‘n Gefragmenteerde identiteit

Tim du Plessis skryf in ‘n onlangse rubriek dat hy ‘n “Suid-Afrikaner, Afrikaner, Afrikaanse (daar is nogal ‘n verskil) en Afrikaan” is. ‘n Ruiterlike erkenning ten minste van die soort gespletenheid waarmee die Nuwe Suid-Afrika ons algar en sommiges in die besonder, opgesaal het.

Dieselfde gevoel van gespletenheid was waarskynlik wat president Zuma verwoord het toe hy verlede week van ‘n “sielkundige” heimat vir Afrikaners gepraat het. Hy het eintlik daarmee sy eie dilemma uitgespel. Ten spyte daarvan dat ‘n Zoeloegebied geografies, taalkundig en etnies afgebaken is, voel ons president nie gemaklik in sy gefragmenteerde werklikheid nie en begryp hy die behoefte aan ‘n tuiste.

Nie eens die beste sitplek op die soustrein waarborg, lyk dit, geborgenheid nie. Die gebrek aan ‘n geïntegreerde identiteit hou blykbaar geen voordeel in gemeet aan die rykdom wat dit genereer nie. Zuma en Tim weet instinktief dat die mense van Orania waarskynlik nie dieselfde sielswroeginge as hulle ervaar nie.

Ten minste kan Zuma na Nkandla terugkeer. Orania is nie ‘n terugkeer na die ou familieplaas, die skaduryke bome van ‘n geboorteplek, ‘n koel stoep van ons kinderdae nie. Dis ‘n vlugtelingkamp vir die Afrikaner, ‘n tehuis vir ontvlugtendes en ontheemdes uit die nuwe bestel. Dis ‘n identiteitsrehabiltasiesentrum, die aankoms by ‘n uitspanplek in ‘n ongenaakbare trek. Dis ‘n groen oase vir voortvlugtiges uit die hemel van die gefragmenteerde identiteite van Tim du Plessis en Jacob Zuma.

Die Oraniërs het daarin geslaag om ‘n identiteitskontinuum te skep waar die verlede, hede en toekoms in ‘n sinvolle verhouding tot mekaar staan, iets wat onontbeerlik vir geesteswelstand en ‘n innerlike balans is.

Die alternatief is waar die kapasiteit van individue om ‘n koherente selfbegrip te vorm, uitbly. En die kliniese prentjie van die “voordele” is nie ‘n sonnige een nie. In plaas daarvan om teenstrydighede te onderdruk sodat mense blywende bindings, verantwoordelikhede en verhoudings kan aangaan, ly die postmodernis aan ‘n gevoel van konstante leegheid.

Sulke mense se impulsiwiteit verhoog omdat hulle in ‘n atemporale toestand verval, met uitbarstings van akute vrolikheid, depressie en geweld wat mekaar sonder waarskuwing opvolg.

Hulle leuse: Die oomblik skep die mens en ons is aan die oomblik uitgelewer. Ons word daagliks met die getuienis van dié gefragmenteerde identiteit in die opiniestukke van groot Afrikaanse dagblaaie getrakteer.

Soos Nietzsche skryf in die Genealogie van Moraal, is “die mens die dier wat beloftes kan maak”. Is die mens wat nie meer beloftes kan maak nie, die dier?

Tim du Plessis is reg as hy suggereer dat Afrikanerstedelinge se uitvlug nie na Orania is nie, maar na Australië omdat hulle ‘n wit voordeel daarin herken dat hulle beter in ‘n Engelse omgewing sal aanpas as wat swartes dit sal regkry. Daarmee ontvlug hulle van die werklikheid van geweld en etniese suiwering sonder om materiële gerief te veel in te boet soos wat die Oraniërs moet doen. Selfwerksaamheid beteken immers sweet.

Dan verseker Tim ons dat hy vir die Nuwe Suid-Afrika sal sterf net soos hy tydens die bosoorlog sou doen, omdat die huidige orde van gefragmenteerde identiteit hom so geval.

Die opgeruimde toon van Tim du Plessis se patriotiese gebaar val vreemd op die oor. Soos dapper soldate wat hulleself vir die oomblik opoffer, in die hoop dat die oomblik sal oorwaai. Hy mag egter gouer as later die geleentheid gegun word om vir Julias Malema se ideale te sneuwel.

