Ek maak beswaar teen die opskrif “LUR se skok-plan vir skole” (Beeld, 16 Junie). Wat op aarde kan “skokkend” wees daaraan om voormalige model-C-skole met inrigtings in minder gegoede woonbuurte saam te smelt en die hoofskappe te transformeer?
Na my ervaring gee slegs ’n baie klein persentasie Afrikaners nog om vir ons kultuur, geskiedenis en die vryheidstrewe van ons voorouers.
’n Jaar of twee gelede het ek voor die grondwethof ’n soort eenmanbetoging gehou vir die reg van beheerrade om die taalbeleid van skole te bepaal.
Soos mev. Thatcher gesê het, het ek my in “ ’n minderheid van een” bevind en moes aanvaar dat die meerderheid Afrikaners of “Afrikaanses” of wat hulle hulself ook al deesdae noem, Amerikaanse waardes van “diversiteit” en multikulturele samesyn met ywer omhels het. Immers stem meer as 90% van Afrikaanssprekendes vir die DA, wat in sy handel en wandel daardie VS-ideaal van diversiteit uitleef, met leiers wat kopdoeke dra en veral saam dans.
Mnr. Panyaza Lesufi gaan nou bloot die beleid en beginsels toepas waarvoor die Afrikaanse pers, asook die DA-kiesers in verkiesing ná verkiesing smeek, met ander woorde groter transformasie en vermenging van tale, kulture en mense. Dis hoegenaamd nie “skokkend” nie; dis suiwer ’n logiese toepassing van die beginsels wat almal heelhartig ondersteun.
Dus, pleks dat Beeld so ’n reaksionêre opskrif by ’n berig plaas wat ’n volgende stap in ons Groot Samesyn aankondig, behoort daar eerder blydskap en opgewondenheid oor dié vooruitsig te heers! In elk geval het wyle minister Kader Asmal die Afrikaanse kampusse saamgesmelt en almal het die nuwe diverse, meestal Engelstalige kampusse verwelkom. Waarom sou dit vir skole anders wees?
Soos die LUR sê: Dis net ’n stereotipe dat die standaard van wiskunde in Alexandra of Diepsloot laer as in Waterkloof of Linden is. Boonop is dit ’n rassistiese stereotipe wat nou in die praktyk verkeerd bewys sal word as hoofde en leerkragte tussen skole uitgeruil gaan word en kinders insgelyks tussen skole in busse aangery word.
Die Afrikaner het sedert die 1990’s reeds triljoene rande se bates op ’n skinkbord prysgegee. Die totale waarde van die oorblywende Afrikaanse skole is seker nie veel meer as R50 miljard werd nie. ’n Bagatel waaroor niemand ’n traan sal stort nie.
Die voordele van diversiteit vir ’n kind se opvoeding het derduisende Amerikaanse opvoedkundiges al in proefskrifte en handboeke besing.
Prof. Jonathan Jansen sal dit kan beaam. As Beeld dit nie kan insien nie, skort daar iets.
Hierdie rubriek het ook as brief in vandag se Beeld verskyn.
Dok, hierdie rubriek tref my soos ‘n vuishou teen die voorkop !
Die brief is so ietwat sarkasties, maar dit grief my so dat mense maar net Gods water oor Gods akker laat loop, ook die skoolhoofde wat almal vir die Onderwysdept. wegkruip. As hulle sou saamstaan, kan almal tog nie afgedank word nie!
Hulle is net gepla oor hulle ou pensioengeldjies eendag, hulle rugby op saterdae en die bietjie aansien in die gemeenskap – verder voel meeste van hulle ‘n veer. (In elk geval die skoolhoofde met wie ek te doene gehad het al in my lewe – meeste was pienk en pro NP oorgawe)
Ek dink ons whitees moet ons kinders township skole toe stuur, hulle sal alles wit wees want die sprinkane sit in ons skole
Dit is asof daar ‘n tipe skisofrenie bestaan onder die “Afrikaanses”. Hulle is mal oor Mandela as hy oor Amerikaanse TV uitgesaai word en trek almal trots hulle kruisie vir die DA maar laat daardie heininkie tussen “Alexandra of Diepsloot… [en] Waterkloof of Linden” in die gedrang kom dan is die vrees (onderdrukte rassisme?) tasbaar… ai die mammoniete darem.
Dr Dan , dit is nou n RUBRIEK so na my hart. Ai dit is lekker om te sien daar is mense wat ook dink en voel soos ek.
Watse dekselse skynheiligheid is dit nou ewe skielik met die gekose opskrif. Dit laat my lag. Ek is bly u het dit ook in dieBeeld laat plaas.
Ek hoop regtig die maksimum van ons “kiesers” lees dit bietjie en gaan na hul binnekamers vir herondersoek van hulle gesindheid. Ek glo werklik daar is meer van ons jong leiers wat net so kordaat gaan optree in die onmiddelikke toekoms.
Ek hou juis vir Afriforum en Solidariteit dop, hulle laat die vonke spat, en spreek die probleme direk aan. Ek vermoed hulle is n geweldige doring in die opposisie partye se vlees. Lekker man.
Sou ek nou so iets gestuur het het sou hulle dit summier in lêer 13 geplaas het. Snipper papier.
Ek het dit ervaar toe ek iets baie mooi geskryf het oor Adv Madonsela, en dit na die Burger gestuur het. Dit was werklik n baie mooi brief, niks snedig of afbrekend nie. Hulle het dit nooit geplaas nie. Ander skrywes van my wat baie sterker en aanvallend bewoord was is wel geplaas.
Baie sinies maar baie waar.
Dis hartseer maar dis waar, alle skole universiteite ens stort in duie, ek is so bly my kinders is klaar en bekwaam en het hulle opvoedkundige kwalifikasies te besing
‘n Interessante voorstel en vir ‘n verandering iets konkreets.