Wat gemaak met die wit Engelse?

Dit wil lyk of die invloed van die WESSA, die Wit Engelssprekende Suid-Afrikaner, besig is om te kwyn. Saterdag se eendagkriekettoets tussen Suid-Afrika en Nieu-Seeland, het dit onderstreep. Vir die eerste keer, altans wat ek kan onthou, was daar nie een enkele speler van hoofsaaklik Britse afkoms in die span nie. Nie een nie. Daar was ’n Indiër (Amla,) drie Kleurlinge (Parnell, Duminy en Petersen,) een ware, ware Bantoe (Tsotsobe) en ses Afrikaners (Morkel, Du Plessis, De Villiers, Botha, Steyn en De Lange.) Ek weet daar sal oor Dale Steyn geredekawel word, maar hei!, Dale WILLEM Steyn van Phalaborwa, ek dink ons hou hom maar vir ons.

Vir twee eeue het die WESSA heeltemal ver bo sy gewigsklas in Suid-Afrikaanse politiek geboks. Hulle het finaal hier opgedaag en hulleself tuisgemaak in 1806, in ’n  uitvloeisel van die oorlog tussen Napoleon se Frankryk en Brittanje. Nederland, al vir eeue in ’n  armdrukkery met Engeland, was onder Franse beheer en Brittanje, wie se vloot die stryd ter oseane gewen het, het die geleentheid en regverdiging gebruik om die sleutelgebied van die Kaap de Goede Hoop oor te neem. Hulle het, met kenmerkende jingoïsme en hubris, die status quo in die Kaap omvergewerp en die burgers van die land vervreem. Sedertdien het die Boere nog altyd ’n  versugting gehad om onder die klam skaduwee van die neerhalende Britte weg te trek.

Hulle het dit met ’n  dramatiese, heldhaftige uittog gedoen en na die Groot Trek vir hulleself twee verafgeleë republieke losgeswoeg. Maar die storie van Suid-Afrika was dat die Britte dit net nooit kon verdra dat die Boere die juk kon afgooi nie en hulle het die Volk telkens agterna gesit. Hierdie agtervolging het ’n  bloedige vervolging geword toe die fabelagtige rykdom van minerale onder die oppervlakte van die Oranje Vrystaat en die Transvaal ontdek is. Die Britte het met hulle gebruiklike arrogansie opgeruk om ook dít van die Boere te vervreem, maar liederlik vasgeval in die stryd wat gevolg het, veral tussen 1899 en 1902.

Hoewel die vredesverdrag vir ’n  kort seisoen op ’n  oënskynlike Engelse oorwinning uitgeloop het, was hulle na die oorlog so vuisvoos en as gevolg daarvan kwesbaar in die Europese sfeer, dat hulle knersend moes toegee dat ’n  algemene verkiesing – sonder swart stemmers – gehou sou word. Die Afrikaner was talryk genoeg en het goed genoeg onderling georganiseer om die de facto heersers van die land met Uniewording in 1910 te word. Hierdie mag is oor die dekades gekonsolideer en dit het tot Afrikaneroorheersing in 1948 gelei met die Nasionaliste van Dr. Malan wat die Britte se gunstelingmedewerker, Jan Smuts, in die algemene verkiesing geklop het.

Die WESSA’s se uitdruklike politieke invloed is finaal die nek ingeslaan toe die Afrikanerregering ’n  fris jong Republiek, saliglik vry van die Britse juk, in 1961 gestig het.

Hoewel die WESSA toe sonder ooglopende politieke mag gelaat was, het hulle invloed ondergronds verskuif waar dit die Afrikanermag en die Volk se toekoms allerdodelik kon ondergrawe. Hoewel die ANC nie hulle regstreekse maaksel was nie, was dit die WESSA se invloed ter plaatse en veral in die buiteland wat die terroristeorganisasie in enigsins ’n  samehangende gedaante laat oorleef het. Die WESSA het daarin geslaag om die buiteland rondom die drogbeeld van die edele vryheidsvegter te verlei en om hulle temperatuur teen Apartheid te stook, eerder as om dit as ’n  opregte, indien gebrekkige, poging tot ’n  oplossing vir die rassekrisis te sien.

