Anton van Niekerk is die mede-outeur van nog ‘n forumartikel in Die Burger (18 deser, p 15). Soos gebruiklik staan daar langs sy foto dat hy “‘n professor in filosofie en direkteur van die sentrum vir toegepaste etiek … aan die Universiteit Stellenbosch” (US) is. Hierdie keer is dit duidelik dat hy sy mes in het vir die “regses.” Hy dink blykbaar dat hy ‘n haas uit die hoed kon trek wat die US se nie-akademiese norme by universiteitstoelating volkome sou regverdig.
“Dit lyk soms asof die stryd rondom ‘die toekoms van die Afrikaner’ … ten diepste handel oor die toekoms van ‘Afrikaanse’ universiteite – vir sover dit sin maak om ‘n universiteit deur ‘n taal te laat kwalifiseer.”
Van Niekerk spring hierdie keer weg met selfs buitensporiger mislikheid as gewoonlik. Die rede hiervoor is klaarblyklik sy drieledige onderwerp: die Afrikaner, Afrikaans en die universiteit, waarvan eersgenoemde twee blykbaar vir hom weersinwekkend is, terwyl hy die aard van die oorblywende een (die universiteit) nie reg verstaan nie.
Op grond waarvan sou ‘n universiteit (soos die Randse Afrikaanse Universiteit van weleer) nie sy onderrigtaal (met trots) mag uitbasuin nie; des te meer as hy in ‘n meertalige land gesetel is? Van Niekerk se uitgangspunt is die dogma van identiteitslose wêreldburgerskap wat deur misleides aan die Botman-US aangehang word. As Van Niekerk ‘n bietjie besin, sal hy agterkom dat wêreldburgerskap nie haalbaar is nie omdat ‘n wêreldstaat nie bestaan nie.
Daar is talle universiteite in baie lande wat vanweë hulle naam kultureel gekarakteriseer word, bv as ‘n Amerikaanse (of internasionale) universiteit, bv in Parys en Beiroet (wat in sulke gevalle op Engels as onderrigtaal dui), of as ‘n christelike, Katolieke, protestantse of Moslem-universiteit (wat op ‘n bepaalde religieuse oriëntasie dui). Dit is vir ‘n universiteit nie taboe om ‘n kulturele (bv taal-) identiteit te hê nie, insluitende ‘n Afrikaner- of Afrikaanse ingesteldheid, al verpes Van Niekerk so iets in oortreffende mate.
[In Beeld (18 deser) bepleit vier akademici in ‘n brief (hergepubliseer op die webwerf van die Afrikaanse Taalraad) ‘n universiteit met Afrikaans as “ankertaal”. Aan die US het Afrikaans ook die ankertaal geword nadat Engels as addisionele onderrigtaal ingevoer is. Dit het Afrikaans op ‘n glybaan na vernietiging gelanseer. Kyk Pieter Kapp se Maties en Afrikaans (Pretoria: Protea Boekhuis, 2013). “Primêre, vertrek-, verstek-, ankertaal, ens, is terme wat onnodiglik hulle intrede gemaak het omdat afgewyk is van die gesonde historiese vanselfsprekendheid dat Afrikaans die enigste US-onderrigtaal is” (Praag 6 April). As die oogmerk is om ‘n herhaling van dié geskiedenis te voorkom, moet aangedring word op Afrikaans as die enigste onderrigtaal. Daarom behoort Afrikaans prominent in die naam van die universiteit te wees, al het dit die Randse Afrikaanse Universiteit nie gehelp om as Afrikaanse universiteit te oorleef nie.]
