Dan Roodt, Author at praag.co.za

Duisende stakers op N1, Weskaap

Duisende stakende plaaswerkers het Donderdagmiddag op die N1 in De Doorns aan ‘n protesoptog deelgeneem, het die Black Association of the Wine and Spirit Industry (Bawsi) gesê.

Hulle het by plase op die pad gepoog om meer stakendes te werf.

“Ek lei die opmars en daar is duisende van ons hier wat gelei word deur Njalas. Ek is seker die hele land se polisie is hier,” het die president van Bawsi, Nosey Pieterse, gesê.

“Ons neem aan ‘n vreedsame optog deel om te wys hierdie ding [die staking] gaan nie weggaan nie. Dis ‘n duidelike boodskap dat die staking voortgaan.”

Stakers het by elke plaas gestop om ‘n memorandum aan boere te oorhandig waarin hulle onder andere ‘n daaglikse loon van R150 eis.

Pieterse het gesê die staking is nie ‘n poging om boere uit te lok nie.

Werkers het ongeveer 10 km geloop; die Suid-Afrikaanse weerburo het ‘n temperatuur van 35 grade Celsius vir die dag voorspel. Die optog sal verwagting by die Hexrivier Hoërskool eindig.

Andre Traut, woordvoerder vir die Wes-Kaapse polisie, het gesê die polisie hou sake dop. Hy het gesê geen geweld is tot dusver aangemeld nie.

Plaaswerkers het verlede jaar begin staak vir ‘n hoër daaglikse loon asook die implementering van ‘n nuwe grondhervormingsprogram.

Die staking is in Desember opgeskort, maar is verlede Woensdag in verskeie dele van die land hervat.

Obama se nuwe kreet

President Obama se tweede inhuldigingsgeleentheid op 21 Januarie 2013 sal saamval met die nasionale vakansiedag van Martin Luther King Jr. in die VSA.лобановский обыск

“Tony Ehrenreich, Wes-Kaapse Cosatu-sekretaris, blaas geweld aan met sy stelling van ‘die grondoorlog kom binnekort’. Daardeur sê hy ook dat die ware motief agter die stakings van plaaswerkers in die Wes-Kaap nie oor lone gaan nie, maar oor grond.

Uitsprake soos hierdie grens aan haatspraak en moedig geweld aan. Verantwoordelike regering vereis dat pres. Zuma en sy ministers van grondhervorming en landbou moet ingryp en Ehrenreich repudieer,” sê mnr. Pieter Groenewald, die VF Plus se parlementêre woordvoerder oor landelike ontwikkeling en grondhervorming.

“Daar bestaan baie vrae oor die motief van die gewelddadigheid van hierdie plaaswerkerstaking in die Wes-Kaap. Inligting dui daarop dat die stakers meestal uit werkloses bestaan en nie plaaswerkers is nie.

Dit wil voorkom asof die aanstigters dit onmoontlik wil maak vir boere om aan te gaan met hulle boerdery. Sodoende word gehoop die boere verlaat hulle plase en dan kan dit beset word deur die werkloses.

Ehrenreich het die kat uit die mou gelaat en moet verduidelik wat bedoel hy met sy uitlating,” het Groenewald gesê.

Bundesbank vra goud van VSA, Frankryk terug

Duitsland se sentrale bank eis van sy groot goudreserwes wat in die VSA en Frankryk gehou word, terug. Die stap volg na ‘n oudit wat die Bundesbank vir wanbestuur gekritiseer het, omdat die reserwes nog nooit “fisies nagegaan” is nie.

Die Bundesbank het planne aangekondig om sy hele 374-ton goud te onttrek van die Bank van Frankryk in Parys, en 300 ton van die 1500 ton wat tans gehou word deur die New York Federal Reserve.

Die Duitse regering wou nie kommentaar lewer op die verslae voor die aanbieding van ‘n nuwe plan vir die bestuur van sy goudreserwes Woensdag nie. Duitsland spog met die wêreld se tweede grootste goud reserwes van 270.000 goudstawe ($177.5 miljard), net na dié van die VSA.

Duitsland se goudvoorraad is na die buiteland verskuif gedurende die Koue Oorlog te midde van vrese van ‘n moontlike Sowjet-inval. Daar is nou geen rede om die oorsese voorraad daar te hou nie, het die Bundesbank gesê.

