Dan Roodt, Author at praag.co.za

Tutu pleit vir vrede in MO

Emeritus-aartsbiskop Desmond Tutu het partye wat verantwoordelik is vir die onlangse geweld in die Midde Ooste gevra om hul wapens neer te lê.

As hulle tot dié stap oorgaan, moet hulle oorweeg dat “diegene wat hulle met sulke minagting behandel, ook kinders van God is”, het Tutu in ‘n verklaring gesê.

Die nuusagentskap AP het Vrydag berig dat minstens 22 Palestyne, insluitend 12 militante en ses kinders, en drie Israeli’s dood is in drie dae wat skietgevegte tussen die Israeli-weermag en Gasa-militante. Sewe Palestyne het vroeër vandeesweek in ‘n reeks lugaanvalle gesterf.

Volgens die nuusagentskap het Israel gesê hy bombardeer Gasa uit wraak teen die Islamitiese militante-vuurpylaanvalle.

“Weereens betaal die onskuldige mense van Israel en Palestina met hul bloed om die verdelende en eksklusiewe agendas van die ‘n paar onverdraagsame mense te bevorder,” het Tutu in ‘n verklaring gesê.

“Weereens blameer heethoofde van albei kante mekaar en beweer dat hulle met die goedkeuring van God optree. Weereens staan die wêreld handewringend en toekyk en probeer om die gapende wond met ‘n dun, tydelike pleister van ‘n onbeduidende skietstilstand gesond te maak.”

Tutu het verder gesê permanente vrede in die heilige land sal nie net die mense van Palestina en Israel bevoordeel nie.

“Die konflik daar word in haat en wantroue regoor die wêreld geëggo.”

Tutu het ‘n beroep gedoen op die wêreld – wat deur die Verenigde Nasies gelei word – en invloedryke lande met geopolitieke en ekonomiese belange in die streek om die ontwikkeling van ‘n oplossing vir volhoubare vrede en sekuriteit vir die mense van Israel en Palestina eerste te stel.

“Die volhoubare oplossing moet insluit dat die grond wat onwettig beset word teruggegee word asook die skepping van twee nasiestate, in ‘n proses wat deur vredesmagte van die VN gelei word.”

Данильченко Харьков

Franse betoog teen gay-huwelike

Tienduisende mense het in Frankryk betoog teen planne om gay-huwelike te wettig asook kinderaanneming deur mense van dié seksuele oriëntasie.

Die polisie sê minstens 70 000 mense het in Parys hul teenkanting gewys teen die linkse regering se besluit.

Daar was ook optogte in Lyon, Toulouse en Marseille gehou.

Die optoggangers sluit Katolieke groepe en ondersteuners van tradisionele gesinswaardes in.

President Francois Hollande het beloof dat Franse wetgewing gewysig sal word, wat sal toelaat dat gay-pare kan trou, ondanks sterk teenkanting van 1 000 burgemeesters en die Katolieke Kerk.

Die wetsontwerp sal in Januarie in die parlement gedebatteer word.

Frankryk laat reeds burgerlike verbintenisse tussen mense van dieselfde geslag toe.

Die uitbreiding van gay-regte was een van Hollande se verkiesingsbeloftes voordat hy in Mei as president aangewys is.

topcargo отзывы

‘n Ontleding van geweld in die Wes-Kaap tot dusver

Donderdag was ‘n dag van effens minder geweld in die Wes-Kaap in ‘n week van deurlopende protes. Spanning het egter merkbaar toegeneem, sê ontleders op die grond. Die mees kommerwekkende is aanduidings dat die protes versprei na gebiede waar plaasarbeid geen kwessie is nie.

Die nuusmedia se tipering van geweld wat deur ontevrede plaaswerkers as steunwerwing aangewend word vir ‘n styging in die minimumloon tot R150 ‘n dag, is nie meer voldoende om die onrus in die Kaap te verduidelik nie. Donderdag, is groot druk in die gebied van die Overberg, van spesifiek Swellendam, ondervind waar die kwessies heeltemal verskil van De Doorns.

In Swellendam is bande aan die brand gesteek, rotse gegooi en winkels geplunder. Swellendam se munisipale sake kry nie aandag in die media buite die streek nie, maar dit blyk dat daar ‘n aaneenlopende sage onderliggend aan hierdie geweld is, met beskuldigings van korrupsie, wanadministrasie, en die onontkombare party-politiekery.

