Streeksnuus – Bladsy 7

Wapentransaksie weer onder loep

Die weeklikse koerant, die Mail & Guardian, het onthul dat die Skerpioene onlangs ‘n ondersoek aanhangig gemaak het om die multimiljardrandaankope van opleidingstralers en vegvliegtuie van die Britse maatskappy BAE Systems en Swede se Saab, vir ongerymdhede na te gaan.

Die kontrak se huidige waarde van R30 miljard, was die grootste enkele bedrag in die hele wapenaankooptransaksie.

Die koerant beweer dat sekere betalings wat BAE gemaak het, die R500 000 jaarlikse fooi wat ANC-president, Jacob Zuma, van Thales ontvang het, verdwerg. Daarby moet ‘n verdere R200 miljoen van die Duitsers vir oorlogsvaartuie bygevoeg word.

Brittanje se Kantoor vir Ernstige Misdrywe ondersoek BAE ook tans oor ‘n bedrag van meer as R1 miljard se omkoopgeld in die Suid-Afrikaanse transaksie.

Фільчаков прокурор

Skoonmoeder dink baba is ‘n kat

‘n Meisie van 17 jaar wat daarvan beskuldig is dat sy haar pasgebore baba in ‘n puttoilet afgegooi het, is vrygelaat met ‘n waarskuwing.

Sy is op Goeie Vrydag in hegtenis geneem nadat die skoonmoeder ‘n gehuil onder in die toilet in Hluvukani naby Bosbokrand gehoor het.

Die skoonmoeder het eers gedink dis ‘n kat, maar toe besef dit mag haar kleinkind wees aangesien haar skoondogter nie meer swanger was nie. Sy het daarna die polisie ontbied.

Die baba is na die Tintswalohospitaal geneem vir behandeling.

Diamantmynwerkers staak

Die Mynwerkersunie, die NUM, het gister bekend gemaak dat die Golden Falls-diamantmyn, voorheen bekend as Elandslaagte, tot stilstand gedwing is deur ‘n staking.

Werkers eis deur die bank ‘n 15% verhoging asook ‘n jaarlikse bonus. Hulle vra ook ‘n kostoelaag van R100 per maand en 18 dae per jaar vakansie.

Sethetso Raletooane, die NUM se streeksorganiseerder in Kimberley, het gesê die werkers vorm deel van ‘n gemeenskap wat gebuk gaan onder inflasie.

Die unie het Woensdag ‘n memorandum aan die bestuur oorhandig. Die staking sal onbepaald voortduur totdat daar aan die stakers se eise voldoen word.

game of thrones

Mboweni waarsku oor komende storm

Tito Mboweni, goewerneur van die Reserwebank, het verbruikers Woensdag gewaarsku dat hoër voedsel- en energiepryse hoër inflasie beteken.

Die VPIX-inflasie het deur die bank se boonste 6%-vlak gebreek en ‘n hoogte van 9,4% bereik in Februarie. Die rentekoersverhogings wat sedert Junie 2006 geld, het sover nie veel impak gehad nie.

Mboweni het aan die finsansiële portefeuljekomittee gesê dat Suid-Afrikaners ‘n baie moeilike tyd het wat vir hulle wag.

Na verwagting sal die Reserwebank se beleidskomittee ‘n volgende rentekoersverhoging by hul vergadering op 9 en 10 April oorweeg.

игры девочкам топкарго развод

Rassekwotas vir huise

Die eThekwini-stadsraad van Durban gaan rassekwotas gebruik om huise aan die lae en middelinkomstegroepe toe te ken.

Die kategorieë wat gebruik gaan word, is: swart, Indiër, kleurling of ander. Blankes word as ander beskou.

Die nuwe rassekwotas vir behuisingsprojekte is van toepassing op vier gebiede in Durban: Newlands, KwaMashu, Chatsworth en die Westville-driehoek.

Opposisiepartye het die kwotas as siosiogeniëring beskryf en gesê dat dit rassisme in die land bevestig. Die hoofsweep van die DA, Colin Gaillard, het gevra hoe bepaal gaan word tot watter rassegroep die aansoekers behoort.