Van nou af, sal die bank slegs klein hoeveelhede goud in die buiteland hou vir doeleindes van handeldryf.
Ongeveer 30 persent van Duitsland se goudreserwes word tans in die land gehou by die fasiliteite van die Frankfurtse Bundesbank.

“Die politieke veiligheidsituasie het verander,” het Bundesbankraadslid Carl-Ludwig Thiele aan verslaggewers gesê Woensdag. Hy het bygevoeg dat die goud ‘n belangrike bron van “vertroue in die geldeenheid en in die ekonomiese mag van ons land is.”

Die stap volg op ‘n verdoemende verslag deur die Duitse Hof van Ouditeure op die bestuur van die Bundesbank se buitelandse goudvoorraad. Ouditeure het gesê dat die goud “is nog nooit fisies geverifieer nie,” en nie onder behoorlike beheer nie.

Die Bundesbank is uit die veld geslaan deur die kritiek, en het beklemtoon dat daar geen noodsaaklikheid vir spekulasie oor Duitsland se oorsese stoorplek is nie en dat “daar is geen twyfel oor die integriteit van die buitelandse stoorplekke is nie.” Die sentrale bank word wyd beskou as een van die mees betroubare instellings in die Duitse samelewing.

Hierdie salvo kan die begin van die einde van die Amerikaanse dollar as die reserwegeldeenheid van keuse beteken.

топкарго

Pakskuur brand, bruin werkers droom van R150

Gerrit de Beer, finansiële hoof van die Le Roux-boerdery groep, sê etlike miljoene rande se skade is aangerig nadat ‘n “groot en baie moderne” pruimpakskuur vroeg Woensdagoggend op die plaas Sandrivier naby Wellington in ‘n brand beskadig is.

Die kantoor en koelkamers wat deel van die pakskuur vorm, het behoue gebly. Die voorraad wat in die koelkamer opgeberg is, word nagegaan om te sien of dit beskadig is. De Beer sê hulle het al onder stakings deurgeloop. Die tweede reeks openbare verhoor oor plaaswerkerlone, wat tans in die provinsie gehou word, is Dinsdagaand (15 Janurie 2013) op die dorp gehou.

De Beer sê die brand het tussen 02:00 en 03:00 uitgebreek. Vrugte word 24 uur lank in die skuur gehou.

Volgens De Beer het hulle sekerheidsbeamptes op die plaas en by die skuur om die eiendom en werkers veilig te hou. “Hout is elders op die plaas aan die brand gesteek, wat die sekerheidsbeamptes weggelok het van die skuur af. Dis toe dat die brand by die skuur begin het,” aldus De Beer.

Die polisie en die brandweer was vinnig op die toneel, en ondersoeke word tans gedoen om te bepaal of die brand die gevolg van brandstigting is.

Intussen het sommige bruin werkers hulle min gesteur aan Cosatu se oproep om die staking vir ‘n week lank op te skort. “Cosatu is nie ons baas nie!” het plaaswerker Jurie Scheepers gesê. “Ons is die mense wat ly, nie Cosatu nie! Ons is nie tevrede is met R105 nie. Ons is nie gelukkig met wat Clanwilliam mee gelukkig is nie! “

Sommige van De Doorns se bruin plaaswerkers sê die huidige minimum loon van R69 is ‘n “hongerloon”.

Verlede week se optimisme oor hul kanse om R150 te ontvang blyk nou ‘n onbereikbare droom te wees, ten spyte van hul besluit om aan te hou staak. Scheepers, deel van Stofland se gemeenskap het Woensdag, sy kommer uitgespreek oor hul toenemende isolasie in die arbeidsgeskil.

“Die ander mense in Worcester en Robertson, hulle werk almal. Dis net ons hier,” sê een vrou. “Hier sit ons.”

“Jurie, wanneer is ons weer aan die werk?” het een gevra. “Ek weet nie, my darling,” het Scheepers gereageer. “Ons almal wag om te hoor.”

Dit blyk dat die ooreenkoms in Clanwilliam wat Tony Ehrenreich van Cosatu aangekondig het, slegs ‘n ooreenkoms tussen Cosatu en ‘n enkele boer, Cape Orchids se direkteur Gerhard de Kock was.

AgriSA het hulself ook van die ooreenkoms gedistansieer en gesê dit het nie namens al die boere geskied nie.

Mali-konflik eis eerste Brit

Die Britse minister van buitelandse sake, William Hague, het Donderdag bevestig dat ‘n Brit dood is in ‘n aanval op ‘n gasveld in die ooste van Algerië.

