Nuus Archives - Page 1184 of 1583

Noorweë is die lekkerste plek op aarde

Suid-Afrika was maar 129ste op die lys van 182 lande wat lekker is om in te woon en Noorweë is die heel lekkerste.

Noorweë is aangwys as die beste land in die wêreld om te woon deur ’n verslag van die Verenigde Nasies wat maandag Maandag vrygestel is uit data van 2007.

Australië is in die tweede plek, en Ysland derde, gemeet in terme van lewensverwagting, geletterdheid, opvoeding en BBP, oftewel bruto binnelande produk.

Die VN bring jaarliks verslae uit wat hulle menslike ontwikkelingsindeks ondersteun.

Die top tien lande op die lys is Kanada, Ierland, Nederland, Swede, Frankryk, Switserland en Japan.

Lande wat verbeter het is Venezuela, Colombia, Peru en China.

Luxembourg, Malta, Ecuador, Libanon, Belize, Tonga en Jamaika het ‘n bietjie swakker gedoen en drie of meer plekke prysgegee op die indeks .

Niger is heel laaste, met Afganistan en Sierra Leone as naasverloorders.

купить игрушку

Suur appels?

Dis nou ‘n geval van suur appels, nie druiwe nie.

Die Australiese kettingwinkel Woolworths het Dinsdag gesê dat hulle deur die Amerikaanse tegnologiereus, Apple, gekasty word oor die gebruik van ‘n logo wat glo te veel soos die rekenaarmaatskappy s’n lyk.

“Hulle het beswaar aangeteken, maar hulle het nie ‘n saak teen ons gemaak nie,” het Clare Buchanan, woordvoerder vir Woolworths gesê.

Woolworths se swierige groen handelsmerk, wat in Augustus 2008 bekendgestel is, is bedoel om ‘n ‘W’ te wees, het sy gesê.

“Ons sê absoluut dat dit ‘n gestileerde ‘W’ is wat enige tipe vars produk kan voorstel. Sommige mense se dit lyk soos slaai, ander sê dit kan ‘n pampoen wees,” het sy gesê.

Apple, wat ‘n appel is waaruit ‘n hap geneem is vir ‘n logo het, het hul klag by die regering se intellektuele eiendom agentskap, IP Australia, ingedien.

Volgens berigte is Apple bekommerd dat Woolworths aansoek gedoen het vir ‘n oorkoepelende handelsmerk vir die ontwerp.

Dit sal beteken dat Woolworths dit op enige tipe produk sal kan plaas, insluitende elektroniese toerusting, soos rekenaars en musiekspelers.

Apple in Australië het geen kommentaar gelewer nie.

ANC kap VF+

Die ANC het Maandag teruggekap nadat die VF+ hulle aangemoedig het om dissiplinêre stappe teenoor Julius Malema en die ANC-jeugliga te neem.

Volgens Brian Sokutu, ANC-woordvoerder, is dissiplinêre optrede teenoor lede van die party ‘n interne saak en kan niemand hulle aansê wat om te doen nie.

“Indien optrede nodig is sal ons self daaroor besluit, nie omdat enigiemand anders ons aansê om dit te doen nie,” het Sokutu gesê.

Hy het ook gesê dat die ANC se standpunt oor ras duidelik was en dat hulle alle rasse verteenwoordig en ondersteun.

Die VF+ het die ANC aangeraai om Malema, asook die liga aan te vat na kontroversiële uitsprake deur Floyd Shivambu, die jeugliga se woordvoerder.

Volgens Rapport het Shivambu glo gesê dat die meeste wit mense rassiste is en dat hulle nie die oorwinning van Caster Semenya vier nie omdat sy nie wit is nie.

new young fashon

Franse presidentspaar speel op die net

Die presidentsvrou van Frankryk, Carla Bruni-Sarkozy, het Maandag ‘n webwerf geloods waarop sy haar liefdadigheidswerk sal bekendstel asook sal gesels oor haar lewe saam president Nicolas Sarkozy.

Bruni, wat reeds ‘n bekende sangeres was voor sy met die president getrou het, het ook ‘n webwerf waar sy haar sangloopbaan bemark.

Haar nuwe webtuiste fokus op drie spesifieke temas, naamlik haar liefdadigheidsorganisasie in Frankryk, haar werk as ambassadeur vir die Global Fund to Fight Aids, asook haar lewe as presidentsvrou.

Sekondes nadat die webtuiste geaktiveer is, is dit oorval met besoekers en moes dit tydelik gesluit word.

Die bekendstelling van Bruni se webtuiste kom kort nadat haar man bekendgemaak het dat hy sy land by die komende klimaat-konferensie in Denemarke op hoogte sal hou van gebeure, met die hulp van Twitter.

Sarkozy het reeds sy eie Facebook-profiel.

Hlope trek appèlsaak terug

Die Wes-Kaapse regterpresident, John Hlophe, sal die appèlsaak wat hy in die konstitusionele hof hangende gemaak het, terugtrek.

