Daar is vir my een enkele baie positiewe in genl Constand Viljoen se stelling en dit is dat hy met my saamstem oor die “strategiese flaters” wat die NP begaan het. Ek kan boeke daaroor vol skryf en sal ook seker nog, D.V. Onlangs het ek dr. Niël Barnard se outobiografie gelees en ek en my vrou het plek-plek gelag vir al die naïewe stellings en grootdoenerigheid daarin. As daar ooit ‘n behoorlike lykskouing oor die laaste dae van die vorige bewind gedoen word, sal sowel FW de Klerk as Niël Barnard as die hoofargitekte van ons ondergang uitgewys moet word. Dis asof hulle toegelaat het dat ons vyande ons strategie begin bepaal en “samewerking met Brittanje en die VSA” is as die summum van die Afrikaner se buitelandse beleid gesien. Daarom het hulle eenvoudig aanvaar dat die ekstremistiese bende terroriste wat die Angel-Saksers as ‘n “regering-in-ballingskap” voorgehou het, die land kon oorneem, feitlik sonder om ‘n skoot te skiet.
Uiteindelik het ons egter met die pen verloor en nie met die swaard nie. Daardie oorlog – noem dit ‘n inligtingsoorlog of vierdegenerasie-oorlog waarvan mense ook deesdae praat – het nog nooit opgehou nie en woed elke dag voort. Die vyand het bloed geruik en dit gaan vir hom daaroor om ons so finaal af te takel dat daar net mooi niks van ons oorbly nie: nie ‘n blanke kind nie, nie Afrikaans nie, geen Afrikanernaam of -standbeeld of -monument nie, nie ‘n Afrikaanse skool of universiteit nie, geen onderneming of instelling in Afrikanerhande nie, en so kan ons aangaan. As ons gelukkig is, gaan ons uit die land verjaag word en soos ‘n Amerikaanse vriend dit stel: “You’ll be lucky to escape with the clothes on your back.” Onthou: die Portugese was 500 jaar in Angola en was besig om die oorlog in die vroeë sewentigerjare teen die MPLA te wen, alvorens hulle eensklaps vlugtelinge geword het, dus beteken ons 360 jaar hier net mooi niks. Ons sien reeds wat dink Zuma van Jan van Riebeeck.
Mugabe is die president van die Afrika-Unie wat tans seker so 20 km van my af met fanfare in Sandton vergader. Laat dit insink: Mugabe is die president van Afrika! En onlangs het hy in Soweto die fameuse woorde gespreek: “I don’t want to see white faces.” Vir seker fluister Mugabe en sy trawante allerlei in Zuma en kie. se ore. Ons sit hier, grotendeels ontwapen, met bates soos grond, huise, aandele en pensioenfondse, sonder ‘n enkele vriend ter wêreld! Daar bestaan nie ‘n enkele buitelandse regering wat selfs skerp kritiek sou lewer indien die ANC/SAKP môre die uitsettingsbevel op ons sou bedien nie. Daar sal maar net die gewone gemompel oor “apartheid” wees en daarna sal die media weer oor Poetin en die Oekraïne begin praat.
Dis die “strategiese penarie” – nee, nagmerrie – waarin ons ons bevind. Ek skrik baie keer in die nag wakker en dan dink ek aan hoe dit was onder Verwoerd, met rondom ons twee oseane, asook ‘n reeks bufferstate ten noorde van ons wat deur vriendelike regerings regeer is. Veiliger kon ‘n mens seker nie wees nie, met Mandela en Bram Fischer in die tronk. Hoe kon ons binne twintig of dertig jaar net mooi álles verloor?!! Dis mos ongehoord in die wêreldgeskiedenis, dat ‘n volk met ‘n formidabele weermag, ‘n polisiemag, ambassades, inligtingsdienste, navorsers op universiteit en by die RGN, WNNR, noem maar op, binne twee dekades só agteruit kon boer dat hy ‘n bywoner in sy eie land word!
Ons wat die atoom gesplits het en hartoorplantings gedoen het, smeek vir genade by ‘n man uit Zoeloeland wat soms velle dra met ‘n standerd vier… Hoe het dit gebeur?
As ons nie die enormiteit van ons militêre, strategiese, kulturele, ekonomiese en sedelike verval besef nie, het ons nog geen duim uit die moeras gevorder nie. In Hillbrow het ek Afrikanertieners gesien wat in die Nigeriese buurt op straat slaap sodat hulle dwelms kan koop. In die negentiende eeu het ‘n Engelsman geskryf: “Boer women never prostitute themselves.” Ek dink vandag skryf “Boer women” boeke daaroor, Naspers gee dit uit en prys dit ten hemele aan.
Die Afrikaner het nie net “dekadent” geword in die klassieke sin, soos die ou Romeine of die Franse aristokrasie van die agtiende eeu nie, ons toets nuwe laagtepunte van nihilisme, masochisme, perversie.
Wat is die oplossing en waar begin ‘n mens hierdie toestand beveg?
- Deur in die eerste plek die voortdurende inligtings- en propaganda-oorlog die hoof te bied. In weerwil van ons magtelose toestand, is die ANC/SAKP en die duistere magte wat hulle verder beheer en manipuleer, onseker oor ‘n regstreekse gewelddadige aanval op ons. Daarom sou hulle verkies om deur propaganda, skuldgevoelens, wetgewing en die afspeel van een Afrikaner teen ‘n ander, ons te kry om eintlik vrywillig van ons oorblywende bates afstand te doen. Die soort “lumpenproletariaat” van misdadigers wat ook deur Marx en Lenin as ‘n revolusionêre, aftakelende mag erken is, doen ook wonderlik sy werk in ons land. Dis die Soen-Tsoe-beginsel: die beste oorwinning is om jou vyand te laat buig sonder om teen hom te veg. Dis waarom dit vir my so ontstellend is as ander Afrikaners, wat ook al hul menings is en hoe liberaal of links of “progressief” of “bevry” hulle ook al mag wees, vir my of Steve Hofmeyr of ander wat op ons manier probeer weerstand bied, in die rug steek met laakbare, lasterlike aanvalle.
- Ons het Afrikanerbeleid nodig. In 2003 toe ons maandelikse vergaderings in die Ou Raadzaal in Pretoria begin reël het, het ek gedink dit kan uitloop op ‘n soort maandelikse “Afrikanerparlement” waar elkeen sy mening kan lug, debat kan plaasvind en daar uiteindelik oor sekere breë beginsels ooreengekom kan word. Intussen het 12 jaar verbygegaan en steeds is daar geen konsensus oor die mees basiese begrippe nie, soos:
- Het ons ‘n permanente tuiste in Suid-Afrika?
