praag.co.za

Category: Anton Barnard

Anton Barnard het ‘n Meestersgraad aan Tukkies behaal. Hy werk as ‘n demografiese statistikus en rekenaarkonsultant in Johannesburg, maar woon in Centurion. Van sy bydraes verskyn ook gereeld op LitNet.

  • In die volgende verkiesing gaan ek vir die ANC stem

    In die volgende verkiesing gaan ek vir die ANC stem

    Verbaas? Moenie wees nie.

    Charles de Gaulle het China gehelp om die atoombom te bou. Gevra waarom, het De Gaulle geantwoord dat hy presies gedoen het wat Napoleon gedoen het, naamlik om een vyand te versterk met ‘n strategiese doelwit teen ‘n ander, sterker vyand in die oog. Toe Frankryk tydens die Koue Oorlog met ‘n vyand, Rusland, gekonfronteer is, het De Gaulle se gee van die bom aan China vir die Russe as’t ware ‘n tweede kopseer, buiten die Weste, veroorsaak.

    Op hierdie stadium is daar twee partypolitieke vyande van die blanke en veral Afrikaners, waarvan die gevaarliker een die DA is. Die DA is nie sterker in terme van die aantal stemme wat hy kry nie, maar wel gevaarliker agv die skade wat die valse verwagtinge wat die DA skep, Afrikaners se saak berokken. Soos onder andere Dan Roodt anderdag geskryf het, is daar in terme van beleid en ideologie min te kies tussen die DA en ANC. Inteendeel; die DA is nie eens die ANC Lite nie, hy is sommer die ANC Concentrated. Die DA en ANC val byvoorbeeld oor mekaar om sogenaamde helde van die sogenaamde struggle vir hulself toe te eien. Wie weet; miskien word die tans werklose sogenaamde struggle-held Robert McBride nog die DA se verkeershoof in Midvaal, indien nie sommer burgemeester nie.

    Waarom die DA egter baie meer skadelik is as die ANC, is dat selfs die mees oningeligte blanke kieser baie goed verstaan waarmee hy te make het in die ANC. Julius en Jimmy maak geen geheim van hulle anti-blanke gevoelens nie. Die DA, daarenteen, is ‘n paaimiddel en fopspeen vir die blanke potpaddas, aan wie daar vertel word: “Julle kan – stem net DA!” Die meerderheid blanke kiesers wat vir die DA stem, het egter geen benul van die ware feite oor die DA se ideologie nie. Voer gerus die volgende eksperiment uit, as julle my nie glo nie: Wanneer jy en jou bure volgende keer om die braai staan en mor oor sportkwotas of regstellende aksie, vra vir hulle wie het vir die DA gestem. As jy dapper voel, noem dan dat die DA-stemmers logieserwys nie mag kla nie, siende dat hulle vir ‘n party gestem het wat regstellende aksie ondersteun en dat hulle self regstreeks skuldig is aan anti-blanke diskriminasie en rassisme.

    Meeste blankes het veral nie enige begrip vir die demografiese realiteite van Suid-Afrika nie, om nie te praat van die stempatrone onder Afrikane nie. Robert Mugabe word nie slegs verkies omdat hy verkiesings bekook nie. Baie Sjonas in Zimbabwe stem steeds vrywillig vir hom. Negentig persent van swartes het onbeskaamd vir Obama gestem in die VSA. Swartes, anders as blankes, het geen gewetenswroeginge daaroor om vir hul eie ras te stem nie. Die links-liberale media (is daar enige ander soort in SA?) het dus die DA se blatante leuens baie suksesvol aan blanke Afrikaners oorgedra, wat gelui het dat die DA kwansuis Pretoria en Johannesburg, asook byvoorbeeld Potchefstroom, sou kon beheer, as alle blankes net sou saamstaan. Indien nie met 2011 se verkiesing nie, dan in 2014. Dit was en bly loutere snert, en kom neer op die doelbewuste misleiding van die blanke kieser.

    Die werklikheid oor die pas afgelope verkiesing is bloot dat die DA kleiner partye met sy doelbewuste veldtog van waninformasie gekannibaliseer het en dat Manyi se uitlatings bykans al die bruin kiesers in die DA se kraal gejaag het, maar nie hond haaraf kon maak in die noorde van die land waar die groot meerderheid blankes en Afrikaners woon nie. Daar is geen salf te smeer aan ‘n 85 tot 95% swart meerderheid in baie gebiede in die noorde van die land nie, en ook nie aan Afrikane se stempatrone nie. Die DA kan slegs wen waar blankes plus bruines ongeveer dieselfde aantal of meer kiesers het as wat daar swartes is, dws meestal in die Weskaap. Selfs die DA se oorwinning in Soweto, waarop die DA so trots is, was in ‘n kieswyk wat deels in ‘n kleurlinggebied was. Om dit in perspektief te stel: Selfs al het ál die VF+ se 150 000 kiesers van 2009 na Pretoria verhuis, en almal DA gestem, sou die ANC steeds in Pretoria gewen het. Die waarskuwings téén kleiner partye was kennelik effektief as politieke strategie om kiesers te mislei om vir die DA te stem, maar het op dees aarde niks aan die lot van blanke kiesers in Pretoria, Johannesburg, op die Oos- of Wesrand, in Durban, Potchefstroom, Bloemfontein of bykans elke ander plek buite die Weskaap gedoen nie, ook nie eens in Port Elizabeth nie, die DA se propaganda ten spyt. Die DA kan ook nie op nasionale vlak wen nie, want tagtig persent van die nasionale kieserskorps is swart.

    Soos die Nazi’s egter baie effektief getoon het, word ‘n leuen wat oor en oor herhaal word, byvoorbeeld dat die DA binne jou of my leeftyd die land sal regeer, mettertyd vir die waarheid aangesien. Sodoende word die blanke die valse versekering gegee dat, as hy net lank genoeg vasbyt, daar hoop is vir hom as blanke op ‘n beter toekoms. Dis eenvoudig nie waar nie. Die DA gaan nie binne ons leeftyd ‘n verkiesing wen nie, selfs al maak hy een van sy sogenaamde struggle-helde (Robert McBride?) die leier. Die DA sal moontlik elke keer ‘n paar persentasiepunte steun kry, of miskien effens krimp soos wat die bruines van Manyi se beledigings vergeet, maar die fopspeen van “Ja, ons kan, volgende keer!” gaan telkens in die blanke kieser se mond gestop word om hom te paai.

    Bostaande is presies waarom ek volgende keer, as ek gaan stem, eerder vir die ANC sal stem. Dit sal my klein, eenman- strategiese bydrae wees om blankes van hulle wanopvattings oor die demografiese en politieke realiteit van Suid-Afrikaanse te genees en om ‘n bietjie broodnodige skokterapie toe te pas.

    casino games with free bonustopcargo кидалы

  • Ernstige skrywers en liberale dubbele standaarde

    Die geskree wat opgegaan het oor Steve Hofmeyr se gewraakte liedjie wat die k-woord bevat, kon mens seker verwag. Jy sal dit natuurlik te wagte wees van Malema en kie, wat g’n tyd sal verspil om uit te wys dat Steve ook opruiende liedjies sing nie, en wat probeer om hul gewelddadige liedjies met Steve se vreedsame een te vergelyk. Dit is egter die blanke liberale, spesifiek dié in Afrikanergeledere, wie se geweeklaag oor die liedjie my intens irriteer, en meer spesifiek hulle growwe dubbele standaarde.

    Die selfaangestelde “ernstige” skrywer, Charles Malan, skryf vandag byvoorbeeld ‘n brief aan Beeld wat onsamehangend dwaal van klagtes oor die literêre gehalte van Steve se lirieke (hy kla oor die keuse van rymwoorde in die liedjie), tot by ‘n geweeklaag dat Steve hom wat Malan is, glo nie verteenwoordig nie. As ek ‘n oomblik mag afdwaal, wonder ek wie en wat ‘n “ernstige” skrywer presies is, iets wat Malan beweer hy is. Is dit iemand wat liberale hoogheilighede kwytraak op sy woordverwerker met die nodige vrome uitdrukking op sy gevreetjie, met sy studeerkamer se mure behang met portrette van Ho Chi Minh, Marx, McBride en Mandela?

    In gister se Rapport betreur Frans Cronjé, van die Suid-Afrikaanse Instituut vir Rasseverhoudinge, ook Steve se liedjie in ‘n ope brief aan Steve. Volgens hom besef blankes nie hoe kwansuis bevoorreg ons is nie. Dit lei onmiddelik tot die vraag: Bevoorreg in vergelyking met wié? Ons blanke eweknieë in Europa, die VSA of Australië, wie se per-capita inkomste en persoonlike veiligheidssituasie ons Afrikaners s’n meestal bra sleg laat lyk? Mnr Cronjé beskryf homself as ‘n liberaal in sy ope brief.

    In albei die bogenoemde voorbeelde maak die “ernstige” skrywer asook die liberaal hulself skuldig aan lui denke en die gebruik van ‘n cliché wanneer hulle Steve onmiddelik met Julius Malema gelykstel. Nee, menere Cronjé en Malan, dit gaan eenvoudig nie op nie. Julle as liberaal en “ernstige” skrywer onderskeidelik behoort julle te skaam oor julle luiigheid. Malema beveel in sy liedjie aan dat die Boere (witmense, dus) doodgemaak moet word. Ek daag enige “ernstige” skrywer of liberaal uit om vir my ‘n aanhaling van Steve te bring waarin hy enige iemand doodgemaak wil hê. Daar is dus geen vergelyking tussen Steve en die ANCYL se liedjie te tref nie.

