So raadop soos HG Wells?

Die wetenskapfiksieskrywer HG Wells, waarna Leon Lemmer verwys
Die wetenskapfiksieskrywer HG Wells, waarna Leon Lemmer verwys

deur Leon Lemmer

Dit gebeur glad te selde dat ‘n werklik sinvolle brief in ‘n koerant gepubliseer word. J Hagen sr van Durbanville se brief (Die Burger, 27 Des, p 13) is ‘n welkome uitsondering. Dit is duidelik dat hy nagedink het voordat hy die brief gestuur het. Ek lewer tussen vierkantige hakies kommentaar.

“Die skokkende chaos waarin ons land verkeer, tref my diep – net soos vir duisende ander Suid-Afrikaners … die volgende [sal] ten minste gedoen moet word om die werkloosheid, armoede en vermorsing van belastingbetalersgeld die hoof te bied:

  • Raak (heel eerste) ontslae van pres Jacob Zuma. Hy is ‘n verleentheid vir ons land; [Eintlik was/is al die staatshoofde van die nuwe Suid-Afrika myns insiens ongewens, onder meer omdat hulle pro-kommunisties en anti-blank was/is.]
  • Wettig die doodstraf vir bewese moord; [Die doodstraf is noodsaaklik in nie-ontwikkelde of nie-beskaafde samelewings, want radikale en geweldadige weerwraak is wat sulke mense verwag en verstaan.]
  • Pas instromingsbeheer uit die buiteland toe. Ons het nie eens genoeg werkgeleenthede en behuising vir ons eie mense nie; [Ander negatiewe gevolge is die invloei van armlastiges en misdadigers en die vermurwing van plaaslike kulture. Die tragedie is dat die DA ingevolge sy liberale ideotisme pro-immigrantinstroming is en selfs die ANC kritiseer omdat die regering onwettige immigrante glo nie goed genoeg behandel nie.]
  • Gee aandag aan die bevolkingsaanwas. Bestaande kindertoelaes moedig geboortes aan en is onvolhoubaar; [Ooreenkomstig tradisionele Afrika-kultuur predik die ANC nie geboortebeperking nie. Polities korrek rep die DA geen woord oor hierdie saak nie.]
  • Skep so gou moontlik meer opleidingsgeriewe om die ongeskooldes vaardighede te leer; [Beter skoolonderrig, ‘n groter verskeidenheid naskoolse opleidingsprogramme, meer en beter geriewe en veral beter onderrigpersoneel, aangestel ingevolge bekwaamheid, is nodig.]
  • Alle werknemers moet harder werk en met ‘n kleiner vergoeding tevrede wees. Soos sake tans staan, sal ons nooit mededingend met ander lande kan wees nie; [Die beginpunt behoort die afskaling (minstens 50%) van die vergoeding van politici en amptenare in die sentrale, provinsiale en plaaslike regering te wees.] en
  • Laastens moet ons tot elke prys ‘n ander regering kry. Die huidige regering bewys oor en oor dat hy magsbehep en spandabelrig is.” [Dié regering is ook onbekwaam en daarom ondoeltreffend. Wat noodsaaklik is, is nie bloot ‘n ander regering nie, maar ‘n heeltemal ander staatkundige bedeling, bv stemreg slegs aan nie-misdadige funksioneel geletterdes wat inkomste- en munisipale belasting betaal. Die politiek, parlement en regering sou dan kwalitatief baie beter daar uitsien.] Tot hier Hagen se brief.

Wanneer ‘n mens jonk en gelukkig (of ten minste tevrede) is, sien jy kans vir problematiese situasies. Jy is dan geneig om lig aan die einde van selfs die langste en donkerste tonnel te sien. Wanneer jy ouer en wyser is, is jy geneig om meer skepties oor die vooruitsigte te wees. Die politieke ramp wat Suid-Afrika in 1990/1994 getref het, het plaaslik op alle terreine apokaliptiese afmetings aangeneem. Daar is geen vooruitsig dat die land ooit van hierdie terugslag gaan herstel nie. Die rede waarom sommige jonger mense hoop het, is nie net omdat sulke mense geneig is om optimisties te wees nie. Dit is ook omdat die jonges nie die ellendige hede met die (ten minste potensiële) voortreflikheid van die verlede kan vergelyk nie. Jong mense het immers nie die Suid-Afrika van weleer eerstehands geken nie en word dikwels wan daaroor ingelig.

