Dan Roodt, Author at praag.co.za

Tronknaamsveranderings ‘sielkundig’

Die departement van korrektiewe dienste het Maandag te kenne gegee dat die herbenaming van tronke nie ‘n mors van geld is nie.

Elf tronke sal van naam verander, het minister van korrektiewe dienste, Nosiviwe Mapisa-Nqakula, Sondag mbv koerantadvertensies aangekondig.

Die tronke is Pollsmoor, Goodwood, Barberton, Modimolle, Johannesburg, Pretoria-Sentraal, Leeuwkop, Modderbee, St. Albans, Kroonstad en die nuwe Kimberley-tronk.

Sonwabo Mbananga, woordvoerder, sê die departement is verbind tot transformasie op ‘n “sielkundige vlak”.

Apartheidstryders se name sal op die tronke pryk. “Van die tronke sal genoem word na helde en heldinne van die apartheidstryd. Ons wil wegbeweeg van die simboliek wat aan sommige van die tronke kleef.”

“Die koste van die projek is nog nie bekend nie, ons sal nog die uitgawes aan belastingbetalers verklaar.”

Voorstelle kan voor of op 4 Februarie aan Zach Modise by CDC Corrections, Privaatsak X136, Pretoria 0001 gerig word, of stuur e-pos na submit@dcs.gov.za.

линейный светильник лобановский политик

Maas ontken dat daar volksmoord plaasvind

Deon Maas het ‘n bedekte aanval teen Afrikaners wat wil optree teen die voortslepende volksmoord geloods tydens ‘n onderhoud met die Daily Maverick.

Hy het die dagblad Beeld daarvan beskuldig dat hulle polarisasie aanwakker deur die lot van slegs wit slagoffers te belig. Hy het gesê die dood van swartes traak die koerant nie.

“Om die voorblad van Beeld te haal, moet jy dood en wit wees,” het hy gesê en bygevoeg “As jy dood en swart is, sal jy dit nie maak nie.”

Maas sê hy glo dat hierdie verskynsel te wyte is aan apartheid-denke en dat die media polarisasie wil skep.

Dit veroorsaak dat Beeld-lesers glo daar is ‘n volksmoord op witmense aan die gang, het hy gesê.

Maas het in die onderhoud met Maverick gesê by die swart radiostasie MetroFM is daar weer geen poging om wit luisteraars te lok nie.

школа яхтинга топкарго кидалы

Met liefde, uit die Karoo

Soos baie ander Blikore is die Ore die vakansie ook bietjie Kaap toe – Onrus toe – om langs die groot dam te gaan voetjies hang. Die voete, het dit geblyk, was nodig om anker in die sand te slaan want die wind het woes gewaai – dit reën mos in die binneland.

Mev. Oor het ook vir Beaufort-Wes ‘n paar kanne water ingelaai, sodat die kroos op die agtersitplek skaars plek gehad het om asem te haal. Net na die water afgelaai is, keer die man met die wit handskoen my voor. Ek is op die plek die blikoorskater in, en ek is lus en draai om en loop gooi daai kanne water uit, of piepie daarin. Nou sal dit ook nie meer help om van boosheid in die water te gaan piepie nie, want hulle suiwer dit weer.

Maar dit blyk die man met die wit handskoene gaan net die kar en my rybewys na.

Na die terugkeer kom die berigte en gerugte van mense wat so vreeslik in die Karoo gevang is, mense wat beweer hulle het g’n te vinnig gery nie, en selfs mense wat sê daai dag was hulle glad nie in die omgewing nie. Vir weke word die posbus dopgehou – en toe op ‘n dag, toe is die liefdesbrief uit die Karoo daar.

Nie van Beaufort-Wes nie, maar van Ubuntu by Richmond. Die Blikke het met die gaan en terugkom juis nie Richmond om gery nie, en met die terugkom boonop Orania om gery. Maar Ubuntu is groot, en die Blikke is by Drie Susters gevang – teen 117 op ‘n 100 kilometer-sone. Die bedraggie om Richmond kop bo water te laat hou, is dus nie vreeslik groot nie.

