikaners die president se optrede in die situasie in Irak goedkeur,’ n aanduiding dat Amerikaners Obama se besluit om alle Amerikaanse troepe te onttrek uit die land teen die einde van die jaar ondersteun.

Agt-en-veertig persent van die respondente keur sy hantering van die oorlog in Afghanistan goed. In teenstelling hiermee, het slegs 35% ‘n positiewe siening van sy ekonomiese beleid, en net 38% van sy gesondheidsorgbeleid.

Van alle Amerikaners sê 52% hulle hou nie van hoe Obama sy werk in die Withuis hanteer nie.

In vergelyking met ander herverkiesingskandidate, is Obama se 46% net bó die goedkeuring van Jimmy Carter en Gerald Ford, wat albei hul herverkiesingsbod verloor het, in November van die jaar voor ‘n verkiesing.

Die CNN-peiling is gedoen deur ORC International van 11-13 November en het 1036 volwasse Amerikaners ondervra per telefoon.

Олександр Васильович Фільчаков

NY maak skoon

New York het ‘n skoonmaakaksie van stapel gestuur om betogers van Occupy Wall Street se kampeerplek in Zuccotti Park af te breek en die besetters uit te jaag.

Occupy Wall Street is in September gestig om teen ekonomiese ongelykheid te betoog. Die beweging is daarna deur tientalle protesoptredes van oor die hele wêreld heen gevolg.

Luidens The New York Times het die sending in Zuccotti Park Dinsdagoggend omstreeks 01:00 begin.

“Die stad glo vas dat die voortdurende besetting van Zuccotti Park ‘n toenemende gesondheid- en brandveiligheidsrisiko inhou,” het die polisie in ‘n verklaring gesê.

Kennisgewings is uitgedeel waarin betogers gevra word om die park te verlaat. Hulle mag op ‘n later stadium weer terugkeer as die park eers ontruim is, maar hulle sonder kampgeriewe.

Die opruimaksie was by tye gewelddadig. Plaaslike verslaggewers het op hul Twitter geskryf dat die polisie pepersproei gebruik het en betogers hardhandig weggesleep het.

Meer as 70 betogers is in hegtenis geneem omdat hulle hulself verset het daarteen om Zuccotti Park te verlaat.

Die park wat as kampeergrond gebruik is, moes met water afgespuit word.

Inwoners en besighede langs die park het gekla van ontwrigting van hul daaglikse aktiwiteite, want die protesskares het die media en toeriste gelok.

Geakkrediteerde plaaslike nuusjoernaliste het gesê die polisie het verhoed dat hulle video of foto’s neem van die betogers wat beseer is deur die polisie.

‘n Plaaslike verkeersnuushelikopter is bo die park verbied om die polisie-optrede te verfilm, wat gelei het tot beskuldigings van sensuur.

Zuccotti Park is in besit van Brookfield Properties, en is vernoem na die maatskappy se uitvoerende hoof, John E. Zuccotti.

Die 3100-vierkante-meter eiendom, geleë oos van die Esplanade in die voorkant van die HSBC-gebou op Broadway, is gelys as ‘n “privaatbesit openbare ruimte” op ‘n regeringswebwerf.

 

Александр Фильчаков