    En, terwyl ons nou oor die ANCYL se liedjie praat, is die sentimente wat in die “Kill the Boer” uitgespreek word, geensins oorspronklik aan Julius Malema nie. Sy illustere voorganger, Peter Mokaba, het dit ook gesing, en is daarvoor beloon met ‘n sokkerstadion in Pietersburg wat na hom vernoem is. Gaan kyk ook gerus op Youtube hoe lustig sing die Xhosa-godjie, Mandela, saam met “Kill the Boer”, lank voordat Malema eens op die toneel was. Wat die “ernstige” skrywers en liberale probeer doen, is uiteraard om te probeer voorgee dat die drang om Boere uit te wis slegs eie aan ekstremiste soos Malema is, en nie die ganse ANC nie. Die realiteit is natuurlik anders; ook Mandela is deel hiervan, en dus is dit redelik om aan te neem dat die wens om blankes uit te wis, ‘n wydverspreide ANC-gevoel is, en nie beperk tot ekstremiste nie. Kyk ook wie binne die ANC het Malema in sy hofsaak bygestaan.

    Voorts beweer albei die briefskrywers dat Steve nie namens hulle praat nie. Vir Cronjé is Steve ‘n verleentheid. Ek verkeer in ernstige versoeking om hulle gelyk te gee; duidelik praat die ANC namens hulle, te oordeel aan hulle sikofantiese, anti-blanke sienings. Die probleem is egter dat dit eweneens van die luiste denke aan hulle kant spreek. Waar het Steve ooit gesê hy is ‘n leier en praat namens Afrikaners? Bring vir my asseblief ‘n aanhaling waar Steve homself as’t ware kroon as Afrikaner-keiser?

    Hulle maak hulself aan nog ‘n cliché skuldig deur te beweer dat ‘n oog vir ‘n oog nie werk nie. Volgens hulle kan rassisme nie deur rassisme beveg word nie. Die beste voorbeeld van vooroordeel wat ek byna daagliks sien, is terloops daai einste liberale en “ernstige” skrywers wat enige teenstand teen die gefaalde reënboognasie onmiddelik as “regs” en dus agterlik wil afmaak, maar hoe dit ook al sy. Nou goed, ek sal toegee dit dien nie veel van ‘n doel om Malema die k-woord toe te snou nie, maar nie een van die skrywers maak ‘n voorstel oor wat ons dan anders moet maak nie. Hoe anders keer ons 3,000 plaasmoorde en sowat 50,000 swart-op-wit moorde sedert 1994, om nie te praat van institusionele rassisme soos regstellende aksie wat teen ons gepleeg word nie? Hulle liberale, askies-ek-leef, multi-kulti benadering het ons op dees aarde niks gehelp oor die afgelope 17 jaar nie, en is duidelik teenproduktief. Bes moontlik sien die ANC en swartes hierdie askies-ek-leef houding as ‘n teken van swakheid. Ek sou graag van “ernstige” skrywers en liberale wou verneem hoe bevry Afrikaners onsself dan van die geweld en swart-op-blanke rassisme van die Nuwe Suid-Afrika, of meen julle dat dit vir ons ‘n voorreg is om teen ‘n koers van een boer per week op plase uitgewis te word, of vir ons kinders om 30% meer as swart studente te moet behaal om eens ‘n plek op universiteit te kan kry?

    Laasgenoemde bring my by my grootste probleem met hierdie twee here, asook ander liberale klaers, naamlik hulle anti-blanke eenogigheid en dubbele standaarde. Vreemd, maar ek het nog nooit ‘n brief van Frans Cronjé aan Mandela gesien wat kla omdat laasgenoemde op Youtube sing Kill the Boer nie. Het Charles Malan al een van sy ernstige skrywes gerig aan een van die vele ANC-rassiste? Waarom nie? Waarvoor is julle bang, menere Cronjé en Malan? Waarom slegs op sogenaamde blanke rassisme fokus, terwyl dit glashelder is dat blankes vandag aan die ontvangkant van die meeste rassisme in Suid-Afrika is, onder andere regstellende aksie en rassisme van die gewelddadige soort, soos plaasmoorde?

    Vandag begin die verhoor van die Potgieter-gesin se moordenaars in Bloemfontein, ‘n skokvoorval van ongebreidelde swart-op-wit rassehaat, wat geëindig het toe ‘n swart barbaar ‘n driejarige blanke dogtertjie aan die hare opgetel het en deur die kop geskiet het. ‘n Skitterende geleentheid, dus, vir menere Malan en Cronjé om die wydverspreide, gewelddadige swart-op-wit rassisme te veroordeel. Nietemin is die stilte van die Malans en Cronjé’s van hierdie wêreld oor die Potgieter-moord en soortgelyke gevalle dawerend.

    Deur die enorme probleem van dikwels gewelddadige swart-op-wit rassisme bykans totaal te ignoreer, en slegs te bly fokus op die relatief klein en krimpende probleem van blanke rassisme (dis nie bendes blankes wat huise in Soweto binneval en die inwoners uitwis nie) is liberales en “ernstige” skrywers toenemend besig om hul gebrek aan voeling met die oplaaiende woede in blanke geledere, asook hul persoonlike irrelevansie, te bevestig.

    сухие строительные смеси производстволобановский александр игоревич харьков

  • Gee my Biko bó Zille

    Zuma en ZilleEk was ‘n jong seuntjie in 1976 toe die Soweto-onluste losgebars het. My pa-hulle se skok en bekommernis oor die onluste het nietemin ‘n indruk op my gemaak. Dit was vir my pa-hulle se geslag ‘n kultuurskok, die gedagte dat die eens magtige vorige bedeling so openlik uitgedaag kon word. In ‘n geweldige  stuk ironie was Hector Pietersen se dood egter ook vir die ANC ‘n skok. In 1976 was die ANC geneutraliseer en bykans irrelevant. Die vorige regering se sekerheidsmagte was gedissiplineerd en effektief, anders as vandag se misdadige, korrupte polisie.

    Die ANC is dus, nes my pa-hulle, onverhoeds betrap deur die skielike oplewing van swart nasionalisme, want dit is wat dit was; ‘n kawolt teen Afrikaans in skole, wat tekenend was van ‘n herlewing in swart bewussyn. Tog was die ANC in 1976 irrelevant en uit voeling met die swartes op voetsoolvlak. Die vorige bedeling se sekerheidsmagte het die ANC doeltreffend geneutraliseer. Ek weet nie presies wat Hector Pietersen gemaak het om sy heldestatus te verdien nie; op die oog af het hy stokkies gedraai by die skool en deelgeneem aan anargie in 1976, waarvoor hy toe deur die polisie geskiet is. (Hy was ‘n omstander wat per ongeluk in die spervuur beland het – redakteursnota). Al was hy kwansuis ‘n held, was hy egter geen ANC-held nie, maar eerder ‘n BCM-held.  

    Die eintlike vader van die onluste in Soweto was dus nie die vetkatterroriste van die ANC wat in luukse ballingskap in Londen of Oosbloklande gesit en vetweefsel opbou het met behulp van die donasies van pienk-gesinde Europese donateurs of Westerse sakelui nie, maar eerder Steve Biko, ‘n Xhosa-nasionalis wat in 1977 in polisie-aanhouding dood is. Biko se Black Consciousness Movement of BCM het ‘n leidende rol in die Soweto-onluste gespeel, en nie die ANC se onbevoegde, vetkat-exiles of terroriste nie. Die ANC was salig onbewus hiervan, omrede die ondergemiddelde Tambo en Sisulu geen Ché Guevaras was nie, maar eerder sissies wat ‘n lekker lewe in Londen geniet het.

    Biko is vir my ‘n interessante figuur. Hy het byvoorbeeld vlot Xhosa, Engels en, verbasend genoeg, ook goeie Afrikaans gepraat.  Biko was eens deel van die Nasionale Unie van Suid-Afrikaanse Studente (NUSAS), maar het later besluit dat wittes nie regtig kon bydra tot die swartes se stryd om bevryding nie en het toe ‘n ander organisasie, SASO, gestig, wat nie blanke lede gehad het nie. Dus: Die huidige propaganda en leuens oor nie-rassigheid en reënboognasie-eenheid het alreeds in die vroeë jare sewentig en selfs die sestigs vir Biko, ‘n swarte, na ‘n wanklank geklink. Wat vir my eweneens interessant is, is dat Biko se destydse houvrou, Mamphele Ramphele, vandag een van die ANC-bewind se felste kritici is. Dit was me. Ramphele wat gemeen het dat Bantoe-onderwys beter was as die huidige, mislukte Suid-Afrikaanse onderwysstelsel.

    Alhoewel Biko onverbiddelik gekant was teen die vorige bedeling, kan ek veel meer met hom simpatiseer as met die huidige trop leuenaars en bedrieërs wat die evangelie van nie-rassigheid aan ons prober smous;  vanaf die kriminele ANC tot by die eweneens bedrieglike wit Black Sash-antie met haar afstootlike en vernederende gedansery, haar Botox-boogie, die DA se Helen Zille. Die ANC en sy Engelse meelopers, die DA van Botoxzilla en kie., was en is bloot die voortsetting van die Britse Imperialisme onder ‘n ander naam. Dit was nie om dowe neute dat die terroriste van die ANC in Londen gaan wegkruip het nie en ook nie om dowe neute dat Engelse sendingskole in die Ooskaap die alma maters van o.a. Mandela, Sisulu en Tambo, was nie.