As daar egter iemand is wat ek regtig hoop vasgetrek is, is dit ‘n man in ‘n luukse motor. Van voor Laingsburg af is hy kort-kort teen ‘n vreeslike hoë spoed by die Blikke se Kaspaas verby, net om ‘n ent verder langs die pad te staan. Die derde (en laaste keer) dat hy verby is, is hy teen ‘n blinde hoogte en op ‘n sperstreep by Kaspaas verby. By Prins Albertweg het die Blikke hom by die polisie verkla. Nie oor die vinnig ry nie, maar oor die laag vlieg.

Uiteindelik, met die Heer se genade, is ons almal veilig tuis. En ons hou duime vas daar kom nie nog sulke verrassings uit die Karoo nie.

Stabiliteit deur realiteit in Libanon

Terwyl staatkundige rustigheid op die oog af na Libanon terugkeer, is daar steeds ‘n donker terreurwolk wat oor die land hang.

Die rede vir hierdie donker wolk is dat die nuwe regering deur Hisbollah gesteun word. Die VSA en sy bondgenote beskou Hisbollah as terreurorganisasie, en sanksies geld teen die organisasie en sy ondersteuners.

Die feite op die grond spreek egter ‘n ietwat ander storie. Selfs na die VSA $720 miljoen sedert 2006 aan militêre hulp aan Libanon gegee het om die regering sterk en pro-Westers te probeer hou, is Hisbollah steeds die sterkste militêre mag in die land.

Toe Hisbollah parlementêr die pro-Westerse regering tot ‘n val gebring het, is vermoed dat dié organisasie nie self sou belangstel om die bewind oor te neem nie. Dit sou immers die fyn balans tussen Christen, Soenie en Sjiïet versteur. Hisbollah, radikaal Sjiïties het uiteindelik ook nie regeringsopsies uitgeoefen nie, en ‘n neutrale Soenie-sakeman as Premier laat toetree. Hierdeur is die balans behou waar die premier tradisioneel ‘n Soenie is, die speaker ‘n Sjiïet en die president ‘n Maroniete – Christen. Elkeen verteenwoordig ongeveer ‘n derde van die bevolking.

Hisbollah se optrede is egter ver van gerusstellend. Met die verwikkelinge het Hisbollah se leier in ‘n TV-onderhoud gesê dat, terwyl die Libanese bevolking, Christen, Soenie en Sjiïet saans rustig slaap, gaan sy organisasie voort met militêre opleiding, met die implikasie dat ‘n veldtog teen Israel beplan word.

Voorts is daar veel meer groeperings in Libanon as dit wat deur hoë ampte by die eenheidsregering betrek word. Die Christenbevolking bestaan uit talle groeperings waarvan nie almal etniese Libanese is nie, terwyl die Moslem-bevolking ook heelwat meer fraksies bevat, en boonop ‘n groot Palestynse bevolking in diaspora huisves.

Hisbollah se noue bande met Iran en ander terreurorganisies is ook nie bemoedigend nie. Moontlik kan die Libanese bevolking nou rustig slaap, maar solank Hisbollah by sy doelwitte bly, is daar min slaap vir die bure.

детски иг

Uitnodiging aan Praag-deelnemers oor die Volksverkiesing

Die Afrikaner het nie meer tyd of geleentheid om na alternatiewe te soek om op die Vryheidspad te vertrek nie. As ons eers na al die leunstoelplanmakers se planne en voorstelle moet luister, gaan ons huidige geslag al oorlede wees, voordat daar iets gebeur.

