Grondoudit al uitweg

Uit ‘n ellelange artikel deur die minister van landbou, Tina Joemat-Pettersson die naweek in Rapport, is dit duidelik dat persepsies oor grondbesit in die land nou so ver van mekaar verwyder is dat ‘n grondoudit die enigste manier is om dit op te klaar. Tot dusver het die regering vierkantig vasgeskop daarteen en met feite volgehou wat net die regering nog glo.

Joemat-Pettersson het haarself in die artikel boonop geen guns bewus nie deur ‘n geykte stelling wat maklik weerlê kan word. Sy het naamlik gesê buite die 13 % oppervlak van die voormalige tuislande, kon swart, bruin en Indiër geen grond besit nie.

Of sy bloot moedswillig of per abuis vergeet het van die bruin landelike gebiede wat saam, volgens sommige bronne, sowat 2 miljoen Ha beslaan het, is nie bekend nie. Dit is egter ondenkbaar dat sy nie van die lang geskiedenisse van gebiede soos Genadendal, die Richtersveld, die Oppermansgronde en talle ander sou weet nie. Indiërboere besit al baie lank suikerplase.

Boonop is die bevolkinsgsregistrasiewet en die groepsgebiedewet in 1991 afgeskaf nadat die instromingsbeheerwet reeds in 1986 afgeskaf is. Die staakundige hindernisse vir ander groepe het dus voor 1994 verval en swart mense, ook uit die buurlande, het hierna begin grond koop. Hulle is later deur magnate soos Tito Mboweni gevolg.

Haar syfers is dus nie net foutief nie, maar verouderd.

Hierteenoor dui sommige opnames dat swart mense reeds in die orde van 40 % en selfs meer landbougrond besit.

Die groot verskil tussen die syfers is deels daaraan toe te skryf dat die minister se syfer van 87 persent in wit boere se besit in 1994 nie net grond in swart, bruin en Indiërbesit insluit nie, maar ook staatsgrond soos staatsplase en weermaggronde, natuurparke, lughawens, paaie stede en vele meer.

Dat die oordrag teen ‘n tempo plaasgevind het wat vir die regering onaanvaarbaar is, is egter ook so. Oor wie die skuld hiervoor moet kry, is daar meningsverskil. Terwyl die owerheid die skuld op boere plaas, het selfs adjunk-minister, wyle Dirk du Toit, tydens ‘n vergadering van landboubedrywe gevra dat georganiseerde landbou ‘n versoek moet rig vir die instelling van ‘n klagtedirektoraat in die Departement van Grondsake. Hy het, toe hy gemeen het die media is nie teenwoordig nie, gesê sy eie kantoor kan nie voorbly om al die klagtes te hanteer nie.

Meer onlangs het die Grondeisekommissaris verskeie hofsake verloor veral omdat die kommissarisse geweier het om van feite kennis te neem en volhard het om met ongeldige grondeise hof toe te gaan. Bykans geen boer het nie al ‘n dik pak korrespondensie met Grondsake wat gewoon nie beantwoord is nie.

Die regering se reaksie op die onverkwiklikheid is ook kommerwekkend. Nie alleen is die regering uiters suinig met die veroordeling van plaasaanvalle nie, die regering stel maatreëls voor asof dit in reaksie is op die landbou se beweerde halstarrigheid – waaronder gereelde uitsprake en selfs ‘n gesneuwelde wetsontwerp om plase te onteien, of tot nasionale bate te verklaar en so in effek te onteien, en nou die gedagte van 40 % swart aandeelhouding. Dat artikel 25 van die grondwet grondeienaarskap beskerm, veral omdat dit boonop deel van die handves van menseregte uitmaak, word blykbaar nie as hindernis vir grondgrypplanne beskou nie.

Die tragedie is dat min van die oorgedraagde grond nog produktief is. In die Vrystaat het amper ‘n 100 eens produktiewe plase na oordrag sedert 1994 in onproduktiewe eenhede verval.

