Nuus Archives - Page 1399 of 1583

‘Armoede veroorsaak misdaad’

Die meeste Suid-Afrikaners glo dat armoede die grondoorsaak van stygende misdaadvlakke in die land is. 'n Opname deur TNS Research Surveys het bevind dat driekwart van die 2 000 volwassenes in die sewe vernaamste metropolitaanse gebiede van Suid-Afrika saamstem dat misdaad hoofsaaklik deur armoede veroorsaak word.

Die maatskappy se direkteur van Innovering en Ontwikkeling, Neil Higgs sê terwyl hierdie siening deur die meerderheid mense van verskeie kulturele, ekonomiese en religieuse sfere gehandhaaf word, ondersteun diegene in informele nedersettings en agterplase dit baie sterk.

Vier-en-tagtig persent van krotbewoners handhaaf hierdie siening, gevolg deur hostelbewoners en inwoners van agterplase met 72- en 77% respektiewelik. Higgs sê die uiterste verskille in perspektief oor armoede as die grondoorsaak van misdaad onder krotbewoners wys op die desperate gedrag wat hulle rondom hulle sien by diegene wat na 'n beter lewe soek. Slegs 51% van mense wat ondervra is, het die ongeregtighede van die verlede geblameer as die grondoorsaak van misdaad.

Slegs 'n minderheid witmense (30%) in die opname het hiermee saamgestem terwyl 65% Indiërs en 55% swartes en gekleurdes wel saamgestem het. Volgens Higgs voel sosioloë dat die ongewone geweld wat met misdaad geassosieer word, te doen het met kulturele "depersonalisering" wat die suiwer resultaat is van die onderdrukking wat met apartheid geassosieer word.

Die studie het bevind dat meer as agt uit tien mense voel dat misdaadvlakke nie besig is om af te neem nie maar 'n vyfde van dié mense het egter toegegee dat hulle roofgoedere aankoop. Higgs sê 'n kwart van die mense wat aan die opname deelgeneem het, ken ander wat gesteelde goedere aankoop. As die mense by die polisie aangemeld sou word, sou die mark vir gesteelde goedere verdwyn.

topcargo

Zuma se medebeskuldigdes is voorlopig vry

16:15:09 Aanklagte teen ANC –president Jacob Zuma se medebeskuldigdes – die Suid-Afrikaanse filiaalmaatskappye van die Franse wapenvervaardiger Thales Internasionaal – is Maandag voorlopig deur die Nasionale Vervolgingsgesag onttrek. NVA-woordvoerder Tlali Tlali het bevestig dat die aanklagte voorlopig onttrek is.

Die twee Thint maatskappye – Thint Holding (South Africa) Pty Ltd en Thint (Pty) Ltd het elk een aanklag van afpersing, twee van korrupsie en een van geldwassery in die gesig gestaar in die saak waarin hulle daarvan aangekla is dat hulle omkoopgeld aan Zuma betaal het in ruil vir beskerming teen beweerde onreëlmatighede in die multi-miljardwapentransaksie.

Die onttrekking van die aanklagte volg op die verwerping van aanklagte teen Zuma deur regter Chris Nicholson van Pietermaritzburg se Hooggeregshof verlede maand omdat Zuma nie geleentheid gegun is om voorstelle aan die NVG te maak toe dit besluit het om vir die tweede keer aanklagte teen hom aanhangig te maak nie. Die NVG het verlede week 'n aansoek om appèl teen Nicholson se beslissing gedoen.

игрі для девачек

IVP maak skoonskip met studenteraadsverkiesing by Mangosuthu-universiteit

In ‘n dramatiese gebeurtenis by die Mangosuthu-universiteit in Durban het die IVP se Sadesmo al 12 sitplekke op die verteenwoordigende studenteraad gewen.