As Van Niekerk swaarde oor universiteitsname wil kruis, kan hy gerus die plaaslike universiteite vernoem na Nelson Mandela en Walter Sisulu in sy spervuur plaas, want albei is vernoem na hoogs nie-akademiese politieke figure wat sekerlik nie deur almal op daardie kampusse verheerlik word nie. Of as hy beswaar teen kulturele toespitsing by ‘n universiteit het, waarom nie beswaar maak teen die Zoeloefisering van die Universiteit Kwazulu-Natal nie? Kyk RW Johnson se The African University? (Cape Town: Tafelberg, 2012). Die Zoeloes word daar in toenemende mate iets gegun waaraan Afrikaners in vinnig afnemende mate aan vyf eens Afrikaanse universiteit nie deel mag hê nie. In hierdie proses van kulturele ontvoogding van Afrikaners speel Van Niekerk ‘n betreurenswaardige rol.
Met verwysing na die keuringsbeleid van veral die mediese fakulteit van die US gee Van Niekerk voor om vervolgens die “regses” se standpunt te stel. Gesatineerd vertel hy van die maatreëls wat “getref word om agterstande van die verlede effens [!] te probeer uitwis deur (inklusief) [eerder ekskusief?] swart presteerders meer geredelik as wittes toe te laat – met slegte gevolge vir Afrikaans. ‘Meriete’ en ‘standaarde’ (gevolglik ook Afrikaans, wat so min of meer identies met laasgenoemde is) [!] kan dan na bewering slegs ‘gehandhaaf’ word as die 300 of wat ‘toppresteerders’ (uitsluitlik gemeet aan skoolprestasie), ongeag kleur of geslag, toelating kry.”
Nogeens maak Van Niekerk hom hier skuldig aan buitensporige mislikheid. Een van die redes hiervoor is dat Keymanthri Moodley, ‘n dosent in mediese etiek aan die US, sy mede-outeur is. Van Niekerk brei nie uit op die “slegte gevolge vir Afrikaans” nie. Die waarheid is dat die US se mediese fakulteit, soos dié vir teologie, asook Van Niekerk se fakulteit lettere, teenstrydig met die amptelike taalbeleid in oortreffende mate verengels het (Praag 6 April). Van Niekerk gee voor dat die “regses” se standpunt is dat onderrig in Afrikaans en standaarde “so min of meer identies” is. Hierdie stelling is so vergesog dat selfs Van Niekerk dit myns insiens nie werklik glo nie.
In dieselfde koerant as sy artikel word genoem dat die Universiteit Kaapstad (UK) 9de en die US 34ste op die ranglys van universiteite in die Brics-lande is (p 1). Regses is waarskynlik bewus daarvan dat die onderrigtaal aan UK Engels is en dat akademiese standaarde dus klaarblyklik ook in ‘n ander onderrigtaal as Afrikaans gehandhaaf kan word. Pleks van hierdie saak te verdraai, moet Van Niekerk veel eerder die waarheid onder oë sien, naamlik dat weens die US se rasgebaseerde toelatingsbeleid nie-wit (veral swart) studente en by implikasie diegene wat onderrig in Engels verlang dikwels van akademies swakker gehalte is en gevolglik as studente met voorkeurstatus (dus mense wat teen wil en dank moet slaag) geneig is om akademiese standaarde laer te druk.
Die “regses” het myns insiens reg deur akademiese skoolprestasie tot die hooftoelatingsnorm te verklaar. Diegene wat op skool goed presteer het, sal na verwagting ook op universiteit uitnemend presteer. Insgelyks sal dié wat op skool deurgeskraap het heel moontlik op universiteit misluk. By universiteitstoelating is akademiese skoolprestasie die aangewese of beste norm, of Van Niekerk daarvan hou of nie. Die “regses” het ook reg deur te verwag dat toelating “ongeag kleur of geslag” op akademiese meriete moet geskied. Van Niekerk bevind hom in die onbenydenswaardige posisie dat hy hom aan die kant van ras- en geslagsdiskriminasie skaar. Mense verskil kwalitatief. Dit is gewoon dwaas om almal gelyk of wesenlik eenders te verklaar en dan soos die ANC te beweer dat die studentekorps die demografie ingevolge etnisiteit en geslag moet weerspieël. Van Niekerk beklee ‘n akademiese pos maar vergun hom die luukse om by voorkeur deur nie-akademiese (bv politieke, maatskaplike) oorwegings (selfs ‘n wasmasjien – kyk hieronder) mislei te word.
