Die polisie moes van rubberkoeëls skokgranate gebruikmaak om oproeriges in Sasolburg uiteen te jaag.
Stakende werkers van Sasolburg se Metsimaholo-munisipaliteit het amok gemaak, het die Vrystaatse polisie gesê.
“Die werkers het die munisipaliteitgebou Woensdag met klippe bestook,” het ‘n polisiewoordvoerder, ao. Sellwane Mapamela, gesê.
Betogers het die munisipaliteitgebou sowel as ‘n kliniek gevandaliseer.
Werkers van die munisipaliteit het dié week oor salarisse begin staak.
Intussen het minister van samewerkende regering, Pravin Gordhan gesê die onderneming dat alle munisipaliteite teen die einde van die jaar skoon oudits sal ontvang, is onrealisties.
Gordhan sê die interministeriële taakspan oor dienslewering sal eersdaags vergader om haalbare teikens te bespreek.
Hy het in Port Elizabeth gesê net bevoegde personeel in finansiële poste kan ‘n oplossing bied vir die huidige swak ouditresultate.
Operasie skoon oudit is verlede jaar deur die voormalige minister, Sicelo Shiceka geloods.
Ons het niks. Dan breek, steel, brand, verwoes, F-op alles wat daar nog is om ons te help sodat ons nog minder het as ons klaar is. Lekker logika die.
Dit is n bose kringloop, en ek het n vermoede dat dit gaan so handuitruk dan daar nie omdraai kans is nie. Dit is so jammer want dit raak meer mense as net die betogers. wat mens behoort te kon doen is om sulke fasiliteite te sluit en te sê goed julle wil dit nie hê nie so snork self op. Dieselfde met die skole. As hulle dit afbrand bad luck. nou moet julle maar maak wat julle wil. As julle die skool wil hê bou hom self met julle geld klaar.