Dit het gebeur nadat die universiteit al lank reeds probeer om die lewe moeilik te maak vir Sadesmo. Nege Sadesmo-studenteraadsverteenwoordigers is in Maartmaand geskors ná ‘n maandlange boikot waarin gevra is dat meer dosente op die kampus ontplooi word.

Die nege studente is eers teen die einde van September weer op die kampus toegelaat.

Die feit dat Sasco nie daarin geslaag het om enige plekke op die studenteraad te kry nie dui op die groeiende ontevredenheid onder die jeug van Suid-Afrika met die ANC en sy vennote, het Pat Lebenya-Ntanzi gesê. Lebenya –Ntanzi is die waarnemende voorsitter van die IVP-jeugbrigade.

Ons wens die studente van die universiteit en Sadesmo geluk met die historiese oorwinning, maar dit was geen verrassing nie, het Lebenya-Ntanzi gesê. Voor die verkiesings het Sadesmo 9 plekke in die raad gehad en Sasco 3 plekke.

"Dit is duidelik dat die jeug van Suid-Afrika na die IVP kyk vir leiding in ‘n tyd waarin die land in ‘n erge leierskap krisis is. Die uitslag van die verkiesing is ‘n teken dat die mense vertroue het in die IVP en sy strukture. Verder is dit ook ‘n teken dat daar geen vertroue in die Sasco is nie."

Senior ANC leiers het ook onlangs toegegee dat Julius Malema ‘n verleentheid vir die party is en dat hy geen respek het vir ander leiers nie.

ANC-leiers het bevestig dat hulle gevrees het dat Malema die ANC stemme kan kos met die verkiesing volgende jaar, en sê dat hulle ergste vrese nou bewaarheid is.

Sasco wat met die ANC geallieerd is, het die eerste ongeval geword van Malema. Suid-Afrika se jeug is teleurgesteld met Malema se houding van disrespek teenoor andere.

Lebenya–Ntanzi het ter afsluiting gesê dat studente van oor die hele politieke spektrum kragte moet saamsnoer met die IVP en Sadesmo in die provinsie.

Dit is die manier waarop hulle kwaliteitleierskap en -opvoeding by alle instellings in die provinsie kan kry.

UP weier om verkiesingsuitslag bekend te maak

Die ‘Skip’, UP-administrasie

Mnr. Hector Beyers, adjunkvoorsitter van die UP-studenteraad, het vandag in `n verklaring sy bekommernis uitgespreek oor die terughou van die VSR-verkiesingsuitslag wat reeds op 9 September vanjaar plaasgevind het.

"Bykans `n maand is al verby en dit blyk dat daar geen vordering gemaak is met die verkiesingsuitslag of die verkiesingsklagtes nie", het Beyers gesê.

Ná herhaalde versoeke en gesprekke, kan nie die viserektor, prof. De Beer of die Studentedekaan, prof. Speckman, nie aandui wanneer die verkiesingsproses afgehandel sal word nie.

Vanjaar se verkiesing was `n fiasko. Verskeie Afrikaanse kandidate, waaronder VF+TAS-kandidate se name was nie op die stembriewe nie. Sekere studente is ook nie toegelaat om te stem nie weens gebrekkige kieserslyste.

Volgens studente is geen van hul klagtes al aangehoor nie en pleit die Studentedekaan, wat verantwoordelik is vir die verkiesingsproses, onkunde.

Tydens `n vergadering vandag met die UP-bestuur, het dit duidelik geword dat uitsteltegnieke gebruik word om die demokratiese prosesse te omseil. Daar is drie weke van die huidige semester oor en poog die bestuur om die beoogde herverkiesings laat volgende jaar te hou.

"Hierdie vergrype moet in dieselfde lig as die Zimbabwe-verkiesings beskou word", het Beyers gesê. "Die UP verag die demokratiese wil van studente. Ten spyte van hulle sabotasie kon die VF+TAS reusegroei in vanjaar se verkiesing ervaar, maar nou wil die universiteit dit nie erken nie."

