Verslag van die Volkstaatraad

Na aanleiding van huidige nuwe belangstelling in die ontwikkeling van ‘n Afrikanerstaat het ek dit goed gedink om die Bestuursopsomming van die verslag uit my dik verslagbundel te skandeer en dit hier onder ter insae te gee vir die wat daarmee gemoeid is. Ons sal later by die kaarte uitkom, want hierdie historiese artikel is alreeds te lank.
Weens gebrek aan inligting word daar te dikwels minagtend na die VSR verwys omdat hulle nie ‘n volkstaat kon bewerkstellig nie. Die kwessie van ‘n Afrikanerstaat, sy ligging, die kwessie van selfbeskikking, die uiteenlopende behoeftes van Afrikaners in verskillende streke, politieke oortuigings en vakdissiplines, meelopend met volkeregtelike beginsels en VN protokolle oor die regte van minderheidsvolke, was allles in ag geneem. Die taakgroepe het bestaan uit kundiges soos streeks – en dorpsbeplanners, regsgeleerdes, bygestaan deur buitelandse volkeregkundiges van vier buitelandse universteite, argitekte, onderwysers en opvoedkundiges, ingenieurs, ‘n kernwetenskaplike, ‘n vakunie leier, ‘n generaal wat hoof was van die SA Weermag se logistieke beplanning, ‘n voormalige hoof van die speurdiens, akademici asook ‘n politikus.

By die beoordeling van hierdie verslag moet breër gekyk word as die leser se eie eng behoeftes, want daar kan nie meer as een soewereine volkstaat tot stand gebring word nie en daar bestaan meer as dertig faksies onder Afrikaners. Maar niks verhoed dat verskeie outonome gebiede verklaar kan word waar Afrikaners hul selfbeskikkingsreg kan uitoefen nie.

Baie van u mag met hierdie verlag verskil, maar ek wil graag ‘n wenk aan die hand doen dat ‘n Afrikanerowerheid hierdie verslag sal implementeer in al die gebiede waar Afrikaners bereid is om opofferings vir selfbeskikking te maak.

 

Die strategiese benadering moet dus op implementering op nasionale sowel as streeksvlak gerig wees. Die geskiedenis het bewys dat ‘n politieke party nie by magte is om binne parlementêre reëls iets omtrent ‘n volkstaat gedoen kry nie.
Moet dus nie verder tyd, geld en energie vermors om na moontlike gebiede te kyk (die waar) nie, maar beplan liewer die “hoe” en “deur wie”.

 

