deur Koos Reyneke, Wapadrand, Pretoria
Middel ’93 het generaal Viljoen my versoek om die hele Volkstaatkwessie of eie grondgebied vir Afrikaners, Boere of Boere-Afrikaners, te verkort tot slegs twee beginsels wat hy tydens ‘n beplande eerste en geheime vergadering met meneer Mandela wou gaan bespreek ten einde te probeer om die droogmakery van Afrikanerberoepspolitici in NP-, KP- en Volksfrontkringe te probeer omseil ten einde ‘n beginselskikking te bereik.
My voorstel was: Een: dat ras nie as norm gebruik sou word nie, en twee: dat geen mense verskuif sou word nie.
Generaal Viljoen het saamgestem nadat ek bevestig het dat dit wel moontlik sou wees om ‘n baie klein deel van Suid Afrika, ongeveer 17%, af te baken met ‘n duidelike Afrikanermeerderheid.
Meneer Mandela was baie redelik en het ingestem en gesê hy keur dit in beginsel goed en dat die detail met die ANC se National Executive uitgewerk moes word, waarna verskeie geheime vergaderings met hulle, insluitende Thabo Mbeki, Jakob Zuma, Penuel Maduna, Joe Modise, Joe Nthlandla en nog een of twee gevoer is.
Vir die doel moes ek Suid-Afrika se eerste nie-rassige sensus opstel wat uit twaalf volumes bestaan het en slegs taal (28 tale) as norm sou gebruik.
Dit het ook gelei tot die tweede Grondbeginsel wat die Tussentydse Grondwet tydens KODESA voorafgegaan het.
Beroepspolitici, veral in die VF, het egter ander agendas gehad en die ooreenkoms waarvoor byna 700 000 mense gestem het, verongeluk.
Hierdie behoort ‘n baie interessante debat te wees, kry die Mulders om hier saam te gesels op Praag – spesifiek op hierdie skrywe van Koos Reyneke.
Die mulders is net daar vir hulle eie sakke. So patrioties soos ‘n doplose slak – buig jou waar die gety jou vat. Die effek is dieselfde as om met Ramaphosa te onderhandel.
Hierdie onderwerp verdien baie meer aandag. Is dit moontlik om ‘n berig met meer detail te plaas?
Viljoen = FW de Klerk skoothondjie. Jy word nie as generaal en nog minder as hoof van die weermag aangestel as jy nie VOLLEDIG deel is en ingelyf is in die land se politieke leierskap (misleiding in my opinie) is nie. So om te verwag dat Viljoen enigsins anders sou optree is absurd. Hy het die mense goed belowe maar gemaak wat sy base en hanteerders vir hom gesê het.
Ek was ook lid van die Vf en het hard gewerk . Gelukkig het ek agter gekom dat hulle nie erstig is omtrent selfbeskikking nie. Die laaste strooi was toe Mulder n pos aanvaar in die ANC. Net verraaiers doen dit . Vir hom het die geld en voordele swaarder geweeg as die lot van sy volgelinge. Die Vf is lankal nie meer n faktor nie.
Die waarheid ontbloot.
Watse ge-VF? Dis Mulder Inc, die nepotistiese familiesaak wat maak asof hulle politiek bedryf maar eintlik in die ANC se parlementêre toneelgeselskap optree as die wit dom dikkes
As ons net ons “Nuremburg verhoor” verhoor kon kry en al hierdie deelnemers onder die kol lig kon plaas, daar is soveel sake wat gelei het tot ons val en ons ken nie eers ‘n kwart daarvan nie. Hulle het vergader in die geheim?! Hulle het gesmeek voor die voete van die ANC voor 1994? Hoe diep is hierdie verraad rêrig?
Kan dit wees dat Viljoen so onderdanig was aan die regering in plaas van die mense wat hy veronderstel was om te dien? Hy het letterlik die mag en invloed gehad om die ANC te vernietig in die grond in. Dit gaan my verstand te bowe. Sal ons ooit weet wat waarlik gebeur het?
Ek wens Generaal Viljoen of wie ook al vir hom gewerk het kan net vir my sê hoe dit sin maak om te skrik vir oorlog en jou hele land weg te gee in die kinders van Suid-Afrika se toekoms en identiteit in die proses? Die Duitsers het die 2de wereld oorlog verloor – ten minste het hulle hulle taal en land behou om weer op te bou. Ons het nie eers ‘n kans gekry om te wen of te verloor nie. Hoekom is daai kan van ons ontneem, moenie vir my se dit was om lewens te red nie en om ‘n burger oorlog te voorkom nie – ons het al die mag gehad om die ANC van hierdie aarde af te vee.