Die juridiese agrumente waaronder die VVK begin is, en waaronder dit die Volksverkiesing aan die gang gesit het, is waterdig, en soos ek in my vorige artikel gestel het, ‘n broodnodige beginpunt van ‘n baie belangrike reis. As daar mense is wat nou ernstige kritiek daarteen het, sou die duidelike aangewese optrede vir daardie mense wees, om self van hulle leunstoele af op te staan, en hulle planne dan in werking te stel, sodat almal dit kan toets in die vorm van ondersteuning.

Maar dan sal hulle vind dat, in die aard van die Afrikaner, daar duisende mense gaan wees wat dit kritiseer, afskiet en as onhaalbaar afmaak. Ten minste sal hulle dan kan sê; “Ons het die moed van ons oortuiging gehad om op te staan vir wat ons glo.” My kennis van ons volk sê egter vir my dat geeneen van die leunstoel kritici of planmakers daardie moed aan die dag sal lê nie, en dit gemaklikersal vind om net “Wolf-wolf” te skree, en dan aan te gaan met hulle daaglikse dingetjies, terwyl hulle uitkyk vir die volgende man, met moedige oortuigings, se plan om af te skiet.

Ek rig dus hierdie ope uitnodiging aan almal. Stuur asseblief julle vrae en dinge wat kwel in verband met die Volksverkiesing na herza1000@gmail.com . Ek het met Paul Kruger van die VVK ooreengekom dat hy saam met my die vrae sal deurwerk, en skriftelik daarop sal antwoord. Wees asseblief kort en op die man af, aangesien ons nie tyd sal hê om deur lang opstelle te werk nie. Dui ook asseblief die onderwerp aan as: “Navraag: VVK”. Aangesien ek en Dan binnekort na Amerika vertrek, onderneem ek om teen einde Februarie / begin Maart, Paul se antwoorde te publiseer.

Na aanleiding van sommige kommentaar wil ek dit ook duidelik stel, dat Praag nie agteroor sit en agter die Volksverkiesing gaan skuil om niks te doen nie. Ons gaan volstoom voort om die Afrikaner se saak te stel, en gaan ook voort met ons plan om ‘n eie Afrikanergebied te bekom onder ‘n Ontwikkelingskoöperasie. Ek en Dan Roodt besoek Amerika eersdaags, waar ons met invloedryke mense en politici gaan gesels oor die situasie van die Afrikaner en blankes in Suid Afrika, en spesifiek die volksmoorde wat aan die gang is.

promoted posts

Vasberandenheid sal terreur stuit

President Nicolas Sarkozy het Maandag verklaar dat die Franse gyselaars wat deur Al-Kaïda vermoor is, sy land se vasberadenheid om terrorisme te bestry, versterk het.

Sarkozy het ‘n gefaalde reddingspoging vir die twee gyselaars verdedig.

“Frankryk se standpunt is dat, wanneer ons deur terreur in die gesig gestaar word, daar net magsvertoon kan wees, anders is dit ons almal se veiligheid wat in gevaar is,” het Sarkozy aan verslaggewers in Parys gesê.

“As ons swak gaan wees, sal ons nooit swak genoeg vir hulle wees nie. As ons begin toegee, sal ons nooit genoeg kan toegee nie. As ons om verskoning begin vra, sal geen vernedering genoeg wees nie.

“Elke keer as demokrasieë geaarsel het, het hulle ‘n duur prys betaal,” het hy gesê nadat hy gevra is of hy berou het oor sy bevel om die twee jong Fransmanne, wat in Niger ontvoer is, te probeer red.

“Elke keer as ‘n Franse burger deur terroriste vermoor word, versterk dit Frankryk se vasberadenheid om terrorisme te bestry,” het hy gesê drie dae nadat die leier van Al-Kaïda, Osama bin Laden, geëis het dat Frankryk uit Afganistan onttrek.

Twee 25-jarige Fransmanne is vroeër vandeesmaand uit ‘n restaurant in Niger ontvoer. Hulle is in Mali dood gevind nadat Franse magte hulle uit ‘n konvooi van Al-Kaïda probeer red het.