BESTUURSVERSLAG BEVATTENDE DIE FINALE BEVINDINGE EN

AANBEVELINGS VAN DIE VOLKSTAATRAAD
Die Volkstaatraad verwys terwille van volledigheid en duidelikheid na die volgende verslae waarop hierdie bestuursverslag gebasseer is:
1. Samevattende verslag van die Volkstaatraad se werksaamhede soos tot op 22 Maart 1999;
2. Die gebiedsverslae van die vier Taakgroepe ten aansien van Pretoria¬Centurion-Wonderboom, Bosveld, Oos-Transvaal en Noodwes-Kaap, asook die verslag van die Taakgroep oor Kulturele Selfbeskikking;
3. Die sewe ander Raadsverslae en vyf monografië.
In die lig hiervan word die volgende bevindinge en aanbevelings namens die Volkstaatraad onder die aandag van die Regering gebring:
1. BEVINDINGE OOR SELFBESKIKKING
1 . 1 As grondslag vir aanbevelings ten opsigte van die inwerkingstelling van selfbeskikking vir Afrikaners, het die Volkstaatraad ondersoek na die teorie en praktyk van selfbeskikking ingestel en die volgende bevind:
1 . 1 . 1 Die begrip word gewoonlik in staatkundige verband gebruik as ‘n teorie oor die verhoudinge tussen ‘n volk en sy staat. ‘n Reg van selfbeskikking dui nie op gewone menseregte nie, maar op ‘n gemeenskaplike reg wat op volke van toepassing is. ‘n Reg van selfbeskikking is op alle volke, wat van hulle bestaan en identiteit bewus is en dit wil bewaar, van toepassing. Elke volk kies self hoe hy sy reg wil uitoefen: ten aansien van die buiteland: as ‘n soewerein onafhanklike staat, afgeskei van die moederstaat, of deur aansluiting by ‘n ander volk en staat; of intern: in die vorm van selfregering, streekregering, of inlywing as ‘n plaaslike korporasie met munisipale of kulturele bevoegdhede.
1.2 Selfbeskikking as regsbeginsel word as ‘n norm van die volkereg erken. Die Verenigde Nasies beskou dit as ‘n voorvereiste vir menseregte; ‘n basis vir vrede, ontwikkeling en samewerking tussen state; die grondslag waarop nuwe state ontstaan en -waarop die internasionale gemeenskap funksioneer. Dit word beskou as ‘n dwingende bepaling, soortgelyk aan die verbod van seerowery, slawerny en volksmoord, wat deur die stategemeenskap en deur owerhede afsonderlik in hulle gebiede gestand gedoen het.
1.3 Die . internasionale gemeenskap aanvaar dat gemeenskappe, minderhede, inheemse bevolkings en ander groepe, wat aan sekere maatstawwe voldoen, op selfbeskikking as ‘n groepsreg geregtig is. Dit .stel” hulle in staat om hulle politieke lotgevalle te bepaal, asook om die regering waaronder hulle wil woon, te kies.
1 .4 Daar is ‘n noue verband tussen demokrasie, menseregte en selfbeskikking. Hedendaagse eise om selfbeskikking moet beoordeel word in die lig van die uitwerking wat die weiering of toestaan van derglike eise op die strewe na vrede, samewerking en ontwikkeling gaan hê. Nuwe owerhede se verbintenis tot grondwetlike demokrasie, tot nakoming van hulle tussenstaatlike verpligtinge en tot die handhawing van menseregte speel ‘n beduidende rol in hierdie beoordeling. Enkelinge en gemeenskappe het min te wen by menseregte tensy die staatkundige bedeling waaronder hulle lewe demokraties is, en aan selfbeskikking uitdrukking gee. Verontregting of inkorting van mense-, kulturele GO taalregte, lei tot aansprake op selfbeskikking. Volgens sommige skrywers is die vooruitsigte op welslae vir aansprake wat op menseregte rus, gunstiger as die wat op die herstel van een of ander geskiedkundige soewereiniteit rus.
1.5 Die belangrikste kenmerke waaraan ‘n gemeenskap moet voldoen om aanspraak op selfbeskikking te maak, is die van taal, afkoms, identiteit, selfhandhawing, ‘n historiese wil en vermoë om as ‘n afsonderlike gemeenskap voort te bestaan.
1.6 Volke en gemeenskappe het behoefte aan beskerming wat hulle taal, kultuur, onderwys en grond betref. Hulle verlang ook ‘n deurslaggewende aandeel in wetgewing wat op hulle betrekking het.
1 .7 Daar is ‘n beduidende neiging in plurale state om minderheidsvolke en gemeenskappe te erken en interne selfbeskikking aan hulle toe te ken.
Teen die agtergrond van die voorafgaande het die Raad bevind dat alle Afrikaners nie eenders of ewe sterk oor selfbeskikking voel nie.
* Sommige is tevrede met kulturele beskerming en gelyke burgerskap.
* Sommige wil grondgebiedsoutonomie hê Daar is diegene wat die een of ander vorm van selfregering wil hê om die voortsetting van hulle kultuur, taal en onderwys te verseker. Hulle reken dat die idee van eksterne selfbeskikking onprakties is en sal interne reelings vir die beskerming van hulle reg op identiteit, byvoorbeeld selfregering in ‘n provinsie of streek aanvaar.
* Baie beklemtoon soewereiniteit om hulle eie bydrae tot ontwikkeling, mededinging en internasionale vrede en sekuriteit op hulle eie manier te lewer. Hulle beweer dat dit hulle oogmerke is om ‘n alternatief vir apartheid te vind en nie om dit te laat voortbestaan nie. Hulle is besorg daaroor dat hulle wil om hulleself te bevry van apartheid, hulle aanvaarding van onderhandeling as die wyse waarop hulle ideaal bereik kan word, hulle instemming om mag oor te gee en aan die demokratiese prosesse deel te neem, nie beloon is op die wyse wat deur die Akkoord wat op 23 April 1994 tussen die ANC en die destydse Nasionale Party Regering en die Vryheidsfront onderteken is, beoog word nie.
2. BEVINDlNGE OOR TOEPASSING VAN SELFBESKIKKING
Om uitvoering aan die Afrikaners, wat oor Suid-Afrika verspreid woon, se reg op selfbeskiking te gee, het die Raad vyf taakgroepe gevorm om verwessenliking van die Afrikaner se selfbeskikking onder andere in bepaalde gebiede te ondersoek. Hierdie taakgroepe het die volgende bevindinge en aanbevelings gemaak:
Die volgende bevindinge is die resultaat van navorsing en ondersoeke wat deur die Noordwes-Kaap Taakgroep van die Volkstaatraad onderneem is:•
• Die Noordwes-Kaap is ,’n gebied wat volhoubare territoriale selfbeskikking moontlik maak. ‘n Belangrike rede is dat daar min bevolkingsdruk van nie¬Afrikaners van buite is.
• Met ‘n betreklike klein ekonomie, sonder sterk gevestigde strukture wat op vreemde arbeid berus, en ‘ n beleid van Afrikanervolkseie arbeid, kan ‘n ekonomie gebou word wat selfbeskikking sal maak.
• Die gebied beskik benewens die Olifants- en Doringrivier oor die grootste waterbron in Suid-Afrika, die Oranjerivier, wat sedert die bou van die Gariep¬ en Vanderkloofdam, ‘n bestendige lewering van water verseker. Die gebied het boonop toegang tot die see wat onder andere die moontlikheid van ‘n diepseehawe inhou.
• Die gebied bied geleenthede om Afrikaner-vestigings soos Orania tot stand te bring waar Afrikaners met die Regering se goedkeuring van meet af beheer oor hulle eie sake op die vlak van plaaslike regering kan he of geleidelik kan verkry.
2.2 Bosveldgebied (Kyk kaart2)
Bevindinge:
Na oorweging van alle inligting met betrekking tot die skepping van ‘n Afrikaner-territorium in die Bosveldgebied, kom die programkoordineerder tot die volgende bevinding:
2.2.1 In die grootste gedeelte van die Bosveldgebied is die Afrikaner nog nie in die meerderheid nie. Slegs in enkele gebiede is daar ‘n Afrikanermeerderheid. Alvorens daar nie ‘n Afrikanermeerderheid in ‘n beduidende gedeelte van die gebied is nie, kan territoriale selfbeskikking nie slaag nie.
2.3 Oos Transvaal (Mpumalanga)
Die Taakgroep van Oos- Transvaal het drie kantonne afgebaken waarin die Afrikaners as ‘n meerderheid voorkom. Die drie kantonne is in die kaart aangedui as I, 11 en Ill. (Sien kaart 6) Hierin woon byna 200 000 Afrikaners of te wel 80% van die totale Afrikanerbevolking van die Mpumalanga Provinsie.
2.3.1 Bevindinge
2.3.3.1 Die taakgroep van die Raad het bevind dat die behoefte en nodigheid van selfbeskikking vir die Afrikanergemeenskap van Oos¬Transvaal (Mpumalanga) ‘n dwingende werklikheid is. Die navorsingsresultate oor persepsies van selfbeskikking toon ‘n duidelike behoefte vir groter beheer oor sake wat die gemeenskap raak. Trouens, ‘n meningopname wat in November 1998 in die Dos-Transvaal, Bosveld en Pretoria-Centurion uitgevoer is, het aan die Hg gebring dat steun vir selfbeskikking in Oos-Transvaal effens gunstiger is as in die ander gebiede. Ongeveer 80% van die respondente het hulle ten gunste van selfbeskikking in die algemeen en 72% ten gunste van territoriale selfbeskikking uitgespreek.
2.3.3.2 Die Maputo-korridor ontwikkelingsprojek bied groot geleenthede vir ekonomiese bemagtiging vir Afrikaners.
2.3.3.3 Sommige of gedeeltes van die aangeduide territoriale gebiede of •• kantonne” kan met tyd tot outonome gebiede ontwikkel en hierdie ontwikkeling sal deur migrasiepatrone, ekonomiese en politieke ontwikkeling en ander realiteite beïnvloed word.
2.3.3.4 Die daarstelling van ‘n provinsiale Afrikanerraad moet dringend aandag kry. Hierdie Raad sal so verteenwoordigend moontlik moet wees en tot ‘n legitieme spreekbuis van dip Afrikanergemeenskap in Oos- Transvaal ontwikkel word.
2.3.3.5Die totstandkoming van ‘n ekonomiese ontwikkelingskorporasie met die ontwikkeling van ekonomiese bemagtigingsprojekte en geleenthede as doel vereis verdere ondersoek. Dit sal die samewerking vereis van Afrikaner -ekonomiese en -belange, -organisasies in die provinsie.
2.3.3.6 Verdere ondersoek is nodig na die voorgestelde Handves van Afrikanerregte, sy versoenbaarheid met die Grondwet en die volkereg, en die gebruik daarvan in onderhandelinge om die regte van minderhede. Die aanwending van die dokument as ‘n algemene Handves van Minderhede behoort aandag te kry.
2.3.3.7 Die opstel van ‘n strategie vir onderhandeling vir minderheidsregte moet dringend aandag kry.
2.4 Die Pretoria-Centurion-Wonderboom-gebied
Die Pretoria-Centurion-Wonderboom-gebied Taakgroep het die volgende bevinding gemaak:
2.4.1 Historiese aanspraak