"Tans is ons besig om hierdie vergrype onder die minster van onderwys se aandag te bring."

slots Фильчаков

Laerinkomstegroepe moet ook huislenings kan kry

Behuisingsfinansiering moet aan laerinkomstegroepe toegestaan word, het Cas Coovadia, President van die Internasionale Unie vir Behuisingsfinansiering vandag gesê.

Hy het verder gesê dat daar ‘n groot behoefte is aan finansiering in die laerinkomstegroepe, veral gesien in die lig van Suid-Afrika se geskiedenis, maar hy het wel daarteen gemaan om besluite te neem wat nie goeie finansiële sin maak nie. Volgens hom moet die vermoë van die persoon om die lening terug te betaal wel in ag geneem word.

Banke en die regering behoort die probleme van toegang tot behuisingsfinansiering aan te spreek, asook die stygende huishoudelike skuld en tekort aan behuising in die land.

Coovadia het gepraat aan die einde van die jaarlikse Internasionale Unie vir huisfinansiering se wêreldkongres en het gesê dat die regering ‘n rol moet speel om finansiering teen vaste tariewe daar te stel en ook om sommige van die nie-kommersiële risiko’s te dra. Volgens hom sal dit weer vertroue in die mark skep en investering deur nie-tradisionele finansiële instellings lok.

люстры под потолок

Talle dood in aardbewing aan grens van Sjina

Noodhulpbeamptes in die voormalige Sowjetrepubliek sê minstens 70 mense is dood in 'n sterk aardbewing wat Kirgistan naby die grens van Sjina getref het.

Die adjunknoodsituasieminister, Toerabek Dzjoenetjalijef sê volgens die jongste syfers is 70 mense in die suide dood en meer as 80 moes dringend hospitaalbehandeling kry terwyl 128 huise verwoes is. Die omvang van die aardbewing wat die afgesonderde Alaiski-distrik van suidelike Kirgistan Sondagaand getref het, het 6,6 geregistreer. Die verwoesting was gekonsentreer op Noera, 'n dorpie met 950 inwoners naby die Sjinese grens.

іграшки купити

Lasbrief uit vir burgemeester wat dronk bestuur

Die landdroshof op George het ‘n lasbrief vir die arrestasie van die Eden-munisipaliteit se burgemeester, Adolph "Rudi” Laws uitgereik.

Volgens die SAUK het Laws Maandag versuim om by die hof te verskyn op aanklagte van dronkbestuur.

Laws het na bewering die oortreding, waarin 2 mense beseer is, op 5 April vanjaar begaan.

Die polisiewoordvoerder, inspekteur Dolly Subramoney, het aan die SAUK gesê dat Laws twee weke het om te verduidelik waarom hy afwesig was.

Indien hy nie binne dié tyd sou reageer nie, word die lasbrief geaktiveer wat sal lei tot inhegtenisname.

Ekonomiese krisis tref Europa

Lande in Europa het Sondagnag geskarrel om 'n dreigende kredietkrisis wat banke kan laat ineenstort, af te weer. Die Amerikaanse ekonomiese afswaai het nou Europa en Asië met alle mag getref.

Die Duitse regering het aangekondig dat hulle alle privaatspaargeld sal waarborg in die hoop dat senuweeagtige bankklante nie hulle deposito's sal onttrek nie. Nuus dat die Duitse Hypo Eiendomsbank deur die regering ondersteun sal moet word en dat Fortisbank in België, wat takke feitlik oral het, bankrot is, het skokgolwe deur die EU gestuur. Fortis het 'n week gelede 11,2 miljard euro saam van Nederland, België en Luxemburg ontvang maar moes ten spyte van die hulp hulle deure sluit.

Die Europese Sentrale Bank het verlede week drastiese stappe geneem om geld aan banke beskikbaar te stel soos wat die krisis nadergesnel het, maar het probreer om rentekoerse dieselfde te hou. Hulle het egter Donderdag aangekondig dat rentekoerse verlaag sal word. Die stappe het spaarders nie gerusgestel nie en aandelemarkte het swakker as in die VSA gevaar.

