Nuus Archives - Page 1378 of 1583

DRK stuur af op nuwe humanit?re krisis

Duisende vlugtelinge het gister steeds na die oostelike dorp Goma in die Demokratiese Republiek van die Kongo gestroom terwyl Kongolese troepe en VN-vredestroepe soldate van die afvallige Tutsi-generaal Laurent Nkunda probeer stuit het.

Aanvalshelikopters en pantservoertuie van die Verenigde Nasies (VN) ondersteun regeringstroepe noord van Goma, hoofstad van die provinsie Noord-Kivu, terwyl Nkunda se Nasionale Kongres vir die Verdediging van die Volk na die dorp self opruk.

Die VN-vredesmissie in die land, MONUC, sê die Nasionale Kongres het Maandag vyf vuurpyle gevuur op twee VN-troepedraers wat vlugtelinge beskerm.

Die hoof van die VN-vredesmissie, mnr. Alan Doss, het aan die BBC gesê die VN kon nie anders as om by die gevegte betrokke te raak nie. “Ons kan nie toelaat dat gemeenskappe bedreig word nie.”

MONUC het gesê sy helikopters het op Nasionale Kongres-stellings naby Kibumba, sowat 20 km noord van Goma, losgebrand.

Tienduisende burgerlikes het die afgelope paar dae gevlug weens die opmars van die rebelle na Goma.

Die goewerneur van Noord-Kivu, mnr. Julien Paluku, het aan die VN-ondersteunde Radio Okapi gesê ’n reuse- humanitêre ramp dreig. “Ons het meer as twee miljoen vlugtelinge in die provinsie. Hoeveel sterftes, hoeveel ontworteldes is nodig voordat die internasionale gemeenskap daadwerklik ingryp?”

SAOG-leiers moet Zim-dooiepunt oplos

“Afrikaleiers moet nou daadwerklike aksie neem om die dooiepunt tussen Zimbabwe se president, Robert Mugabe en opposisieleier Morgan Tsvangirai op te los” het Ban ki-Moon, die VN se sekretaris generaal op Woensdag gesê.

Beide leiers staan vas oor wie Zimbabwe se departement van binnelandse sake, wat die polisie beheer, gaan kry. Ten spyte van pogings om die krisis die week op te los in ‘n hoëvlak vergadering.

‘n Dringende vergadering van die 15 SAOG-lande is nou belê om die probleem aan te spreek.

“Nou dat die SAOG-leiers saamgeroep is, hoop ek dat die leiers, wat hulle verantwoordelikheid vir vrede en stabiliteit in die streek moet onthou, die nodige sterk aksie sal neem om die krisis op te los” het Ban aan verslaggewers gesê by ‘n VN-forum oor migrasie in Manilla.

Dit het te lank geneem, het hy verder gesê, met verwysing na die versoeke dat Mugabe moet instem tot magsdeling.

Die SAOG het die laaste 7 jaar probeer om Mugabe te oortuig om ‘n kompromis met Tsvangirai aan te gaan, maar die lede is erg verdeeld oor Zimbabwe.

Sommige leiers is sterk vennote van Mugabe, wat deur baie beskou word as ‘n held in die vryheidstryd, terwyl ander hom weer die skuld gee vir die land se ekonomiese ondergang, wat veroorsaak het dat miljoene Zimbabwiërs oor die grense gestroom het op soek na werk.

arabian nights game Фильчаков прокурор

Pakistan kla oor Amerikaanse missielaanvalle

Pakistan se minster van buitelandse sake het die Amerikaanse ambassadeur ingeroep en gevra dat missielaanvalle op militante teikens in Pakistan se grens streke gestaak word.

‘n Verklaring van die ministerie wat Woensdag uitgereik is, het gesê dat die gesant ingeroep is, waarna daar aan hom duidelik gemaak is dat die Pakistanse regering die aanvalle ten sterkste veroordeel en dat dit onmiddellik moet staak.

Missielaanvalle deur die Amerikaanse weermag en CIA onbemande vliegtuie het in die laaste paar maande verhoog. Amerikaanse bevelvoerders het gekla dat die Pakistanse regering nie genoeg druk op militante binne sy gebied plaas nie.

Pakistan het gekla dat sy soewereiniteit deur die aanvalle geskaad word, en dat die aanvalle net die ekstremisme van die groepe verder aanblaas.

Malema het nooit regte studeer nie

Die Universiteit van Suid-Afrika (UNISA) het ontken dat ANC jeugliga leier, Julius Malema vir ‘n graad in regte ingeskryf het.