Die Pretoria-Centurion-Wonderboom-gebied was histories die hoofstad van die ZAR. Dit is ‘n gebied waarin ander groepe geen historiese regte het nie, hetsy op grond van besetting of op grond van bewoning of op grond van gemeenskapskepping. Hierdie gebied behoort aan die Afrikaner en hier kan hy volkeregtelik sy reg op selfbeskikking uitoefen. Afgesien van die tydperk 1902 tot 1 91 0 het die Afrikaner vir meer as honderd-en-veertig jaar soewereiniteit oor die grootste deel van die gebied van die voormalige ZAR uitgeoefen. Ingevolge die reg op selfbeskikking wat erkenning in die Volkereg geniet, beteken dit dat die Afrikanervolk die sterkste reg op territoriale selfbeskikking binne die historiese gebied van die voormalige ZAR het. Immers, in hierdie gebied het hy sy eie staat gehad, het hy volkeregtelike erkenning as vrye volk geniet en het hy sy vryheid as individu geniet waama hy so lank gestreef het.
2.4.2 Demografiese aanspraak
Selfs net uit ‘n getalle-oogpunt, blyk die Afrikaner se reg op hierdie gebied onaanvegbaar. Dit is die grootste konsentrasie Afrikaners in Suid-Afrika. Die 1996-sensus toon dat daar reeds ‘n gebied in Pretoria-Centurion¬Wonderboom is waar Afrikaans deur 66,4% van die totale bevolking gepraat word. Die proses van verafrikaansing van ‘n deel van Pretoria soos voorgestel, duur steeds voort. Volgens syfers wat in Desember 1998 van Statistiek Suid-Afrika verkry is, is daar reeds dele binne die voorgestelde gebied waar Afrikaans in elkeen van die 140 opnemersgebiede deur meer as 50 % van die inwoners gepraat word. In totaal bevat hierdie opnemersgebiede reeds 389,656 Afrikaanssprekendes (72,6%) teenoor net 138,920 (27,4%) wat een van 26 ander tale praat. Volgens die wetenskaplike opname, soos beoordeel deur prof L Schlemmer, ‘n deskundige op die gebied van marknavorsing, blyk dit dat 76% van die Afrikaners in Pretoria etniese territoriale selfbeskikking ondersteun.
Die gedagte van Pretoria as hoofstad mag slegs geïmplementeer word indien dit met die selfbeskikkingsreg en historiese aansprake van die Afrikaner versoenbaar is. Dit is niks ongewoons dat ‘n staat se hoofstad ‘n bepaalde gefedereerde deelstaat binne ‘n federasie uitmaak nie. Selfs al sou Pretoria die hoofstad van Suid-Afrika word, kan dit nogtans ‘n deelstaat in ‘n gefedereerde Suid-Afrika wees. Dit beteken dat sy Afrikanerkarakter nie daardeur ingeboet hoef te word nie. Die Afrikaners bly steeds op outonomie binne hierdie historiese
2.4.4 Streeksoutonomie
Streeksoutonomie veronderstel dat die mense wat op selfbeskikking geregtig is, beperkte owerheidsfunksies oor ‘n bepaalde gebied en sy mense verkry. Die gebied vorm steeds volkome deel van die metropolitaanse gebied (die RSA). Die gebied moet egter sy eie owerheidsorgane kry wat wetgewende, regsprekende en uitvoerende bevoegdhede het. Streekoutonomie vir die Pretoria-Centurion-Wonderboom-gebied behoort dus naas die provinsies te bestaan in die vorm van ‘n tiende provinsie. Dit spruit voort uit die feit dat die Afrikaner in die gebied ‘n bevolkingsgetal het wat sodanige status regverdig, dat die gebied se ekonomiese posisie sodanig is dat dit op dieselfde vlak as sommige van die ander provinsies kan funksioneer en dat die mense owerheidsbevoegdhede kan uitoefen. In die lig van die vryheid wat die Afrikaner in hierdie gebied gehad het, sal enigiets minder as dit nie die Afrikaner se strewe na selfbeskikking kan bevredig nie. Magte waaroor streeksoutonomie verkry moet word, sluit die volgende in: onderwys, gesondheid, welsyn, landbou, plaaslike regering, provinsiale polisiemag, openbare media, provinsiale vervoer, provinsiale howe en die bevoegdheid om ‘n eie grondwet vir die streek op te stel. Wetgewing kan onmiddellik aangeneem word wat vir streeksoutonomie vir die Afrikaner voorsiening maak. In die verband het die Raad reeds die aangehegte wetsontwerp voorberei naamlik Die Wet op die Bevordering van Selfbeskikking vir die Afrikaner en die Regte van Minderheidsvolke in die Republiek van Suid-
Afrika.
2.4.5 Die Belgiese model as voorbeeld
Ooreenkomstig die Belgiese model kan ‘n eentalige Afrikanergebied in Pretoria (en waarby aansluit die “hinterland” van die Rayton¬Bronkhorstspruit-gebied wat steeds ‘n Afrikanermeerderheid vorm) afgebaken word soos in die meegaande kaart (Kaart ) aangetoon sodat die afgebakende gebied binne Suid-Afrika kan funksioneer. Die parallel met Brussel is daarin geleë dat net soos België in verskillende eentalige gebiede sowel as ‘n tweetalige gebied verdeel is, Pretoria ook verdeel kan word in ‘n eentalige Afrikanergebied en ‘n meertalige gebied.
2.5 Kulturele selfbeskikking
2.5.1 Kulturele selfbeskikking vir die Afrikaner is belangrik omdat hy sy besondere identiteit wil uitbou en beskerm sonder om die regte en belange van ander volke aan te tas en dat die konsep kulturele selfbeskikking toepaslik is vir ‘n volk wat nog nie oor outonomie in ‘n eie gebied of gebiede beskik nie.
2.5.2 Artikels 185, 186 en 235 van die Grondwet maak in beginsel kulturele en territoriale selfbeskikking moontlik, en kulturele selfbeskikking kan deur middel van vrywillig ingestelde rade vir gemeenskappe wat ‘n behoefte daaraan het, uitgeoefen word.
2.5.3 Vrywillig ingestelde rade vir die Afrikaner as ‘n groep met ‘n eie identiteit, kan ‘n praktiese meganisme ter bevordering en beskerming van sy regte en belange wees.
2.5.4 Daar bestaan ‘n noue verband en wisselwerking tussen kulturele en territoriale selfbeskikking en dat kulturele selfbeskikking nie teenstrydig met territoriale selfbeskikking is nie, maar kan dit juis bevorder en ondersteun.
2.5.5 Die begrip kultuur vanuit die Afrikaner se huidige situasie moet so wyd as moontlik gedefinieer word ten einde voorsiening vir wesenlike magte en bevoegdhede vir vrywillig ingestelde rade vir die Afrikaner te maak.
2.5.6 Kultuur-etniese maatstawwe sal geld vir die verkiesing en instelling van kultuurrade vir die Afrikaner.
3. AANBEVELINGS:
Die volgende aanbevelings word ten opsigte van die vier aangeduide gebiede en kulturele selfbeskikking gemaak:
Die Taakgroep se aanbevelings vir optrede deur die Regering en ondersteuners van die voorstelle is soos volg:
• Volkstaat-ontwikkeling in Noordwes-Kaap word aanbeveel as deel van die verwesentliking van Afrikaners se vryheidstrewe en vir vrede en stabiliteit in Suid-Afrika.
• Die gebied soos in die aangehegte kaart (sien kaart 1) omlyn, word voorgestel as ‘n gebied waarin ‘n Afrikaner-volkstaat tot stand kan kom. Die uiteindelike begrensing van die volkstaat sal deur ‘n verskeidenheid faktore soos Afrikaners se voorkeure vir vestiging en die omvang van Afrikaner-immigrasie bepaal word.
• ‘n Program om ordelike vestiging en maatskaplike ontwikkeling in die gebied te bevorder, moet toegepas word.
• Die Ontwikkelde program vir onderwys met ‘n Christelike en Afrikanervolkseie grondslag moet die basis van ‘n uitgebreide onderwys bedryf uitmaak.
• ‘n Grondwetlike program sal die grondslag uitmaak van onderhandelings met die regering op alle vlakke en die internasionale gemeenskap met die oog op ‘n volkstaat in die Noordwes-Kaap.
• Bestaande instellings moet uitgebou en nuwe instellings tot stand kom om ‘n volledige onderbou vir staatsontwikkeling te skep. Stappe moet oor die korttermyn gedoen word om Afrikaner-outonomie op plaaslike vlak, veral in die Orania-omgewing, tydens die nuwe afbakening van plaaslike regerings te verseker.
• Ontwikkeling moet voorlopig op kort en medium termyn moontlikhede konsentreer soos: die skepping van ‘n nuwe groeipunt, toerisme¬ontwikkeling, stedelike uitbreiding en intensiewe landbou en akkerbou¬ontwikkeling.
• Dringende stappe is nodig om kapitaal vir ontwikkeling te bekom en ondernemingskap te bevorder.
• Die Regering moet verseker dat bestaande en toekomstige wetgewing ruimte laat vir die uitvoering van hierdie voorstelle.
3.2 Die Bosveldgebied
Na aanleiding van die gevolgtrekkings wat die Bosveldtaakgroep hierbo gemaak het, word aanbeveel:
3.2.1 Dat die Regering ‘n verkose raad of liggaam vir die gebied (soort gelyk aan die huidige distriksrade) erken;
3.2.1.1 Dat die Raad met die volgende magte beklee moet word, naamlik: 3.2.1.2 die bevoegdheid om self belasting te kan hef en invorder; en 3.2.1.3 die bevoegdheid om oar sake soos onderwys, paaie, landbou, veiligheid, grondgebruike, besluite te kan neem.
3.2.2 Dat die Regering ‘n beleidsrigting sal volg om territoriale selfbeskikking vir die Afrikaner binne die Bosveldgebied te bevorder;
3.2.3 Dat die Regering wetgewing sodanig moet verander dat die uitoefening van voormelde magte bevoegdhede binne die Bosveldgebied verwesentlik kan
3.2.4 Dat die Regering voldoende finansiële ondersteuning moet verleen om die daarstelling van die voorgestelde Raad te bemagtig om die voorgestelde take te kan uitvoer.
3.3 Oos-Transvaal (Mpumalanga)
Die Taakgroep se aanbevelings vir optrede deur die Regering en ondersteuners van die voorstelle is soos volg:
3.3.1 Dit is noodsaaklik dat die werk van die Taakgroep voortgesit word; en dat die provinsiale regering die Taakgroep erken en finansiëel en andersins ondersteun.
3.3.2 Die daarstelling van ‘n provinsiale Afrikanerraad moet dringend aandag kry en die Regering word versoek om dit as sodanige Raad te erken en finansiëel te ondersteun.
3.3.3 Die totstandkoming van ‘n ekonomiese ontwikkelingskorporasie met die oog op ontwikkeling van ekonomiese bemagtigingsprojekte en geleenthede vereis verdere ondersoek.
3.3.4 Verdere ondersoek is nodig na die voorgestelde Handves van Afrikanerregte, sy versoenbaarheid met die Grondwet en die volkereg, en die gebruik daarvan in onderhandelinge om die regte van minderhede. Die aanwending van die dokument as ‘ n algemene Handves van Minderhede behoort aandag te kry.
3.3.5 Die daarstelling van staatkundige strukture vir die ontwikkeling van die aangeduide gebiede tot outonome kantonale deelstate. Die korridor ontwikkeling vorm ‘ n belangrike vereiste en gemeenskaplike projek.
3.4 Pretoria-Centurion-Wonderboom-gebied

