Die Pentagon het die vliegdekskip Abraham Lincoln na die Arabiese See gestuur om die tyd vir aanvalsvliegtuie te verkort wat ondersteuning aan troepe in Afghanistan bied.
Amerikaanse militêre en inligtingsbeamptes is bekommerd oor die toename oor die afgelope maande in die aantal buitelandse soldate wat na Pakistan gereis het.
Hulle het stamgebiede uitgekies om daar by anti-Westerse militantes aan te sluit eerder as in Irak.
Amerikaanse veiligheidsbeamptes is gefrustreerd omdat die Pakistanse owerheid anderpad kyk wanneer die vegters oorgrensaanvalle loods.
Verhoudinge tussen die VSA en Pakistan is tans gespanne, wat tot die Amerikaners se probleme bydra.
Die adjunk-president van die ANC, Kgalema Motlanthe en sekretaris-generaal Gwede Mantashe het met Mugabe by Zanu-PF se hoofkwartier vergader, volgens die Zimbabwiese staatstelevisie.
Hulle het ook met die twee visepresidente Joyce Mujuru en Joseph Msika ontmoet in 'n poging om dialoog te bevorder.
Die Veiligheidsraad sal waarskynlik Donderdag stem oor geteikende VN-sanksies teen Mugabe en sy naaste ondersteuners.
Die Amerikaanse ambassadeur by die VN, Zalmay Khalilzad, sê hy vertrou dat sy konsepbesluit aangeneem sal word.
Rusland, Sjina, Viëtnam en Indonesié het besware geopper maar Khalilzad sê dat hy nie verwag dat die permanente lede Brittanje, Sjina, Frankryk, Rusland en die VSA die voorstel gaan veto nie.
Suid-Afrika is gekant teen sanksies omdat dié land glo dat dit die situasie in Zimbabwe net verder sal "kompliseer".
Die redakteur van Sapa, Mark van der Velden, het gesê die agenstkap het nie verslag gedoen dat regter Nkola Motata op 'n bandopname 'n dronk kaffer genoem word nie.
Dié saak is tydens die dronkbestuursaak van die regter in die Pretoriase Hooggeregshof geopper na aanleiding van 'n Sapa-berig.
'n Verhoor binne die verhoor is tans aan die gang om te bepaal of die vyf bandopnames wat op die nag van Motata se ongeluk gemaak is as getuienis toelaatbaar is.
Van Velden het gereageer op landdros Desmond Nair wat die media gevra het om verantwoordelik te wees as hulle oor die hofverrigtinge verslag doen.
Die berig het wel gelui dat regter Motata die persoon wat die bandopname gemaak het daarvan beskuldig het dat hy hom 'n dronk kaffer genoem het.
Kaartjiebesprekings vir die 2010-wêreldbeker sal op 2 Februarie aanstaande jaar open.
Die stelsel is ontwerp om swartmarkverkope te voorkom, sê FIFA.
Slegs aansoeke om vier kaartjies per klant sal toegelaat word. Geen kaartjies sal in groot maat verkoop word nie.
FIFA glo dat die kaartjies gou gaan uitverkoop, hoewel hulle nog nie op die pryse daarvan besluit het nie.
Die goedkoopste kaartjies sal aan Suid-Afrikaners beskikbaar gestel word, volgens FIFA.
Omtrent 80% van alle werkers het gister weggebly om betogings wat deur Cosatu in Kwazulu-Natal georganiseer is by te woon.
Hulle maak beswaar teen stygende kos- en branstofpryse.
Sekere sektore van die provinsie se ekonomie is deur die vakbond se oproep tot stilstand gedwing.
Dit was die eerste van 'n landwye reeks betogings wat deur Cosatu beplan word.
Volgens die waarnemende uitvoerende beampte van die Durbanse kamer van koophandel, Denise Chendip, word die verliese wat gister deur ondernemings gely is op miljoene rande beraam.
Inwoners van Suid-Afrika is al gewoond aan die spreekwoordelike rassis wat onder elke bed skuil. ʼn Tyd gelede was daar die Braude-verslag van die SA menseregtekommissie wat beweer het dat ʼn foto van ʼn reier op ʼn ashoop in Oeganda ʼn voorbeeld van “subliminale rassisme” sou wees.
Ook Thabo Mbeki is gou om ander van rassisme te beskuldig. Toe die media kritiek uitgespreek het oor die hoë voorkoms van verkragting in Suid-Afrika het hy dit verwerp as rassisme en ʼn poging om swartmense as diere voor te stel wat nie hul luste kan beteuel nie.