    Ek is dit eens met Steve Biko: Daar is geen skande daarin om bewus of trots te wees van wie en wat jy is nie, veral as jy nie ‘n Britse, imperialistiese na-aper is nie. Maak nie saak of Afrikaners of Xhosas foute het nie, Afrikaners en Xhosas kan albei bewus wees van wie hulle is en trots wees op wie hulle is. Biko en Malcolm X se swart bewussyn het gegaan oor swart bewussyn en swart trots. Alhoewel ek nie met Malcolm X se anti-blanke denkwyses saamgestem het nie, kan ek dit begryp, want ten spyte van Afrikaners se foute, is ek steeds trots Afrikaner, nes Steve Biko of Malcolm X trots swart was.

    Die teenpool van Malcolm X, Hendrik Verwoerd en Steve Biko se volkstrots en nasionalisme is uiteraard die “touchy-feely”, malvalekker-sagte Britse liberalisme en reënboog-idealisme, die soort wensdenkery wat Botoxzilla se DA en die ANC se intellektuele inspirasie is, maar wat uiteindelik ten doel het om die Britse imperialisme, wat deesdae weliswaar minder blatant is, te bevorder.  Volgens hierdie ideologie is almal presies dieselfde onder die enjinkap, het nasionalisme geen plek nie, en is dit moontlik vir die inwoners van Bosnië en Serwië, Soweto en Lynnwood, of die Vlaminge en die Wale, om ewigdurende groot maats te wees, ja, amen! Die erkenning van verskille tussen volke is volgens die Britse neo-imperialistiese ideologie – vandag vergestalt in die religie van nie-rassigheid en anti-rassisme – dus taboe. Almal moet eenvoudig inval by die model van multikulturalisme, al lei dit onafwendbaar tot konflik of burgeroorlog.

    Die probleem wat ek met die liberale leuenaars het, of dit nou die ANC, Amerikaanse liberale of Botoxzilla se DA is, is dat hulle eenvoudig verseg om eerlik te wees oor hulle ware oogmerk, en daardie oogmerk handel onafwendbaar oor geld, nes die Anglo-Boereoorlog ook oor geld gehandel het. Daar is, waar dit by die drogideologie van die sogenaamde reënboognasie en multikulturalisme kom, hoegenaamd geen verskil tussen die DA en ANC nie.

    Beide die DA en die ANC sal byvoorbeeld hoog opgee oor die blatante liegery bekend as sogenaamde diversiteit, maar soos ons met die DA in Kaapstad gesien het, beteken diversiteit in die praktyk glad nie wat dit op die oog af sou aandui nie. Afrikaanse straatname is dus deur die DA etnies gereinig, terwyl die Engelse, koloniale straatname net so daargelaat is. Hoe divers van die Engelse DA-Jingo’s! Die onaansienlike, ingeteelde Engelse koningin Victoria se naam pryk gevolglik steeds in Kaapstad by die V&A (Victoria and Albert) Waterfront, maar Hendrik Verwoerd se standbeeld word etnies gereinig deur die DA-bewind in die Midvaal-munisipaliteit.  Weer eens: Hoe divers van die DA-beheerde Kaapstadse stadsraad. Vir die leuenaars van die multi-kulti-DA beteken diversiteit dus slegs een ding:  ‘n Onverbiddelike verengelsing ten koste van al die ander kulture en tale.

    Daar is slegs een, onheilspellende doel agter die DA se blatante etniese reiniging van Afrikaners se kultuur en geskiedenis, en dis om Engelse sakelui se opportunistiese sakebelange te bevorder, deur enige sprake van Afrikaner- en ander nasionalisme of -selfbeskikking in die kiem te smoor. Die teikening van Afrikaners se taal en kultuur, soos met dr Verwoerd se standbeeld in Meyerton, is ‘n goedkoop manier om hierdie doel te bereik. So ook steun die DA slegs rassistiese regstellende aksie ten einde Britse sakelui terwille te wees. Soos die Engelse gesegde lui: “Follow the money!”  

    Dit gaan dus suiwer oor geld en die verryking van SEB-vetkatte of Britse sakebelange en in die Suid-Afrikaanse konteks lyk dit al te veel of SEB en Engelse sakebelange dieselfde ding is.  Gaan lees gerus Moeletsi Mbeki, Thabo se broer, se verdoemende boeke oor die sameswering tussen Engelse kapitalisme en die ANC.

    Gee my enige dag ‘n eerlike Steve Biko, bó ‘n multikulti-leuenaar met verskuilde, pro-Engelse oogmerke soos Botoxzilla en haar DA.  Dit sou bes moontlik beter gewees het om eerder ‘n Kodesa met iemand soos Biko te onderhandel het, wat minstens op ‘n eerlike grondslag gebou sou wees. Wie weet? Miskien sou ‘n Kodesa met Biko-hulle, ipv die ANC en sy Britse meesters, gelei het tot ‘n meer volhoubare, Xhosa / Zoeloe-Ooskus / Westerse verdeling van Suid-Afrika.

    mositaldentФильчаков прокурор харькова

  • Terrorisme: die ANC se suksesresep

    Die nuus dat Osama Bin Laden tien jaar ná die aanvalle op 9 September 2001 gedood is, is allerweë met blydskap in die VSA ontvang. As ‘n Suid-Afrikaner met bittere en voortgesette ervarings van terreur, vind ek dit egter moeilik om in die VSA se vreugde te deel. Bin Laden het weliswaar ‘n paar duisend Amerikaners gedood, maar blanke Suid-Afrikaners word deur ‘n terroristebeweging geregeer, uitgemoor, besteel en onderdruk. 

    Die probleem is dat terrorisme dikwels uiters winsgewend asook suksesvol is, soos vir die ANC. Enkele van die redes is:

    • Dis goedkoop om terreur te pleeg. Die sogenaamde moeder van die nasie, die veroordeelde ontvoerder en bedriegster, Winnie Mandela, het dit goed geïllustreer deur te sê dat sy en haar mede-gespuis die land sou bevry met bloot ‘n dosie vuurhoutjies en ‘n brandende buiteband of twee. Maatreëls om terreur te beveg, daarenteen, is dikwels geweldig duur.
    • Terreur hoef nie ‘n militêre oorwinning te bereik of selfs militêre teikens aan te val nie. Die lafhartige bomplanter, Robert McBride, was byvoorbeeld te onnosel om eens sy bom in die regte kroeg te plant, maar dis opmerklik dat hy ‘n kroeg en nie byvoorbeeld die militêre basisse in Durban geteiken het nie.
    • Terrorisme is asimmetries. Diegene wat terreur probeer bekamp, moet die heel tyd suksesvol wees. Terroriste hoef slegs een keer gelukkig te wees.

    En dan natuurlik die sukses wat terreur dikwels kan bereik. Mens hoef nie verder na ‘n voorbeeld hiervan te soek as Suid-Afrika se eie Al-Kaïda, die ANC, nie. Die ANC was en is steeds niks anders as ‘n terreurbeweging nie. Margaret Thatcher het hulle destyds akkuraat as terroriste beskryf en niks het sedertdien verander nie. Die Xhosa-afgodjie, Mandela, is tronk toe gestuur agv sameswering om terreurdade te pleeg. Hy het jare later, vanuit sy tronksel, die Kerkstraatbom goedgekeur, waarin 19 mense, waaronder 8 swartes, op lafhartige wyse vermoor is. Mandela is eers relatief onlangs deur dieselfde CIA wat tien jaar geneem het om Bin Laden op te spoor van die CIA se eie lys van terreurverdagtes verwyder.

    Vir sy geweldige heldedaad is die beplanner, Aboobaker Ismael, met ‘n senior pos in die Reserwebank beloon. Mandela self, wat tot vandag toe nog nie geweld afgesweer het nie, het selfs ‘n Nobelprys vir sy eie terrorisme ontvang. Só suksesvol was die ANC se terrorisme dat hulle tydens die skandelike kapitulasie by Kodesa die rykste land in Afrika gegee is om na hartelus te plunder. Al wat dit hulle gekos het, was ‘n paar buitebande, kleefmyne en ‘n paar MK-pionne wat hulle in die proses moes afstaan.

    Enige iemand wat steeds twyfel aan presies hoe suksesvol terrorisme as strategie vir die ANC was en steeds is, hoef slegs na Julius Malema se onlangse terreurdreigement wat teen plaasboere gerig is, te luister. Volgens Malema sal plaasmoorde ophou as die boere 80% van hul grond aan swartes oorhandig. Daarmee erken Malema dus in soveel woorde dat daar ‘n doelbewuste terreurveldtog teen plaasboere gevoer word, met die jongste skokvoorval waartydens ‘n boer geskiet en toe agter ‘n bakkie gesleep is. Mens kan ook nie anders as om die gevolgtrekking te maak dat die 3 000 en meer plaasmoorde tot op hede deur die ANC gekoördineer word nie. Dit is niks anders as ‘n voortsetting van ‘n die ANC se terrorisme wat al vir meer as vyftig jaar woed nie. Waarom sou die ANC ophou? Ons mede-Westerlinge sal nie ‘n vinger verroer nie, omdat dit skynbaar aanvaarbaar is as swart terroriste ‘n skrikbewind teen blankes voer. 