Suid-Afrika het voor 1990 deurlopend ‘n geskiedenis van evolusionêre politieke verandering gehad. In 1990/1994 was daar ‘n totale breuk met dié geskiedenis; dus presies wat die ANC begeer het, naamlik revolusionêre verandering. Die mandaat wat die meerderheid blanke kiesers aan FW de Klerk gegee het, was onderhandeling vir magsdeling. Hierdie kiesers het dit in die 1992-referendum gedoen nadat die Nasionale Party sy veldtog onder die vaandel van teenkanting teen meerderheidsregering gevoer het. Op ‘n verraderlike wyse het die grondwetlike onderhandelings meerderheidsregering in sy uiterste vorm tot gevolg gehad en daarby sonder dat die blanke kiesers toegelaat is om, soos in 1992 plegtig belowe is, hulle vir of teen hierdie resultaat uit te spreek. Die verraad was en is dus van ‘n tweeledige en hemelskreiende aard.

Net ‘n klein groepie Afrikaanssprekende blanke politici was medepligtig aan hierdie ruggraatlose magsoorgawe. Na al die jare is dit vir my steeds onmoontlik om te glo en aanvaar wat hierdie groepie die blankes (ons en ons nageslag) en die land aangedoen het. In die hede is van die ontstellendste verskynsels dat hierdie verraaiers dit moreel in orde vind om steeds in die openbaar te verskyn en dan verering, of ten minste begrip, vir hulle wanprestasie verwag. ‘n Gesofistikeerde, vooruitstrewende land wat oor eeue ontwikkel is, is verkwansel aan ‘n klomp immorele, misdadige* kamerade wat alles in hulle vermoë doen om af te breek wat onder blanke leiding opgebou is. Hulle het na die magsoorname spoedig laat blyk dat hulle bekwamer brekers as bouers is. [* Ilana Mercer verwys na “jail birds” (Praag 29 Des).]

My totale onbegrip, selfs na verloop van twee dekades, vir die graad van politieke dwaasheid wat tydens my lewe in my vaderland gepleeg is, laat my dink aan die laaste boek (eintlik pamflet) wat die befaamde Britse skrywer HG Wells (1866-1946) gepubliseer het: Mind at the end of its tether (San Francisco: Millet Books, 1945/1973, 34p). “In that invincible ignorance of the dull mass lies its immunity to all the obstinate questioning of the disgruntled mind” (p 8).

Van geen beskaafde, meelewende, rasionele wese kan met enige reg aanvaarding van die verregaande 1990/1994-bedrog verwag word nie. “There was no reason whatever in it. It happened so” (p 27). Dit is ‘n nagmerrie wat in die werklikheid afgespeel het en waarvan die katastrofale gevolge oral in die land sigbaar is. Nie net die huidige geslag nie, maar ook geslagte wat kom, sal (as hulle nie aan die situasie kan ontvlug nie) hulle weg in hierdie onverkwiklike chaos moet probeer vind. Vir die Westerling kan afrikanisering nooit ‘n plaasvervanger vir Westerse beskawing wees nie. In tradisionele Afrika-kultuur kry Westerse beskawing moeilik ‘n vastrapplek. Dit is soos om te poog om verkoeling in die hel te installeer.

