08:52:01 Die ANC het ‘n plaaslike verkiesing gewen wat Woensdag in die Alexandra-woongebied gehou is.
17:20:53 'n Lid van die ANC se nasionale uitvoerende komitee en voormalige Vrystaatse sekretaris, Charlotte Lobe, het Woensdag vanuit die party bedank.
Lobe het ook as ANC-lid van die Vrystaatse wetgewer bedank. Sy het in Februarie vanjaar haar pos as provinsiale partysekretaris laat vaar en het aangedui dat sy nie kon saamstem met die manier waarop die ANC organisatoriese kwessies gehanteer het nie.
Woensdag het Lobe gesê dat sy vanuit die party om dieselfde redes bedank.
Sy het nie in Februarie vanuit die ANC bedank nie omdat sy oortuig was die NUK sou die kwessies wat deur provinsiale strukture geopper is, aanspreek. "Die NUK het altyd met dieselfde mense ontmoet en het nooit die probleme aangespreek nie."
Lobe het gesê sy is tot die ANC aangetrek vanweë sekere norme en standaarde, maar dat sy nie oortuig was dat die party langer sodanige standaarde nakom nie. Sy kon haar nie lange met die manier waarop dinge gedoen word, vereenselwig nie. "
"Terwille van myself en my gewete, gaan ek eerder by diegene aansluit wat hulself uispreek en alternatiewe maniere vind om die grondwet van Suid-Afrika te beskerm," het sy gesê. Lobe was van mening dat 'n verdeelde organisasie nie Suid-Afrika kon verenig nie.
17:27:03 Die ANC-president, Jacob Zuma, sal na verwagting vanaand op televisie verskyn om die wegbreekfaksie uit die regerende party te bespreek, volgens partybronne.
Dit volg ná die bedanking van Sam Shilowa en voormalige voorsitter van die ANC, Mosiuoa Lekota, albei voorheen sleutelfigure in die party.
Die ANC-woordvoerder, Brian Sokutu, sê Zuma het huisbesoeke aan die Wes-Rand kortgeknip om 'n nasionale uitvoerende komiteevergadering oor die toekoms van Lekota en ander opstandiges in die party te bespreek.
Zuma sal na verwagting die wegbreekfaksie bespreek, asook "gedagtes oor die organisasie en uitdagings wat die organisasie in die gesig staar".
Lekota en sy voormalige verdedigingsadjunk, Mluleki George, het verlede week gesê hulle is besorg dat die party wegbeweeg het van die oprigtingsbeginsels daarvan, veral op die manier waarop die party en sy geaffilieerdes hulle ondersteuning vir Zuma aangedui het terwyl hy nog ondersoek is vir beweerde korrupsie.
Lekota het 'n nasionale konvensie voorgestel om te peil hoe mense regtig voel oor verwikkelinge in die ANC. Dit sluit die verwydering van Thabo Mbeki as president in, nadat 'n hofbeslissing aanklagte teen Zuma tersyde gestel het.
Vroeër vandag het Shilowa, die voormalige premier van Gauteng wat ter ondersteuning van Mbeki bedank het, 'n datum, die 2de November, vir die konvensie vasgestel en gesê dit kan tot 'n nuwe politieke party lei.
Die uitsending van vanaand se onderhoud met Mbeki is geskeduleer vir 18h30 op SABC 1.
Politieke ontleder Steven Harper sê dat die lesse van Afrika leer dat enige iets in só 'n onderhoud moontlik is.
"Hy sal seker nie," het Harper gesê, "maar as Zuma vanaand 'n eenpartystaat afkondig, sal dit my nie vir 'n oomblik verbaas nie."
17:35:29 ‘n Nasionale konvensie wat kan aanleiding gee tot die stigting van ‘n nuwe party deur ontnugterde ANC-lede word vir November beplan, het voormalige Gauteng-premier, Mbhazima Shilowa, vandag gesê.
Shilowa, wat Lekota se idees vir so 'n konvensie ondersteun, is die sameroeper vir die konvensie wat oop die 2de November beplan word by ‘n plek wat nog afgekondig moet word.
