Obama sal internet kan afsper

President Obama sal die Internet vir ten minste vier maande sonder Kongrestoesig kan sluit indien die Senaat stem vir die berugte Internet “kill switch”-wetsontwerp, wat gister deur ‘n sleutelkomitee goedgekeur is.

Die beskerming van die kuberruimte onder die Nasionale Batewet, word deur senator Joe Lieberman gedryf, en sal absolute mag aan die federale regering oorhandig om netwerke te sluit, asook inkomende internetverkeer van sekere lande op grond van ‘n nasionale noodtoestand af te sper.

Ten spyte van teenkanting deur privaatheids- en tegnologie organisasies en algemene besorgdheid dat die wetgewing gebruik sal word om vryheid van spraak te demp, het die Senaat se Homeland Security and Governmental Affairs-komitee daarin geslaag om die wetsontwerp deur te druk.

In reaksie op wydverspreide kritiek teen die wetsontwerp, word goedkeuring deur die Kongres dmv bykomende klousules egter benodig om noodmaatreëls na meer as120 dae te verleng.

Obama beskik nietemin steeds oor die gesag om die internet af te sluit sonder toesig of goedkeuring deur die Kongres vir ‘n tydperk van nie minder nie as vier maande.

Die senatore wat die wetsontwerp deurdruk, verwerp die aantyging dat die wetsontwerp ‘n “kill switch” vir die internet is, deur te betoog dat Obama reeds oor die gesag tot sluiting van die internet beskik.

Hulle sê: “Die president kan onder die Wet op Kommunikasie” die sluiting van enige fasiliteit of stasie vir kommunikasie versoek “wanneer daar ‘n bedreiging van oorlog is”, berig die Sydney Morning Herald.

Vrese dat die wetgewing die internet onder die regulatoriese invloed van die Amerikaanse regering wil indwing in ‘n offensief teen vryheid van spraak, is verder verhoog toe Lieberman Sondag onthul het dat die plan is om China se beleid van polisiëring op die web met sensuur en dwang na te boots.

“Op die oomblik kan China, die regering, dele van die internet in die geval van oorlog afsluit en ons moet dit ook hier kan doen,” het Lieberman aan CNN se Candy Crowley gesê.

Terwyl die media en openbare aandag besonder gefokus is op die BP-oliestorting, is die Obama-administrasie rustig besig met die voorbereiding van die raamwerk vir ‘n tegnologiese ystergordyn wat die Amerikaanse regering eersdaags volle beheer oor die internet kan gee.

Die ware agenda agter die wetsontwerp is volgens kenners om die wegholgroei van alternatiewe en onafhanklike media kanale te beperk.

China maak gebruik van soortgelyke retoriek om die noodsaaklikheid van “sekuriteit” en die stryd teen kuberoorlogvoering deur die regulering van die web te regverdig, maar in werklikheid is hul hele program gefokus daarop om die swye aan enigiemand wat die staat kritiseer, op te lê.

Onafhanklike internetmediakanale wat meeding met gevestigde persorgane, soos die Drudge Report lok tans meer verkeer as baie groot koerante saam. Daar is selfs nou sprake van ‘n “Drudge Belasting” wat gebruik sal word om hoofstroomkoerante te befonds.

affixтопкарго отзыв

De Klerk bietjie bekommerd oor landbou

Die voormalige staatspresident F.W. de Klerk het gister gesê dat Suid-Afrika op ‘n “Zimbabwe” afstuur indien grondhervorming op dieselfde wyse as tans voortgaan.

De Klerk het in Kaapstad ‘n aantal sakeleiers op Fortune, Time en CNN se wêreldforum toegespreek. Volgens die oudstaatshoof speel “ideologie” ‘n te groot rol in die landbou en kan voedselsekerheid in die gedrang kom. De Klerk se siening oor kommunisme het heelwat na regs verskuif want hy het gister gesê: “Ideologie het in lande soos Rusland die landboubedryf duur te staan gekom. Ons sit in hierdie land met daardie uitdaging. Ek herhaal: haal ideologie uit landbousake, anders is Zimbabwe jou voorland.”