In Berlyn het Kanselier Angela Merkel en minister van Finansies, Peer Steinbrück, op TV verskyn om te belowe dat die regering alle spaargeld sal waarborg, maar dit was nie duidelik watter wetgewing aangepas sal moet word om die belofte gestand te doen nie. Merkel het woede teen internasionale bankiers wat die publiek se geld gebruik om hulle eie risiko's te dek, probeer besweer deur te belowe dat daar met hulle afgereken sal word.

баня турецкая Данильченко Харьков

Britte ‘kan nie oorlog in Afghanistan wen nie’

'n Hoofbevelvoerder van die Britse leër sê die oorlog in Afghanistan kan nie gewen word nie en samewerking met die Taliban mag 'n langtermynoplossing vir die land wees.

Brigadier Mark Carleton-Smith het aan die Britse Sunday Times gesê: "Ons kan nie die oorlog wen nie." Hy het verduidelik dat dit gaan om die insurgensie na 'n vlak te bring waar die Afghaanse weermag dit kan beheer, maar daar sal in die platteland voortslepende onrus wees.

As die Taliban tafel toe kom om te onderhandel oor 'n politieke skikking, dink hy dit sal die insurgensie opklaar. Alhoewel Brittanje as deel van NAVO 'n bloedige veldtog teen die Taliban voer, het Britse amptenare aangedui dat hulle die Taliban wil oorreed om hulle wapens neer te lê.

Die Britse regering het ontken dat hulle sending na Afghanistan is mislukking is nadat 'n Franse koerant berig het dat die Britse ambassadeur na Kaboel gesê het dat buitelanse troepe se teenwoordigheid die probleem vererger.

Die Franse weekblad, Le Canard Enchaine, het verlede Woensdag kommunikasie tussen die Britse ambassadeur Sherard Cowper-Coles en 'n Franse amptenaar Francois Fitou gelek. Daarin sê Cowper-Coles dat Afghanistan dalk beter sal vaar met 'n "aanvaarbare diktator".

'n Diktator, sê hy, sal die "enigste realistiese oplossing wees" en hulle behoort die "openbare mening te kry om dit te aanvaar". Die Britse ambassadeur kritiseer ook die VSA daarin omdat hulle nog troepe na Afghanistan wil stuur. Hy voel dat die kandidate sterk afgeraai moet word om verder in die land in te meng.

Die kommunikasie dateer van 2 September 2008. President Nicolas Sarkozy en Buitelandse minister Bernard Kouchner het albei afskrifte van die diplomatieke telegram ontvang.

раскрутка сайта Данильченео

Man van Erasmia ontvoer

'n 27-jarige Egiptenaar is Sondagaand in Erasmia, naby Pretoria, ontvoer.

'n Polisiewoordvoerder kaptein Bonginkosi Msimango het gesê 'n groep van vyf mans, wat met 'n vuurwapen en vier messe gewapen was, het vier Egiptiese mans by hul huis omstreeks 20.00 aangeval.

"Die verdagtes het die deur oopgedwing en het die vier gyselaar gehou terwyl hulle die huis omgekeer het. 'n Onbekende bedrag geld, 'n selfoon en ander huishoudelike goedere is geneem."

Msimango het gesê dat die ontvoerde man ingekom het toe die rowers op die punt was om te vertrek.

Volgens hom het hulle die man saamgeneem, in die kattebak van 'n grys 1990-Toyota Corolla gelaai wat in die garage gestaan het en gevlug.

"Die motor se registrasienommer is LNV 857 GP. Die man en die motor is nog nie sedert die voorval gevind nie."

Geen beserings is aangemeld nie en geen inhegtenisnames is nog uitgevoer nie.

fish party Фильчаков прокурор