 

Die Taakgroep vir die Pretoria-Centurion-Wonderboom-gebied beveel die volgende aan:
3.4.1 ‘ n Afrikanergebied behoort in Pretoria afgebaken te word soos in die kaart (kaart ) aangetoon, sodat die afgebakende gebied as ‘n outonome gebied binne ‘n gefedereerde Suid-Afrika kan funksioneer.
3.4.2 Wetgewing behoort so gou doenlik aangeneem te word soos hierbo en in bylae A voorgestel wat vir streeksoutonomie vir die Afrikaner in die Pretoria-Centurion-Wonderboomgebied voorsiening maak. Hierdie outonome gebied behoort die staatkundige magte te hê in ooreenstemming met die aard van streeksoutonomie wat in die bevindinge uiteengesit is.
3.4.3 Die meertalige gebied van Pretoria behoort soos op die kaart aangetoon, staatkundig te funksioneer in ooreenstemming met die Brusselmodel soos in die verslag van die Pretoria-Centurion-¬Wonderboom-taakgroep van die Volkstaatraad uiteengesit is. Dit behels dat die verskillende taalgroepe staatkundig erken moet word en dat maatrëels ingebou moet word wat sal verhoed dat een taalgroep ‘n ander staatkundig oorheers.
3.5.1 Rade vir die Afrikaner wat op vrywillige grondslag op die plaaslike en provinsiale vlak tot stand kom, behoort as spreekbuis en waghondstruktuur vir Afrikanergemeenskappe op die betrokke owerheidsvlak erken te word.
3.5.2 Die bogenoemde rade, behoort geldelike en ander ondersteuning van die owerheid te ontvang, soos reeds die geval is met sekere nie¬reg eri ng sorga ni sa sies.
3.5.3 Dat sodanige rade deur middel van wetgewing gemagtig word om kulturele magte en bevoegdhede ten aansien van die Afrikaner namens die uitvoerende gesag uit te oefen.
3.5.4 In die lig van die bogenoemde moet die regte van die gemeenskappe genoem in artikel 185, so spoedig moontlik duidelik uiteengesit word.
1. Dat die Regering die verwesenliking van Afrikanerselfbeskikking in die vier aangeduide gebiede aanvaar;
2. Dat die regering die nodige wetgewing so gou as moontlik aanneem om die aanbevelings van die vyf Taakgroepe in ooreenstemming met die aanbevelings uit te voer;
3. Dat die Regering dringend aandag moet skenk om deur middel van wetgewing • n verteenwoordigende Afrikanerraad in te stel ten einde uitvoering van die voorstelle te verseker.

джип на радиоуправлениилобановский александр компромат

Valke sal moet inklim na SAAB se bekendmaking

“Die feit dat SAAB nou erken dat daar omkoopgeld betaal was in die wapenaankope-transaksie met Suid-Afrika en dat name genoem word, moet die gevolg hê dat die Valke onmiddellik ondersoek instel. Ander ondersoeke soos die van die Ouditeur-Generaal en Openbare Beskermer het wel vroeër bevind dat daar nie ongerymdhede was nie, maar dat daar baie bewerings gemaak is van omkopery wat nie bewys kon word nie.
Nou dat daar wel bewyse na vore tree kan die Valke nie anders as om die saak te ondersoek nie. Die wapenaankope-program was nog altyd omstrede as gevolg van bewerings van korrupsie en omkopery en hier is nou ‘n geleentheid dat hierdie saak ondersoek kan word en tot ‘n einde gebring kan word wat tot voordeel nie net van die Suid-Afrikaanse Nasionale Weermag sal wees nie, maar ook tot voordeel van die hele Suid-Afrika,” sê mnr. Pieter Groenewald, hoofwoordvoerder oor Verdediging vir die Vryheidsfront Plus.

светильник светодиодный промышленныйДанильченко Юрий Харьков

Ope brief aan mnr. Athol Trollip van die DA

Geagte mnr. Trollip,

Oor die afgelope week het u uitlating in ‘n skrywe aan mnr. Jaap Kelder, dat “Afrikaners… Nazi’s is” nogal opslae gemaak. U het intussen bewerings dat u anti-Afrikaans en anti-Afrikaner sou wees, verwerp. Maar die vermoede bly bestaan dat u en u party, die sogenaamde Demokratiese Alliansie, wel by uitstek Afrikanerhaters is.

Onder die partye en groepe wat u as Nazi’s klassifiseer, tel die Vryheidsfront Plus. Waarop grond u hierdie bewering? Is daar enigiets in die grondwet van die VF Plus wat ooreenstem met dié van die Nationalsozialistische Deutsche Arbeiterpartei van Adolf Hitler? Het dr. Pieter Mulder of enige ander leier van die party al ooit ‘n stelling gemaak wat as anti-Semities, rassisties of wat ook al geïnterpreteer kan word? Ek glo nie.

Maar hier het u so pas, by wyse van u gewraakte interne e-pos aan mev. Steyn wat glo nooit vir die buitewêreld bestem was nie, ‘n kwetsende en onbillike aanmerking teenoor Afrikaners gemaak. Hulle sê mense wat in glashuise bly, moenie met klippe gooi nie. En dit was nie Afrikaners wat Engelse vroue en kinders in dié land in konsentrasiekampe aangehou het nie, dit was andersom, nie waar nie? Indien u na Afrikaners as “Nazi’s” verwys, hoe noem u uself?

Indien hierdie e-pos van u bloot ‘n eenmalige uitlating aan mnr. Kelder was en u en u party nie anti-Afrikaans was nie, sou ‘n mens seker kon verwag dat daar vele Afrkaners in die topbestuur van u party sou dien, nie waar nie? Maar danksy mnr. Ernst Marais, wat vandeesweek ‘n bietjie op die veelgeroemde “groot” opposisieparty se webwerf gaan rondkuier het, weet ons nou dat die etniese samestelling van die DA se toptien parlementslede só daar uitsien:

1. Athol Trollip: Parlementêre leier van die DA

2. Ian Davidson: Hoofsweep van die DA

3. Mike Ellis: Onderhoofsweep van die DA

4. Lindiwe Mazibuko: Skaduminister van landelike ontwikkeling en grondhervorming

5. Patricia Kopane: Skaduminister van sosiale ontwikkeling

6. George Boinamo: Skadu-adjunkminister van arbeid

7. Sejamothopo Motau: Skaduminister van energie

8. Archibold Figlan: Skadu-adjunkminister van huisvesting

9. Emmah More: Skadu-adjunkminister van gesondheid

10. Kenneth Mbubu: Skaduminister van internasionale betrekkinge en samewerking

Onder al hierdie “skaduministers” en “skadu-adjunkte” sien ek geen Afrikaners nie. Trouens, toe ek self hierdie lysie op die DA se webwerf gaan kontroleer het, het ek vergeefs na die Afrikaanse weergawe van u webwerf gesoek. Bestaan daar so iets?

Met ander woorde, ons het nou al drie elemente wat die vermoede dat u en u party wesentlik anti-Afrikaans is, bevestig: u eie kwetsende uitlatings teenoor ons Afrikaners, u Engels-eentalige webwerf en die afwesigheid van enige Afrikaners in die DA se parlementêre toptien.

Soos ons weet, het hierdie hele polemiek ontstaan weens u nasionale partywoordvoerder en “skaduminister van landelike ontwikkeling en grondhervorming”, Lindiwe Mazibuko, se verklaring dat “die ANC-regering se doelwitte soortgelyk aan dié van die DA mag wees” as dit kom by grondhervorming en wat sy “restitusie” noem.

Helaas, u daaropvolgende verklaring dat u ‘n “vyfdegeslagboer” sou wees, verander niks aan die gevolgtrekking dat die DA, ‘n Engels-liberale party, nie net Afrikaners en hul taal minag nie, maar insgelyks beplan om deur radikale grondhervorming Afrikanerboere van hul plase af te sit. Asof die voorbeelde van ZANU-PF en die ANC se onderskeie grondhervormings, wat elkeen klaaglik misluk het, nie reeds genoeg was om ‘n sogenaamd liberale party soos die DA van so ‘n onbekookte beleid te laat afsien nie.

Sedert geboorte moet elke Afrikaner in dié land een of ander tyd die skeltaal van hovaardige, koloniale Engelse verduur, met terme soos “rockspider”, “dumb Dutchmen” en dergelike wat ons toegeslinger word. Die grootste raaisel is egter waar die setel van ‘n “aangebore hoër Britse IK” is, soos prof. Jaap Steyn dit op ‘n keer genoem het, want dis beslis nie in die verstand van Albion se kinders te vinde nie.