Steeds word surrealistiese uitsprake gemaak soos dat landelike armoede aangespreek word deur onder meer bestaansboerdery, of die uitdeel van plasies waarvan die oppervlaktes van tussen een en tagtig hektaar genoem word. Enige landbou-ekonoom sal uitwys dat hierdie oppervlaktes, tensy uiters intensief en teen hoë koste aangewend word, nie armoede gaan teenwerk nie maar in die hand gaan werk.

Joemat-Pettersson het goed begin, maar sake lyk nou minder belowend. Soos sy selfs skryf: Die wittebrood is nou verby.

 

no depositлобановский александр жена

Suid-Korea sal Noorde ”n prys laat betaal’

Suid-Korea het Maandag handel met Noord-Korea opgeskort en skepe in Seoul se waters verbied, sodat die kommunistiese staat “‘n prys betaal” vir die torpedering van ‘n Suid-Koreaanse oorlogskip.

President Lee Myung-Bak het in ‘n nasionale televisieboodskap beloof dat onmiddellike militêre reaksie enige toekomstige aggressie sal beantwoord en gesê Seoel sal die Maart 26 aanval verwys na die Veiligheidsraad vir straf.

“Van nou af, sal (Suid) Korea nie ‘n uitdagende aksie deur die Noorde toelaat nie en sal die beginsel van pro-aktiewe verdediging handhaaf,” sê Lee.

“As ons die territoriale waters, lugruim of gebied geskend word, sal ons onmiddellik ons reg tot selfverdediging uitoefen.”

Ontleders voorspel dat spanning by die grens tussen die twee lande hoog sal bly vir maande, maar het gesê grootskaalse konflik is onwaarskynlik.

‘n Multinasionale ondersoekspan het verlede Donderdag oorweldigende getuienis gevind dat ‘n Noord-Koreaanse duikboot ‘n swaar torpedo afgevuur het wat die 1 200 ton korvet naby die omstrede grens gesink het, waar 46 matrose omgekom het.

Seoel is ‘n noue bondgenoot van die Verenigde State, wat soos talle ander lande die aanval veroordeel het. In Seoel word die jongste aanval as een van die ergste
provokasies sedert die einde van die 1950-1953 oorlog beskou.

Maar die Noorde se bondgenoot China, wat in die Veiligheidsraad oor vetoreg beskik, het tot dusver net ‘n beroep op alle partye gedoen om met selfbeheersing op te tree.

Die Noorde sê die Suide het bewyse van sy betrokkenheid vervals om sodoende
te probeer om konflik te skep. Dié land dreig met “totale oorlog” in reaksie op
aan enige strafmaatreël.

Washington, wat 28 500 troepe in Suid-Korea het, het Seoel se reaksie ten volle ondersteun.

Kim Tae Young, minister van Verdediging, het gesê die vlote van die twee lande sal binnekort ‘n anti-duikboot oefening aan die weskus as deel van hul antwoord hou.

Kim het ook gesê die Suide sal luidsprekerpropaganda-uitsendings oor die gespanne grens hervat, wat die twee lande onder ‘n 2004-ooreenkoms opgeskort het.

Hillary Clinton sal aandring dat China hard met sy dwars bondgenoot handel tydens haar huidige besoek aan Beijing. Sy besoek Seoel Woensdag.

“Nou staar ons weer ‘n ernstige uitdaging in die gesig deur die aanval op die Suid-Koreaanse skip,” het sy gesê aan die begin van die twee dae van hoëvlak onderhandelings.

Die president het gesê dat die Suide in die verlede herhaaldelik die Noorde se “brutaliteit”, geduld het, met verwysing na ‘n 1983-bombardement in Mianmar gemik op Seoul se destydse president en die afskiet van ‘n Suid-Koreaanse vliegtuig in 1987 wat 115 mense gedood het.

“Maar nou is dinge anders. Noord-Korea sal ‘n prys betaal wat ooreenstem met sy uitdagende dade.”