Tydens ‘n ondersoek deur die regering se Spesiale Ondersoekeenheid Eenheid is verskeie onreëlmatighede in die bedrywighede van die stadsraad geïdentifiseer waar “moontlike konflikte van belang en onregmatige sakebelange van nie minder nie as 61 lede van die personeel en die raad” te berde gebring is.

Tot en met Oktober, het die stadsraad bestaan uit vier DA-raadslede en vier ANC-raadslede, met die balans in die guns van die DA weens ‘n koalisie met ‘n eensame ACDP-raadslid. Die ANC beweer dat hulle die raad beheer omdat die ACDP-raadslid oorgeloop het na die ANC.

‘n Hofstryd het gevolg, want die DA beweer dat die ANC-beheer onwettig is en ‘n hele klomp geld is al uitgegee om die saak te besleg. Dinsdag, het die appèlhof beslis dat die DA wettige beheer oor die stadsraad behou weens ‘n tegniese punt. Verslae dui daarop dat die Swellendam-onrus begin het kort daarna as ‘n gevolg van ontevredenheid met die hofbesluit.

Verslaggewers wat Donderdagnag by die ingang van Railton, ‘n informele nedersetting in Swellendam was, is aangeval tydens die spanning wat tussen die polisie en betogers opgevlam het.

Betogers wag vir sonsondergang ten einde hul aktiwiteite te eskaleer, want in die duisternis is dit moeilik vir die polisie om individue te identifiseer. Die gemeenskap is woedend en voel dat die DA die munisipaliteit onregmatig gekaap het.

Swellendam was nie die enigste dorp wat Donderdag met oproer te kampe gehad het wat niks met plaaswerkers se protes te make gehad het nie. In die kusdorp van Gansbaai, het 300 mense, werkers by die Atlantiese perlemoenplaas, opgeruk in protes teen lae lone. Hierdie werkers eis na bewering dat hul salarisse verdubbel word.

Elders in die provinsie, ten spyte van die regering se ooreenkoms, het baie plaaswerkers voortgegaan om weg te bly van die werk. Die Food and Allied Workers Union (Fawu) het gesê dat plaaswerkers is bang om terug te keer uit vrees dat hulle geviktimiseer sal word. In De Doorns staak die meerderheid werkers steeds.

Teen Donderdag was meer besonderhede oor die omstandighede van die dood van ‘n man in Wolseley Woensdag bekend. Die Cape Times berig dat Michael Daniels, 28, net op pad na die winkels was toe hy deur die polisie geskiet is. ‘n Plaaswerker het aan die koerant gesê dat ‘n senior vroulike polisiebeampte die bevel gegee het om “die goed vrek te skiet” in Afrikaans. Daar is nog onsekerheid oor of Daniels met rubberkoeëls of lewendige ammunisie geskiet is. Sy oom Dino Sass het aan die Daily Voice gesê: “Ek glo dat hy geskiet is met lewendige ammunisie – rubberkoeëls is nie veronderstel om mense dood te maak nie.”

Terwyl rubberkoeëls mense kan doodmaak – soos Ficksburg se inwoner Andries Tatane – lyk dit toenemend waarskynlik dat die polisie wel lewendige ammunisie op die Wolseley-skare gebruik het. Die Cape Times berig dat ‘n inwoner van die dorp gesê het dat die polisie se rubberkoeëls opgeraak het en die oproermakers het begin klippe gooi wat die gebruik van lewendige ammunisie genoodsaak het.

‘n Bron by ‘n Ceres-hospitaal het bevestig dat ‘n totaal van vyf mense behandel is Woensdag wat deur lewendige ammunisie getref is, insluitende een wat geskiet is in die bekken. Die dokter het egter gesê hy dra geen kennis oor die omstandighede van Daniels se dood nie.

Die Ceres-dokter het gesê die atmosfeer in die dorp bly gespanne, met padversperrings, maar slegs een persoon is met protes-verwante beserings in die hospitaal opgeneem. Die meerderheid van die inwoners met wonde van oproerammunisie het gesê hulle het nie mediese hulp gesoek nie, aangesien hulle arrestasie vrees.

Zille het in reaksie gesê sy is oortuig dat ‘n militêre teenwoordigheid sal lei tot ‘n afname in geweld.

