Dan Roodt, Author at praag.co.za

Obama vergeet sy speletjieveldtog

Pres. Barack Obama van die VSA het aan gegradueerdes gesê die era van die iPod en die Xbox is nie altyd tot voordeel van die bevordering van goeie onderrig nie.

Dit kom as ‘n verrassing aangesien die president in 2008 dmv videospeletjies sy verkiesingsveldtog gevoer het.

Obama het dié stelling gemaak in ’n toespraak voor meer as ’n duisend gegradueerdes en hul familie en vriende op die voetbalveld van die Universiteit van Hampton, ’n histories swart universiteit in die suidooste van die Amerikaanse deelstaat Virginië.

Obama het gesê gegradueerdes bereik deesdae rypheid in uiters moeilike tye vir Amerika.

Volgens hom trotseer hulle werkskaarste, twee oorloë en ’n vlytige media wat nie altyd die waarheid verkondig nie.

Daarbenewens vermaak gewilde elektroniese toestelle miljoene Amerikaners met ongesonde afleiding. Die president het geen melding van sy speletjiegedrewe verkiesingsveldtog gemaak nie.

“iPods en iPads, Xboxes en PlayStations – ek weet nie hoe enige van dié goed werk nie – veroorsaak dat inligting ontaard in verstrooidheid, afleiding en ’n vorm van vermaak is eerder as instrumente van bemagtiging en as bevrydingsmiddels,” het Obama gesê.

“Dit alles plaas nie net druk op julle nie, maar ook groter druk op ons land en demokrasie.”

Obama, geklee in ’n deftige toga vir die geleentheid, het benadruk hoe belangrik dit is vir goeie onderrig om aan te pas by “’n tydperk van asemrowende verandering”.

Die eerste swart Amerikaanse president het die studente daaraan herinner dat hulle voor groter teenstand as ander groepe te staan kom en gewoonlik deur hul wit medestudente geklop word.

Obama het die gegradueerdes by Hampton aangespoor om die rolmodelle en mentors van jong mense te wees sodat hulle opvoeding en persoonlike verantwoordelikheid as belangrik kan ag.

Hy het gesê opvoeding kan mense help om verby die talle stemme wat “op geselsforums… en geselsradio om aandag meeding” te luister en die waarheid te vind.как купить справку

Tiger onttrek

Tiger Woods het uit die Players-kampioenskap onttrek nadat hy ‘n besering opgedoen het wat hy glo ‘n werwel in sy rug is wat uit plek is.

Volgens Woods speel hy al sowat ‘n maand lank met ‘n seer nek.

Hy het glo sy kop vir ‘n paar minute lank vorentoe gebuig terwyl hy voor sy sluitkas gesit het. Ander kere het hy sy oë toegehou voordat hy vrae van verslaggewers beantwoord het.

Volgens Woods het hy die besering kort voor die Meesterskampioenskap begin voel.

Hy beplan om volgende week ‘n skandering te kry.

Woods sê hy kan ‘n prikkelende gevoel aan sy regter kant tot by sy vingers voel.

Groet Anton, die grotman

Die heersende wetenskaplike teorie lui dat die mens sy oorspronge in Afrika gehad het, en tussen 60000 en 100000 jaar uit Afrika migreer het om later die ganse aarde te koloniseer. Wetenskaplikes is eweneens lief daarvoor om ons daarop te wys dat 99% van alle mense se DNS dieselfde is, en dat slegs 1% van ons gene die verskille tussen ons bepaal, oa hoe ons lyk. Daai een persent bepaal haartekstuur, beendigtheid, velkleur, neusvorm, neiging om geweldsmisdaad te pleeg ensovoorts. Ook is dit so dat sjimpansees, ons naaste familie in die diereryk, sowat 96% van hulle DNS met ons deel. Niemand stry dat ons en sjimpansees totaal en al verskillende spesies is nie. Daai 4% verskil is dus totaal deurslaggewend om Robert Mugabe van ‘n sjimpansee te onderskei. (Was lg so ‘n goeie voorbeeld, wonder ek toe ek dit klaar geskryf het?)

Benewens die oermense wat uit Afrika migreer het, was daar ook ander, onsuksesvolle menslike spesies. Een van hulle was die Neandertalmense, inwoners van Europa en die Midde-Ooste. Luidens die heersende wetenskaplike ortodoksie, het Homo Sapiens en Neandertalman nie ondertrou nie of met mekaar geteel nie. Neandertals, het die wetenskaplikes tot baie onlangs toe gemeen, het uitgesterf.