- Het ons die reg op Standaardafrikaans?
- Moet ons vir altyd onderhewig wees aan regstellende aksie, transformasie en marxistiese of trotskiïstiese permanente revolusie?
- Het ons die reg op Afrikaanse skole en universiteite waar ons taal en kultuur aan ‘n volgende geslag oorgedra mag word?
- Het ons grondgebied of bepaalde dele van die land wat uitsluitlik aan ons behoort? Indien wel, waar is daardie gebiede?
- Wat is ons strategiese doelwitte? Ekonomies, polities, kultureel? Waar wil ons oor tien jaar, twintig jaar, ens., wees? Of sien ons net agteruitgang en probeer ons bloot ons eie ondergang beter bestuur en minder pynlik maak?
- Het ons die reg op veiligheid en op lewe? En as die staat dit nie vir ons kan waarborg nie, hoe kan ons dit self doen?
- Wat is ons gevoelens oor ander state? BRICS, die VSA, Brittanje, Rusland, Nederland, Frankryk, Australië (waar soveel van ons mense deesdae woon)?
- ‘n Model vir onderlinge eenheid. Ek het sewe jaar in Frankryk gewoon en dis miskien die enigste land buiten Suid-Afrika waarvan ek regtig eerstehandse kennis dra. Franse is trots, nasionalisties, veral oor hul taal, letterkunde en geskiedenis, maar ook hopeloos verdeeld. Trouens, ten tye van die revolusie het hulle massamoorde op mekaar gepleeg. Volk teen adelstand, streek teen streek, stad teen stad. Dit smeul nog in die herinnering. Meer onlangs was daar die tweede wêreldoorlog, toe die Algerynse oorlog. Tydens die Algerynse oorlog het die Franse weermag in Algerië gemuit omdat hulle saam met die miljoen pieds noirs, wit Franse in Algerië, wou staan en die oorlog teen die Arabiere wou wen, terwyl die Franse regering in Parys wou “dekoloniseer” en oorgee. Die dienspligtiges vanuit Frankryk self het egter teen die offisiere gedraai en binne ‘n maand moes ‘n miljoen “wit Afrikane” vir altyd hul Algerynse geboorteland verlaat. Vandag is die dogter van een van die Algerynse vegters, Marine Le Pen, so te sê die gewildste politikus in die land, maar die media haat haar en hoon haar openlik as “verregs” en ‘n “rassis”. Nietemin kry Regs en Links, “rassis” en kommunis, Katoliek en ateís, en selfs Jode (daar is 700 000 Jode in Frankryk) dit reg om met mekaar te praat, TV-debatte te voer, mekaar in briewe en boeke te antwoord, ens. Die Afrikaner se probleem is nie werklik ideologies of godsdienstig soos in Frankryk nie (daar word die neerhalende term van links, Catho-fâcho (Katolieke fascis), vir konserwatiewe, Katolieke patriotte gebruik wat dalk teen gay huwelike en immigrasie gekant is). By ons is dit iets anders, meer soos “opportunisme”. Mense ondermyn mekaar om die guns van die maghebber of sy baas te wen en hy dink bloot aan sy eie korttermynvoordeel, of dit nou die behoud van sy pos, ‘n groter inkomste, ‘n goeie woordjie van Adderjan Basson in Beeld, of meer lede as die volgende organisasie is. Uiteraard moet daar staatsagente wees wat uit die geheime fondse betaal word, en wat lank reeds die meeste Afrikaanse organisasies en media geïnfiltreer het en wat bedrywig is om soveel verdeeldheid as moontlik te saai. Vir seker is hulle ook op sosiale media bedrywig, onder skuilname en hits mense teen mekaar aan. As ons in die ANC se posisie was, het ons seker dieselfde met hulle gedoen. Of dalk nie: Ons het moontlik steeds vir Niël Barnard of De Klerk gehad wat opdragte van MI6 of die Britse ambasadeur in Pretoria sou aanvaar en hard sou werk aan die volgende Afrikanerondergang.
Hoe dit ook al sy, ons moet “verdeeldheid” en mense wat na soveel jare nie langs dieselfde vuur sit nie, as ‘n gegewe aanvaar. In 1860 rond was daar ‘n burgeroorlog in die Transvaal waartydens 40 burgers gesneuwel het, wat Paul Kruger vir die res van sy lewe bygebly het en hom daarom dikwels versoenend laat optree het. Vraag: waarom was ons in die twintigste eeu min of meer verenig? Dit klink sinies, maar ek vermoed dis omdat die Britse parlement in 1909 ‘n wet gemaak het, die South Africa Act, om ons te dwing om met mekaar saam te werk om die land te regeer, Boer en Brit, maar veral Sap en Nat, konserwatief en liberaal, Dopper en Gatjieponder, ens.
Terloops, daar is nog die probleem van “Afrikanerkrewe”: sodra een dreig om uit die emmer te klim, kan jy maar wéét daar gaan ‘n ander klomp krewe wees wat hom ondertoe gaan trek. Trouens, as dit daaroor gaan om teen iemand te verenig wat dalk probeer om ‘n nuwe rigting in te slaan of “iets te laat gebeur”, is dit omtrent die enigste kere dat daar werklik eenheid is, want dan “staan almal saam” om die “rebel” tot onderdanigheid aan die heersende orde te dwing.
Die enigste manier om Afrikaners te verenig, sou deur ‘n mate van dwang wees. Brittanje gaan nie weer vir ons ‘n South Africa Act in Westminster uitvaardig nie. Daarom sal ons sélf ‘n stuk wetgewing moet skep om verhoudings onderling te reël en te sorg dat “vriendelike vuur” tot tyd en wyl hierdie oorlog verby is, tot die minimum beperk of heeltemal uitgeskakel word. Hoe kan dit werk?