Zille sê dat haar grootste bekommernis is dat boere direk sal ingryp. Agri SA het intussen voorgestel dat boere direk met hul werkers oor lone onderhandel. Sy het aan die media gesê: “Dit is waarom ons permanent ‘n teenwoordigheid moet volhou, want dit sal help om wet en orde te herstel en om te verhoed dat mense die wet in eie hande neem.”

Of die teenwoordigheid van die SANW tot totale kalmte sal lei in ontstoke gemeenskappe is ‘n ope vraag. Dit mag die olie op die reeds brandende vuur word.

лобановский класс

Dutoit Agri: Anargie in die Wes-Kaap

Die anargie wat die afgelope 3 dae op die meeste van ons landboueiendomme in die Wes-Kaap heers, is vir die Direksie en Bestuur van Dutoit Agri ‘n groot vertrouenskok. Hierdie anargie is hoofsaaklik veroorsaak deur opgesweepte werker emosies.

Ons is oortuig dat werkers en welwillende landboubeleggers in die proses as speelbal misbruik is deur politieke magte met bybedoelings.

Hierdie spel het ontspoor en veroorsaak dat:
1. Miljoene Rande se skade aan eiendomme in alle aanduiding veroorsaak is met spesifieke instruksies om eiendomme en roerende bates af te brand.
2. Honderde Miljoene Rande se gevolglike skade gely gaan word omdat landboupraktyke soos besproeiing, oesbeskerming, oesvoorbereiding en insameling van die oes nie tydig uitgevoer kan word nie.
3. ‘n Georkestreerde aanslag geloods is om jarelange goeie werknemer- en werkgewerverhoudinge te vernietig deur ongegronde beloftes aan werkers deur politieke verteenwoordigers waar vakbonde en die politieke partye ‘n prominente rol gespeel het.
4. ‘n Minderheidsgroep werkers spesifieke opdrag ontvang het om spesifieke eiendomme te teiken en Miljoene Rande se skade te veroorsaak.
5. Hierdie minderheidsgroep werkers ander welwillende werkers deur flagrante oortreding van landswette geïntimideer en geweldadig aangerand het asook bestuur getraumatiseer en fisies aangerand het.
Die feit dat die Regering traag optree om beide werkgewers en werknemers se veiligheid en hul bates te beskerm, bevestig ‘n sterk vermoede van die kwaadwillige bedoeling van ‘n oorwoë veldtog van vakbonde en politieke partye.
In belang van alle betrokkenes rig Dutoit Agri die volgende dringende en baie ernstige boodskap aan alle belanghebbers:

1. Aan die Regering
1.1. Ondersteun die Wes-Kaap landbougemeenskap deur voldoende polisie en ander veiligheidsmagte te ontplooi om ons en ons werkers te beskerm teen intimidasie en vandalisme.
1.2. Ontbloot die kwaadstokers en hou hulle aanspreeklik soos die wet voorskryf.
1.3. Bring die geïdentifiseerde saboteurs en vandaliste voor die hof sodat die reg sy loop kan neem.
2. Aan die Welwillende Werkers
2.1. Ons weet jul het deur geweldige trauma gegaan die afgelope 3 dae. Hou asseblief moed, want ons staan by julle en ons doen alles in ons vermoë om die werksgeleenthede wat opgebou is oor baie jare, te beskerm.
2.2. Hoewel moeilik, doen moeite om voort te gaan met kritiese take sodat ons Maatskappy kan oorleef.

3. Aan die Bestuur
3.1. Die erge traumatisering, slapelose nagte en lewensbedreiging wat julle moes deurgaan die afgelope 3 dae maak van elkeen van julle ‘n held in krisistye.
3.2. Julle toewyding is ‘n bewys dat die groter roeping van Dutoit mense verenig om saam te veg vir oorlewing en die nastreef van ons visie.
4. Aan die Gemeenskap
4.1. Baie dankie vir duisende boodskappe van ondersteuning asook gebede. Ons waardeer dit en dit moedig ons aan om voort te gaan om die voorspoed wat ons na Suid-Afrika en spesifiek die Wes-Kaap bring met alle belanghebbers te deel.

