Nuus Archives - Page 354 of 403

Min reaksie op Manuel se rede

Die markte het weinig reaksie getoon op die Minister van Finansies se begrotingsrede gister, wat ‘n aanduiding is dat dit as net nog dieselfde gesien word.

Goud was die uitsondering met nog ‘n dag van hoë pryse. Die rand het egter teruggeval met Trevor Manuel se aankondiging dat valutabeheer vir institusionele beleggers geskrap gaan word. Dit het vrese ontketen dat meer geld die land sal uitvloei. Die rand het tot sy laaste vlak in amper ‘n jaar-en-‘n-half geval en het op een stadium teen R6,90 teenoor die dollar verhandel. Die olieprys het die honderddollarvlak verby gesteek voordat dit teruggesak het om in posisie te wees vir nog ‘n aanslag vandag.

оборудование цены

Zimbabwe-inflasie styg tot bo 100 000%

Zimbabwe se ekonomie val verder in die afgrond in. Die jaarlikse inflasie het Januarie tot ver bo die honderd duisend persent gestyg.

Die styging is nog ‘n terugslag vir Mugabe se poging om die ekonomiese ineenstorting om te keer. Kritici skryf die land se ekonomiese ramp toe aan wanbestuur en Mugabe se politieke beleid. Die regering het verlede jaar ondernemings regoor die land beveel om die prys van basiese noodsaaklikhede soos melk en kookolie te vries, om die wegholpryse stop te sit. Zimbabwe se kantoor vir statistieke het berig dat die inflasie van Desember af die hoogte ingeskiet het.

детектор лжи слова Александр Фильчаков

Staatsamptenare soek elektrisiteitsraad in Brittanje

Die ANC-regering het ‘n aantal staatsamptenare afgevaardig om Brittanje te besoek om die elektrisiteitskrisis te bespreek.

Die regering het beamptes van die departement van minerale en energie asook openbare ondernemings na Engeland afgevaardig. Die besoek geskied onder leiding van adjunkminister van Finansies, Jabo Moleketi en die regering se hoofbeampte van kommunikasie, Themba Maseko. Die afgevaardigdes sal die kragkrisis met beleggers in die mynbedryf bespreek. Hulle sal ook samesprekings met aandeelhouers van Anglo American hou.

игры дляы девочек

Irvin Khoza noem swart joernalis ‘n “kaffer”

Khoza: ‘Jou kaffer!’

Die woord “kaffer” wat gewoonlik lei tot klagtes by die Menseregtekommissie as blankes dit besig, het ‘n konsternasie tussen ‘n sokkerbeampte en ‘n joernalis veroorsaak. Irvin Khoza, die voorsitter van die plaaslke organiseringskomitee vir die 2010 Sokkerwêreldbeker het die woord tydens ‘n mediakonferensie gebruik teenoor ŉ swart joernalis gebruik.

Khoza het die joernalis ŉ kaffer genoem omdat hy nie benodigde inligting kon weergee nie. Volgens Khoza beteken die woord binne die konteks “onbetroubaar en onseker van karakter”. Khoza beoog om ‘n klag te lê by die maatskappy of persoon wat die joernalis in diens het.

прокурор Фильчаков

Onluste op Pretoriase kampus

Betogings by die Tshwane-Universiteit van Tegnologie het die staking van klasse genoodsaak. Die Vise-kanselier, Errol Tyobeka, sê geweld kon maklik tussen die studente uitgebreek het en die veiligheid van studente en personeel is eerste prioriteit. Die studente staak oor finansiële aangeleenthede. Spanning het opgebou tussen swart en blanke studente omdat die blanke studente met die klasse wil voortgaan, terwyl swart studente die steun van die wit studente wil hê. Die president van die Suid-Afrikaanse Studente-unie, Lucky Phosa, meen die betoging het te doen met ‘n botsing tussen bevoorregte studente en minderbevoorregte studente. Daar sal tot Vrydag geen klasse wees nie.

Volgens die dagblad Beeld, het wit en swart studente mekaar met klippe bestook. Mnr. Werner Joubert, ’n student en lid van die VF+ op die kampus, het gesê hy is een van verskeie studente wat die betogers gister met klippe gegooi het. Volgens die SR-lid, mnr. Pieter Janse van Rensburg, het van die swart studente rassistiese slagspreuke geskree soos “kill the Boer” en “F*** you whites”.

Volgens Janse van Rensburg is dit verbasend dat blanke studente vir kampuskwessies geblameer word, aangesien die bestuur van die TUT geheel en al getransformeer is en tans swart is. “Sasco, Pasma en die sentrale studenteraad (SR) lei die optog. Hierdie uitlatings dui op die onderliggende rassisme teen blankes op die TUT,” het hy gesê.

Nadat hulle verwoesting op die Pretoria-Wes-kampus gesaai het, het die oproerige studente daarop aangedring om met busse na die Arcadia-kampus geneem te word. Daar het hulle veiligheidshekke oopgebuig en oor hoë mure geklim. Studente en dosente is geïntimideer en hardhandig uit klasse gejaag.

