Dan Roodt, Author at praag.co.za

Optog teen misdaad

Plaaslike bekendes en lede van die publiek het na die Uniegebou in Pretoria opgeruk om teen gewelddadige misdaad te betoog.

Die optog wat deur Bobby en Karlien van Jaarsveld, Steve Hofmeyr en ander bekendes georganiseer is, doen ‘n beroep op die regering om stappe teen gewelddadige misdaad in die land te neem.

“Hierdie is ons optog na vryheid… dis ons klein oorlog. Misdaad is hoog in hierdie land… Ek het kinders en ek wil seker maak hulle is veilig..,” het Bobby van Jaarsveld gesê.

Hy sê die optog is teen alle misdaad en nie spesifiek teen plaasaanvalle nie.

Van Jaarsveld sê die moord op ‘n vyf maande oue baba wys toe erg dinge is.

Wiehan Botes en sy oppasser, Margrietha de Goede (66), is verlede maand in Delmas, Mpumalanga, vermoor.

Hofmeyr, wat wit kruise op sy gesig geverf het, het die optog gelei.

Hy het agter ‘n banier gestap wat lees: “Ons sal nie stilbly nie.”

Ander betogers se plakkate het gesê: “Moeg vir bloed.”

De betogers sal ‘n memorandum aan die presidensie by die Uniegebou oorhandig.

Zuma mors miljarde op IMF-geskenk

Pres. Jacob Zuma sê Suid-Afrika se bydrae tot die Internasionale Monetêre Fonds (IMF) verdedig, wat dit is ‘n “belegging”, het die SABC berig.

Die president het die lening verdedig en gesê dis nie ‘n skenking nie. Hy het nie verduidelik waarom die bedrag ‘n belegging sou wees nie.

Suid-Afrika het aangekondig dat hy ‘n lening van $2 miljard, wat meer is as R16 miljard, aan die IMF gaan gee.

Die Nasionale Tesourie het vroeër gesê dié bydrae volg nadat Amerika ‘n lening van meer as $450 miljard aan die IMF toegeken het.

Die IMF het ‘n beroep op lande by die G20-beraad in Mexiko gedoen om geld beskikbaar te stel aan die Amerikaans-beheerde organisasie.

Jabu Skhakhane, ‘n woordvoerder van die Nasionale Tesourie, sê dié geld sal nie ‘n invloed hê op Suid-Afrika se finansiële verpligtinge nie, het RSG berig.

Dr. Mzukisi Qobo, ‘n risiko-ontleder, het intussen gesê die lening is ‘n uitdrukking van Suid-Afrika se bereidheid om ‘n rol te speel om regerings wêreldwyd te “versterk”.

Qobo sê Suid-Afrika toon ook sy bereidwilligheid om deel te hê aan pogings om te verhoed dat die eurokrisis verder uitbrei.

topcargo развод

Kaaskop twiet Koreane se rassistiese advertensie

Die Suid-Koreaanse lugredery, Korean Air, moes ‘n “rassistiese” advertensie inderhaas van hul webwerf verwyder. Die advertensie verwys na Keniane as “inheemse mense vol van primitiewe energie”.

Die lugdiens het sopas ‘n roete na Kenia aangekondig.

Dié beskrywing het daartoe gelei dat Keniane ontsteld gereageer het. Joernalis Wouter van Cleef, ‘n wit Nederlander, het die eerste keer die betrokke frase geïdentifiseer as “rassisties” en dit via Twitter versprei.

Korean Air het ‘n verskoning uitgereik deur middel van Twitter, en die advertensie is intussen van die webwerf afgehaal. Daar is spekulasie dat die openbare betrekkinge-flater kon gebeur het as ‘n gevolg van die taalhindernisse.

Van Cleef is ‘n Nederlandse vryskutjoernalis in Tokio, Japan. Hy werk vir Trouw (‘n Nederlandse nasionale dagblad) en BNR (‘n landwye Nederlandse radiostasie)

Hy het Politieke Wetenskap aan die Universiteit Leiden (Nederland), en die Universiteit van Stellenbosch (Suid-Afrika) studeer.

Benewens sy vryskutwerk in Japan, skryf hy oor nuwe ontwikkelings in die internasionale reg, kuberbedreigings en internetbestuur.

‘Regse’ bedreiging vervaardig om geheime fonds te plunder

Senior misdaadintelligensie-amptenare betaal informante om valse regse dreigemente teen die regering te maak – ‘n deel van ‘n breër strategie om die eenheid se geheime rekening te plunder vir persoonlike voordeel.

