Dan Roodt, Author at praag.co.za

Beheptheid met ras raak absurd

Die jongste voorval van studentepret toe een of meer Potchefstroomse studente 'n Facebook-groep met die woord "houtkop" daarin begin het, is – soos in die Reitzvideogeval – met uitroepe van verontwaardiging en morele meerderwaardigheid begroet.

Dreigemente van die Noordwes-universiteit dat hy die betrokke student of studente dissiplinêr gaan verhoor, dra by tot die Middeleeuse atmosfeer wat reeds in die land heers rondom enigiets wat met ras of rassisme te make het. Herhaalde heksejagte op kampusse ten einde studente polities korrek en onderdanig te maak, onderdruk vrye debat en meningsvorming.

Trouens, daar was by verre meer akademiese vryheid onder apartheid toe die linkse Engelstalige universiteite vry was om te sê wat hulle wil, Marx en Lenin te behandel, revolusie te predik en oor die algemeen die Afrikanerhaat wat tot onlangs endemies onder lede van Suid-Afrika se Engelse elite teenwoordig was, te laat botvier.

Spraakvryheid in die land en op kampusse word toenemend bedreig deur kleinlike, histrioniese reaksies op soms moedswillige, meer dikwels skadelose of satiriese uitlatings deur jong blanke studente wat uiting aan hul frustrasies gee oor rassevoorkeure in die werkplek en kwotastelsels vir studie.

Terwyl die Suid-Afrikaanse media 'n skuim-om-die-mond-drif vertoon telkens wanneer daar 'n sweem van anti-swart rassisme op die horison verskyn, is dit veelseggend dat die veel groter en langduriger groepe op Facebook geïgnoreer word waarin daar etniese haat teen Afrikaans en Afrikaners uitgespuug word.

Suid-Afrika het 'n land geword wat sinoniem is met geweld, waar moord, roof en verkragting alledaags is. In die huidige bestel word taalregte en die kulturele identiteit van miljoene burgers daagliks vertrap.

Hierdie rampokkerrepubliek baai in sy wetteloosheid en immoraliteit soos die spreekwoordelike vark in modder! Is dit daarom nie ironies dat 'n land wat so gevoelloos staan teenoor die mees basiese regte van sy burgers – soos die reg op lewe of op eiendom – so 'n oordrewe gevoeligheid vir woorde met 'n rassekonnotasie openbaar nie?

Terwyl die euwel van onkiese of politiek onkorrekte taalgebruik met fanatiese ywer deur ons moderne inkwisiteurs of geloofsregters bestry word, is 'n hele beskawing besig om te vergaan.

Dat die hedendaagse student homself in kru taal met spelfoute uitdruk, is tog die verlangde resultaat van Kader Asmal se uitkomsgebaseerde onderwys, nie waar nie? Ook die bier- en sekskultuur waarmee Afrikaanse universiteitshoofde vandag hul studente bedwelm sodat hulle nie vrae vra oor die groteske onreg wat daar vandag teen die Afrikaner en Afrikaans gepleeg word nie, verklaar die onvermoë van baie jongmense om hulself anders as kru uit te druk.

Hoeveel sulke onbenullige insidente waar 'n dronk of (minder waarskynlik) nugter student 'n taboewoord of -uitdrukking gebruik en agterna die seweuurnuus haal, gaan daar nog wees voordat die absurditeit daarvan tot ons deurdring?

lagoon game

Die w?reld van finansies gaan verander

Die wêreld van finansies gaan verander. Só skryf Michael Gordon van die Institutional Investment Fidelity International in die Financial Times. Hier is 'n paar dinge om te verwag:

1. Dit gaan meer plaaslik raak. As vrees in die plek van gierigheid oorneem, dan neem emosies ook oor. Oos wes, tuis bes, lui die spreekwoord. Beleggers voel veiliger nader aan bekende dinge.

2. Finansiële sake is nou verpolitiseer omdat die publiek verwag dat regerings moet ingryp om hulle spaargeld te red. En regerings is plaaslike instellings, nie internasionale liggame nie.

3. Kompleksiteit is uit die mode en eenvoud is terug. Beleggers wil verstaan wat hulle koop en waarvoor hulle hulself inlaat.

4. Beleggers gaan wegbeweeg van allerlei slim modelle wat gebaseer is op wat markte in die verlede gedoen het en mense se insig en talente gaan van groter belang raak. Dis nou nie meer teorie nie maar die harde werklikheid wat tel

5. Innovering is uit en ervaring is terug. Die skok van nuwe dinge is nou te pynlik. Die tradisionele manier van doen gaan tel. "Oulik" gaan met "verstandig" vervang word.

