Dan Roodt, Author at praag.co.za

‘n ‘Hendrik Verwoerd-rassis’

Die Demokratiese Alliansie (DA) het Woensdag ‘n nuwe opname bekendgestel waarin die omstrede Jimmy Manyi, regeringswoorvoerder, glo uitvaar teen Indiërs in Suid-Afrika.

“Die DA sal ‘n opname in DVD-formaat aan joernaliste verskaf waarin Manyi nóg ‘n rassistiese opmerking maak, hierdie keer teenoor Indiërs in Suid-Afrika,” het die party gesê.

Nuus24 het ‘n opname van Manyi se toespraak op die DA se YouTube-blad gevind.

Daarin vaar Manyi uit teen die top-bestuur in Suid-Afrikaanse maatskappye wat nie verteenwoordigend van die Suid-Afrikaanse demografie is nie.

“Indiërs, ons moet net 3% (in bestuursposte) hê. Hulle sit op 5.9%. Ek noem dit die krag van onderhandeling. Indiërs het hulle pad boontoe onderhandel (sic),” het Manyi verlede jaar tydens ‘n toespraak aan die Durbanse sakekamer gesê.

Manyi het vroeër vir opspraak gesorg nadat hy uitlatings gemaak het oor bruinmense in Suid-Afrika. Hy het glo in Maart 2010 tydens ‘n onderhoud op KykNet gesê dat daar te veel bruinmense in die Kaap is.

“Laat ek net ‘n laaste ding oor bruinmense sê. Dit is belangrik dat hulle besef dat Suid-Afrika in sy geheel aan hulle behoort en nie net die Wes-Kaap nie,” het Manyi tydens die onderhoud gesê.

“Hierdie sametrekking in die Wes-Kaap werk nie vir hulle nie. Hulle moet versprei na die res van die land. Hulle is volop in daardie gebied en moet bietjie versprei,” het hy glo gesê.

Volgens Manyi het hy tydens die onderhoud namens die Black Management Forum (BMF) gepraat.

Trevor Manuel, minister in die presidensie, het Woensdag in ‘n ope brief in die Mercury uitgevaar teenoor Manyi oor sy kommentaar oor bruinmense.

“Ek wil jou aandag vestig op die feit dat jou stellings oor ‘n ‘oorkonsentrasie van bruinmense’ teen die gees van die Suid-Afrikaanse grondwet, sowel as die Black Management Forum is,” het Manuel in die brief geskryf.

“Ek wil dit aan jou stel dat die stellings jou ‘n rassis in die vorm van HF Verwoerd (Hendrik Verwoerd) maak.”

Manyi wou nie kommentaar lewer oor Manuel se brief nie.

with bonus Фильчаков прокурор

Moslemsaanval in Duitsland eis twee

Twee mense is dood en twee is beseer, ten minste een kritiek, in ‘n skietaanval op Amerikaanse militêre personeel by Frankfurt Internasionale Lughawe in Duitsland. Die aanval het omstreeks twintig oor drie op 2 Maart plaasgevind.

Volgens nuusverslae, het ‘n gewapende aanvaller aan boord van ‘n Amerikaanse militêre bus wat by die ingang van Terminaal 2 geluier het, gestap en begin skiet. Die twee oorledenes was ‘n Amerikaanse soldaat en die bestuurder van die bus, wie se nasionaliteit nie bekend is nie.

Die oortreder is na bewering uit Kosovo, van Albanese etnisiteit en 21 jaar oud, volgens Duitse mediabronne. Volgens nuusberigte, was die Amerikaanse troepe op pad na Afghanistan.

Daar was reeds aanvalsplanne teen Amerikaanse militêre teikens in Duitsland die afgelope jaar. Die aanval pas in die kategorie van die “gewapende jihadistiese stryd” soortgelyk aan wat die Amerikaans-gebore Jemeense geestelike Anwar al-Awlaki in 2010 op Internetkletskammers versoek het. Al-Awlaki word gekoppel aan maj. Nidal Hasan, wat in die November 2009, Fort Hood-skietery aangekla is.