Die konkelaars het hul pad na die R600 miljoen-‘n-jaar-fonds oopgedwing deur aktief inligting te vervaardig om ‘n valse indruk te skep van dreigende aanvalle teen swart mense en die ANC in die besonder, sê wetstoepassingsbronne.

The Star-Afrika het aan die lig gebring dat spioene in die aanloop tot die ANC se eeufeesvieringe in die Vrystaat in Januarie, een van hulle informante gebruik het om met chaos en geweld teen die regerende party te dreig, tensy plaasaanvalle gestaak word.

‘n Gemaskerde man het op ‘n video verlede jaar saam met Andre Visagie, ‘n voormalige sekretaris-generaal van die Afrikaner Weerstandsbeweging (AWB) wat weggebreek het om die Geloftevolk Republikeine (GVR) te vorm, die dreigemente gemaak.

Die video is geplaas op YouTube. Bronne het gesê die dreigement was agter die polisie se besluit om permanent ‘n Nyala buite die ANC se Luthulihuishoofkwartier in Johannesburg te parkeer.

‘n Vertroulike dokument uit die pen van een van die ondersoekbeamptes, waarvan ‘n afskrif van in Die Star Afrika se besit is, skets die plundering van die fonds.

Die vyf-bladsy-dokument sit die metodes wat gebruik word uiteen en het die name van die betrokkenes – informante en hul polisie hanteerders – sowel as hul agtergronde.

‘n Senior nasionale polisiebeampte het gesê dat hy “bewus” van die bedrogspul was, en het bygevoeg dat sommige van diegene wat betrokke is sedertdien aangebied het om getuienis in ruil vir immuniteit teen vervolging aan te bied.

The Star-Afrika verstaan dat die geld onder diegene wat die bedrogspul aan die gang gehou het, uitgedeel is.

Фільчаков прокурор

VSA, EU grom vir mekaar by G20

Die eerste dag van die G20-beraad het gedreig om te ontspoor in ‘n katgeveg tussen nie-Europese lede van die G20, veral die VSA, en die EU-kommissie se president, José Manuel Barroso. Hy het daarop aangedring dat die oorsprong van die eurosone-krisis in die onortodokse beleid van Amerikaanse kapitalisme lê.

Barroso het gesê dat Europa nie na die G20-beraad in Meksiko gekom om lesse te ontvang oor hoe om die ekonomie te hanteer nie. Toe hy deur ‘n Kanadese joernalis gevra is: “Hoekom moet Noord-Amerikaners hul bates waag om Europa te help?” het hy geantwoord: “Om die waarheid te sê, ons is nie hier om lesse te ontvang in terme van demokrasie of in terme van hoe om die ekonomie te hanteer nie.

“Hierdie krisis het nie ontstaan in Europa nie… terwyl jy na Noord-Amerika verwys, hierdie krisis het ontstaan in Noord-Amerika en baie van ons finansiële sektor is besmet deur die onortodokse praktyke van sekere sektore van die finansiële markte.”

Die Europese Raad se president Herman Van Rompuy, het Barroso ondersteun, en gesê ‘n konsep-communique ter “ondersteuning en aanmoediging vir die euro-lande en leiers en die Europese Unie as ‘n geheel om hierdie krisis te oorkom” was gewild onder EU-lede.

“Ons is nie die enigstes wat sogenaamd verantwoordelik is vir die huidige ekonomiese probleme oor die hele wêreld nie,” het hy gesê.

Duitsland se kanselier, Angela Merkel, is onder druk van die Britse minister George Osborne en die invloedryke Britse finansiële pers wat beweer dat sy ekonomiese groei doodgesmoor het. Barroso het gesê hy verwag G20-leiers sal “baie duidelik praat ten gunste van die benadering wat die EU volg.”

“Die wêreld wag vir die Europeërs om te sê wat hulle wil doen,” het Robert Zoellick, uitgaande hoof van die IMF, gesê. Hy het voorspel dat ‘n konfrontasie tussen die IMF en Europa teen die einde van die somer in die afwesigheid van ‘n beslissende optrede sal losbars.

Barack Obama sal na verwagting ook probeer om Merkel te druk oor die kwessie van die euro-effekte. Maar daar is geen kans dat Merkel die skuld van die ander Europese lande vir die afsienbare toekoms sal onderskryf nie.

Brittanje staar die grootste struikelblokke in die gesig en die Verenigde Koninkryk sal alles moet doen om sy eie huis in orde te bring en ‘n skakel met die vinnigste groeiende dele van die wêreld te skep, buite Europa.