6 Om vertroue te wen moet deursigtigheid geld. Niks gaan nou meer weggesteek kan word nie. Selfs al vra die publiek nie meer vrae nie, gaan die owerhede dit beslis doen.

7. Oorsig gaan net so belangrik word soos insig. Dié instellings wat die huidige krisis gaan oorleef, is instellings waar oorsig 'n belangrike funksie van bestuur is.

Twee familielede in isolasie in Morningside Medi-kliniek

Twee familielede van die Morningside Medi-Kliniek verpleegster wat oorlede is aan die geheimsinnige virale siekte, is in streng isolasie geplaas as 'n voorkomende maatreël. Volgens die kliniek se areabemarkingsbestuurder, Melinda Pelser, het hulle nog geen van die simptome nie.

Drie mense is reeds dood aan 'n virale hemorragiese koors, maar die oorsaak daarvan is onbekend. Die Centre for Disease Control and Prevention in Atlanta, in die VSA, is besig om die virus te ontleed en werk saam met Suid-Afrikaanse navorsers om die oorsaak te probeer vasstel.

Pelser het bevestig dat die hospitaalwerker wat oorlede is nie van die virus omgekom het nie. Dié werker is aan 'n breinsiekte oorlede, het sy gesê. Die eerste slagoffer was 'n ses-en-dertigjarige vrou uit Zambië. Sy is eers vir bosluiskoors behandel.

Pelser sê die inkubasieperiode vir die siekte is tussen 72 uur en 21 dae. Dit word deur liggaamsvloeistowwe oorgedra en nie deur die lugweë nie. Simptome sluit hoë koors, spierpyne, diarree en 'n uitslag in.

современную люстру лобановский класс

China maak beswaar teen VSA se wapenpakket aan Taiwan

China het by monde van sy ambassadeur in Washington in 'n skerp bewoorde verklaring beswaar gemaak teen die nuwe wapenpakket vir Taiwan.

Beijing het laat weet dat hulle verskeie hoëvlakbesoeke sal kanselleer en ander militêre samewerkingsbesoeke sal opskort. 'n Segsman vir die Amerikaanse departement van Verdediging het sy spyt uitgespreek oor China se besluit om verhoudinge tussen die twee lande te verpolitiseer.

Beijing is teleurgesteld met Amerika se besluit om 'n $6,5 miljard wapenpakket aan Taiwan beskikbaar te stel. Dit sluit geleide missiele en aanvalshelikopters in. China sê die aankope meng in China se binnelandse sake in en benadeel nasionale sekuriteit.

Die VSA se Defense Security Cooperation Agency het die Kongres in kennis gestel van hulle voornemens om die gevorderde wapenstelsels aan Taiwan te verkoop. Die wetgewing wat buitelandse militêre verkope reël bepaal dat die transaksie kan voortgaan indien daar geen teenkanting binne 30 dae geregistreer word nie.

slots no

Gauteng se nuwe premier vandag aangewys

Gauteng gaan vandag 'n nuwe premier aanwys en Paul Mashatile is die man wat die skoene van Sam Shilowa gaan volstaan.

Shilowa het verlede week bedank nadat Thabo Mbeki as staatshoof uitgetree het. Die ANC het reeds Vrydag aangekondig dat Mashatile, wat ook die LUR vir ekonomie en finansies vir die provinsie is, vir die pos aanbeveel word. Hy sal tydens 'n spesiale sitting amptelik verkies word.

Shilowa is gekritiseer deur die ANC en Cosatu toe hy in die openbaar sy teenkanting teen die afdanking van Mbeki uitgespreek het. Shilowa was voorheen die sekretaris-generaal van Cosatu.

баня под ключ цена

Nuwe rasherrie rondom Faceboek-groep

'n Nuwe rasherrie het uitgebreek, dié keer nie oor 'n kampusvideo nie, maar rondom 'n tiental studente wat 'n Facebook-groep met die titel "ek laaik nie 'n h..tkop nie, sou what" begin het.

Die bestaan van so 'n groep tussen die tienduisende ander op Facebook het die Noordwes-universiteit (voorheen Potchefstroom) in 'n toestand van skok gedompel.

Die universiteit het Maandag sy "skok oor die bestaan van 'n rassistiese groep op Facebook en die betrokkenheid van sekere van (sy) studente as beamptes van die groep" uitgespreek.

