Nuus Archives - Page 1330 of 1583

SAPD kan nie eie skobbejakke dissiplineer nie

‘n Polisievoertuig

Slegs twee van 55 klagtes van wangedrag wat teen die polisie se BBP-eenheid gebring is, het in ontslagte geëindig oor 'n vierjaarperiode, het die DA Woensdag gesê.

Dít, volgens die DA se woordvoerder, Dianne Kohler Barnard, laat dit voorkom asof die SA polisiediens nie in staat is om ongedissiplineerde polisiebeamptes wat herhaaldelik motoriste intimideer toerekenbaar te hou vir hulle oortredings nie.

"Offisiere van die SAPD se BBP-eenheid kom klaarblyklik weg met hulle kriminele optrede sonder dat dissiplinêre stappe teen hulle geneem word… en die DA doen 'n hernude oproep op die instelling van 'n nuwe gedragskode vir die BBP-eenheid, om te help om die beamptes by streng standaarde te hou," het Barnard in 'n verklaring gesê.

Dit kom nadat 'n Johannesburgse motoris aangerand is, klaarblyklik deur die president se BBP-offisiere op die N12 naby Johannesburg nadat hy klaarblyklik Saterdag "te naby aan" president Kgalema Motlanthe se konvooi gekom het.

Die Independant Online het Maandag berig dat die BBP-eenheid se lede op die man se kar geskiet het en toerusting van SAUK-joernaliste gekonfiskeer het toe hulle op die toneel aangekom het.

Die onafhanklike klagtedirektoraat het Woensdag bevestig dat hulle die insident ondersoek, tesame met baie ander wat in die laaste 12 maande aangemeld is.

Israel sal daaglikse bomaanvalle op Gasa staak

Israelse vegvliegtuie

Israel sal die bomaanvalle op die Hamas-beheerde Gasastrook vir drie ure elke dag staak, het 'n woordvoerder gesê. Die aksie sou Woensdag begin.

"Daar is besluit om die bomaanvalle tussen 1 uur en 4 uur elke dag te staak," het die militêre woordvoerder gesê.

Die aankondiging het gekom ure nadat die Israelse eerste minister Ehud Olmert gesê het dat Israel 'n humanitêre korridor sal oopmaak in die Gasastrook, waar hulle 'n dodelike veldtog teen die Islamitiese Hamasbeweging gevoer het vir die afgelope 12 dae.

"Om 'n humanitêre krisis te voorkom in die Gasastrook het eerste minister Ehud Olmert besluit om 'n voorstel van die sekerheidsowerhede te aanvaar om 'n humanitêre korridor oop te maak in die Gazastrook om die bevolking te help," het 'n verklaring van sy kantoor gelui.

"Dit behels dat sekere geografiese gebiede vir beperkte tye elke dag oopgestel sal word waartydens die bevolking kan hulp kry en voorrade in die hande kry."

Die verklaring het gekom nadat stygende burgerlike sterftes in Israel se oorlog in Gasa die internasionale druk op Israel verhoog het om die grootste militêre operasie sedert die Libanon-oorlog in 2006 te staak.

kong online топкарго

Gasa se drinkwater raak min

Besoedelde water in Gasa

Die Wêreldbank sê daar is toenemende tekens van 'n erge openbare gesondheidskrisis in Gasa as gevolg van 'n tekort aan drinkwater en 'n toename in die ineenstorting van die rioolstelsel.

Die bank het Woensdag 'n verklaring uitgereik met data wat gebaseer is op dié van die plaaslike waterowerhede in Gasa.

Die bank het 'n beroep gedoen op Israel se regering om genoeg brandstof toe te laat in Gasa in om die nagenoeg 170 water- en rioolpompe in Gasa te laat werk. Die bank het ook gevra dat Israel so gou as moontlik die normale elektrisiteitstoevoer herstel om die afhanklikheid van brandstof vir kragopwekkers te verminder.

Verder het die bank gewaarsku teen 'n moontlike lekkasie in 'n riooldam in die noorde van Gasa wat kan oorstroom, soos dit al in die verlede gebeur het. Die bank het Israel versoek om onderhoudspanne toe te laat om die dam te kan gaan versterk.

ingo maurer купить

Atta Mills gaan by Kufuor in Ghana oorneem

Verkiesingsplakkaat van John Atta Mills

Uitgaande president John Kufuor, een van Afrika se mees gerespekteerde leiers, gaan Woensdag die leisels van Ghana aan John Atta Mills oorhandig, en so die tweede verkose leier word wat die leisels aan die opposisiepolitici moet oorhandig.

Ten spyte van spanning in die tweede rondte van die historiese presidentsverkiesing, lyk dit asof alles glad sal verloop vir die oorhandiging van mag op 7 Januarie, 'n maand ná die eersterondteverkiesings.