Martin Schulz, die Duitse sosiaal-demokraat by die Europese parlement, sê: “Die nuwe Griekse regering sal kan reken op ons konstruktiewe samewerking in moontlike hulp vir sy hervormingstrategie en ekonomiese teikens. As Griekeland sy verpligtinge nakom, kan die EU ondersoek wat verder kan gedoen word om die krisis op te los.”

Rusland stuur vloot na Sirië

Twee skepe van die Russiese vloot met seesoldate maak gereed om na Sirië te vertrek om Russiese inwoners en die land se basis daar te beskerm, het Interfax Maandag berig.

Rusland is gekant teen eensydige regime-verandering in Sirië deur NAVO se ingryping.

Die nuusagentskap Interfax het ‘n ongeïdentifiseerde Russiese vlootbeampte aangehaal wat gesê het die twee skepe, Nikolai Filtjenkof en Caesar Koenikof, sal binnekort na die Siriese hawe van Tartous vertrek, maar het nie ‘n presiese datum gegee nie.

Die beampte het gesê ‘n onbekende aantal seesoldate sal op die skepe wees om die Russe in Sirië te beskerm en om sommige toerusting uit Tartous te ontruim indien nodig.

Volgens Interfax kan elk van die skepe 150 seesoldate vervoer en 12 tenks.

Opposisiegroepe het gesê meer as 14 000 mense is reeds sedert Maart 2011 in Sirië dood. Rebellegroepe word deur die VSA, Brittanje en bondgenote van wapens en ondersteuning voorsien.

Rusland se voorsorgmaatreëls kom na Barack Obama, die Amerikaanse president, en Vladimir Poetin, sy Russiese kollega, vir ‘n einde aan die geweld in Sirië gevra het en vir ‘n “politieke oorgang na ‘n demokratiese, pluralistiese politieke stelsel” na gesprekke Maandag by die G20-beraad in Meksiko.

Die twee kante het ‘n gesamentlike verklaring oor Sirië uitgereik na die gesprekke op die eerste dag van die beraad by Los Cabos.

Die gesamentlike verklaring steun Kofi Annan se vredespogings en vra dat die oorgang na demokrasie onderneem word deur die mense self, terwyl die behoud van die land se huidige grense gerespekteer word.

“Ons is verenig in die oortuiging dat die Siriese mense die geleentheid moet hê om onafhanklik en demokraties hul eie toekoms te kies,” het die twee leiers gesê.

Poetin het gewaarsku dat die verwydering van die Siriese regime kan lei tot die opkoms van radikale Islamitiese partye of terroriste-organisasies – soos in Somalië – volgens amptenare by die beraad.

Die hawe van Tartous in Sirië is ‘n belangrike Russiese vlootbasis, en kenners skat dat ongeveer 50 Russiese personeel daar werk.

Wagte moet dokters by Tygerberg vergesel

Aanvallers het ‘n jong dokter in Tygerberghospitaal aangeval. Eyewitness News berig die student is die afgelope naweek na bewering by die hospitaal aangeval.

Die vrou is glo agtervolg tydens haar saalrondtes voordat hulle haar in ‘n ruskamer vir die personeel, oorval het.

Tygerberg-hospitaal sê hy het nuwe maatreëls ingestel om die veiligheid van studentedokters te verseker.

Laticia Pienaar, woordvoerder vir die hospitaal, sê veranderinge is gemaak om die veiligheid van studente en personeellede te verseker.

Sy sê personeellede kan van nou af deur ‘n wag vergesel word.

Blitspatrollietaakspan raak té goed

‘n Polisie-blitspatrollietaakspan wat ondersoek moes instel oor ‘n “bloulig” kapingsindikaat met diep wortels in die SAPD is gesluit – net enkele dae voor verskeie groot klopjagte.

Lede van die span van 40 hoogservare beamptes is verlede week vertel deur hul bevelvoerders om alle ondersoeke na die sindikate onmiddellik te staak.

Die beamptes is aangesê om al die inligting wat hulle tydens hulle drie weke se ondersoek ingesamel het, te oorhandig – nadat die die operasie Maandag vir twee maande verleng is.

Dit is nie bekend wie die oorspronklike bevel gegee het om die span se ondersoeke te beëindig nie.

Gauteng se kommissaris-generaal, Mzwandile Petros, het gister gesê dat daar niks vreemd oor die ontwikkeling is nie en taakspanne is ”nooit permanent” nie.

Maar een lid het gesê: “Dis vrot in ons geledere. Sommige van ons eie lede is betrokke [in die blou lig sindikate]. Ons weet dat hulle is, maar ons kan nie iets doen nie, want ons moet hulle vang terwyl hulle daarmee besig is.”