Die universiteit het nie genoem hoeveel studente by die "H..tkop"-groep betrokke was nie, maar 'n woordvoerder, Louis Jacobs, het gesê dat die NWU "gewalg" is deur die bestaan van die groep op die sosialenetwerkblad.

Hy het voorts verklaar dat "Die universiteit reeds met 'n ondersoek na die saak begin het, met die doel om moontlike dissiplinêre stappe teen hulle (die studente) te neem."

Blykbaar het die groep ander rasseterme gebruik wat ewe erg as "h..tkop" is. Daar is selfs gerugte dat een of meer van die rassistiese deelnemers aan die groep woorde soos "k….r", "B..toe", "swartn..f", "Makat..s" en ander sou gebruik het.

Volgens die nuusagentskap Sapa het die groep 'n foto bevat van 'n jong wit man wat 'n vuurwapen vashou terwyl hy oor die trofee van 'n swart seun op die grond buk.

Facebook en die groep se administrateurs is oor die foto in kennis gestel en dit is van die webwerf verwyder.

Die rektor van die Noordwes-universiteit, Theuns Eloff, het gesê die optrede van studente wat rassehaat of geweld teen ander rassegroepe aanmoedig is teenstrydig met die universiteit se waardes.

Eloff het gesê dat hoewel die studente aan die groep deelgeneem het in hul private hoedanigheid, doen dit nie afbreuk aan die erns van hul optrede nie.

Die universiteit het Facebook ook amptelik versoek om die groep te sluit.

Maar intussen is die webwerf oorval deur mense wat daarvan 'n pro-diversiteitsgroep wil maak.

Teen sesuur Maandagaand het die groep 'n foto van 'n uitgebrande motorfiets vertoon en kommentaar deur mense wat "van swartmense hou en met hulle klaarkom".

Diegene wat die groep begin het, is deur ander in hul kommentaar as "rassiste" geëtiketteer.

Daar was ook uitnodigings aan nuwe lede om aan te sluit "solank as wat jy nie 'n flippen rassis is nie".

Die groep het teen daardie tyd 200 trefslae gelok.

Die verklaring van die Noordwes-universiteit is ook Maandag op die groep se webblad geplaas.

Wees gewaarsku, ouboet luister jou af

Stel jou voor dat ingeluister word op kriminele en terroriste wat konkel om dwelms of wapens na Suid-Afrika te smokkel en hulle presiese plekbepaling en tyd van aflewering is bekend. Dit klink soos 'n hoogs tegniese rewolusie in misdaadbestryding en intelligensie-insameling.

Dit is wat intelligensiebeamptes by die Nasionale Kommunikasiesentrum (NKS) doen in 'n poging om transnasionale georganiseerde misdaad te bekamp.

Stel jou aan die anderkant voor dat 'n foongesprek met jou vriend wat oorsee is, deur 'n luistervink onderskep word sonder 'n lasbrief van die regter. Dit is die senutergende dilemma wat wetgewers en diegene in beheer van die NKS in die gesig staar – 'n kop-aan-kopbotsing tussen vryheid en veiligheid.

Die NKS is in staat om foonoproepe en SMS’e wat van buite die land na ontvangers in die buiteland en binne Suid-Afrika se grense gestuur word, te monitor. 'n Senior intelligensiebeampte sê hulle beskik oor tegniese toerusting wat seine kan analiseer om sin te maak uit die verkeer.

As iemand van buite Suid-Afrika skakel en woorde soos dwelms, sluipmoord of enige ander sleutelwoord wat vooraf op die sagteware afgelaai is, gebruik sal die stelsel dit outomaties onderskep en 'n opname van die gesprek maak. Afgesien van die sleutelwoorde kan die NKS foonnommers van spesifieke teikens op die sagteware aflaai of 'n breë-skandering van kommunikasieverkeer doen.

Volgens die grootprater in die fasiliteit by intelligensie-hoofkwartier, Musanda, buite Pretoria, het die NKS nog nie globale uitreiking nie, maar dek dit meer as die SA Ontwikkelingsgemeenskapstreek. Ofskoon transnasionale misdaad en ekonomiese sabotasie top prioriteite vir die NKS is, dien die sentrum ook as 'n tradisionele spioenasiefasiliteit met die insameling en verspreiding van intelligensie.

Dit sluit in die onderskepping van kommunikasie van toppolitici in ander lande. Die intelligensiebeampte sê hulle vermoed ander lande spioeneer ook op Suid-Afrika maar dit is deel van die spel. Terwyl die NKS help om sommige trans-nasionale georganiseerde misdaad oop te vlek, bly taal 'n groot probleem. 'n Terroris of krimineel wat in 'n vreemde taal konkel, sal waarskynlik die ore van die onderskeppers ontgaan.