Oor die naweek het daar egter ‘n verstommende berig verskyn. Europese blankes en Asiate het tog skynbaar sowat 4% Neandertal-DNS. Daar was ‘n gekuier oor die spesielyn in Europa of die Midde-Ooste sedert 60000 jaar gelede. En, hier is die waarlik verstommende ding: Suider en Wes-Afrikane – die Bantoe-mense, die Zoeloes en Xhosas, het nie daardie Neandertalgene nie. Diegene wat in Afrika agtergebly het, het nie met die Neandertals partytjie gehou nie. Onthou hoe word grotmanne altyd voorgestel? As harige indiwidue. Westerse mans is hoeka hariger op ons lywe as swartes. Blote toeval? (Ek bly ook doelbewus hier weg van enige melding van die feit dan Neandertallers se brein ook gemiddeld groter was as wat ons s’n is.)

Onthou: sjimpansees en ons DNS verskil glo met 4%. Blankes het egter 4% Neandertal-DNS, wat Afrikane nie het nie. Dit het absoluut verreikende gevolge. Rassisme is byvoorbeeld so dood soos ‘n mossie. ‘n Duitse herdershond en ‘n chihuahua is honderasse, maar ‘n blanke en ‘n Afrikaan is stellig nie net verskillende rasse nie, maar ook verskillende spesies. Indien dan nie verskillende spesies nie, dan minstens verskillende subspesies. Dis dus nie meer ‘n geval van die verskil tussen swart perde en vosperde nie, maar die verskil tussen donkies en perde waarvan ons hier praat. Rassisme kan amper per definisie nie bestaan nie, behalwe as dit gaan oor Kaapse blankes wat teen Transvaalse blankes wil diskrimineer, soos hulle alte graag maak. As jy akkuraat wil wees, soos wanneer Jimmy Manyi met sy swart vooroordele teenoor blankes optree, moet jy van spesie-isme praat.

En, hier moet ek myself beskerm, voor die politieke korrektes hul maagdevliese opnuut skeur en temerig aan’t skree-huil gaan: hiermee getuig ek dat dit Afrikane is wat eintlik die ware Homo Sapiens is. Dit is ek, die blanke, wat, tot my ewigdurende skaamte, sowat 4% grotman – Neandertal – is. ‘n Baster, dus. ‘n Kruising. As daar steeds aapmense of grotmanne is wat die aarde bewandel, is dit ons, die 4% Neandertallers, die blankes. Hiermee getuig ek ook plegtig, synde iemand wat bid aan die altaar van die god van nie-rassigheid, dat die ware mense, Homo Sapiens Africanus, in alle aspekte inderdaad die meesterras (of is dit meestersubspesie?) is, soos ons uit hul uitsonderlike prestasies in al wat ‘n veld van menslike aktiwiteit is, kan sien. Ek buig myself, die halfmens, half grotman, die aampens, gevolglik voor die superieure spesie, die ware mens, Homo Sapiens Africanus, neer.

Die ANC regime (wat meestal uit ware mense bestaan) se spesie-isme soos regstellende aksie is dus totaal geregverdig, en dis ook dus geregverdig dat blankes, wat ‘n heel ander, basterspesie kan wees, as tweedeklasburgers in Suid-Afrika tevrede moet wees. Niemand sou dit immers eens oorweeg om gelyke regte aan ander spesies soos honde of skape te gee nie. Hoe kan ons blankes, wat moontlik ‘n ander spesie is, dus verwag dat ons enige iets buiten tweedeklasburgers in SA moet wees?

86 справка

Oorwinning wag op Vlaminge

Oor net meer as ‘n maand, op 13 Junie, gaan die Belge ‘n vervroegde verkiesing hou nadat die Vlaamse Christen-demokraat-geleide regering tot ‘n val gekom het.

Een ding weet die Belge reeds. Die land gaan na die verkiesing nie meer dieselfde premier hê nie. Yves Leterme van die CD & V staan terug, en sal nie sy party se verkiesingsaanslag lei nie. Hiervoor word die party se voorsitter, Marrianne Thyssen.

Intussen dui meningspeilings aan dat die Vlaamse nasionalistiese party, die Nieuw-Vlaamse Alliantie (NVA) op ‘n “monsterscore” afstuur.

