Dan Roodt, Author at praag.co.za

Skalie kan groot ekonomiese inspuiting wees

Karoo se skaliegas sal die ekonomie stimuleer, sê ‘n verslag. Die verslag, geborg deur Shell, sê skaliegasreserwes sal tussen R35 miljard en R90 miljard kan bydra tot staatsinkomste, maar aktiviste gekant teen hidrobreking bevraagteken die onafhanklikheid van die studie.

Selfs ‘n fraksie van die beraamde skalie-gas reserwes in die Karoo kan tot 700 000 permanente poste oor twee en ‘n half dekades skep, volgens ‘n verslag van Econometrix, ‘n ekonomiese navorsingsgroep.

Die verslag is Vrydagoggend in Johannesburg bekend gemaak.

Dit meet die potensiële impak van die ontwikkeling van skaliegas op die Suid-Afrikaanse ekonomie, teen ‘n konstante prys van $8 per 1000 kubieke meter en ‘n rand/dollar-wisselkoers van R7,303.

Die US Energy Information Administration skat daar is sowat 485 triljoen kubieke voet van skalie-gas reserwes in die suidelike Karoo.

Tussen 4% (20 triljoen kubieke voet) en 10% (20 triljoen kubieke voet) van die beraamde skalie-gas hulpbronne sal ‘n ekonomiese impak van R80 miljard-R200 miljard ‘n jaar op Suid-Afrika se bruto binnelandse produk hê, het Econometrix gesê.

“Dit is ‘n klomp geld, en baie werksgeleenthede om van weg te loop, dus gaan hierdie ‘n moeilike besluit wees,” sê Tony Twine, ekonoom en besturende direkteur van Econometrix.

“Die saak vir skaliegas is werklik dwingend,” sê Bonang Mohale, voorsitter van die Shell Suid-Afrika.

Mnr Twine het ook gesê grootskaalse skalie-gas kan Suid-Afrika se energie-tekort verlig, en dit makliker maak vir die land om te groei.

Dit is die ekwivalent van 400 jaar se energie-verbruik in Suid-Afrika wat skaliegas kan bied.

Phosa pleit vir ekonomiese bevryding

Die ANC se tesourier-generaal Mathews Phosa het vir “ekonomiese vryheid” gepleit by die bekendstelling van die party se koffietafelboek “Eenheid in Diversiteit” in Durban Vrydag.

“Ons moet op ‘n manier lei sodat ons geslag oor ‘n eeu van vandag sal sê politieke bevryding is gevolg deur ekonomiese bevryding,” het Phosa gesê.

Die 12 leiers van die ANC het hul rol gespeel vir die land, sê hy. Hy beskryf hulle as die “12 wyse manne”.

“‘n Honderd jaar van nou af, sal daar nog ‘n boek soos hierdie wees; wat wil ons hê die lesers moet sê oor ons?”

Phosa het erken dat die land se grootste probleem dienslewering is.

“Ons moet implementering opskerp om seker te maak dat dienslewering by die armstes van die armes in ons land uitkom.”

Onderwys is noodsaaklik vir die groei van die ekonomie, sê hy.

“Ons moet die vaardigheid van ons mense verbeter, werk skep en vennootskappe in verskeie dele van die wêreld sluit,” het Phosa gesê.

KwaZulu-Natal se premier Zweli Mkhize het gesê die land moet die infrastruktuurplan wat aangekondig is deur president Jacob Zuma in sy landstoespraak omhels.

“Ons moet die plan vir ‘n sinryke en beter toekoms vir Suid-Afrika omhels. Die plan sal ons ekonomie stabiliseer.”

Hy het gesê dat welvaart nie beteken dat ‘n persoon ‘n miljardêr moet wees nie.

“Dit is om te verseker dat geen kind honger gaan slaap nie, en dat almal ‘n werk het.”

Malema se skorsing ‘n tragedie sê minister

Die uitsetting van Julius Malema uit die ANC is ‘n “politieke tragedie”, het sportminister Fikile Mbalula Vrydag gesê

Hy het aan die SAUK se radionuus gesê: “Ek beskou dit as ‘n politieke tragedie vir almal van ons wat kom uit die geledere van die Jeugliga. Julius en sy generasie het werklik ‘n slag gely sonder dat ons tot die besef gekom het of dit getoets het.”

Mbalula het gesê hy was jammer vir die ANC oor die gebeure, maar het bygevoeg hy glo dat die Jeugliga sal oorleef.

“Natuurlik het ons ‘n groot voordeel gehad om polities gelei te word met al die foute wat ons begaan het, maar ons oudstes en die mense rondom ons was ‘n wonderlike span wat na ons omgesien het en ons gekoester het,” het hy gesê.