ʼn Woordvoerder van Zanu-PF het egter nou met ʼn nuwe begrip vorendag gekom: “internasionale rassisme”. Dít nou na aanleiding van die G8-lande se eenstemmigheid dat sanksies teen die bewind van Robert Mugabe nodig is.
Dit maak mens nuuskierig: hoe verskil internasionale rassisme van gewone rassisme? Of verteenwoordig stappe teen ʼn Afrikaregering deur enige internasionale liggaam vanselfsprekend internasionale rassisme?
Feit is egter dat mense van Afrika-afkoms wêreldwyd – en daarom internasionaal – van rassisme hul vernaamste slagspreuk gemaak het. Swart mislukkings of onvermoë word klakkeloos aan rassisme toegeskryf.
Die swartman – selfs wanneer hy soos Thabo Mbeki regeer of soos die Mugabe-bewind kragdadig en gewetenloos teen sy politieke opposisie optree – is altyd ʼn slagoffer. Selfs die miljardêrsakeman soos Tokio Xegwale of Patrice Motsepe wat self hul rykdom deur swart ekonomiese bemagtiging bekom het, se kinders kwalifiseer steeds vir regstellende aksie want hulle bly slagoffers wat vir hul swartheid vergoed moet word.
Die kreet van internasionale rassisme wat nou vanuit Zimbabwe opklink, is veronderstel om die G8-lande tot stilstand te skok en te laat verkrummel. Enkele jare gelede sou dit moontlik daardie uitwerking gehad het, maar weens oorgebruik deur swartes en Afrikane het die beskuldiging van rassisme sy angel verloor.
Zimbabwe tas nou na strooihalms in sy pogings om aan internasionale druk te ontkom. Selfs die towerwoord rassisme wat in die verlede genoeg was om enige vorm van blanke kritiek te besweer of blankes deur skuldgevoelens te verlam, gaan dié keer nie werk nie.
In weerwil van die ANC-bewind se vele pogings tot dusver om sy bondgenoot in Harare, Zanu-PF, te red, wil dit voorkom asof die “internasionale rassiste” gaan sorg dat dié party tot ʼn val kom. Net 'n Sjinese veto by die Veiligheidsraad staan tussen Mugabe en sy ondergang.
Krieket Australië het die internasionale krieketraad versoek om 'n bemiddelingsfase vir rassebeledigings in internasionale krieket in te stel.
Australië wil nog 'n politieke krisis vermy soos dié vroeër vanjaar toe die Indiese draaibalbouler Harbhajan Singh rassebeledigings na die Australiër Andrew Symonds geslinger het.
Australiese spelers het getuig dat hulle hom gehoor het toe hy Symonds 'n groot aap gedurende die tweede Sydney-toets in Januarie genoem het.
Australië argumenteer dat die huidige proses teenoor alle partye misluk omdat dit nie vertroulik is nie.
Die internasionale krieketraad is blykbaar nie hiervan oortuig nie.
Motoriste in Gauteng gaan aanstaande jaar hul sakke moet skud.
Hulle sal vir die provinsie se nuwe intelligente nommerplate moet betaal.
Die uitvoerende hoof van die stedelike vervoerfonds Chikane Chikane het gesê dat die nommerplate bedoel is om misdaad binne die nywerheid te beperk.
Die provinsie beplan ook 'n tol van 50 sent per kilometer op al die vernaamste snelweë in Gauteng.
Dit sal motoriste net aanstaande jaar 'n ekstra R40 miljoen kos indien die provinsiale tol ingestel word.
Dit lyk asof die huwelik van die onlangs vrygelate Franse gyselaar in Colombia, Ingrid Betancourt, iets van die verlede is.
Haar man Juan Carlos Lecompte het aan 'n Colombiaanse koerant erken dat Ingrid se liefde vir hom gedurende haar sesjaarlange aanhouding deur rebelle kon verdwyn het.
Ten tye van die G8-vergadering in Japan, het die Britse eerste minister Gordon Brown gister na die regering van Zimbabwe as 'n kriminele kabaal wat die mag gesteel het, verwys.
Brown is bemoedig deur die G8-leiers se besluit om sanksies teen Harare te ondersteun. Hy het gesê dat hy hoop dat die hele internasionale gemeenskap dit nou moontlik sal vind om die onwettige bewind in Zimbabwe te verwerp en om die druk van die wêreld duidelik te maak sodat daar so gou moontlik na 'n oorgang in Zimbabwe beweeg kan word.
Die sanksies waartoe die G8 hulself verbind het sluit sulke maatreëls in soos 'n wapenboikot en die bevriesing van Mugabe en dertien van sy binnekringlede se bates.
