Dan Roodt – Bladsy 1008

Staat en hoofregter s? Ho?rskool Ermelo die stryd aan

Onlangs het ons berig dat die Hoërskool Ermelo die eerste rondte van sy hofstryd gewen het deur te slaag met ‘n dringende aansoek wat bepaal dat die provinsiale onderwysdepartement in die Oos-Transvaal (tans Mpumalanga) nie met die skool se taalbeleid mag inmeng nie. Maar nou het sowel die nasionale minister van onderwys, Naledi Pandor, as die hoofregter hulself aan die kant van die dertien Engelse leerlinge geskaar wat teen wil en dank die skool wil bywoon.

Op Maandag 12 Februarie begin ‘n nuwe rondte in die saak as Pandor, namens ene Ncane Elizabeth Masilela wat wil hê haar kind moet in Engels by die skool onderrig word, nog ‘n dringende aansoek in die Pretoriase Hooggeregshoof aanhangig maak. Die hoofregter, Pius Langa, het ook tot die saak toegetree deur op grond van ‘n brief wat van die staatsprokureur ontvang is te gelas dat die saak heropen word met die moontlikheid dat die vorige uitspraak deur regter Bill Prinsloo nietig verklaar kan word.

Die staat voer nou aan dat 37 leerlinge reeds tot die skool toegelaat is, maar nie onderrig ontvang nie. Ook beweer die onderwysdepartement dat hy nie vinnig genoeg skole kan bou nie weens die sementtekort wat te wyte sou wees aan die sokkerwêreldbeker van 2010. Daarom móét die Afrikaanstalige Hoërskool Ermelo Engelse klasse instel.

Akademiese navorsing het reeds bewys dat waar Afrikaanse skole Engelse klasse instel, sulke skole gewoonlik binne drie tot vyf jaar geheel en al verengels.

Dit wil voorkom asof die ANC nou met ‘n hernieude poging kom om die laaste oorblywende Afrikaanse skole, veral op die platteland, oor te neem en te verengels. In sy mees onlangse verskyning op die SAUK-TV op 11 Februarie het Mbeki gesê dat die beheerrade van te veel skole nog in blanke hande is en dat dit nie veel langer geduld sal word nie.

лобановский класс

Transformasie van woonbuurte kom

Wagtend op ‘n Toskaanse fasade

Sowel die ANC-president Thabo Mbeki as ’n konsultant vir die departement van behuising het bevestig dat gedwonge integrasie van woonbuurte wat tans op grond van ras en klas "geskei" is, binnekort sal plaasvind.

In ’n onderhoud gisteraand met die SAUK-TV in antwoord op ’n vraag of Suid-Afrika al “een nasie” gevorm het, gesê nee, maar dat optrede binnekort sal volg om swart en wit deurmekaar te laat woon en meer swartes op bestuursvlak in die ekonomie aan te stel.

In ’n voorlegging aan die Vereniging van Eiendomseienaars (Veesa), het mnr. Dan Smit, ’n konsultant vir die departement van behuising, einde verlede maand die regeringsbeleid uitgespel waarvolgens laekostebehuising voortaan deel sal vorm van elke nuwe eiendomsontwikkeling. Ontwikkelaars gaan gedwing word om ten minste 30 persent van elke ontwikkeling aan laekostebehuising van tot so min as R50 000 per wooneenheid af te staan.

Volgens Smit is “die doel van die nuwe beleid nie net om ontwikkelaars te dwing om meer laekoste-huise te bou nie, maar ook om die rasse- en klasseverskille in Suid-Afrika verder af te breek.” Hierdie nuwe sosialistiese gees was ook teenwoordig in Mbeki se jongste staatsrede waarin groot klem gelê is op die uitbreiding van die welvaartstaat deur die instelling van omvattende maatskaplike versekering. Groter klem gaan voortaan op die gelykstelling van rasse en klasse gelê word.

Kleiner, goedkoop huise sal voortaan tussen duurder wooneenhede gebou moet word. Die ANC het reeds verlede jaar in Pretoria aangekondig dat hy beplan om huidige middelklasvoorstede wat grotendeels deur blankes bewoon word, demografies te “transformeer” deur sekere buurte te onteien en laekostebehuising tussen bestaande huise te bou.

Volgens mnr. Dan Smit sal ontwikkelaars van nuwe buurte ook nie toegelaat word om die armer huise te groepeer nie, maar moet sulke eenhede tussen duurder wonings geplaas word.