By die eerste mediakonferensie sedert hul dood het Sarkozy gesê dit was een van die mees emosioneel moeilike tydperke in sy termyn as president. Hy het egter volgehou dat hy geen ander keuse gehad het as om die reddingspoging van stapel te stuur nie, aangesien die bende nie wou onderhandel nie.

Russe was glo gewaarsku

Russiese veiligheidsdienste het glo waarskuwings ontvang oor ‘n aanval wat op ‘n Moskouse lughawe beplan word. Berigte oor ‘n ontploffing by die Domodedovo-lughawe, waarin minstens 35 mense gedood is, lui dat die veiligheidsdienste ingelig was omtrent die bedreiging.

Die ontploffing van Maandagmiddag word as ‘n selfmoordbomaanval beskou.

“Die geheime diens het inligting ontvang dat ‘n daad van terreur by een van die lughawens in Moskou uitgevoer gaan word,” het ‘n anonieme bron aan die RIA Novosti-nuusagentskap gesê.

“Agente was reeds op soek na drie verdagtes. Toe die verdagtes egter die lughawe binnekom en die ontploffing wat hul makker veroorsaak het sien, het hulle die lughawe verlaat,” het die bron gesê.

“‘n Wenk met ‘n waarskuwing dat iets voorberei word, was reeds ‘n week voor die ontploffing bekend,” het ‘n bron van die lughawe se veiligeheidsiens aan die Lifenews.ru-webwerf gesê.

Die ontploffing het die Internasionale Aankomste-saal geskud.

для сауны

Transformasie versus die grondwet

Die twee universiteite in die Vrystaat, die Vrystaatse Universiteit en die Sentrale Universiteit vir Tegnologie – die ou Technikon) is vroeg vanjaar in die nuus oor aspekte wat verband hou met die opstel van transformasie teenoor die grondwet en sy bepalings.

Eers het die UV aan die beurt gekom met ‘n besluit wat skynbaar nie behoorlik gekommunikeer is nie, naamlik om God uit die universiteit se leuse weg te laat.

Kort hierna blyk dit dat derdejaar landboustudente aan die SUT ontdek het dat hulle hul studies nou in Engels moet voltooi. Van die studente beweer hulle het maar ‘n week of wat gelede van dié toedrag van sake verneem, terwyl die SUT beweer studente is jare lank al hierop voorberei. Volgens ‘n hoofartikel in vandag se Volksblad mag studente ook nie eens hul vraestelle in Afrikaans beantwoord nie. Verskeie het glo by die aanbreek van hul derde studiejaar hul studies opgeskort omdat hulle voel hulle is nie goed genoeg toegerus om hul studies in Engels te probeer voltooi nie. Een het byvoorbeeld disleksie wat dit vir hom moeilik genoeg gemaak het.

Maar wat sê die grondwet? In Artikel 6 van die grondwet, wat deel van die hoofstuk oor die grondslae van die grondwet is, word dit duidelik gestel dat die staat stappe sal neem om die inheemse tale te bevorder. In artikel 5 word Afrikaans, ook ‘n inheemse taal, as een van die land se amptelike tale gelys.

Artikel 7 gee aan provinsies die reg om as’t ware die elf tale as groslys te gebruik om amptelike tale vir die provinsie te lys. Afrikaans is ook een van die amptelike provinsiale tale.

In Kovsies se geval is so ver gegaan om transformasie – ‘n woord wat nie in die grondwet voorkom nie – as rede te gebruik om die besluit om God uit die leuse te verwyder.