Die appèl spruit uit ’n klag wat twee regters van die konstitutionele hof, Bess Nkabinde en Chris Jafta, by die Regterlike Dienskommissie (RDK) teen Hlophe gelê het.

Nkabinde en Jafa het Hlophe in Mei verlede jaar daarvan beskuldig dat hy hulle verkeerdelik probeer beïnvloed het in die destydse hangende uitsprake rakende die korrupsiesaak teen pres. Jacob Zuma.

Hlophe het op sy beurt ’n klag van menseregteskending teen die regters gelê. Die regterpresident het gesê die twee het sy regte geskend deur hul klag in die publiek bekend te maak sonder om hom eers kans te gee om homself te verdedig.

Lister Nuku, Hlophe se prokureur in die saak, was nie beskikbaar vir kommentaar nie.

Barnabas Xulu, wat die regterpresident ook in die saak verteenwoordig, het egter Maandag bevestig dat Hlophe die appèl gaan terugtrek.

“Hlophe is vrygespreek (van die aanklag teen hom) en meen die saak moet tot ’n einde kom,” het Xulu gesê.

Die saak het reeds voor die appèlhof verskyn en sou op 17 November in die konstitusionele hof voorkom.

или поршневой topcargo кидалы

ANC-minister dreig met ‘grondhervorming soos in Zimbabwe’

Die minister van landelike ontwikkeling en grondhervorming, Gugile Nkwinti, het oor die naweek gedreig dat grondhervorming na die Zimbabwiese model in Suid-Afrika toegepas gaan word.

Nkwinti het op Vryheid in Kwazulu-Natal gesê: “Ons het gesien wat in Zimbabwe gebeur het, dit gaan hier gebeur omdat grond ‘n sleutelkwessie tydens bevryding is.” (In die oorspronklike Engels het hy gesê: “We have seen what happened in Zimbabwe , it will happen here because land is a key question in liberation.”

Die adjunkminister van landbou, dr. Pieter Mulder van die Vryheidsfront Plus, het met onsteltenis gereageer en dit in ‘n verklaring as “onverantwoordelik” bestempel. Volgens Mulder skep so ‘n uitspraak “groot onsekerheid in die landbougemeenskap”.

Nkwinti het ook daarna verwys dat die regering nie oor genoeg geld beskik om grond by boere te kan koop nie en dat grondhervorming daaronder lei. Volgens Mulder is “die onafwendbare afleiding wat hieruit deur die Suid-Afrikaanse landbougemeenskap gemaak word, dat die Minister Zimbabwe-tipe grondhervorming onbewustelik aanmoedig. Dit is tot niemand in Suid-Afrika se voordeel nie.”

Die Vryheidsfront Plus-leier het voorts gesê: “Omdat onsekerheid oor grondhervorming reeds voedselsekerheid in Suid-Afrika bedreig, maak uitsprake soos hierdie dit moeiliker en nie makliker nie om die samewerking van kommersiële boere te kry. Dit word as ’n verskuilde dreigement en afpersing deur die boere ervaar.”

By dieselfde geleentheid het die Minister sy bekommernis uitgespreek oor die honderde plase wat onproduktief is na hulle aan nuwe eienaars oorgedra is.

Navrae deur praag.co.za aan die ministerie is tot dusver onbeantwoord gelaat. Die minister het van persoonlike assistent verander en ‘n woordvoerder van die departement, Elton Green, was nie beskikbaar nie.

uk casino games

‘ANC-jeugliga bedreig rasseharmonie’

Die VF Plus gaan ‘n regsmening formuleer op grond van die ANC se partygrondwet en ANC-beleidsdokumente waarvolgens Malema en die jeugbestuur duidelik ANC-reëls oortree en binne die ANC se strukture aangekla behoort te word. Dit sal aan die ANC se leierskap voorgelê word vir verdere aksie, by gebreke waarvan die VF Plus die ANC-jeugliga by die Menseregtekommissie gaan aankla vir haatspraak en aanhitsing van rassisme.

Volgens adv. Anton Alberts, VF Plus-parlementêrewoordvoerder oor sport, is dit nou nodig om nie net Malema nie, maar die hele jeugbestuur in die naam van vrede en rasseharmonie in Suid-Afrika, formeel te dissiplineer. Trouens, indien president Zuma bereid is om van swak burgemeesters en ander amptenare ontslae te raak, soos hy al gedoen het, hoeveel te meer sal dieselfde dissipline nie van toepassing wees op sy eie jeug nie? Daarom beroep die VF Plus hom op die ANC-leierskap om hulle jeuglede in lyn te bring met president Zuma se beleid van versoening as ‘n toets vir die erns wat die ANC hiermee het.

Die VF Plus-reaksie volg op uitsprake van mnr. Floyd Shivambu, die ANC-jeugliga se woordvoerder, wat volgens Rapport gesê het dat die meeste wit mense rassiste is en dat hulle nie die oorwinning van Caster Semenya vier nie omdat sy nie wit is nie. Hy voeg hiermee sy uitsprake by dié van Malema wat deurlopend nog rondom die voorval agterdog en verdeeldheid saai en rassepolarisering aanstig.