Wells het geweet hy is in die laaste jaar van sy lewe. Hy het die vernietigende gevolge van twee wêreldoorloë beleef. Wells se einde, die vernietiging van sy self, was naby. Hy voorsien “a voiceless limitless darkness” (p 15). Daar was geen manier hoe hy sy situasie kon verbeter nie. Sy toekoms was sonder ‘n horison. Hy is met “mental defeat” gekonfronteer (p 9). Wat hy waargeneem het, het nie meer sin gemaak nie: “Is this all?” (p 14). “A harsh queerness is coming over things and rushes past what we have hitherto been wont to consider the definite limits of hard fact” (p 8).

“All through we have the same spectacle of beings over-running their means of subsistence and thrusting their fellows out of the normal way of life into strange habitats they would never have tolerated but for that urge to live, anyhow and at any price, rather than die” (p 10-11). Al wat oorbly, is wanhoop. Wells se gees, hy as mens en skynbaar ook die wêreld of werklikheid, was raadop. Daar was “the distressful fate that closes in upon us all” (p 16). “Everything was driving anyhow to anywhere at a steadily increasing velocity” (p 5). Die resultaat is “incredible chaos” (p 6).

Dwarsdeur die geskiedenis was dit begaafde indiwidue en kundige minderhede (en nie die meerderheid of massa nie) wat die gang van gebeure en die lot van die mensdom bepaal het. In Wells se laaste sin is daar ‘n sprankie hoop: “But my own temperament makes it unavoidable for me to doubt, as I have said, that there will not be that small minority which will succeed in seeing life out to its inevitable end” (p 34). Vroeër het hy geskryf: “Only a small, highly adaptable minority of the [human] species can possibly survive” (p 30). Nou het hy daardie hoop ook laat vaar. Wells het in laaste instansie sy hoop sekerlik nie op die gepeupel gevestig nie en selfs nie op indiwiduele mense nie, maar op ‘n nuwe spesie, “Over-man” (p 5), dus op na-humanisme (Praag 24 Nov): Daardie nuwe spesie “will certainly not be human” (p 19).

Wat in linkse geledere graag “die wonder van die nuwe Suid-Afrika” genoem word, is in werklikheid die spreekwoordelike bomenslike gemors wat FW de Klerk en kie van die grondwetlike onderhandelings gemaak het. Die resultaat is onterend vir beskaafde mense; eintlik die skepping van werklik onmenslike omstandighede wat skynbaar net deur tans nie-bestaande supermense ongedaan gemaak sal kan word. Daardie supermense sal nie gedurende my leeftyd hulle opwagting maak nie. Ek sal in die chaos van die nuwe Suid-Afrika doodgaan. Dit stel min of meer my pessimistiese standpunt.

Met die blankes in Rhodesië/Zimbabwe en Suidwes-Afrika/Namibië kan gesimpatiseer word omdat hulle hulle lank teen magsoorgawe verset het en eers ondergegaan het nadat die NP-regering sy steun aan hulle onttrek het. Insgelyks geniet die Israeli’s dwarsoor die beskaafde wêreld wye steun omdat hulle die moed van hulle oortuiging het om diegene te beveg wat wet en orde bedreig en wat die ondergang van hulle nasiestaat nastreef. In die geval van blanke Suid-Afrikaners en veral Afrikaners is die simpatiemat onder hulle uitgetrek, want ‘n groepie van hulle eie mense het op ‘n uiters sluwe manier hulle de facto ondergang veroorsaak. Dit kom dus op selfvernietiging neer.

Op die Praag-webwerf word egter gevra dat ek met konkrete voorstelle moet kom oor wat gedoen kan word om ons situasie te verbeter. Die posisie van regse blankes in Suid-Afrika is soortgelyk aan dié van regses in Europa. In albei gevalle word regses in die openbare media nie regs genoem nie, maar as ver-regs geëtiketteer. In Europa word regse politiek as gevaarlik beskou omdat dit met die Nazi’s geassosieer word. In Suid-Afrika word regse politiek taboe geag omdat apartheid as iets ongoddeliks sleg voorgestel word en daar beweer word dat die regses apartheid wil terugbring.