Shilowa het gesê dat hy lank gedink het oor die saak, en het besluit om met onmiddellike ingang uit die ANC te bedank. Hy het homself verder ook gewillig verklaar om die konvensie te reël op voltydse basis, in samewerking met Mosiuoa Lekota en ander kamerade.
Hy verwag dat die ANC hom ook sal slegmaak, en met sinspeling op Zuma se stelling dat dit koud is buite die ANC het hy gesê dat meeste mense sal vind dat Suid-Afrika ‘n sonskynland is.
Shilowa het op 29 September bedank, ‘n week nadat voormalige president Mbeki uit sy pos herroep is deur die ANC.
Hy (Shilowa) gaan eerstens ‘n voorbereidings komitee saamstel uit prominente persone, waarna hulle saam die land gaan deurreis om met verskillende sektore van die samelewing te praat oor hoe om “demokrasie te beskerm en voorspoed te bevorder” in die land.
Hy het lede van die publiek aangemoedig om hulle standpunte na die konvensie te bring, ook dié wat glo die konvensie moet die begin van ‘n nuwe party aankondig.
Gesprekke gaan ook insluit die verkiesingsproses, en die onmiddellike verkiesing van ‘n president, pleks daarvan dat die nasionale president deur die party verkies word.
Indien ‘n party gestig word, gaan dit harde werk wees om takke te stig en partylyste saam te stel, wat natuurlik die gewone twis onder mekaar tot gevolg het.
Hy het gespot dat hy nou net een man is met ‘n selfoon, maar hy beplan om die eerste van die voorkonvensiegesprekke op Vrydag, 17 Oktober te hou by sy tuisdorp, Olifantshoek, in die Limpopo-provinsie.
Op ‘n vraag van wie die konvensie lei, het hy geantwoord dat hy en Lekota saam aan die stuur is.
Lekota het gesê dat hy bekommerd was omdat die ANC afgewyk het van die beginsels in die vryheidsverklaring op die manier waarop hulle teen die vervolging van Zuma beswaar gemaak het tydens die korrupsiesake.
Dié klagte is deur die Pietermaritzburgse Hooggeregshof ter syde gestel en Mbeki is gedwing om te bedank op ‘n manier wat Shilowa en Lekota in die openbaar bevraagteken het.
Die ANC het Lekota se bedankings verwelkom en gesê dié gedrag is onaanvaarbaar en onwelkom. Die party gaan na bewering ‘n radikale besluit omtrent Lekota se toekoms in die party neem in ‘n vergadering wat op Woensdag moet plaasvind.
UDM-leier, Bantu Holomisa, wat self ook uit die party geskors is vanweë ‘n partydispuut, sê hy is geskok oor die dreigement, aangesien dit ‘n atmosfeer vir geweld en vyandigheid skep.
Shilowa se politieke loopbaan strek oor baie jare, van voor die ANC se verbanning omgekeer is, daarna sekretarisgeneraal van Cosatu, ‘n lid van die SAKP se sentrale komitee en ook as onderhandelaar by die konvensie vir ‘n demokratiese Suid-Afrika.
Shilowa sê die mense is te besig met die ANC se interne sake, maar voeg by dat hoewel die ANC ‘n metode is om verandering te bring, daar ook ’n breër samelewing is.
Op die vraag oor sy vrou, Wendy Luhabe, se politieke affiliasie, het hy gesê sy is intelligent genoeg om haar eie besluite te neem.
16:42:52 Die Ferrari-bestuurder, Felipe Massa, het vandag probeer om omstredenheid te vermy terwyl hy voorberei op 'n taai stryd teen Lewis Hamilton in die komende naweek se Sjinese Grand Prix.
Volgens heelwat mense het Massa die Brit met opset gestamp gedurende die tweede rondte van die wedren, met die doel om die McLaren te beskadig en Hamilton se kanse op 'n oorwinning te kelder.
Massa, wat met straftyd geboet het vir die deurryoortreding in die kuipe, het dit ontken en het bygevoeg dat hy tevrede was met sy sewende plek in die wedren. Hy het wel bygevoeg dat dit 'n interessante wedren was.