Die Noorde, het hy gesê, “is ‘n land wat nog glo in die maak van dreigemente en die pleeg van terreur-aktiwiteite. Noord-Korea se doel is om verdeeldheid en konflik te saai”.

Moo-Jin Yang, van Seoul se Universiteit van Noord-Koreaanse Studies, het aan AFP gesê: “Beperkte militêre konflik is altyd moontlik, maar die twee Koreas sal na verwagting selfbeheersing toepas aangesien die supermoondhede nie die toestand op die skiereiland te ver sal laat gaan nie,” en bygevoeg dat Beijing Pyongyang sal dwing om te bedaar.

преимущества и недостаткилобановский александр отзывы

Zuma na Algerië

President Jacob Zuma sal volgende week ‘n Suid-Afrikaanse afvaardiging na Algerië lei, het die departement van Internasionale Aangeleenthede en Samewerking Sondag gesê.

Die 5de vergadering van die bi-nasionale kommissie sal aanstaande Dinsdag en Woensdag plaasvind.

Ses verskillende groepe sal werk aan kwessies soos energie en infrastruktuur, verdediging en sekuriteit asook handel en beleggings en sal verslag doen oor hulle vordering.

Ses en twintig bilaterale ooreenkomste is tussen die twee lande tot op hede gesluit.

“Daar word verwag dat die bi-nasionale kommissie verder ‘n geleentheid vir alle uitstaande ooreenkomste en programme van aksie tussen die twee lande sal bied om gefinaliseer te word. “

МордвиновФільчаков прокурор

Switserland wil ook boerka verbied

Die meeste Switserse burgers in ten gunste daarvan dat die boerka (Islamitiese gesigsluier) verbied word, het ‘n nuwe peiling aangetoon.

Volgens die peiling is sowat 58% van diegene wat daaraan deelgeneem het ten gunste van die verbod op die boerka.

Sowat 26.5% is teen die verbod van die dra van die sluier, terwyl 15.9% nie kan besluit nie.

Frankryk beplan om binnekort ‘n verbod op hierdie kledingstuk te plaas terwyl die Belgiese parlement se laerhuis ook onlangs besluit het om die dra daarvan in die openbaar te verbied.

игры для девочикыФільчаков прокурор

Afriforum en VF+ pak mekaar

AfriForum en die VF+ se meningsverskille is op die spits gedryf deur die gelykheidshof  se versoek dat hul saak en dié van die VF+ teen Malema saamgevoeg word.

Solidariteit en Afriforum het die VF+ voorheen daarvan beskuldig dat hulle voordeel wil trek uit die publisiteit wat die twee burgerregte-organisasies kry.

AfriForum vra nou in hofstukke dat die samevoeging nie moet gebeur nie. Kallie Kriel, hoof van AfriForum, sê hulle wil nie in ‘n “stryery” betrokke raak nie. Hulle sal nietemin voortgaan om die samevoeging teen te staan.

Volgens AfriForum is dr. Pieter Mulder se adjunkministerskap die rede waarom die twee aansoeke  nie saamgevoeg moet word nie.

Pieter Groenewald, parlementêre leier van die VF+, sê AfriForum se argument is bedenklik.

“Ek wil dit eerstens duidelik stel dat die gelykheidshof gevra het dat die sake saamgevoeg word; nie ons nie. Ons was wel bereid om dit te aanvaar indien AfriForum bereid sou wees.

 “Nou dink ek dit is beter dat die sake geskei word, want dis nie ’n goeie idee om die ANC ook te dagvaar nie.

“Toe ons destyds die klag teen mnr. Peter Mokaba se sing van Kill the Boer ingedien het, het die destydse sekretaris-generaal van die ANC, mnr. Kgalema Motlanthe, bloot ontken dat dit ’n vryheidslied van die ANC was.

 “Die ANC kon dus nie verantwoordelik of aanspreeklik gehou word nie en daar is geen regsgronde vir die argument nie.”