модули подготовкиЛобановский Харьков

Rou riool besmet dorp se drinkwater

Jagersfontein staar ‘n ernstige krisis in die gesig nadat drinkwater in die dorp deur stinkende riool besoedel is.

Inwoners moet hul dors met duur, gebottelde water les.

In die lokasie Itumeleng, borrel rioolwater by mangate uit en sypel die grond binne om ondergrondse waterbronne wat die inwoners van drinkwater moet voorsien, te vervuil.

Wit inwoners kla dat die watergehalte, of gebrek daaraan, en rou riool wat oral aanwesig is,  inwoners se gesondheid kan benadeel.

Die Kopanong-munisipaliteit ignoreer nou al skriftelike klagtes van wit inwoners oor die probleem vir 3 jaar lank. Swart inwoners, wat ook gebottelde water moet koop, bly gelate oor die vrot water.

100 onlineданильченко юрий брониславович прокурор

Grensbeheer gaan glo opgeskerp word

‘n Bykomende miljard rand is hierdie jaar in die begroting opsygesit om beter grensbeheer toe te pas. R600 miljoen hiervan is in die volgende drie jaar beskikbaar gestel om meer soldate op die land se grense te ontplooi, en om grensbeheer-fasiliteite en -toerusting op te gradeer en te onderhou, het Pravin Gordhan gesê.

Lees verder.

купить грушу для гидроаккумуляторалобановский обыск

Werk sonder groei, hoe nou?

Die regering gaan moeilik die gestelde teiken van 5 miljoen werkgeleenthede bereik as die groeikoers in die volgende paar jaar nie dramaties toeneem nie. Ten einde 5 miljoen werkgeleenthede te skep, moet Suid-Afrika vir 10 jaar ‘n groeikoers van 6% tot 7% handhaaf. Die huidige groeikoers is 2,8% en die Minister van Finansies projekteer dat dit tot 4% in die toekoms kan groei. Dit is nie genoeg nie.

Die begroting het ook geen verbeeldingryke aansporingsmaatreëls bevat wat werkgewers groot hoeveelhede nuwe werkgeleenthede sal laat skep nie. Die belastingverligting vir klein sake-ondernemings word verwelkom maar sonder byvoorbeeld verbeeldingryke verslapping van dempende arbeidswetgewing vir hierdie ondernemings gaan dit nie werklik lei tot die skep van grootskaalse nuwe werkgeleenthede nie.

As gevolg van die resessie het die regering verlede jaar R70 miljard minder belasting geïn as wat verwag is. Die belastinginkomste het vanjaar grootliks herstel sonder dat dit nodig was om drastiese belastingmaatreël, soos in sommige ander lande, aan te kondig. Hiervoor en vir die wyse waarop die minister van Finansies Suid-Afrika binne vyf kwartale deur die resessie gekry het, kan die minister van Finansies wel bedank word.

Die VF Plus betreur dit dat geen spesifieke maatreëls aangekondig is om senior burgers teen die huidige lae rentekoerse te beskerm nie. Senior burgers wat van beleggings afhanklik is vir inkomste, se inkomste is die afgelope tyd gehalveer deur die lae rentekoerse terwyl inflasie oor dieselfde tydperk met 12% toegeneem het. Die ondersoek na bankkoste word wel deur die VF Plus verwelkom en dit mag senior burgers help.

Die minister van Finansies het moeilik implementeerbare sake soos die Nasionale Pensioenskema en die gesondheidsversekeringskema vermy deur telkens aan te kondig dat daar nog beraadslaging daaroor gaan plaasvind. ‘n Paar miljoen belastingbetalers in Suid-Afrika dra tans 50 miljoen inwoners. Die VF Plus glo dat voordat die Suid-Afrikaanse belastingbasis nie groter is nie, sulke skemas ‘n onbekostigbare luukse vir die land is.

Die vermeerdering van die polisiemag van 190 000 na 202 000 word verwelkom. Dit gaan ongelukkig nie die misdaadprobleem oplos nie. Wat Suid-Afrika kort is beter opgeleide polisielede, spesialis-eenhede, beter forensiese- en speurdienste. Groter getalle polisie alleen is nie die antwoord nie.

slots noЛобановский

Umalusi stel nog inligting oor matriekuitslae vry

Die VF Plus het kennis geneem van die verslag wat vandag vrygestel is tydens ‘n mediakonferensie by Umalusi se hoofkantoor. Die bekendstelling van die inligting kom nadat die VF Plus en Media24 aansoek gedoen het by Umalusi om alle relevante inligting te verskaf rakende die standaardisering van die 2010-matriekvakke in terme van die Wet op Bevordering van Toegang tot Inligting.