Desnieteenstaande is De Klerk steeds ‘n ondersteuner van “omvattende grondhervormingspogings” en dat swart boere plase moet kry, asook meer hulp om sulke plase te bedryf. “Ons het hier gesien hoe boere in die steek en sonder finansiering of ondersteuning gelaat word. Dit knou produksie en laat dit in sommige gevalle heeltemal tot stilstand kom.”

Is De Klerk ten gunste van kollektiewe boerdery soos dit destyds in Oos-Europa toegepas is? Die oud-NP-leier het hom soos volg ten gunste van privaateiendom uitgespreek: “Eienaarskap verskaf die dryfkrag vir verbouers om genoeg te produseer en in hul ondernemings te belê. Dít stimuleer produksie en gee voedselsekuriteit.”

Die ANC beskik oor verskeie radikale planne om grondeienaarskap in Suid-Afrika feitlik te beëindig ten gunste van ‘n huurpagstelsel. Blanke boere gaan ook gedwing word om 40% van hul plase met regeringsaangestelde swartes te deel.

miomare yachtingлобановский александр

Obama fokus op begrotingstekorte

President Barack Obama het Sondag ‘n internasionale ooreenkoms deur ryk lande om hul begrotingstekorte teen 2013 met die helfte te verminder, verwelkom. 

“Ons kan nie almal gelyk na die uitgang haas nie,” het Obama tydens ‘n perskonferensie by die G20-leiersberaad gesê.

Die beroep op leierlande vereis dat hulle hul jaarlikse begrotingstekorte op verlaag of stabiliseer teen 2016.

Obama was die gasheer vir die vorige G20-leiersberaad in Pittsburgh. 

Die vorige beraad het gepoog om beter voorsorg te tref om te verseker dat ‘n finansiële krisis nie weer gebeur nie.

“Die kernboodskap van Pittsburgh moet meer wees as om net die agenda wat in Londen gestel is, wat meestal gehandel het oor finansiële stabiliteit en om bankiers se bonusse af te skaf, te implementeer,” het hy toe gesê.

Die beraad in Toronto, Kanada, is weer eens gekenmerk deur straatprotes wat deur die polisie in bedwang gehou moes word.

instagram for brandsФильчаков прокурор отзывы

Minister wil veldskole ‘reguleer’

Die minister van tradisionale sake oorweeg tans die regulering van veldskole vir swartes ná berigte oor vele jeugdiges wat sterf nadat hulle by onwettige veldskole besny is.

“Die departement het ook ‘n beleidsdokument oor die tradisionele praktyk van inisiasie wat bedoel is om tradisionele leiers verantwoordelik vir dié praktyk te maak, asook die algemene bestuur van veldskole ondersoek, met die kriminalisering en streng vonnisse vir diegene wat hulle skuldig maak aan die bedryf van onwettige veldskole,” het minister Siceo Shiceka in ‘n verklaring gesê.

City Press het Sondag berig dat dosyne jong Xhosa-veldskoolgangers besig was om in die Oos-Kaap dood te gaan as gevolg van onwettige insiasiepraktyke. Vele oorlewendes moes inderhaas na die hospitaal vervoer word met geskende penisse, wat geamputeer moes word om hul lewens te red.

Shiceka sê hy oorweeg nog die witskrif oor die regulering van die praktyk.

“Die sterftes is geheel en al onnodig. Ouers moet meer met hul kinders praat oor die ernstige risiko’s waaraan hulle hulself blootstel as hulle na dié onwettige veldskole toe gaan, in die naam van ‘n geëerde kultuurpraktyk met ‘n lang geskiedenis,” sê Schiceka.

“Die polisie moet selfs sterker optree teen diegene wat dié kultuurpraktyk se reputasie skend deur gierigheid en ‘n volslae minagting vir tradisie, wat op die verskriklike dood en skending van ons jongmense uitgeloop het.”

Hy sê dat indien enigeen gevond word wat ‘n velskool sonder magtiging bedryf, die polisie hulle onmiddellik moet arresteer.