5. Aan ons Kliënte
5.1. Ons sal alles in ons vermoë doen om die wonderlike produkte wat die natuur vir ons bied soos ooreengekom met julle, te lewer.
5.2. Aanvaar asseblief hierdie episode in ons geskiedenis as ‘n eenmalige gebeurtenis.
5.3. Ons het jul nie teleurgestel oor baie jare nie. Vertrou dus dat ons dit in die toekoms gaan voortsit.
5.4. Ons vra om verskoning vir die anargie die afgelope week. Dit was buite beheer. Hopelik het ons regering nou finaal besef dat reg en orde ononderhandelbaar is om suksesvolle besighede te bedryf tot voordeel van almal.

6. Aan ons Verskaffers:
6.1 Ons het baie waardering vir jul begrip en ondersteuning in die huidige krisis.
6.2 Probeer asseblief saamwerk om die bates wat vernietig is so spoedig as moontlik te vervang sodat ons die kritiese produksietake wat nou vereis word kan uitvoer.

Aangeheg is foto’s van skokkende tonele as bewyse van hoe ‘n politieke magspel in hierdie gemeenskapskonteks uitspeel waar soveel mense afhanklik is van landbou.

Ons bede, begeerte en geloof is dat Dutoit Agri spoedig toegelaat sal word om die goeie werk wat gedoen is oor meer as 100 jaar voort te sit.

Hierdie ontwrigtende ervaring dwing ons egter om opnuut ‘n voorwaarde te stel dat die volgende bedryfsomstandighede uiteengesit moet word vir ons om enige verdere beleggings in die landbou aan te gaan.

Naamlik:

‘n Duidelike beleidsraamwerk van die regering wat ondersteuning vir landbou uiteensit.

‘n Verbintenis om landbouers en landbouwerkers se veiligheid en die beskerming van hul eiendomme te waarborg.

Ons ervaring van hierdie gebeure is dat ernstige vrae ontstaan, soos:
1. Tot watter mate kan ons prosesse outomatiseer en meganiseer om meer produktief te wees en afhanklikheid van arbeid te verminder?
2. Is daar gewasse waarmee ons kan boer waar arbeid geminimaliseer of uitgeskakel kan word om risiko’s te beperk.
Gesien teen die fantastiese natuurlike hulpbronne waaroor Dutoit Agri beskik, gekoppel aan jarelange markverbindinge, kan opsies soos hierbo lei tot ‘n tragedie vir huidige werkers om nie eers te praat van werkskepping vir die jongmense van die toekoms nie.

MO: Asimmetries en onstabiel

Ontleders sê die situasie in die Midde-Ooste is tans baie gevaarlik in die sin dat ‘n stryd mag ontketen waarby ander lande rondom Israel en Gasa noodwendig sal aansluit. Dit gaan ongetwyfeld lei tot nog groter politieke onstabiliteit in die streek. Sedert 2008-09 en Operasie Cast Lead is baie min van wat vernietig is in die operasie weer opgebou.

Soos Cast Lead, is die konflik in Gasa ‘n baie eensydige oorlog. Dit was te bespeur in die ongevallesyfers van drie weke: Meer as 1400 Palestyne het omgekom, die meeste van hulle burgerlikes. En daar was 13 Israeli’s, van wie sewe dood is, en vyf van hulle was burgerlikes in vriendelike vuur. Die verskil tussen die aantal slagoffers van die twee strydende groepe was toe enorm, en die asimmetriese verhouding sal voortduur.

Gasa het nog steeds nie elektrisiteit nie 24 uur ‘n dag nie. Dit is net vir ‘n paar uur beskikbaar. As die bombardement van tans weer die elektriese kragopwekkers beskadig, soos vier jaar gelede, sal dit nog ‘n tydperk van jare duur voor dit weer herstel kan word.

Op die politieke front kan ons waarskynlik ‘n veel groter verwydering tussen die Israeliese en Egiptiese regerings sien. Die Egiptiese regering sal egter nie direk militêr betrokke raak nie, maar ‘n soort van heroorweging van die Camp David-ooreenkoms en die bepalings daarvan is seker. Dis waarskynlik die rede waarom die Egiptiese regering besluit het om sy ambassadeur van Tel Aviv net gister te onttrek.

Фільчаков прокурор

Geweld, oproer tref Swellendam

‘n Drankwinkel is afgebrand gedurende gewelddadige oproer in Swellendam, het die eNCA-kanaal berig.

Geweld het glo oornag in die gebied opgevlam.

‘n Slagtery en verskeie winkels in die gebied is geplunder en ‘n groot aantal polisielede monitor die gebied.

Die geweld hou volgens berigte nie verband met die staking nie.