Patrick Pillay van die Minderheidsfront het gesê dat integrasie in ‘n demokratiese samelewing deur mense se eie vrye wil moet geskied.’

Rassekwotas vir behuising is voorheen in die VSA in Chicago en New York ingestel, maar is sedertdien deur die Amerikaanse Appèlhof as onwettig verklaar, ongeag of dit integrasie of segregasie bevorder.

бак депутат лобановский

Konstabels wat onwettiges help, los

Nadat 13 reserwemagkonstabels in die Komatipoortse Landdroshof verskyn het op aanklag van korrupsie, is al 13 vrygelaat. Volgens die Mpumalanga polisiewoordvoerder, Leonard Hlathi, het die aanklaer die klagstaat verloor.

Die konstabels is verlede Woensdag gearresteer nadat 26 Mosambiekers onder die sitplekke van ‘n bus wat oppad terug was na Suid-Afrika gevind is. Die konstabels is deur die onwettige Mosambiekers omgekoop om hulle te versteek.

Onwettige immigrante betaal tussen R200 en R300 om nie gedeporteer te word nie. Sommiges gebruik selfs selfone as betaling. Die 26 onwettiges is steeds in aanhouding, maar sal nie as getuies in die saak optree nie want Hlathi glo hulle behoort so gou as moontlik teruggestuur word.

анжело люстры Фильчаков прокурор

Outomatiese tellermasjien in Johannesburg opgeblaas

‘n Outomatiese tellermasjien in die Bergsig-supermark in Johannesburg is vroeg vanoggend deur rowers met plofstof opgeblaas, het die polisie laat weet.

Kaptein Julia Claassen sê die ABSA-OTM is tussen een- en twee-uur voormiddag aangeval, maar niemand weet hoe die voorval plaasgevind het nie.

Volgens haar glo die polisie dat geen geld gevat is nie en dat niemand beseer is nie.

Grense word dalk opgehef in Suider-Afrika

Daar geen binnekort een visum wees vir Suid-Afrika en agt ander lidlande van die Suider-Afrikaanse ontwikkelingsgemeenskap, oftewel SAOG.

Dit gaan beteken dat ‘n toeris wat enigeen van die lande wil besoek, slegs ‘n enkele visum sal nodig hê. Visums vir Suid-Afrika sal byvoorbeeld in Zimbabwe of Mosambiek uitgereik kan word.

Die besluit is geneem by die ministeriële konferensie wat verlede week in Luanda gehou is en is gister deur die adjunkminister vir toerisme, Rejoice Mabudafhasi, aangekondig.

‘n Verdere en moontlik omstrede kwessie wat by die konferensie bespreek is, is die verwydering van alle hindernisse vir die vrye beweging tussen die nege lidlande van SAOG. Die konferensie wil dit aanmoedig deur die sluit van bilaterale ooreenkomste sodat burgers van die volgende lande vrylik sonder visums heen en weer oor die grense kan beweeg: Die Demokratiese Republiek van die Kongo, Botswana, Lesotho, Mosambiek, Namibië, Suid-Afrika, Swaziland, Tanzanië en Zimbabwe.

клей шпаклевка

Munisipale bestuurder se motor verbrand

‘n Motor wat aan die Lesedi-munisipale bestuurder in Ratandalokasie, Heidelberg, behoort, is vanmore vroeg na ‘n betoging aan die brand gesteek, het die Johannesburgse polisie verklaar.

Die raadslid het sy motor voor sy huis geparkeer gesien voordat dit deur die vuur verteer is terwyl hy binne-in die huis was rondom twee-uur op Woensdag, het ‘n polisiewoordvoerder, kaptein Julia Claasen, gesê.

‘n Bakkie wat naby geparkeer was, het nie aan die brand geslaan nie.

Volgens Claasen het die motorbrandery plaasgevind na ‘n dispuut omstreeks twee-uur gistermiddag met munisipale werkers wat besig is om te staak vir salarisverhogings.

Gistermiddag het mense gepoog om die plaaslike biblioteek af te brand en het rommel oral oor die munisipale eiendom gestrooi, het kaptein Thivhulawi Tshilite gesê.