“Ons jongmense moet aangemoedig word om slegs wettige en erkende veldskole met die goedkeuring van plaaslike tradisionele leiers, die regering en hul ouers by te woon,” het hy gesê.

игры для девачекОлександр Васильович Фільчаков

Bejaarde ure lank gemartel

‘n Bejaarde van Koppies, Tobie Loubser (83), is met ‘n mes in sy gesig gekerf, herhaaldelik met ‘n ysterstaaf geslaan, op sy knieë rondgesleep en met ‘n elektriese kabel geskok, berig Beeld.

Die ouddirekteur van Senwes, het dié aanslag oorleef. Hy is Vrydagmiddag oorval toe twee swart mans buite sy huis in die dorp op hom toegesak het en geld geëis het.

Loubser het slegs R870 by hom gehad, waarmee die aanvallers nie tevrede was nie en hul slagoffer begin martel het.

Benewens die foltering het hulle ‘n vuurwapen uit die kluis gebuit en daarna twee bottels drank leeg gedrink en wors gebraai.

Een man het later Loubser se keel met ‘n stomp mes probeer afsny, waarna hy op sy knieë na sy slaapkamer gesleep is. Hulle het hom ook met die elektriese kabel van ‘n verwarmer op sy enkel probeer skok.

Hulle het later met Loubser se bakkie gevlug, maar is deur die polisie van Koppies vasgevat nadat Loubser alarm gemaak het.

Die twee verdagtes sal Dinsdag in die hof verskyn.

iron man 2Олександр Фільчаков прокурор

11 Sokkerkykers sterf toe balkon meegee

Elf mense is in Matam in die noorde van Senegal dood toe die balkon waarop hulle ‘n Wêreldbeker-wedstryd gekyk het, onder hulle meegegee het. 

Volgens die polisie in Senekal, was die sokkergeesdriftiges besig om Saterdagmiddag se wedstryd tussen Uruguay en Korea te kyk toe die balkon ineenstort.

Die moontlikheid bestaan dat daar nog mense in die puin vasgevang is, het ‘n polisiebeampte Sondag gesê.

протезирование зубов форумФильчаков Александр Васильевич

Aussie sokkertoeskouers beroof

Steve Gaynor, ‘n Australiër wat in Suid-Afrika is vir die sokker, het gesê gewapende rowers het hotelgaste met gewere en handwapens aangehou waar hy tuisgaan.

Gewapende gewapende rowers het nie alleen hul slagoffers vasgebind en beroof nie, maar ook een seksueel aangerand.

Die rooftog het plaasgevind toe ondersteuners teruggekeer het na hul hotel in Nelspruit na afloop van die wedstryd tussen die Socceroos en Serwië.

‘n Australiese gas by die hotel, Steve Gaynor, het gesê vier Nigeriese mans met gewere en handwapens het nege toeriste, vyf van hulle Australiërs, terug na die hotel gevolg ná die wedstryd en aangeval in hulle kamers.

Gaynor, wat toerusting ter waarde van R66 000 verloor het wat gesteel is uit sy kamer, sê hy was in die kroeg ten tye van die aanval.

“Ons was salig onbewus van wat aangaan. Die arme mense is vasgemaak, en met ‘n wapen teen die kop aangehou en beroof.. My kamertjie is geplunder, maar gelukkig was ek nie daar toe hulle deur die venster gebreek het nie.”

Mnr Gaynor het gesê ‘n Australiër is seksueel aangerand.

Een van die slagoffers was ‘n Australiese federale polisiebeampte en het probeer om die ander tydens die rooftog kalm te hou.

“Hulle het kontant, juwele en horlosies van die mense wat hulle vasgebind afgeneem en selfone en skootrekenaars gesteel,” het Gaynor gesê.

“Ek dink hulle het geweet dat die Aussies in die hotel is, en hulle het ons geteiken. Al die toeriste wat aangeval is, was wit.

“Dit was roof met geweld. Een man het op die vloer gelê en die rower het met sy stewel op sy kop getrap en hom beveel om stil te lê of hy is dood – dit was ernstig.”

online slots no deposit bonusАлександр Фильчаков Васильевич

Zimbabwe verkoop lustig ‘bloeddiamante’

Britse koerante berig dat Zimbabwe steeds lustig “konflikdiamante” verkoop, in weerwil van die sogenaamde “Kimberley-proses” wat sekere minimum politieke vereistes vir diamanthandel bepaal.