In albei gevalle word die meeste regses se strewe doelbewus onjuis voorgestel. In hierdie konteks kan ‘n sterk saak teen etikette soos “regs” en “rassisties” uitgemaak word. In sowel Suid-Afrika as Europa gaan dit by hierdie sogenaamde (ver)regses oorwegend om identiteitspolitiek en nie om die bevordering van naakte rassisme ingevolge waarvan nie-wittes bloot op grond van velkleur geminag word nie. Dit gaan om die reg om jou eie kultuur, jou manier van dink en doen, insluitende jou eie taal, in jou eie veilige, welvarende omgewing, letterlik in jou eie tuisland, verkieslik ‘n nasiestaat, uit te leef. Dit is nie links of regs nie. Dit is in die kol.

Die punt is dat dit in Europa te kort na die Nazi’s (1945) en in Suid-Afrika te kort na apartheid (1990) is om groot steun vir identiteitspolitiek te verwag. In Suid-Afrika is blankes se posisie bedenkliker as in Europa, nie net vanweë hierdie korter tydsverloop nie, maar ook weens die immer groter wordende, dus verswelgende, getalsoorwig van die swartes. Daarom is ek so raadop soos HG Wells.

Wat kan hieromtrent gedoen word? Soos sommige regses in Europa wend ek my tot metapolitiek. Ek stig nie organisasies nie. Ek plant nie bomme en landmyne soos Nelson Mandela en sy kamerade gedoen het nie. Ek probeer duidelikheid kry oor wat aangaan. Ek probeer ons lot verstaan sonder om dit te aanvaar. Dit is my erns. Namate ek vorder, sal ek al hoe meer kan besin oor hoe (en nie “of” nie) en wanneer ons uit hierdie onverkwiklike situasie kan kom. Ons moet eers weet en verstaan en dan doen. Dit is waarom ek op die Praag-webwerf skryf.

26 thoughts on “So raadop soos HG Wells?”

  1. Ons Afrikaner op alle vlakke moet die volgende uitsprake van
    Albert Einstein in gedagte hou:

    “Weakness of attitude becomes weakness of
    character.”

    “Great spirits have often encountered violent
    opposition from weak minds.”

    Die ANC moet die uitsprake van Albert Einstein ingedagte
    hou:

    “Sometimes one pays most for the things one gets for
    nothing.”

    “Technological progress is like an axe in the hands of a
    pathological criminal.”

  2. Leon, soos gewoonlik, IN DIE KOL.

    Sonder aanhaling van baie woorde, is ek van mening dat elkeen van ons sogenaamde (ver)regses kan identifiseer met elke punt soos deur jou uitgespel.

    Ons mense SAL uit hierdie onwerklike situasie kom, inderdaad, nie in my leeftyd nie, maar wel. Die hoop mag en sal nie beskaam.

    f w de klerk sal onthou word as die grootste verraaier van alle tye.

    NS: Vandag se artikel het soos ‘n droom gelees, ek het nie een keer nodig gehad om my woordeboek nader te trek nie ;).

  3. Die “Regses” verstaan hierdie tipe politiek uistekend goed. So goed dat hulle de klerk daaroor gewaarsku het. Eugene Terreblanche het dit vanaf verhoë gegil.
    Presies soos wat dit destyds gemaan was om nie te doen nie, en ook wat die resultaat daarvan sal wees, speel nou voor ons oë af.
    Wat hier verstaan moet word is die motief van die liberaliste. Waarom hulle nie hierdie chaos, wat hulle ook tref, wil afsweer nie. Waarom klou hulle so vas daaraan.
    Aan swartes en hulle gewoontes en gelowe kan daar niks gedoen word nie. Dit is ook nie te danke aan hulle mag wat hulle as die septerswaaiers aan bewind hou nie, maar juis die liberale top struktuur binne hierdie blanke bevolking in die land.
    Wat is die onsigbare mag wat liberalisme aan die lewe hou, se motief???
    Ek kan nie glo dat daardie “onsigbare Mag” nie sien wat gebeur nie. Ek glo ook nie dat hulle hulle eie propaganda glo nie. Dat hulle ‘n groot aanhang van idiote het is gewis.
    Stel net eenvoudig vas wie die ware mag besit, en waar hulle is. As alle blankes in hierdie land oornag besluit dat dinge nie meer ‘n duim verder gaan versleg nie, dan is hierdie regering ook oornag in sy donner in. Op geen manier kan en sal hulle die mas opkom nie.
    Ons oorlog is teen ‘n onsigbare mag wat net die politiek gebruik om ‘n sekere groep humanistiese mense, wat ook liberaliste genoem word, te misbruik vir ‘n onbekende rede en doel.
    Snuffel hierdie mense uit, elimineer hulle, en ons samelewing is weer normaal.