Hier is my voorstel, om te oordink: Ons stel ‘n ooreenkoms op wat elke organisasie of individu wat deel van die “Afrikanerbeweging” is of wil wees tot ‘n sekere gedragskode verplig en om sekere breë beginsels waaroor ons nou al kan ooreenkom, te onderhou (bv. behoud van Standaardafrikaans, ‘n tuiste in SA, ens.). Indien enigiemand die gedragskode oortree, kan hy aangekla en verhoor word deur ‘n arbiter of komitee wat vir beide partye aanvaarbaar sal wees. Daar moet ook swaar boetes by betrokke wees, wat kontraktueel vasgestel sal wees. Dus as enigiemand sewe-uur op RSG iemand anders ‘n “rassis” of ‘n “Nazi” of ‘n “pedofiel” of “suiplap” of wat ook al daardie oggend in sy kop inkom, wil noem, mag hy dalk dink aan die kontrak wat hy geteken het en dat hy waarskynlik binne die volgende week voor die arbiter gaan staan en met R500 000 beboet gaan word. Die arbiter se bevinding sal ook ‘n bevel van die hof gemaak kan word, en indien ons nie meer met die plaaslike howe tevrede is nie, kan ons selfs ‘n jurisdiksie oorsee kies, soos in Vlaandere of Nederland byvoorbeeld. Die bedrag kan selfs in euro vasgestel word, gegewe dat die rand se waarde, om die minste te sê, in die toekoms gaan afneem. Dit kan oor meer ook gaan: dat niemand, soos FW de Klerk of Roelf Meyer, ‘n ooreenkoms met enige owerheid, staat of politieke party of terreurbeweging of ander instelling mag aangaan wat ons toekoms of regte raak sonder ‘n 75%-meerderheid by ‘n spesiale sitting wat byeengeroep móét word nie.
Ek kan nou al voorspel dat ‘n hele paar mense nie bereid sal wees om tot die behoud van Standaardafrikaans in te stem nie, want hulle wil ons taal kreoliseer en vermeng sodat dit vir anderstaliges of sekere “bruin leiers” aanvaarbaar kan wees. Maar sodoende sal die koring van die kaf geskei word en sal daar geleidelik ‘n breë konsensus oor belangrike kwessies ontstaan en kan elke lewensbedreigende aspek van ons bestaan een vir een aangepak word, met steun van die totale groep.
Uiteraard kan daar by die Afrikanerparlement of sekere byeenkomste of plekke ‘n privilegie bestaan waar elkeen vry is om so skerp kritiek as moontlik uit te spreek en waar totale vryheid van spraak mag geld. Daar kan jy dan met hartelus jou broer invlieg en hom vertel watse lelike skoene hy dra – soos Rapport met my in 2002 gedoen het, ha! – dat net lidmate van sekere susterskerke hemel toe gaan of waarvoor jy ook al lus het.
Diegene van u wat met die Afrikaanse letterkunde bekend is, sal weet dat daar op ‘n stadium ‘n hele kultus rondom die idee van ‘n “buitestaander” was. Ek meen Etienne Leroux het daarmee begin in sy roman, “Die mugu” (1959). Maar ook in ons geskiedenis was daar ‘n paar begaafde buitestaanders wat ‘n sleutelrol gespeel het, en geen gewone Afrikaners was nie: Byvoorbeeld Leyds, wat Paul Kruger geadviseer het, wat drie Europese tale gepraat en die tjello kon bespeel. Dan Verwoerd, wat op Engelse skole in Rhodesië was, maar die eerste persoon was wat op Stellenbosch tot op die vlak van Ph.D. sy hele kursus in Afrikaans voltooi het. Hy was ook die eerste redakteur van Die Transvaler, waarsonder die Nasionale Party nooit die 1948-verkiesing sou gewen het nie. Dit was insgelyks hy wat eerste begin het om die noodsaak vir ‘n sterk weermag te besef en oor ‘n langtermynstrategiese visie beskik het. Blykbaar het hy destyds al ingesien dat die Oranjerivier in ‘n droë land soos Suid-Afrika van wesentlike belang was. Sonder hom sou daar seker nie vandag ‘n dorpie soos Orania langs die Oranjerivier gewees het nie.
Nóg Leyds, nóg Verwoerd was Afrikanerkrewe. JBM Hertzog ook nie. Die laaste nasionale leier met integriteit wat ons gehad het, was mnr. PW Botha. Ongelukkig het hy Niël Barnard en Margaret Thatcher te veel vertrou. En uiteindelik het die Afrikanerkrewe oor hom geseëvier toe die hele NP-kabinet besluit het hy moet nou heel onder in die emmer. Aan die einde van die Romeinse Ryk was daar ook so ‘n oorblywende generaal wat nog weerstand sou kon bied, toe vermoor die Romeine hom self in ‘n sluipmoord! Nie lank daarna nie, is Rome deur die Wes-Gote geplunder en was dit die einde.
Een van die beginsels wat ons ook dalk onderling moet aanvaar, is om nie deel te neem aan die algemene verguising van dr. Verwoerd nie. As ‘n mens sy lewensverhaal lees en hoe hard hy gewerk het om ons vry en onafhanklik te maak, van sy jong dae af tot en met 6 September 1966, dan verdien hy nie om deur ons verloën te word nie. Juis omdat hy so ‘n groot en briljante man was, haat ons vyande hom soos gif en laat hulle geen geleentheid verbygaan om sy naam deur die modder te sleep nie, soos nou weer op Stellenbosch waar sy gedenkplaat verwyder is. U hoef hom nie te verdedig nie, maar bly dan liefs stil en moenie aan die algemene gejou deelneem nie.
As ons die mag van die emmer kan tem, sal ons iewers kom, want die ouens aan die oorkant is nie so sterk nie, al bestee hulle so na hartelus ons belastinggeld op groot partytjies en konferensies.
Afgesien van ‘n onderlinge reëling en gedragskode teen “vriendelike vuur”, is daar een baie maklike manier om Afrikanereenheid te bewerkstellig en dit is om mense ‘n gemeenskaplike vyand of “teiken” te gee.
Gedurende die tagtigerjare het Zoeloe en Xhosa, Jood en Engelsman, verloopte Afrikaner soos Van Zyl Slabbert, kleurling en Indiër, liberalis en kommunis, wat gewoonlik soos kat en hond onder mekaar baklei, teen die hervormende bewind van mnr. PW Botha en eintlik teen die Afrikaner self verenig. Niks het hulle onderling gebind nie, behalwe ‘n gemeenskaplike afkeer van ons, gegrond op etniese haatgevoelens en ‘n soort jaloesie omdat ons op soveel gebiede beter as hulle presteer het.
Elke volk en elke land ter wêreld beskik oor ‘n natuurlike vyand: sy buurman of dalk ‘n ander land iewers ver oor die water. Dink maar aan die VSA en Rusland tans. Eintlik wil Rusland vriende met Amerika wees, maar om sy reusewapennywerheid aan die gang te hou, het die VSA ‘n vyand nodig, daarom probeer hy sy bes om ‘n derde wêreldoorlog in Europa te ontketen.