Met die hewige buitelandse druk wat deur hulle gefokus is en die instandhouding van ’n  politieke liggaam om aan oor te gee, moes hulle nou net die Afrikaner tot oorgawe lei. Dit het hulle gedoen met volgehoue intellektuele afpersing van die leierskorps van die Afrikaner.

Maar die liberale hond se dag het onverwags te midde van sy grootste sukses gekom. Ja, die Afrikaner se mag is weggestroop, maar omdat hy die muil was wat die WESSA vir twee eeue gery het, is hulle eie invloed daarmee saam in die wind gestrooi. Selfs die DA, wat ironies genoeg met Afrikanerstemme drywend gehou is, is ’n  skippie wat gedoem is om op die ruwe kus van swart nasionalisme te strand.

Die geskiedenis is ’n rivier. Wanneer dit onbelemmerd is, sal dit ’n  natuurlike vloeirigting vind. Hierdie koers kan weggekeer word of selfs opgedam word, maar dit vat baie geld, baie werk en baie bloed om dit te doen, en hierdie ingryping is altyd net tydelik totdat die rivier die versperrings, die walle, die uitgrawings oorspoel om weer sy gang te gaan. Meet weer die vloei van die rivier van Suid-Afrikaanse geskiedenis uit en jy sal sien dat dit noodwendig en onstuitbaar stroom na ’n Afrikanervolkstaat. Dit is ’n  onafwendbare en kan net tydelik vertraag word deur radikale maatreëls. Dit help nie om te stry of besware op te werp nie: Daar sál ’n  Volkstaat wees. Sonder dit sal daar onafgebroke wrywing tussen twee dominante kulture in die land wees. Hierdie Volkstaat sal in die lewe opspring vanweë die volgehoue demografiese verdrukking van die Afrikaner deur die Bantoevolke. Dis Volkstaat of ondergang, en die Afrikaner is te taai om enigsins geesgawe te oorweeg.

Die Afrikaner – ten minste dié wat kleef aan sy taal, kultuur en volk – se toekoms is duidelik. ’n  Volkstaat wag vir hom. Maar wat van die WESSA? Daar sal nooit vir hulle in hulle naam ’n  volkstaat wees nie. Hy het nog nooit ’n unieke volksidentiteit as grondslag vir ’n volkstaat ontwikkel nie. As etniese groep is hulle lot ingeweef met die Nuwe Suid-Afrika. Daarom, wanneer die dreigende ekstreme Afro-nasionalisme volle wasdom bereik en die oorheersers geen plek of geduld vir die WESSA het nie, sal hy verdwyn.

Nou bly die vraag: Is daar vir ’n  WESSA ’n  plek, enige plek, in ’n  Afrikanervolkstaat? Vir my persoonlik is dit maklik om te antwoord: Natuurlik is daar vir hulle ruimte. As ek tien manne moet kies om my rug in ’n  stryd te beskerm, sal vyf van hulle Wit Engelssprekende Suid-Afrikaners wees. Hierdie is my ou krygsmakkers, lede van die Peloton, onmisbare onderdele van my eie Bende van Broers.

Laat ek julle voorstel aan Paul Stone: Hy is die 46-jarige aankoper van ’n  sportgoederemaatskappy in Durban. Hy ry ’n  Land Rover (kom ons vergewe hom maar daarvoor.) Die musiekversameling daarin is oorwegend Afrikaans, met ’n  klem op Bok van Blerk. Hy is ’n  maniese ondersteuner van die Blou Bulle. Sy voetbalhelde is nie Kankowski, Ross Skeate of Patrick Lambie nie, maar Pierre Spies, Bakkies Botha en Morné Steyn. Hy sal, sonder om te huiwer, sy Land Rover, sy huis en sy jongste seun se branderplank verkwansel om enige van sy Afrikanerpelotonmakkers te help. Hy ry gemiddeld eenkeer per maand van Durban na die plaas waar ek bly en spandeer meeste van sy tyd in die boer se geselsskap. Om presies te wees, hy beskou homself meer Afrikaner-Boer as Engelsman. Hierdie is geen Soutdiengelieng nie, want hy het geen, maar geen, lojaliteitsgevoel teenoor die Verenigde Koninkryk nie. Hy staan met albei voete ferm in Afrika. Hy het ’n  onwrikbare, vurige afkeur in die swart kultuur wat ons land vernietig het. Hy begeer ’n  Volkstaat met soveel durf en drif as ek. As Paul Stone nie toegang tot die Volkstaat verdien nie, is ek dit ook nie waardig nie.