    1. Hierdie mag is pure boosheid wat alle morele standaarde wil afbreek en versplinter, met die doel om samehorigheid iets van die verlede te maak. Dan is hulle werk soveel makliker om enige en alle “wette” op ons af te dwing sonder enige weerstand. Die einde van Christendom en die begin van die wêreld geloof van die dier is hulle einddoel. Maar daar wag `n moerse surprise vir hulle en hulle swart pione. Dink ek.

    2. Wat is die onsigbare mag wat liberalisme aan die lewe hou, se motief???
      Interessante vraag Arnie. Ek het nie die definitiewe antwoord nie, maar ek glo dat dit grootliks te doen het met die globale elite wie hierdie liberaliste vir hulle eie doeleindes beheer vir doeleindes van oorlewing en oorheersing. Mens moet ook onthou, dat instansies soos die Afrikaners pers en akademia, sowel as politieke, kulturele en arbeids organisasies soos Solidariteit, VF en FAK, grootliks verantwoording doen aan die Suid Afrikaanse grootgeld elite, wat op hulle beurt pione is van globale regerings en grootgeld magte.Hierdie magte sien enige vorm van nasionalisme as ‘n gevaar wat teengekant moet word.

  4. Ek klassifiseer my nie as ‘n rassis nie, ek klassifiseer my as ‘n realis want ten spyte van wat ek in privaat gesprekke en op forums voer is dit voor die hand liggend hoe hierdie regering in twintig jaar die eens juweel van ‘n land wat hulle op ‘n skinkbord gekry het deur ‘n klein groepie verraaiers wat die meerderheid blatant bedrieg het, maak ek volgens sommiges rasistiese gevolgtrekkings. En dit gebeur met al ons sogenaamde regses (realiste).

    Die vraag ontstaan elke keer hoe gaan ons hierdie land weer terug draai soos wat hy was toe dit van die beste gesondheidsorg, onderwys, infrastruktuur, weermag ens. gehad het, bygesê ons was ‘n trotse nasie ook.

    Ek is baie oortuig dat die verlede begrawe moet word, om aan te hou hammer wie ons uitverkoop het, wie ons in die rug gesteek het, gaan ons nêrens bring want dan word daar net gefokus op die negatiewe wat die kriatiewe haalbare planne verhoed om tot ‘n werklikheid te kan kom. ‘n Baie goeie voorbeeld is wat ek al gehoor het is: Jaag die swartes in die see. Nou ja elke regdenkende mens sal besef dit kan nie gebeur nie. Stig klein groepies en probeer die regering omverwerp. Die bewyse is daar dat met vuur gespeel word. Kry iewers ‘n plat stuk grond en stig ‘n boerestaat. Daar is nog nie met ‘n duim gevorder nie.

    Ek begin ook al soos baie realiste besef dat dit nie in my leeftyd sal gebeur nie, maar wel wonderwerke gebeur nog.

    Leon, jou artikel is weereens uit die boonste rakke. Ek moet bieg, ek gee nie om om alles wat jy geskryf het te vergeet nie maar jou laaste paragraaf stoor ek op ‘n veilige plek. Dit som alles op.