Een van die Afrikaner se groot swakhede is sy goedgelowigheid en geloof dat sy eie opregte en vriendelike optrede met dieselfde gedrag beantwoord sal word. Politiek gaan oor vyandskap en die goeie daad word dikwels met vyandelike optrede beloon. Het ons nie genoeg ervaring daarvan in dié land nie? Ons het gedink ons bou skole en hospitale vir ander, toe pleeg ons eintlik ‘n “misdaad teen die mensdom”, nie waar nie?
Ons sal moet besluit wie die werklike vyand is en dan daardie individu of groep met dieselfde boosheid moet inklee as wat ons tot gister ingeklee is en op baie maniere steeds word.
Sonder dat ons ons vyand kan identifiseer wat vir ons huidige ellende verantwoordelik is, is ons soos ‘n blinde wat rondstrompel en heel tyd geslaan word. Die Transvaler en Die Burger het destyds spotprente oor “Hoggenheimer” geteken. Dis miskien nie meer so eenvoudig nie, maar ek kan sien dat daar ‘n bepaalde soort Engelsgesinde kulturele marxis bestaan, hetsy wit hetsy swart, wat ons vandag onophoudelik teister. Hulle is taamlik openlik vyandig teenoor die Afrikaner en Afrikaans.
Die lyne moet getrek word en as die stryd eers aan die gang is, sal ons mense byna outomaties geledere sluit. Ek kom reeds agter dat baie van die draadsitters beangs raak omdat daar ‘n keuse aan hulle opgedwing gaan word.
Wesenlik waar. Hierdie tribunaal, regsintelling, howe… Daaroor wonder ek. Ek hou maar by my snelbaan-opsie, dalk kom ek daarmee eerste uit die emmer! ‘n Volksgesag. Daardie volksgesag wat dan professionele mense of ‘n professionele instansie bemagtig om die volk te beveilig. Maar u artikel is ‘n goeie samevatting van die werklikheid en die nood van die Afrikanervolk.
Ek stem saam (soos ek dit interpreteer) dat ons op onsself eers moet fokus (al is dit met ‘n gedragskode) en dan op hierdie ge-konsolideerde groep se risiko’s. Maar daar moet altyd (miskien) aansporing wees wat ‘n variasie van reg, ekonomie en waardes(soos vryheid) sal insluit. ‘n Totale Teenslag maw.
Met “Totale Teenslag” kan ‘n mens al ‘n hele ent gaan. Hoe skop die volk daarmee af? ‘n Volksvergadering? Tog nie ‘n ding wat in ‘n hoekie besluit word nie. Afrikanerpolitiek moet onbeskaamd ‘n openbare ding wees en weer word. Natuurlik moet alle Afrikanerinstellings daar welkom wees, ook, soos ek dr. Roodt verstaan, genl. Viljoen. Selfs Flip Buys kan daar wees!
Flip Buys? Om wat te doen te spioeneer?
Ek dink Carel Combrink se reajkse bo gee iets van die gesindheid weer waarmee Afrikaners so ‘n geleentheid moet hanteer, Riempies. Daar sal eenvoudig te veel régte wigte en teenwigte op so ‘n byeenkoms wees vir enigiets Afrikaner-uitheems.
Gas ek dink dit is te betwyfel of Flip Buys daar sal uitkom –
hy het nou die dag geweier omdat hy van mening is dat hy vir al die mense van
die reënboognasie is – nie net vir Afrikaners nie. Net in ligterluim – het ek
nou onlangs vir iemand gesê dat ek so n ordentlike groep Afrikaners in n
vergadering nie wil misloop nie – dit gaan wees soos in die dae van die Sappe
en Natte – hulle gaan gou-gou mekaar begin uitsorteer met stoele en bloedneuse en
dan daarna sal die regte vergadering begin.
En sie daar: Checks and balances!
Maar ek dink die manne wat die politieke daglig kan verduur, so ‘n daglig-volksvergadering sal bywoon.
Dr Roodt , u lewer ‘n kragtige en oortuigende pleidooi vir Afrikanerherlewing en Afrikaneroorlewing. As hulle tog maar net wil luister. Dit laat my dink aan die woorde van Mattheüs 11: “Ons het vir julle op die fluit gespeel en julle het nie gedans nie; ons het vir julle ‘n klaaglied gesing en julle het nie getreur nie”. Ek sien nou al hoe kibbel en kyf die Afrikaners oor wie die gedragskode moet opstel en wat daarin moet staan. Destyds het hulle net so gekyf oor ‘n gebied wat ons moontlik as ‘n Afrikanervaderland sou kon beskou, want my plaas of my huis was nie daarby ingeslutit nie. En wat het hulle nou? Niks, behalwe plase wat hulle dalk môre nie meer gaan hê nie en waar hulle intussen lustig vermoor word. Maar kom ons gryp maar na die bietjie ligte luim wat daar is: Ek kon my verkneukel aan die “Afrikanerkrewe” wat tog nie kan gedoog dat een van hulle dalk uit die emmer klim nie! Ek kan sien, Doktor, êrens is u tog ook ‘n Kapenaar.
Ek glo die natuurlike vyand kan die messelaars broederskap en sub organisasies wees.Miskien kan ons daar begin,Maar dit gaan baie moeilik wees.
Dalk is dit te idealisties om na ‘n ideale oplossing te soek, maar dit moet moontlik wees om ‘n beter bedeling as die huidige tot stand te bring.
Iets wat dalk nie algemeen bekend is nie, is dat die moontlikheid van ‘n federale staat, wat ‘n onafhanklike of ten minste ‘n selfregerende Wes- en Noord-Kaap omvat, pas geopper is (Die Burger, 13 deser, p 5). Peter Marais is een van die voorbokke. Daar is ‘n begeerte om die inwoners se taal, kultuur en godsdiens te beskerm. Die swartes sal aanvanklik ‘n minderheid in so ‘n staat wees en ek dink die blankes ook, maar wit en bruin sal in baie opsigte seker saamstaan. Van multi-etnisiteit en -kulturaliteit sal ‘n mens in so ‘n opset nie wegkom nie.
Kultuurbehoefte gewys is ons en die Kleurlinge baie naby aan
mekaar alhoewel ons kulture verskil is daar tog n norm van beskaafdheid by beide
teenwoordig. Ek is al geraps oor my “partydigheid” vir Kleurlinge dit is
werklik nie partydigheid nie dit is net objektief en eerlik wees.