Hy het gesê die aanvalle wat beplan was vir later in die week, was ontwerp om dit te doen.

“Ons is geen redes gegee vir hoekom ons gesluit is nie. Al wat ons vertel was, was om alles te stop, insluitend om inligting oor die beplande aanvalle, en plekke van veilige huise en wapens te oorhandig.”

Gauteng se polisie het motoriste verlede maand aangeraai om nie te stop vir ongemerkte voertuie met blou ligte nie, want die bendes is gevaarlik en goed gewapen.

Motoriste wat geteiken is die afgelope ses maande deur blouligrowers, was hoofsaaklik op die N17, N14, N1 en M1 -paaie, en Johannesburg, Benoni en Germiston, op die Oos-Rand en Pretoria.

Ryan Pickford, van Bryanston, in die noorde van Johannesburg, is verlede maand in Mainweg, Bryanston, gekaap. Hy was vir twee uur aangehou nadat hy “gearresteer” is deur mense wat “polisiebeamptes” was.

Daar was na bewering vier soortgelyke voorvalle in en om Johannesburg op dieselfde dag.

Lede van gespesialiseerde eenhede, soos die blitspatrollie, is na bewering by die bendes betrokke.

‘n Polisieman het gister gesê hulle is vertel om polisiebeamptes wat werk met die bendes, dood te skiet.

“Ons het eers hierdie bevele gekry en 48 uur later het hulle ons gesluit Ons is aangesê om twee dae af te neem en dan terug te gaan na ons eenhede.”

Hy het gesê daar was iets “sinisters” oor die nuwe bevele.

“Dit is duidelik dat ons ons werk doen, net ‘n bietjie té goed.”

NGV-aanklaer se tugverhoor skop af

Die tugverhoor van die geskorste aanklaer van Nasionale Vervolgingsgesag (NVG), Glynnis Breytenbach, sal Dinsdag afskop.

“Ek kan bevestig dat dit van môre 10:00 af sal voortgaan,” het Mthunzi Mhaga, NVG-woordvoerder, Maandag gesê.

Die verhoor sal plaasvind by die NVG se hoofkantoor in Silverton, Pretoria.

Breytenbach, die NVG se streekshoof van die spesialiseenheid vir kommersiële misdaad, is in Mei geskors vir gedrag wat verband hou met die manier waarop sy een van haar sake hanteer het.

Breytenbach word daarvan beskuldig dat sy haar mag misbruik het in ‘n ondersoek na ‘n bedrogaanklag wat deur die mynmaatskappy Kumba gelê is teen Imperial Crown Trading (ICT) en dat sy nie bevele om die ondersoek te staak gehoorsaam het nie.

Die NVG het mediaspekulasie verwerp dat die verhoor verband hou met bedrog- en moordaanklagte teen die voormalige misdaadintelligensiehoof lt. genl. Richard Mdluli, wat teruggetrek is.

Breytenbach het in hofdokumente wat ingedien is by die Arbeidshof in Johannesburg geargumenteer dat die NVG “uit eiebelang” opgetree het toe sy geskors is, het die koerant berig.

Die NVG het gesê Breytenbach weet haar skorsing hou verband met haar beweerde misbruik van mag in die Kumba/ICT-saak. Sy het na bewering die NVG se beeld en goeie naam skade berokken.

Die NVG het gesê die verhouding tussen Breytenbach en haar werkgewer het onherstelbaar verbrokkel – ‘n oortreding waarvoor sy afgedank kan word indien sy skuldig bevind word, het Beeld berig.

Zoeloes ondersteun nie nasionalisering van myne

Die ANC in KwaZulu-Natal ondersteun nie die beroep op die nasionalisering van myne nie, het die provinsiale sekretaris, Sihle Zikalala, Maandag in Durban gesê.

“Ons glo nasionalisering sal duur wees en sal massiewe ekonomiese gevolge vir ons land inhou,” het Zikalala gesê.

Hy het verslaggewers toegespreek ná ‘n ANC-werkswinkel oor die kwessie, wat deur meer as 500 afgevaardigdes in Durban bygewoon is.

“Die verslag is duidelik, nasionalisering sal ongrondwetlik wees, tensy ons die mense betaal wat daardie myne besit, en dit sal die staat meer as R1 triljoen kos,” het Zikalala gesê.

“Dit sal ernstige uitdagings in die ekonomie impliseer, so ons gaan nie die beroep op nasionalisering ondersteun nie.”