Mnr. Trollip of wie ook al sy taamlik onbeholpe briefie vir hom geskryf het, mag onder die indruk verkeer dat hy Afrikaans magtig is, maar dit wemel van lomp en onafrikaanse uitdrukkings. Die woord “huidiglik” bestaan nie in Afrikaans nie. Ons gebruik “tans”. ‘n Mens sit op ‘n stoel, maar neem nie aanstoot “op ‘n siening nie”. Eerder neem ‘n mens aanstoot aan iets of iemand. Trouens, op skrif klink Trollip meer soos ‘n middelmatige hoërskoolseun wat na woorde tas as die parlementêre leier van ‘n party wat seker vir ten minste 50% van sy stemme van die arme “dom” en “Nazi-”Afrikanerstemvee afhanklik is.

As Trollip so ‘n slim, liberale Engelsman is, waarom klink hy so dom? Dit bring my by die politieke punt wat ‘n mens te midde van die stilistiese opdrifsels van Trollip se swak briefie moet ontsyfer. Soos die Engelse Führer van die DA dit in sy geradbraakte Afrikaans stel: “Mnr Kelder se konserwatiewe, ultra-regse en verkrampte sieninge rondom sekere burgers van hierdie land is in lyn met die van groepe soos die FF+, wat streef om NET die belange van sekere minderheidsgroepe te bevorder. Op sulke sieninge, Mr Slabbert, neem ek aanstoot.”

Met ander woorde, Trollip neem aanstoot aan diegene wat die belange van hul eie etniese groep of minderheidsgroep bó dié van ander groepe stel. Mnr. Trollip, ek vra u met trane in my oë, neem u dan aanstoot aan uself? Verwyt u uself dat u die belange van Engelse anti-Afrikaanse Progge soos uself bo dié van ander groepe in ons land stel? Laas toe ek gekyk het, was die blanke Engelssprekendes in dié land – en veral die liberaliste onder hulle – by verre in die minderheid. Terwyl die DA interne regstellende aksie en rassekwotas toepas, bly die aantal Engelse drasties oorverteenwoordig in die party se leierskapsposisies, nie waar nie, mnr. Trollip?

‘n Ander kwessie wat my intrigeer, is waarom die liberale megalomane met hul verhewe aangebore Engelse IK’s in die verlede so hard geveg het om die ANC aan bewind te stel, maar van die Afrikanerstemvee verwag om hul in die huidige opposisie teen die ANC te ondersteun. Is dit nie ‘n effense paradoks nie? Mev. Zille is dan so trots op haar hatige teenkanting teen die vorige Afrikanerregering en sy soldate dat sy blomme by die name van Kubaanse gesneuweldes in Angola by Vryheidspark gaan lê het, dog gee terselfdertyd voor om die ANC uit die regeringskussings te wil lig. Hoe rym dit?

As u eerlik is, mnr. Trollip, sal u onverwyld in die openbaar verklaar dat u party nie langer die stemme van “dom, konserwatiewe, ultra-regse en verkrampte Afrikaner-Nazi’s” wil hê nie, maar eerder dié van “slim”, liberale, vrysinnige Engelse wat sukkel om Afrikaans of dalk selfs Engels te skryf, soos uself.

Sonder die steun van liberale Afrikanerhaters soos uself, sou die groteske linkse revolusie van onlangs nooit in Suid-Afrika plaasgevind het nie. Terwyl die etniese denke van Afrikaners op hul eie vryheid ingestem is, verteenwoordig u en die res van die “skadu”-leiers in die DA ‘n deels etniese, deels imperialistiese strewe om u wil op ander af te dwing.

Ek is doodeerlik as ek sê dat u my as Afrikaner nie in die parlement verteenwoordig nie en ook nooit sal verteenwoordig nie. Ten minste verwag ek ‘n sekere vlak van beskaafde uitdrukkingsvermoë en denke van ‘n “parlementêre leier”.

U mag vir die gemiddelde Engelsman in dié land goed genoeg wees, maar nie vir ons nie. U sal u ou skoene agterna gooi om ooit in dieselfde asem as die groot Afrikanerleiers en -parlementariërs van die verlede, wat u so verafsku, genoem te word.

Waarskynlik sal u ook nie die goeie maniere hê om op hierdie brief te antwoord nie. Want soos ons almal weet, spruit die meerderwaardigheid van die Engelse jingo in dié land veral uit sy heimelike gevoel van minderwaardigheid teenoor sy gehate Afrikaanse medeburger. Vandaar die feit dat u eerder sal toesien hoedat hierdie land soos Zimbabwe ten gronde gaan as wat u ooit sal toegee dat ons Afrikaners nog altyd reg was oor die multietniese aard van die Suid-Afrikaanse samelewing, teenoor u afstootlike kolonialistese een-nasie-fantasie.

Soos mnr. Anton Barnard onlangs in sy artikels op die Praagwebwerf gesuggereer het, verteenwoordig die DA met sy wêreldvreemde kwasi-Britse narciste soos uself ‘n veel groter bedreiging vir die Afrikaner as die ANC. Ons vrees u toekomstige grondhervorming en verdrukking, indien u party ooit aan bewind sou kom, veel meer as dié van Julius Malema of enige ander ANC-heethoof.

многоступенчатый насос ценаАлександр Фильчаков

Piet Retief en Dingane ontmoet mekaar

DinganePiet Retief was van die begin af ten gunste van Natal as die eindbestemming van die trek. Daarmee het ander leiers nie saamgestem nie. Potgieter se groot strewe was om so ver moontlik van die Engelse weg te kom, en omdat daar reeds ‘n paar Engelse handelaars in Port Natal was, het dit vir hom vanselfsprekend gelyk dat die Britse gesag daarheen sou uitbrei. Hy wou dus nie saamtrek nie.

Meningsverskil het ook tussen Retief en Maritz ontstaan oor die trekroete — ooswaarts oor die Drakensberge of noordwaarts om “die punt van die berg” om dié hindernis te vermy. Potgieter en Maritz het boonop tevore al met die steun van Piet Uys besluit om eers met Mzilikazi af te reken, omdat die land wes van die Drakensberge anders onveilig sou bly. Op 16 September 1837 het Potgieter en sy mense, en op 18 September Maritz se mense, van die Retief-trek afskeid geneem. Potgieter, Maritz en Uys het daarna noordwaarts getrek en Retief oos.

Ongeveer ‘n dagreis van die Drakensberge af het Retief sy trek laat halt. Hy het veertien mans met vier waens die berge afgestuur en het hierdie voorhoede op 6 Oktober gevolg. Op 7 Oktober skryf hy dat hulle die skoonste land aanskou het wat hulle nog in Afrika gesien het. Langs byna loodregte walle af en deur groot riviere en vleie het Retief en sy klein geselskap Port Natal ná ‘n rit van byna 90 uur te perd bereik. Daar het hy met die stuk of dertig Engelse handelaars, wat ‘n armsalige lewe gelei het, sy plan bespreek om die Zoeloe-koning Dingane te besoek.

Dingane het die vorige koning Shaka op 22 September 1828 saam met sy halfbroer Mhlangana en ‘n koninklike lyfbediende doodgesteek; daarna is Mahlangana ook vermoor, en het Dingane die heerser geword.

Op 5 November 1837 kom Retief in Dingane se hoofstad Umgungundhlovo aan om met hom te onderhandel oor ‘n woongebied vir die trekkers. Dat Retief dit kom vra het, was aan Dingane bekend, want Retief het al op 19 Oktober aan hom geskryf, en onder meer verklaar: “Our anxious wish is to live at peace with the Zulu nation.”

Dingane was egter onseker oor hoe om die situasie te hanteer. Toe hy Retief op 6 November ontvang, probeer hy tyd wen deur Retief daarvan te beskuldig dat die trekkers sy vee gesteel het. Retief het hom daarop gewys dat Sekonyela, ‘n baTlôkwa-kaptein die skuldige is — wat Dingane in werklikheid self geweet het.

Daarop beloof Dingane om die grond tussen die Tugela en die Umzimvubu aan die trekkers af te staan as Retief die gesteelde vee aan hom terugbring. Dié eis het hy waarskynlik gestel met die hoop dat dit tot ‘n botsing tussen Retief en Sekonyela kon lei. Retief het egter ingestem en dit op 18 November per brief bevestig.