Zim-polisie arresteer opposisielede

Die polisie van Zimbabwe het gister opposisielede in hegtenis geneem, asook ‘n loods wat besig was om reklamestof vir Saterdag se algemene verkiesing by ‘n lughawe net buite Harare af te lewer. Aldus ‘n verklaring deur die Beweging vir Demokratiese Verandering (MDC).

‘n Opposisiekandidaat wat Morgan Tsvangirai se faksie binne die Beweging vir Demokratiese Verandering verteenwoordig, bevind hom onder diegene wat gearresteer is.

Blykbaar het die loods ook verstrengel geraak in die klopjag.

Hoewel opposisiepartye sê dat daar minder geweld as voorheen voorkom op die vooraand van die verkiesing, het hulle wel die polisie daarvan beskuldig dat hulle vir Robert Mugabe se ZANU PF kant kies.

игри для дивчат

Sasol in grootste SEB-transaksie

Die petrochemiese reus Sasol sal ‘n 10%-aandeel in die maatskappy aan swart beleggers verkoop. Dit sal Suid-Afrika se grootste SEB-transaksie tot op hede wees en word op byna R26 miljard beraam.

Sasol wil sy aandeelhouersbasis uitbrei en het verlede jaar aangekondig dat so ‘n transaksie beplan word. Die hoofuitvoerendebeampte, Pat Davies, het in ‘n verklaring gesê dat die maatskappy ekonomiese geleenthede vir meer as een miljoen begunstigdes waaronder individue en landelike vrouegroepe wil skep.

Die transaksie sal ‘n positiewe uitwerking op Sasolaandele hê. Swartes sal 3% van Sasolaandele bekom, swart beleggersgroepe 1,5%, Sasolwerknemers 4% en die Sasol Inzalo-stigting 1,5%.

мультики трансформер Лобановский

Verbruikersbesteding nie so hard getref

Verbruikersbesteding word nie so hard getref soos verwag is nie, sê ekonome. Alhoewel die meeste mense tans finansiële druk ervaar, het die aantal dagvaardings wat uitgereik word vir skuld afgeneem in verhouding tot die vorige jaar.

Syfers wat deur Statistiek Suid-Afrika vrygestel is, toon dat kleinhandelverkope amper dieselfde gebly het as verlede jaar. Die negatiewe impak van stygende rentekoerse is dus nie so groot soos geantisipeer nie.

Besteding op luukse items het toegeneem en motorverkope, wat die belangrikste aanduiding van druk op verbruikers is, het effens gestyg. Handelsvolume is ook beter as verlede jaar.

Padversperrings veroorsaak chaos

Padversperrings op die N1 tussen Pretoria en Johannesburg het gister verkeerschaos veroorsaak.

Vakansiegangers wat weg was vir die lang naweek, asook Paasfeespelgrims van die Sionistekerk naby Pietersburg is ure lank opgehou. Een Sionistelid het gesê dat dit onbillik was van die polisie om vakansiegangers so te behandel wat reeds ses tot agt ure op die pad deurgebring het.

Duisende motors en omtrent 950 Putco-busse was gister op pad terug van die Sionistekerk se saamtrek by Moria naby Pietersburg.

Verkeer het kilometers ver opgehoop.

зарядного устройства

E-tv word Zimbabwe belet

Die Zimbabwiese regering het e-tv belet om Saterdag se volgende algemene verkiesing in dié land te dek. E-tv, Suid-Afrika se enigste kommersiële landuitsaaier se akkreditasie is nie toegestaan nie omdat die stasie voorheen mediawette oortree het.

Die betrokke joernalis het in die verlede sonder toestemming in Zimbabwe verslag gedoen. SABC gaan egter toegelaat word om verslag te doen. Talle internasionale nuusagentskappe het aansoek gedoen om verslaggewers te stuur.

Zimbabwe vrees dat ongenooide gaste en inligtingsdienste Westerse mediadekking as verskoning kan gebruik om die land binne te dring

Agence France-Presse, Associated Press, Reuters en al-Jazeera is reeds teenwoordig in Zimbabwe.

slot machines