Nog ’n vereiste is dat die afwerking van sulke sub-ekonomiese wooneenhede nie by dié van die ander huise in ’n gegewe ontwikkeling mag afsteek nie. Gelykheid moet die norm wees. Ontwikkelaars is dit eens dat die maatreëls vernietigend op die eiendomsbedryf sal inwerk.

Een inwoner van Pretoria het die nuwe beleid as "suiwer kommunisme" beskryf. Terwyl die ANC tot dusver sy transformasieprogram oor die boeg van ras gegooi het, is dit duidelik dat klassieke sosialistiese gelykheidsbeginsels huidige beleid, ten minste wat behuising en ruimtelike ordening betref, gaan bepaal.

play ultimate texas topcargo отзыв

Is Mbeki soos Nixon?

Dit blyk dat Dan Smith 'n konsultant is by die departement van behuising. Dit blyk dus dat hy iets moet weet van behuising wat meeste mense sou ervaar as kennis aangaande bouwerk, strukture, materiale en grondstowwe en nie van rasse en klasse nie.

Volgens die artikel in Rapport op 11 Februarie getiteld “Woonburt-skok” kom mnr. Dan Smith na vore as 'n boodskapper van vreemde tyding.

Hierdie tyding soos geredigeer bevat die volgende:

1.Ontwikkelaars moet gedwing word, dus speel markaanvraag nie meer 'n rol nie. Die staat besluit wat die mark moet vra. Het die inwoners van SA nie die reg op aanvraag tesame met die vereiste dat daarvoor betaal moet kan word nie? (2) “Alle burgers is in gelyke mate –

(a) geregtig op die regte, voorregte en voordele van burgerskap; en

(b) onderworpe aan die pligte en verantwoordelikhede van burgerskap.”

(Dis nou toevallig gekwoteer uit die grondwet)

2.Laekoste-eenhede moet gebou word in gegoede buurtes dus is vryheid van assosiasie nie meer van toepassing nie. “Elkeen het die reg op vryheid van assosiasie.” (Dis nou toevallig gekwoteer uit die grondwet.)

3.Ontwikkelaars moet rasverskille afbreek dus moet rasse eerstens geïdentifiseer word waarna die ontwikkelaar sal besluit watter huis hy aan een ras sal verskaf sodat die ras kan verander na 'n ander ras. Die ras self mag nie besluit oor die ras se eie huis nie. Respekteer die president ons dan nie meer nie? “Elkeen het ingebore waardigheid en die reg dat daardie waardigheid gerespekteer en beskerm word.” (Dis nou toevallig gekwoteer uit die grondwet.)

4.Die President erken dat die meeste moorde deur swartes gepleeg word, maar dat sodanige swartes tussen “normale” huise moet bly. Is daar nie 'n wet wat duidelik is aangaande die president se verantwoordelikheid ten opsigte van ons reg om “vry te wees van alle vorme van geweld van hetsy openbare hetsy private oorsprong” nie? (Dis nou toevallig gekwoteer uit die grondwet).

Die opsomming van hierdie artikel is dat president Mbeki, noudat hy die “State of the Nation” gelewer het, en hierdie berig goedgekeur het, wat ek twyfel, miskien nou vervolg moet word soos die destydse Amerikaanse President Nixon omdat hy sy eie mense benadeel het.

Dan moet die president nuwe mense in die department van behuising aanstel wat iets weet van behuising en minder weet van rasse en klasse.

online video slots

Gehoorsaamheid sal misdaad verminder

Gesien in die lig van wat reeds in briewe aangedui is soos ons moet buiteland toe, weg met regstellende aksie, moenie met die regering praat nie maar lui die saak aan die "groot klok" ens., wil ek 'n alternatiewe voorstel maak waar ons ons algehele samewerking met die ANC moet oorweeg.

Ons moet in briewe aan die regering soos wat nou gebeur het met die misdaadsituasie voor die "State of the Nation"-toespraak, nie net vir Mbeki vertel hoe vrot dit gaan nie, maar ons moet hom vertel hoe ons agter hom sal staan – dat ons hom sal ondersteun en dat ons wag vir sy opdragte wat ons sonder verwyl sal uitvoer.