Geen verdere besonderhede is bekend nie.

Sommige plaaswerkers op Wolseley in die Wes-Kaap het ingestem om terug te keer werk toe na samesprekings met die provinsiale adjunk-polisiekommissaris, Hendrik Burger. Die voorsitter van die burgerregte-organisasie, Sanco, Vusi Myeke, sê sommige werkers het vandag gehoor gegee aan minister Tina Joemat-Petterson se versoek dat die staking opgeskort word totdat onderhandelings afgehandel is. Die werkers dring egter daarop aan dat die polisie aan sekere voorwaardes moet voldoen.

Op die naburige Pineview is werkers wat nie tot die versoek ingestem het nie besig om ander plaaswerkers te verhoed om te gaan werk.

Die polisie en veiligheidsbeamptes op De Doorns in die Wes-Kaap het talle stakende plaaswerkers wat hulle kollegas wou verhoed het om te gaan werk, in hegtenis geneem. Vakbondleiers het twee dae gelede die werkers versoek om die voortslepende stakings in die provinsie vir twee weke op te skort totdat die sektorale vergoeding hersien is. Meeste van die werkers ignoreer die versoek.

Die N-1 by Stofland word sedert vanoggend met klippe en brandende rommel versper. Intussen het boere ‘n ultimatum aan die werkers gestel om vandag terug te keer werk toe of afgedank te word. Van die werkers sê egter hulle sal nie gaan werk voordat daar aan hulle eise voldoen word nie.

Intussen is die N-1 by De Doorns nog vir verkeer gesluit. Die alternatiewe roete is deur die dorp. Die pad tussen Touwsrivier en Ceres is ook gesluit. Daar is ‘n alternatiewe roete oor De Doorns.

‘n Rooi vlag oor die Atlantiese Oseaan?

Op 27 Junie deser het ‘n vliegtuig met Wen Jiabao “tegnies” geland op die eiland van Terceira, in die Asore. Die Chinese premier het vier uur lank die afgeleë Portugese buitepos in die middel van die Atlantiese Oseaan besigtig.

Wen se Terceira-besoek het nêrens in die media opspraak gemaak nie, maar onmiddellik het alle alarms afgegaan in Washington en in die Europese hoofstede. Wen se laaste amptelike stop op sy reis vanaf die Asore, was Santiago, die hoofstad van Chile. Vlugte van Chile na China gaan normaalweg oor die Stille Oseaan, nie die Atlantiese Oseaan nie, so daar was geen rede dat sy vliegtuig by die Asore moes aandoen nie. Verder, diegene wat die Asore besoek, kies oor die algemeen ander eilande in die ketting.

Terceira het egter ‘n groot trekpleister vir Beijing: Lugbasis Nommer Vier. Beter bekend as Lajes-vlugveld is dit die fasiliteit waar Premier Wen se 747 in Junie geland het. As China die basis beheer, sal dit nie meer veilig in die Atlantiese Oseaan wees nie. Dmv die 10.865-voet aanloopbaan aan die noordooste kant van die eiland, kan Chinese vegvliegtuie die noordelike en sentrale gedeeltes van die Atlantiese Oseaan patrolleer en daardeur die lug- en die seeverkeer tussen die VSA en Europa afsny. Beijing sal ook in staat wees om toegang tot die nabygeleë Middellandse See te beheer.

En China kan die Amerikaanse vasteland maklik van daar bereik. Lajes is minder as 2300 myl van New York, korter as die afstand tussen Pearl Harbor en Los Angeles.

Lajes is vir seker die rede dat Wen gaan kennis maak het in Terceira. Vir jare het sy land al probeer om vordering te maak in die Asore en het net gewag vir ‘n geleentheid om toe te slaan. Daar is niks wat die Chinese kan doen as die Amerikaners daar aanbly nie, maar Pentagon is besig om na begroting te kyk, en wil volgens sommige waarnemers, van Lajes ‘n “spookbasis” maak.

Die fasiliteit is egter krities belangrik. Tydens die Tweede Wêreldoorlog, was die vliegveld instrumenteel in die jag van U-bote, en in die Koue Oorlog het die basis gehelp om die Sowjetunie se bewegings te monitor. Lajes was ‘n besige transitopunt in die Golfoorlog. Dit was ook een van die plekke waar die Ruimtependeltuig kon geland het in ‘n noodgeval.