Wat ‘n onafhanklike (republikeinse) Vlaandere betref, is die NVA en die Vlaamse Belang (voorheen Vlaamse Blok) beleidsgewys bykans identies. Wat ander sake betref, is die NVA se beleid bykans identies met dié van die CD & V.

Die regering het geval toe die koalisievennote nie oor die verdeling van die tweetalige Brussel-Halle-Vilvoorde ooreen kon kom nie.

Populêr, eenvoudig gestel, wou Franstalige liberale koalisievennote nie kopgee om effektiewe Franstalige “kolonisasie” van Vlaamse gebied teen te werk nie.

Leterme self is minder geneig om die skuld alles op die Franstaliges te plaas. Hy beskryf juis die komende verkiesing as juridies wetlik, maar ongrondwetlik. Dié sommetjie maak hy as gevolg van Vlaamse hardekoppe wat ‘n meerderheidswil wil afdwing oor sake waar die grondwet ‘n soort federale konsensus vereis.

Die NVA en die Vlaamse Belang het beide uit dieselfde party, die Volksunie, wat self sedert die 50’ger jare die kreeftegang gegaan het.

Zuma – een jaar op die troon

Die gebruik om ‘n nuwe regeringshoof se prestasies na een jaar te ontleed is dikwels nie baie billik nie. In die geval van pres. Jacob Zuma behoort die billikheidsvereiste nie te geld nie, omdat hy tegnies ‘n voortsetting is van die bewind van dieselfde party. Verder is die komende Fifa-eindtoernooi so ‘n omvangryke gebeurtenis dat die land nie nou ‘n regeringshoof kan bekostig wat hom nog die luukse gun om sy voete te vind nie.

Die voortsetting van ANC-bewind is ongeveer waar die ooreenkomste tussen oud-pres. Thabo Mbeki en pres. Zuma eindig.

Mbeki en sy klein intellektuele Sanhedrin het vanuit ‘n ivoortoring regeer, en was spottenderwys net vir blits-ampsbesoeke op eie bodem. By so ‘n geleentheid is hy in die parlement getakel oor ‘n saak wat al weke in die media woed, en het dit geblyk dat hy geen kennis daarvan gedra het nie. Hy was dikwels heeltemal uit voeling met die werklikheid.

Zuma se bewindstyd van goeie voornemens word miskien ten beste geïllustreer deur die syfers wat pas bekend gemaak is dat werkloosheid in die land gestyg het. Dit is ‘n emmer koue water in die gesig van die man wat teikens vir die vermindering van werkloosheid gestel het.

Sy Vrystaatse kornuit, Ace Magashule, het voor die bewindsaanvaarding by ‘n Salga-kongres ‘n Zuma-stelling ge-ego en gedreig dat onbekwame en korrupte burgemeesters en munisipale bestuurders die trekpas gaan kry, en is uitgelag. Min het nog verander om die teendeel te demonstreer.

Munisipale stakings, afgewissel met oproer teen power munisipale dienslewering, word met groeiende iesegrimmigheid deur die owerhede beantwoord namate die sokker – oor presies ‘n maand, nader kom.

Eskom trek nog noustrop met kragvoorsiening en geoordeel na woongebiede wat nou al hoe gereelder sonder taal of tyding in die duister gelaat word, is beurtkrag stil-stil weer ingevoer.

Misdaadvlakke, veral geweldsmisdaadvlakke, het skynbaar nou so nesgeskop dat dit nie oornag in die bek geruk gaan word nie.

Die staat het die afgelope jaar in verskeie grondwetlike sake die onderspit gedelf, hoewel sommiges nog onder appèl is.

Waarskynlik die grootste blaps van Zuma se nooiensjaar was om sy eens troue jeugleier, Julius Malema, tot kroonprins te salf. Pas het dié kapokhaan, wat eens gedreig het om te skiet ter wille van Zuma, na ‘n dissiplinêre verhoor tegnies op die monteerbaan beland het, weer openbare uitsprake van minagting teen Zuma gemaak. Zuma se versekerings aan die queen dat die ANC nie nasionaliseringsplanne het nie, is deur Malema weerspreek.

Malama se rol in die hemelhoë vlakke van polarisasie in die land moet nie onderskat word nie. In die onlangse volkstaatdebat wat veral op die internet gewoed het, het Malema se rol soos taks opgeduik.