Die aanval in Frankfurt was ‘n sagte-teiken aanval. Sagte teikens is vatbaar vir aanvalle te danke aan die afwesigheid van voldoende sekuriteit. Gebiede by lughawens buite die veiligheidspunte is sulke teikens. STRATFOR het reeds geruime tyd voorspel dat militante sulke doelwitte verkies veral vanweë hul fiksasie met vliegtuie.

Die onlangse aanslag op Domodedovo Internasionale Lughawe in Moskou, byvoorbeeld, het die internasionale aankomsarea waar families, vriende en bestuurders deur reisigers ingewag word, geteiken. Sulke gebiede is moeilik om te beveilig, omdat dit sal vereis dat die hele lughawe afgekordon moet word.

As verslae oor die aanvaller se etnisiteit waar is, sal dit nie die eerste keer wees dat etniese Albaniërs het by die internasionale jihad betrokke is nie. ‘n Aantal Albanese individue was deel van die Fort Dix-aanvalsplan in die Verenigde State in 2007.

Amerikaanse owerhede het ‘n militante sel in Noord-Carolina ontdek waarby individue van etniese Albanese herkoms betrokke was. In 2009, het ‘n Amerikaanse burger van Albanese herkoms van Brooklyn, New York, probeer om na Pakistan vir militante opleiding te gaan.

Albanese het met die hulp van die VSA, in hul stryd teen Serwië in Kosovo, grootliks geskool geraak in militante Islam in die laat 1990’s teen die regime van die destydse Slawiese leier Slobodan Milosevic.

SABC-aanstellings ‘n bron van kommer

“Die Vryheidsfront Plus verwerp die aanstellings wat die parlementêre portefeuljekomitee oor Kommunikasie gister op die SABC-raad gemaak het. Al die aanstellings was ANC-voorkeurkandidate en geeneen van die opposisie se kandidate was oorweeg nie. Dit beteken dat die ANC sy greep op die SABC verder versterk het en is ‘n kommerwekkende tendens, spesifiek beskou teen die agtergrond van die komende plaaslike verkiesing,” het adv. Anton Alberts, VF Plus-parlementêre woordvoerder oor Kommunikasie, gesê.

“Net soos met die vorige aanstelling van die hele Raad in 2009 waar die ANC kwansuis die opposisie en die VF Plus se kandidate in ag sou neem en selfs sou aanstel, het die ANC sy ooreenkoms gerepudieer en sy eie kandidate aangestel. Hierdie nuwe aanstellings is weereens ‘n bewys dat die ANC nie vertrou kan word nie,” het hy bygevoeg.

Die VF Plus se vorige verteenwoordiger op die parlementêre portefeuljekomitee oor Kommunikasie, dr. Pieter Mulder, leier van die VF Plus, het in 2007 uit die komitee gestap aangesien die ANC sy meerderheid in die komitee gebruik het om die aanstellings van SABC-raadslede te stoomroller. Hy het by die geleentheid gesê dat opposisiepartye in die komitee misbruik word deur die ANC om legitimiteit aan ‘n onaanvaarbare prosedure te gee.

Die party sal die werksaamhede van die SABC-raad, nou eintlik ‘n ANC-raad, fyn dophou en sal nie skroom om verdere stappe te neem indien die ANC die SABC vir eie gewin probeer misbruik nie.

Staak die misbruik van belastingbetalers

“Die regering neem gevaarlike ekonomiese risiko’s deurdat ernstige waarskuwings deur ekonome telkens met aggressie deur ANC-parlementslede begroet en afgekeur word. Belastingbetalers word egter deur die ANC-regering misbruik om ‘n duur staatsdiens, ‘n toenemende aantal maatskaplike toelaes en onrealistiese werkskeppingsteikens te befonds,” het dr. Conrad Beyers, hoofwoordvoerder oor Finansies vir die Vryheidsfront Plus gesê.