Van Niekerk distansieer hom vervolgens van “teoretiese argumente” soos dié waarmee ek hierbo mee vorendag gekom het. Hy wil eerder die storie van Wandile Ganya, ‘n vyfdejaar MB ChB-student aan die US vertel. Ganya kom van Khayelitsha en het verlede jaar ‘n kompetisie met sy opstel oor mediese etiek gewen. Die prysgeld het R5 000 bedra. Daar word nie gesê hoeveel hulp Ganya vir sy opstel van bv dosente ontvang het nie. Van Niekerk se “eintlike storie” wat “‘n mens aan die hart” gryp, is dat Ganya die prysgeld gebruik het om vir sy ma ‘n wasmasjien te koop. “Sy het nog die grootste deel van haar lewe die gesin se klere met die hand gewas.” Sou ‘n wit student wat iets soortgelyk doen gunstige publisiteit van bv Van Niekerk ontvang?
Net so aangrypend vir Van Niekerk is dat Ganya se ouers, wat die prysgeldoorhandiging in Kaapstad bygewoon het, daarna dadelik terug huis toe wou gaan. “Want hulle moet die trein terug na Khayelitsha haal, en hulle wil, uit vrees vir rowers, dit so gou moontlik agter die rug kry … Om dadelik behoorlike vervoer vir die Ganyas te reël was geen probleem nie.” Die les wat Van Niekerk hieruit put, is “dat swart en wit in hierdie land grootliks steeds in totaal verskillende wêrelde leef.” Maar Van Niekerk sal darem seker erken dat hierdie twee wêrelde progressief nader aan mekaar beweeg. Dink bv aan die toename in misdaad, insluitende roof, op die US se hoofkampus en in die res van Stellenbosch (Praag 20 Mei).
“Die storie is egter allesbehalwe ‘n wanhoopsverhaal. Want Wandile gee ‘n mens werklik hoop. Hy is die student wat, ten spyte van sy agtergrond en omstandighede, elke geleentheid wat na hom aangekom het, met albei hande aangegryp het en wat bestem is om ‘n bekwame dokter en ‘n verantwoordelike en produktiewe burger van hierdie land te word. Die enigste voorwaarde is dat hy daardie geleentheid sou kry. Die keuringsbeleid van Stellenbosch se mediese skool het dit moontlik gemaak. Beteken dit Stellenbosch se standaarde ‘gaan by die drein af”, soos die refrein onophoudelik dreun oor regse webwerwe?”
Oor standaarde het ek Van Niekerk reeds geantwoord. Ek verneem dat, anders as voorheen, Suid-Afrikaanse mediese opleiding deesdae nie sonder meer in ‘n groeiende getal ander lande erken word nie. Dit dui daarop dat daar naas “regses” ook buitelanders is wat ‘n verlaging in ons akademiese standaarde waarneem. Van Niekerk vestig eenogig die aandag op die goeie gevolge wat die US se rasgebaseerde keuringsbeleid in Wandile se geval gehad het. Maar wat van al die gevalle waar nie-wit studente om etniese redes bo akademies sterker blanke kandidate tot bv mediese studie toegelaat is en hulle dan klaaglik misluk? Een swaeltjie maak nie ‘n somer nie.
Al probeer Van Niekerk hoe hard om ‘n wêreldburger te wees en al versmaai hy skynbaar sy identiteit, is hy in werklikheid blank en Afrikaanssprekend. Het Van Niekerk as opperste humanis al gedink watter gevolge die US se keuringsbeleid vir sy eie mense het? Van die begin in 1956 en dekades lank daarna het die US se mediese fakulteit deurgaans van MB ChB-kandidate ‘n gemiddelde van ‘n A-simbool in matriek verwag. Hierdie vereiste geld deesdae glad nie vir nie-wit kandidate nie. Deesdae speel nie-wit etnisiteit dermate ‘n deurslaggende rol by keuring dat blankes wat aan daardie oorspronklike suiwer akademiese norm voldoen dikwels toelating geweier word. Kan dit hoegenaamd eties geregverdig word?