Ons moet hierdie mening dan ook landswyd in al die koerante en blaaie uitsaai en uitdruk. Mbeki sal natuurlik verwonderd wees oor hierdie ommeswaai, maar ons kan dit maklik verduidelik deur te verwys na nie net die IK(intelligensiekwosiënt) of na die EI (Emosionele kwosiënt) nie maar meer spesifiek na die SK (spirituele kwosiënt).

Die spirituele benadering is nie net 'n geloofsbenadering nie, maar dit is terselfdertyd 'n effektiewe benadering tot probleem oplossing sonder om die persoon aan te val.

Dit sal die deurbraak wees waarvoor die wêreld wag, en dit sal deur die Afrikaner bewerk word. Net soos wat PW die demokratisering begin het en die ANC saamgewerk het, nou word daar weereens uiterste kreatiwiteit verwag van die Afrikaner en ek glo hy sal daarna in ere herstel word.

what are casino games

ANC knoop bande met Bolivia

Evo Morales

’n Senior ANC-afvaardiging is pas terug uit Bolivia waar hulle die eerste demokraties verkose inheemse president, Evo Morales, kon oortuig om Suid-Afrika te kom besoek.

Morales se oorwinning meer as ’n jaar gelede het kommer by ontwikkelde en buurlande laat posvat dat hy nie Bolivia se beste belange dien deur aan te dring op die wettiging van die verbode dwelm kokaïen nie.

Daarbenewens is Morales besig om privaatbates vir die staat toe te eien deur die nasionalisering van aardgasaanlegte.

Bolivia is een van die armste lande in Suid-Amerika waar die koka-plant deur ’n grootliks landelike bevolking verbou word, ten spyte van die land se aansienlike gas- en olie-reserwes.

Die SAKP se sekretaris-generaal Blade Nzimande, Cosatu se sekretaris-generaal Zwekinzima Vavi asook verteenwoordigers van die ANC-jeugliga en lede van die nasionale uitvoerende komitee se besoek is deur Kgalema Motlanthe as “hoogs geslaagd” beskryf.

As rede voer Motlanthe aan dat die ANC en Morales se Beweging vir Sosialisme in Bolivia – die akroniem in Spaans is MAS wat ook “meer” beteken – onderskeidelik politieke leiers op hul gebied is en dat daar nou meer as ’n sistematiese verhouding tussen die twee gevorm is na afloop van die onlangse besoek.

Motlanthe het benadruk dat albei politieke bewegings uit ’n soortgelyke geskiedenis van kolonialisme en marginalisering gebore is. Bolivia lê tans groot klem op die gebruik van inheemse tale wat danksy Spaans tot 37% gekrimp het deur inheemse leerplanne in skole aan te moedig.

Motlanthe het egter bygevoeg dat “alle oplossings nie meganies van een land tot die ander toegepas kan word nie.”

Nobelpryswenner het voorheen sy lidmaatskap van Waffen-SS erken

G?nter Grass

Skrywer en Nobelpryswenner, Günter Grass (79), wat sedert verlede jaar midde in ’n politieke storm verkeer nadat hy erken het dat hy deel was van die Waffen-SS tydens die Tweede Wêreldoorlog in sy nuwe outobiografie, het ’n nuwe verweer.

Die Duitse Radio Bremen het bekend gemaak dat Grass in 1986 tydens ’n onderhoud wel indirek verwys het na sy verlede as soldaat. Dié radiostasie sou dele van die onderhoud wat in die argiewe bewaar gebly het weer gister, Vrydag 9 Februarie, uitsaai.

Die onderhoud het deel uitgemaak van ’n reeks getiteld “Toe ek 17 jaar oud was”. Daarin vertel Grass aan literêre joernalis Irmgard Bach dat hy na die Oosfront gestuur is as lid van die Waffen-SS waar hy eers in Silesië gedien het en daarna in Berlyn.

“Dit was Marskompanieë genoem waar seuns van 16, 17 saam met oueres van 50 of 60 gedien het, die oorblyfsels van die Volkssturm en die manne van die Waffen-SS" sê Grass in die onderhoud wat nou 39 jaar later opnuut groot belangstelling wek.

Kritici het tot dusver vir Grass verkwalik dat hy nie eerder sy verlede bekend gemaak het nie.

ла ла лупси игры Данильченко Харьков

Waarom nog hoegenaamd in Afrikaans skryf?