Die ekonoom, mnr. Mike Schüssler van Economists.co.za, het gister (1 Maart 2010) ernstig gewaarsku oor Suid-Afrika se huidige ekonomiese rigting, insluitende gevaarligte rakende onrealistiese werkskeppingsteikens, maatskaplike toelaes en die toenemende duur staatsdiens. Verlede jaar het die Internasionale Monetêre Fonds (IMF) ook gewaarsku dat Suid-Afrika se werkskeppingsteikens nie strook met die huidige loononderhandelings nie. In beide gevalle het ANC-parlementslede wat op die portefeuljekomitee oor finansies in die parlement dien, waarskuwings woedend afgeskiet.

“Die ANC-regering se duur belastingstruktuur is besig om te swaar te word vir ‘n krimpende belastingbasis om te dra. Ongeveer 34% (15 miljoen) uit ‘n bevolking van ongeveer 50 miljoen mense ontvang tans maatskaplike toelaes. Dit moet vergelyk word met ‘n belastingbasis van 5,3 miljoen tot 5,6 miljoen mense. Indien die regering nie maatreëls instel om Suid-Afrikaners geleidelik minder afhanklik van maatskaplike toelaes te maak nie, gaan ‘n krisis in die toekoms ontstaan. Die krisis gaan ontstaan in die 2020’s as die belastinginkomste nie meer genoeg gaan wees vir al die toelaes nie. As toelaes dan noodwendig verminder moet word, kan jy ‘n Egipte-situasie in Suid-Afrika kry,” het dr. Beyers bygevoeg.

Volgens die VF Plus behoort die regering eerder belastingtoegewings aan individuele belastingbetalers te maak indien daar erns met werkskepping is. Die fokus behoort eerder daarop te wees om meer besteebare inkomste in verbruikers se sakke te plaas om sodoende die ekonomie te help groei en meer werksgeleenthede te help skep.

купить в

Polisievoertuie vergader stof

“Die meer as honderd splinternuwe ongebruikte polisievoertuie by Bainsvlei-polisiekantoor (Bloemfontein) wat stof opgaar en nie versprei word aan polisiestasies wat ‘n tekort aan voertuie het nie, bevorder misdaad. Om te beweer die administrasie vir die verspreiding is omvattend en vertraag die proses is onaanvaarbaar en getuig eerder van laksheid en onbevoegdheid. Die feit dat Bloemspruit-polisiestasie nie genoeg voertuie gehad het om na ‘n misdaadtoneel te gaan nie en dat mnr. Hennie Viljoen met klippe doodgeslaan is, bewys dat hierdie vertraging van uitreiking van die voertuie misdaad bevorder,” sê mnr. Pieter Groenewald (LP), hoofwoordvoerder van Polisie vir die Vryheidsfront Plus.

“Die Vryheidsfront Plus sal hierdie aangeleentheid direk met die minister van Polisie, mnr. Nathi Mthethwa, in die parlement opneem en verwag onmiddellike optrede,” het Groenewald gesê.

детские игр топкарго отзыв

Sarko buig voor Brics

Nicolas Sarkozy sal Woensdag vir Jacob Zuma in Frankryk as leier van ‘n opkomende groot mag verwelkom. Zuma sal ook as sleutelspeler optree in Parys se plan om die G20 tydens haar presidentskap te gebruik om die wêreld se finansiële instellings te hervorm.

Sarkozy hou tans die roterende presidentskap van beide die Groep van Agt (G8) en G20, en Zuma lei as die nuutste lid van die invloedryke “Brics”, wat die snelgroeiende ekonomieë van Brasilië, Rusland, Indië, China en Suid-Afrika insluit.

As sodanig Zuma sal met volle eerbewys onthaal word in ‘n hoofstad waar Afrika-aangeleenthede tradisioneel rondom kliëntstate en olieprodusente in die voormalige Franse kolonies draai.