Ek soek regverdigheid vir my volk. Hierdie saak is nie afgehandel nie.
Genl. Viljoen is persoonlik deur Elizabeth II van Brittanje bedank vir sy rol in die oorgawe by haar besoek as hoof van die Gemenbes in Kaapstad. Ek praat as ooggetuie van die warm handdruk en bedanking.
1. Enigeen kan ‘n “Nuremberg verhoor” organiseer. Kry vir jou ‘n handjievol eendersdenkendes, gaan versamel diegene wie jy wil verhoor, en hou jou hof. Die werklike Nuremberg verhoor het geen meer gesag as dit gehad nie.
2. Die Duitsers het sowat die helfte van hulle grondgebied verloor. En hulle gaan dit nooit weer terugkry nie, siende dat hulle na die WW2 vanuit daardie gebiede verjaag of daar uitgemoor is. Dink aan Oos-Pruise, Sudetenland, die boonste kwart van Schleswig-Holstein, of waarom die Duitse volkslied vandag nie meer melding maak van daardie gebiede wat deur Frankryk geneem is nie.
3. As jy wil oorlog maak, maak oorlog. Watter kans is jou ontneem?
4. Wat behels “regverdigheid vir my volk”? Wat gaan jou gelukkig maak? Wil jy regter wees, jou vyande ter dood veroordeel, en dan wat? Waarom het ‘n miljoen Afrikaners nog nie êrens op ‘n bondel gaan saamplak nie, sê in die Noord-Kaap? Kan dit wees dat die “volk” ‘n mite is?
Nee, die volk is nie ‘n mite nie. Afrikaners word deur ‘n groot psy-ops beheer. As jy nog nie agtergekom het nie, die naam daarvan is Media24. Jy klink ook soos een wat sy melk weggeskrik het toe hy die Stem hoor
Gas ek verskil met jou – hierdie man maak waardige afleidings – soort soek soort – is ons werklik n Afrikanervolk as daar soveel saamboerders – lamsakkiges – verraaiers en rugstekers – misleiers en weghardlopers is?
Is jy ‘n Afrikaner of ‘n Afrikaanssprekende?
Waar lees jy dat ek wil oorlog maak vandag? Ek het verwys na die jaar toe daar wel ‘n kans was, jy is naïef of aspris om aan te neem enige regdenkende Afrikaner wil huidiglik oorlog maak, destyds was dit uitvoerbaar, vandag is dit selfmoord.
“Regverdigheid vir my volk” verwys na die oorblyfsel wat nie veramerikaans/verengels het nie, wat nie ingestem het vir die bestel waarin hulle hulself bevind nie, wat getrou was aan Suid-Afrika wat was, en op hulle herkoms en toekoms. Die wat nie geknak het onder die swart messias en die NP se invloed nie. Daar was gekonkel daar was gelieg daar was verraad, so ja NATUURLIK soek ek regverdigheid selfs 20 jaar later – “fairness” as jy beter sal vaar met in Engels, natuurlik soek ek geregtigheid daarby. Ek het die volste reg om te sê ek verlang na regverdigheid en geregtigheid.
As JY nie dit soek nie, dan is my vorige vraag “Is jy ‘n Afrikaner…” beantwoord. Maar ek moet vra, hoekom het jy kommentaar gelewer op die gal wat ek gebraak het? Is dit dalk omdat jy ‘n weersin het in enige patriotisme wat nog durf bestaan omdat jy oortuig is die volk is ‘n mite? Verdien die klein groepie Afrikaners wat oorgebly het om te oorleef? Dink jy nie dit is bietjie onregverdig om hulle as ‘n mite te beskryf net omdat hulle nie hulle huise en besighede wil verlaat om in die Noord-Kaap te gaan sit nie? Terloops, jy al gehoor van Orania of is dit nie noemenswaardig nie – is hulle ook ‘n mite?
Onthou die wat die gekheid wou keer is belowe hulle sal deur Kontant Miljoen gelei word. Ons weet wat het daarvan geword. Kontant-hulle het so hard baklei dat die agente by NI hulle werk kan behou om die Boeremag te loods
Hulle wou ‘n Volkstaat he sonder om ras as norm te gebruik of om mense te verskuif! Watter idiote tog.
Wat die Mulders doen is oorlewing en klim in die bed saam
met enigeen wat dit polities vereis – hulle saak – maar wat my hinder is dat
daar so n groot aantal mense nie deur die VF+ kan sien nie – en hulle as n
alternatief vir die DA sien en sowaar vir hulle stem – Dit is vir my
kommerwekkend.