    1. More Trippie.
      Die Afrikaners wens nou al vir jare dat daar ‘n “Leier” moet opstaan onder ons. As daar dan een is wat vorentoe tree, dan word hy voor die voet afgeskiet. Ek beweer nie dat dit hier die geval is nie , maar as dit so aangaan sal daar nooit iemand wees wat sal wil opstaan nie. Ek ken nie die persoon waarna jy verwys nie. Sal tog gaan opsoek, of het jy ‘n link???

          1. Arnie, die ENIGSTE rede waarom ek bewus is van hierdie persoon, was dat een FB vriend gevra het, waar kom die man vandaan, orals “pop” die man op. Wel, uit 76 reaksies wat dit uitgelok het, was 75 deelnemers dit eens, hy is VALS.

            Ek plaas een van Sunette se antwoorde hier :

            Sunette Bridges Johann Botha, blindelings aanloop agter mense wat oop en bloot lieg, is verseker nie die pad vorentoe nie. Dis juis hoekom ons is waar ons is. Lees weer deur die kommentare en sien dat jy die enigste een hier is wat dink die Advokaat is ‘n “Redder” van ‘n soort… en wat is dit wat hy kan doen waarin ons hom moet ondersteun?

            Hy lieg vir mense… vertel sy “advies” is gratis en gee dan ‘n e-posadres. Sodra dit kom daarby dat hy moet raad gee, dan soek hy geld en dit terwyl hy NIE op die advokate rol is nie en NIE mag regsadvies gee nie… Sx

          2. ” Lees weer deur die kommentare en sien dat jy die enigste een hier is wat dink die Advokaat is ‘n “Redder” van ‘n soort… ”
            Nou waar op aarde het ek dit gesê?? Ek het nog nooit van die vent gehoor tot vandag nie.
            Lees weer my skrywe, en verstaan dit korrek Trippie.
            Ek het nie verder as die derde sin in hierdie video gekyk nie, en het hom ook afgeskryf. Blykbaar het hy homself reeds as ‘n kwak bewys.
            Ek praat van mense wat nie eens die geleentheid kry om homself te bewys nie.Jaap Marais was een van daardie mense.En daar was vele ander ook gewees.

          3. Groot misverstand – die persoon wie Sunette aangespreek het, se naam het ek vervang met “****” ter wille van vertroulikheid. Ter verduideliking het ek vir jou e-pos gestuur.

      2. Enigeen wat opstaan en homself ‘n leier noem, of homself as leier voordoen, is nie ‘n leier nie.

        ‘n Ware leier, na my mening, handel soos hy handel, en dit is in die oë van die volk dat hy tot leier verhef word, aldan nie.

        Laasgenoemde proses het vanselfsprekend nie altyd ‘n goeie afloop nie; die volk skort aan denkvaardighede, reken ek. En om te herhaal wat ek vroeër hier geskryf het: PRAAG het ‘n belangrike rol te speel ten opsigte van die tuisbring, aanleer, promovering en vestiging van daardie denkvaardighede. (Inderdaad is dit die enigste volkseie organisasie in S.A. wat daardie doel voor oë het.)

        Youtube videos (vol religieuse opswiepery) en Facebook plasings (waarin gladdebek met die doodstraf omgegaan word) maak nie van mnr. Fourie ‘n leier nie. Kyk na die man se lyftaal. Dink oor die rol van die musiek. Ontleed sy woorde – tipiese politiese spraak: leeg en hol, dieselfde twak wat lewenslank vir ons vanaf die kansels van kerk en regering gevoer is. (Parasiet is die woord wat by my opkom.)

        Mnr. Fourie se tyd was sestig jaar gelede. Vandag sal ons beter weet.

        1. Vir my is daar net twee persone wat werklik iets tasbaars doen vir die Afrikaner/Boere volk.
          Jaap Kelder en Sunette bridgess.
          Beide van hulle gee deurloped, en feitlik daagliks inligting deur aan hulle ondersteuners.
          Dit is wat ‘n leier maak!!!