Hague het verder gesê enige verband met die krisis in Mali is ‘n verskoning vir “koelbloedige moord”.

“Hoewel ek die dood van ‘n Britse burgerlike kan bevestig, kan ek nie in die stadium bevestig hoeveel mense as gyselaars aangehou word nie,” het hy tydens ‘n besoek aan Sydney gesê. Vroeër is berig dat twee Japannese burgers ook aangehou word.

Al-Kaïda in die Islamitiese Maghreb (AQIM) het vroeër aanspreeklikheid vir die aanval aanvaar en gesê ses mense is ontvoer,” het BBC News berig.

BP het bevestig dat ‘n gasveld in Algerië, wat hy saam met vennote bestuur, aangeval is.

Sowat 41 buitelanders is ontvoer in ‘n aanval op die In Amenas gasfasiliteit.

VSA en die Europese amptenare het Woensdag gesê dat dat drie Amerikaners ontvoer is, uit ‘n totaal van nege VS-personeel wat werk op die terrein, ‘n gasveld langs die Libiese grens wat bestuur word deur BP, Noorweë se Statoil en die Algerynse energie maatskappy Sonatrach.

Algerië het intussen toestemming aan Frankryk verleen om hulle lugruim te gebruik om lugaanvalle teen die rebelle in Mali te loods. Die Algeryne is bekommerd dat die rebelle vyandig teen hulle eie regering staan sedert die Berberstamme, wat onafhanklikheid van Mali eis, deur die Islamitiese opstand gemarginaliseer is.

Die Berbers eis ook onafhanklikheid van Algerië. Die Berbergebied strek oor verskeie lande, naamlik, Mali, Algerië, Libië en Niger.

Die Franse owerhede, by monde van Jean-Yves Le Drian, die minister van verdediging, het aan RTL bevestig dat hulle “so lank as wat nodig sal wees” in Mali sal bly om die “soewereiniteit van die land as geheel te beskerm”.

Marine Le Pen, van die regse FN-party, het aan dieselfde radiostasie gesê die wapentuig wat die rebelle gebruik in Mali kom waarskynlik van die Franse af ná die vorige president Sarkozy se ywerige deelname aan die NAVO-inval in Libië. Sy het egter die huidige operasie geloof en gesê sy steun president Hollande se optrede.

Dit blyk dat die rebelle met wapens uit Libië bewapen word. Le Drian wou nie bevestig dat daar spesifieke groepe is wat die rebelle ondersteun nie. Hy het gesê die vermoede is daar dat dwelm- en wapenhandel die konflik kan help befonds.

Intussen is die eerste slagoffer van die oorlog in Mali, die helikoptervlieënier Damien Boiteux, met volle eerbewys in Frankryk begrawe.

Bykans 200 Nigeriese soldate sal na verwagting vandag in Mali aankom om te help om teen Islamietiese insypelaars in die noorde van die land te veg. Dit is die eerste groep soldate uit Wes-Afrika wat hulle by die Franse soldate aansluit wat Vrydag met optrede teen die rebelle begin het.

Ingevolge ‘n resolusie van die VN Veiligheidsraad sal sowat 3300 soldate uit die streek in Mali ontplooi word. Tsjad het bevestig dat hy tweeduisend soldate sal stuur. Benin, Ghana, Niger, Senegal, Burkina Faso en Togo het ook onderneem om deel te neem.

President Jacob Zuma en sy Angolese ampsgenoot Jose Eduardo Dos Santos sê hulle wil hê die volgende vergadering van die Afrika-Unie moet aandag skenk aan rebelle-bedrywighede op die vasteland.

Die twee leiers het gister in die Angolese hoofstad samesprekings gevoer. Kommer neem toe onder leiers van die Suid-Afrikaanse Ontwikkelingsgemeenskap oor die toenemende voorkoms van rebellevegters op dele van die vasteland.

Die regerings van onder meer die Demokratiese Republiek van die Kongo, Mali sen die Sentraal Afrikaanse Rebubliek veg tans teen rebelle. Zuma sê dié toestand is kommerwekkend.

Tronkaanranding: Joernaliste se foto’s uitgevee

Vrystaatse tronkbeamptes het joernaliste aangehou, hul gereedskap gekonfiskeer en hul foto’s van bewaarders wat ‘n gevangene aanrand uitgevee, het twee dagblaaie berig.