    Is dit dus nie geweldig ironies dat die VSA tans jubel oor die dood van Bin Laden nie, terwyl die einste VSA vriendelike diplomatieke betrekkinge handhaaf met ‘n sielsgenoot van Bin Laden, die ANC, nie?

    ф.086-уДанильченко Юрий прокурор

  • DA-wensdenkery

    DA-wensdenkery

    Die volgende onverkwiklike storie is al te bekend vir die Suid-Afrikaanse belastingbetaler: ‘n Swart, linkse voormalige politieke aktivis, bekend vir sy uitspattige lewenswyse, word die burgemeester van ‘n groot stad. Wanbestuur en korrupsie word onafwendbaar endemies in sy stad. Die burgemeester se volslae onbevoegdheid en inderdaad onnoselheid word legendaries. Hy het self ‘n blouligkonvooi wat groter is as die president s’n was, gehad. Toe hy aangevat word daaroor, kon dit net sowel ‘n ANC-politikus aan die woord gewees het: “People have criticized me because my security detail is larger than the president’s. But you must ask yourself: are there more people who want to kill me than who want to kill the president? I can assure you there are.”

    Hy word tydens sy ampstermyn in hegtenis geneem vir die besit van onwettige dwelms en word vir ses maande tronk toe gestuur. Sy reaksie, soos ons nou al almal kon voorspel, is om die rassekaart te speel: “The laws in this city are clearly racist. All laws are racist. The law of gravity is racist.”

    Bostaande skobbejak kon enige African National Corruption-ampsdraer wees, maar eintlik was hy die burgemeester van Washington, DC, Marion Barry. Sy onbekwaamheid, korrupsie en arrogansie word daagliks duisende keer dwarsoor die aardbol herhaal, vanaf Haïti tot in Pretoria.

    Die punt wat ek wil maak is egter nie oor swart regering nie, want dis ou nuus vir Praag se lesers. Ons word daagliks deur die deprimerende nagevolge van ‘n terroristiese, korrupte, onbekwame swart regime (is daar enige ander soort?) gekonfronteer. Dit gaan eerder oor die ongegronde optimisme van die DA en sy ondersteuners oor dié party se vooruitsigte in die komende verkiesing. Byna elke dag groei hierdie optimisme. Botoxzilla meen byvoorbeeld dat die Noordkaap binne bereik is van die DA. Enkele dae gelede basuin The Star uit dat die DA Johannesburg kan wen. Tim du Plessis, ‘n naïewe baba in politieke terme, meen dat die swartes vir die DA sal begin stem omdat hulle van Botoxzilla se eenvrou-Kaapse Klopse gedansery hou, bid jou aan! Die koerante is vol briewe van DA-lofprysers wat meen dat die DA ‘n goeie kans staan, omdat die swartes sien hoe bekwaam die DA Kaapstad regeer en in hulle massas vir die DA sal stem.

    Met al hierdie ongegronde optimisme vlieg die werklikhede van die land se demografie by die agterdeur uit. Aarde aan die DA: Julle gaan nié, herhaal nié, hetsy Johannesburg, hetsy Pretoria in die verkiesing op 18 Mei verower nie. Die DA se steun het inteendeel in die vorige twee verkiesings in Pretoria gedaal van 30% na 26%. Julle gaan hoogstens effens beter doen in gebiede met groot hoeveelhede bruines, byvoorbeeld Eersterus of Eldorado Park nav my gimnasium-vriend Jimmy Manyi se gewraakte uitlatings, maar verkiesings in SA sedert 1994 is en bly rasse-sensusse.

    Gevolglik het die DA per definisie ‘n boonste limiet aan die aantal stemme wat hy ooit nasionaal sal kan verower, en dis ‘n funksie van die aantal bruin en blankes in die land. Ja, enkele verdwaalde swartes sal vir die DA stem, nes daar ook blanke kalkoene is wat vir ‘n ANC-Kersfees stem. Dus: In sy huidige vorm, met ‘n kliek van Engelse Jingo’s aan die hoof van die DA, sal die DA permanent ‘n opposisieparty met hoogstens 20% van die nasionale steun bly.

    Teen hierdie tyd kook die DA-gesinde leser se bloed al. Nee, sal hy sê, die DA is nie net ‘n wit en bruin (cappuccino?) party nie. Hy is die mees diverse party in die land, sal meneer die DA-ondersteuner argumenteer. Die DA-ondersteuner glo vas dat swartes in rasionele eiebelang sal optree, en dat die swart kiesers sal kyk na die DA se rekord in Kaapstad van goeie dienslewering. Helaas is die realiteit anders; daardie einste klipgooier wat die biblioteek in Standerton afgebrand het, gaan op 18 Mei weer ANC stem. Diegene wat meen die swart kieser tree in rasionele eiebelang op nie, maak so vanuit ‘n Westerse oogpunt. Dit spreek van ‘n wanbegrip van die Afrika-psige, iets wat ek kennelik ook nie verstaan nie. Wat vir my as Westerling rasioneel is, soos om vir iemand anders te stem as ek ontevrede is met dienslewering, is klaarblyklik nie vir die Afrikaan logies nie. Ek verstaan byvoorbeeld ook nie waarom jy, wanneer jou trein laat is, die waens aan die brand steek nie, en sodoende sorg dat daar vir die volgende paar dae ook nie treine gaan wees nie. Soos ek in ‘n vorige rubriek uitgewys het, stem die swart stemvee moontlik vir die ANC omdat die ANC homself omvorm het van ‘n terreur-beweging na ‘n reuse, misdadige personeelagentskap.

    Kom ons veronderstel egter die DA slaag daarin om homself in ‘n meerderheid-swart party te verander. Dis immers die openlike doel van die DA. Hoe gaan dit in jou as blanke se belang wees? Vir die DA om swart steun te kry, sal hy beleidsrigtings moet aanneem wat lynreg teen jou as blanke se belange is, byvoorbeeld regstellende aksie. Die DA ondersteun inderdaad reeds die rassisme bekend as regstellende aksie en transformasie. Waar was die DA by die saak teen die SAPD gevoer deur kaptein Renate Barnard en Solidariteit? Gaan ‘n meerderheid-swart DA nie bloot meer effektief wees daarmee om rassisme teen jou as blanke te pleeg nie?

    Goedkoop anti-Afrikaner optrede soos naamveranderinge is gewild onder die swart kiesers, en dus het die DA gevolglik ook so begin optree. Om swart steun te werf, het die DA gegaan en Afrikaanse straatname in Kaapstad etnies gereinig, maar terselfdertyd sy lojaliteit aan die Britte verklap deur Engelse, koloniale name net so onveranderd te laat. Tot vandag toe weier die DA om teen die naamverandering van Pretoria na Aapstat te stem, weer eens om na swart steun te vry. Kortom: Vir die DA om sy eie droom te verwesentlik, sal hy homself moet transformeer in ‘n rassistiese, anti-blanke, “lite” weergawe van die ANC, wat presies dieselfde rassistiese maar gewilde beleidsrigtings as die ANC sal moet aanneem. Iemand moet tog vir my verduidelik hoe dit my as blanke tot voordeel sal strek as die weliswaar-doeltreffende bestuur van Kaapstad omgesit word in veel meer doeltreffende rassistiese transformasie, regstellende aksie en die veel meer effektiewe moord op Afrikaans. Bogenoemde effektiwiteit sal egter gou uitgewis word deur al die nadele wat inherent deel is van ‘n swart regering.

    Wanneer die DA getransformeer is na net nog ‘n swart party, wat maak ons enigsins dink ‘n swart DA-regering sal anders wees as Marion Barry se regering in Washington, DC, die Zanu-PF of die ANC?

    bridal head accessoriesДанильченко Юрий отзывы

  • Viva kameraad Blade!

    Onder normale omstandighede vind ek dit moeilik om kameraad Blade Nzimande, daardie opperste nar en kaviaarkommunis, ernstig op te neem. Dis bietjie dik vir ‘n daalder om van agter jou miljoenrandmotor se stuur vir die arm voetgangers wat jou blouligkonvooi van die pad gedwing het, te wil preek oor ‘n klaslose samelewing. Tog bevind ek my in die vreemde posisie dat ek vir die tweede keer in ‘n paar dae met ‘n lid van die drieparty-alliansie saamstem. Eers was dit met Julias oor die verleentheid wat Helen Zille se eenvrou-Kaapse Klopse vir ons almal wat dit moes aanskou, was. Nou gaan dit oor kameraad Blade se voorstel dat almal inheemse tale op universiteit moet bestudeer. Kameraad Blade se voorstel kort egter heelwat dinkwerk en gaan nie naastenby ver genoeg nie.