Volgens adv. Anton Alberts, VF Plus-parlementêre woordvoerder oor Basiese Onderwys, is daar ‘n presedent geskep deur die suksesvolle aansoek deur beide die VF Plus en Media24 waardeur Umalusi gedwing is om die inligting bekend te stel. “Umalusi het self tydens die mediakonferensie erken dat volgens hulle kennis is hulle die enigste standaardiseringsorganisasie wat sodanige inligting bekend maak aan die publiek. Dit is ‘n bewys van die deursigtigheid van Suid-Afrika se onderwysprosesse,” het Alberts bygevoeg.

Daar is verskeie aanpassings gemaak in sekere vakke en die VF Plus bestudeer nog die hele verslag ten einde te bepaal tot hoe ‘n mate die aanpassing by die onderskeie vakke aanleiding gegee het tot die hoër slaagsyfer van verlede jaar. Die vak waarin die hoogste aanpassing gemaak is, blyk Wiskunde te wees met ‘n opwaartse aanpassing weens die moeilikheidsgraad. Die VF Plus sal die impak van al hierdie aanpassings evalueer en aan die hand daarvan kyk waarom die slaagsyfer soveel hoër is as in 2009.

“Umalusi het wel hulle spyt uitgespreek omdat soveel spekulasie ontstaan het rondom die uiteindelike slaagpersentasie van 2010 en het verskeie kommentatore as roekeloos bestempel. Dit is egter hulle eie skuld aangesien daar nie genoeg inligting was om die anomalieë logies te verduidelik nie en dis nou eers moontlik nadat die inligting weens die aansoek van die VF Plus en Media24 geslaag het,” het Alberts gesê.

Die VF Plus is dit eens met Umalusi dat die departement van basiese onderwys nog baie werk het om te doen om die standaard van Suid-Afrikaanse skole en vakke te verhoog en dat dit ‘n absolute prioriteit moet wees vorentoe.

permainan dj onlineФильчаков прокурор харьков

Gemengde reaksie op begroting

Die Automobiel Assosiasie het die aankondiging in die begrotingsrede verwelkom dat miljarde rand bewillig is vir instandhouding van paaie en openbare vervoer. ‘n Woordvoerder, Gary Ronald sê R1,5 miljard sal aan die provinsies gaan vir padinstandhouding en ‘n verdere R2,5 miljard sal aan munisipaliteite gegee word vir openbare vervoerstelsels en infrastruktuur. Hy sê egter hy is teleurgesteld dat die voorgestelde toltariewe in Gauteng nie in die begrotingsrede genoem is nie.

Die minister van Finansies – Pravin Gordhan – het ook nuwe maatreëls aangekondig om bedrog met regeringstenders uit te skakel. Hy het in sy begrotingsrede gesê dat meer as 50 ondersoeke tot gevolg gehad het dat 65 mense in hegtenis geneem is. Hy sê die Inkomstediens is besig om toe te slaan op belasting en doeane-oortredings. Dit sluit ‘n nuwe metode in waarop sigarette gemerk word, terwyl onwettige klere en tekstiel-invoere ook vasgevat word.

Vroeë aanduidings is dat finansiële markte Suid-Afrika  nie van staatskuld ontslae gaan raak nie, ná Gordhan ‘n groter as verwagte begrotingstekort voorspel het. Gordhan beraam ‘n begrotingstekort van 5,5% van die bruto binnelandse produk. Vóór die begrotingsrede het ekonome verwag dat die minister ‘n tekort van sowat 4,5% sal voorspel. Ekonome sê die markte is nie paniekerig nie weens die aanvaarbare vlakke van Suid-Afrika se skuld.

In reaksie op die begrotingsrede sê ‘n ekonoom van Investec, Brian Kantor Suid-Afrika moet op die private sektor steun om werk te skep. Hy sê die uitdagings wat die land in die gesig staar is dat die arbeidsmark te voorskriftelik in sy eise is. Kantor sê soveel soos Gordhan se toespraak op werkskepping gefokus het, sou dit verkieslik wees as daar aangedui is in watter sektore geleenthede geskep gaan word.