The Star en The Times berig dié voorval het Woensdag gebeur toe die parlement se portefeuljekomitee op korrektiewe dienste die Groenpunt-maksimumveiligheidstronk buite Deneysville in die provinsie besoek het. Dis dieselfde gevangenis waar tronkbewoners onlangs oproerig geraak het.

Volgens dié publikasies is die media uitgenooi om die komitee te vergesel.

Joernaliste het tydens die besoek gesien hoe tronkbewaarders ‘n gevangene aangerand het.

“Ons het deur die heining gesien hoe ‘n bende bewaarders ‘n man in ‘n oranje gewaad aangerand het; ‘n beweerde weerlose gevangene wat van die pyn gewriemel en gekreun het,” het verslaggewers van The Star gesê.

“… Hulle het hom op ‘n wrede manier geslaan.”

Fotojoernaliste het foto’s geneem terwyl die aanranding plaasgevind het.

“Hulle het hom [die gevangene] toe weggeneem en na ons beweeg. Wat toe gebeur het, was ‘n uur lange traumatiese ondervinding wat ons soos terroriste laat voel het.”

Talle joernaliste en fotograwe is aangehou, deursoek en hul selfone en kameras is weggeneem.

Hulle is omtrent ‘n uur later vrygelaat en hul gereedskap is aan hulle oorhandig, maar die tronk het beslag gelê op die geheuestokkie van een van The Star se fotograwe. Alle foto’s – selfs dié wat nie met die aanranding te doen gehad het nie – is ook uitgevee.

Subashni Moodley, streekskommissaris vir korrektiewe dienste in die Vrystaat en Noord-Kaap, het aan The Star se redakteur, Makhudu Sedara, gesê die fotograwe het hul ooreenkoms verbreek. Hulle het glo ‘n ooreenkoms aangegaan om nie rond te beweeg van waar hulle gestasioneer is, of om foto’s te neem nie.

Ruda steek haar weermagverlede weg

Die TV-persoonlikheid Ruda Landman is glo skaam dat sy weermagopleiding in George ontvang het. Landman is een van Media24 se ideologiese steunpilare.

Die afgetrede kol. Monica Muller van The Reeds skryf sarkasties in Beeld dat Landman “aan geheueverlies ly” en wonder of die kykNet-program Reis moontlik “swak nagevors” is.

Volgens die program, skryf Muller, is Ruda Wahl (haar nooiensvan) glo ná haar matriekjaar in Upington na die Universiteit van Stellenbosch. Dit is natuurlik nie korrek nie, want Ruda het in 1971 – ná haar matriekjaar – vrywillige militêre opleiding by die destydse Burgerlike Beskermingskollege, later SA Leër-vrouekollege, in George ondergaan.

Ruda is aan die einde van die opleiding as die student van die jaar aangewys. Ná die voorstellingsparade het hierdie “skaam dogter van Keimoes” etlike dae op die voorblaaie van die nasionale koerante gepryk.

As korporaal van haar peloton en gedagtig aan die opleiding wat hulle meegemaak het, het Ruda blootstelling ontvang wat haar soveel selfvertroue gegee het dat sy seer sekerlik ‘n groot voorsprong bo ander eerstejaars in Stellenbosch moes gehad het.

Volgens Muller is dit jammer dat Ruda nie haar werklike agtergrond met die kykers kon of wou deel nie.

Jong Suid-Afrikaanse vroue kry vandag nog die geleentheid om op ‘n vrywillige basis militêre opleiding te ondergaan en vermelding van haar ervaring kon vir vele jong meisies nuwe perspektiewe oopgemaak het, voel Muller.

In die 21-jarige gedenkblad van die SA Leër-vrouekollege in 1992 skryf Ruda onder meer: “… maar geleer het ons geleer en ek bly elke dag nog dankbaar daarvoor”. Landman se daaglikse dankbaarheid het egter intussen verdamp.

Dit is net nie meer politiek-korrek en gerieflik vir die ideologiese projek van die mediamonopolie om te erken dat jy deel van die SA Weermag voor 1994 was nie.

Helikopter stort in Londen neer

‘n Helikopter het neergestort in spitsuuroggendverkeer nadat dit in vlamme uitgebars het in ‘n oënskynlike botsing met ‘n hyskraan in die suide van Londen.

Die brandende helikopter het soos ‘n “vuurbal” na benede gestort, sê geskokte omstanders.

Deel van die beskadigde hyskraan het glo ‘n naburige gebou en motors beskadig.