    Met ‘n inheemse taal bedoel die kameraad ongetwyfeld ‘n swart taal, dws een wat van die Bantoetaalgroep afstam. Afrikaans is egter net so ‘n inheemse taal as wat enige een van die Bantoetale soos Zoeloe of Xhosa is. As dit gaan oor tale wie se stamtaal buite die land se grense ontstaan het maar binnelands verder ontwikkel het, behoort die Bantoetale, naas Afrikaans, ook aan ‘n taalgroep wat sy wortels duisende kilometer van hier gehad het, in Sentraal- en Wes-Afrika, maar wat binnelands verder ontwikkel het tot nuwe tale.  Die stam van die Bantoetale is hiernatoe gebring deur die Bantoe-immigrante wat die plaaslike mense ontset, uitgemoor of geassimileer het. Die enigste ware Suid-Afrikaners, as immigrasie dan die maatstaf sou wees, is die Koi- en San-mense. Dan sou kameraad Blade noodwendig daarop moes aandring dat studente moes leer wat “!ke e: /xarra //ke” beteken (“Ek laaik BMW’s kwaai.”)

    Gevolglik het ek geen probleem hoegenaamd daarmee dat my kind eendag ‘n inheemse taal, naamlik Afrikaans, ook op universiteit hoef te bestudeer nie.

    Voorts gaan kameraad Blade se voorstelle hoegenaamd nie ver genoeg nie. Slegs ‘n breukdeel van almal wat Graad 1 binnegaan, beland uiteindelik op universiteit. Myns insiens moet alle leerlinge, van Graad 1 af, nie net inheemse tale soos Afrikaans bestudeer nie, maar sommer ook in inheemse tale moedertaalonderrig in ál hulle vakke ontvang.

    Dit is sommer snert dat die meeste swart kinders so moet sukkel met die taal van die koloniale onderdrukker, indien nie die Antichris nie, Engels, in hul skole. Die gesukkel met die uitheemse, imperialistiese Engels het ongetwyfeld ‘n nadelige uitwerking op die matriekslaagsyfer. Ons almal, wit en swart, behoort aan te dring op moedertaalonderrig in Zoeloe, Tswana, Venda of Afrikaans, en Engelse onderrig oorlaat aan antie Helen se stemvee, die enkele ryk soutsakke in die noordelike voorstede van Johannesburg.

    Kameraad Blade se nuutgevonde entoesiasme vir inheemse tale behoort uiteraard ook na die universiteite uitgebrei te word. Basta met imperialistiese, koloniale Engelse universiteite! Daar behoort minstens 3 Afrikaanse universiteite, 3 Zoeloe-universiteite asook ‘n paar Sotho- en Tswana-universiteite te wees, waar alle onderrig in een van die bogenoemde tale geskied. Miskien kan die ryk Engelse UCT kry, maar dit behoort streng oor moedertaaldemografie te gaan.

    Nooit gedog ek sou dit sê nie, maar viva kameraad Blade se verbintenis tot inheemse tale!

    штукатурка цементная ценаЛобановский

  • Mea culpa, blommetjies

    Corrie van Zyl, die verwelkte blommetjies se afrigter, is glo kwaad omdat die publiek sy span verstikkers noem. Volgens Van Zyl lei die publiek se negatiwiteit tot die bykans twee dekade-lange wanprestasie van die blommetjies by ‘n iedere en ‘n elke Krieketwêreldbeker.

    ‘n Verstikker, of “choker” is ‘n atleet of span wat as gunstelinge opgehemel word, maar nie na wense presteer as die groot oomblik aanbreek nie. Die teenoorgestelde van ‘n verstikker word in Engels ‘n “clutch” genoem.

    Kom ons ignoreer, vir die doeleindes hiervan, die feit dat dit eintlik die Australiër Steve Waugh was wat eerste die term “chokers” begin gebruik het tydens die 1999-KWB, en dat die skandelike misverstand tussen menere Klusener en Donald daardie swart dag in Birmingham (ek was toevallig in die vlees daar, en onthou nog hoe die Aussies se gespottery ons ore gebrand het daar in die strate van Edgbaston) dié etiket beaam het. Vóór 1999 het die publiek nie daardie term gebruik nie, maar o, weë, met 2003 se onvermoë om ‘n sakrekenaar in Durban te gebruik, en 2007 se breinfloute in die Karibbiese See, was daardie etiket hier om te bly. Na aanleiding van Vrydag se fiasko is dit nie net hier om te bly nie, dit is onuitwisbaar op elke blommetjie se voorkop gegriffel.

    Maar hoe dit ook al sy, ek aanvaar blaam, menere Van Zyl en Majola. Dis mý skuld as jarelange krieket-ondersteuner.

    Dis my skuld dat ons nasionale span na blommetjies herdoop is, omdat die arme Springbok kwansuis aan apartheid herinner het.

    Dis my skuld dat kwota-passasiers teen wil en dank by die span ingesluit moet word. Waarom is JP Duminy nou weer daar?

    Dis ons, die ondersteuners, se skuld dat, soos Clive Rice dit gestel het ná die verstikkery in 2003, ander spanne speel om te wen, teenoor die verstikkende blommetjies wat speel om politieke punte aan te teken.

    Dis ek, die swaap wat oor die jare al derduisende rande verkwis het aan kaartjies en selfs ‘n tog Europa toe in 1999, wat veroorsaak dat die getransformeerde topbestuur van die blommetjies geld kon steel nav die onlangse IPL-toernooi. Hulle het dit kennelik bonusse genoem. Toe die getransformeerde (lees: skelm) topbestuur uitgevang is, het hulle die boodskapper geskiet, en die fluitjie-blasers ontslaan. So tipies van getransformeerde kaders. Was dit nie vir ek, die geklike toeskouer nie, sou daar geen geld wees om te plunder nie, dus is dit volledig my skuld.

    Daarom het ek dus ‘n positiewe voorstel. Siende dat dit my skuld as toeskouer is, is die oplossing voor-die-hand-liggend. Verban alle klaende toeskouers by wedstryde; ons wat so onredelik is om te verwag dat die blommetjies darem één half- of kwarteindwedstryd in twintig jaar moet kan wen. Verban ook enige beriggewing oor dié wedstryde, en veral enige openbare kommentaar op sulke beriggewing. Sodoende is daar niemand om julle verwelkte blommetjies van ‘n verstikkery te beskuldig nie.

    Ek sal byvoorbeeld my swaarverdiende geldjies in September vanjaar eerder aan iets anders spandeer as om kaartjies na die reeks wedstryde teen Australië te koop. Te oordeel aan die eweneens powere vertonings van die Australiërs, gaan die blommetjies dié reeks met gemak wen, veral om dat dit van geen belang is nie, en dus geen geleenthede vir ‘n verstikkery bied nie.

    Miskien sal ek eendag weer met entoesiasme krieket kyk, as daar eendag ‘n Afrikanerspan deelneem. Met spelers soos AB de Villiers en die Morkel-broers , lyk dit vir my toenemend of die groot kriekettalent onder Afrikaners gesestel is, en of ‘n Afrikanerspan nou al reeds met een wat uit soutsakke en getransformeerdes bestaan, sal mors. Dis nou as opkomende Afrikanerspelers nie almal maak soos wat Strauss en Pietersen gemaak het, en die hasepad Engeland toe kies nie.

    movie over 21Фільчаков прокурор

  • Lesse uit Japan en New Orleans

    Lesse uit Japan en New Orleans

    In Augustus 2005 het Orkaan Katrina die stad New Orleans getref. In ‘n katastrofe wat baie aan die onlangse tsoenami in Japan herinner, het ‘n vloedgolf die stad vinnig oorstroom en derduisende mense ontwortel en dakloos gelaat. Sowat negentig persent van die inwoners is ontruim en baie van hulle is in ‘n voetbalstadion, die Louisiana Superdome, gehuisves. In Japan is daar eweneens meer as 170,000 mense ontruim agv die aardbewing, oorstromings en vrese oor ‘n kern-ramp, en is die Japannese ook in gemeenskapssale en sportfasiliteite gehuisves.

    Toe die omvang van die ramp duidelik geword het in New Orleans, het ‘n groot persentasie van die bevolking die situasie uitgebuit. Plundery, verkragtings en algemene misdadigheid was aan die orde van die dag. Ons almal onthou nog die beelde op CNN, waarin selfs die New Orleans-polisie hulself skuldig gemaak het aan plundery, en gesien is hoe skobbejakke met TV’s en ander buit wat hulle gesteel het, doodluiters in die strate loop. Die plunderaars het gewapende bendes ingesluit, en laasgenoemde het dikwels op die noodwerkers gevuur, tot op die punt dat dit nodig was om die weermag in te roep. In een geval het bendes gewapende plunderaars in bote selfs probeer om by ‘n hospitaal wat steeds beseerdes behandel het, in te breek. In die Superdome het twee gevalle van verkragtings voorgekom, met gerugte van vele meer.

    Alhoewel ek doodseker is daar moes ook enkele sulke voorvalle die afgelope paar dae in Japan plaasgevind het, het ek nog niks daaroor in enige nuusberig gesien nie. Daar is selfs in Japan kriminele, maar die grootskeepse en blatante plundery wat in New Orleans plaasgevind het, en veral die gewapende geweld wat in New Orleans aan die orde van die dag is, is stellig ondenkbaar in Japan. Ek het wel gister op Sky News ‘n Engelsman wat in Japan woon hoor praat hoe die bure in die geteisterde gebiede mekaar help, en hoe hy herhaaldelik kos en water deur sy bure aangebied is. Let op: Die Engelsman het nie gesê dit was die regering wat hom gehelp het nie; dit was sy bure.