Unisa het gereageer op ‘n berig in die Star van Vrydag, wat ‘n afskrif van Malema se matriek sertifikaat (met lae punte) gepubliseer het, en aangedui het dat hy vir deeltydse studie in regte geregistreer het.

“Mnr. Malema is nie tans ‘n Unisa student nie en was nooit geregistreer vir regte of enige ander studie by Unisa nie," het Unisa gister in ‘n verklaring gesê.

Volgens Unisa se mediabestuurder, Doreen Gough, was Malema ingeskryf vir die universiteit se oorbruggingskursus vir studente wat in matriek onderpresteer het, maar hy het geen verdere vordering gemaak om sy akademiese ambisies na te volg nie.

Die Jeugliga het daarna tot Malema se redding gekom.

“Ons is sterk van mening dat ‘n leier se opvoedkundige intellek organies gekultiveer word en verbind is met sy praktiese ervaring en interaksie met gewone mense op daaglikse basis,” het Jeugliga woordvoerder Castro Ngobese gesê.

Volgens die sertifikaat het Malema op 21 jaar gematrikuleer en net-net geslaag met ‘n H vir wiskunde en ‘n G vir houtwerk, altwee op standaardgraad.

Hy het E’s gekry vir Sepedi en Afrikaans, altwee op hoërgraad, ‘n F in aardrykskunde, D in geskiedenis en ‘n C vir Engels (tweede taal), alles op hoërgraad.

italiasvet

Dodetal in Pakistanse aardbewing gaan nog styg

Meer as 'n 100 mense is in 'n aardebeweing in Pakistan oorlede. Die skudding wat 6,4 op die Richterskaal getoon het, het die Suidweste van die land Woensdag getref en honderde huise in puin gelê. Die dodetal, het 'n provinsiale minister gesê, sal na verwagting styg.

Die provinsiale minister van Inkomstebelasting, Minister Zamrak Khan, het die aankondiging gemaak.

"Agt dorpies in Ziarat het swaar getref en daar is nog nog baie dele wat tans onbereikbaar is," het Khan aan Reuters gesê.

Ziarat is 'n skouspelagtige vallei in die Baloesjistanprovinsie waar baie toeristeaantreklikhede is. Dit is 70km noordoos van die provinsie se hoofstad Quetta.

справка 082у

Duisende polisielede kan nie bestuur nie

Nathi Mthethwa, die nuwe minister vir veiligheid en sekuriteit, het aan die parlement gesê dat 5733 polisiemanne nie kan bestuur nie, of nie geldige bestuurslisensies het nie.

Die syfer sluit in 3338 inspekteurs, 1712 sersante en soveel as 280 kapteins.

Mthethwa het die syfers gegee in ‘n geskrewe antwoord op ‘n parlementêre vraag van James Masango van die DA, en gesê dat die huidige syfers verkry is met na ‘n bevestigingsproses.

Hy het ook erken dat die mense wat nie kan bestuur nie 620 lede van die speurdiens insluit, en 67 mense van die misdaad intelligensie eenheid. Altesaam 4984 lede van die sigbare polisiëringseenheid kan nie bestuur nie en ook 17 superintendente kan ook nie self bestuur nie.

Die provinsiale indeling van die nie-bestuurders wys dat meer as die helfte van die lede wat nie vertroud is met ‘n stuurwiel nie vanaf Gauteng en die Ooskaap afkomstig is.

для автосервиса topcargo

Is Obama ‘n Amerikaanse burger?

Is hy regtig ‘n Amerikaner?

08:06:15 Net enkele dae voor die Amerikaanse presidentsverkiesing, word vrae steeds gevra oor Barack Obama se burgerskap. 'n Federale hof het op 26 Oktober 'n aansoek van die hand gewys dat Obama onbevoeg sou wees om president te word omdat hy óf in Kenia gebore is óf 'n burger van Indonesië sou wees.

Die Amerikaanse grondwet vereis dat 'n persoon in die VSA gebore moet wees en 'n burger van daardie land moet wees om hom as president verkiesbaar te stel.

Philip Berg, 'n prokureur in die deelstaat Pennsilwanië, het die aansoek gebring om Obama as onbevoeg vir die presidentskap te verklaar, maar het verloor omdat die regter meen hy beskik nie oor locus standi nie. Daar was egter geen uitspraak oor die feite of meriete van die saak nie.

Obama se Keniaanse ouma beweer dat sy kan onthou dat hy in 1961 in Kenia gebore is. Obama het egter 'n geboortesertifikaat op sy webwerf gepubliseer wat aantoon dat hy in Hawai gebore is waar sy moeder, Ann Dunham, gestudeer het.