Bells on Fireлобановский александр компромат

Krokodille vreet eienaar op

‘n Man is deur krokodille opgevreet toe hy by ‘n Rustenburgse krokodilplaas in ‘n dam geval het, het die polisie in Noordwes Woensdagaand bekend gemaak.

“Die eienaar van die krokodilplaas was glo besig om ‘n waterpyp reg te maak toe hy in die dam geval het,” het lt. kol. Sabata Mokgwabone, polisiewoordvoerder, gesê.

“Die slagoffer se werknemers was naby en het probeer om die krokodille met vleis weg te lok, maar dit was te laat,” het Mokgwabone bygevoeg.

Volgens Mokgwabone is dit nie duidelik hoeveel krokodille in die dam was toe die voorval gebeur het nie.

ресивер для компрессора этоЛобановский Харьков

Verkeerde demokrasie

Die VSA mag dalk net nie die soort demokrasie in die wêreld kry waarvoor hulle gewens het nie. Selfs op die tuisfront in die deelstaat Wisconsin is daar populistiese roeringe. Wisconsin is waar vakbonde die diepste ingegrawe is, maar dit lyk asof die Republikeine die taai unie-greep gaan loswikkel.

Populistiese winde van onrus wat oor die Midde-Ooste waai, kan egter Amerikaanse militêre afhanklikheid van Arabiese regimes knou. Die voorkeurtoegang tot vliegvelde en hawens van Kaïro tot Katar lyk skielik nie meer so vanselfsprekend nie.

Die VSA se dominante rol in die streek hang af van ‘n komplekse netwerk van ooreenkomste met vriendelike Arabiese lande wat toelaat dat Amerikaanse magte olieskeepsroetes in die Golf patrolleer, Islamitiese militantes in bedwang hou en ‘n wakende oog oor Iran verseker.

Ongeveer 27 000 Amerikaanse troepe is ontplooi op ‘n verskeidenheid van basisse en plekke in die Golf, tesame met ‘n gebiedsmag van 50 000 man in Irak en duisende meer aan boord van skepe, volgens ‘n Amerikaanse militêre amptenaar wat anoniem wil bly.

Groot vliegvelde in Katar en die Verenigde Arabiese Emirate, ‘n groot basis in Koeweit en die VSA-vloot se vyfdevloothoofkwartier in Bahrein, dien as belangrike punte om enige optrede van Iran binne ‘n kort tydjie met swaar Amerikaanse vuurkrag te kan neutraliseer.

In Bahrein is ongeveer 4 000 Amerikaners gestasioneer as deel van die Amerikaanse vloot se vyfdevloothoofkwartier.

Met ‘n vloot van vliegdekskepe, torpedojaers en amfibiese skepe tot sy beskikking, hou die vyfde vloot toesig oor ‘n gebied wat strek van die Rooi See, tot aan die Golf en die Arabiese See.

Die Pentagon het verlede week die bedreiging van die onrus in Bahrein en elders onderspeel, en meen die geweld het nie die vloothoofkwartier of ander basisse ontwrig nie.

Voormalige amptenare sê die vloot kan die bevelspos elders heen skuif as dit daarop aankom.

Geen enkele basis of ooreenkoms verteenwoordig ‘n achilleshiel op sy eie nie, maar as ‘n geheel is die netwerk ‘n belangrike spil vir Amerikaanse militêre mag, sê Dawid Aäron, ‘n voormalige diplomaat en ‘n senior navorser by die invloedryke Rand Corporation.

Op die spel hier is ‘n vermoë om Amerikaanse bondgenote te verseker hulle sal teen Iran beskerm word. Amerikaanse vlootskepe geniet byvoorbeeld topprioriteit in die Suezkanaal. Om sulke spesiale regte te verloor, sal die koste en tyd dramaties verhoog vir Amerikaanse troepe en sal hulle dus inboet aan militêre mobiliteit.

In 2003 het die Amerikaanse magte hulle teenwoordigheid in Saoedi-Arabië – te midde van die Irakinval – heelwat afgeskaal en lugbedrywighede na Katar en Oman verskuif.

Sommige basisse is steeds geheim, insluitende Al Dhafra in die Verenigde Arabiese Emirate, wat die Pentagon nie amptelik erken nie. Dit word  vir geheime sendings in Irak en Afghanistan gebruik.

запчасти насосЛобановский