Volgens Massa is die span heeltemal gelukkig met die feit dat hulle punte gewen het, in teenstelling met die McLaren-span. Ferrari het 'n beter rekord in Shangai as McLaren en Massa weet dat hy sal moet uithaal en wys om Hamilton te klop. Verlede jaar het hy (Massa) derde geëindig in 'n wedren wat in reënweer begin het.
Volgens Massa het hy 'n goeie wedren gehad en hoop hy om die jaar beter te doen. Hy voel dat die baan goed is, en hoop dat die Ferrari-span vanjaar 'n eerste- en tweedeplek op die podium kan vat.
Ten spyte van die stryd wat in Japan opgevlam het, het Massa gesê dat hy steeds op goeie voet met Hamilton verkeer en dat hy dit nie wil bederf nie.
16:44:31 ‘n Afghaanse regeringsbeampte het Woensdag gesê dat internasionale vegvliegtuie ‘n vergaderpunt van Talibanvegters en ander militante lede op die suidelike grens met Pakistan aangeval het, met soveel as 70 mense wat in die bomaanval gesterf het.
Die internasionale sekerheidshulpmagte kon nie bevestig dat hulle vliegtuie in die aanval betrokke was nie terwyl die Amerikaans geleide koalisiemagte bevestig het dat hulle nie betrokke was nie.
Die buitelandse magte het die Taliban-byeenkoms in Baram Chad aangeval en tot 70 vegters, meestal buitelanders, is in die aanval dood, het Daud Ahmadi, regeringswoordvoerder vir die Helmandprovinsie gesê.
15:53:11 Hoë brandstofpryse en verskerpte ekonomiese onsekerheid het veroorsaak dat Europese motorverkope skerp gedaal het in September. Die industrievereniging het gesê dat voertuigregistrasies op die laagste vlak in ‘n dekade is.
Jaarlikse registrasies het gedaal met 8,2 % verlede maand, het die Europese Voertuigvervaardigersvereniging gesê. Dis te wyte aan die nadraai van die globale finansiële krisis wat Europa ook tref.
Kliënte is toenemend huiwerig om groot uitgawes te maak, en vind dit ook moeiliker om finansiering te verkry vir groot aankope, het die vereniging gesê. Syfers vir verkope in BMW, General Motors en ander vervaardigers vanuit die Ooste het almal gedaal.
Wat die daling buitengewoon gemaak het, is die feit dat motorverkope normaalweg ná die stadiger somermaande gestyg het. Voertuigregistrasies is af met 4,4 % gedurende die eerste nege maande van die jaar, vergeleke met dieselfde tydperk verlede jaar, het die vereniging gesê.
Die daling in registrasies bevestig die feit dat die markomstandighede vererger, soos die nadraai die voertuigvervaardigers begin tref.
General Motors se verkope het met 18,1 % gedaal, terwyl BMW , die wêreldleier in luuksemotors, se verkope met 15,4 % gedaal het. Toyota het met 6,8 % gedaal en ander Oosterse vervaardigers se syfers het ook sterk dalings getoon.
Kia, Mitsubishi en Honda het onderskeidelik met 13,3%, 27,1 % en 26,3 % gedaal.
Die vereniging se 7,8%-styging in Sentraal-Europa is teengewerk met ‘n 9,3%-daling in sommige Wes-Europese markte.
Gedurende die eerste 9 maande van die jaar het nuwe motorregistrasies in die Sentraal-Europagebied met 3% gestyg, vanweë die vertoning van markte in Pole en die Tsjeggiese republiek, wat onderskeidelik met 8,8% en 10,4 % gestyg het.
In dieselfde tyd is voertuigregistrasies 5% laer in Wes-Europa in die tydperk van Januarie tot September, grootliks as gevolg van laer verkope in Spanje (22%), Italië (11,3%) en Brittanje (7,5%).
Ekonome glo dat al drie dié lande ‘n resessie in die gesig staar.
14:15:19 ‘n Nigeriese hof het Shell beveel om grond rondom sy groot Bonny-olie-terminaal aan die plaaslike bevolking te oorhandig.
13:48:18 ‘n 32-jarige man is Woensdag in hegtenis geneem nadat die polisie ses gesteelde of gekaapte voertuie in sy werkswinkel in die Kew-informele nedersetting naby Bramley in Gauteng gekry het.