‘n Aksiegroep het die pas afgelope vergadering van die Kimberley-proses in Tel Aviv as “die wederkeer van die bloeddiamant” beskryf, met verwysing na die Hollywood-prent “Blood diamond”.

Lede van die Kimberley-prosessertifiseringskema het vergader om te besluit of Zimbabwe aan die minimumvereistes voldoen het om weer met internasionale diamanthandel te begin, wat die land se sukkelende ekonomie ‘n  hupstoot van ongeveer $1 miljard per jaar behoort te gee.

Zimbabwe hou val dat die land aan die reguleerder se eise vir “skoon handel” voldoen, met ‘n onlangse positiewe verslag deur ‘n moniteerder. Maar burgerregtegroepe het afgevaardigdes na die vergadering versoek om Zimbabwe se skorsing te handhaaf weens menseregteskendings in die diamantveldgebiede, waaronder massamoorde op onwettige delwers. Volgens die menseregtegroepe maak soldate in Marange steeds gebruik van gedwonge arbeid, marteling en teistering.

Sulke oproepe het verhewig sedert die inhengtenisname van Farai Maguwu, ‘n klaer wat die beweerder gruweldade ondersoek het. Na bewering is Maguwu vermoor nadat lede van die gesin geslaan en aangehou is.

Daar heers ook vrese dat winste uit diamantuitvoere gebruik kan word om president Robert Mugabe se kontantarme Zanu-PF-party te befonds, ten koste van sy mededinger, die Beweging vir Demokratiese Verandering.

Burgeroorloë in Angola, Sierra Leone en die Demokratiese Republiek van die Kongo het in die negentigerjare die wêreld se aandag gevestig op die manier waarop  ongeslypte diamante, wat deur rebellegroepe gebruik word om oorloë teen hul regerings te finansier, in juwellierswinkels in Londen en New York kan opeindig. Die kwessie is in die Hollywood-film Blood Diamond uitgebeeld waarin Leonardo DiCaprio ‘n Suid-Afrikaner speel en waarin daar ook ‘n bietjie Afrikaans gepraat word.

Tien jaar gelede het ‘n VN-resolusie die Kimberley-proses geskep, wat ‘n gesamentlike poging van regerings, die diamantnywerheid – De Beers inkluis – en menseregtegroepe verteenwoordig om onwettige handel in diamante stop te sit. Dié veiligheidsmaatreëls het in 2003 in werking getree en na bewering is sogenaamde konflikdiamante van 15% tot minder as 1% van alle internasionale handel verminder.

Maar onwettige diamantverkope bly ‘n enorme probleem in lande soos Venezuela, die Ivoorkus, Guinee en Libanon. Verlede jaar het sewe aksiegroepe ‘n gesamentlike verklaring uitgereik waarin gewaarsku is dat die stelsel “daarin misluk om die kwessies van nie-nakoming, smokkelary, geldwassery en menseregtevergrype in die wêreld se spoeldiamantgebiede aan te spreek”.

Twee van die Kimberley-proses se leidende figure het bedank. Elly Harrowell, ‘n aktivis vir Global Witness, wat gehelp het om die stelsel te skep, het onlangs gesê: “Ná tien jaar, is die KP ‘n sukses of ‘n mislukking? Die proses het bepaald sekere indrukwekkende suksesgevalle oor die laaste tien opgelewer, maar ongelukkig sal ons moet sê die proses oor die afgelope paar jaar deur ‘n gebrek aan politieke wil in die wiele gery is.” Sy het bygevoeg: “Vanjaar kan ‘n maak-of-breek-jaar vir die Kimberley-proses wees.”

автоматическая насоснаяданильченко юрій Харків

Boer, werkers met die dood gedreig

‘n Boer van Kokstad, mnr. Allistar McDougal, het ‘n saak van intimidasie by die Polisie aanhangig gemaak nadat ‘n groep vermeende misdadigers ‘n nota met ‘n doodsdreigement by sy plaashek gelos het. Die nota eis dat McDougal en sy werkers binne een maand die plaas verlaat of vermoor word.