Sarkozy is begaan daaroor dat sy G20-nalatenskap die hervorming van die wêreld se finansiële en handelstelsel sal wees. Ten einde die wanbalanse wat gelei het tot die onlangse wêreldwye ekonomiese ramp uit te stryk, het hy die ondersteuning van die Brics nodig.

Om die opkomende lande se ondersteuning vir sy mark- en die wisselkoers regulasieplanne te kry, het hy ontwikkelingshulp en ‘n wêreldbelasting op finansiële transaksies as die hart van sy ambisieuse program in gedagte.

En deur die Engels-sprekende lande soos Suid-Afrika en Nigerië te betrek, hoop hy om Frankryk se reputasie van nougesette belangstelling in dié dele van Afrika wat oorheers word deur die Franse maatskappye en donker invloednetwerke, teen te werk.

Zuma, wat Frankryk sedert 2008 reeds drie keer besoek het en wat die eregas by verlede jaar se France-Afrika-spitsberaad was, sal dus al die prag wat Parys kan bied geniet, insluitende ‘n erewag deur die beroemde Republikeinse Garde.

Hy sal Woensdag ‘n staatsbanket in sy eer bywoon, en vergaderings met eerste minister Francois Fillon, die sprekers van beide Franse parlementêre kamers en met die burgemeester van Parys hou.

Die leiers sal die G8-G20 agenda bespreek, en die golf van rewolusies wat die Arabiese wêreld teister, asook die talle krisisse in Afrika, in lande waar die plaaslike reus Suid-Afrika invloed uitoefen.

Afgesien van die politieke krisis in Soedan en Madagaskar, sal Sarkozy die gebeure in die Ivoorkus bespreek, waar Frankryk invloed oor Laurent Gbagbo verloor het en vrees dat sy weiering om uit te tree die land in burgeroorlog sal dompel.

Die grootste deel van die lande van die Afrika-Unie, saam met die breër internasionale gemeenskap, meen dat Gbagbo behoort te gaan en die leisels aan die mededinger Alassane Ouattara moet oorhandig.

Maar Suid-Afrika en Angola is minder oortuig, en Zuma pleit vir ‘n kompromie-oplossing, wat Ouattara se ondersteuners woedend het. Hulle het met die Suid-Afrikaanse president se motor omsingel en geskree: “Zuma dief!” op sy besoek verlede week aan Abidjan.

“Ons het nie hoop laat vaar om sy gedagte te verander nie,” het ‘n Franse amptenaar gesê. “Ons moet nie oordryf oor Suid-Afrikaanse se invloed nie, maar dit sou ‘n harde slag vir Gbagbo wees as Pretoria ‘n duidelike standpunt teen hom inneem.”

Natuurlik, tesame met die internasionale agenda, hoop beide lande so ‘n hoë-profiel besoek sal bilaterale ekonomiese bande versterk.

“‘n Groot doel van die besoek is om handels- en beleggingsbande met Frankryk te versterk, en die uitdaging van die belangrike handelstekort wat bestaan aan te spreek,” het ‘n Suid-Afrikaanse amptenaar gesê.

Frankryk is die sesde grootste verskaffer van Suid-Afrika se invoere, maar slegs die 19de grootste bestemming vir sy uitvoere.

Frankryk het Suid-Afrika van sy enigste kernkragaanleg, Koeberg, voorsien en staatsenergiereus Areva is gretig om twee van sy nuwe generasie EPR-aanlegte aan Suid-Afrika te verkoop om die elektrisiteitsgaping aan te spreek.

Maar geen kontrakte sal na verwagting hierdie week onderteken word nie. “Suid-Afrika is besig met die hersiening van die hele energiestrategie, so daar sal nie enige besluit oor hierdie saak wees nie,” het ‘n werkgewer van Sarkozy toegegee.