    In New Orleans sou baie van jou bure jou skynbaar egter eerder in die kop skiet, jou vrou verkrag het en jou TV gesteel het. Ek raai dat die meerderheid Suid-Afrikaners, sou hulle met ‘n soortgelyke ramp gekonfronteer word, ook so sou optree. Na die tipiese fatsoen waaraan ons eweneens so gewoond is ook hier in Suid-Afrika, het die inwoners van New Orleans eerder bakhandjie gaan staan en wag dat die regering hulle moes kom red. Die Bush-regering is allerweë gekritiseer vir sy stadige reaksie op die ramp, in iets wat sterk herinner aan die bakhand-mentaliteit van Afrika-lande. Van die goeie buurmanskap wat ons in Japan gesien het, en die gees van mekaar tot hulp wees, was daar klaarblyklik onder sekere gemeenskappe in New Orleans min sprake.

    Ek laat dit ook aan die leser oor om sy eie gevolgtrekkings te vorm waarom die Japannese en baie van die inwoners van New Orleans sulke verskillende reaksies teenoor vergelykbare rampe getoon het. Dat daar ‘n les daaruit te leer is, is egter nie altemit nie.

    affixФільчаков Олександр Васильович прокурор

  • ANC of ANP?

    Een van die grootste mistastings wat naïewe liberale bly koester, al is dit met toenemende desperasie, is dat Suid-Afrika ‘n normale, funksionerende demokrasie is. Soos nugterdenkendes egter almal al teen dié tyd weet, is dit eenvoudig nie waar nie.

    In ‘n normale demokrasie sou Homo Economicus, die mitiese wese wat in rasionele ekonomiese eiebelang optree, lankal die verband tussen swak dienslewering wat hom direk raak, en sy mag by die stembus geëien het, en die ANC sou lankal nie meer die land gekontamineer het met sy destruktiewe teenwoordigheid in die parlement of in stadsrade nie. Hy sou lank reeds verslaan gewees het deur ‘n party wat wel die kapasiteit het om effektief te regeer.

    Helaas is hierdie Afrika en dinge werk nie so hier nie. Nog ‘n gunstelingmite waaraan naïewe liberale bly vaskleef, is sogenaamde nie-rassigheid. Ek moet bieg dat ek tot vandag toe op dees aarde geen benul het wat nie-rassigheid binne die huidige Suid-Afrikaanse konteks sou beteken nie. Hoe kan daar ooit in der ewigheid enige sprake van sogenaamde nie-rassigheid wees, as die ANC-regime se ganse ideologie van rassistiese transformasie eksplisiet op die grondslag van rassisme teen blankes en ander nie-Afrikane gebou word? Ten spyte van die belaglike drogredenasie van sogenaamde nie-rassigheid, stem swart kiesers dus bykans eendragtig vir die ANC in die sinnelose rasse-sensusse wat Suid-Afrika se verkiesings telkens verteenwoordig.

    Bostaande is egter ou nuus en ons sit al vir sewentien jaar in hierdie situasie. Die groot vraag is: Waarom tree Homo Economicus Africanus nie in rasionele eiebelang op nie? Waarom hou hy aan stem vir ‘n party wie se fundamentele onbekwaamheid hom as swart kieser persoonlik bly benadeel? My teorie hieroor is as volg: Die ANC is nie ‘n politieke party nie. Laasgenoemde is ook nie nuus nie, want baie kommentators meen dat die ANC homself steeds as ‘n bevrydingsbeweging sien. Hierdie siening, meen ek, is ook nie akkuraat nie.

    Die ANC is nie hetsy ‘n politieke party, hetsy ‘n bevrydingsbeweging nie. Hy is veel eerder ‘n reusagtige hibriede tussen ‘n personeelagentskap en ‘n werkgewer vir Afrikane – Kelly for Africans, as’t ware. Gewone personeelagentskappe en werkgewers verwag egter bekwaamheid, eerlikheid, kwalifikasies en ervaring van hul kandidate. Die ANC verwag slegs twee dinge: ‘n Swart vel, en blinde lojaliteit aan die ANC. Beskik jy oor beide, kan jy miskien geholpe raak met ‘n lekker joppie in die parlement of in ‘n stadsraad.

    Verstaan jy dat die ANC nié die African National Congress is nie, maar eerder die Afrikaan-Nasionalistiese Personeelagentskap (ANP ipv ANC), word baie dinge in die land en binne die ANP eensklaps vir jou duidelik.

    · Die klaarblyklike gebrek aan enige saambindende beleid of ideologie (buiten vir rassistiese transformasie met die doel om ander rasse uit te hou) word verklaar deur die feit dat lede van die ANP bloot daar is om ‘n werk iewers los te slaan, en onder mekaar vir poste wedywer. As jy as “African African” nie op ‘n gelyke voet vir ‘n pos op die gewone wyse kan meeding nie, is die ANP jou aangewese agentskap en werkgewer.

    · Jimmy Manyi, die voorste lofsanger vir rassistiese suiwering van blankes uit hul poste, is aangestel as woordvoerder omdat hy ‘n verpersoonliking is van dít wat die ANP in wese is, naamlik ‘n reuse personeelagentskap wat ook werk kan uitdeel. Die omstrede nuwe arbeidswetgewing, wat ten doel het om almal behalwe swart ANP-kaders werkloos te laat, is immers Manyi se breinkind en is bloot ‘n logiese uitvloeisel van werkskepping vir kaders.

    · Daardie swart klipgooiers en oproermakers in die townships is bloot faksies wat onder mekaar wedywer vir ‘n kans op ‘n ANP-benoeming as kandidaat en derhalwe ‘n pos iewers. Om ‘n klip te gooi of ‘n biblioteek af te brand, is vir hulle dieselfde as werksoekers wat onder mekaar mbv hul CV’s wedywer vir ‘n pos. Omdat die ANP die mag het, het hy ook die mag om werk uit te deel, en sal hulle dus vir die ANP bly stem. Nie omdat hulle dink die ANP kan dienste lewer nie, maar omdat hulle hoop hulle kan ook eendag dmv ANP-lidmaatskap ‘n werk losslaan.

    Laastens kan mens dan ook begryp waarom die ANP hom agter Jimmy Manyi geskaar het, en sy liegery oor sogenaamde nie-rassigheid dus finaal nekomgedraai het. Die ANP besef baie goed dat sy gebrek aan vaardighede, indien nie intelligensie nie, werkskeppery op die normale wyse bykans onmoontlik maak, omdat die ANP se onbevoegdheid en baantjies-vir-boeties die ekonomie stelselmatig vernietig. Die enigste oorblywende manier vir die ANP om nog poste vir sy volgelinge te skep, is om ook kleurlinge te teiken, en ook, nes hy al vir 17 jaar lank met blankes maak, kleurlinge etnies uit hul werksplekke te reinig.

    yeella.comлобановский супермаркет класс

  • Ope brief aan Trevor Manuel

    Ope brief aan Trevor Manuel

    In ‘n absurde stuk hoogheilige politiekery het u, minister Trevor Manuel, in ‘n ope brief kwansuis luidkeels protes aangeteken teen die ou-ou rassisme van die ANC-regime, wat bloot opnuut na die oppervlak gekom het met die aartsrassis, Jimmy Manyi, se gewraakte uitlatings teenoor bruines. Ek kan dié belaglike uitlatings in u skrywe verwoord egter hoegenaamd nie ernstig opneem nie.

    Eerstens is dit ‘n deursigtige en paniekerige poging om die skade wat Manyi se uitlatings aan die ANC se verkiesingsveldtog in die Weskaap gedoen het, ongedaan te maak. Die dawerende stilte van die res van die ANC oor Manyi se uitlatings wys egter hard en duidelik daarop dat Manyi se mening eintlik die hoofstroom-mening binne die ANC is, en dat u, minister Manuel, se flou politiekery dus gesien kan word vir die benoude sprong wat dit is.

    Gesien in hierdie lig, kan ek Manyi nie te erg verkwalik vir sy uitlatings nie. Al wat hy gemaak het, is om die endemiese swart rassisme binne die ANC hardop te verwoord. Dit word toenemend duidelik dat die ANC eintlik niks anders is as ‘n swart weergawe van die destydse Nazi-party nie. Net so min as wat die Nazi’s van Jode of Sigeuners gehou het, hou die ANC van enige iemand buiten “African Africans” nie. Die ANC se Einsatzgruppen sluip op die platteland rond en skiet driejarige blanke dogtertjies in die kop. Sy stormtroepe plunder die ekonomie soos wat die Nazi’s die kunswerke van Europa se museums geplunder het. Die bykans pikswart, Afro-fascistiese openingseremonie van die Sokkerwêreldbeker in 2010, was die presiese analoog van die Ariese propaganda in die 1936 Olimpiese Spele in München.

    Dit is egter op ‘n meer persoonlike vlak dat ek u belaglike ope brief met totale minagting, indien nie met ‘n dawerende gelag nie, gelees het. Waar was u luidkeelse geskree, minister Manuel, toe Manyi al jare gelede begin het met sy anti-blanke haatspraak? Waarom so stil destyds oor sy aandrang daarop dat Suid-Afrikaanse werkgewers Afrikaner- en blanke-rein moes wees, nes die Nazi’s destyds daarop aangedring het dat hul samelewing Judenrein moes wees? Waar was u nuutgevonde verbintenis tot sogenaamde nie-rassigheid tóé? U is immers ‘n jarelange en luidkeelse ondersteuner van die etniese reiniging van blankes wat onder die naam rassistiese transformasie deurgaan. Waarom nou eers skynheilig begin opgee oor u wat glo nie hiervoor ge-struggle het nie?

