Nuus Archives - Page 341 of 403

Fidentia baasbrein deur FBI gegryp

‘n Baasbrein in die Fidentia-skandaal is in die VSA deur die FBI in hegtenis geneem. Steven Goodwin is Saterdag deur Amerikaanse owerhede by Los Angeles se lughawe voorgekeer, volgens die Nasionale Vervolgingsgesag.

Hulle het tussenbeide getree nadat Interpol gewaarsku het dat Goodwin oppad is na die VSA en dat ‘n lasbrief in Suid-Afrika in Julie 2007 uitgereik is vir sy inhegtenisname. Goodwin het Suid-Afrika vroeg in Februarie verlaat om na Australië te gaan.

Goodwin word beskou as die oorspronklike stigter van Fidentia en het enkele dae voor Brown se arres vertrek. As hy grondvat in Suid-Afrika sal Goodwin klagtes van diefstal, bedrog en korrupsie wat miljoene behels, in die gesig staar.

Goodwin word ook van geldwassery verdink.

планировка бани

W?reldbank vrees voedseltekorte

Wêreldbankpresident Robert Zoellick sê stygende voedselpryse wat wêreldwyd maatskaplike onrus veroorsaak, is nie ‘n tydelike verskynsel nie maar sal ‘n hele paar jaar voortduur.

Hy sê sterk aanvraag, ‘n verandering in dieet en die uitbreiding van biobrandstowwe het die wêreld se voedselvoorrade na noodlaagtepunte gedryf.

Zoellick het Maandag aangedui dat die Wêreldbank met ander organisasies sal saamwerk om boere te help, veral in Afrika. Dit sal meebring dat produktiwiteit verhoog sal word en sal toegang tot voedsel verbeter.

Stygende voedselpryse hou ‘n ernstige risiko in vir groter armoede. Zoellick het om ‘n New Deal vir wêreldvoedselproduksie gevra. Die Bank het voorgestel dat twee keer soveel geld aan Afrika beskikbaar gestel moet word vir landbou.

VF Plus-jeug spreek minister oor rassisme

Volgens die leier van die Vryheidsfront Plus se jeugtak, Cornelius Jansen van Rensburg, behoort swart-op-wit rassisme erken te word.

Van Rensburg het dié stelling gemaak na samesprekings met die minister van onderwys, Naledi Pandor, in Pretoria. Rassisme op universiteit, die status van Afrikaans en die voorgestelde skole-eed is van die onderwerpe wat bespreek is.

Die Vryheidsfront Plus is veral bekommerd oor die samestelling van ‘n ministeriële komitee wat diskriminasie en rassisme op kampusse moet ondersoek.

Omdat daar geen Afrikaners op die komitee is nie, kom die legitimiteit en objektiwiteit van die komitee in die gedrang, het Van Rensburg gesê.

Nigeri? se ekonomie knars tot stilstand

Nigerië se Department van Petroleum Hulpbronne, die DPH, het gister bevestig dat 13 skepe wat petroleum bevat weggewys is en onder kwarantyn geplaas is.

‘n Ondersoek deur amptenare het aangetoon dat die produkte nie aan spesifikasies voldoen nie en Nigeriese motors kan beskadig omdat dit etanol bevat. Alle ingevoerde petrol bevat egter etanol.

Bronne in die nywerheid het gister laat blyk dat die weiering van die vrag die rede vir die petrolskaarste in die land is. Nigerië se ekonomie is stadig maar seker besig om tot stilstand te knars omdat petrol oral opdroog.

Die Nigeriese Nasionale Petroleum Maatskappy beweer dat die presidensie ‘n aanbeveling gedoen het dat skepe wat petroleumprodukte dra wat tussen 1,5% en 5% etanol bevat, in die land toegelaat moet word. Hulle sê die huidige stappe van die DPH verontagsaam
die aanbeveling

Hulle het die DPH dringend versoek om hul verantwoordelikheid na te kom om die kunsmatige gebrek te vermy asook die lang toue by vulstasies.

casion online прокурор Фильчаков

Suid-Afrikaner wou sewe vliegtuie opblaas

‘n Suid-Afrikaner staan tans in Londen tereg op aanklagte dat hy en ander sewe vliegtuie oor die Atlantiese oseaan wou opblaas.

Mohammed Gulzar, wat ‘n bewonderaar van Al Kaida is, het vanaf Suid-Afrika na Londen gevlieg waar hy deel was van ‘n sel wat die vliegtuie met waterstofperoksiedbomme wou opblaas.

Die waterstofperoksied sou as vloeistof in koeldrankhouers ingespuit word en dan aan boord geneem word. Die plan was verder om die bomme in die vliegtuigtoilette aanmekaar te sit.