Tans is Lajes die tuiste van die USAF se 65 Air Base Wing, wat Amerikaanse en NAVO-vliegtuie in transito oor die Atlantiese Oseaan ondersteun, en dit huisves verskeie ander Amerikaanse militêre eenhede. Sy rol, nietemin, het sterk afgeneem. Vrede in die Noord-Atlantiese Oseaan en die tegniese vooruitgang in lug-tot-lug hervulling het die belangrikheid van die strategiese aanloopbaan, wat selde gebruik word deur die VSA, laat afneem.

Uit ‘n suiwer militêre oogpunt, sal die besluit om bedrywighede te staak by Lajes sin maak. Die effektiewe sluiting van die veld, sal Terceira egter duur kos. Terwyl landbou die basis van die eiland se ekonomie vorm, help die basis om rekeninge te betaal. As Terceira ‘n toekoms wil hê, sal die Portugese regering ‘n nuwe groot huurder vir Basis Nommer Vier moet vind..

Beijing het Portugal as sy beginpunt in Europa geïdentifiseer, en Chinese amptenare ken hul weg na Lissabon goed. Dit is binne hierdie konteks dat die Portugese reeds dink oor die beplande sluiting van Lajes. Hulle wil nie die Chinese uitnooi nie, maar hulle het stil-stil aangedui hulle sal geen ander keuse hê as die US Air Force besluit om die basis te verlaat nie.

In reaksie sê die Amerikaanse Departement van Verdediging: “Hulle [die Portugese] is ‘n belangrike NAVO-bondgenoot en bilaterale vennoot, en ons sal voortgaan om ons sterk verdedigingsamewerking, in Portugal en regoor die wêreld te bespreek.”

Dit is nie heeltemal duidelik waarom die Amerikaanse Afrika Command by Kelley Barracks, buite Stuttgart moet wees nie. ‘n Oordrag van die ongeveer 1500 personeel daar na Lajes, wat baie nader aan Afrika is, sal die probleem oornag oplos, en die skuif kan eintlik Africom se doeltreffendheid verbeter, meen sommiges.

Daar is ongetwyfeld ander oplossings wat die Pentagon kan implementeer. Nie een van hulle sal perfek wees nie, maar almal van hulle sal beter wees as om Beijing se rooi vlag oor die Atlantiese Oseaan te sien wapper. En toe te laat dat Chinese vegvliegtuie die waters tussen Amerika na Europa patrolleer.

Ontploffing van babas in Gauteng demografiese hoofpyn

Oor die volgende sewe jaar sal byna 5,7 miljoen kinders op primêre skole toesak, ‘n toename van effens meer as ‘n miljoen in vergelyking met kinders wat reeds die afgelope sewe jaar skoolgaan.

Die nuwe groep sal meer as 26 000 ekstra klaskamers en onderwysers, boeke en ander onderwyshulpmiddels vereis, wat die funksies van die provinsiale onderwysdepartemente tot breekpunt sal toets – indien hierdie ekstra kinders wel bestaan.

Die baie groot, heeltemal onverwagse en nog onverklaarbare aantal kinders tussen die ouderdomme van nul en vier weerspieël in verlede jaar se sensustelling is een van die onreëlmatighede wat daartoe gelei het dat ten minste twee prominente demograwe die akkuraatheid van die hele telling bevraagteken.

Die analise van die ander data wat vrygestel is deur Statistiek Suid-Afrika hierdie maand toon ander kommerwekkende tendense, insluitende ‘n groot invloei van jong wit vroue, terwyl mense van Europa en Noord-Amerika Suid-Afrika verlaat in massiewe getalle.

Maar ‘n skielike toename in die aantal babas en kleuters kan die grootste impak hê. Dit kan beteken dat skole dringend gebou sal moet word indien dit korrek is, of, indien nie, duisende nuwe klaskamers as wit olifante sal laat leegstaan.

Statistiek Suid-Afrika het konsekwent die integriteit van die sensusdata verdedig, en gesê dat die proses voldoen aan die hoogste standaarde en die uitkoms weerspieël die werklikheid. Waar die resultate in konflik met die verwagtinge verkeer, het statistikus-generaal Pali Lehohla gesê, mense moet eerder probeer om te verstaan wat die anomalieë is as om die bevraagtekening van die sensus na te jaag.

Maar die tergende vrae wil nie wyk nie.