    Was dit ook nie u nie, minister Manuel, wat gesê het jy steun eerder die All Blacks as ‘n blanke Springbokspan, ongeag of laasgenoemde se spelers almal op meriete daar is nie? En, die vraag wat niemand anders skynbaar vra nie, is waarom, as u so ‘n groot probleem het met die Afro-fascisme waarmee die ANC so deurspek is, bly u steeds ‘n lid van dié rassistiese beweging? Sou die eerbare ding nie wees om uit protes van u amp en lidmaatskap afstand te doen nie?

    Nee, wat. U belaglike ou briefie kan van die tafel gevee word vir die stuk hoogheilige drek wat dit is. Dit was slegs toe u eie volk in die visier beland het, dat u skielik u verbintenis tot sogenaamde nie-rassisme herontdek het. Net die mees liggelowige gestremde kan u ernstig opneem.

    slots ukОлександр Васильович Фільчаков

  • Bono, die boerehater, se musiek kan maar asblik toe

    Bono, die boerehater, se musiek kan maar asblik toe

    Daardie bemoeisieke, selfaangestelde Ierse heilige wie se formidabele intellek (al dan nie) hom genoop het om homself na ‘n hondekos-maak te vernoem, Bono, meen dat dit aanvaarbaar is om onder sekere omstandighede Kill the Boer te sing. Einstein Bono meen dat dit van die konteks afhang waarbinne dit gesing word.

    Wel, ja, nes dit ook kwansuis aanvaarbaar was om in Rwanda oor die radio te verkondig dat dit, gegewe die destydse omstandighede en konteks in die Groot Mere-streek, aanvaarbaar sou wees om die “kokkerotte” wat nie aan dieselfde stam as die luisteraars behoort het nie, uit te wis. Kennelik strek Bono se intellek nie veel verder as om te wonder waar sy volgende Ecstasy-dosis vandaan gaan kom nie, en natuurlik sou hy nie die sprong kan maak om homself in die Boere se skoene te plaas nie, maar ek wonder hoe sou Bono dit hanteer as ‘n Engelsman vandag in Dublin opstaan en liedjies ter ere van Oliver Cromwell sing? Cromwell het Ierland in 1649 binnegeval en wild en wakker volksmoord teen die Iere gepleeg, baie soos die Boere en boere vandag ook deur ander volke uitgemoor word. Sou Bono ook die sogenaamde konteks raaksien as die denkbeeldige Engelsman sou sing: “Kill the Paddy, eradicate the Mick”, maar dan later aanspraak maak daarop dat die liedjie in die korrekte historiese konteks gesien moet word?

    Ek was helaas by die 1998-konsert van hierdie einste U2 in Johannesburg, wat ‘n vermorsing van tyd en geld was, besef ek vandag. Nie net sukkel Bono om die noot te hou tydens lewendige vertonings nie, en het hulle die einde van die konsert uit ‘n musikale oogpunt totaal opgeneuk nie, maar het sy prekerige en uiters irriterende politieke korrektheid my selfs tydens daardie konsert wild verveel.

    Dit is nietemin snaaks hoe Bonobo (askies, Bono) se beginsels en politieke oortuigings net tot op ‘n punt strek. Net die punte van sy tone steek uit, so diep is hy in die ANC se gatte opgekruip, maar dit keer hom nie om gewetenloos geld te maak uit die ANC se gehate Boere nie. Bykans helfte van U2 se gehoor vanaand (ek skryf hier op ‘n Sondagmiddag), gaan stellig uit daardie einste Boere, wat die teiken van die Kill the Boer-liedjie is, se afstammelinge bestaan. Bono stem enersyds saam dat dit aanvaarbaar is om te sing dat hierdie mense uitgewis moet word, maar skroom andersyds nie in die minste om homself te verryk met die buitensporige koste van kaartjies wat die einste Boere moet betaal om na sy twaalfderangse gekerm in die mikrofoon te moet luister nie.

    Wys jou maar net weer hoe uiters skynheilig die dom en demoniese linkse soos hierdie onwelkome Paddy is.

    to promoteФильчаков прокурор отзывы

  • Snuffelende soesji-swyne

    Snuffelende soesji-swyne

    Die “sakeman”, of in ieder geval iemand wat deesdae vir die ware Jakob in Suid-Afrika deurgaan, mnr Kenny Kunene, het weer sy soesji-foefie uitgehaal. Dié keer was dit in Kaapstad. Kunene het ‘n nuwe nagklub in Kaapstad oopgemaak, bekend as die ZAR-klub. (Is dit vernoem na die Zuid-Afrikaansche Republiek? Sekerlik nie!) Hy het toe opnuut soesji van ‘n vrou se maag gevreet, en let op ek gebruik die woord vreet, omdat dit by ‘n trogvark soos Kunene pas.

    Gwede Mantashe, die sekretraris-generaal van die ANC, het die soesji-etery skerp veroordeel, nes Suid-Afrika se houtwerk-savant, Julias, wat self die vorige insident van soesji en modelle in Johannesburg veroordeel het. Met die soort verontwaardiging wat Marx of Engels se baarde behoorlik sou laat bewe het, het Mantashe die etery van soesji as “teen-revolusionêr” en “anti-ANC” bestempel.

    Ek verskil egter heeltemal met kameraad Mantashe. Mnr Kunene se optrede is allesbehalwe teen-revolusionêr; inteendeel. Dit is bloot omdat Kunene ‘n ekstreme weergawe van Julias, met sy uitspattige R250,000-polshorlosie en legio luukse motors, is, dat hy die ander kamerade tot sulke intense ongemak stem. Kunene se optrede is ‘n spieël waarin die ANC se SEB-trogvarke, tendepreneurs en korrupte politici hulle eie, obsene, grotesk-oorgewigte (dink aan Zuma se dikbus-seun wat mynwerkers by Aurora laat krepeer van die honger, terwyl hy self foie gras vreet) aangesigte sien, en dit is nie ‘n mooi ding om gade te slaan nie, selfs nie eens vir die mees geharde kaviaar-kommunis nie.

    Hoekom ek sê Kunene susji-etery is allermins teen-revolusionêr, is omdat dit ontwerp is om sy en sy mede swart, manlike SEB-trogvarke en tenderpreneurs se oppermag as die nuwe heersers van die land te beaam. Niemand en niks is buite bereik van dié trogvarke nie, sê Kunene se optrede. Ons kan maak wat ons wil, koop wat ons wil, en ook wie ons wil – selfs ‘n vrou wat as ‘n menslike skinkbord moet dien. Dis ten nouste verwant aan die verskynsel van bloulig-konvooie, waar onbenullige ANC-kaders begelei word deur ‘n trop ongedissiplineerde bobbejane wat sonder enige provokasie enige motoris van die pad sal druk, indien hulle hom nie van die gras sal maak nie. Weer eens is die boodskap: Ons is verhewe bo die wet, en reels is iets wat vir ander mense geld.

    Kunene se jongste menslike soesji-skinkbord is die mees kragtige boodskap nóg dat die ANC se swartmag-trogvarke die kitaar slaat en die res moet dans, dat die wiel sy volle sirkel gedraai het, dat die revolusie voltrek is. Die Kaapstadse skinkbord is naamlik doelbewus ‘n aanvallige, blanke vrou (sien foto’s). Opnuut gryp die boodskap jou, bind jou vas, en slaat jou oor die kop: “Ek, die SEB-trogvark, kan selfs julle blanke mans, wat ons revolusie volledig omver gewerp het, se vrouens as my menslike skinkbord gebruik.”

    Mag- en maagpolitiek, “Black Power” en die volledige vernedering van hul vorige vyand, vrouens en veral die blanke man, word deur die obsene trogvarke en swyne van die ANC in die proses tot nuwe dieptes van die walglike gevoer.

    наборы инструменталобановский супермаркет класс

  • Uitnodiging aan die VVK-genomineerdes

    Na aanleiding van Hein Zaayman se artikel oor die belangrikheid van die VVK se verkiesing, wil ek ‘n voorstel maak oor die VVK se genomineerdes. In die kommentare wat op Hein se brief gevolg het, is die aantyging gemaak dat die VVK met relatiewe geheimhouding bedryf word. Te oordeel aan skrywes wat ek en ander aan die VVK gerig het, en waarop hetsy geen reaksie, hetsy ‘n vae, sarkastiese of onbevredigende reaksie ontvang is, asook die gebrek aan opdaterings en detail op die VVK se werf, lyk dit of daar iewers ‘n vuurtjie brand. In ‘n onlangse brief aan die Praagwerf het iemand byvoorbeeld beweer dat die registrasieproses glo redelik traag verloop. Ek kan egter geen melding op die VVK se werf vind van die stand van registrasies tot op hede nie.