“Hulle was baie geduldig met ons. As hulle nie was nie, sou ons geskors gewees het.”

Mbalula is deur die ANCJL aangewys om die huidige ANC-sekretaris-generaal Gwede Mantashe by die party se elektiewe konferensie in Bloemfontein in Desember te vervang.

Die ANC het gister aangekondig dat Malema uit die party geskors is nadat hy onder meer skuldig bevind is aan die saai van verdeeldheid in die party se geledere.

Фильчаков Харьков

‘Ongehoorde barbaarsheid en brutaliteit’

‘n Swart Kongolese egpaar is skuldig bevind in ‘n Britse hof Donderdag van die moord op ‘n 15-jarige seun wat hulle van heksery beskuldig het. Hulle het hom erg geslaan en daarna in die bad verdrink.

Eric Bikubi, 28, en Magalie Bamu, 29, albei oorspronklik van die Demokratiese Republiek van die Kongo, het die moord op Bamu se 15-jarige broer Kristy op 25 Desember 2010, by hul huis in die ooste van Londen ontken.

Kristy het 130 beserings gehad het toe hy gesterf het nadat hy gemartel is deur sy suster en haar kêrel tydens ‘n “uitdrywing”, het die Old Bailey in Londen gehoor.

Die tiener en vier van sy broers en susters het van hul huis in Parys kom kuier by die egpaar in Londen oor Kerstyd.

Bikubi het al die kinders beskuldig daarvan dat hulle kindoki – of voedoe – in sy huis ingebring het en hulle geslaan, maar hy het veral geweld teen Kristy gebruik, en hom drie dae lank met messe, metaalpype en ‘n hamer aangerand.

Die tiener se tande is uitgeslaan, keramiekvloerteëls en bottels is verpletter op sy kop en ‘n tang is gebruik om sy oor te draai.

Hy was in soveel pyn dat hy “gesmeek het om te sterf”, het die jurie gehoor. Toe hy in die bad gedruk is deur Bikubi, “was hy net te erg beseer en uitgeput om sy kop bo die water te hou”, het die aanklaer Brian Altman gesê.

Dit was ‘n “langdurige aanval van ongehoorde barbaarsheid en brutaliteit”, het Altman gesê: “Kristy is vermoor in die naam van heksery.

“Dit is moeilik om te glo in hierdie dae en tye dat enigiemand kan glo dat iemand heksery beoefen.”

Dr Richard Hoskins, ‘n deskundige getuie wat kindoki vir 25 jaar lank al bestudeer, het gesê dit is ‘n “uiters wydverspreide” geloof onder Kongolese mense, insluitend dié in Brittanje.

“Selfs hier in Londen en tussen opgevoede mense, het ek baie ontmoet en met baie swart mense gesels wat glo in kindoki en dink dit het mag,” het hy gesê.

Kristy se susters, tussen die ouderdomme van 20 en 11, is ook geslaan, maar is laat gaan nadat hulle ‘n ‘belydenis’ gemaak het. Die ander twee broers, 13 en 22 met outisme, is gedwing om deel te neem in die marteling.

topcargo отзыв

Sint Petersburg vat gays vas

Die plaaslike parlement in Rusland se tweede grootste stad Sint Petersburg het Woensdag ‘n omstrede wet wat “homoseksuele propaganda” verbied, in weerwil van protes deur gayregtegroepe, deurgedruk.

Die wet is in ‘n derde en finale lesing met 29 parlementariërs ten gunste en vyf daarteen, ingestem. Dit sal voortaan onwettig wees om “propaganda” onder minderjariges onder die ouderdom van 18 in die guns van homoseksualiteit en pedofilie te versprei.

Maar gayregtegroepe het gesê die wet is gevaarlik want dit word aan die willekeur van die owerhede oorgelaat om te besluit wat is ‘propaganda’. Dit kan beteken dat gays ook gestraf kan word vir hul lewenstyl as dit rugbaar raak.

“Hierdie wet is ‘n skande vir die Sint Petersburg-parlement,” sê-Olga Galkina van die Yabloko-liberale party, wat almal met een uitsondering na, teen die wet gestem het.

“Hoe sal burgers hul regte beskerm? Die owerhede is amper bevoeg om te bepaal of dit is propaganda of leefstyl sal wees,” het sy aan AFP gesê.

Maar die wet is sterk ondersteun deur Sint Petersburg se goewerneur, Georgi Poltawtsjenko en hy het ook belowe om ‘n soortgelyke inisiatief by die federale Doema-parlement vir goedkeuring landwyd te loods.