Hy is uitsonderlik maar nie uniek nie. Ek ken heelwat sulke WESSA’s.

Ek ken, byvoorbeeld, vir Phyllis Kruger van Newcastle, met ’n  herkoms wat so Engels as Nelson se oogklap is, en wat haar sonder verposing beywer vir ’n  Volkstaat.

Die mees gevierde Afrikaner politieke gevangene is nie ’n  Afrikaner nie. Clive Derby-Lewis het ’n  slag gelewer teen wat hy as die primêre bedreiging vir die Afrikaner gesien het – en hy is uit Engelse hout gesny.

Ons sal dwaas wees om hierdie mense as ongewenste vreemdelinge uit te merk. Die Afrikaner het ander Westerse blanke bevolkings vooruitgegaan. Ons is die eerste blanke volk wat aan die genade van die genadelose oorhandig is. En ons sal die eerste wees om die nuwe juk te breek en daarvan weg te stap. Ons posisie sal uitermate versterk word deur die toevoeging van goeie, stoere Westerse bloed.  Dit sal egter nooit weer gebeur dat ons ondergeploeg sal word deur ongeërgde buitelanders nie. Enige persoon wat begeer om opgeneem te word in die Volkstaat sal aan die vereistes daarvan voldoen. Vir hulle sal die Westerse kultuur en Afrikaans as enigste ampstaal outomatiese vereistes vir burgerskap wees. Hulle sal algeheel bereid wees tot totale opname in die Afrikanerkultuur en entoesiasties wees oor die gedagte dat hulle kleinkinders Afrikaners en niks anders as Afrikaners sal wees nie.

Suid-Afrikaanse liberalisme is deur die WESSA ontwerp en in stand gehou. Maar net soos wat daar ’n  Max du Preez onder die Afrikaner is, is nie alle WESSA’s liberaliste nie. Van hulle – nie almal of meeste of selfs ’n  groot persentasie nie – sal hulle knie buig voor Afrikanernasionalisme en die hoof oplig om in die Volk ingesalf te word.

Die WESSA is in die skemer van sy verblyf in Suid-Afrika. Hy het geen etniese tuiste hier nie en sy invloed taan in alle sfere in die Nuwe Suid-Afrika. Hy het twee eeue gelede verskyn en nou gaan hy verdwyn. Hy gaan óf emigreer, óf hy gaan fyngestamp word in die vysel van die Nuwe Suid-Afrika.

Maar daar is ’n  derde weg: Van hulle sal Afrikaners word. En ek dink ons moet niks doen om hulle te verhinder nie. 

Лобановский Харьков

‘Nie net renosters, paddas ook’

Renosters is net een van die baie spesies wat gestroop word, sê die adjunk-minister van omgewingsake Joyce Mabudafhasi.

Mabudafhasi het gesê hoewel die kwessie van renosterstropery ‘n regeringsprioriteit is, “Is dit slegs ‘n deel van die groter probleem, want baie ander diere word gestroop – selfs paddas”.

Sy het ‘n inligtingsessie vir die media gehoe tydens ‘n lekgotla van haar departement se Groen Skerpioene-eenheid in Polokwane Maandag, het Beeld berig.

Die adjunk-minister het nie uitgebrei oor die rol van die Groen Skerpioene in die stryd teen renosterstropery nie.

Meer as 70 renosters is doodgemaak sedert die begin van 2012.

Mabudafhasi het gesê Suid-Afrika ‘n R80 miljard-verlies in die 2010/11 finansiële jaar gely as ‘n direkte gevolg van omgewingsmisdade wat die onwettige handel in perlemoen, ivoor en renosterhoring insluit.