Frankryk verwag nietemin dat ‘n nuwe vennootskapraamwerkooreenkoms, wat ‘n miljard euro in belegging in Suid-Afrika voorsien, deur die Franse Internasionale Ontwikkelingsagentskap onderteken sal word.

Kompromiedenke lei tot ondergang

As ons na die onlangse geskiedenis in Suider-Afrika kyk, kan osn sien dat diegene wat kompromieë aangegaan het feitlik volslae ondergang beleef het. Aan die ander kant het die kompromielose revolusionêre en diktators soos Mugabe wat volgens ‘n vaste stel reëls – hoe vreemd sulke reëls mag voorkom – handel, eenvoudig gedy. Oral in Suider-Afrika het die radikale bewegings oor die meer gematigdes geseëvier: die ANC en SAKP in Suid-Afrika, Swapo in Namibië, Frelimo in Mosambiek en die MPLA in Angola.

Die ANC het die hele bouwerk van Afrikanermag onder die Broederbond en Nasionale Party ‘n dwarsklap sommer met die rughand gegee. En daar tuimel alles toe na benede. As ‘n mens dink aan die ontsaglike instellings wat die Broederbond en NP namens die Afrikanervolk en blanke Suid-Afrika beheer het, dan duisel jou sinne daarvan. Daar was die staat met sy buitelandse diens en ambassades in elke belangrike land, die weermag en polisie, Eskom, Transnet, Yskor, Sasol, die Afrikaanse universiteite, Sanlam, Absa en die Openbare Beleggingskommissaris wat die staat se pensioene bestuur. Dan praat ‘n mens nie eens van al die munisipaliteite nie, van die groot stede tot die kleiner dorpe.

Daar is al baie redes vir die dekadensie en uiteindelike ineenstorting van Afrikanermag verskaf, maar die Broederbond en Nasionale Party se bereidwilligheid om feitlik oor alles ‘n kompromie aan te gaan, moet sekerlik iewers bo-aan die lys van aanleidende oorsake wees. Die probleem is dat hierdie kompromiedenke steeds met ons is. Slaan ‘n mens ‘n Afrikaanse koerant oop, dan kom ‘n mens steeds dieselfde inskiklike lafhartigheid teë wat hierdie land tot op die afgrond van ‘n stadige volksmoord en verdrywing van die blanke bevolking gebring het. Selfs ons oorlewing is onderhandelbaar. Drakoniese rassewetgewing en allerlei vorme van diskriminasie teen blankes word meesal klakkeloos aanvaar of met begrip verduur.

Wanneer gaan ons begin om op sekere beginsels en regte te staan, soos wat die ANC en SAKP gedoen het? Gee die duiwel wat hom toekom: hulle was nie met die tweede of derde prys tevrede nie en het selfs ná die verlies van hul vernaamste strategiese vennoot en bron van finansiering, die ou Sowjetunie, uitgehou en op niks minder as oorgawe deur die Nasionale Party aangedring nie. Goetspa, noem die Jode dit.

Ongelukkig lyk dit asof goetspa, asook beginsels waarvoor hulle bereid is om op te offer, onder Afrikaners maar yl gesaai is. Ten minste onder daardie Afrikaners wat die vinnig krimpende ekonomiese en mediabasis beheer wat nog in ons mense se hande is.

фото из бани

Gebed help ook nie vir alles nie

Ten minste veroorsaak die oplaaiende munisipale verkiesingskoors dat politici begin wonder oor die argumente wat die stemvee kraal toe sal jaag.

‘n IVP-woordvoerder oor landbou in KwaZulu-Natal, sê plaasaanvalle het sedert 1991 in Suid-Afrika meer lewens geëis as die bevrydingstryde van lande soos Kenia, Rhodesië, Mosambiek, Angola en Suidwes-Afrika en dat sulke aanvalle met militêre presisie uitgevoer word.

Natuurlik is die IVP reg, maar was die eerste honderd slagoffers nie reeds die wekroep tot aksie nie? Stemme soos dié van Praag en die TLU was roepende in die woestyn ‘n paar jaar gelede.