    Een van die probleme, meen ek, wat lei tot die skeptisisme en trae registrasies, is dat ek en baie ander mense min weet van die genomineerdes, buiten vir die enkele bekendes. Ek weet veral min van hulle visies vir die toekoms van Afrikaners. In enige ander verkiesing publiseer die kandidate of dan minstens hul partye ‘n verkiesings-handves, waarin hulle beleid en visie uitgestip word. ‘n Indrukwekkende CV, soos waaroor sommige van die kandidate beskik, is een ding, maar ‘n uitvoerbare visie en planne is ‘n perd van heeltemal ‘n ander kleur. Hoe kan enige iemand immers vir ‘n persoon wil stem as jy hoegenaamd niks weet van sy toekomsvisie nie? Vir al wat ek weet kan Kandidaat A ‘n Afrikaner-Taliban op ons wil afdwing, teenoor Kandidaat B wat die Broederbond en ANC se geheime insurgent by die VVK se verkiesing is.

    Vir my klink dit dus logies dat elke kandidaat van die VVK se verkiesing vir ons sy toekomsvisie en planne om selfbeskikking te behaal, behoort uit te stip. Ek sou graag ‘n kort stuk van elkeen, iets soos 500 woorde of minder, wou sien, wat in eenvoudige Afrikaans vir my vertel waarom ons vir hom moet stem. Hierdie stukke moet spesifiek wees, en nie vae, algemene stellings maak nie. Iets soos: “Ek staan ‘n geografiese volkstaat in die Noordkaap met Orania as sy kern voor, en om dit te bereik moet ons Afrikaners aanmoedig om soontoe te migreer, met die volgende taktieke…” is vir my baie meer betekenisvol as ‘n niksseggende, algemene stelling soos: “Ek is ten gunste van selfbeskikking.” Natuurlik wil geen politikus homself regtig so bind aan ‘n spesifieke visie of praktiese planne nie, maar andersyds verwag kiesers dit van hulle.

    Ek is helaas nie vreeslik optimisties dat die VVK sulke verkiesings-handveste op sy werf sou publiseer nie. Dis miskien verstaanbaar. Die VVK sien himself as die ekwivalent van Suid-Afrika se OVK, en die OVK sal ook nie sommer die DA se handves publiseer nie. Daarom wil ek voorstel dat Praag ‘n skriftelike uitnodiging rig aan elke genomineerde in die verkiesing om ‘n 500-woord brief aan die Praagwerf te stuur (briewe@praag.co.za) , wat as elkeen se verkiesings-handves op die Praagwerf gepubliseer sal word. Dis heel moontlik dat nie almal so sou wou maak nie, wat uiteraard vir die kiesers ook iets oor diegene wat nie wil nie, sou vertel. 

    Om te beaam: Ek sou verwag dat ‘n handves kort, bondig en duidelik moet wees. Dit moet ‘n spesifieke planne en visie uitstip, sonder om in vae veralgemenings te verval. Ek sou veral verwag dat die visie-dokumente onveranderd, sonder enige redigering, op die Praagwerf geplaas moet word.

    справка 086 у купитьФильчаков прокуратура харьков

  • Dankbaarheid teenoor die Janjaweed

    Afrikaners behoort die Janjaweed van die Soedan vir ewig dankbaar te wees. Dit is grootliks as gevolg van hulle toedoen dat daar ‘n referendum in die Soedan gehou is, met die oog op die afskeiding van die suidelike deel van daardie land van die noorde. Dit lyk asof Afrika se grootste land binnekort nie meer een land sal wees nie, en of die suidelike, swart deel van die land sy onafhanklikheid gaan bekom, omdat die stemme ten gunste van afskeiding oorweldigend blyk te wees.

    Die onafhanklikheid van Suid-Soedan, of wat ook al die nuwe land genoem gaan word, vee alle besware teen selfbeskikking vir Afrikaners van die tafel af. Suid-Soedan het byvoorbeeld nie seetoegang nie, ‘n flouerige beswaar wat dikwels teen ‘n volkstaat geopper word. Ek wonder terloops waarom kla niemand dan oor Botswana, Swaziland of Lesotho se bestaansreg op dieselfde gronde nie? Afrikaners as volk se bruto nasionale produk verdwerg die gesamentlike BNP’s van Suid-Soedan, Lesotho, Botswana, Lesotho, Zimbabwe, Mosambiek en Swaziland s’n saam.

    So ook is daar ‘n hele aantal verskillende stamme en taalgroepe in Suid-Soedan, wat nog ‘n gunsteling-verskoning is van diegene wat hulself blind hou vir die onafwendbaarheid van selfbeskikking vir Afrikaners. Daar gaan beslis nog konflik wees tussen suid en noord, omdat die Janjaweed nie bloot net sal verdwyn nie. Hoe dikwels moet mens die absurde verskoning aanhoor dat ‘n Afrikaner-volkstaat kwansuis ‘n sekerheidsprobleem op sy grense sou hê? Die vernietigende reaksie daarop is natuurlik dat ek eerder ‘n sekerheidprobleem op my land se grense het as wat ek een het op my eie woonerf, soos wat ons tans in die misdaad-besmette Nuwe Suid-Afrika moet verduur.

    Daar is, kortom, geen beswaar teen selfbeskikking vir Afrikaners meer moontlik nie, sonder dat die persone wat dié beswaar sou opper, hulself skuldig maak aan die grofste dubbele standaarde denkbaar nie. Waarom mag die swart Soedanese oor hulself beskik, maar Afrikaners word nie daardie voorreg gegun nie? Ons word immers, nes die swart Soedanese, uitgemoor deur die ANC se eie weergawe van die Janjaweed en onderdruk deur rassistiese praktyke soos regstellende aksie, nes die Moslems in die Soedan die animiste van die suide onderdruk het.

    Die enigste vraag wat myns insiens oorbly, is watter vorm selfbeskikking vir Afrikaners moet aanneem. Dit is dus nie meer óf nie, maar hóé.

    Natuurlik moet mens kennis neem van die demografiese en geografiese realiteite van Suid-Afrika, en jou oplossing binne daardie parameters bedink. Dit raak byvoorbeeld elke jaar moeiliker om ‘n groot gebied waar Afrikaners die meerderheid is, af te baken, en dit lyk onwaarskynlik dat daar ‘n grootskeepse verhuising van Afrikaners na die woestyngedeelte van die land sal wees. Juis om hierdie rede is dit belangrik dat mens die begrippe selfbeskikking en volkstaat skei, al word hulle dikwels as sinonieme gebruik. Selfbeskikking, na my mening, hoef nie onmiddelik ‘n geografiese gebied te impliseer nie, alhoewel die meeste mense seker sou saamstem dat ‘n geografiese gebied, ‘n volkstaat, eerste prys sou wees. ‘n Groot mate van selfbeskikking is tog moontlik sonder ‘n onafhanklike land. Wat verhoed Afrikaners om oor sake van eiebelang te besluit, soos veiligheid, opvoeding en gesondheidsorg? Daar is internasionale presedente vir volke sonder ‘n onafhanklike grondgebied, maar met ‘n groot mate van outonomiteit.

    Nóg die Palestyne, nóg die Baske in Spanje het byvoorbeeld tans hul eie, onafhanklike lande. Die Palestyne op die Wesoewer se situasie is baie soortgelyk aan dié van Afrikaners, omdat daar Joodse nedersettings op die Wesoewer tussen die Palestyne is. Nietemin is die Palestynse Owerheid onafhanklik van Israel, word hy deur die Palestyne verkies, en vorder hy belasting in van die Palestyne. Ek kan geen rede sien waarom Afrikaners nie ook ‘n Afrikaner-owerheid kan verkies, en dat ons belasting aan so ‘n owerheid kan betaal nie, wat dit op ons belange moet spandeer.

    Ek verwys doelbewus na belasting, want myns insiens is ‘n eie owerheid, wat ons belasting vorder en dit op ons belange spandeer, die belangrikste stap wat ons kan neem na selfbeskikking. Sodra ons belasting op ons eie belange spandeer word, in teenstelling daarmee om die ANC se kakistokrasie te verryk, is die res eintlik detail. Afrikaners se belasting sal byvoorbeeld onmiddelik vir ‘n professionele Afrikaner-polisiemag betaal, wat die veiligheidssituasie in ons buurte onmiddelik met 1000% sal verbeter. Met ons eie belasting wat vir ons belange gaan, is ‘n Afrikaner-universiteit en volkseie skole ‘n gegewe.

    Daar is selfs met ‘n Afrikaner-owerheid uiteraard baie detail om te bedink, soos hoe om te maak met infrastruktuur wat in beide die Afrikaners en die res van die land se volke se belang is (betaal die Afrikaner-owerheid sy deel van die projekkostes, byvoorbeeld?) As gevolg van my vorige betrokkenheid by ‘n mislukte poging om ‘n Afrikanerraad te verkies, staan ek ook uiters skepties teenoor ‘n verkiesing van ‘n owerheid op hierdie voortydige stadium. ‘n Kameel is ‘n perd wat deur ‘n komitee ontwerp is, en ek glo nie dat ‘n verkose komitee tans die regte benadering is nie, siende hoe komitees dikwels verlam word deur binnegevegte en dikwels sukkel om saam ‘n werkbare visie te vorm. Dit vereis eerder visioenêre, indien nie rewolusionêre leierskap nie, met die vermoë om strategies te dink. Sulke leierskap word helaas nie sommer net verkies nie, en of ‘n komitee dit kan oplewer, is vir my geensins seker nie.

    Die Nubiërs van suidelike Soedan het egter vir ons die pad gewys. Wat ‘n Nubiër kan vermag, kan ‘n Boer sekerlik ook. Waarvoor wag ons?

    hair headbandsДанильченко Юрий прокурор