‘n Saak van poging tot moord is geopen nadat die Jane Furse-hospitaal in Limpopo se water besmet is.
Die hospitaal is Maandag heropen nadat dit vir drie dae gesluit was, het die provinsiale gesondheidsdepartement gesê.
“Ons het weer die hospitaalbedrywighede hervat en die pasiënte is terug,” het Macks Lesufi, woordvoerder, gesê.
Vrydagoggend is 72 pasiënte uit die hospitaal ontruim nadat die hospitaal ontdek het dat daar diesel in die watervoorraad is.
“Ons het die reservoir gekontak. Vandag [Maandag] kry ons weer pasiënte in.”
Hy het gesê dit is nog nie seker wat tot die besmetting gelei het nie, maar die saak is aan die polisie oorhandig.
Kol. Ronel Otto, polisiewoordvoerder, het bevestig dat ‘n saak van poging tot moord ondersoek word. Niemand is nog in hegtenis geneem nie.
Ek hoor die ebola virus klap plat links en regs bo in Sierra Leone. In ander nuus lees ek is dit weer hongersnood in Suid Sudan. In RSA huiwer ons ook maar op die brink van ‘n afgrond, ons sal nie ebola of hongerte nodig hê nie want die ANC doen sovêr baie goed op hul eie.
Water met diesel besmet en ‘n saak van poging tot moord is aanhangig gemaak? Wat mis ek? Is daar getuienis dat iemand doelbewus diesel in die water gestort het?