Berg het in sy hofaansoek beweer dat selfs indien dit waar sou wees dat Obama in Hawai gebore is en nie in Kenia nie, hy sy Amerikaanse burgerskap sou prysgegee het toe hy op die ouderdom van ses deur sy Indonesiese stiefpa aangeneem is.

Tot dusver het Obama nie onafhanklike of amptelike toegang tot sy geboortedokumentasie of die hospitaalrekords toegelaat nie. Die Hawaise gesondheidsdepartement het ook die federale wet oortree deur nie Inligtingsvryheidversoeke daaroor toe te staan nie.

Tot dusver ignoreer die hoofstroommedia in die VSA egter die omstredenheid rondom Obama se Amerikaanse burgerskap en toon meningspeilings dat hy binne minder as 'n week as Amerikaanse president verkies gaan word.

Indien een van die hofaansoeke later slaag, sou Obama van die presidentskap afstand moes doen en sal sy adjunkkandidaat, Joe Biden, waarskynlik president word. Mev. Hillary Clinton, wat tweede in die Demokratiese nominasiestryd geëindig het, sou in so 'n geval moontlik ook aanspraak op die presidentskap kon maak.

igt africa topcargo кидалы

VN-vlugtelingkampe staal hulle vir toeloop van mense in DRK

Die Verenigde Nasies se vlugtelingagentskap staal hom vir die toeloop van 'n geraamde 30 000 ontwortelde mense na sy kampe naby Goma in die Demokratiese Republiek van die Kongo nadat hernieude gevegte uitgebreek het.

Die Hoë Kommissaris vir Vlugtelinge se woordvoerder, Ron Redmond, sê personeel van die agentskap maak hulle gereed vir die aankoms van die vlugtelinge wat gedwing is om uit kampe en dorpe noord van die stad te vlug tydens gevegte tussen die rebelle en regeringsmagte.

Redmond sê toestande in Goma is gespanne ná betogings deur inwoners waarin vyf mense dood is. Die VN se Wêreldvoedselprogram het verlede week beraam dat 200 000 mense in Noord-Kivu ontwortel is deur die geweld wat einde Augustus uitgebreek het.

VN hoof Ban ki-Moon het vroeër vandeesmaand by die DRK-regering en die renegaatetnieseleier, Laurent Nkunda, se Nasionale Kongres vir die Verdediging van die Mense daarop aangedring dat hulle die skietstilstand moet eerbiedig en met mekaar saamwerk om hulle magte te skei.

Hy het hulle ook gewaarsku dat die gevegte 'n wyer konflik in die streek kan veroorsaak. Ban Ki-moon het alle state in die streek aangemoedig om te verhoed dat hulle gebiede en hulle burgers gebruik word om gewapende groepe in die ooste van die DRK te steun.casino games

Brittanje gaan mense wat di? land verbied is se name bekendmaak

Brittanje se hoof van wet en orde Jacqui Smith, sê radikale predikers en ander ekstremiste wat verbied word om die Verenigde Koninkryk binne te kom, se name gaan in die openbaar genoem word.

Smith het wetgewers Dinsdag ingelig dat Brittanje se Kantoor van binnelandse sake gaan begin om die name van mense wat toegang geweier word, te publiseer.

Bykans 230 mense is sedert 2005 deur die Britse regering weggewys, insluitend radikale Moslem -eestelikes, neo-Nazi's en radikale diereregte-aktiviste.

Libanon se geestelike Omar Bakri Mohammed is een van hulle. Hy is die vorige hoof van die ontbinde groep al-Muhajiroun wat berug geword het toe hulle die September 11-kapers lof toegeswaai het. Smith sê sy is vasbeslote om diegene wat ekstremisme bevorder, aanmoedig of versprei te stuit.

money no

Gautrein-werk veroorsaak nog ‘n gat in pad

Johannesburg se Metropolisie sê Oxfordweg moes Dinsdag gesluit word nadat 'n gat weens die aanhoudende werk aan die Gautrein gevorm het.

Superintendent Wayne Minnaar sê die gat het teen 0830 tussen Noordweg en Rivieraweg gevorm.

Die gat is ongeveer 2 meter in deursnee en 'n meter diep. 'n Nissan paneelwa wat aan een van die Bombela-werkers behoort, het in die gat geval.

Niemand was ten tye van die voorval in die voertuig nie en niemand is beseer nie. Motoriste kan 8ste Laan, Main Road en Rivieraweg as alternatiewe roetes gebruik. Minnaar sê dit is nie bekend hoe lank dit gaan neem om die gat op te vul nie.

Die vorige gat het agt weke geneem om herstel te word.

воронеж мебель топкарго отзывы