Wasserman

‘n Mede-professor in die joernalistiekdepartement van die Stellenbosse Universiteit, Hermann Wasserman, het onlangs luisteraars na Bok van Blerk se liedjie, "De la Rey" as "behorende tot die museum" beskryf in sy Ope brief aan Koos de la Rey. Dan Roodt rig op sy beurt ‘n ope brief aan die PK professor met sy veldtog teen Afrikaners.

Geagte prof. Wasserman,

Toevallig sien ek u bydrae oor die De la Rey-kwessie in vandag se By raak toe ek op Die Burger se webwerf kuier.

Duidelik koester u ’n besondere haat en minagting vir die Afrikaner. Toe ek u eposadres opkyk, bemerk ek dat 99% van u eie publikasies in Engels is. Die vraag wat onmiddellik by my opgekom het, is: waarom skryf u hoegenaamd nog artikels in Afrikaans wat deur ons agterlike mense gelees moet word? Of beskou u dit as u spesiale voorreg om ons in Afrikaanse koerante te mag beledig?

Waarom vind u dit nog nodig om die Afrikaner se patriotiese sin belaglik te maak as ons in elk geval ’n vorm van etniese uitwissing in die gesig staar? Net vandeesweek was ek en Steve Hofmeyr, vergesel van Joost van der Westhuizen, op Randfontein by ’n byeenkoms teen die moordenaars van Danielle Esterhuizen, ’n vyfjarige Afrikanermeisie. Sy is tussen die oë geskiet deur mnre. David Nqomane (31) en Tsakane Sithole (25). U kan gerus wees dat u baie bondgenote het in die volksmoord of kultuurmoord wat daar tans op ons uitgevoer word. Ermelo-hoërskool is die laaste Afrikaanse hoërskool in die Oos-Transvaal, in sogenaamde Mpumalanga, en sowel die hoofregter en die minister van onderwys het nou ingegryp om te sorg dat die skool sy taalmedium sál verander, ongeag ’n vorige hofuitspraak deur regter Bill Prinsloo, sekerlik ’n regter vanuit die verkeerde groep en dus verdag.

Deel van die Engelse koloniale tradisie was die lae dunk en veragting waarmee alles wat Afrikaans is, bejeën is. The Star het in die 1920’s ope briewe soos u s’n geplaas, maar kennelik meen u dat so ’n diskoers vandag in Afrikaans in die By of Die Burger besonder byderwets aandoen. Ten minste het die Boerehaters aan Engelse kant nog humor aan die dag gelê, maar u poging tot satire is humorloos en laf.

U skuld dit aan uself om uit u pos aan Stellenbosch te bedank en eerder aan ’n Engelse universiteit of in ’n ander land as lid van ’n ander volk, hetsy die Amerikaanse, die Britse, die Australiese, die Kanadese, waarvoor u veel groter agting en bewondering koester, u polities korrekte dweepsug uit te leef.

Koos Kombuis het uit die Afrikanervolk bedank.

Al is u so ’n groot na-aper, hoef u hom nie hierin na te volg nie. U hoef maar net te dros, verkieslik uit die land uit. Ek verseker u dat niemand u teenwoordigheid sal vermis nie. Wat die Afrikaanse kultuur betref, verteenwoordig u, om nou vir Breyten Breytenbach aan te haal, ’n gat in die lug.

casino online slots free play Фильчаков прокурор

Misdaad is oorlog! s? konsultant

In ‘n opspraakwekkende artikel in ‘n Johannesburgse dagblad het die bekende konsultant en veranderingsdeskundige, dr. Bertie du Plessis, beweer dat Suid-Afrika so te sê in ‘n militêre konflik of "laegraadse burgeroorlog" verkeer. Hy meen "die polisie gaan ons nie regtig help nie" en doen aan die hand dat lede van die publiek moet saamwerk om mekaar teen die aanslag te beskerm.

Meningitisepidemie tref Oeganda

Nog ‘n dag, nog ‘n epidemie

‘n Dodelike meningitisepidemie het in die noordwestelike gebiede van Oeganda uitgebreek.

Woensdag het gesondheidsowerhede in Kampala bekend gemaak dat reeds 38 mense uit die 930 gevalle wat aangemeld is, oorlede is.

Dié syfer het intussen na 67 gestyg, nadat bykans 1 700 gevalle Vrydag opgeteken is.