Sy het gesê die Groen Skerpioene word in die provinsies ontplooi later vanjaar, met Limpopo as die eerste prioriteit.

Hulle sal ook die mag hê om boetes van tussen R5 miljoen en R10 miljoen aan omgewingsoortreders op te lê.

лобановский супермаркет класс

Verwydering tussen VSA en Israel groei

Eerste minister Benjamin Netanyahu het die Amerikaanse president Barack Obama Maandag vertel dat Israel die “meester van sy eie lot” moet bly ter verdediging van sy reg om ‘n eensydige aanval op Iran te loods.

Obama het Netanyahu gewaarsku dat onderhandeling ‘n beter opsie sal wees en beklemtoon dat hy ‘n “venster” vir diplomasie gesien het, ten spyte van groeiende spekulasie dat Israel binnekort die hoë risiko stap gaan neem om militêre aksie te onderneem.

Die leiers, wat min van mekaar hou, het vir twee uur samesprekings gevoer te midde van duidelike tekens van verskille oor die dringendheid van die vermeende Iranse kernbedreiging, en die uiteindelike gevaar wat optrede vir beide lande inhou.

Obama is onder Republikeinse vuur oor Iran met sy herverkiesingveldtog en teenstanders wat hom beskuldig van besluiteloosheid en ‘n paaistrategie wat Amerika se naaste Midde-Oosterse bondgenoot ten kwade strek.

In ‘n passievolle verklaring op kamera, het Netanyahu teenoor Obama gesê: “Israel moet altyd die vermoë om homself te verdedig behou, deur homself teen enige bedreiging te staal.

“Dit is die rede waarom my hoogste verantwoordelikheid as eerste minister van Israel is om te verseker dat Israel steeds die meester van sy lot bly,” sê Netanyahu.

Die Obama-administrasie het te kenne gegee dat hulle nog nie glo dat Iran ‘n keuse om ‘n kernwapen te ontwikkel uitgeoefen het nie, of dat die tyd reg is vir militêre optrede nie, en hulle verkies om die byt van nuwe sanksies tyd te gee om te werk.

Israel, wat ‘n Iranese kernwapen sien as ‘n bedreiging vir sy bestaan, glo egter dat Iran op die punt van “uitbreekkapasiteit” kan wees – die oomblik wanneer dit vinnig wapengraaduraan kan produseer.

Dae voor Netanyahu se aankoms en bekommerd oor die Republikeine se kritiek, het Obama sy retoriek oor Iran versterk – om duidelik te maak dat hy nie “bluf” nie, maar het geweier om openbare “rooi lyne” vir aksie te stel.

‘n Amerikaanse amptenaar het gesê die administrasie glo hulle sal tot ‘n jaar nodig hê om te besluit oor hoe om te reageer indien Iran besluit om te begin met die verryking van uraan van wapengraadgehalte. Israel erken nie hierdie tydskaal nie.

Obama het Sondag in ‘n toespraak voor die top-pro-Israel-lobby AIPAC, die groep gekritiseer vir hulle “los praatjies” oor oorlog.

Die president het gesê hy glo dat ‘n diplomatieke oplossing nog moontlik is.

“Ons glo daar is nog ‘n venster wat dit moontlik maak vir ‘n diplomatieke oplossing vir hierdie kwessie.”

Dit is ook onseker of Israel oor die voldoende militêre vermoë beskik om Iran se kernarsenaal te vernietig en op sy beste kan die program net ‘n paar jaar teruggesit word.

Die Islamitiese Republiek ontken dat hulle kernwapens ontwikkel.

Washington waarsku ook dat die spanning oor Iran tot voordeel van die Islamitiese Republiek is omdat die prys van olie kan klim, en energiemarkte kan skud op ‘n manier wat die reeds stadige ekonomiese herstel in die wêreld kan benadeel.

Obama het ook nie sig verloor van die Israeli-Palestynse konflik in die agtergrond nie.

Hy het belowe om te werk vir ‘n “kalmer reeks gesprekke tussen die Israeli’s en die Palestyne” in ‘n poging om te soek ‘n “vreedsame oplossing tot die langdurige konflik”.