Retief het op 27 November by sy trek aangekom. Terwyl hy weg was, het sy mense nader aan die Drakensberge beweeg en op Dinsdag 14 November 1837 het die eerste waens begin afdaal. Debora, Retief se oudste dogter, het op 12 November 1837 haar vader se naam met groen verf teen een van die oorhangende rotse van die Kerkenberg naby die huidige Harrismith geskilder. In Desember was baie trekkers reeds in Natal.

promote my instagramАлександр Фильчаков Васильевич

Trollip-beledigings bemoeilik opposisiesamewerking

Mnr. Athol Trollip, DA-parlementêre leier, se snedige verwysings na die VF Plus in ’n e-pos wat per ongeluk uitgelek het, gee ’n vinnige blik op sy ware siening van die VF Plus. Sulke uitlatings bemoeilik samewerking tussen opposisiepartye in die parlement in ’n tyd waar samewerking teen ’n arrogante ANC meer as ooit nodig is.

Die VF Plus het sy regsverteenwoordigers gevra om na die e-pos te kyk en te bepaal tot watter mate dit haatspraak is.

Mnr. Trollip het in sy e-pos gereageer op mnr. Jaap Kelder, die voorsitter van die landswye nasionale belastingbetalersvereniging, wat toesprake oor grondhervorming van die VF Plus- en die DA-woordvoerders aan sy lede uitgestuur het.

In die e-pos skryf mnr. Trollip: “Please answer this A**hole once and for all, deal with the Afrikaner issue that he raises and tell him to stop masquerading as a rate payer organization especially if he is the reincarnation of the AWB, KP, FF+ , NAZI. Stuur die IDIOOT in sy moer in asseblief. Athol”.

In sy oomblik van woede het mnr. Trollip, as DA, se ware siening van Afrikaanssprekendes uitgeglip. Dit is jammer dat mnr. Trollip nie kans gesien het om die argumente wat gestel is, te beantwoord nie maar dat hy eerder verkies het om die individu persoonlik aan te val en te beledig.

Mnr. Trollip het gereageer op mnr. Pieter Groenewald, VF Plus-parlementslid en woordvoerder oor grondsake wat in sy toespraak uit ’n DA-toespraak aangehaal het om aan te toon dat die ANC en DA se doelstellings met grondhervorming presies dieselfde is.

In die gewraakte toespraak het die DA-woordvoerder op 7 Junie 2011 in die parlement oor grondhervorming gesê: “Now the ANC government’s aims may be similar to those of the DA (on land reform) but its state-centered approach and its failed policy implementation are vastly different.”

стоимость зубовАлександр Фильчаков прокурор

Bedank, Trollip!

Athol Trollip, die parlementêre leier van die DA en Prog-dinousourus, het tydens ‘n onderhoud met ‘n verslaggeefster van Die Burger gebieg dat dit hy was wat sy Afrikanerhaat laat oorkook het in ‘n venynige epos wat hy per abuis vanaf sy selfoon na mnr Jaap Kelder gestuur het.

Dit sou ondenkbaar wees vir enige iemand om soortgelyke haatspraak teenoor veral swart groepe te besig. Sou mnr Trollip ‘n ander etniese groep so erg beledig het deur byvoorbeeld Pedi’s aan Nazi’s gelyk te stel, en om die Pedi,  Julius Malema, ‘n swart Julius Streicher te genoem het, of ‘n soortgelyk hatige epos gestuur het wat gepraat het van die DA se “Xhosa issue”, ly dit geen twyfel dat hy onmiddellik uit die DA ontslaan sou word nie. Hy sou ook ongetwyfeld voor die MRK gedaag word. Waarom oorweeg iemand dit nie om ‘n klag teen Trollip by die MRK in te dien vir die opstoking van Afrikanerhaat nie?

Hiermee doen ek dus ‘n openbare beroep op mnr Trollip om sonder meer die eerbare ding te doen en onmiddelik te bedank as LP. Sy onaanvaarbare, Jingo- en Prog- agtige haat vir Afrikaners walg my en behoort elke ander Afrikaner te walg. Sou hy nie genoeg integriteit hê om vanself te bedank nie, soos ek vermoed hy nie gaan hê nie, kyk ek na die DA om hom sonder verwyl uit sy pos te verwyder. Sulke hatigheid pas veral nie by ‘n senior provinsiale of parlementêre leier nie. Die DA kan nie Afrikanerhaters soos Trollip in sy party verdra sonder om ‘n totale bespotting van sy verbintenis tot sogenaamde nie-rassigheid (wat op dees aarde lg ook al mag beteken) te maak nie.

Helaas moet selfs ek toegee dat ek onder geen illusie verkeer dat hetsy Trollip, hetsy die DA, die eerbare ding sal doen nie. Dit is klaarblyklik aanvaarbaar, indien nie baie modieus nie, om Afrikaners op elke denkbare manier te beswadder, te beledig, te onderdruk en te na te kom. Trollip sal nie bedank nie, en die DA sal hom ook nie afdank nie, want die heersende Prog-faksie binne die DA koester presies dieselfde haat teen Afrikaners as wat Trollip koester, en wat Trollip se intellektuele voorganger, Lord Milner, gekoester het.  Die grap is weer eens ten koste van ons, die Afrikaners, want ons stem onverklaarbaar steeds vir die Lord Milners en die Trollips, wat sukkel om hulle haat vir ons te beteuel.

Ek het al by herhaling my verstomming uitgespreek dat Afrikaners dit eens kan oorweeg om vir hierdie hatige vyande van die Afrikaner te stem. Hopelik plak die VF+ Trollip se gevreetjie op sy plakkate tydens die 2014-verkiesing, as ‘n herinnering aan die kalkoene wat steeds vir Kersfees wil stem van die volslae minagting wat die Prog-faksie van die DA teenoor Afrikaners koester.  Ek is egter oortuig dat, selfs al stel Trollip gaskamers voor om die DA se “Afrikanerfrage” op te los, die einste Afrikaners wat so neersien op die ANC se stemvee, steeds vir Trollip en die DA, sal stem. Laasgenoemdes sluit natuurlik Afrikaner-grondeienaars in, wat sal stem vir ‘n party wat ‘n Zanu-PF-agtige program van grondroof voorstaan by monde van me Lindiwe Mazibuko.

Dít, vriende, is die harde realiteit: Die media was uiters suksesvol daarin om Afrikaners te oortuig om onsself te haat, top op die punt dat ons dit eens sou oorweeg om vir die party van die Afrikaner-hater, Trollip, te stem in 2014. Ons gaan Afrikanerboere sien wat stem vir ‘n Zanu-PF, wat hulle grond wil afneem. Ongelooflik! Dit is niks anders as volksselfmoord nie.  Dit sou nie onvanpas wees om hierdie gebreinspoelde waansin van die Afrikaner te vergelyk met die Xhosa-volksselfmoord agv van die voorspellings van die profeet Nongqawuse tydens die negentiende eeu nie.  Nongqawuse het die Xhosas wysgemaak hulle moet hulle beeste doodmaak en gesaaides vernietig, omdat die voorvaders die Engelse die see sou injaag. Die Xhosas het so gemaak, met rampspoedige gevolge.

Daar is helaas bitter min verskil tussen die nasionale doodsdrang van groot meerderheid Afrikaners, die 90% plus wat vir die DA stem, en die naïewe Xhosas van 1856 nie.

ТепловойДанильченко Юрий Брониславович Харьков

Athollgate: Trollip antwoord ‘met Zille se steun’

Die Afrikanerhaatskandaal wat rondom mnr. Atholl Trollip, parlementêre leier van die DA, uitgebreek het, is besig om wyer uit te kring. ‘n Berig daaroor is selfs vandag in die Kaapse koerant Die Burger, ‘n fanatiese ondersteuner van die Engels-liberale party, gepubliseer. Blykbaar staan die partykoukus van die DA, asook die leier mev. Helen Zille, bankvas agter Trollip en beskou sy anti-Afrikaanse uitlatings as ‘n “persoonlike meningsverskil” met mnr. Jaap Kelder. Intussen het Trollip in ‘n brief gereageer aan mnr. Hannes Slabbert wat beswaar teen Trollip se onbeskofte gevloek teenoor Kelder aangeteken het. Praag plaas Trollip se volledige brief onveranderd (alle taalfoute en gebrek aan leestekens is Trollip s’n) hier onder:

Geagte Mr Slabbert,

Met hierdie skrywe wil ek die oorsprong van die hele debakel rondom my en Mnr Jaap Kelder aanspreek. Huidiglik maak elke Jan Rap en sy maat uitsprake hieroor en ek voel dit is tyd dat ons die bespiegelinge rondom my siening van Afrikaans en Afrikaners objektief aanspreek.