Maar die NKS is oop vir misbruik soos onlangs bewys is gedurende die fop-e-possage waarin kommunikasie van regeringsamptenare na bewering deur geskorste spioenasiebaas Billy Masetlha onderskep is.

Foonoproepe van toppolitici is onderskep terwyl Masetlha uitvoerende direkteur van die NKS was. Dit is waarom parlementslede lugtig is om die NKS 'n blanko tjek te gee.

free bets no deposit required casino

Engen koop Shell uit in Lesotho

Engen Petroleum het die aankoop van Shell Internasionaal se besighede in Lesotho gefinaliseer.

Engen het nou ‘n teenwoordigheid in 17 lande buite Suid-Afrika en het so ook hulle teenwoordigheid in Afrika suid van die Sahara vergroot.

Die Lesotho-transaksie behels jaarlike volumes van 36 miljoen liter brandstof in die kleinhandel- en ander afdelings. Dit sluit in kommersiële brandstof en smeermiddels en gee vir Engen net minder as 31% van die marksegment.

game casino slots

‘Armoede veroorsaak misdaad’

Die meeste Suid-Afrikaners glo dat armoede die grondoorsaak van stygende misdaadvlakke in die land is. 'n Opname deur TNS Research Surveys het bevind dat driekwart van die 2 000 volwassenes in die sewe vernaamste metropolitaanse gebiede van Suid-Afrika saamstem dat misdaad hoofsaaklik deur armoede veroorsaak word.

Die maatskappy se direkteur van Innovering en Ontwikkeling, Neil Higgs sê terwyl hierdie siening deur die meerderheid mense van verskeie kulturele, ekonomiese en religieuse sfere gehandhaaf word, ondersteun diegene in informele nedersettings en agterplase dit baie sterk.

Vier-en-tagtig persent van krotbewoners handhaaf hierdie siening, gevolg deur hostelbewoners en inwoners van agterplase met 72- en 77% respektiewelik. Higgs sê die uiterste verskille in perspektief oor armoede as die grondoorsaak van misdaad onder krotbewoners wys op die desperate gedrag wat hulle rondom hulle sien by diegene wat na 'n beter lewe soek. Slegs 51% van mense wat ondervra is, het die ongeregtighede van die verlede geblameer as die grondoorsaak van misdaad.

Slegs 'n minderheid witmense (30%) in die opname het hiermee saamgestem terwyl 65% Indiërs en 55% swartes en gekleurdes wel saamgestem het. Volgens Higgs voel sosioloë dat die ongewone geweld wat met misdaad geassosieer word, te doen het met kulturele "depersonalisering" wat die suiwer resultaat is van die onderdrukking wat met apartheid geassosieer word.

Die studie het bevind dat meer as agt uit tien mense voel dat misdaadvlakke nie besig is om af te neem nie maar 'n vyfde van dié mense het egter toegegee dat hulle roofgoedere aankoop. Higgs sê 'n kwart van die mense wat aan die opname deelgeneem het, ken ander wat gesteelde goedere aankoop. As die mense by die polisie aangemeld sou word, sou die mark vir gesteelde goedere verdwyn.

topcargo

Zuma se medebeskuldigdes is voorlopig vry

16:15:09 Aanklagte teen ANC –president Jacob Zuma se medebeskuldigdes – die Suid-Afrikaanse filiaalmaatskappye van die Franse wapenvervaardiger Thales Internasionaal – is Maandag voorlopig deur die Nasionale Vervolgingsgesag onttrek. NVA-woordvoerder Tlali Tlali het bevestig dat die aanklagte voorlopig onttrek is.

Die twee Thint maatskappye – Thint Holding (South Africa) Pty Ltd en Thint (Pty) Ltd het elk een aanklag van afpersing, twee van korrupsie en een van geldwassery in die gesig gestaar in die saak waarin hulle daarvan aangekla is dat hulle omkoopgeld aan Zuma betaal het in ruil vir beskerming teen beweerde onreëlmatighede in die multi-miljardwapentransaksie.

Die onttrekking van die aanklagte volg op die verwerping van aanklagte teen Zuma deur regter Chris Nicholson van Pietermaritzburg se Hooggeregshof verlede maand omdat Zuma nie geleentheid gegun is om voorstelle aan die NVG te maak toe dit besluit het om vir die tweede keer aanklagte teen hom aanhangig te maak nie. Die NVG het verlede week 'n aansoek om appèl teen Nicholson se beslissing gedoen.

игрі для девачек