лобановский александр игоревич класс

Waar staan SA in Iran/Israel-konflik?

Iran is onverpoosd besig om sy kernnavorsing te versnel. Die sluipmoorde op van sy kern wetenskaplikes, sanksies sowel as dreigemente van ‘n aanval deur Israel of/en die VSA het tut dusver nog geen uitwerking gehad op die pas waarteen sy kernprogram vorder nie. Om die waarheid te sê, dit wil eerder voorkom of elke poging om hom te stop net olie op die vuur is.

As dreigemente ernstig opgeneem word, lyk dit dus onafwendbaar dat die pruttende vulkaan iewers tussen vandag en die einde van die jaar tot uitbarsting sal kom.

Dit sal die gang van die wêreldgeskiedenis onherroeplik verander.

Die vraag is hoe gaan dit Suid Afrika raak en hoe gaan ons aanpas daarby?

Iran se kernprogram toon baie ooreenkomste met ons eie programme in die glorieryke jare van apartheid. Elektrisiteitsopwekking en mediese radionukliede was ook die dekmantel waaragter die meeste navorsing verbloem was. Ons het ook alleen teen die res van die wêreld gestaan en dit het ons net meer vasberade gemaak.

Tradisioneel was ons egter aan die kant van die VSA/Israel-alliansie. Dis trouens ‘n oop geheim dat die programme geskrap is voordat die politieke oorgang onderhandel is. Die redes is voor die hand liggend.

Op hierdie stadium kry ons egter ‘n groot deel van ons ru-olie van Iran en die regering sal sekerlik goeie betrekkinge met Iran wil behou. Dit sou egter baie dom wees om in die slegte boekies van die VSA te kom.

Die beste opsie is om neutraal te bly.

Die komende konflik sal egter die verskil in mening by verskillende rasgroepe is Suid-Afrika baie meer beklemtoon. Blankes sal meer geneig wees om steun aan Die VSA en Israel te gee terwyl die regering se sentimente waarskynlik meer by die belange van Iran en sy bondgenote sal wees.

Dit lyk of ons interesante tye nader waarin ons op ons voete sal moet dink.

Данильченко Юрий Брониславович

Occupy en Suid-Afrika-projek bots

Lede van ‘n pro-wit groep genaamd die Suid-Afrika-Projek se protes teen geweld teen blankes in Suid-Afrika, by die Capitol in Sacramento, Kalifornië, het verlede Maandag tot ‘n botsing tussen wetstoepassers en lede van die Occupy-beweging gelei.

Geweld het losgebars toe die owerhede die groep na ‘n parkeergarage na afloop van hul protes begelei het.

Sowat 50 lede van Occupy Oakland het begin om blikke en bottels na die Suid-Afrika-groep en die beamptes te slinger. Twee beamptes is beseer in die skermutseling.

Lees verder.

Александр Фильчаков

‘Tweede oorgangsfase’ kom

Die ANC het Maandagoggend konsepbeleidsdokumente uitgereik wat sal fokus daarop om die land na sy “tweede oorgangsfase” te neem, het Jeff Radebe, voorsitter van die nasionale uitvoerende komitee (NUK) se sub-komitee oor beleid, gesê.

Die tweede oorgangsfase sal grondhervorming, die Grondwet, die media asook gesondheid en die polisie takel.

“Die ANC bestaan vandag in ‘n Suid-Afrika waar sy beleid bygedra het tot verandering. Ons het ook ‘n veranderende-Afrika en ‘n veranderende wêreld,” sê Radebe.

Grondhervorming is as een van die hoofbesprekingspunte in die dokument genoem. ‘n Grondbestuurskommissie sal ingestel moet word om riglyne oor grond te ontwikkel.

‘n Grondwaardeerder-generaal word voorgestel om te help om bestendigheid te bring aan grondwaardes en finansiële vergoeding in gevalle van grondonteiening.

Onteiening behoort in te sluit of die onteiening in die openbare belang is, wat ook restitusie insluit.

Op die gebied van gesondheid, is ‘n behoefte vir die konsolidasie van die nasionale gesondheidsversekering genoem.