Die ANC het n tyd gelede Die Kleurling polisie uitgeruil vir
swart polisie en dadelik was daar probleme – Die swartes reageer nie op roepe
nie en doen niks aan dwelms en misdaad nie voorheen was daar orde in die
Kleurling gebied. Die Kleurling vroue het eendag masjeer na die polisie kantoor
om hulle frustrasie en bekommernis oor hulle kinders en dwelms met die polisie
op te neem – beskaafd nikse gebrand of enige barbaarse optrede nie net die
polisie se hopeloosheid aan te spreek – dit gaan maar nog net dieselfde as
voorheen geen reaksie op roepe nie en die dwelms gaan vrolik voort.
Kleurlinge is ook nie so “in your face” nie – hulle verkies
hulle eie mense om mee te verkeer. Kyk maar na die SABC die swartes is “in your
face” 24/7. Grooooot verskil tussen Kleurlinge en swartes.
Riempies, ek is hier met jou eens.
Ek het nou so ‘n maand gelede vinnig by ‘n noodapteek ‘n draai moet maak vir ‘n hepatitus inspuiting nadat ‘n kat my gebyt het.
Dit was toe ‘n kleurling suster wat my toe die inspuiting moes toedien. Wat ‘n voorreg om so professioneel deur ‘n “anderskleurige” behandel te word.
Toe sy verneem dat ek voorheen by die SAKK Bn diens gedoen het was die gort gaar.
Sy het omtrent gesels en stoom afgeblaas teenoor die swartes wat nie wil werk nie en net gedurig salaris verhogings wil hê.
Ek is nie skaam vir van hierdie mense nie, ek het vriende onder hulle. Daar is ook maar “klasse” onder hulle.
Skokkend.
More Leon,
ek verneem die VF+ het reeds hierdie gedagte van ‘n federale staat einde Mei voorgelé as ‘n konsepbesluit vir oorweging.
Ek dink dat Afrikaners nog steeds tot ‘n groot mate eensgesind is oor taal en kultuur asook op politieke vlak.[die DA]. Die ANC se beleid is besig om ons nog nader aan mekaar te bring. So ook plaasmoorde en ander euwels. Hierdie eenheid sal tot ‘n volgende vlak geneem word wanneer iets dramaties soos bv oproer in die voorstede plaasvind.
Om die propaganda – oorlog te beveg: ek dink dat ‘n aggressiewe / rassistiese teenreaksie soos Steve / Dan / Sunette soms doen, eintlik teenproduktief is. Ek vermoed dat die mense by Afriforum soms hulle hare uit hul koppe wil trek oor die manier en styl van verset deur iemand soos Steve.
Glimlag vir jou opponent oorkant die onderhandelingstafel, skud blad, beloof die son, maan en sterre terwyl jy ‘n dolk agter jou rug vashou. Hardegat-geit is dalk nie die antwoord nie.
‘n Senior prokureur en hoof onderhandelaar van Sony Europa het een keer vir my gesê dat die beste onderhandelaars in die wereld die Russe is. Omdat hulle van kleins af skaak speel. Ek dink ons moet meer berekend wees. Ons opponente moet nie weet waar hulle met ons staan nie.
Terloops, ek preek seker vir die bekeerdes hier op Praag maar die grootste bedreiging en struikelblok vir groter eenheid is sekerlik die linkses. En ek beskou my as middelgrond maar besef elke dag al hoe meer dat ons volk nie gaan oorleef met hierdie mense in ons midde nie.
Die Mafia Boss het gesê: “Mens kry goeie samewerking met sagte woorde – maar die beste samewerking, met sagte woorde en ‘n GUN / wapen !!” .
Al Capone – “You get more done with a gun and a smile than only with a smile”
Dan verstaan u maar min van die Russe. Die Russe dreig nooit en hulle belowe nooit. Dit is wat hulle so gevaarlik maak, want hulle huiwer nie om te doen en op te tree nie. Dit wil gedoen wees om daardie enorme landmassa te verdedig. Daar is geen sprake van “skaak” by die spel wat die sogenaamde “middelgronders” in Afrikaners geledere speel nie. Dit is gewone opportunisme en het geen heilsame uitwerking nie, want dit speel in die hande van ons vyande. Ronald Reagan het die beginsel verstaan. Lees die jongste onderhoud met Martin Bosma in Trouw: Hy het dit ook baie goed verstaan.
Wat van so ‘n scenario alvorens daar aan groter Afrikanereenheid gedink word: Constand Viljoen en FW de Klerk wat in die openbaar hande vat (néé, nie soos De Klerk en Mandela hande gevat het nie, u weet mos, daai foto wat op FW se webwerf verskyn.
Het maar aan so ‘n moontlikheid gedink na aanleiding van ‘n berig op 8 November verlede jaar waarin hierdie geskryf is:
Genl. Viljoen wou direk met die “vyand” onderhandel, beslis nie deur “mnr. De Klerk” nie en die Konserwatiewe Party (KP) het in daardie stadium al aan die onderhandelinge onttrek. (“Ek wil nie my naam in een sin saam met mnr. De Klerk hê nie,” sê genl. Viljoen.)
‘n Taai ding, dié Afrikanereenheid, lyk dit my.
O ja, kan nie help om aan daardie ontmoeting in die Trekkergeskiedenis te dink toe Andries Hendrik Potgieter en Andries Pretorius ‘n vredesontmoeting gehad het nie.
Ek dink in elk geval nie De Klerk en Viljoen is ‘n onpaar politieke paar nie, genl. Viljoen protesteer ‘n bietjies te veel na my sin.
Gas: “Constand Viljoen en FW de Klerk wat in die openbaar hande vat (néé, nie soos De Klerk en Mandela hande gevat het nie, u weet mos, daai foto wat op FW se webwerf verskyn.”
Jy het dit so goed geskets Gas… Dit lyk soos skerpioene wat vreedsaam paar…
Ek dink die ‘Afrikaner’ is in die stadium besig om te verbaster met Indiers, Swartmense en Kleurlinge, ek het dit gesien in Welkom en in Bloemfontein. Ek dink Verwoerd moes in sy tydperd die ‘Afrikaner’ tuisland daar gestel het, maar nou het ons n massa migrasie van swartmense na alle stede, afrikaanse skole word oorgeneem deur swartes wat aandring op engelse onderrig, al die werksgeleenthede word oorgeneem deur swartes, ens
Ek stem saam ons moet op enige moontlike manier begin saamstaan. Die boete en tribunal idee kan ek nie sien werk nie veral nia as ek 500,000.00 ZARRE moet uithaal omdat ek vir X gese het hy is n poepol nie.
Wat ek wel kan sien werk is dat n paar aanknopingspunte vir oorweging aan alle moontlike deelnemers gestuur word. Maak nou nie saak of hulle op ons ,mekaar of sommer almal wil spioeneer nie – dit gaan mos nou nie oor staatsgeheime nie, nooi sommer vir NIA ook dat hulle eerstehandse informasie het .