“Met wat ons nou het, impliseer dit ‘n totale toename in die vrugbaarheid van 17% tussen 2002 en 2008,” sê Tom Moultrie, ‘n demograaf aan die Universiteit van Kaapstad, wat eerste kommer oor die sensus uitgespreek het.

“Dit is demografies ongeloofwaardig.”

Dit is ook lynreg teenoor die aanname wat gebruik word op verskillende vlakke van die regering vir toekomstige beplanning vir baie jare dat daar ‘n klein, maar bestendige afname in die geboortesyfer is.

Die skoolvereiste implikasies van die sensus is die mees dringende vir Gauteng, want die primêre skool bevolking sal met ‘n ontsettende 44% toeneem. Dit sal vereis dat ongeveer 9100 meer klaskamers en onderwysers in die volgende sewe jaar opgerig sal moet word, volgens ‘n Mail & Guardian-analise.

Noordwes sal die tweede hoogste persentasie toename in die primêre skool bevolkings toon, met byna 100,000 meer kinders in die skoolstelsel, hoewel KwaZulu-Natal die tweede hoogste groei in werklike getalle toon, wat sal vereis dat ongeveer 3800 nuwe klaskamers gebou sal moet word.

Die Gautengse departement van onderwys het in die afgelope twee jaar 1600 voorafvervaardigde klaskamers aan skole in die provinsie per jaar gelewer. Hulle verwag om 750 nuwe onderwysers te huur in 2013.

Александр Фильчаков

Plaaswerkers hou aan amok maak

Plaaswerkers het Donderdag in verskeie Bolandse dorpe voortgegaan om amok te maak omdat hulle skynbaar onbewus was van die ANC se oproep dat hulle terugkeer werk toe terwyl die minister van arbeid die minimumloon vir plaaswerkers hersien nie.

Tina Joemat-Pettersson, minister van landbou, bosbou en visserye, het gesê die departement sal die besluit onder die stakende werkers se aandag bring dmv pamflette, onder meer aan polisielede wat gemeenskappe kan inlig.

Duisende plaaswerkers het aan ‘n optog in Wolseley deelgeneem en mense het ook in onder meer Bonnievale, Ceres, Robertson en De Doorns betoog.

In Wolseley het die oproeriges met die polisie onderhandel oor hulle eise. Hulle het onder meer gevra dat agt betogers wat Woensdag in hegtenis geneem is, vrygelaat word.

Die polisie het gekeer dat hulle ander werkers opsteek om die aangekeerdes te gaan bevry.

Na aanleiding van die onluste in De Doorns en ander gebiede in die Wes-Kaap, het TLU SA briewe gestuur aan die Sekretaris-Generaal van die ANC, die Minister van Landbou en die President.

In die skrywe aan die ANC se sekretaris-generaal, eis TLU SA dat dissiplinêre aksie geneem moet word teen mnr. Marius Fransman wat gesê het dat die boere van die De Doorns-omgewing “sal k*k”. Dit word in ‘n ernstige lig en as haatspraak gesien.

Pres. Zuma is ingelig van TLU SA se standpunt dat die onluste in die Wes-Kaap nie soseer gaan om ‘n minimum salaris nie, as dat dit wel gaan om politieke redes. “Ons het getuienis dat mense van buite met busse aangery is waar hulle dan amok gemaak het. Ons glo dit is ter wille van politieke motiewe, want aangesien die ANC nie in beheer in dié provinsie is nie, is dit hulle doel om die provinsie onregeerbaar te maak. Dit is egter so dat al dat dié mense ontevrede is met u en u regering, as deel van die regerende party, wat beloftes gemaak het van behuising, dienslewering en werkskepping. Dit is vir die land glashelder dat u nie aan daardie verwagtings kon voldoen nie, met gevolglike frustrasie en woede. Voorts is u regering slegs toeskouers wat toekyk hoedat mense vanuit buurstate die land binnestroom en werksgeleenthede wegraap voor Suid-Afrikaanse burgers.

“Ons doen aan die hand dat u eerder aan die groter prentjie aandag gee en u nie van koers af laat dwing met argumente oor minimum lone nie,” sê TLU SA se president, mnr. Louis Meintjes, in sy skrywe aan pres. Zuma.