“Ek het nie ‘n enkele woord in hierdie wet gesien wat nie in lyn met Russiese wette is nie,” het een van die inisieerders van die nuwe wet, Witali Milonof van die regerende Verenigde Rusland-party, aan AFP gesê.

“Homofobie is ‘n term wat uitgedink is deur die mense van ‘n nie-tradisionele seksuele oriëntasie oor mense wat nie die manier waarop hulle leef, verstaan nie,” het hy bygevoeg.

Oortreders sal gestraf word met ‘n boete van tot 50 000 roebel indien skuldig bevind word aan die bevordering van homoseksualiteit.

Die boetes vir die bevordering van pedofilie, ‘n integrale deel van homoseksualiteit in die wet, sal tot ‘n miljoen roebel gestel word.

Die wet verbied dit “om propaganda te maak deur middel van openbare handelinge vir homoseksualiteit, lesbianisme, biseksualiteit en trans-genderisme onder minderjariges.”

Volgens die wet beteken dit die verspreiding van inligting “skadelik vir die gesondheid en morele en geestelike ontwikkeling van minderjariges, insluitende die vorming van verwronge idees oor die sosiale balans tussen tradisionele en nie-tradisionele getroude verhoudings”.

OUT bekommerd oor gay-moorde

Minstens agt gay mans is in hul huise vermoor sedert 2010 in Gauteng, het die OUT-Lesbiese, Gay, biseksuele, en transgendergroep Donderdag gesê.

Nie een van die gevalle is nog opgelos nie, sê OUT se direkteur, Dawie Nel in ‘n verklaring.

Die groep het ‘n beroep op die polisie vir dringende optrede gedoen na aanleiding van die mees onlangse moord van die 67-jaar-oue Johannesburgse teaterbestuurder Rulov Senekal, in sy Braamfonteinwoonstel, in Johannesburg Saterdag.

“Al agt vermoorde slagoffers was gay. Hulle is in hul eie huise vermoor, min of niks is gesteel nie, daar was geen teken van gedwonge toegang nie, en die meeste van hulle is verwurg.”

Hy het gesê die OUT-span gaan hierdie sake met die betrokke polisiekantore opvolg.

Die polisiewoordvoerder, sersant Jenny Pillay, het gesê geen arrestasies is gemaak in verband met die moord van Senekal nie.

Sy het geweier om ingetrek te word oor die ander gevalle van moord.

“Ek kan nie kommentaar lewer op die bewerings wat gemaak word nie,” het sy gesê.

Manyi ondersoek vir buitebetaling

Die regeringswoordvoerder Jimmy Manyi word ondersoek vir die beweerde ontvangs van betaling vir werk buite sy regeringswerk, het die Staatsdienskommissie (SDK), Donderdag gesê.

“Die SDK ondersoek tans die saak na die ontvangs van ‘n klagte oor beweerde oortredings van artikel 30 van die Staatsdienswet deur mnr. J. Manyi,” het woordvoerder Ricardo Mahlakanya in ‘n verklaring gesê.

Hierdie afdeling van die Wet bepaal dat geen beampte of werknemer besoldigde werk buite die staatsdiens kan verrig sonder toestemming nie, tensy dit is in hul diensvoorwaardes aangedui word.

Die SDK het die minister in die Presidensie Collins Chabane van die uitslag van die ondersoek laat weet.

Manyi wou nie kommentaar lewer oor die saak nie en het vroeër gesê: “Ek het nie die Staatsdienskommissie se finale verslag gesien nie”.

Business Day het gister op die voorblad berig dat die Vryheidsfront Plus ‘n klag by die SDK in Maart 2011 gelê het. Die VF Plus het voorgestel dat Manyi vergeet het om die verdienste van sy posisie as ‘n Black Management Forum-direkteur te verklaar.

Volgens die koerant het die kommissie aanbeveel dat Chabane ‘n dissiplinêre verhoor moet hou oor Manyi se beweerde buitevergoeding.

Oos-Kaap vra ‘politieke oplossing’ vir Malema

‘n “Politieke oplossing” moet gevind word vir die uitsetting van Julius Malema uit die ANC, het die Oos-Kaapse ANC-jeugliga Donderdag gesê

“Ons glo nie dat die ANC lede van die voorbereidende skool moet verdryf nie, maar eerder moet reageer met ‘n korrektiewe voorneme en nie deur uiterste strafmaatreëls nie,” het woordvoerder Nkosinathi Nomatiti in ‘n verklaring gesê.