Die doel sal wees om te begin praat oor basiese goed wat saakmaak bv;
1.Skole en die modelle wat gebruik kan word om die huidige vloedgolf van die regering en Engelse te briek.
2.Gemeenskaps beveiliging – hoe gaan dit geimplementeer word , wat gaan dit kos ,wie gaan dit dryf , wie gaan dit bestuur ens ens ens.
3.Deelnemende bestuur aan plaaslike regering instansies , minusipaliteite ens ( bv Mrn Jaap Kelder en kie) – die skep van skadu bewegings
4.Moontlike opsies vir Afrikaner/blanke feeste op neutrale grond maar op n baie informele wyse wat meer n saamkuier en -kamp as enigiets anders is. Kry 300 mense van alle oortuigings op n plek in die Kalahari of waarookal bymekaar en begin praat net. los die politiek ,leer ken mekaar en begin PRAAT. En as daar dan nou n vuis of wat klap dan is dit ook seker n manier van jou idee oordra.
Om net eenvoudig te se Flip Buys is so en die Mulders so gaan nie werk nie. Kom ons probeer net eers as blankes met mekaar praat. Solank ons nie bereid is om te probeer om n basis te skep waarop n verstandhouding gebou kan word/gebaseer kan word nie gaan ons nie by die hogere doel uitkom nl: die red van n Volk en n beskawing nie. Kry mense bymekaar sonder om te vra wie jy is en wat jy glo nie.
Dit gaan definitief nie lekker wees aan die begin nie en daar gaan teleurstelling wees maar ons sal mekaar die hand moet ryk. En nee ek is nie liberaal nie en ek hou nie van die Mulders nie maar ek glo n man soos Genl. Viljoen wil dalk regmaak waar daar in die verlede verbrou is.Miskien kan hy as n sameroeper optree en ons saak aanhelp?????
Krisjan Lemmer: “… maar ek glo n man soos Genl. Viljoen wil dalk regmaak waar daar in die verlede verbrou is.Miskien kan hy as n sameroeper optree en ons saak aanhelp?????”
Sodra ek my week se badwater opgeslurp het gaan ek daarop reageer…
En weer een energiek betoog op PRAAG met haalbare hoekstenen, waarmee door een in aantal beperkt gezelschap kan worden gestart.
En wat een een fraai passend plaatje erbij uit 1934.
“Die arbiter se bevinding sal ook ‘n bevel van die hof gemaak kan word, en indien ons nie meer met die plaaslike howe tevrede is nie, kan ons selfs ‘n jurisdiksie oorsee kies, soos in Vlaandere of Nederland byvoorbeeld.”
Wat zou dit toch mooi zijn als er een soort Boere ambassade op veilige grond dus buiten deze schurkenstaat kan verrijzen die naast de genoemde boetes, zonder dat daar weer anc sakp belasting over wordt geheven !!!, verder nog lovende premies kan uitdelen aan ‘voortrekkers’ in de gefaalde anc sakp staat met z’n massale en individuele folterisolatie van de Boere Afrikaner.
Dat vraagt niet direct grote aantallen in de piepzak zittenden maar eerder kleine homogene groepen waarvan invulling zeker al voorhanden is door vele goede oprechte integere verstandige mensen.
En dat sluit een aantal andere ondersteunende taken als meldpunt/coördinatie centrum niet uit. Zoals het in kaart brengen en verhalen van alle materiële en immateriële schade die het rancuneuze gewelddadige anc sakp geboefte al vanaf 1994 aan het veroorzaken is door bv. Plaasmoord. (door toedoen en nalaten)
Daarvoor mag toch medewerking in en uit bv. en met name Nederland en België worden verwacht.
Dan hoeft er niet perse in oude kwetsbaar gebleken structuren gedacht wat tijd en energie scheelt.
Neem nou ‘rijk’ Duitsland met z’n “rode ‘möchtegern Rosa Luxemburg”, Wagenknecht. Die bovenop al haar 24/7 Germanenhaat in de indirecte democratie nu de Grieken maar oproept niet te betalen !!!!! om de echte Duitser die sinds z’n bevrijding wordt gekeeld en ontbonden weer te laten opdraaien voor ellende waar hij nooit voorkoos.
Hoe kan een land of volk ooit floreren met dergelijke slopende rode bolsjewistische ploerten en aardsparasieten verkleed als Groen. liberaal, of socialistisch en zelfs christelijk etc.
Het zal dus eenvoudiger en sneller/rapper/vlugger kunnen gaan als de naasten worden geīdentificeerd en uitgekozen’ om mee te trek uit deze
Wat van het idee van een eigen ondergrondse int. ‘geheime dienst’ geschoeid op bv. een VM loge model om mee te beginnen, om niet als enige toegestane taak ‘het elkaar overboord gooien en een ieder vanwege zijn kleur en benijdde kwlaiteiten ! al met een blok beton om de nek zit’ te houden terwijl de wolven de kleine Pjotr opvreten.
En dat brengt ons dan voor even, als het niemand kwetst, zoals al eerder hier op PRAAG aangehaald ,bij Drs. P. Die vandaag stierf op 95 jarige leeftijd :
https://www.youtube.com/watch?v=tsrokiK1SEE
……waarin men zich gelukkig prijst dat er geen leeuwen zijn……..
Zal bij u al niet een fuik zijn 😉
Dis wragtag ‘n goeie artikel Dan. Wrede eerlikheid sal ons net kan help.
Ek hou van die Franse en Hollandse wortels – dis immers ons stamverband.
Laat ek weereens die Virtuele Volkstaat gedagte aan u voorlê want tegnologie het dinge moontlik gemaak wat voorheen ondenkbaar was.
Die vraag in die opskrif en soos dit uiteengesit word in dr. Roodt se verkenning, of die Afrikaner deur ‘n ooreenkoms tot eenheid gedwing moet word, is ‘n reguit nee, hoe groot die nood en versugting daarvoor ook al.
Eers as die Afrikanervolk weer sy eie staat het, en sy burgerpligte hom tot getrouheid aan daardie staat oproep (dit voorsê?), kan daar in sulke terme gedink word.
Dis maar so delikaat soos die Afrikanervolk se omstandighede nou is, dit het ‘n lelike klimtolsituasie geword waarin mense soos Adriaan Basson vir 24 uur van die dag die vryheid van die stad het terwyl die ou omie en tannie sonder ‘n siekefonds in sy of haar stinkende staatshospitaalbed in hul eie bloed lê en doodroggel, wie de hel gee om.