Luidens ‘n berig van die KwaZulu-Natalse Landbou-unie (Kwanalu) probeer die vermeende misdadigers McDougal van sy plaas verdryf deur sy eiendom te verwoes. Hulle het reeds 37 van sy beeste beseer waarvan agt uitgesit moes word en het ook al 150 bale hooi ter waarde van R45 000 verbrand.

“Ses maande nadat ek hier aangekom het, het hulle my melkery probeer verwoes en twee kalwers en ‘n perd met ‘n byl doodgekap. ‘n Ander perd is ook beseer. Hulle het ook my besproeiingstelsel probeer saboteer,” sê hy.

McDougal en sy werkers het sowat vier jaar gelede van Limpopo na Kokstad verhuis. Hy het eers plaaslike werkers gehuur, maar het hulle ontslaan nadat hulle laat en dronk op diens was, asook tydens werkure baklei het. Hysê die kwessie kan nie verwant wees aan ‘n grondkwessie nie want hy is nie bewus van enige eise op sy grond nie.

Mnr. Koot Marais van Kwanalu sê daar heers groot kommer oor die kwessie en sy organisasie sal met die Polisie saamwerk om McDougal en sy werkers se veiligheid te verbeter.

mastercard nummerФильчаков прокурор

Masseuse kla dat Al Gore haar betas

‘n Masseuse het voormalige visepres. Al Gore van “ongewenste seksuele kontak” beskuldig tydens sy besoek aan ‘n hotel in die stad in Oktober 2006, maar geen klagte is teen hom ingedien nie weens ‘n gebrek aan bewyse, het amptenare eergister gesê.

Die vrou se regsverteenwoordiger het die polisie laat in 2006 gekontak, het Michael Schrunk, prokureur-generaal van die distrik, gesê. Volgens Schrunk het die ongeïdentifiseerde vrou geweier dat speurders haar ondervra of dat daar met ‘n ondersoek voortgegaan word.

Sy het wel in Januarie verlede jaar ‘n verklaring by die polisie afgelê waarin sy beweer dat Gore gepoog het om met haar seks te hê tydens ‘n afspraak in die luukse Hotel Lucia in die middestad. Gore het na bewering as ene Stone by die hotel ingeteken.

Kalee Kreider, woordvoerder van die Gore-gesin, het gesê Gore wil nie kommentaar lewer nie.

Gore en sy vrou het op 1 Junie aangekondig dat hulle paaie gaan skei.

‘n Polisieverslag wat in 2007 voorberei is, lui dat die beweerde voorval omstreeks 14:00 op 24 Oktober 2006 plaasgevind het.

Die saak is in Januarie verlede jaar heropen en speurders het die vrou ondervra en vasgestel dat daar te min bewyse is om haar bewerings te staaf, het die Portland-polisie gesê. In ‘n transkripsie van die ondervraging wat die polisie uitgereik het, het die masseuse beweer sy het op versoek Gore se buikdeel gemasseer toe hy eis dat sy laer af masseer.

“Ek was geskok en het nie aan sy versoek voldoen nie. Hy het bly aandring en kwaad geword en hard begin praat. Ek was nog meer geskok toe ek besef hy eis seksuele gedrag van my.”

Volgens haar het Gore toe haar hand gegryp en dit na sy bekken probeer dwing.

Sy het voorts beweer hy het later gepoog om seks met haar te hê en het haar betas voordat sy uit sy greep losgekom het.

“Ek het nie dadelik die polisie gebel nie, want ek was bang daar word ‘n spektakel van my gemaak en dat my reputasie vernietig sou word. Ek was onseker wat om die polisie te vertel en was bekommerd dat ek nie geglo sou word nie omdat daar geen DNS-bewyse, soos van ‘n verkragting, was nie. Ek het nie eens geweet wat om dit te noem wat met my gebeur het nie.”

детские палатки купитьФильчаков прокурор харькова