  7. Uitstekende rubriek Leon. Nie een van ons het die volkome antwoord nie, maar saam kan ons ‘n verskil maak. Of dit deur middel vam bewusmaking soos u en Dan hier op Praag, of deur burgerlike inisiatiewe soos die van Jaap Kelder of Sunette Bridges( Rooi Oktober), deur selfbeskikking instansies soos die van die Orania en Kleinfontein, sowel as ander pogings, is ons stadig aan die beweeg. Met die verkrummeling wat aangaan om ons, word die geleendhede al hoe meer. Bekostigbare skoolopleiding, sekuriteit, mediese dienste, voedsel verskaffing, energievoorsiening en uiteindeik onafhanklikheid is als geleendhede wat ons sal mot aangryp.

  9. Hoekom gaan mense wat meer weet as ons kommentators hier en maak
    n afvaardiging bymekaar en maak n afspraak met Flip Buys om i.p.v. hulle geld
    op hofsake te spandeer – hoekom bou hulle nie behuising vir ons blankes in
    plakkerskampe nie en kry n industrie op die been waar hierdie mense kan gaan
    werk en weer hulle selfrespek en menswaardigheid kan terug wen nie? Net dalk
    verras Flip ons – die ANC het geen probleem om net vir hulle swartes van
    behuising te voersien met ons blankes se belastinggeld nie.

  10. Ek was self weer in Orania gedurende Desember. Het by privaat mense oorgebly.
    Elke inwoner daar verskil van sy buurman. Daar is reeds iets soos veertien Kerke. Daar is selfs mense wat ander inwoners van liberalisme beskuldig.
    Die verskille in denke daar is nie groter as die waarmee ons hier op Praag mee sukkel nie.
    Wat almal mee saamstem is dat hulle saam met mekaar wil wees, en deur hulle eie mense regeer wil word. Dat hulle die reg moet hê om van mekaar te verskil.
    Dat nie een van daardie mense onder ‘n swart regering wil dien nie.
    Dat hulle kinders ‘n Christelikke opvoeding kry in ‘n skool en omgewing wat veilig is.
    Hier is ‘n goeie voorbeeld dat ons wel aan EEN projek saam kan werk, en ‘n sukses daarvan maak, ten spyte van ons verskille.
    Orania is so ‘n plek, en hulle is hoogs suksesvol.

  11. Ons is veilig terug van ‘n uiters inspireerende vakansie in die Kaap.
    Ja ek is ook lankal verby die Wells stadium wat Muzorkski se musiek beskryf : ‘Wanneer daar nie meer trane is is nie.’ En die eensame tjellospeler in Sarajevo se straat terwyl die skerpskutters mekaar se spelende kindertjies doodskiet.

    Ja inderdaad Leon is ek met jou met my hele hart en verstand.

    Maar ek bid soos Elisa vir sy slaaf gebid het toe hulle omring is deur die vyand ‘….. Ag Here maak tog sy/ons oge oop dat hy/ons kan sien dat ons BAIE meer is as hulle!!’
    Want
    Voor ons oge is die pragtige jeug van die volk besig om op te staan uit die vervloekte haatlike Nazi Nietzche Tsafendas drek van Vorster en die antigotters se moordenaars van Verwoerd.

    Want daar is iets nuuts geskep soos in Jeremia 31 vs 16 – 22. Die vroue sal die mans beskerm!! Ook die hele boek van Ester.

    My oortuiging is dat die liefde van vroue soos Rut ons volkie sal red want die mans het niks om aan te bied nie.behalwe ‘n eeu van Baalbokryers Freud, Marx en Nietzche en Tsafendas.

    Of hoe Johan de Waal oa?