Die US se mediese fakulteit het tot stand gekom na ‘n lang stryd om ‘n Afrikaanse opleidinginstansie in die suide te kry. Voorheen het net die Universiteit Pretoria mediese opleiding in Afrikaans aangebied. Andries Brink was een van die stigtersdosente wat ‘n lonende praktyk laat vaar het om sy eie mense in Afrikaans in Bellville te onderrig. Later was hy die dekaan. In sy laaste jare was hy hoogs ontsteld oor die transformasie wat daar plaasgevind het. Hy het genoem dat wanneer hy deur die gange van die fakulteitsgeboue loop, hy net Engels hoor.
Daardie fakulteit is deur hoogs bekwame en toegewyde Afrikaanssprekende blankes opgebou. Kan dit hoegenaamd eties geregverdig word dat blanke kandidate ingevolge transformasie nou die hoofslagoffers by keuring is? Die klein persentasie van hulle wat wel tot mediese studie toegelaat word, word verplig om hoofsaaklik in Engels onderrig te ontvang omdat van owerheidsweë besluit is dat voorkeur gegee moet word aan diegene wat histories nie daar hoort nie. Nogeens hierdie vraag: Kan dit hoegenaamd eties geregverdig word? Mag nie-wittes (veral swartes) maar maai waar hulle nie gesaai het nie?
“Onderrigsukses aan ‘n universiteit word nie soseer bepaal deur gestelde standaarde op die intreevlak nie (al is dit so dat ‘n toetredende student aan sekere vereistes moet voldoen). Die akademiese kwaliteit van ‘n universiteit se onderrig word grootliks bepaal deur die standaarde wat gestel word op die uittreevlak. Wat saak maak, is nie wat studente weet wanneer hulle begin studeer nie. Wat saak maak, is wat hulle weet wanneer hulle afstudeer!”
Hier kom Van Niekerk met ‘n mengsel van elementêre waarheid en drogredenasie. As ‘n mens ‘n resies met ‘n skilpad (of donkie) begin sal daar nie met ‘n haas (of perd) geëindig word nie. Wat fout met die intreevlakstandaarde is, is enersyds dat hulle op ‘n rassistiese wyse gedifferensieerd is. Van nie-wittes word minder as van wittes vereis. Die wesenlike gevaar is dat hierdie differensiasie dwarsdeur al die studiejare kan geld. Andersyds is die intreevlakstandaarde vir nie-wittes te laag, vandaar die hoë uitsakkoers.
Die kennis en vaardigheid van studente op die uittreevlak kan ook problematies wees; des te meer omdat die owerheidsubsidie nie net bepaal word deur die getal studente wat in die stelsel is nie, maar ook deur die getal wat gradueer. Dit is ook ‘n feit dat dosente oor die algemeen minder geneë is om ‘n nie-wit (veral swart) student as ‘n wit student te druip. Dalk handel sulke dosente op die akademies heeltemal irrelevante maar moontlik foutiewe veronderstelling dat ‘n nie-wit (veral swart) student se ma nie ‘n wasmasjien het nie.
“UK – 34e op die lys van Universiteit in BRICS” – ‘n skreiende skande. Dit is iets om oor te huil, nie om uit te basuin as ‘n goeie ding nie.
Dankie vir die deel oor jou grootvader – en wat bereik kan word met harde werk, en baie opoffering.
Die wasmasjien storietjie is uiters flou .Niemand was vir my Pa jammer toe hy selfs in die winter op sy fiets universiteit toe moes ry om ook aandklasse aan te bied nie . Wat se twak argumente word tot vervelens toe opgebring .