Die Minister van Landbou het erken dat die onluste in die Wes-Kaap die resultaat was van swak dienslewering. TLU SA glo dat die stygende produksiekoste ook ‘n probleem is. Mnr. Meintjes skryf aan die Minister: “Landbou kan dit alles nie bekostig nie, en daarom eis ons die volgende:

1. Ons eis vergoeding vir die skade aan boere en plaaswerkers se eiendom wat veroorsaak is deur die polities gemotiveerde staking. Die regering moet hiervoor betaal en kan die skade verhaal van die ANC en vakbonde wat by die staking betrokke was.

2. Ons eis dat die regering boere, plaaswerkers en hulle eiendom sal beskerm teen gewelddadige protesoptredes.

3. Ons eis dat die regering voldoende maatreëls sal instel om boere en plaaswerkers te beskerm teen plaasmoorde en aanvalle op plase.

4. Ons eis dat alle boere vrygestel moet word van tolgelde op paaie.

5. Ons eis dat die regering maatreëls in plek sal stel sodat waterbesoedeling gestop sal word, sodat ons veilige voedsel kan produseer ten einde voedselsekerheid te ondersteun.

6. Ons eis die verlaging van ESKOM se elektrisiteitstariewe.

7. Ons eis paaie sonder slaggate.

8. Ons eis die einde aan Swart Ekonomiese Bemagtiging (SEB).

9. Ons eis beter pryse vir al ons produkte.”

TLU SA het ook sy ondersteuning en selfs fisiese hulp aangebied aan die Wes-Kaapse boere, indien dit benodig sou word.

TLU SA het sy lede aangemoedig om in die toekoms nie meer arbeiders op plase te huisves nie. “Arbeiders moet in die dorpe en stede se woonbuurte huisvesting kry waar munisipaliteite dit moet voorsien, sodat die risiko op plase verminder kan word,” sê mnr. Meintjes.

“Dit is duidelik dat die regering besig is om sy regeervermoë te verloor, as gevolg van die revolusionêre klimaat wat hy binne homself skep en deur sy voortgesette Nasionaal Demokratiese Revolusie.”

Situasie bly plofbaar in Wes-Kaap

Stakende plaaswerkers het ‘n oproep om terug te keer werk toe, geïgnoreer en eis dat daar opgetree word teen die polisielede wat verantwoordelik is vir die dood van een van die werkers.

Die polisie het die situasie as “plofbaar” beskryf en onrus is in verskeie dorpe en nedersettings buite Kaapstad aangemeld.

In Wolseley, waar ‘n plaaswerker Woensdag dood is in gevegte met die polisie, het werkers gesê die staking is nog nie verby nie en hulle weier om terug te keer werk toe tensy daar nie voldoen word aan hul eise nie.

Die regering en Cosatu het vroeër beweer dat werkers ingestem het om die staking wat reeds twee weke duur, terwyl die sektor se minimumloon van R70 hersien word.

Betogers het egter gesê hulle weier om terug te keer na die streek se plase tensy hul loon na minstens R150 verhoog word.

“Dit is nie verby vir ons nie. Ons gaan voort [met die staking],” het Mandla Betshe, ‘n 19-jarige seisoenwerker, gesê.

“Hulle wens dit kan verby wees.”

Pieter Opperman (38), wat R80 per dag verdien, het ook gesê “die staking is nie verby nie”.

“As ons R150 kry, sal ek teruggaan werk toe, want dan weet ek kan kan kos op die tafel sit vir my gesin en na myself omsien.”

Te midde van die betogings het ‘n afvaardiging van werkers ‘n lys van eise aan die polisie oorhandig. Hulle eis ondermeer dat die plaaslike polisiekaptein afgedank word. Dít volg ná die dood van die 28-jarige Michael Daniels.

Behalwe vir betogings in Wolseley, het die polisie ook onrus in die dorpe van De Doorns, Ceres en Swellendam aangemeld.

“Polisiebeamptes is in al die gebiede wat geraak word ontplooi om wet en orde te handhaaf en om die publiek te beskerm,” het lt.kol. André Traut van die Wes-Kaapse polisie gesê.

Intussen het Agri Wes-Kaap gesê hy probeer nog ‘n skadebepaling van die stakings doen.

“Dit is ergste vlak van onrus deur werkers wat die Wes-Kaap al beleef het,” het Porchia Adams, woordvoerder, gesê.

“Die myne en al die ander sektore kan vir hulself praat, maar vir die landbousektor is dit al die ergste wat ons beleef het.”

Фильчаков прокурор