Hy vergelyk die skorsing van die ANC-jeugliga leier Malema en die skorsing van twee ander liga-amptenare, met die verbod op die bevrydingsbeweging onder apartheid.

“Ons glo nie dat die ANC in enige stadium op enige ‘n wyse verskil van wat die onwettige apartheidsregering gedoen het toe hulle bevrydingsbewegings in Suid-Afrika in die verlede verbied het nie. Daarom hoop ons op ‘n politieke oplossing.”

Hy het gesê die besluit deur die ANC se dissiplinêre komitee is “politieke onverdraagsaamheid”, “uiterste intimidasie”, en ‘n poging om die “demokratiese ruimte” binne die beweging te beperk.

Nomatiti het bygevoeg dat die Oos-Kaap se ANC-jeugliga respek vir die ANC, sy strukture en besluite het en beskou besluite as bindend op ANC-lede.

Intussen het die ANC-jeugliga se nasionale uitvoerende komitee gesê hulle sal oor die naweek ontmoet om Malema se skorsing te bespreek.

“[Die NUK] sal Sondag vergader om leiding van die leierskap te vra… oor die pad vorentoe,” het die liga woordvoerder Floyd Shivambu het gesê in ‘n verklaring Donderdag.

Shivambu sê die liga sal Maandag ‘n nuusinligtingsessie hou, en Malema sal ‘n onderhoud met die SABC se Metro FM in die aand hê.

“Lede van die media word aangeraai om hierdie benadering te respekteer.”

Shivambu het die ANC-jeugliga se dankbaarheid betuig teenoor almal wat boodskappe van ondersteuning gestuur het na aanleiding van gister se besluit deur die ANC se nasionale dissiplinêre komitee om Malema uit te stoot.

Hy die lede van die ANC en die liga wat Malema se huis in Seshego naby Polokwane in Limpopo “verdedig” het teen “moeilikheidmakers”, bedank.

Лобановский

Spraakvryheid, volksmoord en laster

Die Franse Konstitusionele Raad het individue se reg op vrye spraak bevestig en skerp kritiek uitgespreek teen die Franse parlement se wetsontwerp wat dit strafbaar maak om die Turkse volksmoord op Armeniërs tydens die Eerste Wêreldoorlog te ontken.

Kenners meen die Konstitusionele Raad se houding is nog ‘n bewys dat die VSA se toenemende pro-Moslemgesindheid deur die Franse regering uitgedra word.

Dié volksmoord het beslis plaasgevind en is volledig gedokumenteer. Die Turke het destyds sowat 1,5 miljoen Armeniërs vermoor.

Die VSA steun tans op Turkye om rebelle in Sirië te bewapen teen die bewind van Al-Assad.

In Turkye is dit strafbaar om na die gebeure as ‘n volksmoord te verwys, en in Duitsland is dit strafbaar om die Nazi’s se volksmoord op die Jode te ontken.

In Suider-Afrika weier die Britse regering al langer as ‘n honderd jaar om die volksmoord op Afrikanervroue en -kinders in die Boererepublieke te erken, asook die volksmoord op Keniane.

Intussen het die Sosialiste probeer om die anti-Semitismevlammetjie lewendig te hou en die opkomende regse party van Marine Le Pen vir die soveelste keer uitgesonder as die sondebokke.

Le Pen, leier van die regse Nasionale Front (FN) in Frankryk, beskuldig Sosialiste daarvan dat hulle anti-Semitiese jeugdiges as ‘n wapen teen haar presidensiële vooruitsigte ingespan het.

Le Pen, wat volgens peilings derde in die stembusse in die Mei-verkiesing sal eindig, het gesê sy veroordeel geweld teen twee joernaliste, maar het gesê daar was geen bewys dat die aanvallers van haar anti-immigrante party was nie. Sy sê hulle was sokkerondersteuners.

Die twee, Montebourg en Pulvar, wat verlede week met Le Pen oor haar beleid in ‘n TV-onderhoud gesels het, het gesê sowat 15 jong mans het hulle omring en gedreunsing “Le Pen vir president”.

Hulle het geskree: “Frankryk vir die Franse” en “Juden, Juden, Juden” (wat beteken Jode in Duits) toe die egpaar by ‘n restaurant in die sjiek 16de distrik uitgekom het.

Montebourg, wat van gemengde Franse en Algerynse afkoms is, het gesê: “Dit wys dat daar ‘n klimaat binne mev. Le Pen se (Nasionale Front) party is waar rassistiese uitsprake… vrylik gemaak word.”