Dankie Betzie! EN niemand het my pa jammer gekry toe hy voor werk en na werk seker in totaal 30 of meer klilometer met n fiets moes gery het om sy geleerheid te kry nie en nog vir sy vrou en – twee kinders (op daardie stadium) – tenvolle gesorg het deur n voltydse werk nie.
Die ding is ons het nie die Europeër se stryd ( struggle) vergeet nie . Daarom is ons verwysingsraamwerk anders .
BETZIE EN RIEMPIES
Wys net nogmaals, ons ouers en voorouers KON DIT DOEN – en ek wil versigtig vra, is ons nageslagte bereid om weer deur hierdie moeilike tye te gaan, bereid om EERS te kruip voor hulle kan loop ?
NeeTrippie – as daar is, gaan dit min wees.
Dink ook so .
Van Niekerk en n hele paar ander kamerade het Universiteit Stellenbosch van Afrikanertrots gestroop en beroof, en Afrikaans n verpletterende nekslag toegedien. Vir solank as wat die US n staatsinstelling bly, sal Van Niekerk en sy kamerade voortgaan om die Afrikaner en Afrikaans te vernietig. Pos, posisie en pensioen is al wat vir hierdie staatsamptenare nog saakmaak. Hulle “etiek” is uiters verdag en stink!
Ons sal n gesprek moet begin oor die mooie beeld van Jannie Marais wat daar op die groot (rooi) binneplein staan. Indien hy vandag nog geleef het, sou hy verseker nie met daardie instelling geassosieer wou wees nie.
Van Die Kerk is die tiepiese LIBERALIS, wat hase “doen” in die duister. Rupert betaal seker vir sy snert praatjies en self verhefing na “LIBERALE GOT” status.
Die “slegtheid” in Afrikaans het juis sy oorsprong by LibTurds soos Van die Kerk. Hulle was nog altyd by ons en soos n luis wat parasiteer op die gasheer, kan hulle nie selfstandig bestaan nie maar moet vertrap, steel, verteer en leegsuig om hulself goed te laat voel……hulle doen dit vir hulle pensioene…… Deur die Afrikaner sleg te se sal ander hopelik nie na sy slegte kant kyk nie.
Kyk waar het die “slegte Afrikaners” in die wereld gekom, meeste van ons mediese mense sit oorsee a.g.v. vrot, LibTurds soos Van Die Kerk, Flatwheel en sy Botha voorgangers.
As die Afrikaner so sleg is waarom het dit die wereld meer as 300 jaar geneem om die groot “euwel” van Apartheid tot n einde te bring?
Waarom stroom die libs, swartes en soutties na die frikaanse instellings? want hulle weet dit WERK.
Van Die Kerk, jy sal altyd as Liberaal n parasiet wees, niks meer. Wanner die “gasheer” julle afgooi, gaan julle mede maters julle vertrap.
Hoe gaan met jou ander uitgeweke liberale proffie wat die girls by UJ bykom, ou mater kopdoek? Your brotha from anatha motha.
Waarom kan mens nie vra dat die wit studente met goeie akademiese skoolprestasies by een Afrikaanse universiteit geakkommodeer word nie ? Veral nadat hulle by die ander universiteite weggewys is .
Vra? Nee betzie – hulle verstaan net die woord “demand”
Doktor Thomas Sowell het eendag die vraag gevra – hoekom is dit dat sulke liberale ideoloe hulle altyd inwurm by plekke waar hulle ideologiese onsinnighede nooit die toets van werkbaarheid kan slaag nie. Die eenvoudige antwoorde is dat mense soos van Niekerk, Kopdoek Croukamp, Max du Preez. Leon Wessles, Frans Cronje et al pratende koppe is wie se verhouding met realiteit jare terug al in die skeihof geeindig het. Hulle hou hulle op met beuselagtighede wat op die langer duur baie moeilikheid vir iemand anders as hulself besorg
Ek verknog my aan die idee dat van Niekerk juis ‘n rykmans seuntjie is anders sou hy geweet het dat die Afrikaner hom ook in haglike omstandighede gevind het (en vandag weer doen) – en ook nie dekades gelede nie maar so onlangs soos die 70’s en 80’s.