“Hitler het voor die Tweede Wêreldoorlog voortdurend rassistiese uitsprake teenoor die Joodse minderheid gemaak wat as onskuldige propaganda afgemaak is. Uiteindelik het dit gelei tot sy formele program van etniese uitwissing. Daarom kan hierdie rassistiese uitsprake teenoor die wit minderheid in Suid-Afrika nie ligtelik afgemaak word nie,” volgens adv. Alberts.

“Wit mense in Suid-Afrika raak al hoe meer bekommerd oor die roekelose uitsprake van die ANC-jeug en begin al hoe meer onveilig voel. Die klanke wat hierdie jongmense maak, lyk al hoe meer soos die amptelike uitsprake van die ANC self en dit is nou tyd vir die ANC om duidelik en ferm aan te dui wat hulle standpunt oor die plek van wittes in Suid-Afrika is. Die VF Plus is daarvan oortuig dat die meeste wittes nie rassisties georiënteerd is nie, maar dat daar wel ‘n wit/swart-polarisering begin opbou onder die oënskynlike leierskap van Malema en sy juigkommando,” volgens Alberts.

Фильчаков прокурор

Die swakste vertoning

Rio de Janeiro sal die 31ste 2016 Olimpiese Spele aanbied, nadat die stad ‘n wegholoorwinning oor Madrid behaal het in die laaste en finale rondte van die stemmery Vrydag.

Die Internasionale Olimpiese Komittee het algar verbaas by die Bella Convention Centre deur die gunsteling Chicago in die eerste rondte uit te stem, ten spyte van president Barack Obama se intense persoonlike veldtog om die bod te wen.

Tokio het tweede in die slag gebly en in die laaste rondte is Rio, die eerste Suid-Amerikaanse stad, met 66 stemme teen Madrid se 32 gekies.

Carlos Osorio, die algemene sekretaris van Brasiliaanse bod, was ‘n paar sekondes lank na die aankondiging sprakeloos. Hy het daarna aan Reuters gesê: “Oorweldigend, skouspelagtig, ongelooflik.”

Brasilië sal ook in 2014 die Wêreldbekersokkertoernooi aanbied. President Luiz Inacio Lula da Silva was in trane oor die aankondiging.

“Ons gaan minder moet slaap, meer dink en meer werk,” het hy gesê.

Spaanse eerste minister Jose Luis Rodriguez Zapatero het Rio geprys en gesê dis ‘n grootse stad.

Nie Michelle Obama se teenwoordigheid of haar man se toespraak voor die IOK kon hond haaraf maak nie en Chicago het heel laaste geëindig.

Obama se soms kinderagtige manewales tuis om die Olimpiese bod te probeer wen, soos sy Star Wars-swaardgeveg voor die Withuis in die tuin, het ook heelwat kritiek uitgelok.

casino sites no

IT-bedryf gaan ekonomie red

Inligtingstegnologie, IT, sal sowat 5.8 miljoen nuwe werksgeleenthede binne die volgende vier jaar skep en ‘n groot bydra tot ekonomiese groei maak, volgens die Data Korporasie, IDC, se navorsing.

Die IDC voorspel dat die IT-bedryf ‘n groot rol sal speel om ekonomieë uit neerslagtigheid te help deur meer as 75 000 nuwe besighede in die volgende vier jaar te skep.

Microsoft het die IDC se navorsing, wat die impak van IT-ontwikkeling op 52 lande bestudeer het, geborg.

Volgens dié verslag sal die groei in werksgeleenthede in die IT-bedryf drie keer meer wees as in ander sektore.

“Lande wat waarde heg aan die vernuwing van infrastruktuur, opleiding van burgerlikes en ontwikkeling van hul vaardighede sal ‘n reuse voordeel in die internasionale mark hê,” het Steve Ballmer van Microsoft gesê.

Volgens Ballmer sal innoverende tegnologie ‘n groot rol speel om produktiwiteit aan te help en ook om nuwe besighede te skep wat gepaardgaan met werksgeleenthede en daarmee saam ekonomiese groei

mech wars online

Nedbankgebou brand

Die Nedbank-gebou in Beyers Naude-rylaan noord van Johannesburg het Maandagoggend aan die brand geslaan.

Volgens ‘n werknemer het ‘n stoorkamer in die kelder waar dokumente gestoor is, aan die brand geslaan.

Darryn Browning, ‘n ooggetuie, was die eerste persoon op die toneel. Hy het teen 7:45vm by die parkeerterrein aangekom.

“Ek het rook gesien en toe ek die deur oopmaak was daar vlamme,” het Browning gesê.

Volgens hom het die brandweer tien minute later op die toneel opgedaag en teen 8:15 was hulle steeds besig om die brand te probeer blus.

Die Johannesburgse nooddienste kon nie dadelik die voorval bevestig nie en die oorsaak van die brand is ook nog onbekend.