Die wynboere se voorstelle vir spesialiseenhede het kennelik ook ver buite die grense van die Wes-Kaap weerklink; iets wat die piesangboere dalk tot stemming kan roep?

Beeld het hulself weereens verbind tot die DA se sukses in die komende kiesery. In ‘n hoofartikel bepeins die koerant Zuma se keuse: ‘n regstaat of ‘n korrupte staat.

Wel wetende dat die ANC nie hulle netwerk van invloed as korrupsie sien nie, drup die vraag natuurlik van retoriese skynheiligheid. Is daar nog iemand in Suid-Afrika of die wêreld oor wat glo in die wonder van die Westerse regstaat in Afrika?

Die polisiehoof, genl. Bheki Cele, en Gwen Mahlangu-Nkabinde, minister van openbare werke, se wanbestuur maak nie vir die gemiddelde ANC-kieser saak nie. En ook nie vir die swart kieser wat Zille wil lok nie.

Begrippe soos “grondwetlike demokrasie” is te abstrak om te voldoen aan die stygende verwagtinge wat verkiesings oor die land loslaat.

‘n DA-bemarkingsveldtog om die voordele van moedertaalonderrig te benadruk, is nodig sê Michael Le Cordeur, verbonde aan die Universiteit van Stellenbosch se fakulteit opvoedkunde. Hy is ook ondervoorsitter van die Afrikaanse Taalraad, Naspers se taalarm.

Volgens Le Cordeur is “afskuwelike dinge in die verlede in Afrikaans gesê”, maar dit “was nie die taal self, wat dit gedoen het nie”.

Dieselfde mediagroep wat Afrikaans op produkte afgelag het, het nou ‘n bruin rasieleier ontdek wat wit vrese aanspreek oor moedertaal. Net jammer dat die bruin kieser nie ‘n dooie duit omgee wat met die taal gebeur nie.

Maar soos ‘n leraar van die NG gemeente Riebeeckpark in Kempton Park dié week in Beeld gesê het, help gebed ook nie vir alles nie.

hair headbands

Petrolprys moet dringend hersien word

Die VF Plus gaan die minister van Energie versoek om die prysformule van petroleum dringend te hersien wat besparings kan meebring vir die vuisvoos publiek. Die VF Plus het hom by die Kaapse Handelskamer aangesluit in die oproep dat die huidige formule argaïes is en nie meer relevant is vir vandag se omstandighede nie. Adv. Anton Alberts, VF Plus-parlementêre woordvoerder oor Energie, het aangedui dat die prysformule uit die dae van Suid-Afrika se ekonomiese isolasie kom en nou gevolglik werklikheidsvreemd geword het.

Vanaand se brandstofprysverhogings kom teen die agtergrond van al hoe meer belastings wat teen individue gehef word, soos tolhektariewe, groenbelastings en ‘n groeiende klomp sluipbelastings. Derhalwe gaan die VF Plus die minister versoek om die formule te herevalueer en kompetisie in die mark toe te laat.

“Indien ons nie dringend aan verskeie wyses dink om die druk van die belastingbetaler, padverbruiker en die middelklas in die algemeen af te haal nie, gaan Suid-Afrika moet begroot vir ‘n toekoms vol onrus en belastingsopstote,” het adv. Alberts gesê.

справки 086-у

Kernoorlog sal goed wees vir aardverwarming

‘n Kernoorlog sal ‘n katastrofe wees, nie waar nie?

Nee, nie noodwendig nie, sê wetenskaplikes van NASA. Verskeie ander instellings stem saam dat ‘n kernontploffing waarin meer as ‘n honderd bomme van Hirosjima se lading afgaan, dalk die antwoord op aardverwarming kan wees.

Indien 0,03% van die wêreld se huidige kernarsenaal opblaas, sal dit 5 miljoen metriese ton swart koolstof in die laagste dele van die atmosfeer instuur.

Lees verder.

slots no