 Groenewald het ontken dat daar ’n belangebotsing ontstaan het omdat Mulder as adjunk-minister in die ANC-regering dien.

 Hy het gesê Mulder het ’n strafregtelike klag teen Malema ingedien wat Afriforum se beswaar dat die ANC en die regering dieselfde is, onsinnig laat lyk.

Die gelykheidshof het geen beslissing of die twee sake saamgevoeg moet word gegee nie. Die saak is na die hooggeregshof verwys.

справка освобождениеtopcargo отзывы

‘Skiet die lafaard’

Die leier van die ANC-jeugliga, Julius Malema, het die woorde van sy omstrede “Skiet die boer”-lied effens verander en sing nou “Soen die boer”.

Malema en afgevaardiges het opgewonde by ‘n konferensie in KwaZulu-Natal saam die nuwe weergawe van die strydlied gesing.

“Soen die boer, soen die boer”, het Malema gesing gevolg deur die woorde  “Dubula igwala” (skiet die lafaard).

Die hof het vroeër vanjaar beslis dat dié “Skiet die boer” – strydlied onwettig is.

media brandingФильчаков Александр Васильевич

Nederlandse reisadvies

Ek lees in die Nederlandse pers dat die Nederlanders se Departement van Buitelandse Sake Woensdag ‘n internet- en iPhonediens in diens stel waar voornemende reisigers die departement se amptelike mening kan bekom oor hoe veilig dit is om na die buiteland te reis.

Op die internet tik die voornemende reisiger bloot die land wat hy wil besoek in die ruimte, en siedaar, die Departement se eie veiligheidsrisiko-ontleding word voorgehou.

 Suid-Afrika moet skynbaar tot Woensdag wag om te sien hoe gevaarlik hy deur ‘n Kaasbril lyk. Met ‘n hele paar Nederlandse burgers die afgelope aantal jare in Suid-Afrika aangeval, en onder meer ‘n bejaarde dame in Witbank vermoor, sal die gasheerland vir vanjaar se Wêreldbeker-sokkertoernooi seker nou nie heel bo-aan die lys van veilige lande pryk nie.

Of dit bloot ‘n misdaadveiligheidsrisiko behels, is nie duidelik nie.

Ek het dus my bedenkinge of die Nederlanders regtig sal weet hoe gevaarlik dit vir hulle kan wees om te kom sokker kyk.

Uit die berig kan ek nie agterkom of Nederlanders ook te wete sal kom hoe gevaarlik dit is om in watter staatshospitaal hier te beland nie. Of wat die kanse is dat ‘n mens met toerbus en al in ‘n slaggat kan verdwyn nie.

Of dat Eskom die krag van die munisipaliteit waar mens oornag kan afskakel en noodsaaklike medisyne nie koud gehou sal kan word nie.

Of die advies ook advies gaan insluit oor hoe groot ‘n mens se strikkiegriep-kanse is om by die verskillende lande se dames van die nag aan te doen, is ook nie duidelik nie.

Ook nie of dit advies gee oor mense se kanse wat dit waag om ‘n rofieraaid in ‘n minibustaksie te onderneem nie.

Ek bedoel, vir ‘n Nederlander is dit half riskant om hier sy eie taal te gooi. Hy kan byvoorbeeld ‘n preek by ‘n sieletiffie op die lyf loop deur te meld hoe fraai die kat is wat by die deur instap – dis nou in Nederlands.

Hy kan dalk deur sy gasheer- en –vrou in die kooi geprop word as hy meld hoe vaak (bedoelende dikwels) dit hier lawaaierig raak.

En as mens jou Nederlandse gas vir ‘n potjie tennis nooi, wees tog versigtig om vir hom te sê hy kan kies tussen die rakette. Want vir Nederlanders is raketten die goed waarmee die Israeli’s en Palestyne mekaar bestook. Dit kan dalk net nodig wees om hom hierna onder die bed te gaan uitsleep.