In die massamedia, word die transformasie van die bedryf en die verbreding van eienaarskap voorgestel om bemagtigingsdoelwitte te bereik.

Nog ‘n voorstel is ‘n media-appèlmeganisme, onafhanklik van die regering en sake-invloede.

Met betrekking tot die provinsies, word “ernstig oorweeg” om die Grondwet te wysig ter hervorming en die bevordering van die provinsies.

Radebe het gesê daar is niks fout met die ANC wat veranderinge aan die Grondwet bespreek nie.

“Daar is bangmaakstories in die openbare domein dat ons in die ANC nie toegelaat moet word om te praat oor die Grondwet nie,” het hy gesê.

Die dokumente bevat ook voorstelle oor verdere afwenteling van mag aan plaaslike munisipaliteite, in die lig van klagtes oor dienslewering en beter diens stedelike omgewings.

‘n Enkele polisiediens word ook die vooruitsig gestel.

Radebe het diegene gekritiseer wat die dokumente aan die media uitgelek het, en gesê hulle is “Judas Iskariots”.

Данильченко Юрий прокурор

Malema marsjeer voort

Jeugligapresident, Julius Malema, sal appelleer teen sy skorsing uit die ANC, het sy adjunk Ronald Lamola Maandag gesê.

“Ons pleit by die ANC se nasionale dissiplinêre komitee van appèl om te oorweeg dat die skorsing [uit] … [is] nie net onregverdig nie, maar nie in ooreenstemming met die ware waardes van die ANC nie,” het Lamola aan verslaggewers gesê by Luthulihuis in Johannesburg.

“Alle sanksies en praktyke teen die aangeklaagde en gesanksioneerde lede van die ANC-jeugliga sal geskied met die goedkeuring van die kollektiewe leierskap,” het hy gesê, terwyl hy gelees het van ‘n verklaring.

Malema is verlede week geskors uit die African National Congress omdat hy die party in oneer gebring het en verdeeldheid in sy geledere gesaai het.

Hy was op die nuuskonferensie, maar het nie gepraat of enige vrae beantwoord nie. Hy het met sy arms gevou gesit, geklee in ‘n beret en ‘n sonbril. Toe verslaggewers vrae aan hom gerig het, het hy gefluister aan die liga se tesourier-generaal Pule Mabe of algemene sekretaris Magaqa, wat dan namens hom geantwoord het.

Die ANCJL se nasionale uitvoerende komitee en die ligaleiers van die verskillende provinsies het die inligtingsessie ter die ondersteuning van Malema bygewoon. Limpopo se voorsitter Frans Moswane, Noord-Kaap se ANC-Jeugligavoorsitter Shadrack Tlhaole, Vrystaatvoorsitter Kgotso Morapela, die Oos-Kaap se Ayanda Matiti, Noordwes se Papiki Baboile, en Gautengsekretaris Ayanda Kasa het ook die media toegespreek.

“Aanklagte of geen aanklagte nie, ons staan ​​by ons leierskap,” sê Moswane.

Tlhaole het gesê: “Ons verwerp die nasionale dissiplinêre komitee se besluit om ons leier te skors.”

Kasa het gesê: “Ons gaan nog steeds vir die ANC-jeugliga veg en dit verdedig.”

Baboile, Kasa en Morapela het ‘n beroep op die ANC gedoen om die saak te bespreek met die ANC-Jeugliga se leierskap.

Die ANC-jeugliga het ‘n spesiale vergadering van die nasionale uitvoerende komitee (NUK) in Johannesburg die naweek gehou om Malema se skorsing te bespreek.

“Die NUK het hul ontsteltenis oor die sanksies deur die ANC se nasionale dissiplinêre komitee (NDK) teen die ANC-jeugligaleierskap uitgespreek,” het Lamola gesê.

Hy het gesê die NUK is ook ontsteld dat die NDKA weer ligawoordvoerder Floyd Shivambu se sanksie herbevestig het, ten spyte van die feit dat hy om verskoning gevra en berou getoon het”.

Shivambu is vir drie jaar van die ANC geskors vir vloek op ‘n joernalis en vir die uitreiking van ‘n verklaring wat vra vir ‘n verandering van regering in Botswana.