Ghana se groot oorhandiging was in 2000, toe die voormalige militêre leier, Jerry Rawlings, vreedsaam die leisels oorhandig het aan 'n langdurige opponent, die politikus John Kufuor.

Met die jongste oorhandiging van Kufuor aan Atta Mills, sal Ghana na verwagting nog 'n sterretjie by die Weste kry as 'n baie rare funksionerende demokrasie op 'n vasteland wat deur probleme gekenmerk word.

"Al die aanduidings is dat die oorgang baie glad sal verloop," het Emmanuel Bombande, die direkteur van die Wes-Afrika-Netwerk vir die Bou van Vrede (WANBV) gesê ná hy die jongste toesprake van Kufuor en sy teenstaander Atta-Mills ondersoek het.

"Atta-Mills se toespraak was baie gemik daarop om vrede te maak en so ook dié van Akufo-Addo… Dit is 'n goeie aanduiding dat Ghana 'n skitterende voorbeeld van demokrasie in Afrika is en sal bly," het hy gesê.

online slots no deposit bonus Александр Фильчаков

Zim-skole begin laat

‘n Skool in Zimbabwe

Zimbabwe het die opening van skole met twee weke uitgestel, berig die staatsmedia te midde van vrese dat onderwysers nie vir lesse gaan opdaag nie weens die land se verswakkende humanitêre krisis.

Skole was veronderstel om volgende Dinsdag vir die nuwe akademiese jaar te open maar die sekretaris vir onderwys, Stephen Mahere, sê in die regeringsmondstuk, die Herald-koerant, dat klasse nie voor die 27ste Januarie voortgesit sal word nie want verlede jaar se eksamens is nog nie gemerk nie.

“Die besluit is genoodsaak deur die behoefte om die merk van die 2008 openbare, nasionale eksamens wat 'n beduidende hoeveelheid onderwysers betrek, af te handel,” sê hy.

Die vertraging gee die onderwysministerie ook die geleentheid om versoeke deur skole om skoolfonds in buitelandse geldeenhede te hef, te ondersoek, sê die koerant.

Onderwysers het verlede jaar verskeie kere oor salarisse gestaak nadat Zimbabwe se verbysterende hiperinflasie hulle salarisse tot byna niks laat krimp het.

Hierdie jaar het stakende onderwysers gewaarsku dat hulle nie sal terugkeer werk toe as hulle nie in buitelandse geldeenhede betaal word nie. Hulle dring aan op maandelikse salarisse van 2 200 Amerikaanse dollars.

“Die posisie is dat indien daar nie salarisse in Amerikaanse dollars is nie, sal dit 'n probleem wees vir onderwysers om terug te keer werk toe,” sê Oswald Madziva, die nasionale koördineerer van die Progressiewe Onderwysvakbond van Zimbabwe (PTUZ.)

“Die uitstel van die skoolkalender wys dat die regering erken het dat alles nie in orde is nie,” het hy aan AFP gesê.

Sommige onderwysers het uit hulle klaskamers gevlug te midde van geweld rondom die presidensiële uitklopverkiesing in Junie, terwyl ander weer opgehou het om op te daag terwyl hulle probeer het om goedere op straat te verkoop in 'n desperate poging om te oorleef.

Inflasie was in Julie op 231-miljoen persent geskat, maar onbetrokke ekonome sê dit beloop nou waarskynlik in die triljoene.

Die sentrale bank druk banknote met al hoe groter bedrae, soms 'n paar keer per maand, maar kan steeds nie tred hou met die snelstygende pryse nie. Baie winkels dring nou op buitelandse geldeenhede aan, wat baie van die gewone Zimbabwiërs effektief verhoed om te koop.

Baie van die skole het 'n tekort aan basiese voorrade en selfs lopende water te midde van 'n cholera-epidemie wat reeds meer as 1 700 lewens geëis het sedert Augustus.

Massavergadering oor aanvalle op vreemdelinge in Durban

n Massavergadering is Dinsdagmiddag gehou in Durban se Albertparkgebied om onlangse aanvalle op buitelandse inwoners in die gebied te bespreek.

Albertparkraadslid, Vusi Khoza, het gesê die vergadering sou probeer om pogings te vind om die aanvalle te hanteer.

"Ons sal verteenwoordigers van die gemeenskapspolisiëringsforum, die polisie en buitelanders op die vergadering teenwoordig hê. Ons wil 'n oplossing vind vir die probleem en aan ons mense verduidelik dat die aanvalle moet stop," het Khoza gesê.

Ten minste drie buitelanders is dood terwyl nuwe spanninge tussen buitelanders en Suid-Afrikaners weer opgelaai het in Albertpark.

Volgens polisieverslae, het 'n Malawiër, 'n Mosambieker en 'n Zimbabwiër hulle Sondag doodgeval toe hulle probeer het om van hulle aanvallers – omtrent 150 mense wat wapens soos kapmesse gedra het – te ontsnap. Die skare het 'n hoë gebou binnegegaan wat deur buitelanders bewoon word, wat verskeie gedwing het om deur die vensters na buite te spring. Twee is later in Durban se Addingtonhospitaal dood.