Laat die Afrikanervolk intussen maar, soos wat die artikel ook doen, sy instinkte verskerp wat betref bedreiging en vyande en ook die ander dinge wat dr. Roodt noem. En deur die oefeninge, verkieslik ‘n vinniger proses as tot nou toe, gaan tot die volk in daardie situasie is van “totale teenslag” soos ‘n ander kommentator dit genoem het.
En as genl. Viljoen nie daar is en sy eerlike gewig trek nie…
Moet hy nie weer vir De Klerk die skuld gee nie. Hy sal by sy lynfunksies moet hou. Of hoe het daardie voorblad van Patriot destyds gelui, generaal?
Korreksie: Die sin moet so lui: Die vraag in die opskrif en soos… gedwing word, se antwoord is ‘n reguit nee… Die woorde “se antwoord” moet voor “is ‘n reguit nee”, ingevoeg word. Jammer.
Nog iets, van die os op die jas: Ons beplan ‘n kultuuraandjie waar ons onbeskaamd elitêre uiters moderne klassieke musiek gaan speel en ‘n paar literêre voorlesings gaan hou. So iets is jare laas, indien ooit, in Afrikaans gedoen. Ook die musiek sal van ons eie moderne komponiste wees.
Die pianis gaan opreis van die Vrystaat af.
Hoe klink dit?
Dr Dan,
dit klink goed, sal ons so iets ook hier in die kaap van stapel kan stuur? Riempies! Dolk!
Spring die toe in my verbeelding op!Luister en kyk daarna asb.!!! :
https://youtu.be/InRDF_0lfHk
Ek dink dit was Boet Troskie wat destyds tydens Mimosa Films se funksie waar Kobie Coetzee teenwoordig was gesê het:
” Dis beter om voorheentoe te kyk en nuwe foute te maak as om gedurig jouself te verwonder aan die foute van die verlede….” [ Ek het nogal Kobie Coetzee se gesig dopgehou…..en my verbeel ek sien iets eienaardig raak.]
Vir my ‘n uiters kosbare perspektief van die unieke beskaafde en geseënde Christendom.
Alkmaar Swart: Die weg van verset, p 18 (dr. AP Treurnicht het in gemakliker omstandighede as nou daarna as Die Groen Boekie (teenoor Mao se Rooi Boekie?!), verwys:
‘n Chrsitenvolk moet die wettige en grondwetlike weg volg tot dit doodloop.Die metodes wat hievoor aangewend kan word is kritiek en protes., aksiefronte, magsvertonings en in besonder dié van afsplitsing en naasontwikkeling. ‘n Volk wat in ‘n vreemde politiek-staatkundige stelsel geknel is, kan die doeltreffende weg van afsplitsing en naasontwikkeling volg. Dit beteken om hom afsonderlik te orde en uit te beweeg. Dit is ‘n wettige weg.
Indien die nood en onreg egter nie langs dié weë reggestel kan word nie, mag ‘n volk oorgaan tot lydelike en aktiewe verset. Dit behels gesagsongehoorsaamheid en wetsvermyding. Toepassers hiervan moet die juridiese gevolge van hul dade dra.
Prof. H.G. Stoker lê nog ‘n finale toetssteun aan vir hierdie optrede: “Watter oplossiong, watter metode van oorwinning van die noodsituasie ook gevind mag word, – die Calvinis is dan alleen geregverdig om daardie metode enduit toe te pas, en mag alleen dan Gods seën op sy bemoeiing verwag, – as hy in sy gemoed oortuig dat wat hy ondrneem, volgens dei lig van Gods Woord en werklik volgens sy oortuiging diee wil van God is.”
(Stoker, H.G.: Die Stryd om die Ordes, Caxton, Pretoria, 1941, p.244)
Die reg van verset van ‘n volk kom nie ‘n enkeliing toe nie (Christus beveel Petrus om sy swaard in sy skede terug te sit), maar kan slegs namens ‘n volk deur die laer volksowerhede (laer magistrate) uitgeoefen word.
Lech Walenza het die kommunistiese staat tot ‘n val gebring deur te verklaar: “NIKS sal ons dwing om geweld te gebruik nie!!” Hulle het eenvoudig hul gereedskap neergesit en hul arbeid onttrek.
Nog Alkmaar Swart oor ‘n versetmodel (FW de Klerk vra mos na verset!):
n Boereversetmodel 1877 – 1881 (Sien Alkmaar Swart se Verset en Vryheid, p. 19 – 22):
Ons Boeregeskidenis bied ‘n skitterende en beproefde mode vir verset teen en die vryweg uit vreemde oorheersing.
Op 12 Aprilk 1877 het die Boerevolk sy grootste vernedering tot op die datum ondergaan toe Shepstone met 25 polisiemanne die Transvaal sonder slag of stoot geannnekseer en die Union Jack op Kerkplein gehys het.
Die vernedering was ‘n regstreeksae gevolg van die hervormingsbeleid van die liberale president T.F. Burgers waardeur wantroue en verdeeldheid geskep en die vryheids- en veggees van die Tarnsvaalse volk uitgedoof is.
Eers toe die harde werklikheid van vreemde oorhersing tot die Boere deurgedring het, het die verset-,, vryheids- en veggees ontvlam.
Kruger het die weg van onderhandeling deur middel van vryheidsafvaardiging gekies.
Die eerste vryheidsafvaardiging (Kruger en Jorissen) het in Desmeber 1877 overrigtersake terug gekeer. Die Britse regering weier ‘n volkstemming en die herroeping van die anneksasie. Op Maandag 7 Januarie 1878 het ‘n duisend burgers ‘n onstuimige verslagvegadering in Pretoria bygewoon. Kruger moes maan tot verantwoordelike optrede. Jorissen het sy verbasing uitgespreek oor die verandering van houding wat onder die Boere in die nege mande van hul afwesigheid ingetree het.
As ‘n volgende stap is die volk nou betrek by ‘n versoekskrif en die tradisie van die volksvergadering is laat herleef. In die slotwoord van die versoekskrif aan Carnavon is gevra dat die land waarvoor hulle bereid was om hulle lewens voor op te offer, terug gegee moes word. Die versoekskrif is wyd en syd vir ondertekening versprei en dit het ‘n drieledige doel gedien, naamlik die van samebinding, die uitdrukking van hul strewe en van volkstemming.