“Dit wys dat daar ‘n versteekte motief agter die sanksie teen kameraad Floyd Shivambu is, want hy het nie net berou getoon nie, maar hy is ‘n eerste oortreder wat sedert die voorval gewys het dat hy hervorm het,” het Lamola gesê.

Hy het herbevestig dat Malema nie verwyder kan word as die ANC-jeugligaleier deur die ANC nie.

“Dit is net die interne proses van die ANCJL wat kan besluit oor die leierskap van die ANC-jeugliga. Dit is ons ‘n sterk oortuiging dat dit nooit maklik moet wees om ‘n verkose president van die ANC-jeugliga, veral ‘n president wat onbestrede deur die lidmaatskap van die ANC-jeugliga verkies is, te verwyder nie.”

Magaqa het gesê dat indien die ANC se nasionale dissiplinêre komitee van appèl (NDKA) Malema weer skuldig bevind en sy skorsing gehandhaaf word, dan sal Malema vra dat sy skuldigbevinding by die ANC se elektiewe konferensie in Bloemfontein later vanjaar hersien word.

Malema sal egter nie verwyder word as die ANC-jeugligapresident nie, het Magaqa verklaar.

“As hy skuldig bevind word, hy sal aanhou … dit sal beteken ons sal ‘n leier sal hê wat nie ‘n lid van die ANC is nie. Ons kan nie nou opgee nie, hy [Malema] het ons so ver gebring. Julle het te make met soldate wat aanmarsjeer,” het hy gesê.

Magaqa se lidmaatskap van die ANC is vir drie jaar opgeskort. Hy is skuldig bevind aan die uitreiking van “‘n afbrekende en potensieel lasterlike” verklaring oor die minister van openbare ondernemings Malusi Gigaba, wat ook ‘n lid van die ANC se nasionale uitvoerende komitee is. Gigaba het kritiek gelewer op die liga se kommentaar oor die nasionalisering van die land se myne.

Magaqa se sanksie is vir drie jaar opgeskort, maar sal in werking tree as hy nie verskoning vra aan Gigaba binne 15 dae nie.

лобановский класс харьков

Wit en swart gruwels?

Dat er bij N-VA witte en zwarte konijnen zijn, daar weten we sinds vorig weekend alles over, maar dat er witte en zwarte gruwel bestond, dat wist ik nog niet.

Ik dacht dat men het altijd had over de universele rechten van de mens en dat een genocide, het gruwelijk vermoorden van burgers, jong en oud, man en vrouw, omwille van hun identiteit, om hun te intimideren of te verdrijven of gewoon uit haat en historische weerwraak, tegen die rechten van de mens was. Dat die mens wit, zwart, bruin of geel is, dat doet er niet toe.

Daarom heeft het Vlaams Belang in de plenaire vergadering van donderdag 1 maart ook met volle overtuiging het voorstel van resolutie over de situatie in kamp Ashraf in Irak gesteund.

Op de zelfde steun konden wij wel niet rekenen voor ons voorstel van ten einde de problematiek van de zogenaamde” plaasmoorden” aan te kaarten bij de Zuid-Afrikaanse regering, de Europese Raad van ministers van Buitenlandse Zaken en in de schoot van de internationale instellingen waarvan België lid is.

Jammer, want juist die zelfde donderdag hadden we de gelegenheid om de daad bij het woord te voegen en ook deze gruwel aan te klagen ter gelegenheid van de bespreking van het wetsontwerp houdende instemming met de Partnerschapsovereenkomst tussen de Europese Gemeenschap en de Republiek van Zuid-Afrika.

Het artikel 86, lid 1 van deze overeenkomst werd vervangen door : ” De partijen gaan een dialoog aan op het gebied van werkgelegenheid en sociaal beleid. Deze dialoog betreft onder meer vraagstukken met betrekking tot sociale problemen in de samenleving na het apartheidstijdperk, armoedebestrijding, fatsoenlijk werk voor iedereen …..”