‘n Londense radiostasie LBC het ook gesê die bestuurder van die hyskraan was laat vir werk, anders sou hy dood gewees as hy betyds op sy pos was toe die ongeluk plaasgevind het.

‘n Rooksluier hang oor die toneel naby die Thames naby aan die MI6-gebou en die nuwe Amerikaanse ambassade wat onder konstruksie is.

‘n Ooggetuie Belinda Moore, vrou van die voormalige Engelse rugbyspeler Brian Moore, het getwiet: “Net gery en gesien baie rook oor Vauxhall, dit is ‘n helikopterongeluk, het dit gesien laag vlieg oor Chelsea Bridge het gedink dis vreemd.

Sy het die heli se posisie as “baie vreemd en baie laag” beskryf oor Chelseabrug omdat die Battersea Heliport aan die ander kant van die rivier is.

Brandbestryders is steeds op die toneel. Verkeer rondom Vauxhall en Nine Elms-gebied het tot ‘n stilstand gekom. Treindienste by die nabygeleë Vauxhall-stasie is afgestel.

Bronne rapporteer dat net die vlieënier aan boord was.

Londen Brandweer het gesê talle oproepe oor die voorval is ontvang.

Die diens het op Twitter gesê: “Ons het verslae van ‘n helikopter-ongeluk naby Worth Road in Suid-Lambeth.”

Regter gee groenlig vir kinderseks

Dit is nie meer ‘n kriminele oortreding vir kinders tussen die ouderdomme van 12 en 16 om betrokke te raak in instemmende seksuele aktiwiteite met mekaar nie, het die Pretoriase hooggeregshof Dinsdag beslis.

Regter Pierre Rabie se uitspraak volg op ‘n aansoek in April verlede jaar deur die Teddy Bear Clinic vir mishandelde kinders, wat ondersteun word deur die Sentrum vir Kinderreg, oor sekere bepalings in die Wet op Seksuele Misdrywe.

Die twee organisasies het aangevoer dat die Wet dikwels gelei het daartoe dat baie minderjarige swanger meisies nie aborsies by klinieke wil hê nie, want dit sou kon lei tot kriminele aanklagte teen hulle en hul vennote.

Hulle het die hof versoek om sekere bepalings ongrondwetlik te verklaar omdat hulle inbreuk maak op ‘n kind se reg tot waardigheid en privaatheid.

Die aansoek is teengestaan deur die minister van justisie en die Nasionale Direkteur van Openbare Vervolgings.

Terwyl die regter se uitspraak beskryf is as ‘n “oorwinning vir die regte van kinders” deur die aansoeker en Teddy Bear Clinic se direkteur Shaheda Omar, het die Departement van Justisie en Staatkundige Ontwikkeling gesê dit sal ‘n impak hê op die toenemende tempo van seksuele geweld onder kinders onder die ouderdom van 16.

In sy uitspraak, het Regter Rabie verklaar dat die twee afdelings van die Wet op Seksuele Misdrywe, wat instemmende seksuele aktiwiteit tussen kinders tussen die ouderdomme van 16 jaar en 12 jaar verbied, ongeldig is omdat dit die Grondwet kriminaliseer.

Die Wet op Seksuele Misdrywe bepaal dat alle konsensuele seksuele dade tussen die kinders van daardie ouderdom, selfs soen en nie net penetrasie nie, kriminele oortredings is. Dit beteken dat beide konsensuele partye die moontlikheid van kriminele vervolging in die gesig staar in terme van die wet.

Die wet het ook gesê dat enige persoon, ouers, onderwysers of ander, wat bewus was van instemmende seksuele aktiwiteite tussen kinders, self moontlike vervolging in die gesig staar.

Tydens die verhoor verlede jaar, het Regter Rabie sy eie kommer oor die wetgewing uitgespreek.

Volgens die respondente, is die wet daar om kinders te beskerm teen predatoriese volwassenes en seksuele roofdiere. Dit is ook bedoel om kinders te beskerm teen die strafregstelsel, en die seksuele aktiwiteite van kinders reg te stel en te reguleer, onder andere.

Mthunzi Mhaga, woordvoerder vir die Departement van Justisie en Staatkundige Ontwikkeling, het gesê die departement sal Regter Rabie se uitspraak bestudeer en besin oor al die wetlike aspekte daarin, met ‘n oog op die ondersoek van of daar geldige gronde bestaan waarop ‘n appèl ingedien kan word.

topcargo

Skrywer: Dan Roodt