Ronald Ocaatre, gesondheidsafgevaardigde van Arua in die noorde van die land het Vrydagoggend gesê dat die 1 672 gevalle wat in klinieke aangemeld is, waarskynlik nie al die mense wat deur die epidemie geraak word insluit nie.

Hy het bygevoeg dat dat daar sekerlik al meer as ‘n honderd mense gesterf het aan die uitbraak omdat “heelwat persone verkies om tradisionele wyse dmv plante behandel te word”

‘n Inentingsprogram is van stapel gestuur en daar word beoog om 400 000 mense in die betrokke gebiede teen dié siekte wat spoedige behandeling vereis, in te ent.

Swart diamante op pad

Voors. Nicky Oppenheimer

De Beers en die regering het ’n ooreenkoms aangegaan om ’n nuwe swart mynmaatskappy op die been te bring. Volgens hierdie ooreenkoms sal De Beers 20% van sy Namakwaland-operasie aan die staatsfirma Alexcor skenk om ’n swart maatskappy in 2008 tot stand te laat kom. Die Namakwaland-konsessie behoort al sedert 1928 aan De Beers. In 2006 het hierdie myn een miljoen karaat geproduseer.

Buyelwa Sonjica, minister van mineraal-en energiesake, het die transaksie verwelkom. Volgens haar sal die nuwe maatskappy help om werk in die Noord-Kaap te skep.

Die aankondiging van hierdie stap volg op die eerste daling in verkope wat De Beers die afgelope ses jaar beleef het. In 2006 was die maatskappy se omset 6.15 biljoen dollar, wat ’n daling van 6% in vergelyking met die verkope van 2005 verteenwoordig. Juwele doen steeds goed in veral Asië en die VSA, maar dis in die groothandel wat probleme ondervind word.

Oppenheimer verwag dat 2007 danksy o.a. EU-wetgewing wat diamante van die Russiese groep Alrosa beperk ook nie beter winste sal oplewer nie.

Gareth Penny van De Beers het ontken dat die Amerikaanse film Blood Diamond, wat tans in Suid-Afrikaanse teaters vertoon word, enigiets met die swakker verkope te doen het. Hierdie film handel oor die rol wat onwettige diamanthandel in oorloë op die Afrikavasteland speel.

to play

Neels Jackson, Christen of Mao?s?

Die argument wat Neels Jackson op 7 Februarie in Beeld oor misdaad aanbied, hoewel vroom, is deelagtig in die logika van barbarisme.

Ons weet dat die harmonie van die stam in tradisionale Afrikasamelewings swaarder geweeg het as die regte van ‘n individu of van sy gesin. Volgens liberale antropoloë soos Hammond-Tooke kon ‘n moordenaar, dief of owerspeler maklik vergewe word. Die slagoffer se gesinslede moes met hom en sy verwantes versoen raak, want anders het groepsamehorigheid in die gedrang gekom en kon die stam nie meer as oorlewingseenheid in ‘n vyandige natuur funksioneer nie.

Die argument wat Neels Jackson oor misdaad aanbied, hoewel vroom, is deelagtig in die logika van barbarisme.

In komplekse moderne samelewings waar individue van duisende stamme of gesinseenhede mekaar daagliks as vreemdelinge aantref, moet hierdie versoeningslogika tot barbarisme lei. Elke misdadiger kan immers sy dade rasionaliseer – soos wat Jackson doen – in terme van ‘n gebrek aan versoening, die kloof tussen ryk en arm, die rassisme van die ander ras, en dergelike meer.

Elke Westerse land wat ek al besoek of bewoon het, verteenwoordig ‘n polisiestaat met polisie op straat, in die moltrein en oral. Selfs vir die geringste oortreding word mens gestraf. Daar heers ‘n verstikkende graad van beheer, veel erger as in Zimbabwe, met dié verskil dat dit redelik en beskaafd toegepas word. Die soort samelewing wat Jackson voorstaan – waar mense uit innerlike oortuiging en naasteliefde korrek optree – bestaan nêrens op aarde nie, behalwe miskien in dele waar mense nog tradisioneel in kleinerige stamme saamwoon en die prys betaal deur gebrek aan individuele regte.

Neels Jackson is ‘n gevaarlike denker. Sy utopiese opvatting van die reg moet noodwendig, soos die fascistiese en kommunistiese idealismes van die vorige eeu, tot verskrikking lei. Onderliggend aan die Jackson se begrip van “versoening” is ook ‘n radikale herverspreiding van rykdom wat niks verskil van die ou kommunistiese of sosialistiese gelykheidsideaal nie. Een van die slimste propagandatruuks van die ANC/SAKP tot dusver was die manier hoe hulle Marxisme-Leninisme in Christelike taal ingeklee het.