  12. Hierdie artikel van Leon Lemmer, dr Dan se kommentaar daarop en die reaksie van die lesers is, m.i., ten spyte van die ietwat swaarmoedige toon (Blote nugterheid?) wat soms deurslaan, presies die gehalte wat ‘n mens van Praag verwag. ‘n Mens voel meesal soos ‘n stem roepende in die woestyn tussen jou naspes-lesende, es-y-bie-sie-gebreinspoelde volksgenote, maar die gehalte van bogenoemde is werklik ‘n riem onder die hart. Sou baie graag die dames en manne wou ontmoet. Dankie aan almal wat bydraes lewer – julle hou ons hoop lewendig!

  13. Goeie stuk. Ek waardeer dit wanneer iemand dinge reguit sê soos dit is, en nie omgee oor wat mense daarvan gaan donk nie. Want feite bly feite. Ek het onlangs met n familielid is S.A. gesels, een wat ook met perd oogklappe lewe…. Dis ongelooflik hoe astrant hulle raak as jy hulle jou konserwatiewe ( let wel, nie ver regse ) mening oor SA gee.
    Daar word vir my vertel hoe wonderlik Suid Afrikaanse mense is (?) en hoe die AWB skade aan ons gemaak het… Ek was verstom. Al wat ek genoem het was die swak stand vansake met Zuma en al die bedrog. Ek het nog nie eers by die res uitgekom nie…

    Ek het dit laat gaan want ek weet die arme siel moet nog met sy lewe daar aangaan elke dag. Terwyl ek ver hier in die buiteland nou bly.

    Ek skryf hierdie gedrag van blinde lib wittes maar toe aan die vrees vir die harde werklikheid. Dinge is net te sleg om te wil herken, so hulle verkies om in die bubbel van optimisme te bly. Dis makliker so.

    Ek kan nie so leef nie. Realistiese feite en waarhede van wat regtig om jou aangaan en om dit te erken is die eerste stap om iets omtrent die probleem te doen. Die meeste wit mense sukkel nog met hierdie eerste stap. Hulle verkies die droomwereld van skyn optimisme nes meeste alkoliste maar die drank eerder as die AA verkies…
    Maar die tyd help, net te stadig.

    1. Liezel ja dis waar dat mens moet kan aanpas om te oorleef / funksioneer. Enige plek in die wêreld.

      Die nuwe SA sou geheel lekker gewees het buite die NP AWB Gulag Nazi tronk en beleg – as dit nie vir die ontsaglike geweld was nie.

      Die wreedheid van die martelmoorde van wittes is onbeskryflik erg.
      Selfs die kurrupsie raak my nie direk nie tensy ek dink wat met daai gesteelde geld in die kriminele se sakke gedoen kon word vir my sekuriteit en veiligheid.

      Maar ons kinders kom terug van oorsee met oorseese vroutjies met sterre in hul oge oor die wonderlike natuur en baie werksgeleentheide omdat hulle gewoond is om hul werk self te doen sonder vervloekte swart goedkoop arbeid.

      Want die wittes word deur swart arbeiders doodgemaak.
      Vir die ou mense is daar Orania waar geen sekuriteitsprobleme is nie omdat daar geen swart arbeid is nie. Maklik.

      1. Jan jy noem hier n kernwaarheid – die moordenaars en rowers kry
        toegang deur jarelange “getroue” werkers wat allerande maniere het om die werkers se samewerking en toegang tot jou woning te kry.

        By geleentheid wat daar n rooftog by n privaat entrepeneur
        regoorkant my seun se huis was – is die twee rowers (met polisie uniforms) doodgeskiet en agter in hulle motor was daar n groot boek met bladsye vol name en adresse waarin geteikende mense oor maande dopgehou is en wat in die huise is en waar EN massas vuurwapens van olifant gewere tot klein pistole maar ook
        semi-outomatiese gewere in die kattebak. EN daar was ook nog bewysstukke van twee rooftogte wat alreeds die oggend plaasgevind het.
        Die probleem met ons mense is hulle WIL NIE glo dat hulle getroue huiswerker instaat is tot verraad nie.

Maak 'n opvolg-bydrae