Transformasie kom omheilspellend dikwels in die weg van die grondwet en grondwetlike beginsels. Formeel streef die grondwet nie-rassigheid na en verbied diskriminasie onder meer op grond van ras. In die praktyk is ras allesbepalend. Boonop is arbeidswetsontwerpe nou in die proses wat, as dit goedgekeur word, provinsiale raskwotas sal afskaf, en die indiensneembaarheid van bruin mense in die Wes- en Noord-Kaap sal benadeel, en Indiërs in KwaZulu-Natal. Voortaan – as dit so deurgevoer word – sal werkgewers nasionale kwotas moet handhaaf.

Dit behoef geen profeet om te besef dit gaan die druk op Afrikaans verder verhoog nie. Nog meer personeel, ook doserende personeel – sal ingevolge transformasiedoelwitte aangestel moet word wat nie Afrikaans magtig is nie, of wil wees nie.

Die impak op die Afrikaanse media sal ook ingrypend wees. In dié stadium oorkom Afrikaanse koerante die probleem deur baie bruin Afrikaanssprekendes aan te stel, ook in provinsies met klein bruin bevolkings. Swart kwotas word gewoonlik in die administratiewe en bemarkingsafdelings geakkommodeer. Die nuwe voorgestelde wetgewing gaan dit vir koerante nog moeiliker maak om genoeg mense aan te stel wat Afrikaans voldoende magtig is om hoë gehalte Afrikaans aan lesers op te dis.

Wanneer hierdie transformasie agter die skerms plaasvind, en die publiek wat geraak word eers in ‘n baie laat stadium daarvan bewus word, is dit dikwels te laat om deur onderhandelings stappe te neem. En hofsake kos baie geld.

Die Vrystaat was eens ‘n model-republiek. Nou is it die provinsie wat die swakste met verslae van die Ouditeur-generaal gevaar het. Dis die provinsie wat die meeste in die nuus is oor Eskom wat dreig om dorpe se kragtoevoer weens wanbetaling af te sny. Met so ‘n beeld en dit wat die UV en SUT nou uitstraal, is dit ook geen wonder dat borge kopsku raak om die rugbyspan te borg nie.

Kommunisme se ‘goeie bedoelings’

As ek terugdink aan my sosiologie-jare aan RAU, en ek bedoel nou die tyd toe daardie instelling nog Westerse standaarde gehandhaaf het, het ons in groepsverband Marx se kritiek op kapitalisme en die voordeel van kommunisme beoordeel. Een van die vernaamste punte wat gemaak is, is dat daardie sisteem teoreties goed is, maar in die praktyk skipbreuk gelei het weens sommige aspekte wat onuitvoerbaar was. Marx se benadering was te vereenvoudig om die ganse kompleksiteit van menslike handelinge saam te vat.

Wie verder ondersoek instel na Marx se bedoelings, kry egter ‘n ander beeld te sien. Soos Ronald Reagan op ‘n stadium gesê het is ‘n kommunis iemand wat Karl Marx lees, en ‘n antikommunis iemand wat Marx verstaan.

Een van die skadeliker uitlatings van Marx was dat geloof die opium van die massa is; ‘n stelling wat oorspronklik ontleen was aan die Sionistiese denker Moses Hess. Die veronderstelling is dat geloof die gepeupel salig onbewus in hul verdrukte, vernederde posisie hou en dus deel uitmaak van die verdrukte karakter van die aanhangers. Daarbenewens is Marx se model van die struktuur van die samelewing, wat bestaan uit die onderbou, oftewel die werkersklas (proletariaat) en die bobou, oftewel die welgesteldes (bourgeoisie) ‘n model wat wanbalans impliseer. Hierdie wanbalans kan slegs deur middel van omverwerping en rewolusie uit die weg geruim word. En miljoene mense het kritiekloos hierdie model aangeneem.

