Die Natal Witness berig dat kapers gepoog het om 'n plaaswerknemer van Bergville Vrydagnag lewendig te verbrand. Sy motor is aan die brand gesteek terwyl hy in die kattebak toegesluit was.Die slagoffer, die 58-jarige Tony Goble, het daarin geslaag om uit die bagasieruim van sy motor te ontsnap in weerwil daarvan dat hy oor die kop geslaan is met 'n pistool wat vier van sy tande gebreek het.
Omtrent ses mans het hom 10-uur Vrydagaan oorval en hom in die kattebak van sy motor toegesluit. Ongeveer 40 kilometer verder het die kapers die motor agtergelaat en toe hy brand ruik het hy aanvanklik gedink dat die vuur langs die voertuig was, maar gelukkig uit die bagasiebak gekom in weerwil van sy vrees dat sommige kapers steeds agtergebly het.
Eskom het vandag gewaarsku dat die organisasie sekere van sy tyd- en kosteteikens in sy infrastruktuuruitbreidingsprogram gaan misloop.
Moeletsi Mbeki, die broer van president Thabo Mbeki, voorspel megakonflikte as gevolg van die regering se oopgrensbeleid teenoor buitelanders. Hy het gepraat by 'n seminaar wat deur die Instituut vir Sekerheidstudies gehou is en die regering vir die onlangse geweld geblameer.
Die minister van gesondheid, Manto Tshabalala-Msimang, het gister aangekondig dat MIV aan die afneem is in Suid-Afrika.