Moontlik is Jackson net ‘n naïewe Afrikanerdweper wat besig is om vir Tutu, Boraine en die res na te praat as dit by versoening-as-sosialisme kom. Aan die ander kant is hy moontlik ‘n Marxis-Leninis wat sy idees in ‘n kwasi-Christelike baadjie vir Beeld-lesers opdis.

Die verstommende opkoms van ‘n ekstreem-linkse faksie sedert 1994 onder Afrikaners is een van die aspekte van die sg. nuwe Suid-Afrika waaroor niemand nog geskryf het nie. Neels Jackson is een van diegene, soos Max du Preez, Antjie Krog en ander wat ‘n soort Maoïsme aanhang. ‘n Blote maatskaplike revolusie na die Sowejtmodel is vir hulle nie genoeg nie en slegs ‘n omwenteling van die omvang van Mao se “kulturele revolusie” sal hulle bevredig.

Boonop is Jackson besig om die gewone, wetsgehoorsame Afrikaner so te demoraliseer dat hy emigrasie as die enigste uitweg sal sien. Min Afrikaners sal immers uit eie vrye wil aan die kulturele revolusie wil deelneem waardeur hulle alles, hetsy hul besittings, hetsy hul taal en kultuur, gaan verloor.

финские сауны

Mbeki druk ‘n mes in publiek se gesig

In ‘n koue tegnokratiese toespraak wat weereens sinspeel op “die lelike en afstootlike verlede” het Thabo Mbeki vandag ‘n mes in die publiek se gesig gedruk. Verwagtinge dat hy oplaas die erns van die misdaadsituasie in die land sal besef, is wreed teleurgestel.

Al wat Mbeki kon aanbied, was beloftes dat nog 30 000 polisiemanne oor die volgende drie jaar aangestel gaan word om hul geledere op 180 000 te staan te bring. Gegewe die korrupsie, onbekwaamheid en misdaadgeneigdheid (25% van alle polisiemanne beskik oor misdaadrekords) wat in die polisie heers, gaan dit kwalik enige effek op misdaadvlakke uitoefen.

Mbeki het nie die boodskap gekry nie. Die smeekbedes van die sakesektor, die koerantredakteurs, burgerlike aktiviste, maar bowenal die pyn van die derduisende misdaadslagoffers, het nie tot hom deurgedring nie.

Net gisteraand het die BBC se Newswatch ‘n program oor misdaad in Hillbrow en ander stedelike gebiede aangebied. Suid-Afrikaanse misdaad is besig om berugter as apartheid te raak. Terwyl die anti-apartheidspropaganda ruimskoots van hiperbool gebruik gemaak het, word die misdaadvlak in die land tans grotendeels onderskat.

Ons leef in anargie en ly elke dag onder die aanslag van moord- en roofbendes.

Soos min ander presidente voor hom, het Mbeki in sy amp gefaal.

хамам это депутат лобановский

Chinese president prys Afrika se bydrae tot ewolusie

Hu Jintao

Die Chinese president, Hu Jintao, het eergister ’n miljoen dollar geskenk aan UNESCO se Wêrelderfenisfonds. Dié bedrag sal aangewend word om die vasteland se erfenisgebiede te bewaar. Dit volg op Hu se besoek aan die Wieg van die Mensdom, by Maropeng buite Krugersdorp.

Volgens Hu is die fossiele wat hy hier gesien het “bewys dat Afrikane belangrike bydraes tot menslike ewolusie gemaak het.”

Prof Philip Tobias, bekende paleontoloog, het die skenking verwelkom en gesê dat die geld Afrika in staat sal stel om ’n droom te verwesenlik en sy erfenisgebiede behoorlik te bewaar.

Afrika het tans 63 gebiede op die Wêrelderfenislys, uit ’n totaal van 788.

Hu pak nou die laaste gedeelte van sy Afrikareis aan, wanneer hy in die Seychelles aankom. Hy het die afgelope paar dae Kameroen, Liberië, Soedan, Zambië, Namibië, Suid-Afrika en Mosambiek besoek.