Die verraderlike aspek van hierdie benadering is dat Marx se model geen heil behels nie, maar juis meer wanhoop in die verskiet het. Deur geloof te veroordeel as ‘n pilletjie vir die pyn het hy mense aangespoor om hul geloof af te sweer. Die resultaat is dat mense hul morele beginsels verloën het, tesame met hul hang na diepgewortelde gevoel vir regverdigheid en ordelike samesyn. Deur mense van hul moraal te beroof, word hulle ook van hul karakter ontneem. Hul identiteit en gevoel van sin in die lewe is saam met geloof oorboord gegooi. Gevolglik gaan hierdie mense nie meer leef ter wille van oordrag en verryking van hul kultuur aan die nageslag nie, maar ‘n grimmige hedonisme vul die vakuum waar geloof moes gewees het. Hierdie mense begin slegs te leef vir die hier-en-nou en hul fundamentele waardes vervlak tot tydelike, verbygaande tendense.

‘n Afwesigheid van karakter, beginsels of geloof lei noodgedwonge tot ‘n staat van nihilisme, en dit is hier waar die werklike opium van die massa sy intrede neem. As daar geen hoër moraal is om jou karakter aan te meet nie, vervaag die verhouding tussen lewe en dood, tydelik en ewig, en plig en plesier. Die lewe beteken niks nie, en die dood daarom ook nie. Die dood word goedgepraat en die lewe word as ‘n ongewenstheid beskou. Al hierdie gedagtegange het op een of ander stadium onder kommunistiese regimes geheers. Selfs ten tyde van die Franse Rewolusie – ‘n voorloper van die kommunistiese rewolusie – wat ook teen alle vorme van geloof gekant was, het die mees barbaarse slagtings en teregstellings plaasgevind.

Die ander kritiekpunt van Marx is dat die proletariaat bevry moes word van die effekte van die hoër kultuur. Deur hierdie hoër kultuur, oftewel die bourgeoisie af te breek, het egter dieselfde rigtingloosheid as gevolg. In byna alle gevalle is die struktuur van die samelewing eksterne manifestasies van die hoër spirituele strewes wat in die hart van die volkere vir baie jare gesetel was. Die Romeine byvoorbeeld het geglo dat daar honderde gode was, en elke god het ‘n heel spesifieke taak gehad. Een was vir landbou, een was vir reis op land, ‘n ander het geheers op see, en nog ander was vir welvaart. Vandag is daardie gode geëksternaliseer in die vorm van burokrate en amptenare wat oor verskillende ministeries regeer.

Volgens Marx se voorspellings het ‘n arbeider in Duitsland, Frankryk of Italië veel meer met mekaar in gemeen as met hul hoër kulture, vandaar sy oproep “Werkers van die wêreld, verenig!” Die realiteit het die teendeel bewys, naamlik dat werkers meer affiniteit met hul eie hoër kultuur voel as met dié van ander westerse lande. Volgens ‘n artikel wat ek van die geskiedkundige Ivor Benson gelees het, was selfs die Russiese boere wat die Tsaar moes vermoor nie bereid om tot hierdie daad oor te gaan nie. Hul gewete het hulle op die laaste oomblik teengehou. Dit is per slot van rekening hul keiser. Vandaar dat die Bolsjewiste belsuit het om buitelanders, vermoedelik Hongare, te kry om die keiser en sy familie dood te skiet (Anders as wat menige mense dink, het die Bolsjewiste self nie die sneller getrek nie.)

Die totale gebrek aan respek waarmee hulle die lyke vermink het om hulle onherkenbaar te maak is ‘n bewys waartoe ‘n volk in staat is as hulle in hierdie toestand van nihilisme beland het. Laat staan nog dat onder Stalin die verskillende oblastbaronne (plaaslike leiers) teen mekaar gekompeteer het wie die meeste mense kon doodmaak.

Marx se wens, ‘n diktatuur van die proletariaat, is presies wat dit is. Diegene met die minste ontwikkeling, die minste insigte en sedes, die slegste verteenwoordigers van hul eie kultuur is eintlik die ware proletariaat. Geen samelewing kan lank stand hou as die proletariaat regeer nie. Onder sulke omstandighede verval kulture in onbegrip, kortsigtigheid gebrek aan respek vir eie geskiedenis en onverskilligheid.

