Zuma vlieg in Ichikowitz se straler na China

Die noue bande tussen die ANC en die wapenhandelaar Ivor Ichikowitz is weereens gedemonstreer toe dit so pas aan die lig gekom het dat pres. Jacob Zuma vir sy staatsbesoek aan China van Ichikowitz se privaat straler gebruik maak. Blykbaar huur die staat die vliegtuig wat “amptelik aan Fortune Air behoort”.

Ivor Ichikowitz
Ivor Ichikowitz

Die straler moes gister inderhaas op Pietersburg land aangesien “sterk neuswinde” die brandstofverbruik die hoogte laat inskiet het. Anders as wat elders berig is, “was dit nie ‘n noodlanding nie”.

Die Boeing 727-200 was onderweg van die Male­dive na die Waterkloof-lugmag­basis in Pretoria. Fortune Air wou ook nie navrae beantwoord nie aangesien die vliegtuig met ‘n lugmagroepsein vlieg.

Die hoof van die Suid-Afrikaanse lugmag, luitenant-generaal Zakes Msimang, het verklaar dat dit geen noodlanding was nie, maar bloot ‘n landing om nog brandstof in te neem.

“Dit maak nie saak hoe goed mens ’n vlug beplan nie, die weer speel altyd ’n rol en ’n vlieënier sal nie kanse waag nie.

“Omdat die weer tans baie onvoorspelbaar is, het die vlieëniers dus op Pietersburg geland om te verseker dat die vliegtuig genoeg brandstof het om Waterkloof toe te vlieg.

“Die weer tussen Pietersburg en Waterkloof moes ook in berekening gebring word. As Waterkloof dus weens gure weer op kort kennisgewing nie bereikbaar sou wees nie, moes die vliegtuig genoeg brandstof gehad het om na ’n ander lughawe uit te wyk.”

Ivor Ichikowitz, wat die hoofborg van die Joodse Raad van Afgevaardigdes in Suid-Afrika is, is ‘n voormalige dramastudent aan die Universiteit van die Witwatersrand wat in die vroeë negentigerjare by wapenhandel in Afrika betrokke geraak het. Ná die revolusie in 1994 het hy Suid-Afrika se Mirages en ander wapentuig oorsee gaan verkwansel en uit kommissies en ander inkomste skatryk geword. Sy firma, die Paramount-groep, word tans as die grootste wapenhandelaar in Afrika beskou en hy beskik ook oor etlike kontrakte om Suid-Afrikaanse weermag- en lugmagtoerusting in stand te hou.

Volgens berigte verkeer Zuma se presidensiële vliegtuig, die Inkwazi, tans in Switserland vir ‘n diens.

8 thoughts on “Zuma vlieg in Ichikowitz se straler na China”

  1. jaaaaaa en in die vieslike apartheids jare het ons die wereld se vliegtuie gediens……
    Waarom maak skillie gebruik van die imperialistiese voertuie?
    Die prezzies van die land hou daarvan om met wapenhandelaars se goeters te peuter, die een, vorige prezzie het die een griekse wapenhandelaar se vrou gesteel…
    is prezzie stortkop al skuldig bevind aan die vorige wapen transaksie? is ons nou weer “due” vir nuwe wapens? Sien die ZARP kry begin van volgende jaar weer 15000 nuwe AR15 masjien gewere…… die R5 gewere seker te veel weg gegee in die squatter kampe…….. Waar is Zil die Zol om bietjie hier te krap? Dink net hoeveel van die Bravos haar sal soen as sy vir Skillie in die tjoeikie kan kry.

  6. Sonder n sin vir humor sal n eerstewereld mens dit nooit
    maak nie in die NSA nie.

    Suid Afrika is in n infrastuktuur en finansieële krisis
    gedompel en die staatpresident jaag temidde – gou bietjie Sjina toe vir n
    bietjie wat? Opkikkers om die parlementariers wakker te kry in die parlement om
    hulle bonuses te kry? of die Sjinese aan te jaag om die krag krisis te red? of
    dalk te help met die inkopies vir sy “202” vrou en kinders? – kan gin mens raai
    nie en dit alles nou so met krismis ophande.

    Max du Preez het darrem n bietjie raad – mense witskuld! – witskuld! en wit helpende hand!
    (seker geleen by Soliforum – so n ou jakkals) gaan die ding doen – en nuwejaar – gaan almal
    wakker word in n splinternuwe Suid Afrika.

Maak 'n opvolg-bydrae