Een ouer van ‘n student het dit bekla dat sy hoë klasgelde moet betaal en nogtans word haar kind verhoed om te studeer. “Dit is regtig onaanvaarbaar dat ’n paar barbare die plek plunder. En wat van ons wat ten duurste vir ons kinders se studies betaal?” het sy gesê.

free games.co.uk Данильченео

Skole ‘het genoeg gesag’ teen messtekery

Die Onderwysdepartement sê skole het genoeg gesag om wapens op hulle terreine te beheer. Wetgewing wat verlede maand in werking getree het, maak daarvoor voorsiening dat leerlinge by skole deursoek kan word en dat op gevaarlike wapens beslag gelê kan word.

Twee matrikulante is verlede week in ŉ rasse-aanval by Akasia Hoërskool met messe gesteek in ŉ voorval wat wye belangstelling ontlok het. Segsman Duncan Hindle sê skole is bemagtig om die nodige te doen om leerlinge te beskerm.

Intussen verskyn drie seuns môre in die hof in verband met die voorval by die hoërskool waartydens Wynand Botes en Wikus van der Merwe elkeen drie steekwonde opgedoen het toe gekleurde seuns wit leerlinge aangeval het. Driehonderd leerlinge het aan ŉ sitprotes deelgeneem en ŉ memorandum aan die skoolhoof mnr. Frik van Wyk oorhandig waarin hulle aandring daarop dat hulle veiligheid gewaarborg word.

Fidel is geskiedenis

Fidel Castro is nie langer die president van Kuba nie. Die een-en-tagtigjarige Castro het gister as president en hoofbevelvoerder bedank. Castro het in 1959 aan bewind gekom nadat hy ŉ suksesvolle staatsgreep in Kuba gelei het. Hy was ŉ sterk bondgenoot van die voormalige VSSR wat hom as ŉ doring in die vlees van Amerika gesien het vanweë Kuba se geografiese ligging. Castro het voorverlede jaar die regering tydelik aan sy broer Raul oorhandig toe siekte hom lamgelê het. Suid-Afrika het in die tagtigerjare regstreeks teen Castro se weermag te staan gekom tydens die Angolese konflik. Daar word verwag dat Raul Castro nou formeel die regering sal oorneem en dat hy nie veel sal afwyk van die Marxistiese politieke en ekonomiese beleid van sy broer nie.

Фильчаков Харьков

Emmerstelsel nog tot in 2014

Die Minister van Waterwese en Bosbou, Lindiwe Hendricks, sê die gebrek aan sanitasie het nie alleen ‘n negatiewe invloed op gesondheid nie, maar staan ook in die pad van ontwikkeling. Hendricks het in Durban gepraat tydens die tweede Afrikakonferensie oor sanitasie en higiëne. Meer as veertig Afrikalande was by die konferensie verteenwoordig. Hendricks sê die gebrek aan bekwaamheid op Munisipale vlak in Suid-Afrika het meegebring dat die emmerstelsel teen 2014 nog nie uitgeskakel sal wees nie. Hendricks meen die regering moet belê in skoon water en gesondheid sodat siektes as gevolg van swak higiëne, uitgeskakel kan word.

карточка ребенка

Potch-amptenaar ry seun dood

‘n Veertienjarige-seun is dood nadat hy deur deur ‘n amptenaar van die burgemeester van Tlokwe-munispaliteit in Noordwes raakgery is. Die amptenaar, Kaizer Mohao, het na bewering ‘n voertuig van die munisipaliteit onder die invloed van alkohol bestuur toe hy die seun in Ikageng raakgery het. Die seun is later die aand in die Potchefstroom-hospitaal oorlede. Mahao is op die ongelukstoneel in hegtenis geneem en is aanvanklik aangekla vir dronk- en nalatige bestuur. Nadat die seun se dood is, is hy aangekla van strafbare manslag. Mahao sal vandag in die hof verskyn.

дитячі машинки

Sokkerw?reldbeker ‘sal suksesvol wees’

Die 2010 Sokker wêreldbeker sal steeds suksesvol deur Suid-Afrika behartig word ten spyte van struikelblokke. Organiseerders sê die voorbereiding vir die geleentheid loop volgens plan, nieteenstaande binnegevegte, die oorbesteding van fondse en kragonderbrekings. Irvin Koza, die voorsitter van die plaaslike organiserende komitee, meen die aangeleentheid kan nie misluk nie en sê hulle sal deur sameweking van die wêreldbeker toernooi ‘n sukses maak. Khoza het ‘n beroep op die publiek gedoen om nie wanhopig te raak omdat hulle verneem het dat die voorbereidings in die wiele gery is nie. Berigte van die hoë misdaadsyfer en dat sokkerstadions nie binne die begroting of betyds voltooi kan word nie, het die land in die donker gelaat. Suid-Afrikaanse beamptes het beloof dat alle stadions tydens die toernooi met kragopwekkers toegerus sal wees.