Zuma het verder die onderskeiding dat die internasionale media groot gewag oor hom gemaak het. Ongelukkig, vir hom, was die nuuselemente wat die meeste internasionale blootstelling in groot koerante soos die New York Times gekry het, opmerkings van ‘n klein party dat Zuma se veelwywery die land na die Donker Eeue terugsleep, en dat sy buite-egtelike kinders herinner aan ‘n Bill Clinton, Tiger Woods en Koning Henry VIII in een.

Zuma het uiteindelik die bykans ondenkbare gespreek deur te sê alles wat verkeerd loop kan nie meer op apartheid se brood gesmeer word nie. Jimmy Manyi en ander het egter nie gehoor of verstaan nie.

Sy bewind kan ten beste opgesom word as dat dit moeilik is om alles vir almal te wees. Sy veelgeroemde trieng-trieng om toeganklik vir die publiek se klagtes te wees kom volgens die jongste aanduidings met sowat een persent van die oproepe ontvang die mas op, en van dié sake wat opgevolg word, blyk bitter weinig die gewenste resultate op te lewer.

Al wat met stelligheid gesê kan word is dat Zuma in sy bewindstyd goed daarin slaag om in die nuus te bly – al is dit dikwels vir die verkeerde redes.

пескоструйная камера лобановский политик

Juffrou de Kock die geheime wapen teen swak OG-verslae

Herrie lees Vrystaat se berig oor die Ouditeur-generaal se verslag oor Dihlabeng se sake.

Twee hoofpynpille en ‘n dosis Eno’s later is Herrie naastenby genoegsaam herstel om ‘n paar waardevolle voorstelle te doen.

Herrie dink die spulletjie moet terug skool toe gaan. Nee, nie enige skool nie, en nie enige juffrou nie.

Nee, sit hulle in een van daai skole teen die rante met ‘n kwaai skoolhoof, en gee vir Juffrou de Kock net volmag en ‘n lat, en Herrie meen volgende jaar verbeter Dihlabeng se verslag van die tweede laagste moontlike gradering na die heel boonste.

Maar Herrie het ‘n spesmaas Juffrou de Kock is intussen seker al vir hoër diens opgeroep, want toe Herrie se pad met haar pad gekruis het – gekortsluit het is dalk ‘n beter uitdrukking – had Herrie se ouderdom skaars dubbelsyfers gehaal. Intussen staan Herrie al aan die regte kant van ‘n halfeeu.

Of Juffrou de Kock met vandag se beperkings net so doeltreffend sou wees as destyds, weet Herrie nou nie. Nie net vreeslik streng nie, maar so sterk soos …soos…’n Amasone. Sjoe, amper sit Herrie nou sy voet daarin…wou eers “soos ‘n bees” skryf, maar dit klink darem nie baie vroulik nie, en “koei” …netnou is sy nog op die ondermaanse en dan moet Herrie ligloop.

Maar presies hoe sterk, sien die klas die slag toe Vaatjie nie wou bly staan om klaar gelooi te word nie. Toe gryp Juffrou de Kock hom agter die nek en tel hom een hand op dat hy soos ‘n platanna aan ‘n haak blyk hang. En sy het nog haar regterarm los gehad om die looiwerk klaar te maak.

Maar hoekom die ouditeur-generaal se verslag Herrie so aan Juffrou de Kock laat terugdink, is die bontpratery van die verantwoordelikes soos dat dit g’n eintlik so sleg is nie, ander doen slegter, en die OG is rasbevooroordeeld en so aan.

So in die begin van die jaar probeer van Juffrou de Kock se nuwe rekrute ook daai een.

Fout, GROOT fout.

Nie dat mens die pikkies eintlik kon verkwalik nie. Hulle kom dan pas van Klaasvakie af, en vir Klaasvakie, die vorige jaar se onnie, kon mens bykans enigiets wysmaak.

Na so ‘n eerste vergissing met Juffrou de Kock, dan weet jy dis maar op die tande kners, of jy moet ‘n baie goeie advokaat kry. ‘n Dapper een ook, want met Juffrou de Kock wis mens net nooit. Sy sou heel waarskynlik blitsig tot die gevolgtrekking gekom het die advokaat wil kom stories maak…

In kort, as die misipaal nog gedink het om na ‘n sessie met Juffrou de Kock SAMWU en SALGA op haar te sit… Nee, al verskil sou wees dit sou haar net ‘n rukkie langer neem as om haar klas deur te draf.

