Intelligensieverslae toon dat ISIS-militante van plan was om ‘n lid van die publiek in Australië te onthoof, het premier Tony Abbott Dinsdag gesê.
Honderde lede van die polisie het ‘n klopjag op huise gedoen in ‘n radikale teen-terrorisme operasie.
Abbott het gesê daar is ‘n “ernstige risiko van ‘n terroriste-aanval” enkele dae nadat Australië sy nasionale terreurbedreigingsvlak vir die eerste keer na “hoog” opgeskuif het. Die verhoogde waarskuwing kom glo weens die waarskynlikheid van aanvalle deur radikale Australiërs in Irak of Sirië.
Australië, wat die G20-leiersberaad in Brisbane in die middel van November aanbied, is bekommerd oor die getal van sy burgers in die buiteland wat by Islamitiese militante groepe aangesluit het.
Tesourier Joe Hockey het daarop aangedring dat die nodige voorsorgmaatreëls in plek gestel is vir die G20-leiersberaad. Hy het gesê die klopjagte sal nie die nwaweek se G20-vergadering in Cairns raak nie.
Meer as 800 Australiese polisiebeamptes het deelgeneem en 15 mense in hegtenis geneem nadat talle eiendomme in Sydney en Brisbane deursoek is.
Reuters het Donderdag berig dat militante verbonde aan die Islamitiese Staat (ISIS) beplan het om iemand op straat in Sydney te gryp en in die openbaar te onthoof, en ISIS se vlag oor die persoon te drapeer.
Ernstige aanklagte van terrorisme is teen een van die 15 verdagtes gebring. Hy sal binnekort in die hof verskyn.
Wat interessant is, is dat hulle skynbaar weet wie die scharmonkels is en waar om die klopjagte uit te voer, maar hulle doen niks daaraan nie totdat daar ‘n G20 vergadering is. So gaan dit met alles, sirkustrieks en oëverblindery.
Visvangespedisie. Die vorige G20 berade was onder kwaai druk van betogers en nou ewe skielik het die Aussies klopjagte op “terroriste”? Miskien was die hele ding net oeverblindery om die betogings in die wiele te ry of hoe?
Dit is die magspeletjies wat die politici speel terwyl die gepeupel op hulle plek gehou moet word. Dit raak nou-al ‘n tendens.