Het begrip “plaasmoorden” past perfect in dit lijstje, maar toen ik daar in mijn bijgevoegde tussenkomst en verantwoording voor de onthouding van de Vlaams Belangfractie durfde naar verwijzen barstte op de banken van de Rood-Groene mensenrechtenactivisten plots een golf van kritiek los. Steun buiten mijn fractie was er niet.

En de witte en zwarte konijnen van N-VA, ja, die keken verstard naar de lichtbak.

Als men tegen het establishment wil aanleunen moet men zich toch eerst ontluizen en zich onderscheiden van het VB. Geef toe, die zijn toch totaal anders, die durven ook nog opkomen voor de rechten van blanke boeren, ook mensen!

депутат лобановский

NY-brandweer jaag wittes die harnas in

Wit aansoekers is hoogs ontsteld want, sê hulle, die New Yorkse brandweer (FDNY) pas omgekeerde diskriminasie toe.

Daar was kwade gevoelens en rassespanning toe wit aansoekers buite bly staan ​​het tydens ‘n ​​voorbereidingsklas Woensdagaand, berig CBS 2.

“Dit was nie ‘n goeie gevoel nie. Dit het gevoel soos diskriminasie,” het een van die wit kandidate gesê.

Die klas is gehou deur die Vulcan Society, ‘n groep van Afro-Amerikaanse brandbestryders in ‘n ​​oorweldigende wit brandweer. Baie aansoekers het aanlyn geregistreer op die vorms wat nie vra vir hul ras nie.

Die aansoekers het aangeneem die inname sou bepaal word op meriete.

“Wat sou Martin Luther King doen?” het een gespanne aansoeker gevra.

Baie aansoekers is verwys na die Vulcan Society deur die adjunk-hoof Paul Mannix, wat ook aan die hoof staan ​​van ‘n ​​groep genaamd “Meriete Aangeleenthede.”

Mannix het die toets en kursus aanbeveel. Hy sê hy het nie geweet dis net vir swartes nie.

Een kursusaansoeker het gesê hy is nie “regs” nie en bygevoeg “nee, ek wou net die toets neem. Dit is nie reg nie. “

Die Vulcan Society het nie CBS se oproepe Donderdag beantwoord nie.

Фільчаков Олександр Васильович

Poetin in trane na oorwinning

Wladimir Poetin was in trane na sy oorwinning in ‘n verkiesing wat sal sorg dat hy vir ‘n derde termyn as president sal dien.

Met meer as 90 persent van die stemme getel Sondagnag, was dit duidelik dat die voormalige spioen wat Russiese politiek vir die afgelope twaalf jaar oorheers, reeds op 65 persent staan. Dit verteenwoordig ‘n gemaklike oorwinning met geen behoefte om ‘n tweede ronde te veg nie.

Hy het die wind vir die trane in sy oë die skuld gegee toe hy duisende ondersteuners by ‘n oorwinningsaamtrek buite die Kremlin-muur met Russiese vlae toegespreek het.

“Ek het belowe dat ons sou wen. En ons het gewen! ” het mnr Poetin gesê. “Ons het ‘n oop en eerlike stryd gewen.”

“Dit was ‘n baie belangrike toets vir al ons mense, ‘n toets van politieke volwassenheid en onafhanklikheid. Ons het gewys dat niemand iets kan afdwing op ons nie, ” het hy bygevoeg.

Poetin het vroeër gesê agente van buite probeer om Rusland te destabiliseer. Hy het gesê die land het “politieke uitdagings oorwin wat daarop gemik is om net een ding te laat gebeur [en dit is] om die Russiese selfstandige staat te vernietig en te oorheers”.

Gennadi Zjoeganov, die veteraan-kommunistiese leier, is in die tweede plek op ongeveer 17 persent, met Mikhail Prokhorov, die miljardêr-oligarg in die derde met sewe persent.

Die oorwinning sal gesien word as ‘n stewige mandaat deur die Kremlin vir mnr Poetin om terug te keer as president in Mei, na vier jaar as Eerste Minister onder sy protégé, Dmitri Medwedef, as president.

Buitelandse beleggers het die duidelike resultaat verwelkom.

Poetin het 71 persent van die stemme in 2004 behaal.

лобановский класс харьков