My Vader het vir maande ver van die huis gewerk, daar was nie ‘n luuksheid soos ‘n motor of wasmasjien nie om nie eens te praat van ‘n huis/krag/water verniet vanaf die staat ontvang nie. Jy moes loop waar jy wou wees, klere met die hande was en deurkom met die karrige salaris wat jou vader verdien het. Skandelik so het my Moeder net twee stelle onderklere gehad – een aan die bas en een in die was – tot dit net toings was.. Maar sulke verhale sal van Niekerk nie wil aanhaal nie want dit sluit nie aan by sy verkose retoriek nie. Dit is ‘n ongemaklike waarheid en die hemele weet dat waarheid die Liberaal Vertraagde se grootste vyand is
Nee wat, die van Niekerk tipe van mense wil moraliseer oor dinge waaroor hulle weinig begrip of empatie het en boonop hulself op die skouer klop.
Ek vind dit interresant dat so baie van hierdie Afrikaner Liberaal Vertraagdes uiteindelik opeindig as alkoholiste – julle weet van wie ek praat – is dit om hulle gewetens te sus of om die demone van hul dade tog tydelik net te doof?
Hulle probeer seker die geraas tussen die ore met alkahol verdrink.
Dis sodat die helsems kan SLAAP want slaap ontwyk hulle geheel en al met hulle verraad! Gee hulle toue dat hulle hulself kan hang soos Judas!
Abel Malan, waar is jy? Lyk my daai vorige klap was nie taai genoeg nie.
Nog ‘n klomp verbale diarree van nog ‘n kakademikus wat sy gasie moet regverdig. SUGGGG!!
Iets wat ‘n mens dronkslaan is dat hierdie mense nie besef nie, dat hulle op die ou einde self die slagoffers gaan wees van ‘n beleid wat hulle ten alle koste bevoordeel ongeag van hulle intellektuele of akademiese meriete. U stel dit sagkens mnr. Lemmer, maar dis reeds meer as duidelik dat die buiteland uiters huiwerig is om erkenning te gee aan mediese kwalifikasies aan Suid-Afrikaanse universiteite behaal na 1994. Wat anders kan verwag word van mediese fakultieite waar Bangladeshis en Kubane voorkeur kry wanneer dit kom by akademiese aanstellings bo hoogs gekwalifiseerde (blanke) Suid-Afrikaners. Ons word ‘n piesangland en almal weet dit. Dankie aan Anton Van Niekerk hiervoor.
Nou net iets anders mnr Lemmer. U stuk is, soos altyd uitstekend geskryf, maar by die lees daarvan kan ek nie anders nie as om te wonder: Meen u daar is aan die situasie op Stellenbosh en ander SA universiteite nog salf te smeer? Help dit om daaroor te skryf en te praat? Ek het vantevore die staaltjie vertel van hoe ek in die poskantoor in Hermanus teenoor ‘n vooraanstaande (Afgetrede) Afrikaanse akademikus die posisie van Afrikaans op Stellenbosch betreur het en hy sumier sy rug op my gedraai het. Is dit nie maar die enigste reaksie wat ons van die nuwe Stellenboschers kan verwag nie, nl. dat hulle ons, as “regses” die rug sal toekeer? Daarin geniet hulle tog die steun van die regering asook die meerderheid van die buitewêreld. Trouens dit is klaarblyklik die oogmerk van die Anton Van Niekerks om die guns van die regering en die buitewêreld teen elke prys te probeer wen, d.w.s. selfs as hulle ons taal daarvoor moet opoffer.
Gaan ons die posisie van Afrikaans op Stellenbosch regtig nog red? Is daar nie miskien maniere waarop ons ons tyd en energie en breinkrag beter kan bestee nie? Soms wonder ek of ons nie maar net rustig moet sit en wag dat die Universiteit van Stellenbosch vanself in duie stort nie, iets wat op die pad wat die universiteit nou loop, onafwendbaar lyk.