Die eerste van vyf volksvergaderings is by Doornfontein in die Pretoria-distrik belê. Op 12 Maart 1878 het Shepstoine die volksvergadering deur proklamasie verbied. Dié “hou-jou-smoel”-proklamasie het gemoedere hoog laat loop. Van 4 tot 6 April 1878 het 1 154 Boere by Doornfontein vergader en toe die hanstekeninge op die versoekskrif getel is, het dit geblyk dat 6 591 teen anneksasie gekant was.
‘n Tweede vryheidsafvaardiging (Kruger en Joubert) het einde 1878 onverrigtersake terug gekeer.
Die patroon van vryheidsafvaardiging, verslag- en volksvergadering het die verlangde vrug begin afwerp, naamlik die monstering van die volksmag en groeiende volkseenheid. Dit word weerspieël deur die opkoms van die burgers by die daaropvolgende vergaderings:
1 154 by Doornfontein April 1878; 4 000 by Kleinfontein Maart 1879 en 10 00 by Paardekraal Desember 1880.
By elke volksvergadering het die gees van ongeduld en verset en die aandrang op die opneem van wapens toegeneem. ‘n Meningspeiling by Kleinfontein het getoon dat 219 burgers ten gunste van geweld en 154 vir lydelike verset was terwyl 1 137 gewillig was om die meerderheidsbesluit te aanvaar. By Wonderefontein is die Vierkleur vir die eerste keer sedert anneksasie gehys. Die Britse gesag is luidkeels verwerp en daarop aangedring dat die vise-president sy amp opneem en die Volksraad byeenroep. Pretorius is as gevolg hiervan op 5 Januarie vir hoogverraad in hegtenis geneem. Altesaam 3 009 gewapende burgers het op Potchefstroom byeen gekom en Kruger het inderhaas uit Rustenburg gekom om hulle tot bedaring te bring.
Tussendeur is die metode van lydelike verset ingevoer en uiters doeltreffend aangewend. Reeds in Oktober 1878 is hiermee begin. Lydelike verset was in twee opsigte dodelik doeltreffend. Oorgaan tot geweld sou in daardie stadium in die hande van die Engelse speel en lydelike verset het die wil tot weerstand en die veggees vlymskerp geslyp. Die Engelse blad Echo het opgemerk: “Lydelike verset is lastiger as openlike verset!”
Reeds tussen Oktober en Desember 1878 was daar voorvalle van openlike verontagsaming van landswette. Betaling van belasting is willens en wetens ontduik: ammunisie is sonder permitte verkry en daar is geweier om voor howe te verskyn as teken van minagting van die landswette.
Lydelike verset was ook uiteindelik die vuurhoutjie in die kruitva. Bezuidenhout, ‘n Potchstroomse boer, weier om belasting te betaal: die landdros lê belag op sy wa wat op 11 November 1880 per openbare veiling verkoop word. Altesaam honderd boere onder Cronje maak hul opwagting, ruk die bode van die hof van die wa af en besorg die wa aan die eienaar terug.
As gevolg van dié voorval is die Paardekraal-volksvergadering wat vir Januarie 1881 belê is, tot 8 Desember 1880 vervroeg.
‘n Doeltreffende Boereversetmodel is toegepas:
#Vryheidsafvaardiging
#Verslag- en volksvergadering
# Versoekskrif
# Lydelike verset
# Aktiewe verset
# Wapenstryd.
Die uiteinde was gevegsgereedheid, gevegsgedugtheid, roemryke oorwinning, vryheid. Aldus prof. Swart.
Oor die vraag of ons onsself onder sensuur moet stel vir n goeie doel: ek meen “nee”, want die idee span die perde voor die kar. As mense verstaan presies hoe krimineel die ANC-regering is, sal hulle vanself begin saamstaan om die juk af te werp. Om te verstaan presies hoe krimineel die ANC-regering is, moet alle Suid-Afrikaners die jongste boek van RW Johnson, “How long will SA survive” lees. Dis is die patriotiese ding om te doen. Na mens daai boek gelees het, kan mens nie meer anders dink as dat saamgestaan moet word nie – hoe gouer, hoe beter. Want die “rainbow nation” het duidelik geen toekoms nie.
As die juk eers afgewerp is, sal die mense sekerlik weer hul verskille onthou – dis nou maar hoe die volkie is. (Ek meen ons was nooit rassiste nie – ons was, en is, “anders-siste”…ons kan nie mense verdra wat anders as ons is nie…anders aangetrek is, anders Afrikaans praat, ander kos eet, ander haarsnitte dra, anders oor godsdiens dink ens…dis regtig n ingeboude swakheid van die Afrikaner).
Maar, ek het op n syspoor beland. Wou eintlik net noem dat die nuwe boek van die liberale RW Johnson n “oogoopmaker” is gelees behoort te word. (Ek ken hom nie….wil ook nie vir hom bemark nie…dis net my eerlike mening na ek die skokkende boek gelees het.)
Dink nie dit gaan so maklik wees nie Dr Dan – die volk is verdeeld en verward, komplimente van anc en samevoeging onder “dwang” sal nie werk nie. Daar is tans te veel hanskakies wat die krokodil voer met die hoop hy word laaste verober, of hopelik, glad nie. Dit is hoekom Afrikaans vertrap word as voertaal by universiteite en skole. Kyk net hoe maklik het Innibos gesneuwel met daardie ekstra paar Randjies. Dit is alom bekend dat wit anc agente regse verset bewegings begin om sodoende die Afrikaner/Boer verder te diskrediteur.
Die volk sal vanself verenig op die regte tyd, wanneer ons met die rug teen die muur is en geen ander keuse het as om te storm nie.
Dit is stadig besig om te gebeur, spontaan, en die anc besef dit maar alte goed – dis hoekom hulle so ongemaklik is oor Eben Barlow en kie, en hoekom hulle nou eweskielik wittes uitnooi om by die vrot weermag aan te sluit.
Statetheobvious ek stem saam met jou dat die Afrikaners besig is om hulle voete te vind het en nie
meer indoktrineer word deur die giere en grille van die ANC nie. Die Afrikaner is besig om hulle menswaardigheid self te herstel en die feite om die ANC te sien soos dit is – kinders in n roomys fabriek, wat nou grootmense nodig het om die gemors op te ruim.
Die pendulum het geswaai van onverantwoordelike “baasskap” na – vir prestasie – teenprestasie of niks. Die Afrikaners het hierdie een voordeel – hulle leer uit hulle foute.
Eben Barlow of the not – Ons ken die swartes en die swartes ken ons – hy nie.
Mooi raak gevat Riempies – ek dink die swartes het vergeet wie en wat ons is. Hulle waninterpreteer ons lankmoedigheid en geduld as papbroekigheid. Dit gaan hulle nog lelik byt