 Nou die dag lees ek van ‘n nagemaakte mastodon – ‘n soort oerolifant wat in ‘n natuurtuin gemaak staan is. ‘n Mens kan, skryf die koerant, agterkom dis nagemaak deur die dierasie met die hand op die k*nt te klop. Ek het nie ‘n benul wat die koerant hiermee bedoel het nie, maar wat ek wel deeglik weet, is dat ‘n Nederlander wat hier vir sy gasheer sê hy het sy gasvrou ‘n kloppie daar gegee, in een van die berugte hospitale gaan beland.

Dít is hoekom ek sê ek weet nie of daai internetdiens die ding gaan doen nie.

free noАлександр Фильчаков

Herrie se kerrie: Drinkwater

Onlangs lees Herrie In Vrystaat oor die toestand van drinkwater in die provinsie, en ook in Bethlehem en veral omstreke.

Ja, water is net nie meer water nie. Jare lank al bring oupa Nic en ouma Engela hul eie water van Bethlehem, van Erfenis af saam as hulle vir die Herries in Bloemfontein kom kuier.

Van die Engelse loop bodder het met Bloemfontein se fontein, en die ysterklipplaat gebreek het, is die eens sterk fontein nou net ‘n syferwatertjie. Nou drink Bloemfonteiners gesuiwerde rivierwater vol chloor en fluoor en soms e-coli.

Dus bring oupa en ouma hul eie fonteinwater uit hul eie berg saam.

Intussen het die regering daai water ook tot nasionale bate verklaar en so eintlik maar genasionaliseer. En noudat dit die goewerment se water is, is dit ook al vir Herrie of daai watertjie nie meer so lekker vervrissend proes soos eers nie.

Nee wag, nou praat Herrie bietjie twak. Dis baie lekker water daai. Steeds.

Niks kom darem by yskoue fonteinwater as ‘n man op ‘n staptog in die berge is, en dis aan die warm kant nie. Kom mens by so ‘n fonteinstroompie of watervalletjie, is dit darem maar die lekkerste lekkerte van ‘n verkwikking. En altyd yskoud, wat lekker is as mens dit drink, maar lol as mens saans daai sele watertjie moet gebruik om te was. Soos daai rotsgleuf in die berge in die Oos-Kaap wat die stappers as “storthok” gebruik. “Het dit darem ‘n deur?” wil ‘n tante by ‘n stapper weet.

“Nee,” verduidelik hy, “dit het net koue water. Jy hoor al van ver af die gille as daar iemand in die stort is.”

Maar, so het Herrie geleer, as mens regtig warm en dors is, deug enige water vir drink. Soos jare der jare gelede toe Herrie en ‘n maat met die fietse van Stellenbosch na Yzerfontein gery het. Van Darling tot die see was dit grondpad met sulke diep sandstroke. En dit was bloedig warm.

Sommer gou was die waterkanne dolleeg, en toe is dit uitkyk-ry vir enigiets wat water bevat. Gewoonlik veesuipings vol parravissies en muskietlarwes en parraslyk. Maar as mens toe-oë drink, was dit steeds die ene lafenis.

Wat Herrie laat dink aan die slag doer op die grens, toe  die generaal-majoor van die Medics ‘n tydelike basis besoek. Hy verneem toe by die troepe hoe hulle hul water drinkbaar kry.

“Generaal sien,” verduidelik die korporaal, “ons gaan skep die water by die rivier. Dan gooi ons dit deur ‘n sif, en dan deur ‘n doek. Dan kook ons dit sewe minute lank, en as dit afgekoel het gooi ons ‘n watersuiweringstablet in. En net om doodseker te maak, drink ons bier.”

штукатурка внутренних стенtopcargo развод

Gebroeders Steyn se monsterskoppe

Kort na Frans Steyn vir sy oorsese klubspan ‘n skepskop van sestig meter deur die mikke gejaag het, klits Morné Steyn ‘n strafskop van amper net so ver vir die Bulls teen die Crusaders deur die pale.

