Twee matrikulante is verlede week in ʼn rasse-aanval by Akasia Hoërskool met messe gesteek in ʼn voorval wat wye belangstelling ontlok het. Segsman Duncan Hindle sê skole is bemagtig om die nodige te doen om leerlinge te beskerm.
Intussen verskyn drie seuns môre in die hof in verband met die voorval by die hoërskool waartydens Wynand Botes en Wikus van der Merwe elkeen drie steekwonde opgedoen het toe gekleurde seuns wit leerlinge aangeval het. Driehonderd leerlinge het aan ʼn sitprotes deelgeneem en ʼn memorandum aan die skoolhoof mnr. Frik van Wyk oorhandig waarin hulle aandring daarop dat hulle veiligheid gewaarborg word.