Marine Le Pen, het gesê Montebourg en Pulvar, wat van Frans-Karribiese oorsprong is, is op soek na verskonings om te gebruik om te “probeer om my (verkiesing) veldtog te ontluister”.

In ‘n verklaring, het Le Pen gesê sy sal ‘n lasterklag teen Montebourg indien, en sê hy “het absoluut geen bewyse vir sy beswaddering nie”.

Le Pen, wat die vrese van die groeiende Mosleminvloed in Frankryk begryp, het omstredenheid verlede week laat opvlam toe sy beweer het dat al die vleis wat in die omgewing van Parys te koop aangebied word, Islamitiese halaltradisies gehoorsaam, maar nie die meerderheid wit Franse inwoners in ag neem nie.

Volgens ‘n meningspeiling van Dinsdag deur IFOP sal Sosialis Hollande 28,5 persent van die stemme in die eerste ronde van die presidensiële verkiesing aan die einde van April inpalm, teen 27 persent vir president Nicolas Sarkozy.

Le Pen sal in die eerste ronde met 17 persent derde kom.

Malema-skorssage duur voort

Julius Malema, geskorste leier van die ANC-jeugliga, gaan na verwagting appelleer teen sy skorsing uit die party. Dit beteken dat die omstrede leier nog lank op die politieke verhoog gesien gaan word.

Malema se regsverteenwoordigers moet binne 14 dae appèl aanteken.

Malema is uit die ANC geskors, het die voorsitter van die ANC se nasionale tugkomitee (NTK), Derek Hanekom, aangekondig

Die NTK het gesê Malema hy het “sy lidmaatskap-eed versaak en is nie gereed om die ANC se grondwet te respekteer nie”.

Malema was tuis, in Seshego in Limpopo, toe die aankondiging gemaak is. Sowat 500 mense het Woensdagaand buite sy woonplek saamgetrek, het die polisie in Limpopo gesê. Volgens brig. Hangwani Mulaudzi het die skare gekom om Malema te ondersteun.

Floyd Shivambu, woordvoerder van die jeugliga, se lidmaatskap is vir drie jaar opgeskort.

“Hierdie bekragtiging is ook toepaslik op kameraad Shivambu se lidmaatskap van die ANC-jeugliga. Gevolglik sal hy uittree uit sy posisie as lid van die nasionale uitvoerende komitee van die ANC-jeugliga.”

Die SABC-nuus het betroubaar verneem dat Malema sy skorsing na die ANC se nasionale uitvoerende komitee sal neem as sy appèl misluk.

Malema se politieke loopbaan is waarskynlik dus nog nie verby nie, en sal uitgespeel word in die aanloop tot die ANC se elektiewe konferensie in Bloemfontein, aangesien Malema baie steun onder swart kiesers geniet.

Die DA het gesê Malema moet die besluit van die ANC se nasionale tugkomitee (NTK) aanvaar.

Skote is buite Julius Malema se huis in Seshego, Limpopo, afgevuur nadat die ANC aangekondig het dat die omstrede leier van die ANC-jeugliga uit die regerende party geskors is, het die polisie vroeg Donderdagoggend gesê.

Brig. Hangwani Mulaudzi sê die skietery het laat Woensdagaand plaasgevind nadat twee groepe buite Malema se huis mekaar met klippe gegooi het.

Na bewering het Malema se veiligheidswagte waarskuwingskote afgevuur. Daar word ook beweer dat een van die groepe skote afgevuur het.

“Die situasie is onder beheer. Ons het beide partye oortuig dat… die polisie ernstige stappe sal neem indien hulle daarmee voortduur,” het Mulaudzi gesê.

Daarna het die groepe bedaar. Niemand is in die voorval beseer nie.

Die polisie is besig om die gebied te patrolleer. Mulaudzi sê polisiebeamptes is ook besig om ondersoek in te stel.

Julius Malema het intussen gewaarsku dat sy permanente skorsing “nie die einde van die pad is nie,” het die SABC-radionuus berig.

“Ons moet aanvaar dat hierdie die besluit is, maar dat dit nie die einde van die pad is nie,” het hy gesê.

“Dit is nog vroeg om fees te vier, omdat die pad voor ons baie lank gaan wees en mans en vroue benodig… wat baie sterk is.”

“As jy swak is, gaan jy in die proses val,” het Malema gesê.

“Ek is nie ‘n soldaat wat bereid is om tydens die geveg te val nie; ek sal sterf met my stewels aan; ek sal sterf vir wat ek glo.”

Malema sê hy het niks verkeerd gedoen nie.

“Ek het van niemand gesteel nie… Ek het niemand doodgemaak nie,” het hy gesê.