Die Demokratiese Alliansie was, en is steeds meer as gewillig om ons standpunt aangaande grondhervorming met Mnr Kelder en die res van die publiek te deel. Na aanleiding van Mnr Groenewald se selektiewe aanhaling van DA beleid in die Nasionale Vergadering en die onaangename situasie rondom my reaksie op Mnr Kelder se brief, blyk daar ’n wanpersepsie te bestaan dat die Demokratiese Alliansie, en meer spesifiek ek persoonlik, anti-Afrikaans en anti-Afrikaner is. Dit gaan my verstand te bowe hoe hierdie aanname gemaak kon word agv my reaksie.

Ek wil u graag verwys na Mnr Kelder se skrywe aan Me Steyn op die 10de Junie 2011 waarin Mnr Kelder sekere dogmatiese stellings kwytraak: “…Daar is natuurlik ook die verloopte Afrikaners met vanne soos Maree, Niehause, du Toit, Naude, Hanekom, du Preez ens. wat hulle eie mense verloën het. Hulle is gelukkig ver in die minderheid“.

Dit is hierdie stelling van Mnr Kelder wat tot my reaksie gelei het – Mnr Kelder maak ’n uitspraak wat direk teenstrydig is met, nie net die waardes en beginsels van die DA nie, maar ook met my eie. My karakter en die van die DA getuig van eerlik en opregte sieninge en is gebasseer op ’n beleid wat nie diskrimineer teenoor enige persoon agv hul ras, taal, heenkome of etniese verbintenis NIE. Mnr Kelder se konserwatiewe, ultra-regse en verkrampte sieninge rondom sekere burgers van hierdie land is in lyn met die van groepe soos die FF+, wat streef om NET die belange van sekere minderheidsgroepe te bevorder. Op sulke sieninge, Mr Slabbert, neem ek aanstoot.

Ek is ’n 5de geslag boer. My pa was ’n boer – Die feit dat my moedertaal Engels is maak my geensins minder bekwaam om as ’n boer geklasifiseer te word nie. Ek verstaan dus die belange, begeertes, waardes en beginsels van die boeregemeenskap, ongeag die taal wat ons praat.

Ek skerm geensins agter die werklikheid en intensie van my reaksie op Mnr Kelder se sieninge nie. Ek het my reaksie deeglik met Me Zille, asook ons Nasionale Uitvoerende Kommittee bespreek en die algehele gevoel is dit: Oordrewe, miskien. Eerlik, definitief. My tyd is beperk en alhoewel ek ten alle tye tyd sal maak vir die publiek en alle groepe binne die gemeenskap, is my geduld ietwat min vir individue wie se orientasies nie gelykheid vir almal ag nie. Hierdie was nie ’n politieke debat nie Mnr Slabbert, dit was n persoonlike meningsverskil wat ek van Mnr Kelder se opinie gehad het en ek vra dat ons dit asb daar sal laat.

Ten slotte wil ek graag verwys na u stelling dat u vir die DA gestem het in die pas afgelope munisipale verkiesing agv n gebrek aan‘n beter kandidaat/alternatief. Ek wil dit egter aan u duidelik stel dat Mnr Francios Greyling‚ wat toevallig ook afkomstig is vanuit die Afrikaner gemeenskap, ’n uiters bekwame raadslid is wat die gemeenskap met toewyding dien. Met aanloop tot die verkiesing het ek saam met hom die strate van Despatch deurkruis om stemme te werf en kan ek getuig dat Mnr Greyling sal omsien na almal se belange en dat sy diensrekord aan die gemeenskap boekdele spreek van die verskil wat die DA gaan maak noudat ons aan bewind is in Despatch.

Athol Trollip, LP
DA Parlementere Leier

круглые светодиодные люстрыФильчаков прокурор харькова

‘Apartheid het alle blankes rassisties gemaak’ – Malema

Wit kinders het grootgeword met die idee dat swart mense niks gesofistikeerds kan doen nie, het die ANC-jeugliga se president Julius Malema Donderdag gesê.

Tydens die voorlegging van sy politieke verslag aan die Jeugliga-konferensie in Midrand het hy gesê die eerste interaksie tussen ‘n wit kind met’ n swart persoon het geskied toe die swart persoon ‘n huiswerker of’ n tuinier was. Daar is na sulke mense as “‘n “jong” of “meid” verwys.

“Die tweede interaksie is wanneer ‘n wit kind ‘n swart persoon op ‘n straathoek teëkom wat bedel,” het hy gesê.

Hy het gesê die voormalige apartheidsregering het daarin geslaag om dié rassistiese ideologie binne die wit gemeenskap te kweek.

“Diegene wat by apartheid baat gevind het, maak beswaar as ons om regstellende aksie vra, hulle dink ons wil hulle van werksgeleenthede ontneem,” het hy gesê.

Oningeligte analise

Malema het ook die geleentheid gebruik om stellings dat die liga se “uitbarstings” blanke stemme van die ANC vervreem as ongegrond afgemaak.

“Dit is ‘n oningeligte analise,” het hy gesê.

Hy het verduidelik dat die Jeugliga dieselfde rol speel as wat gebruiklik was toe die liga deur Nelson Mandela gelei is.

“Die nasie praat oor die ekonomie omdat die Jeugliga daaroor praat,” het hy gesê.

Hy bevraagteken die rede waarom die meerderheid van die swart mense min grond besit, terwyl die meerderheid van die grond in die hande van die blanke minderheid verkeer.

Die 1948-brondokumente van die ANC-Jeugliga het verklaar dat grond ten gunste van die meerderheid herverdeel moet word.

“Die grondvraag moet opgelos moet word, indien nodig op die harde manier,” het hy gesê en sodoende die ANC-leier OR Tambo aangehaal.

Hy het gesê die ANC het probeer om vir die afgelope 17 jaar die grondkwessie deur die gewillige verkoper / gewillige koper -benadering aan te spreek, wat misluk het.

“Die enigste opsie is om die grond sonder vergoeding af te neem, as jy weier vir ons ‘n alternatief te verskaf,” het hy onder toejuiging van die afgevaardigdes gesê.

Malema het in die verslag ook beklemtoon dat ekonomiese geleenthede vir die jeug geskep moet word, dog sonder om die gehalte van die eindproduk te beïnvloed.

“Ekonomiese vryheid beteken dat ons opgevoed moet word, gratis onderwys moet ‘n werklikheid word. Dit moet nie jaar in en jaar uit bloot in die begrotingsrede figureer nie,” het hy gesê.

Verloorgroep

In ‘n hou na die SA Kommunistiese Party sonder om dit by die naam te noem, het hy gesê die organisasie van Moses Kotane begin na ‘n verloorgroep binne die ANC lyk.

“Dit is te besig met vrae soos: wie het ‘n burgemeester, raadslid of sekretaresse geword?”

Hy het gesê die onlangse plaaslike verkiesing het gebreke binne die ANC se interne moniteringstelsel blootgestel.

“‘n ANC-geleide munisipaliteit in die Vrystaat het toilette sonder huisies gebou en die ANC was nie bewus van sulke voorvalle het,” het hy gesê en dit as’ n voorbeeld beklemtoon.

Jong mense moet gereed maak om posisies binne die ANC in te neem.

“Die tyd is ryp vir jong mense om leierskapsposisies in die ANC te beklee.”

Malema het die verslag afgesluit deur die omstrede liedjie Dubula ibhunu, waarvan die lirieke as “skiet die boer” vertaal is, te sing.

летний комбинезон для девочкипрокурор харьковской области

Leopold Scholtz beledig Afrikaner-intelligensie

Nog steeds Leopold Scholtz se geplete tong, nou aangevuur deur sy onheilige alliansie met FW de Klerk en Afriforum/Solidariteit/Helpende Hand in Brussel.

Kom ons annaliseer Scholtz se rubriek in die Nasperskoerant Die Burger vanoggend, 17 Junie 2011.

Ek haal Scholtz aan:

“Hoe verduidelik jy die kwessie van wit armoede in die nuwe Suid-Afrika aan buitelanders sonder om te klink of jy, soos in die apartheidstyd, net aan wit mense se belange dink? Trouens, hoe verduidelik jy wit armoede aan welvarende wit Suid-Afrikaners vir wie dit nie eens op hul radarskerm registreer nie?”