Met bogenoemde taktieke, wat teen geloof en hoër kultuur gerig is, skep ‘n mens ‘n teelaarde vir wat die Engelse filosoof Thomas Hobbes destyds ‘n oorlog van almal teen almal genoem het. Alle menslikheid verdwyn en dierlikheid begin kop uit te steek, en die sterkstes moor die swakkes uit vir hul eie tydelike gewin, om later weer vervang te word deur nog sterkes. Deur verder te stel dat almal gelyk is, verbied mense eweneens om hul ambisies te ontwikkel en na bo te streef sodat die samelewing in ‘n permanente staat van angs, rigtingloosheid en nihilisme verkeer. ‘n Mens durf byna beweer dat kommunisme teen die mens se geestelike natuur indruis.

Hoewel die indruk gewek word dat kommunisme se tyd uitgedien is, is die realiteit dat dit slegs in ‘n ander gedaante gemuteer het. Deesdae gebruik hulle arbeiders van vreemde kulture om die sedes van elke kultuur te verwar en te ondermyn, en noem dit “integrasie”. Enigiemand wat ‘n probleem het met hierdie integrasie kan ook reken om as ‘n paria beskou te word. ‘n Onlangse mosie wat deur die Europarlement aangeneem is waarin alle vorme van nasionalisme teëgewerk moet word, bewys dat hierdie ellende wat Marx veroorsaak het nog steeds nie uitgedien is nie.

‘n Herlewing van ‘n mens se eie kultuur is uiteindelik sy belangrikste bron van vitalisasie en ‘n manier om die wêreld te verklaar wat op sy manier sin maak.

Ek hoop dat dit nie te laat is nie om hierdie opvatting aan die volgende geslag deur te voer nie.

casino bonus Данильченко Харьков

Swart Christene stel nie in wittes belang nie

Die leier van die Christen-Demokartiese Party (CDP), ds. Theunis Botha, het sy teleurstelling uitgespreek met die ACDP se reaksie op die eenheidsgesprek tussen hulle.

“Die CDP het die inisiatief geneem en as gasheer vir samesprekings met die ACDP opgetree wat op 20 Maart 2010 in Pretoria plaasgevind het. Die ACDP is deur ‘n hoë profiel-afvaardiging verteenwoordig wat die destydse adjunk-leier, nasionale LP’s, lede van provinsiale wetgewers en nasionale uitvoerende komiteelede ingesluit het.

“Dit wil voorkom asof die ACDP partyleier, eerw. Kenneth Meshoe, nie die samesprekings as belangrik genoeg geag het om teenwoordig te wees nie. Die CDP is deur ‘n ewe hoë profielafvaardiging, onder andere die partyleier, verteenwoordig.

“Die samesprekings het in ‘n goeie gesindheid plaasgevind, en daar is tot die slotsom gekom dat die partye baie in gemeen het en dat dit belangrik was om maniere te vind om te verenig.

“Die ACDP-afgevaardigdes sou aan hul leier terugrapporteer, en het ‘n opvolgvergadering voorgestel wat die ACDP sou aanbied. Ongelukkig, so lyk dit, het die ACDP-leier sake gedwarsboom en die opvolgvergadering is nooit gereël nie.

“Na maande se korrespondensie het die ACDP uiteindelik enige vooruitsig op ‘n alliansie verwerp.

“Dit is ‘n treurige afloop dat twee Christen-partye mekaar nie kan vind nie,” aldus ds. Botha, “en nie die weg oopsien om saam te span in hul stryd om sekulêre humanisme wat die Suid-Afrikaanse politieke toneel oorheers, die stryd aan te sê nie.

“Ons glo steeds dat ‘n alliansie van alle Christelike partye die oplossing vir die land bied.”

стоит построить