Van Niekerk en sy mede-Stalinboschers, soos Esterhuyse, Terreblanche et al het carte blanche (of is dit carte noir) om wit Afrikaanssprekendes ten alle koste te verdoem, danksy ondersteuning van ‘n drekpublikasie soos Die Burger. Laasgenoemde is besig met breinspoeling van genoemde groep. Wolf in skaapklere. Die 3-tal en hul trawante bly egter n verleentheid vir diegene wat moedig bly stry teen die duiwel in ons midde.
Dit is baie hartseer dat so n kultuur historiese universiteit soos Stellenbosch so ten gronde gerig is deur blankes wat oor geen patriotisme beskik t.o.v. die geskiedenis van die universiteit of die Afrikanervolk wie hom opgerig het nie.
Hierdie mense wat die universiteit en sy standaard, kultuur en siel verloën het en help vertrap het kan
ontmoontlik deel van die Afrikanervolk genoem word – hulle mening kan beswaarlik enige respek verdien – hulle lamlendige submissie aan die gedegradeerde standaarde waartoe hulle hierdie pragtige eerste wereld standaard universiteit verdoem het – moet hulle mee saamleef tot hulle skande. Hulle moet saam met hulle verraad lewe en soos FW de Klerk in die geskiedenis van die Afrikanervolk
met minagting na verwys word as die skandemakers van hierdie eens eerstewereld kultuur historiese universiteit van die Afrikanervolk.
Ek sekondeer !
Puik kommentaar Riempies !
Mnr Lemmer, ek het die grootste agting vir u waardevolle bydrae ten behoewe van ons volk en taal. Met die beste wil in die wêreld sou ek dit nie beter kon doen nie. Nietemin, as mense wat by magte is om die kanker te stop, soos u sê, aktivering nodig het om hulle eie taal te red, wonder ‘n mens hoe hulle inderdaad by magte kon wees om enigiets betekenisvol te verrig. Hoewel gedagtes van hierdie aard nie juis welkom is onder praag lesers nie, is my vraag in wese: Wat is die beste manier om die Afrikaner en sy kultuur te beredder te midde van ‘n situasie waartoe hy willens en wetens geabdikeer het? Ons kan, en sal nooit weer kan terugwen wat ons weggegee het nie. En dit sluit die Universiteit van Stellenbosch in. Alles in ag genome lyk ‘n soort Oranië opsie op die ou einde na die beste oplossing. Mense kan daaroor lag natuurlik, maar dan moet hulle maar met die Stellenbosch opsie saamlewe, soos baie reeds besluit het om te doen.
Karel ons sal vir eens en vir altyd moet besef dat indien ons Afrikaans en die Afrikaner wil red dan sal ons ‘n gedeelte van die Afrikaner gemeenskap moet afskryf as ‘n verlore saak juis omdat hy vasgevang is in die conundrum van sy eie oorgawe. Dit is altyd die minderheid wat vir die merderheid opstaan en veg.
Dat dit Prof van Niekerk ontgaan dat hy self by uitstek ‘n kultuur promoveer, die Anglo-Amerikaanse kultuur van die kommodifisering en globalisering van alle dinge (soos opvoeding) is te verstane, want sy aansienlike besoldigingspakket hang van daardie selektiewe insigloosheid af (nié van sy selflose humanisme nie).
Tipies ook van die bankrot mammonistiese liberalisme word die uitsondering tot reël verhef, soos Dr. Dan tereg opmerk. Die uiteinde is dat die liberale gewete gesus word omdat inklusiwiteit derhalwe nou suksesvol bereik is. Ons is weer terug in die Amerikaanse psige waar ‘minority empowerment’ en anglifisering mekaar veronderstel. Hy vergeet dat in SA hy tien ‘Ganyas’ moet oplewer vir elke ‘Gerhard’ voor hy homelf as kampvegter vir transformasie op die skouer kan begin klop.
