Dit sal die eerste keer sedert 1999 wees dat daar geen reële groei in huispryse plaasvind nie.
Volgens die bank gaan verbruikersinflasie onder opwaartse druk bly en verkeer dit tans bokant tien persent weens die internasionale olieprys, asook stygings in voedselpryse.
Volgens Jacques du Toit, 'n senior eiendomsekonoom by ABSA, sal rentekoerse nog aanstaande jaar hoog bly om inflasie te bekamp, waarna hulle in 2010 verminder behoort te word.
Van die plaaslike inwoners in Corlett Gardens, Johannesburg en Country View, Midrand, is ongelukkig oor die ongeveer 3000 buitelanders wat tans in hul omgewings in kampe gehuisves word.
'n Woordvoerder van die Gauteng-provinsie, Thabo Masebe, het gesê dat dit om 'n noodtoestand gaan en dat hulle met die ongelukkiges sal beraadslaag om hulle gerus te stel.
Vandag sal daar ook 1000 buitelanders van die Germistonse stadsaal na 'n plek naby die Randse lughawe verskuif word, het Masebe gesê.
Die konferensie gaan die besonderhede van 'n nuwe ooreenkoms oor aardverwarming bespreek wat na 2012 in werking sal tree.
Die byeenkoms volg op die akkoord wat verlede jaar in Desember op die Indonesiese eiland Bali bereik is en wat die belofte inhou dat die VSA, Indië en China sal saamwerk om koolstofuitlaatgasse te beheer wat allerweë vir aardverwarming verantwoordelik gehou word.
By die Bali-konferensie is ooreengekom dat 'n nuwe klimaatveranderingskonvensie teen Desember 2009 geteken sal word.
Volgens Yvo de Boer, die VN se topbeampte oor klimaatsverandering, gaan die regte werk nou eers in Bonn begin.
Mutambara is oor die naweek aangehou omdat hy 'n geskrewe aanval op president Robert Mugabe gedoen het.
Volgens Mutambara se regsverteenwoordiger, Harrison Nkomo, is hy gearresteer weens die publikasie van leuens en vir minagting van die hof weens 'n artikel wat hy in April geskryf het.
Die redakteur van die land se enigste onafhanklike Sondagkoerant, die Standard, is verlede maand in hegtenis geneem oor die stuk wat deur Mutambara geskryf is waarin hy Mugabe daarvan beskuldig dat hy die Zimbabwiese ekonomie geruïneer het en dat sy veiligheidsmagte vergrype gepleeg het.
Die SAKP het Mbeki ook verantwoordelik gehou vir die geweld teen buitelanders waarin 62 mense sedert 11 Mei omgekom het.
In 'n verklaring het die SAKP gevra dat Mbeki moet bedank en dat 'n moontlike vervroegde verkiesing gehou word.
Die Kommunistiese Party het ook kritiek uitgespreek teen die Reserwebank se beleid van inflasieteikens en verhoogde rentekoerse en dit as toenemend histeries beskryf.
Die helikopter was omtrent 20 meter in die lug toe dit meganiese probleme begin ervaar het. Daarna het dit begin kantel en stert eerste grond toe geval waar dit 'n wit bakkie getref het.
Die drie akteurs, Amalia Uys, Sekoati Tsubane en Hazel Hinda is beseer, asook die helikoptervlieënier en die bestuurder van die bakkie.
Die drie akteurs is intussen uit die hospitaal op Kroonstad ontslaan.
Die land se ambassadeur in Suid-Afrika, Simon Khaya Moyo het vandag dié aankondiging gemaak. Hy het ook gesê dat Zimbabwiërs wat terugkeer grond van die regering sal ontvang wat van blanke plaasboere afgevat is.
Daar word beraam dat ongeveer 30 000 immigrante uit die res van Afrika reeds landuit gevlug het sedert die aanvalle op hulle begin het, meesal Mosambiekers maar ook Zimbabwiërs en Malawiërs.
Dit verteenwoordig egter 'n breukdeel van die getal onwettige immigrante in die land wat tussen 7 en 15 miljoen kan wees.
Haar ouers was ten tyde van haar siekte oorsee, maar is op pad terug vir die begrafnis. Volgens 'n universiteitswoordvoerder, Mohamed Shaikh, het die helfte van die koshuis se 230 inwoners voorkomende medisyne ontvang.
Abigail is om sesuur Woensdagaand tot die Stellenbosse Medi-Clinic toegelaat en het vier ure later gesterf.
'n Gedenkdiens is gister by Heemstede vir haar gehou en die hele dameskoshuis het saam gerou.
Gister het bankaandele met vier persent op die Johannesburgse aandelebeurs gedaal. Die opbrengs op staatseffekte het met 'n halwe persent gestyg, wat beteken dat die pryse van sulke effekte drasties gedaal het.
Volgens Citigroup se Afrikastrateeg, Leon Myburgh, het hy in jare nog nie so 'n drastiese rentekoersverhoging gesien nie.
Die hoof van ABSA, Steve Booysen, het gesê dat enige verdere rentekoersverhoging die finansiële probleme wat verbruikers reeds ervaar, sal vererger.
Amptelike syfers wat gister vrygestel is, toon dat maatskappybankrotskappe met 10,5% in die eerste vier maande vanjaar gestyg het – die grootste styging in ses jaar.
Slegs die rand put voordeel uit rentekoersverwagtinge soos wat buitelanders dollar vir rand verkoop en die ekstra rente geniet.