Wit Suid-Afrikaners word uitgesuig met bedelbriewe oor wit armoede deur Helpende Hand en dan word die geld aangewend deur swartes te voed en ‘n miniskule deel na ‘n paar armblankes deurgewerk. Dit is die waarheid, mnr Scholtz!

Nog ‘n waarheid is: Daar was géén blankes voor 1994 in plakkerskampe nie. Die armblankes is uit hulle huise gegooi deur die ANC en die wonings wat deur die vorige regering vir arm mense gebou was, is aan die swartes toegeken wat dit in n baie kort tydjie so verniel het dat dit nou plakkerskampagterbuurte geword het. Kan ek aan jou voorstel om te gaan kyk hoe lyk dit in een so ‘n woonbuurt ná 1994 – Danville in Pretoria?

Die waarheid van Solidariteit/Afriforum/Helpende Hand is dat dit met blankes se geld onderhou word, nie swartes se geld nie. Daarna word die fondse terwille van politieke korrektheid na swartes en bruines gekanaliseer.

Leopold Scholtz skryf:

“Dr. Danie Langner, uitvoerende direkteur van Solidariteit Helpende Hand (wat hom met hoofsaaklik wit armoede besig hou), is vandeesweek met ’n span personeellede in Nederland om kommunikasiekanale na allerlei instansies in dié land aan te lê en aandag vir die probleem van wit armoede te vra. Ek het die voorreg gehad om by sommige van die gesprekke aanwesig te wees.

Allereers dít: Langner en sy personeel is die sout van die aarde. Opregte mense, onbeskaamd inklusief Afrikaans, gelowig, met ’n hart vir hul medemens in nood.”

Oor hierdie mening van Scholtz gaan ek my nie uitlaat nie. Ek gaan dit aan die leser oorlaat om sy eie mening te vorm.

Die feit dat dr Scholtz nou die wit kerke wil byhaal vir finansiële voordeel van die onheilige aliansie skrei ten hemele maar is ook baie insiggewend van sy gepoogde manipulasie t.o.v. wit Afrikaners se geldsak en weereens ‘n belediging vir die blanke Afrikaners se intelligensie.

трек для машинокДанильченко Юрий отзывы

Sit die Chinese agter Malema?

 Praag se ADSL is nog steeds geheel en al buite werking, glo ‘n probleem met die ondergrondse kabel van Telkom, dus werk ek steeds hoofsaaklik in kafees.

Ek het net ‘n halfuur om vinnig oor Malema se oproepe vir radikale grondhervorming en nasionalisering kommentaar te lewer, dus moet u my enige gebrek aan styl of tikfoute vergewe.

Malema, anders as wat Naspers  en die ander mediagroepe in die land hom voorstel, is nie onder ‘n kalkoen uitgebroei nie. Anders sou hy nie bo-aan die ANC-jeugliga geëindig het nie. Hoewel Naspers en Leopold Scholtz my as “rassis” uitkryt, geniet ek sedert die braaivleis met Zuma eintlik groeie verhoudings met individuele lede van die ANC en respekteer my, al is ek ‘n onbeskaamde voorstander van Afrikanervryheid en ‘n volkstaat.

Malema se onlangse stelling dat “Mbeki ‘n goeie leier” was, word binne die ANC as ‘n uiters vernuftige stukkie voetwerk gesien om Zuma te ondergrawe maar terselfdertyd hom geensins aan enige kritiek binne die party bloot te stel nie. Hy mag mos maar ‘n vorige ANC-leier ophemel, dan nie?

Ingeligtes binne die ANC stel dit onomwonde (en dis my indruk ook): Malema dink voor hy praat. Terwyl Naspers en die ander media-idiote Malema as ‘n soort sinistere grapmaker sonder mag of invloed afmaak, is Malema besig met ‘n berekende politieke spel.

My gesonde verstand sê vir my dat Malema nie op sy kruistog ten gunste van grondhervorming à la Zimbabwe en nasionalisering sou vertrek het indien hy nie steun van ‘n groot internasionale moondheid geniet het nie. DIe VSA en Brittanje, wat FW de Klerk in die vroeë negentigerjare daarin gemanipuleer het om alle mag aan die ANC te oorhandig, wil nie sien dat Suid-Afrika sonder meer in ‘n tweede Zimbabwe ontaard nie. Die groot internasionale beleggers, waaronder Britse en Amerikaanse pensioenfondse, besit ook aandele in ons mynboumaatskappye.

Amerika sou dus potensieel ‘n stokkie voor Malema se nasionaliseringsplanne kon steek en selfs, soos nou in Libië, militêr in ons land kon inmeng. Tensy, tensy… ‘n ander groot moondheid soos Rusland of China hom reeds van hul steun verseker het. Ons weet dat Zuma se oorname van die ANC en die presidentskap vanuit Angola gefinansier is, dus sal dit nie vreemd wees vir China, wat reeds in Zimbabwe bedrywig is, om ‘n bepaalde faksie in die ANC, die Malema-faksie, te ondersteun nie.

Waarom China? Soos iemand dit nie lank gelede nie, aan my gestel het, is “Zimbabwe die enigste klinkklare sukses van Chinese buitelandse beleid”. China is reeds die tweede grootste ekonomie ter wêreld, beskik oor enorme militêre vermoëns en slaankrag, waaronder kernwapens, maar kon tot dusver net in Zimbabwe noemenswaardige invloed verkry. Afrika se grondstowwe is reeds lankal in die Chinese visier en dus: waarom nie ook die eerste prys op die vasteland, Suid-Afrika, nie? Indien Malema van die vier miljoen blankes in die land ontslae sou raak, sou die vraag na opgeleide mannekrag en hulp feitlik vanselfsprekend miljoene Chinese die geleentheid bied om na Suid-Afrika te emigreer en ‘n baie meer aktiewe rol as bestuurslui en eienaars van Suid-Afrikaanse ondernemings te speel.

Nóg die VSA, nóg Brittanje gee ‘n duit vir Suid-Afrikaanse blankes, wat nog te sê Afrikaners en boere, om. Daar sal wel kritiek wees, net soos daar teen Mugabe oor sy anti-blanke optrede was, maar uiteindelik is dit ‘n geval van, soos die Engelse spreekwoord lui: “Sticks and stones may break my bones, but words will never hurt me.”

Die Afrikaner, deur sy eie onnoselheid gestroop van politieke en militêre mag, is nou meer as ooit tevore feitlik totaal aan die noodlot en die giere van iemand soos Julius Malema en sy moontlike Chinese bondgenoot uitgelewer. Die enigste internasionale moondheid waar ons potensieel steun mag verkry, is Rusland. Maar Rusland verkeer tans ook in ‘n magstryd tussen drie faksies: die Joodse oligarge, Poetin se internasionalistiese faksie en die opkomende nasionaliste wat ‘n pro-blanke en pro-Europese standpunt huldig. Indien die nasionaliste in Rusland aan bewind kom, kan ons dalk steun vanuit daardie oord begin kry, mits ons eie leiers die nodige diplomatieke en media-offensief in Rusland loods, bygesê.

Ongelukkig lyk dinge nie goed nie. Die Afrikaner het in die onlangse verkiesing sy rug op enige vorm van nasionalisme of selfbeskikking gekeer en die Angel-Saksiese liberalisme van die DA en mev. Helen ZIlle omhels. En die DA staan, soos Lindiwe Mazibuko enkele dae gelede in die parlement verklaar het, óók radikale grondhervorming voor. Dus mag Malema en Mazibuko teen mekaar begin bie om Afrikanerboere die vinnigste van hul grond te ontneem.

Die vernaamste Afrikanerorganisasies soos Solidariteit het hulself ook onder die liberale sambreel ingewurm en sedertdien by die DA geskaar. Naspers is natuurlik so liberaal dat hy die DA nog verder aanpor in sy meer linkse standpunte, soos radikale grondhervorming en die finale aftakeling van die Afrikaneridentiteit. Soos Leopold Scholtz van Die Burger dit gestel het, “moet die Afrikaner met die bruinmense van die Wes-Kaap versmelt”. Flip Buys van Solidariteit gaan beslis sy neus optrek as ‘n spul Russiese nasionaliste met kaalgeskeerde koppe die enigste internasionale magsfaktor gaan raak wat tussen ons en ‘n tweede Zimbabwe staan.

 

дубовые лестницы на заказАлександр Фильчаков прокурор