Net soos met die geval van FW de Klerk weet ‘n mens nie of die onnoselheid van geld of ‘n doelbewuste vernietigingsdrang die grootste dryfveer van hierdie waansin is nie.
Verder is dit verstommend dat dieselfde ‘establishment’ wat sedert 1976 huil en sanik oor Afrikaans in almal se kele afgedruk is wat nou vir ons kom se verengels óf ons noem jou ‘n rassis, of ‘n wit supremasis of (behoede) ‘n regse. Die dubbelstandaarde is so ooglopend dit is ‘n kwessie van “hiding in the open”. As hierdie Van Niekerk enige snars integriteit gehad het dan het hy sy eie argument gebruik om sy pos af te staan aan ‘n swart akademikus met ‘n minder aanstootlike (Afrikaanse) naam en ‘struggle credentials’. Maar nee, hy beswadder die Afrikaners én aanvaar sy lekker vet BEE tjek. Wat ‘n galgespul.
Willem , jou kommentare is iets om na uit te sien op hierdie webwerf .
Mooi saamgevat, Willem!
Leon tot op hede is die integriteit van die PUK nog redelik ongeskonde, moet ons nie daarom met alles tot ons beskikking veg vir die behoud van die PUK nie?
Daar is geen diskriminasie by die PUK nie bloot net wat daar moet, en behoort te wees – toelating deur meriete as norm, met die aanstel van leerkrag en studente keuring.
Die ANC het al die ander universiteite wat ons Afrikaners gebou het geafrikaniseer en die wereld standaard natuurlik ook daarmee verongeluk.
Seer sekerlik het ons die reg tot een universiteit om in ons taal Afrikaans,
Afrikaanssprekendes mense op te lei, ek droom selfs van n mediese fakulteit en
later ook n veearts en nykunde fakulteit daar te stel.
Erens moet ons ons rug styfmaak deur die ANC se onmenslike plunder en vernielsug met alles tot ons beskikking suksesvol te opponeer.
Die posisie aan PUK verskil in minstens een ernstige opsig van die ander vier eens Afrikaanse universiteite. By laasgenoemdes is van ‘n blanke rektor na ‘n bruin rektor getransformeer, in die waan dat dit minder skadelik vir Afrikaans en Afrikaners en ander blankes sou wees. Aan PUK is daar direk van ‘n wit na ‘n swart rektor oorgegaan en daarby een wat nie net militant ANC-gesind is nie, maar iemand wat glo nou eers Afrikaans wil begin leer. Beeld het hier ‘n bedenklike rol gespeel. Ek het dadelik gepleit dat die besluit oor Kgwadi hersien moet word, maar daarvan het niks gekom nie. Dit is nag, maar ons moet probeer om die duisternis te bestry.
Ek lees vanoggend dat die NWU darem die Wessels verslag verwerp . Wat is jou mening daaroor ?
Ek het al kommentaar op die gebeure op die Potchefstroom-kampus op Praag gelewer; die jongste op 8 deser. Ek het ook weer op Karel Combrinck se opmerkings gereageer, maar dit is nie gepubliseer nie.
Ek sou baie graag wou weet wat u reaksie was. Kan u dit nie herhaal nie asb?
Wat die seerste maak is die wete dat Afrikaners, as hulle werklik wou, ‘n stokkie voor hierdie ontwikkelings sou kon steek. Dis die WIL wat ontbreek en niks anders nie. Maar soos gesê, kan ‘n mens regtig iets anders verwag van mense wat hulle eersgeboortereg afteken? Tog wil ek u siening dat ons die duisternis moet bestry ondersteun, wetende dat dit omtrent net Praag is wat bereid is om dit te doen. Miskien moet ons die leuse van die Hugenote ook amptelik die leuse van Praag maak: POST TENEBRAS LUX!
Dankie mnr Lemmer. Lyk dus asof daar hoop is vir die PUK. Ons hou duimvas vir hulle.