Videobande is gemaak waarmee voornemende selfmoordbomplanters gewerf sou word om die vliegtuie in die lug op te blaas.

Trevor Manuel vra permanente hofbevel

Die minister van finansies, Trevor Manuel, vra ‘n permanente hofbevel aan teen Terry Crawford-Browne wat bewerings gepubliseer het dat Manuel by korrupsie rondom die omstrede wapentransaksie betrokke was.

Verlede maand het Manuel ‘n geslaagde dringende aansoek teen Crawford-Browne gebring dat hy moet ophou om bewerings te publiseer dat Manuel korrup is of dat hy enige misdryf in verband met die wapentransaksie began het. Terselfdertyd is Manuel twintig dae gegun om ‘n permanente hofbevel te verkry.

Volgens Crawford-Brown sien hy die aansoek om ‘n permanente hofbevel as ‘n geleentheid om die debat rondom die wapentransaksie te heropen.

In sy aansoek beweer Manuel dat Crawford-Browne se verklarings lasterlik, verkeerd en onwettig is en gemaak word met die bedoeling om skade te berokken.

casino –

Kenia se koffieproduksie duik

Kenia se koffieproduksie het getuimel in die afgelope 20 jaar. Produksie is af van 130 000 ton per jaar na nie eers 50 000 ton nie. Boere word uitgeroei en die land word beroof van broodnodige buitelandse valuta.

Dringende stappe om die vryval om te keer word oorweeg. Boere sê die hoë produksiekoste wat deur duurder kunsmispryse, chemiese stowwe, arbeid en plaasimplemente veroorsaak word, is die groot probleem.

Die koffieunievoorsitter het boere uitgedaag om hul boerderymetodes aan te pas en ou praktyke te laat vaar.

Hy het gesê kwaliteit- en kwantiteitproduksie van die oes is die geheim omdat dit goeie pryse sal behaal.

Verkiesingsbeamptes in Harare gearresteer

Sewe verkiesingsbeamptes is gister in Harare gearresteer. Polisie sê hulle sal van verkiesingsbedrog aangekla word en het die verdagtes daarvan beskuldig dat hulle stemme vir President Robert Mugabe geïgnoreer het.

Vroeër het die leier van die MDC, Morgan Tsvangira, gewaarsku dat Zimbabwe op ‘n mespunt is omdat MUGABE weier om toe te gee dat hy die verkiesing verloor het.

Die aankondiging van die uitslag van die verkiesings is nou al met meer as ‘n week vertraag.

Waarnemers is van mening dat die vertraging deur Mugabe veroorsaak is om sy veiligheidsmagte en oorlogveterane kans te gee om die uitklopverkiesing met intimidasie en geweld in sy guns te beklink.

подъемник для Данильченко

Water raak op in Akkra

Water is die sentrale tema vir die volgende verkiesing in Ghana, ten spyte daarvan dat die stemmery eers in Desember sal plaasvind. Die waterstelsel het byna heeltemal ineengestort in die hoofstad Akkra en jaarliks sterf 84 000 Ghanese as gevolg van die swak gehalte water.

Die toekoms van die huidige regering berus op die spoedige, doeltreffende oplossing van die waterkrisis. Krane het die laaste paar weke drooggeloop in Akkra en die Ghana Water Maatskappy sê hulle is nie meer in staat om eers in die helfte van die aanvraag te voorsien nie.

Die miljoene dollar wat die regering beplan om op stralers uit te gee kan gebruik word om drinkbare water aan ten minste een kiesafdeling in die hoofstad bekikbaar te stel, kla die opposisie.

Die hartseer waarheid is dat Akkra ‘n oorvloed vars drinkbare water uit nabye Voltameer kan hê, maar baie van die pype is gebreek en weinig word aan die herstel daarvan onderneem.

Carrington verontskuldig Brittanje

Carrington

Lord Carrington, die voormalige Britse minister van buitelandse sake, het Brittanje se rol tydens die Lancasterhuisberaad wat Mugabe in 1980 aan bewind geplaas het, verdedig.

In ‘n meningsartikel in gister se uitgawe van die Londense Sunday Times, vra hy die vraag of Brittanje ‘n tiran in Zimbabwe president gemaak het.

Maar Carrington verontskuldig Brittanje deur die ondergang van Zimbabwe suiwer aan Mugabe se selfsug en waansin toe te skryf en nie aan die stelsel wat Brittanje by Lancasterhuis ontwerp het nie.

Hy sê ook dat wat nou in Zimbabwe gebeur eintlik niks met Brittanje te make het nie. Die land is ook nie ‘n koloniale vyand soos wat Mugabe probeer uitmaak nie, maar kan trots wees op al die hulp wat Brittanje aan Zimbabwe gegee het en steeds gee.

table uk