In Suid-Afrika is Hu deur Thabo Mbeki ontvang en die twee staatshoofde het op 6 Februarie ’n handelsooreenkoms onderteken. Suid-Afrika voer jaarliks ongeveer 4.37 biljoen dollar se goedere van China in, terwyl produkte ter waarde van sowat 1.2 biljoen dollar van hier na China uitgevoer word.

Hu het ook ’n byeenkoms by die Universiteit van Pretoria toegespreek. Hier het hy na die “ryk tradisie van samewerking” tussen China en Afrika ten opsigte van internasionale aangeleenthede verwys. China en Afrika behoort standpunt in te neem teen die wêreld se “ryk boelies”, volgens die Chinese president. Aangesien China self “koloniale aggressie” ervaar het, sal die Chinese nooit aan Afrika voorskryf wat om te doen nie.

Gedurende sy Afrikareis het Hu miljoene dollar in aalmoese uitgedeel en skuld afgeskryf. In ruil sal China die grondstowwe bekom wat nodig is om die fenomenale ekonomiese groei in die land aan te help. China se handel met Afrika het verlede jaar 39.7 biljoen dollar beloop. Naas die VSA en Frankryk is China nou die vasteland se derde grootste handelsvennoot.

no deposit slots

Vryheidsparkseminaar: voorspelbare demonisering van blankes en vorige bestel

Die ANC het weereens hul ware kleure getoon tydens 8 Februarie 2007 se seminaar in Kemptonpark wat gehandel het oor die ANC se Vryheidspark.

Groepe en indiwidue soos Afriforum en Steve Hofmeyr het onlangs beswaar aangeteken teen die feit dat blanke Suid-Afrikaanse soldate se name nie op die gedenkmuur in die ANC se Vryheidspark sou verskyn nie, maar dié van Kubaanse soldate wel. Afriforum het heeltemal tereg uitgewys dat die uitsluiting van ‘n bepaalde groep niks bydra tot versoening en nasiebou nie, en eerder teenproduktief is.

Dit was grootliks as gevolg van druk wat deur organisasies soos Afriforum uitgeoefen is dat die seminaar belê is. ‘n Redelike persoon sou verwag dat, indien die regime te goeder trou wou optree, die onderwerp van die seminaar sou wees hoe om alle Suid-Afrikaners te akkommodeer. Ten spyte van die retoriek oor die inklusiewe reënboognasie, is redelikheid egter nie iets waarvan die ANC beskuldig kan word nie.

Die seminaar is bloot gereduseer tot ‘n voorspelbare demonisering van blankes en die vorige bedeling se veiligheidsmagte. Van die ANC se veelvuldige misdade en lafhartige moorde op onskuldige burgerlikes was daar geen sprake nie. Reeds met die intreerede het die voorsitter van die Vryheidsparkstigting, Dr Wally Serote, met sy binnensmondse en totaal oninspirerende spreekstyl die trant geskep: daar is volgens hom diegene wat steeds nie oor hul “sondes” van die verlede wil bieg nie.

Spreker na spreker uit lande soos Lesotho het hoog en laag opgegee oor watter misdade die voormalige SAW in hul lande sou gepleeg het. Daar is egter totaal geswyg oor die ANC se marteling en moord op sy eie lede in sy kampe soos die berugte Quattro, of hoe die buurlande willens en wetens basisse en steun aan terroriste verskaf het, baie soos wat die Taliban in Afghanistan gemaak het.

Uit die ganse program, wat ‘n hele dag geduur het, is Kallie Kriel van Afriforum een spreekbeurt gegun van ‘n volle twintig minute, terwyl daar minstens vyf spreekbeurte afgestaan is aan buitelanders wat hoegenaamd geen belang het by hedendaagse Suid-Afrikaanse aangeleenthede nie. Die SAUK het vanmiddag berig dat ‘n duidelik teleurgestelde en ontnugterde Kallie Kriel opgemerk het dat die seminaar allermins oor versoening gehandel het en dat die Vryheidspark niks anders as ‘n ANC-park is nie.

PRAAG het nie die volledige verrigtinge bygewoon nie, buiten om ‘n persverklaring aan ‘n verteenwoordiger van die Vryheidsparkstigting te oorhandig, waarin die ANC gestriem is oor sy skynheiligheid en waarin daar versoek is dat alle Afrikaners en Boere se name van die ANC se skandmuur verwyder moet word.

баки для