Inspekteur Moses Maphakela het gesê dat die polisie ‘n wenk gekry het van lede van die gemeenskap aangaande ‘n beweerde motorstropery in 3destraat in die Kew-nedersetting.
Toe die polisie opdaag, het hulle 4 Golfs gekry, asook ‘n Nissan Sentra en ‘n Caravelle.
By die nagaan van die voertuie se onderstelnommers is daar bevind dat sommige van die goedere gesteel is, terwyl ander in die Gauteng-omgewing gekaap is.
Die man is gearresteer en behoort binnekort in die Wynbergse Landdroshof te verskyn op aanklagte van die besit van gesteelde voertuie en gesteelde voertuigonderdele, het Maphakela gesê.
11:21:48 Die sjimpanseebevolking van Wes-Afrika het ernstig gekrimp en word nou as krities bedreigd beskou, wat die gevolg het dat wetenskaplikes nou vir 'n definisie van "menswees" vra wat ook dié evolusionêre familie kan insluit.
Sowat 20 jaar terug was die bevolking van sjimpansees in die Ivoorkus sowat 10 000, wat ongeveer die helfte van die wêreldbevolking vir dié primate uitgemaak het. Volgens 'n nuwe opname is daar nou heelwat minder, wat kommer laat styg oor die voortbestaan van die spesie.
Die uitwissing van enige spesie is kommerwekkend, maar die vraag ontstaan of ons nie meer bekommerd moet wees oor die sjimpansees, soos wat mens dalk oor mense kan voel nie.
Deborah Fouts, die hulpdirekteur vir die sjimpansee- en menslikekommunikasieinstituut maak die stelling dat hoewel die diere nie mense is nie, hulle tog menslik is en optree.
Sy is een van 'n groeiende groep wetenskaplikes wat voel dat sjimpansees, tesame met oerang-oetangs, bonobo's en gorillas, wat almal as groot ape bekendstaan, as mense beskou moet word.
Die posisie is nie 'n maklike een nie. Want indien die vereiste vir menswees dan vereis dat die wese menslik is, is die sjimpansees, ons naaste primaatfamilie, steeds net 98 % volledig.
Indien die definisie wyer gemaak word, kan sjimpansees wel dalk kwalifiseer om as menslik beskou te word.
Dié diere het selfbewustheid, gevoelens en hoëvlakwaarnemingsvermoë. Daar word op gereelde basis nuwe waarnemings gemaak van eienskappe wat die navorsers voorheen net aan mense sou toeskryf.
Daar is ook verder vasgestel dat die diere verskeie maniere van komplekse kommunikasie en kognitiewe vermoë wat baie na is aan dié van mense. Jared Taglialatela, 'n navorser, sê dat die diere gevoelens het, en ook idees en doelwitte.
Iets wat wel van meer belang is, is die diere se vermoë om in abstrakte terme te dink.
Pascal Gagneux, 'n primatoloog, sê dat die diere nie oor tyd beskik nie, aangesien hulle nie dink aan gister of môre nie. Volgens Gagneux is die kommunikasie eerder oor nou. Hy voel wel dat sjimpansees persone is, maar baie verskillend van mense, vanweë die groot verskille in kommunikasie.
Fouts, wat haar sjimpansees geleer het om gebaretaal te gebruik, verskil van dié mening. Sy sê dat die diere wel die verlede onthou. Wanneer mense na die sentrum kom wat lanklaas daar was, kommunikeer die diere weer met die mense in hulle gebaretaal.
Taglialatela het bewys dat sjimpansees die dele van die brein benut, soortgelyk aan mense, waar spraak en denke setel. Wanneer hulle kommunikeer, gebruik sjimpansees die beste vorm van kommunikasie vir die omstandighede. Hulle gebruik gebare as 'n ander na hulle kyk, en geluide en roepe as 'n ander wegkyk.
Feit is dat die diere oor 'n wye reeks kommunikasiemetodes beskik, asook gevoelens, emosies en denke.
Oor die situasie in die Ivoorkus, sê Taglailatela dat die regte woord om dit te beskryf seker net 'n "tragedie " is, aangesien geen ander woord dit regtig kan omskryf nie.