Die insident het plaasgevind ses maande ná die voorvalle van sogenaamde vreemdelingehaat wat regdeur Suid-Afrika plaasgevind het. Ten minste 60 mense is dood en 100 000 is ontwortel gedurende die aanvalle.

Palestynse ambassadeur deur ANC ontvang

Die Palestynse ambassadeur in Suid-Afrika het Dinsdag Israel se aanvalle in Gasa as "'n slagting van die onskuldiges" bestempel.

Sy eksellensie Ali Hamija het aan joernaliste by 'n perskonferensie by Luthulihuis in Johannesburg gesê sy mening is dat die aanvalle in Gaza oorlogsmisdade is.

"Daar is geen politieke of humanitêre gronde vir die aanvalle nie," het hy gesê.

Hy het gesê diegene wat die meeste geraak word, is onskuldig, met omtrent 75% vroue en kinders.

ANC-sekretarisgeneraal Gwede Mantashe, wat sy gasheer was, het gesê dit is duidelik vir die ANC dat solank as wat Israel grond beset wat regmatig aan die Palestyne behoort, daar nooit 'n werkende oplossing sal wees vir die konflik in die omgewing nie.

"Die ANC doen 'n beroep op alle Suid-Afrikaners om alle moontlike hulp aan die mense wat in Gasa swaarkry te gee. Ons doen 'n beroep op die regering om humanitêre hulp te koördineer en te reël vir onmiddellike vervoer van die hulp na die mense van Gasa," het Mantashe gesê.

nights 2013

Duisende in Oos-Transvaal aangekeer

'n Totaal van 5 372 mense is in Mpumalanga aangekeer vir verskeie misdade gedurende die feesseisoen, het die polisie Dinsdag gesê.

Woordvoerder Abie Khoabane het gesê 45 van dié wat gearresteer is sedert 1 Desember was gesoek vir moord, verkragting en huisbrake.

'n Verdere 156 mense is gevang vir dronkbestuur.

Khoabane het gesê boetes ter waarde van R828 227 is opgelê. Dagga met 'n straatwaarde van R350 000 is gekonfiskeer, sowel as 22 671 bottels drank en 3 602 vuurwapens. Eenhonderd gesteelde voertuie is ook weer teruggevind.

1 164 mense is Desember gearresteer omdat hulle onwettig in die land was.

Hy het gesê dat die polisie gedurende die feesseisoen padblokkades opgestel het en teenmisdaadveldtogte by prioriteitstasies in die provinsie gehou het.

Die operasies wat in die feesseisoen begin is, sal in Mpumalanga voortgesit word tot die skole heropen.

Mededingingsraad keur MTN/iTalk-samesmelting goed

Die mededingingsraad het Dinsdag goedkeuring gegee dat die samesmelting van die selfoonmaatskappye MTN en iTalk kan voortgaan.

MTN wat mobiele stem- en datadienste verskaf, sal die oorblywende 59% van iTalk-aandele bekom, het die registrateur van die tribunaal, Lerato Motaung, in 'n verklaring gesê.

Die maatskappy sal dus al die aandele wat iTalk uitgereik het behou en alleen beheer oor iTalk uitoefen.

iTalk verkoop lugtyd, handstukke en verwante produkte.

одежда интернет

Lyfwag van burgemeester aangehou oor ‘grapmoord’

'n Lyfwagvan die Umsunduzi-munisipaliteit se burgemeester, wat klaarblyklik een van sy vriende per ongeluk geskiet het, het homself Dinsdag aan die polisie in Pietermaritzburg oorhandig, het die polisie gesê.

Superintendent Henry Budham het gesê die 30-jarige lyfwag, Nkosi Ngubane, is een van drie verdagtes wat na bewering betrokke was by die moord op hulle vriend, die 26-jarige Sibusiso Mashaba.

Mashaba het Sondagmiddag sy motor in Dambuzastraat tot stilstand gebring en met insittendes van 'n ander motor gepraat toe die voorval plaasgevind het.

Budram het vroeër gesê een van die insittendes van die ander motor het "speels sy vuurwapen uitgehaal en op Mashaba gerig. 'n Skoot het afgegaan."

Sy voertuig het vorentoe gerol en die heining langs die pad getref.

Die drie insittendes van die ander motor het Mashaba uit sy voertuig gehaal en hom na die hospitaal geneem, waar hy later dood is. Een van die insittendes is later terug na die toneel waar hy aangekeer is.

Budram het Dinsdag gesê die lyfwag het met sy prokureur by die polisiestasie aangekom en homself oorgegee.

Hy sou Woensdag in die Pietermaritzburgse landdroshof op 'n moordklag verskyn.

Die polisie soek steeds na die derde verdagte.

ла ла лупси игры