Hierdie Steyns is miskien nie familie van mekaar nie, maar beide is gebore en getoë Vrystaters.

Loeriesfontein het miskien sy kwota ysterstutte opgelewer – manne soos James O’Kennedy en nou WP Nel wat vir die Cheetahs uitdraf, terwyl die Oos-Vrystaat skynbaar van dieselfde doepa in sy drinkwater het en stutte soos CJ van der Linde, Jannie du Plessis en Faan Rautenbach opgelewer het. Beide Loeriesfontein en die Oos-Vrystaat het legendariese skrumskakels soos Dawie de Villiers en Danie Craven opgelewer.

Maar dit lyk asof die Vrystaat iets in die water moet hê wat sy rugbyspelers skop gee.

Die lys van manne wat bekendheid met monsterskoppe (van dig by die sestig meter tot selfs verder) deur die pale jaag word net al hoe langer.

Die bekendste is moontlik De Wet (Loodvoet) Ras, maar hy is lank nie die enigste nie. As skoolseun het Edrich Krantz in ‘n voorwedstryd vir ‘n toets die toeskouers vermaak deur teen Wes-Transvaal-skole die een torpedo na die ander deur die pale te jaag. Sy eerste probeerslag – na die gereelde skopper droog gemaak het – was ‘n bielie van 67 treë.

Saam met Edrich, wat later self ‘n Springbok geword het, het Gysie Pienaar en De Wet Ras op die toneel verskyn. Gysie is minder dikwels met die skopwerk toevertrou as Ras, maar as dit by langste skop tussen die twee kom, lê hulle bymekaar. Die langste skop uit hierdie era, in ‘n klubwedstryd, behoort egter waarskynlik aan Chris Richter.

Later het André (Joeba) Joubert self ‘n monsterskop of twee deur die pale gejaag. Eric Herbert wat meestal vir Noord-Vrystaat uitgedraf het maar ook ‘n seisoen vir die Vrystaat diens gedoen het, het self ‘n bielie of twee gelanseer.

Dit was eers weer Generaal De Waal wat weer die verbeelding met kanonskoppe gaande gemaak het, maar De Waal is geen gebore Vrystater nie. Meyer Bosman, wat ook min moeite het om skoppe vanuit sy eie gebied oor te klits, is in Bethlehem gebore.

Die Vrystaat het egter nie ‘n volkome monopolie oor langafstand-skerpskutters nie. Met die opkoms van De Wet Ras is hy aanvanklik as heelagter ingesluit, maar die Wit Tornado moes met verbystering sien hoe Noord-Transvaal se Chris Luther – wat self uit posisie op vleuel ingesluit is om sy skopstewel in die span te hê – dié dag die werklike grote deur die pale te jaag en die Blikore se destydse Curriebekerdrome verpletter.

Die legendariese Don Clarke, heelagter van die All Blacks, het self op Springbokpark in Bloemfontein ‘n monster van ‘n skop deur die pale gejaag.

Hoewel dit deesdae hoofsaaklik losskakels of heelagters is wat die skopwerk pale toe waarneem, was daar ‘n rits slotte wat soos John Eales van Australië heel handig was met hul skopvoete. Weens hul grootte het van hierdie slotte self ‘n paar monsterskoppe oorgeklits. Jan Tromp se skop van 58 meter vir Wes-Transvaal  teen die All Blacks het die oë laat rek, veral omdat die bal so hoog oor dwarslat geseil het. Frik du Preez het bekendheid verwerf vir sy “gedrop, geplace en gescore.”

Ander bekende slotte wat ook die bal kon sool dat hy klein word soos dit afsit pale toe was die Springbokke Tiny Naudé en Hennie Bekker. Bekker het self ‘n draai deur die Vrystaat gemaak.

для насосовФильчаков прокурор отзывы