En SAMWU en SALGA sou geweet het waarvan die Bybel skryf in daai deel van die geween en die gekners van tande…

Passasiers spring uit brandende trein

Passasiers op ‘n trein wat na Durban onderweg was, is Sondagaand beseer toe hulle by die bewegende trein uitgespring het om van ‘n brand wat uitgebreek het, te vlug.

Die trein was vanaf Stanger na Durban onderweg toe die brand naby die Greenwoodpark-treinstasie uitgebreek het.

Die oorsaak van die brand is nog nie bekend is nie, maar die moontlikheid dat een van die oorhoofse kabels die ontploffing veroorsaak het, word ondersoek.

Vreesbevange passasiers het die deure glo oopgestoot en van die bewegende trein in die veld langs die spoor gespring toe hulle die vlamme sien.

Meer as 80 passasiers het beserings opgedoen. Nooddienspersoneel was kort daarna op die toneel en het die beseerdes na naby geleë hospitale vervoer.

топкарго кидалы

Jeugligawoordvoerder se skorsing ‘nonsens’

Die ANC-jeugliga se woordvoerder, Floyd Shivambu, het Sondag gerugte dat hy vir wangedrag geskors is as “absolute nonsens” bestempel.

Gerugte het die rondte Saterdagaand begin doen dat Shivambu geskors is vir wangedrag tydens ‘n ANC-jeugliga konferensie.

Daar is ook berig dat hy rassistiese opmerkings teen lede van die ANC gemaak het. Hierdie eise is ook ontken.

Volgens Shivambu was daar nie ‘n konferensie Saterdag nie. Hy het die media bevraagteken en gevra waar hul hierdie inligting vandaan kry.

для девочков

Malema baklei terug

Julius Malema, die ANC-jeugligaleier, gaan glo terugbaklei teen Gwede Mantashe, die ANC se sekretaris-generaal, se poging om hom voor stok te kry oor sy onlangse “afwykende gedrag”.

Dit sluit sy Skiet-die-boer-singery, inmenging in Suid-Afrika se pogings in Zimbabwe en die afjak van ‘n BBC-joernalis in.

Malema sal glo deur middel van sy regsverteenwoordiger, asook Mathews Phosa, vra dat die klagtes teen hom laat vaar word. Die twee wil Mantashe isoleer van die vyf top ANC-amptenare.

Daarom Malema beplan glo insgelyks om Mantashe daarvan aan te kla dat hy die ANC se grondwet oortree het. Mantashe het vroeër die interne tugsaak teen Malema begin.

Die klagstaat teen Malema is blykbaar nie deur die ANC se belangrike beleidmakers onderteken nie

Die adjunk-minister van polsie Fikile Mbalula het glo sy oog op Mantashe se pos vir 2012, by die volgende ANC-konferensie. Mantashe sal na verwagting Dinsdag reageer op die verwikkeling.

Transnetstaking laat treine staan

Die staking van Transnet-werkers sal Maandag voortgaan te midde van verwarring oor watter dienste geraak word aldan nie.

Die South African Transport and Allied Workers Union (Satawu) het gesê dit is nie ’n staking deur Metrorail nie, maar indien dié diens Transnet-geriewe soos spoorlyne en stasies moet gebruik, word dit geraak.

* Metrorail-dienste van Worcester, Wellington en Malmesbury (Transnet-spoorlyne veroorsaak dat hierdie dienste geraak word);

* Die Shosholoza Meyl-treindiens se besprekings, wat van Sondag tot 29 Mei gesluit is;

* Die Blou Trein, wat reeds gekanselleer is;

* In- en uitvoer van vraghouers by al die hawens, insluitend die Kaapstad-hawe;

* Die vervoer van ystererts van Sishen in die Noord-Kaap na Saldanha; en

* Die vervoer van brandstof met die pypleiding van Durban na Gauteng.

Dit is ’n staking binne Transnet van die vragafdeling, hawebedrywighede asook pypleidings. Die Shosholoza Meyl-treindiens sal ook staan aangesien dit van Transnet-treinspore gebruik maak.

Die staking kan vrag by hawens ten nadele strek asook die motorbedryf in Port Elizabeth ontwrig.

Фільчаков прокурор